TITUS
Black Yajur-Veda: Hiranyakesi- / Satyasadha-Srautasutra
Part No. 18
Previous part

Patala: 2  
Khanda: 2  
Page: 293 
Sutra: a     agnīn ādʰāsyamānasya yo aśvattʰaḥ śamīgarbʰas \ āruroha tve sacā / \ taṃ te harāmi brahmaṇā \ yajñiyaiḥ ketubʰiḥ saha \\ ity aśvattʰasya śamīgarbʰasyāraṇī uddʰarati /

Page: 294 
Sutra: b     api vāśvattʰād evoddʰared iyaṃ vai śamī tasyā eṣa garbʰo yad aśvattʰa iti vijñāyate /

Sutra: c     aśvattʰād dʰavyavāhād dʰi jātām \ agnes tanūṃ yajñiyām̐ saṃbʰarāmi / \ śāntayonim̐ śamīgarbʰam \ agnaye prajanayitave \\ iti saṃbʰarati \\ āyur mayi dʰattām āyur yajamāne \\ iti saṃbʰr̥te abʰimantrayate /

Sutra: d     kr̥ttikā rohiṇī mr̥gaśīrṣaṃ punarvasū pʰalgunyau hastaś citrā viśākʰe anūrādʰāḥ śroṇā proṣṭʰapadāś cottare 'gnyādʰeyanakṣatrāṇi kr̥ttikā brāhmaṇasyottare pʰalgunyau citrā ca rājanyasyāviśiṣṭānītareṣām /

Sutra: e     sarveṣāṃ tu kāmyāni /

Page: 295 
Sutra: f     kr̥ttikāsv agnim ādadʰīta yaḥ kāmayeta mukʰyo brahmavarcasī syām /

Sutra: g     kāmaṃ tu me 'gnir gr̥hān dāhuko 'stv iti /

Sutra: h     rohiṇyāṃ yaḥ kāmayeta sarvān rohān rohayeyam iti /

Sutra: i     mr̥gaśirasi yaḥ kāmayeta śrīmān syām iti /

Sutra: j     yaḥ purā bʰadraḥ san pāpīyān syāt sa punarvasvoḥ /

Sutra: k     yaḥ kāmayeta dānakāmā me prajāḥ syur iti sa pūrvayoḥ pʰalgunyoḥ /

Sutra: l     yaḥ kāmayeta bʰagī syām iti sa uttarayoḥ /

Sutra: m     viparītam eke samāmananti /

Sutra: n     haste yaḥ kāmayeta pra me dīyeteti /

Sutra: o     citrāyāṃ bʰrātr̥vyavān /

Sutra: p     viśākʰayoḥ prajākāmaḥ /

Page: 296 
Sutra: q     anūrādʰeṣv r̥ddʰikāmaḥ /

Sutra: r     śroṇāyāṃ puṣṭikāmaḥ /

Sutra: s     proṣṭʰapadeṣu brahmavarcasakāmaḥ /

Sutra: t     sūryanakṣatre vā /

Sutra: u     atʰo kʰalu yadaivaitam̐ śraddʰopanamet tad ādadʰīta //

Khanda: 3  
Sutra: a     vasanto brāhmaṇasyādʰānakālaḥ /

Sutra: b     grīṣmo hemantaś ca rājanyasya /

Sutra: c     varṣā ratʰakārasya /

Sutra: d     śarad vaiśyasya /

Sutra: e     sarveṣām̐ śiśiraḥ /

Sutra: f     amāvāsyāyāṃ paurṇamāsyām āpūryamāṇapakṣe vā /

Page: 297 
Sutra: g     puṇye nakṣatre /

Sutra: h     yatra trīṇi saṃnipatitāny r̥tur nakṣatraṃ parva tat samr̥ddʰam /

Sutra: i     vipratiṣedʰa r̥tur nakṣatraṃ ca balīyaḥ /

Sutra: j     somena yakṣyamāṇa ādadʰāno nartuṃ na nakṣatram̐ sūrkṣed ity ekeṣām /

Sutra: k     prācīnam udīcīnaṃ vodavasāya śālīno 'gnīn ādadʰīta prācīnapravaṇe devayajane /

Page: 298 
Sutra: l     gr̥heṣu yāyāvaraḥ /

Sutra: m     udīcīnavam̐śā śālā /

Sutra: n     tasyāḥ pūrveṇa madʰyamaṃ vam̐śam adʰivr̥kṣasūrya aupāsanād brāhmaudanikam ādadʰāti /

Page: 299 
Sutra: o     niśāyāṃ brahmaudanaṃ catuḥśarāvaṃ nirvapati /

Page: 300 
Sutra: p     rohite carmaṇi pājake vā /

Sutra: q     devasya tvā savituḥ prasave 'śvinor bāhubʰyāṃ pūṣṇo hastābʰyāṃ brahmaṇe prāṇāya juṣṭaṃ nirvapāmi \ brahmaṇe 'pānāya * \ brahmaṇe vyānāya * \ brahmaṇe * \\ iti caturtʰam /
      FN replacing part of brahmaṇe prāṇāya in devasya tvā savituḥ prasave 'śvinor bāhubʰyāṃ pūṣṇo hastābʰyāṃ brahmaṇe prāṇāya juṣṭaṃ nirvapāmi.
      FN replacing part of brahmaṇe prāṇāya in devasya tvā savituḥ prasave 'śvinor bāhubʰyāṃ pūṣṇo hastābʰyāṃ brahmaṇe prāṇāya juṣṭaṃ nirvapāmi.
      FN replacing part of brahmaṇe prāṇāya in devasya tvā savituḥ prasave 'śvinor bāhubʰyāṃ pūṣṇo hastābʰyāṃ brahmaṇe prāṇāya juṣṭaṃ nirvapāmi.

