TITUS
Black Yajur-Veda: Hiranyakesi- / Satyasadha-Srautasutra
Part No. 19
Previous part

Patala: 3  
Khanda: 5  
Page: 304 
Sutra: a     tataḥ saṃbʰārān āharati vaiśvānarasya rūpam ity etair yatʰārūpam /

Page: 305 
Sutra: b     jātavedo bʰuvanasya retas \\ iha siñca tapaso yaj janiṣyate / \ agnim aśvattʰād adʰi havyavāham \\ śamīgarbʰāj janayan yo mayobʰūḥ / \ ayaṃ te yonir r̥tviyas \\ iti dvābʰyāṃ brāhmaudanika upavyuṣam araṇī niṣṭapati /

Sutra: c     dohyā ca te dugdʰabʰr̥c corvarī \ te te bʰāgadʰeyaṃ prayaccʰāmi \ tābʰyāṃ tvādadʰe \\ ity araṇī yajamānāya prayaccʰati /

Sutra: d     agnī rakṣām̐si sedʰati \ śukraśocir amartyaḥ / \ śuciḥ pāvaka īḍyas \\ ity abʰimantryānugamayati brāhmaudanikam /

Sutra: e     prācīnaṃ brāhmaudanikād gārhapatyāyatanam uddʰanti /

Sutra: f     uddʰanyamānam asyā amedʰyam \ apa pāpmānaṃ yajamānasya hantu / \ śivā naḥ santu pradiśaś catasraḥ \ śaṃ no mātā pr̥tʰivī tokasātā \\ iti /

Sutra: g     dakṣiṇataḥ purastād vitr̥tīyadeśe nedīyāsi gārhapatyasya dakṣiṇāgner āyatanam /

Page: 306 
Sutra: h     prācīnaṃ gārhapatyāyatanād āhavanīyāyatanam uddʰanti bāhyata itarayoḥ /

Sutra: i     dvādaśasu vikrāmeṣv agnim ādadʰītety aviśeṣeṇa śrūyate /

Sutra: j     aṣṭāsu brāhmaṇasyaikādaśasu rājanyasya dvādaśasu vaiśyasya /

Sutra: k     caturvim̐śatir aparimitaṃ ca sādʰāraṇe /

Sutra: l     cakṣuṣā prakramān pramimīteti vijñāyate /

Sutra: m     prācīnam āhavanīyāt sabʰā tatra sabʰyasya prācīnam āvasatʰaḥ sabʰāyās tatrāvasatʰyasya /

Sutra: n     evam anupūrvāṇy eṣāṃ karmāṇi kriyante /

Page: 307 
Sutra: o     śaṃ no devīr abʰiṣṭaye \\ āpo bʰavantu pītaye / \ śaṃ yor abʰisravantu nas \\ ity adbʰir avokṣati /

Sutra: p     ud vayaṃ tamasas pari \\ ud u tyam \\ citram ity atra kʰarahomān eke samāmananti //

Khanda: 6  
Sutra: a     upakl̥ptāḥ saṃbʰārāḥ pañca pārtʰivāḥ sapta vā /

Sutra: b     evaṃ vānaspatyāḥ /

Sutra: c     teṣām ekaikaṃ dvaidʰaṃ vibʰajya /

Sutra: d     gārhapatyadakṣiṇāgnyor nivapati /

Sutra: e     ardʰām̐s traidʰaṃ kr̥tvā pūrveṣu /

Sutra: f     agner bʰasmāsi \\ iti sikatā nivapati /

Sutra: g     saṃjñānam asi kāmadʰaraṇam ity ūṣān /

Sutra: h     tān nivapan yad adaś candramasi kr̥ṣṇaṃ tad ihāstu \\ iti manasā dʰyāyati /

Sutra: i     udehy agne adʰi mātuḥ pr̥tʰivyās \\ viśa āviśa mahataḥ sadʰastʰāt / \ āśuṃ tvā yo dadʰire devayantas \\ havyavāhaṃ bʰuvanasya gopām ity ākʰūtkaram /

Page: 308 
Sutra: j     yat pr̥tʰivyā anāmr̥tam \\ saṃbabʰūva tve sacā / \ tad agnir agnaye 'dadāt \ tasminn ādʰīyatām ayam iti gārhapatyāyatane valmīkavapāṃ nidadʰāti /

