TITUS
Black Yajur-Veda: Hiranyakesi- / Satyasadha-Srautasutra
Part No. 20
Previous part

Patala: 4  
Khanda: 8  
Sutra: a     tam ādāya pratʰamābʰyāṃ vyāhr̥tībʰyāṃ yatʰarṣy ādʰānena pratʰamābʰyām̐ sārparājñībʰyāṃ pratʰamena ca gʰarmaśirasā prāṇe tvāmr̥tam ādadʰāmy annādam annādyāya goptāraṃ guptyai / \ agne gr̥hapate pariṣadya divaḥ pr̥tʰivyāḥ pary antarikṣāl lokaṃ vinda yajamānāya \ pr̥tʰivyās tvā mūrdʰan sīda yajñiye loke \ yo no agne niṣṭyo yo niṣṭyo 'bʰidāsatīdam ahaṃ taṃ tvayābʰinidadʰāmi \\ iti gārhapatyāyatane saṃbʰāreṣu pratiṣṭʰāpayati /

Page: 312 
Sutra: b     ratʰaṃtare gīyamāne naktaṃ gārhapatyam ādadʰāti divāhavanīyam ardʰodite sūrya āhavanīyam ādadʰāti purodayam udite vā /

Sutra: c     sarvān udite brahmavarcasakāmasya /

Sutra: d     bʰūr bʰuvaḥ suvar iti vyāhr̥tayaḥ /

Sutra: e     bʰr̥gūṇāṃ tvā devānāṃ vratapate vratenādadʰāmi iti yatʰarṣyādʰānaṃ bʰārgavasya /

Sutra: f     aṅgirasāṃ tvā devānāṃ vratapate vratenādadʰāmi \\ ity āṅgirasasya /

Sutra: g     ādityānāṃ tvā devānāṃ vratapate vratenādadʰāmi \\ ity anyāsāṃ brāhmaṇīnāṃ prajānām /

Sutra: h     varuṇasya tvā rājño vratapate vratenādadʰāmi \\ iti rājñaḥ /

Sutra: i     indrasya tvendriyeṇa vratapate vratenādadʰāmi \\ iti rājanyasya /

Sutra: j     manos tvā grāmaṇyo vratapate vratenādadʰāmi \\ iti vaiśyasya / r̥bʰūṇāṃ tvā devānāṃ vratapate vratenādadʰāmi \\ iti ratʰakārasya /

Page: 313 
Sutra: k     bʰūmir bʰūmnā \\ iti catasraḥ sārparājñiyaḥ /

Sutra: l     gʰarmaḥ * śiras tad ayam agniḥ \ saṃpriyaḥ paśubʰir bʰuvat / \ cʰardis tokāya tanayāya yaccʰa / \ vātaḥ prāṇas tad ayam agniḥ \ saṃpriyaḥ paśubʰir bʰuvat / \ svadidaṃ tokāya tanayāya pituṃ paca / \ arkaś cakṣus tad asau sūryas tad ayam agniḥ \ saṃpriyaḥ paśubʰir bʰuvat / \ yat te śukra śukraṃ varcaḥ śukrā tanūḥ śukraṃ jyotir ajasraṃ tena me dīdihi tena tvādadʰe \\ agnināgne brahmaṇā \\ iti trīṇi gʰarmaśirām̐si /
      FN emended. Ed.: dʰarmaḥ. cf. TB.1.1.7.1.

Sutra: m     gārhapatye 'gnipraṇayanāny ādīpya /

Sutra: n     sikatāś copayamanīr upakalpayate /

Khanda: 9  
Sutra: a     aśvaṃ purastād dʰārayati /

Sutra: b     ojase balāya tvodyaccʰe vr̥ṣaṇe śuṣmāyāyuṣe varcase \ sapatnatūr asi vr̥tratūs \\ yas te deveṣu mahimā suvargaḥ / \ yas ta ātmā paśuṣu praviṣṭaḥ \ puṣṭir yā te manuṣyeṣu papratʰe / \ tayā no agne juṣamāṇa ehi / \ divaḥ pr̥tʰivyāḥ pary antarikṣāt \\ vātāt paśubʰyo adʰy oṣadʰībʰyaḥ / \ yatrayatra jātavedaḥ saṃbabʰūtʰa \ tato no agne juṣamāṇa ehi / \ ud u tvā viśve devās \\ iti catasr̥bʰir gārhapatyād āhavanīyam uddʰarati /

Sutra: c     vāmadevye gīyamāne /

Page: 314 
Sutra: d     nātmānam uparīva na karṇadagʰnam atyudgr̥hṇāty ātmānam /

Sutra: e     udyaccʰatīdʰmam upayaccʰaty upayamanīḥ /

Sutra: f     upayate dʰāryamāṇe /

Sutra: g     laukikam agnim āhr̥tya matʰitvā vāgnīdʰro dakṣiṇāgnim ādadʰāti /

Sutra: h     dvitīyayā vyāhr̥tyā yatʰarṣy ādʰānena dvitīyatr̥tīyābʰyāṃ sārparājñībʰyāṃ dvitīyena gʰarmaśirasā \\ agne 'nnapā mayobʰuvaḥ suśeva divaḥ pr̥tʰivyāḥ paryantarikṣāl lokaṃ vinda yajamānāya \ pr̥tʰivyās tvā mūrdʰan sīda yajñiye loke \ yo no agne niṣṭyo yo niṣṭyo 'bʰidāsatīdam ahaṃ taṃ tvayābʰi nidadʰāmi \\ iti dakṣiṇāgnyāyatane saṃbʰāreṣu pratiṣṭʰāpayati yajñāyajñiye gīyamāne /

Page: 315 
Sutra: i     yo brāhmaṇo rājanyo vaiśyaḥ śūdro vā sura iva bahu puṣṭaḥ syāt tasya gr̥hād āhr̥tyādadʰyāt /

Sutra: j     ata ūrdʰvam asyānnaṃ nādyāt /

Sutra: k     vr̥kṣāgrāj jvalato brahmavarcasakāmasya /

Sutra: l     bʰarjanād annādyakāmasya /

Sutra: m     yā vājinn agneḥ pavamānā paśuṣu priyā tanūs tām āvaha \ yā vājinn agneḥ pāvakāpsu priyā tanūs tām āvaha \ yā vājinn agneḥ sūrye śuciḥ priyā tanūs tām āvaha \\ ity aśvasya dakṣiṇe karṇe yajamānam agnitanūr vācayati /

Sutra: n     vikramasva mahām̐ asi \ vediṣan mānuṣebʰyaḥ / \ triṣu lokeṣu jāgr̥hi \ prajayā ca dʰanena ca / \ prācīm anupradiśam \\ kramadʰvam agninā \\ iti tisr̥bʰir aśvapratʰamāḥ prāñco gaccʰanti /

Sutra: o     jānudagʰne 'gre haraty atʰa nābʰidagʰne 'tʰāsyadagʰne /

Page: 316 
Sutra: p     nāgnim ādityaṃ ca vyavaiti /

Sutra: q     pūrvam agniṃ harati paścād anveti dakṣiṇato vā parigr̥hyeva harati nāko 'si bradʰnaḥ pratiṣṭʰāsaṃkramaṇam iti samayardʰe hiraṇyaṃ nidʰāya vare datte 'tikrāmati /

Sutra: r     br̥haspate paridīyā ratʰena \\ iti dakṣiṇato brahmā ratʰaṃ vartayati //


Khanda: 10  
Sutra: a     ratʰacakraṃ vā /

Sutra: b     yāvac cakraṃ triḥ parivartate dveṣyasya ṣaṭkr̥tvas \\ abʰyastʰād viśvāḥ pr̥tanā arātīs \\ iti prāñcam aśvaṃ dakṣiṇena pādena saṃbʰārān ākramayati pārśvato vottarataḥ saṃbʰārāṇāṃ yatʰāhitasyāgner aṅgārāḥ padam abʰyavapatsyantīti /

Sutra: c     yad akrandaḥ pratʰamaṃ jāyamānas \\ iti pradakṣiṇam aśvaṃ paryāṇīya tad eva padam ākramayati pratyañcam /

Sutra: d     aśvābʰāve 'naḍuhaḥ pada ādadʰīta sa tu pūrvavāḍ eva syāt tasya sadeva bandʰuḥ /

Page: 317 
Sutra: e     pratyaṅmukʰe niyate dʰāryamāṇe /

Sutra: f     yad idaṃ divo yad adaḥ pr̥tʰivyāḥ \ saṃvidāne rodasī saṃbabʰūvatuḥ / \ tayoḥ pr̥ṣṭʰe sīdatu jātavedāḥ \ śaṃbʰūḥ prajābʰyas tanuve syonas \\ ity abʰimantrya /

