TITUS
Black Yajur-Veda: Hiranyakesi- / Satyasadha-Srautasutra
Part No. 14
Previous part

Patala: 6  
Khanda: 14  
Page: 232 
Sutra: a     iṣṭebʰyaḥ svāhā vaṣaḍ aniṣṭebʰyaḥ svāhā \ bʰeṣajaṃ duriṣṭyai svāhā \ niṣkr̥tyai svāhā \ nirr̥tyai svāhā \ daurārdʰyai svāhā \ daivībʰyas tanūbʰyaḥ svāhā \\ r̥dʰyai svāhā \ samr̥ddʰyai svāhā /

Sutra: b     ayāś cāgne 'sy anabʰiśastīś ca \ satyam it tvam ayā asi / \ ayasā manasā dʰr̥tas \\ ayasā havyam ūhiṣe \\ ayā no dʰehi bʰeṣajam̐ svāhā \\ imaṃ me varuṇa \ tat tvā yāmi \ tvaṃ no agne \ sa tvaṃ no agne \ tvam agne ayāsi \ prajāpate bʰūr bʰuvaḥ suvar iti vyāhr̥tibʰir juhoty ekaikaśaḥ samastābʰiś ca /

Sutra: c     āśrāvitam atyāśrāvitam \\ vaṣaṭkr̥tam atyanūktaṃ ca yajñe / \ atiriktaṃ karmaṇo yac ca hīnam \\ yajñaḥ parvāṇi pratirann eti kalpayan \ svāhākr̥tāhutir etu devān /

Sutra: d     anājñātaṃ yad ājñātam \\ yajñasya kriyate mitʰu / \ agne tad asya kalpaya \ tvam̐ hi vettʰa yatʰātatʰam \\ svāhākr̥tāhutir etu devān /

Page: 233 
Sutra: e     atiriktaṃ nyūne juhomi \ nyūnam atirikte juhomi / \ samam̐ same juhomi \ svāhākr̥tāhutir etu devān /

Sutra: f     yad akarma yan nākarma \ yad atyagāma yan nātyagām \ yad atyarīricāma yan nātyarīricāma / \ tat tvaṃ viṣṇo yajñe yajñaṃ pratiṣṭʰāpaya \ svāhākr̥tāhutir etu devān /

Sutra: g     yat pramattāntaragāma kiṃcid asmin yajñe \ mantrataḥ karmato vā / \ anayāhutyā tac cʰamayāmi sarvam \\ tr̥pyantu devā haviṣo gʰr̥tasya \ svāhākr̥tāhutir etu devān /

Sutra: h     brahma pratiṣṭʰā manasas \\ ity eṣā /

Sutra: i     tataṃ ma āpas tad u tāyate punaḥ \ svādiṣṭʰā dʰītir ucatʰāya śasyate / \ ayam̐ samudra uta viśvabʰeṣajas \\ svāhākr̥tasya sam u tr̥pṇutarbʰuvaḥ /

Sutra: j     ud vayaṃ tamasas pari \\ ud u tyam \\ citram /

Sutra: k     yad vo devā atipādayāni \ vācā cit prayataṃ devaheḍanam / \ arāyo asmām̐ abʰiduccʰunāyate \\ anyatrāsman marutas taṃ nidʰetana /

Sutra: l     yata indra bʰayāmahe \ tato no abʰayaṃ kr̥dʰi / \ magʰavañ cʰagdʰi tava tan na ūtaye \ vidviṣo vimr̥dʰo jahi /

Sutra: m     svastidā * viśas patis \\ vr̥trahā vimr̥dʰo vaśī / \ vr̥ṣendraḥ pura etu naḥ \ svastidā abʰayaṃkaraḥ /
      FN emended. Ed.: stastidā.