Sutra: k     yad antarikṣasyānāmr̥tam iti dakṣiṇāgnes \\ yad divo 'nāmr̥tam ity āhavanīyasya /

Sutra: l     tūṣṇīm itarayoḥ /

Sutra: m     ut samudrān madʰumām̐ ūrmir āgāt \ sāmrājyāya pratarāṃ dadʰānāḥ / \ amī ca ye magʰavāno vayaṃ ca \\ iṣam ūrjaṃ madʰumat saṃbʰarema \\ iti sūdam /

Sutra: n     iyaty agra āsīs \\ iti varāhavihatam /

Sutra: o     ado devī pratʰamānā pr̥tʰag yat \\ devair nyuptā vyasarpo mahitvā / \ adr̥m̐hatʰāḥ śarkarābʰis triviṣṭapi \\ ajayo lokān pradiśaś catasras \\ iti śarkarās tā nivapan yaṃ dveṣṭi tasya vadʰaṃ manasā dʰyāyati /

Sutra: p     lauhāny audumbarāṇi pārtʰivānāṃ vikalpārtʰāni bʰavanti /

Sutra: q     yās te śivās tanuvo jātavedas \\ yā antarikṣa uta pārtʰivīr yāḥ / \ tābʰiḥ saṃbʰūya sagaṇaḥ sajoṣās \\ hiraṇyayonir vaha havyam agne \\ ity uttarataḥ saṃbʰārāṇām̐ suvarṇam̐ hiraṇyam upāsyati /

Page: 309 
Sutra: r     atiprayaccʰati rajataṃ dveṣyāya yadi dveṣyaṃ na vinden nirasyen nopāsya punar ādadīta //

Khanda: 7  
Sutra: a     candram agniṃ candraratʰam̐ harivrataṃ \ vaiśvānaram apsuṣadam̐ suvarvidam / \ vigāhaṃ tūrṇiṃ taviṣībʰir āvr̥tam \\ bʰūrṇiṃ devāsa iha * suśriyaṃ dadʰus \\ ity upāstam anumantaraye /
      FN emended. Ed.: hai.

Sutra: b     puṣkaraparṇa udumbaraḥ śamī vikaṅkato 'śvattʰo 'śanihato vr̥kṣaḥ palāśaś ca /

Sutra: c     api vā ye 'nye puṣkaraparṇād vikaṅkatāc ceti vānaspatyās tān itaḥ pratʰamaṃ jajñe agnis \\ iti sakr̥d evaikaikasmin nivapati /

Sutra: d     saṃ yā vaḥ priyās tanuvas \\ ity ūṣān sikatāś ca sam̐sr̥jati /

Sutra: e     saṃ vaḥ sr̥jāmi hr̥dayāni \ sam̐sr̥ṣṭaṃ mano astu vaḥ / \ sam̐sr̥ṣṭaḥ prāṇo astu vas \\ iti sarvān saṃbʰārān sam̐sr̥jati /

Sutra: f     r̥tam̐ str̥ṇāmi purīṣaṃ pr̥tʰivyām \ r̥te 'dʰy agnim ādadʰe \ satye 'dʰy agnim ādadʰe \ divas tvā vīryeṇa pr̥tʰivyai mahimnā / antarikṣasya poṣeṇa sarvapaśum ādadʰe \\ iti sam̐sr̥ṣṭān kalpayati /

Page: 310 
Sutra: g     udyatsu raśmiṣv apodūhya brāhmaudanikasya bʰasma /

Sutra: h     daśahotrāraṇī saṃnidʰāya /

Sutra: i     sahāgne 'gninā jāyasva saha prajayā saha rayyā saha puṣṭyā saha paśubʰiḥ saha brahmavarcasena \\ ity atrāgniṃ mantʰaty upatiṣṭʰaty aśve /

Sutra: j     matʰyamāne 'gnau caturhotr̥̄n yajamānaṃ vācayati /

Sutra: k     agann agnis \\ hotā pūrvaḥ pūrvebʰyaḥ pavamānaḥ pāvakaḥ śucir īḍyas \\ iti jātam agnim anumantrayate /

Page: 311 
Sutra: l     ajījanann amr̥taṃ martyāsas \\ asremāṇaṃ taraṇiṃ vīḍujambʰam / \ daśa svasāro agruvaḥ samīcīḥ \ pumām̐saṃ jātam abʰisam̐rabʰantām iti jātaṃ parigr̥hṇāti //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.