TITUS
Black Yajur-Veda: Vaisnava-Dharmasutra
Part No. 30
Previous part

Chapter: 30 
Verse: 1    śrāvaṇyāṃ prauṣṭʰa-padyāṃ vā cʰandāṃsy upākr̥tya\_ardʰa-pañcamān māsān adʰīyīta\ //
Verse: 2    tatas teṣām utsargaṃ bahiḥ kuryāt\ //
Verse: 3    utsarjana-upākarmaṇor madʰye veda-aṅga-adʰyayanaṃ kuryāt\ //
Verse: 4    na_adʰīyīta\_aho-rātraṃ caturdaśy-aṣṭamīṣu ca //
Verse: 5    na_r̥tv-antara-graha-sūtake //
Verse: 6    na_indra-prayāṇe //
Verse: 7    na vāti caṇḍa-pavane //
Verse: 8    na_a-kāla-varṣa-vidyut-staniteṣu //
Verse: 9    na bʰū-kaṃpa-ulkā-pāta-dig-dāheṣu //
Verse: 10    na_antaḥ-śave grāme //
Verse: 11    na śāstra-saṃpāte //
Verse: 12    na śva-sr̥gāla-gardabʰa-nirhrādeṣu //
Verse: 13    na vāditra-śabde //
Verse: 14    na śūdra-patitayoḥ samīpe //
Verse: 15    na devatā-āyatana-śmaśāna-catuṣpatʰa-ratʰyāsu //
Verse: 16    na_udaka-antaḥ //
Verse: 17    na pīṭʰa-upahita-pādaḥ //
Verse: 18    na hasty-aśva-uṣṭra-nau-go-yāneṣu //
Verse: 19    na vāntaḥ //
Verse: 20    na viriktaḥ //
Verse: 21    na_a-jīrṇī //
Verse: 22    na pañca-nakʰa-antarā-gamane //
Verse: 23    na rāja-śrotriya-go-brāhmaṇa-vyasane //
Verse: 24    na_upākarmaṇi //
Verse: 25    na_utsarge //
Verse: 26    na sāma-dʰvanāv r̥g-yajuṣī //
Verse: 27    na_apara-rātram adʰītya\ śayīta\ //
Verse: 28    abʰiyukto_apy an-adʰyāyeṣv adʰyayanaṃ pariharet\ //
Verse: 29    yasmād an-adʰyāya-adʰītaṃ na_iha-amutra pʰala-pradam //
Verse: 30    tad-adʰyayanena_āyuṣaḥ kṣayo guru-śiṣyayoś ca //
Verse: 31    tasmād an-adʰyāya-varjaṃ guruṇā brahma-loka-kāmena vidyā sat-śiṣya-kṣetreṣu vaptavyā //
Verse: 32    śiṣyeṇa brahma-ārambʰa-avasānayor guroḥ pāda-upasaṃgrahaṇaṃ kāryam //
Verse: 33    praṇavaś ca vyāhartavyaḥ //
Verse: 34    tatra ca yad r̥co_adʰīte tena_asya_ājyena pitr̥̄ṇāṃ tr̥ptir bʰavati\ //
Verse: 35    yad yajūṃṣi tena madʰunā //
Verse: 36    yat sāmāni tena payasā //
Verse: 37    yad ātʰarvaṇaṃ tena māṃsena //
Verse: 38    yat purāṇa-itihāsa-veda-aṅga-dʰarma-śāstrāṇy adʰīte tena_asya_annena //
Verse: 39    yaś ca vidyām āsādya\_asmin loke tayā jīvet\, na sā tasya para-loke pʰala-pradā bʰavet\ //
Verse: 40    yaś ca vidyayā yaśaḥ pareṣāṃ hanti\ //
Verse: 41    an-anujñātaś ca_anyasmād adʰīyānān na vidyām ādadyāt\ //
Verse: 42    tad-ādānam asya brahma-steyaṃ narakāya bʰavati\ //


Verse: 43 
Halfverse: a    laukikaṃ vaidikaṃ vā_api tatʰā_adʰyātmikam eva vā /
Halfverse: c    ādadīta\ yato jñānaṃ na taṃ druhyet\ kadā-cana //

Verse: 44 
Halfverse: a    utpādaka-brahma-dātror garīyān brahma-daḥ pitā /
Halfverse: c    brahma-janma hi viprasya pretya\ ca_iha ca śāśvatam //

Verse: 45 
Halfverse: a    kāmān mātā pitā ca_enaṃ yad utpādayato mitʰaḥ /
Halfverse: c    saṃbʰūtiṃ tasya tāṃ vidyād\ yad yonāv iha jāyate\ //

Verse: 46 
Halfverse: a    ācāryas tv asya yāṃ jātiṃ vidʰi-vad veda-pāragaḥ /
Halfverse: c    utpādayati\ sāvitryā sā satyā sā_a-jarā_a-marā //

Verse: 47 
Halfverse: a    ya āvr̥ṇoty\ a-vitatʰena karṇāv a-duḥkʰaṃ kurvann a-mr̥taṃ saṃprayaccʰan /
Halfverse: c    taṃ manyeta\ pitaraṃ mātaraṃ ca tasmai na druhyet\ kr̥tam asya jānan //



Next part


This text is part of the TITUS edition of Black Yajur-Veda: Vaisnava-Dharmasutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.