TITUS
Black Yajur-Veda: Hiranyakesi- / Satyasadha-Srautasutra
Part No. 38
Previous part

Patala: 3  
Khanda: 7  
Page: 515 
Sutra: a     vihavyasyāṣṭābʰiḥ paurṇamāsyām̐ havīm̐ṣy āsannāny abʰimr̥śati caturhotrā ca /

Sutra: b     ( pañcahotraivāmāvāsyāyām aṅgiraso māsya yajñasya prātaranuvākair avantu \\ ity anūcyamānāsu sāmidʰenīṣu japati )

Sutra: c     ( daśahotāraṃ purastāt sāmidʰenīnām upariṣṭād vā vyācakṣīta samiddʰo agnir āhutaḥ \ svāhākr̥taḥ pipartu naḥ / \ svagā devebʰya idaṃ namas \\ iti samiddʰam agnim uccʰuṣmo agne \\ iti ca )

Sutra: d     ( mano 'si prājāpatyam iti sruvāgʰāram anumantrayate )

Sutra: e     ( vāg asi \\ iti srucyam )

Sutra: f     ( devāḥ pitaro devās \\ yo 'ham asmi sa san yaje \ yasyāsmi na tam antar emi \ svaṃ ma iṣṭam̐ svaṃ dattam̐ svaṃ pūrtam̐ svam̐ śrāntam̐ svam̐ hutam \\ tasya me 'gnir upadraṣṭā \ vāyur upaśrotā \\ ādityo 'nukʰyātā \ dyauḥ pitā pr̥tʰivī mātā prajāpatir bandʰus \\ ya evāsmi sa san yaje \ yasyāsmi na tam antar emi \\ iti hotr̥pravare 'dʰvaryupravare ca japati )

Sutra: g     ( māṃ deveṣv āśrāvayāyuṣe varcase \\ ity adʰvaryupravare vaiśeṣikaṃ caturhotāraṃ purastāt prayājānām upariṣṭād vā vyācakṣīta )

Sutra: h     ( vasantam r̥tūnāṃ prīṇāmi \\ ity etaiḥ prayājānām̐ hutam̐hutam anumantrayate \\ )

Sutra: i     ( agniś cakṣuṣmām̐s tasyāhaṃ devayajyayā cakṣuṣmān bʰūyāsam ity āgneyasyājyabʰāgasya )

Sutra: j     ( somaś cakṣuṣmām̐s tasyāhaṃ devayajyayā cakṣuṣmān bʰūyāsam iti saumyasya \\ agnīṣomayor aham iti samastānumantraṇam eke samāmananti )

Sutra: k     ( pañcahotāraṃ purastād dʰaviṣām avadānānām upariṣṭād vā vyācakṣīta \\ )

Sutra: l     ( agner ahaṃ devayajyayānnādo bʰūyāsam ity āgneyasya )

Sutra: m     ( dabdʰir asi \\ ity upām̐śuyājasya \\ )

Sutra: n     ( agnīṣomayor aham ity agnīṣomīyasya \\ indrāgniyor aham ity aindrāgnasya \\ indrasyāham ity aindrasya )

Sutra: o     mahendrasyāham iti māhendrasya \\ agneḥ sviṣṭakr̥to 'ham iti sviṣṭakr̥tas \\ agnir mā duriṣṭāt pātu \\ iti ca )

Page: 516 
Sutra: p     ( surūpavarṣavarṇa ehi \\ itīḍām āhriyamāṇāṃ pratīkṣate // )

Khanda: 8  
Sutra: a     ( iḍa ehy adita ehi bʰūyasy ehi śreyasy ehi vasīyasy ehi citta ehi dadʰiṣa ehi \\ ity upām̐śūpahave sapta devagavīr japati )

Sutra: b     ( cid asi manāsi vasvī rantī ramatiḥ sūnarī sūnr̥tā \\ ity uccair upahave sapta manuṣyagavīr japati )

Sutra: c     ( viśvā tvaṃ bʰūtānuprāṇihi \ viśvā tvā bʰūtānuprāṇantu \ bʰūr asy āyur asīṣṭir asi \ surūpavarṣavarṇa ehīman bʰadrān duryām̐ abʰyehi mām anuvratā \ ny u śīrṣāṇi mr̥ḍḍʰvam \\ sā naḥ priyā supratūrttiḥ priyā naḥ suhr̥n naḥ priyavatī magʰonī \ juṣṭa ehi ranta ehi ramata ehi sūnr̥ta ehi suhavāma ehi saha rāyaspoṣeṇa \ devīr devair abʰi mā nivartadʰvam \\ syonā syonena gʰr̥tena mā samukṣata \ na ma etad upadaṃbʰiṣag r̥ṣir brahmā yad dadau \ samudrād udañcann iva srucā \\ vāg agre viprasya tiṣṭʰati śr̥ṅgebʰir daśabʰir diśan \\ ity uccair upahave )

Sutra: d     ( vāyav iḍā te mātā \\ iti hotāram īkṣamāṇo vāyuṃ manasā dʰyāyet \\ )

Sutra: e     ( upahūto 'yaṃ yajamānas \\ ity ucyamāne \\ upahūtaḥ paśumān asāni \\ iti japati \\ asmāsv indra indriyaṃ dadʰātu \\ iti ca )

Sutra: f     ( \\ iḍāyā ahaṃ devayajyayā puṣṭimān paśumān bʰūyāsam \ iḍe bʰāgaṃ juṣasva nas \\ jinva gā jinvārvatas \ tasyās te bʰakṣivāṇaḥ syāma \ sarvātmānaḥ sarvagaṇāḥ / \ iḍā dʰenuḥ sahavatsā na āgāt \\ ūrjaṃ duhānā payasā prapīnā / \ sā no annena haviṣota gobʰis \\ iḍā jinvatāṃ payasābʰyasmān ity upahūtām iḍām \\ )

Sutra: g     ( vyākʰyātā mārjanī / )

Sutra: h     bradʰna pinvasva \ dadato me mā kṣāyi \ kurvato me mopadasat \\ diśāṃ kl̥ptir asi \ diśo me kalpantām \\ kalpantāṃ me diśas \\ daivīś ca mānuṣīś cāhorātre me kapetām \ ardʰamāsā me kalpantām \\ māsā me kalpantām \ r̥tavo me kalpantām \\ saṃvatsaro me kalpatām \\ kl̥ptir asi \ kalpatām me \\ āśānāṃ tvāśāpālebʰyas \\ caturbʰyo amr̥tebʰyas \\ idaṃ bʰūtasyādʰyakṣebʰyas \\ vidʰema haviṣā vayam iti pratidiśaṃ vyūhati

Sutra: i     bʰajatāṃ bʰāgī bