TITUS
Black Yajur-Veda: Hiranyakesi- / Satyasadha-Srautasutra
Part No. 37
Previous part

Patala: 2  
Khanda: 3  
Sutra: a     idaṃ tasmai harmyaṃ karomi \ yo vo devāś carati brahmacaryam / \ medʰāvī dikṣu manasā tapasvī \\ antar dūtaś carati mānuṣīṣu \\ iti vedideśam abʰimr̥śati /

Page: 511 
Sutra: b     catuḥśikʰaṇḍā yuvatiḥ supeśās \\ gʰr̥tapratīkā bʰuvanasya madʰye / \ marmr̥jyamānā mahate saubʰagāya \ mahyaṃ dʰukṣva yajamānāya kāmān / \ vedena vediṃ br̥hatīm avindan \ sā pr̥tʰivyāṃ pratʰatāṃ pārtʰivāni / \ tasyāṃ barhiḥ pratʰatāṃ sādʰv antar \ ahim̐srā ṇaḥ pr̥tʰivī devy astu / \ vedena vedim iti vedena vedim̐ saṃmr̥jyamānām /

Sutra: c     yo mā hr̥dā manasā yaś ca vācā \ yo brahmaṇā karmaṇā dveṣṭi devāḥ / \ yaḥ śrutena hr̥dayeneṣṇatā ca \ tasyendravajreṇa śirac cʰinadmi \\ iti stambayajur hriyamāṇam /

Sutra: d     yad uddʰanto jihim̐sima \ pr̥tʰivīm oṣadʰīr apaḥ / \ adʰvaryava * spʰyakr̥ta * spʰyena \\ antarikṣaṃ moru pāva * tasmāt / \ yad uddʰanto jihim̐sima jīvam asyās \\ vediṃ cakr̥mā manasā devayantaḥ / \ mā tena heḍa upagāma bʰūmyāḥ \ śivā no viśvair bʰuvanebʰir astu \\ iti spʰyenottamāṃ tvacam uddʰanyamānām /
      FN i.e. adʰvaryavaḥ.
      FN i.e. spʰyakr̥taḥ.
      FN cf. ĀpŚS.4.5.5: pātu.

Sutra: e     br̥haspate parigr̥hāṇa vedim iti parigrāhayoḥ /

Sutra: f     bʰūmir bʰūtvā mahimānaṃ pupoṣa \ tato devī vardʰayate payām̐si / \ yajñiyā yajñaṃ vi ca yanti saṃ * ca \\ oṣadʰīr āpa iha śakvarīś ca \\ iti kr̥tām /
      FN emended. Ed.: śaṃ. cf. TB.3.7.6.4: sám̐.

Sutra: g     īḍe 'nyakratūr aham \ apo devīr upabruve \ divā naktaṃ ca sasruṣīr apasvarīs \\ iti prokṣaṇīr āsādyamānāḥ /

Sutra: h     ājyam asi \\ ity ājyam avekṣate yatʰādʰvaryur adbʰir ājyam ājyenāpaḥ \ samyak punīta savituḥ pavitraiḥ / \ tā devīḥ śakvarīḥ śākareṇa \\ imaṃ yajñam avata saṃvidānās \\ ity ājyam apaś cotpūyamānāḥ /

Page: 512 
Sutra: i     pañcānāṃ tvā vātānām ity etair ājyāni gr̥hyamāṇāni \\ aśiśrema barhir antaḥ pr̥tʰivyām \\ sam̐rohayanta oṣadʰīr vivr̥kṇāḥ / \ yāsāṃ mūlam udavadʰīḥ spʰyena \ śivā nas tāḥ suhavā bʰavantu \\ ity antarvedi barhir āsādyamānam //

Khanda: 4  
Sutra: a     sumanaso yajamānāya santu \\ oṣadʰīr āpa iha śakvarīś ca / \ vr̥ṣṭidyāvā parjanya enā virohayatu \ hiraṇyavarṇāḥ śatavalśā adabdʰās \\ iti barhiḥ prokṣyamāṇam ūrṇāmr̥du pratʰamānam̐ syonam \\ devebʰyo juṣṭam̐ sadanāya barhiḥ / \ suvarge loke yajamānam̐ hi dʰehi mām \ nākasya pr̥ṣṭʰe parame vyoman \\ iti barhiḥ stīryamāṇam /

Sutra: b     catuḥśikʰaṇḍā yuvatiḥ supeśās \\ gʰr̥tapratīkā vayunāni vaste / \ sā stīryamāṇā mahate saubʰagāya \ sā me dʰukṣva yajamānāya kāmān iti barhiṣā vedim̐ stīryamāṇām /

Sutra: c     śivā ca me śagmā caidʰi \ syonā ca me suṣadā caidʰi \\ ūrjasvatī ca me payasvatī caidʰi \ sūpacaraṇā ca me svadʰicaraṇā caidʰi \\ iṣam ūrjam me pinvasva \ brahmatejo me pinvasva \ kṣattram ojo me pinvasva \ viśaṃ puṣṭiṃ me pinvasva \\ āyur annādyaṃ me pinvasva \ prajāṃ paśūn me pinvasva \\ iti stīrṇām /

Sutra: d     asmin yajña upabʰūya in nu me \ vikṣobʰāya paridʰīn adadʰāmi / \ dʰartā dʰaruṇo dʰarīyān \ agnir dveṣām̐si nir ito nudātai \\ iti paridʰīn paridʰīyamānān * /
      FN emended. Ed.: paridʰīyamānāt. cf. ĀpŚS.4.6.3.

Sutra: e     dʰruvo 'si dʰruvo 'ham̐ sajāteṣu bʰūyāsam iti ca /

Sutra: f     yunajmi tvā \ yan me agne \\ iti dvābʰyām agniṃ paridʰīyamānam /

Page: 513 
Sutra: g     tejiṣṭʰā te tapanā yā ca rocanā \ pratyoṣantīs tanuvo yās te agne \ tābʰir varmaṇāy abʰito vyayasva \ mā tvā dabʰan yātudʰānāḥ piśācās \\ iti parimitam /

Sutra: h     viccʰinadmi vidʰr̥tībʰyām̐ sapatnān \ jātān bʰrātr̥vyān ye ca janiṣyamāṇāḥ / \ viśo yantrābʰyāṃ vidʰamāmy enān \ aham̐ svānām uttamo 'sāni devāḥ / \ viśo yantre nudamāne arātim \\ viśvaṃ pāpmānam amatiṃ durmarāyum / \ sīdantī devī sukr̥tasya loke \ dʰr̥tī stʰo vidʰr̥tī svadʰr̥tī \ prāṇān mayi dʰārayatam \\ prajāṃ mayi dʰārayatam \\ paśūn mayi dʰārayatam iti vidʰr̥tī sādyamāne //

Khanda: 5  
Sutra: a     ayaṃ prastara ubʰayasya dʰartā \ dʰartā prayājānām utānūyājānām / \ sa dādʰāra samidʰo viśvarūpās \ tasmin sruco adʰyāsādayāmi \\ iti vidʰr̥tyoḥ prastaram̐ sādyamānam /

Sutra: b     āroha patʰo juhu devayānān \ yatrarṣayaḥ pratʰamajā ye purāṇāḥ / \ hiraṇyapakṣājirā saṃbʰr̥tāṅgas \\ vahāsi mā sukr̥tāṃ yatra lokāḥ / \ juhūr asi gʰr̥tācī \ gāyatriyāmnī kavibʰir juṣāṇā / \ avyatʰamānā yajñam anuyaccʰasva \ sunītī yajñaṃ nayāsy upadevān \ āgneyena śarmaṇā daivyena \\ iti juhūm

