TITUS
Black Yajur-Veda: Hiranyakesi- / Satyasadha-Srautasutra
Part No. 13
Previous part

Patala: 5  
Khanda: 11  
Sutra: a     juhūpabʰr̥tāv adʰvaryur ādatte vedam̐ hotā sasruvām ājyastʰālīm āgnīdʰraḥ pratyañco yanti patnīḥ saṃyājayiṣyantaḥ /

Sutra: b     dakṣiṇena gārhapatyam adʰvaryur atikrāmaty uttareṇetarau /

Page: 221 
Sutra: c     agner vām apannagr̥hasya sadasi sādayāmi \\ iti kastambʰyām̐ srucau sādayati /

Sutra: d     dʰuri dʰuryau pātam iti dʰuroḥ prohati prohaṇam eke pūrvam̐ samāmananti /

Sutra: e     spʰye vā nirvapati spʰye vimucya /

Sutra: f     vimuktābʰyām apareṇa gārhapatyam upaviśya dʰvānenaiva srugbʰyāṃ patnīḥ saṃyājayanti /

Page: 222 
Sutra: g     vedaṃ copabʰr̥tya patnyām anvārabdʰāyām uttarārdʰe somaṃ yajati dakṣiṇārdʰe tvaṣṭāraṃ tāv antareṇetarā yajati /

Sutra: h     pariśrite 'pariśrite vā devānāṃ patnīr yajati /

Page: 223 
Sutra: i     apariśrite rākāṃ putrakāmo yajeta sinīvālīṃ paśukāmaḥ kuhūṃ puṣṭikāmaḥ /

Sutra: j     purastād devānāṃ patnībʰyo rākāsinīvālyāv eke samāmananti /

Sutra: k     agniṃ gr̥hapatim iṣṭvā saṃ patnī patyā sukr̥tena gaccʰatām \\ yajñasya yuktau dʰuryāva bʰūtām / \ saṃjānānau vijahatām arātīs \\ divi jyotir ajaram ārabʰetām iti sruveṇa gārhapatye saṃpatnīyaṃ juhoti patnyāṃ samanvārabdʰāyām /

Sutra: l     hotur aṅguliparvaṇī anakty aparam aṅktvātʰa pūrvam itaratʰā vā /

Page: 224 
Sutra: m     tat so 'vagʰrāya /

Sutra: n     apa upaspr̥śati /

Sutra: o     dakṣiṇe hotuḥ pāṇau catura ājyabindūn iḍām avadyati /

Sutra: p     ṣaḍ agnīdʰaḥ /

Sutra: q     upahvayate hotā /

Sutra: r     iḍām upahūyamānām adʰvaryur āgnīdʰraḥ //


Khanda: 12  
Sutra: a     patnī cānvārabʰante /

Sutra: b     upahūteyaṃ yajamāna \\ ity ucyamāne \\ upahūtā paśumaty asāni \\ iti japati /

Sutra: c     upahūtāṃ prāśnāti hotā /

Sutra: d     upahūto dyauḥ pitā \\ upa māṃ dyauḥ pitā hvayatām \ agnir āgnīdʰrād āyuṣe varcase jīvātvai puṇyāya \\ ity āgnīdʰraḥ prāśnāti \\ upahūtā pr̥tʰivī mātā \\ upa māṃ mātā pr̥tʰivī hvayatām \ agnir āgnīdʰrād āyuṣe varcase jīvātvai puṇyāya \\ iti vā /

Page: 225 
Sutra: e     prāśya tūṣṇīṃ mārjayate /

Sutra: f     iḍāntam̐ śaṃyvantaṃ vā /

Sutra: g     śaṃyvante vedāt tr̥ṇam apādāya tasya juhvām agram añjyāt sruve madʰyam upabʰr̥ty ājyastʰālyāṃ mūlam /

Sutra: h     tasya kalpo yaḥ prastarasya /

Page: 226 
Sutra: i     dakṣiṇāgnāv idʰmapravraścanāny abʰyādʰāya piṣṭalepapʰalīkaraṇahomau juhoti /

Sutra: j     caturgr̥hītājye pʰalīkaraṇān opya \\ agne 'dabdʰāyo iti juhoti /

Sutra: k     aparaṃ caturgr̥hītaṃ gr̥hītvā piṣṭalepam opya \\ ulūkʰale musale yac ca śūrpe \\ āśiśleṣa dr̥ṣadi yat kapāle / \ avapruṣo vipruṣaḥ saṃyajāmi \ viśve devā havir idaṃ juṣantām \\ yajñe yā vipruṣaḥ santi bahvīs \\ agnau tāḥ sarvāḥ sviṣṭāḥ suhutā juhomi \\ iti piṣṭalepaṃ juhoti /