Sutra: g     sarvābʰir vyāhr̥tībʰir yatʰarṣy ādʰānena pratʰamottamābʰyām̐ sārparājñībʰyām uttamena ca gʰarmaśirasā prāṇaṃ tvāmr̥ta ādadʰāmy annādam annādyāya goptāraṃ guptyai / \ agne samrāḍ ajaikapād āhavanīya divaḥ pr̥tʰivyāḥ pary antarikṣāl lokaṃ vinda yajamānāya \ pr̥tʰivyās tvā mūrdʰan sīda yajñiye loke \ yo no agne niṣṭyo yo niṣṭyo 'bʰidāsatīdam ahaṃ taṃ tvayābʰi nidadʰāmi \\ ity āhavanīyāyatane saṃbʰāreṣu pratiṣṭʰāpayati yajñāyajñiye br̥hati śyaite ca gīyamāne nihite vāravantīyaṃ gāyati pratiṣiddʰāny ekeṣām agnyādʰeye sāmāni /

Page: 318 
Sutra: h     ānaśe vyānaśe \ sarvam āyur vyānaśe \\ ity āhitam āhavanīyam upatiṣṭʰate /

Sutra: i     nānabʰihutam upaspr̥śati /

Sutra: j     ājyenauṣadʰībʰiś ca śamayitavyaḥ /

Sutra: k     oṣadʰīr ājye 'vadʰāya yā te agne pavamānā paśuṣu priyā tanūr yā pr̥tʰivyāṃ yāgnau yā ratʰaṃtare yā gāyatre cʰandasīdaṃ te tām avarundʰe \ tasyai te svāhā yā te agne pāvakāpsu priyā tanūr yāntarikṣe yā vāyau yā vāmadevye yā traiṣṭubʰe cʰandasīdaṃ te tām avarundʰe \ tasya te svāhā / \ yā te agne sūrye śuciḥ priyā tanūr yā divi yāditye yā br̥hati yā stanayitnau yā jāgate cʰandasīdaṃ te tām avarundʰe \ tasyai te svāhā \\ iti tisraḥ pavamānāhutīr hutvā /

Sutra: l     laukikam agnim āhr̥tya matʰitvāhavanīyād vā sabʰyāvasatʰyāv ādadʰāti /

Sutra: m     pratiṣiddʰau sabʰyāvasatʰyāv ekeṣām /

Sutra: n     agna āyūm̐ṣi pavase \\ iti tisr̥bʰir āśvattʰīs tisraḥ samidʰa ādadʰāti /

Page: 319 
Sutra: o     sarvā ekaikasmin //

Khanda: 11  
Sutra: a     agnir r̥ṣiḥ pavamānaḥ \ pāñcajanyaḥ purohitaḥ / \ tam īmahe mahāgayam iti tr̥tīyām eke samāmananti /

Sutra: b     samudrād ūrmir madʰumām̐ udārat \\ upām̐śunā sam amr̥tatvam ānaṭ / \ gʰr̥tasya nāma guhyaṃ yad asti \ jihvā devānām amr̥tasya nābʰiḥ / \ vayaṃ nāma prabravāmā gʰr̥tena \\ asmin yajñe dʰārayāmā namobʰiḥ / \ upa brahmā śr̥ṇavac cʰasyamānam \\ catuḥśr̥ṅgo vamīd gaura etat / \ catvāri śr̥ṅgā trayo asya pādās \\ dve śīrṣe sapta hastāso asya / \ tridʰā baddʰo vr̥ṣabʰo roravīti \ maho devo martyām̐ āviveśa svāhā \\ iti śamīmayīr gʰr̥tānvaktāḥ sarvā ekaikasmin /

Sutra: c     preddʰo agne dīdihi puro nas \\ ity audumbarīm̐ samidʰam ādadʰāti vidʰema te parame janmann agne \\ iti vaikaṅkatīṃ tām̐ savitur vareṇyasya citrām iti śamīmayīm̐ śamīmayīṃ pūrvām eke samāmananti vaikaṅkatīm uttarām /

Sutra: d     prātaragnihotrasyāvr̥tā tūṣṇīṃ prātaragnihotraṃ juhoti /

Sutra: e     juhūm̐ sruvaṃ ca saṃmr̥jya /

Page: 320 
Sutra: f     caturgr̥hītenāṣṭagr̥hītena dvādaśagr̥hītena vā srucaṃ pūrayitvā sapta te \\ iti pūrṇāhutiṃ juhoti /

Sutra: g     tam ekeṣāṃ tūṣṇīm agnihotram ity adʰikurute /

Sutra: h     ye agnayo divo ye pr̥tʰivyāḥ \ samāgaccʰantīṣam ūrjaṃ duhānāḥ / \ te asmā agnayo draviṇaṃ dattvā \\ iṣṭāḥ prītā āhutibʰājo bʰūtvā \ yatʰālokaṃ punar astaṃ pareta svahā \\ iti dvitīyām //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.