Sutra: c     avāhaṃ bādʰa upabʰr̥tā sapatnān \\ jātān bʰrātr̥vyān ye ca janiṣyamāṇāḥ / \ dohai yajñam̐ sudugʰām iva dʰenum \ aham uttaro bʰūyāsam adʰare mat sapatnāḥ / \ subʰr̥d asy upabʰr̥d gʰr̥tācī \ traiṣṭubʰena cʰandasā viśvavedaḥ / \ avyatʰamānā yajñam anuyaccʰasva \ sunītī yajñaṃ nayāsy upa devān \ aindreṇa śarmaṇā daivyena \\ ity upabʰr̥tam \\

Sutra: d     yo mā vācā manasā durmarāyus \\ hr̥dārātīyād abʰidāsad agne / \ idam asya cittam adʰaraṃ dʰruvāyās \\ aham uttaro bʰūyāsam adʰare mat sapatnāḥ / \ dʰruvāsi dʰaraṇī dʰanasya pūrṇā \ jāgatena cʰandasā viśvavedaḥ / \ avyatʰamānā yajñam anuyaccʰasva \ sunītī yajñaṃ nayāsy upa devān vaiśvadevena śarmaṇā daivyena \\ iti dʰruvām \\

Sutra: e     syono me sīda suṣadaḥ pr̥tʰivyām \\ pratʰayi prajayā paśubʰiḥ suvarge loke \ divi sīda pr̥tʰivyām antarikṣe \\ aham uttaro bʰūyāsam adʰare mat sapatnāḥ / \ ayam̐ sruvo abʰijiharti homān \ cʰatakṣaraś cʰandasānuṣṭubʰena / \ sarvā yajñasya samanaktu viṣṭʰās \\ bārhaspatyena śarmaṇā daivyena \\ iti sruvam

Sutra: f     iyam̐ stʰālī gʰr̥tasya pūrṇā \ cʰinnapayāḥ śatadʰāra utsaḥ / \ marutena śarmaṇā daivyena \\ ity ājyastʰālīm //

Khanda: 6  
Page: 514 
Sutra: a     yajño 'si sarvataḥ śritaḥ \ sarvato māṃ bʰūtaṃ bʰaviṣyac cʰrayatām \\ śataṃ me santv āśiṣaḥ \ sahasraṃ me santu sūnr̥tās \\ irāvatīḥ paśumatīs \\ ity āgneyam \\

Sutra: b     prajāpatir asi sarvataḥ śritaḥ \ sarvato māṃ bʰūtaṃ bʰaviṣyac cʰrayatām \\ śataṃ me santv āśiṣaḥ \ sahasraṃ me santu sūnr̥tās \\ irāvatīḥ paśumatīs \\ ity agnīṣomīyam \\

Sutra: c     yo naḥ kanīya iha kāmayātai \\ asmin yajñe yajamānāya mahyam / \ apa tam indrāgnī bʰuvanāṃ nudetām \ ahaṃ prajāṃ vīravatīṃ videya \\ ity aindrāgnam /

Sutra: d     yas ta ātmā paśuṣu praviṣṭas \\ iti sāṃnāyya āsādyamāne /

Sutra: e     idam indriyam amr̥taṃ vīryam \ anenendrāya paśavo 'cikitsan / \ tena devā avatopa mām iha \\ iṣam ūrjaṃ yaśaḥ saha ojaḥ saneyam̐ śr̥taṃ mayi śrayatām iti śr̥taṃ yat pr̥tʰivīm acarat tat praviṣṭam \\ yenāsiñcad balam indre prajāpatiḥ / \ idaṃ tac cʰukraṃ madʰu vājinīvat \\ yenopariṣṭād adʰinon mahendram \\ dadʰi māṃ dʰinotu \\ iti dadʰi /

Sutra: f     ayaṃ yajñaḥ samasadad dʰaviṣmān \ r̥cā sāmnā yajuṣā devatābʰiḥ / \ tena lokān sūryavato jayema \\ indrasya sakʰyam amr̥tatvam aśyām iti sam̐sannāny abʰimr̥śati //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.