Page: 227 
Sutra: l     piṣṭalepaṃ pūrvam eke samāmananti devo 'si \ vittir asi \\ iti vedam̐ hotā patnyai prayaccʰati /

Sutra: m     vedo 'si \ vedase tvā \ vedo me vinda \\ iti vā /

Sutra: n     gʰr̥tavantaṃ kulāyinam iti tam̐ somastʰe kr̥tvā /

Page: 228 
Sutra: o     asyate /

Sutra: p     hotāsyati /

Sutra: q     trir avasyatīty ekeṣām /

Sutra: r     nir dviṣantaṃ nir arātiṃ nuda \\ iti vedaṃ patnī nirasyate /

Sutra: s     imaṃ viṣyāmi \\ iti yoktrapāśaṃ niṣyate /

Page: 229 
Sutra: t     tasyāḥ sayoktre 'ñjalau pūrṇapātram ānayati /

Sutra: u     sam āyuṣā \\ ity ānīyamāne japati /

Sutra: v     tat sā ninīya mukʰaṃ vimr̥jya yatʰārtʰaṃ gaccʰati /

Sutra: w     gʰr̥tavantaṃ kulāyinam iti vedam̐ hotā str̥ṇann eti gārhapatyāt saṃtatam āhavanīyāt /

Khanda: 13  
Page: 230 
Sutra: a     yatʰetam adʰvaryur etya /

Sutra: b     yā sarasvatī yaśobʰagīnā tasyai te svāhā \ yā sarasvatī veśabʰagīnā tasyai te svāhā \\ iti sārasvatau homau hutvā /

Sutra: c     indro 'pānasya keha manaso veśān kuru sumanasaḥ sajātān svāhā /

Sutra: d     r̥ṣabʰaṃ vājinaṃ vayaṃ pūrṇamāsaṃ yajāmahe / \ sa no dohatām̐ suvīram \\ rāyaspoṣam̐ sahasriṇam \\ prāṇāya surādʰase pūrṇamāsāya svāhā \\ iti paurṇamāsyām / amāvāsyā subʰagā suśevā \ dʰenur iva bʰūya āpyāyamānā / \ sā no dohatām̐ suvīryam \\ rāyaspoṣam̐ sahasriṇam \ apānāya surādʰase 'māvāsyāyai svāhā \\ ity amāvāsyāyām̐ sruveṇa pārvaṇau homau juhoti /

Page: 231 
Sutra: e     purastāt sviṣṭakr̥ta eke samāmananti /

Sutra: f        daśa te tanuvo yajña yajñiyās \ tāḥ prīṇātu yajamāno gʰr̥tena / \ nāriṣṭʰayoḥ praśiṣam īḍamānas \\ devānāṃ daivye 'pi yajamāno 'mr̥to 'bʰūt /

Sutra: g        yaṃ vāṃ devā akalpayan \\ ūrjo bʰāgam̐ śatakratū / \ etad vāṃ tena prīṇāti * \ tena tr̥pyatām̐ * hahau /
      FN emended. Ed.: prīṇāni.
      FN emended. Ed.: tr̥pyatamam̐.

Sutra: h        ahaṃ devānām̐ sukr̥tām asmi loke \ mamedam iṣṭaṃ na mitʰur bʰavāti / \ ahaṃ nāriṣṭʰāv anuyajāmi vidvān \ yad ābʰyām indro adadʰād bʰāgadʰeyam /

Sutra: i        adārasr̥d bʰavata deva soma \\ asmin yajñe maruto mr̥ḍatā naḥ / \ mā no vidad abʰi bʰāmo aśastis \\ mā no vidad vr̥janā dveṣyā yā /

Sutra: j     brahma pratiṣṭʰā manaso brahma vācas \\ brahma yajñānām̐ haviṣām ājyasya / \ atiriktaṃ karmaṇo yac ca hīnam \\ yajñaḥ parvāṇi pratirann eti kalpayan \ svāhākr̥tāhutir etu devān / \ saṃ te manasā manas \\ saṃ prāṇe prāṇaṃ dadʰāmi te \ saṃ vyāne sam apānaṃ dadʰāmi te / \ parigr̥hya yajamāno 'mr̥to 'bʰūt \\ śaṃ na edʰi dvipade śaṃ catuṣpade svāhā \\ iti nāriṣṭʰāñ juhoti //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.