Sutra: r     avahatya payasi carum̐ śrapayati /

Sutra: s     caturṣu vodapātreṣu /

Sutra: t     na nirṇenekti /

Sutra: u     nāvasiñcati /

Page: 301 
Sutra: v     śrapayitvābʰigʰāryodvāsya /

Sutra: w     pra vedʰase kavaye medʰyāya \ vaco vandāru vr̥ṣabʰāya vr̥ṣṇe / \ yato bʰayam abʰayaṃ tan no astu \\ ava devān yaje heḍyān iti juhoti /

Sutra: x     abʰimantrayate vā /

Sutra: y     taṃ caturdʰā vyuddʰr̥tya prabʰūtena sarpiṣopasicya /

Sutra: z     stʰālyām̐ sarpiḥśeṣam ānayati /

Sutra: aa     anuccʰindann iva caturbʰya ārṣeyebʰya r̥tvigbʰya upohati /

Sutra: ab     prośitavatsu /

Page: 302 
Sutra: ac     yaḥ stʰālyām̐ śeṣas tasminn ārdrāḥ sapalāśāḥ //


Khanda: 4  
Sutra: a     stibʰikavatīr astibʰikā vā prādeśamātrīr lakṣaṇyasyāśvattʰasya tisraḥ samidʰo 'nakti /

Sutra: b     citriyād aśvattʰāt saṃbʰr̥tā br̥hatyaḥ \ śarīram abʰisam̐skr̥tāḥ stʰa / \ prajāpatinā yajñamukʰena saṃmitās \ tisras trivr̥dbʰir mitʰunāḥ prajātyai \\ ity abʰimantrya /

Sutra: c     brāhmaudanika ādadʰāti /

Sutra: d     pra vo vājā abʰidyavas \\ haviṣmanto gʰr̥tācyā / \ devāñ jigāti sumnayuḥ / \ upa tvā juhvo mama \ gʰr̥tācīr yantu haryata \ agne havyā juṣasva naḥ / \ ud agne tava tad gʰr̥tāt \\ arcī rocata āhutam / \ nim̐sānaṃ juhvo mukʰe \\ iti tisr̥bʰir gāyatrībʰir brāhmaṇasya /

Sutra: e     samidʰāgniṃ duvasyata \\ ity eṣā / upa tvāgne haviṣmatīs \\ gʰr̥tācīr yantu haryata / \ juṣasva samidʰo mama / \ taṃ tvā samidbʰir aṅgiras \ gʰr̥tena vardʰayāmasi / \ br̥hac cʰocā yaviṣṭʰya \\ iti vā /

Sutra: f     samidʰyamānaḥ pratʰamo nu dʰarmaḥ \ sam aktubʰir ajyate viśvavāraḥ / \ śociṣkeśo gʰr̥tanirṇik pāvakaḥ \ suyajño agnir yajatʰāya devān / \ gʰr̥tapratīko gʰr̥tayonir agnis \\ gʰr̥taiḥ samiddʰo gʰr̥tam asyānnam / \ gʰr̥tapruṣas tvā sarito vahanti \ gʰr̥taṃ piban suyajā yakṣi devān / \ āyurdā agne \\ iti triṣṭugbʰī rājyayasya * /
      FN emended. Ed.: rājyanyasya.

Page: 303 
Sutra: g     tvām agne samidʰānaṃ yaviṣṭʰa \ devā dūtaṃ cakrire havyavāham / \ urujrayasaṃ gʰr̥tayonim āhutam \\ tveṣaṃ cakṣur dadʰire codayanvati / \ tvām agne pradiva āhutaṃ gʰr̥tena \ sumnāyavaḥ suṣamidʰā samīdʰīre / \ sa vāvr̥dʰāna oṣadʰībʰir ukṣitas \\ uru jrayām̐si pārtʰivā vitiṣṭʰase / \ gʰr̥tapratīkaṃ va r̥tasya dʰūrṣadam \ agniṃ mitraṃ na samidʰāna r̥ñjate / \ indʰāno akro vidatʰeṣu dīdyat \\ śukravarṇām ud u no yam̐sate dʰiyam iti jagatībʰir vaiśyasya /

Sutra: h     dʰārayati brāhmaudanikam /

Sutra: i     saṃvatsaram r̥tuṃ dvādaśāhaṃ caturahaṃ tryahaṃ dvyaham ekāhaṃ vā /

Sutra: j     prayātyanugate caivaṃ vihitaṃ brahmaudanaṃ paktvaitāḥ samidʰo 'bʰyajyādadʰyāt /

Sutra: k     yady enam̐ saṃvatsare 'gnyādʰeyaṃ nopanamed evaṃ vihitaṃ brahmaudanaṃ paktvaitāḥ samidʰo 'bʰyajyādʰāya yadā śaknoty atʰādʰatte /

Sutra: l     śva ādʰāsyamāno brahmaudanaṃ pacati /

Sutra: m     nānr̥taṃ vadati na mām̐sam aśnāti na striyam upaiti / prajā agne saṃvāsaya \\ āśāś ca paśubʰiḥ saha / \ rāṣṭrāṇy asmā ādʰehi \ yāny āsan savituḥ save \\ iti gārhapatyāyatane kalmāṣam ajaṃ badʰnāti śilpair etām̐ rātriṃ yajamānaṃ jāgarayanti //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.