Page: 234 
Sutra: n     ava te heḍas \\ ud uttamam /

Sutra: o     puruṣasaṃmito yajñas \\ yajñaḥ puruṣasaṃmitaḥ / \ agne tad asya kalpaya \ tvam̐ hi vettʰa yatʰātatʰam \\ svāhākr̥tāhutir etu devān /

Sutra: p     yat pākatrā manasā dīnadakṣās \\ na yajñasya manvate martyāsaḥ * / \ agniṣ ṭad dʰotā kratuvid vijānan \ yajiṣṭʰo devām̐ r̥tuśo yajāti /
      FN emended. Ed.: marttāsaḥ.

Sutra: q     svāhā \\ iti juhvāhavanīye 'dʰvaryuḥ //


Khanda: 15  
Sutra: a     sarvaprāyaścittāni juhoti /

Sutra: b     dʰruvām āpyāyya /

Sutra: c     devā gātuvidas \\ ity antarvedy ūrdʰvas tiṣṭʰan dʰruvayāhavanīye trīṇi samiṣṭayajūm̐ṣi juhoti /

Page: 235 
Sutra: d     ekaṃ dve trīṇi vā saṃtatam /

Sutra: e     vigrāhaṃ vā /

Sutra: f     dveṣyasya nyañcaṃ viccʰinatti vā /

Page: 236 
Sutra: g     yaṃ kāmayeta pramāyukaḥ syād iti jihmas tiṣṭʰañ juhuyāt /

Sutra: h     madʰyame svāhākāre barhir anupraharati /

Sutra: i     barhirmuṣṭiṃ vā /

Sutra: j     hute vānupraharati /

Sutra: k     prahr̥tya vābʰijuhuyāt /

Sutra: l     yadi yajamānaḥ pravaset prajāpater vibʰān nāma lokas \\ iti dʰruvāyāṃ yajamānabʰāgam avadʰāya saha samiṣṭayajuṣā juhuyāt /

Sutra: m     abʰistr̥ṇīhi paridʰehi vedim \\ jāmiṃ mā him̐sīr amuyā śayānā / \ hotr̥ṣadanā haritāḥ suvarṇās \\ niṣkā ime yajamānasya bradʰne \\ iti hotr̥ṣadanair vedim abʰistr̥ṇāti /

Sutra: n     poṣāya vas \\ ity agreṇāhavanīyaṃ praṇītāḥ paryāhr̥tya yo vo 'yaukṣīt sa vo vimuñcatu \\ ity antarvedi vimuñcati /

Page: 237 
Sutra: o     yaṃ devā manuṣyeṣu \\ upaveṣam adʰārayan / \ ye asmadapacetasas \ tān asmabʰyam ihā kuru / \ upaveṣopaviḍḍʰi naḥ \ prajāṃ puṣṭim atʰo dʰanam / \ dvipado naś catuṣpadas \\ dʰruvān anapagān kuru \\ ity upaveṣam ādāya /

Sutra: p     yopaveṣe śuk sāmum r̥ccʰatu yaṃ dviṣmas \\ ity utkare nikʰanen nirasyed vā /

Sutra: q     nir amuṃ nuda okasaḥ \ sapatno yaḥ pr̥tanyati / \ nirbādʰyena haviṣā \\ indra eṇaṃ parāśarīt / \ ihi tisraḥ parāvatas \\ ihi pañcajanām̐ ati / \ ihi tisro 'ti rocanās \\ yāvat sūryo asad divi / \ paramāṃ tvā parāvatam \ indro nayatu vr̥trahā / \ yato na punar āyasi \ śaśvatībʰyaḥ samābʰyaḥ / \ hato 'sau \\ avadʰiṣmāmum iti yaṃ dveṣṭi tasya vadʰaṃ manasā dʰyāyati \\ avasr̥ṣṭaḥ parāpata \ śaro brahmasam̐śitas \\ iti vāpa upaspr̥śya /

Sutra: r     kas tvā yunakti sā tvā vimuñcatu \\ iti yajñaṃ vimuñcati /

Sutra: s     sarvam anuvīkṣate /

Sutra: t     yāni gʰarme * kapālāni \\ iti kapālāni /
      FN emended. Ed.: dʰarme.

