TITUS
Black Yajur-Veda: Hiranyakesi- / Satyasadha-Srautasutra
Part No. 21
Previous part

Patala: 5  
Khanda: 12  
Sutra: a     tadānīm evāgneyasyāṣṭākapālasyānvādʰānādīni karmāṇi pratipadyate /

Sutra: b     yat prāk prokṣaṇāt tat kr̥tvā /

Sutra: c     sabʰāyāṃ madʰye 'dʰidevanam uddʰatyāvokṣyākṣān nyupya vyūhya samūhya pratʰayitvākṣeṣu hiraṇyaṃ nidʰāya niṣasāda dʰr̥tavratas \\ iti juhoti /

Page: 321 
Sutra: d     āvasatʰe madʰye pariṣado hiraṇyaṃ nidʰāya pra nūnaṃ brahmaṇaspatis \\ mantraṃ vadaty uktʰyam / \ yasminn indro varuṇo mitro aryamā \ devā okām̐si cakrire \\ iti juhoti /

Sutra: e     uta no 'hir budʰniyaḥ śr̥ṇotu \\ aja ekapāt pr̥tʰivī samudraḥ / \ viśve devā r̥tāvr̥dʰo huvānāḥ \ stutā mantrāḥ kaviśastā vahantu \\ enā rājan haviṣā mādayasva \\ ity āvasatʰam abʰimantrya /

Sutra: f     śatam akṣān yajamānāya prayaccʰati /

Sutra: g     teṣu kr̥taṃ vijitya /

Sutra: h     sabʰāsadbʰyaḥ pradīyamāneṣu vrīhibʰyo gāṃ dīvyata \\ ahim̐santaḥ parvāṇi viśasata \\ iti saṃpreṣyati /

Page: 322 
Sutra: i     kalpetāṃ dyāvāpr̥tʰivī \ ye 'gnayas \\ iti yatʰartu kl̥ptisāmanasībʰyām agnīn upatiṣṭʰate /

Sutra: j     prokṣaṇaprabʰr̥tīny āgneyasya karmāṇi pratipadyate siddʰam̐ saṃtiṣṭʰate /

Sutra: k     pavamānahavirbʰir yajate saṃvatsara r̥tau māse 'rdʰamāse dvādaśāhe caturahe tryahe dvyahe śvo bʰūte sadyo vā /

Sutra: l     somena yakṣyamāṇasyādadʰānasya pavamānahaviṣāṃ sāṃvatsarikaḥ kalpaḥ/

Sutra: m     agnaye pavamānāya puroḍāśam aṣṭākapālaṃ nirvaped agnaye pāvakāyāgnaye śucaye /

Sutra: n     samānabarhiṣi nānābarhiṣi vā /

Sutra: o     pratʰamaṃ vā nirupyottare samasyet /

Sutra: p     āgneyena vāṣṭākapālena samānatantrāṇi kuryāt /

Page: 323 
Sutra: q     agnīṣomīyam ekādaśakapālam anunirvapaty āgnāvaiṣṇavam ekādaśakapālam aindrāgnam ekādaśakapālam adityai gʰr̥te caruṃ viṣṇave śipiviṣṭāya tryuddʰau gʰr̥te caruṃ saptadaśādityasya sāmidʰenyo bʰavanty ādityasyeḍābʰāgaṃ brahmaṇe parihr̥tya sarve prāśnanti tatʰā cāturdʰākaraṇikāni /

Page: 324 
Sutra: r     atʰāgnihotrārambʰaḥ /

Sutra: s     agnihotram ārapsyamāno daśahotāraṃ manasānudrutya sagraham̐ hutvā sāyamagnihotrasyāvr̥tā mantreṇa sāyamagnihotraṃ juhoti vyāhr̥tībʰiḥ pratʰamam agnihotram upasādayati tatʰā saṃvatsare //

Khanda: 13  
Page: 325 
Sutra: a     atʰa darśapūrṇamāsayor ārambʰaḥ /

Sutra: b     darśapūrṇamāsāv ārabʰamānaḥ pūrvasya parvaṇa aupavasatʰye 'hani caturhotāraṃ manasānudrutya sagraham̐ hutvā pūrṇā paścāt \\ yat te devā adadʰus \\ iti sārasvatau homau hutvā /

Page: 326 
Sutra: c     anvārambʰaṇīyām iṣṭiṃ nirvapati /

Sutra: d     āgnāvaiṣṇavam ekādaśakapālam̐ sarasvatyai carum̐ sarasvate dvādaśa kapālam agnaye bʰagine 'ṣṭākapālaṃ yaḥ kāmayeta bʰagy annādaḥ syām iti nityavad eke bʰagine samāmananti /

Sutra: e     purastāt sviṣṭakr̥tas \\ cittaṃ ca svāhā cittiś ca svāhā \\ iti dvādaśagr̥hītena dvādaśa jayāñ juhoti /

Sutra: f     prajāpatir jayān indrāya \\ iti trayodaśīm /

Sutra: g     agne balada saha oja ākramamāṇāya me 'dāḥ / abʰiśastikr̥te 'nabʰiśastenyāyāsyai janatāyai śraiṣṭʰyāya \\ iti caturdaśīṃ yāṃ janatāṃ dviṣyāt \\ citraṃ tasyāṃ janatāyāṃ bʰavatu \\ iti śabalam iva tasyātmañ jāyate /

Page: 327 
Sutra: h     api vā nānvārambʰaṇīyāṃ kurvītāgneyam aṣṭākapālaṃ nirvapet /

Page: 328 
Sutra: i     amāvāsyāyām ādadʰānasyaitad avikr̥tam /

Sutra: j     paurṇamāsyāṃ tu pūrvasya parvaṇa aupavasatʰye 'hany agnīn ādʰāya seṣṭyapavr̥jya /

Sutra: k     tadānīm eva caturhotāraṃ sārasvatau homāv anvārambʰaṇīyāṃ ca kurute /

Page: 329 
Sutra: l     śvo bʰūte paurṇamāsena yajate vyāhr̥tībʰir havīm̐ṣy āsādayati tatʰā saṃvatsare //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.