TITUS
Black Yajur-Veda: Vaisnava-Dharmasutra
Part No. 71
Previous part

Chapter: 71 
Verse: 1    atʰa na kaṃ-cana_avamanyeta\ //
Verse: 2    na ca hīna-adʰika-aṅgān mūrkʰān dʰana-hīnān avahaset\ //
Verse: 3    na hīnān seveta\ //
Verse: 4    sva-adʰyāya-virodʰi karma na_ācaret\ //
Verse: 5    vayo_anurūpaṃ veṣaṃ kuryāt\ //
Verse: 6    śrutasya_abʰijanasya dʰanasya deśasya ca //
Verse: 7    na_uddʰataḥ //
Verse: 8    nityaṃ śāstra-ādy-avekṣī syāt\ //
Verse: 9    sati vibʰave na jīrṇa-malavad-vāsāḥ syāt\ //
Verse: 10    na na_asti\_ity abʰibʰāṣeta\ //
Verse: 11    na nir-gandʰa-ugra-gandʰi raktaṃ ca mālyaṃ bibʰr̥yāt\ //
Verse: 12    bibʰr̥yāj\ jala-jaṃ raktam api //
Verse: 13    yaṣṭiṃ ca vaiṇavīm //
Verse: 14    kamaṇḍaluṃ ca sa-udakam //
Verse: 15    kārpāsam upavītam //
Verse: 16    raukme ca kuṇḍale //
Verse: 17    na_ādityam udyantam īkṣeta\ //
Verse: 18    na_astaṃ yāntam //
Verse: 19    na vāsasā tirohitam //
Verse: 20    na ca_ādarśa-jala-madʰya-stʰam //
Verse: 21    na madʰya-ahne //
Verse: 22    na kruddʰasya guror mukʰam //
Verse: 23    na taila-udakayoḥ svāṃ cʰāyām //
Verse: 24    na malavaty ādarśe //
Verse: 25    na patnīṃ bʰojana-samaye //
Verse: 26    na striyaṃ nagnām //
Verse: 27    na kaṃ-cana mehamānam //
Verse: 28    na ca_ālāna-bʰraṣṭaṃ kuñjaram //
Verse: 29    na ca viṣama-stʰo vr̥ṣa-ādi-yuddʰam //
Verse: 30    na_unmattam //
Verse: 31    na mattam //
Verse: 32    na_amedʰyam agnau prakṣipet\ //
Verse: 33    na_asr̥k //
Verse: 34    na viṣam //
Verse: 35    ambʰasya_api //
Verse: 36    na_agniṃ laṅgʰayet\ //
Verse: 37    na pādau pratāpayet\ //
Verse: 38    na kuśeṣu parimr̥jyāt\ //
Verse: 39    na kāṃsya-bʰājane dʰāvayet\ //
Verse: 40    na pādaṃ pādena //
Verse: 41    na bʰuvam ālikʰet\ //
Verse: 42    na loṣṭa-mardī syāt\ //
Verse: 43    na tr̥ṇa-ccʰedī syāt\ //
Verse: 44    na dantair nakʰa-lomāni cʰindyāt\ //
Verse: 45    dyūtaṃ ca varjayet\ //
Verse: 46    bāla-ātapa-sevāṃ va //
Verse: 47    vastra-upānaha-mālya-upavītāny anya-dʰr̥tāni na dʰārayet\ //
Verse: 48    na śūdrāya matiṃ dadyāt\ //
Verse: 49    na_uccʰiṣṭa-haviṣī //
Verse: 50    na tilān //
Verse: 51    na ca_asya_upadiśed\ dʰarmam //
Verse: 52    na vratam //
Verse: 53    na saṃhatābʰyāṃ pāṇibʰyāṃ śira udaraṃ ca kaṇḍūyet\ //
Verse: 54    na dadʰi-sumanasī pratyācakṣīta\ //
Verse: 55    na_ātmanaḥ srajam apakarṣet\ //
Verse: 56    suptaṃ na prabodʰayet\ //
Verse: 57    na raktaṃ virāgayet\ //
Verse: 58    na_udakyām abʰibʰāṣeta\ //
Verse: 59    na mleccʰa-antya-jān //
Verse: 60    agni-deva-brāhmaṇa-saṃnidʰau dakṣiṇaṃ pāṇim uddʰaret\ //
Verse: 61    na para-kṣetre carantīṃ gām ācakṣīta\ //
Verse: 62    na pibantaṃ vatsakam //
Verse: 63    na_uddʰatān praharṣayet\ //
Verse: 64    na śūdra-rājye nivaset\ //
Verse: 65    na_adʰārmika-jana-ākīrṇe //
Verse: 66    na saṃvased\ vaidya-hīne //
Verse: 67    na_upasr̥ṣṭe //
Verse: 68    na ciraṃ parvate //
Verse: 69    na vr̥tʰā-ceṣṭāṃ kuryāt\ //
Verse: 70    na nr̥tya-gīte //
Verse: 71    na_āspʰoṭanam //
Verse: 72    na_a-ślīlaṃ kīrtayet\ //
Verse: 73    na_an-r̥tam //
Verse: 74    na_a-priyam //
Verse: 75    na kaṃ-cin marmaṇi spr̥śet\ //
Verse: 76    na_ātmānam avajānīyād\ dīrgʰam āyur jijīviṣuḥ //
Verse: 77    ciraṃ saṃdʰyā-upāsanaṃ kuryāt\ //
Verse: 78    na sarpa-śastraiḥ kr̥īḍet\ //
Verse: 79    a-nimittataḥ kʰāni na spr̥śet\ //
Verse: 80    parasya daṇḍaṃ na_udyaccʰet\ //
Verse: 81    śāsyaṃ śāsana-artʰaṃ tāḍayet\ //
Verse: 82    taṃ veṇu-dalena rajjvā vā pr̥ṣṭʰe //
Verse: 83    deva-brāhmaṇa-śāstra-mahā-ātmanāṃ parivādaṃ pariharet\ //
Verse: 84    dʰarma-viruddʰau ca_artʰa-kāmau //
Verse: 85    loka-vidviṣṭaṃ ca dʰarmam api //
Verse: 86    parvasu ca śānti-homān kuryāt\ //
Verse: 87    na tr̥ṇam api cʰindyāt\ //
Verse: 88    alaṃkr̥taś ca tiṣṭʰet\ //
Verse: 89    evam ācāra-sevī syāt\ //


Verse: 90 
Halfverse: a    śruti-smr̥ty-uditaṃ dʰarmyaṃ sādʰubʰiś ca niṣevitam /
Halfverse: c    tam ācāraṃ niṣeveta\ dʰarma-kāmo jita-indriyaḥ //

Verse: 91 
Halfverse: a    ācārāl labʰate\ ca_āyur ācārād īpsitāṃ gatim /
Halfverse: c    ācārād dʰanam akṣayyam ācārād dʰanty\ alakṣaṇam //

Verse: 92 
Halfverse: a    sarva-lakṣana-hīno_api yaḥ sad-ācāra-vān naraḥ /

Verse: 93 
Halfverse: c    śraddʰa-dʰāno_anasūyaś ca śataṃ varṣāṇi jīvati\ //



Next part


This text is part of the TITUS edition of Black Yajur-Veda: Vaisnava-Dharmasutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.