Sutra: u     sam̐stʰitāyāṃ paurṇamāsyām //

Khanda: 16  
Sutra: a     vaimr̥dʰasya tantraṃ prakramayati /

Page: 238 
Sutra: b     tasyaindrāgnena kalpo vyākʰyātaḥ /

Sutra: c     pañcadaśa sāmidʰenyaḥ saptadaśa vā /

Sutra: d     nirvapaṇakāla indrāya vaimr̥dʰāya prabʰūtān vrīhīn nirvapati /

Page: 239 
Sutra: e     dakṣiṇākāle yatʰāśakti dakṣiṇāṃ dadāti /

Sutra: f     tatra yātʰākāmī prakrame /

Sutra: g     prakramāt tu niyamyate /

Sutra: h     darśapūrṇamāsayoḥ kāmyān kalpān vyākʰyāsyāmaḥ /

Sutra: i     anena darśapūrṇamāsābʰyām r̥ddʰikāmo yajeta /

Sutra: j     dve paurṇamāsyau yajeta dve amāvāsye /

Page: 240 
Sutra: k     yaḥ kāmayetardʰnuyām ity ekeṣāṃ paurṇamāsīm eva yajeta /

Sutra: l     bʰrātr̥vyavān nāmāvāsyāṃ dvyavarārdʰyaṃ tryavarārdʰyaṃ vā yajeta saṃkrāmesaṃkrāme vajraṃ bʰrātr̥vyāya praharati /

Sutra: m     agnīṣomīyāṇi pradʰānāni syur bʰrātr̥vyavato 'bʰicaratas titīriṣato vā /

Page: 241 
Sutra: n     sākaṃprastʰāyīyena paśukāmo yajeta /

Sutra: o     bahavaḥ sāyaṃdohā bʰavanti bahavaḥ prātardohās tair anantaraṃ dohād yajate /

Page: 242 
Sutra: p     api vā yatʰāmāvāsyāyām̐ havir duhanty evaṃ dugdʰvātacya nidadʰyād yat prātaḥ syāt tac cʰr̥taṃ kuryāt pātrasam̐sādanakāle yatʰārtʰaṃ pātrāṇi prayunakti juhum̐ś caudumbarān mahataś camasām̐s teṣāṃ juhvā kalpo vyākʰyātaḥ /

Sutra: q     pracaryāgneyena puroḍāśenāgnīdʰre srucau nidʰāya saha kumbʰībʰir atikrāmann āha \\ indrāyānubrūhi \\ āśrāvaya \\ indraṃ yaja \\ iti yāvatyaḥ kumbʰyaḥ syus tāvanto brāhmaṇā dakṣiṇata upavītina upottiṣṭʰeyur dārupātrāṇy ādāya teṣu kumbʰīr ānīya sarve yugapaj juhvaty adʰvaryor āhutim anujuhvati /

Sutra: r     dākṣāyaṇayajñena suvargakāmo yajeta /

Page: 243 
Sutra: s     dve paurṇamāsyau bʰavato dve amāvāsye /

Sutra: t     āgneyo 'ṣṭākapālo 'gnīṣomīya ekādaśakapālaḥ pūrvasyāṃ paurṇamāsyām āgneyo 'ṣṭākapāla aindraṃ dadʰy uttarasyām āgneyo 'ṣṭākapāla aindrāgna ekādaśakapālaḥ pūrvasyām amāvāsyāyām āgneyo 'ṣṭākapālo maitrāvaruṇy āmikṣottarasyām /

Page: 244 
Sutra: u     tasyaitad vrataṃ nānr̥taṃ vaden na mām̐sam aśnīyān na striyam upeyān nāsya palpūlanena vāsaḥ palpūlayeyur nāñjīta nābʰyañjītartau jāyām upeyāt /

Sutra: v     so 'yaṃ darśapūrṇamasayor ādito vikalpo 'nena darśapūrṇamāsābʰyāṃ vā yajeta /

Sutra: w     tena pañcadaśa varṣāṇīṣṭvotsr̥jati darśapūrṇamāsau //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.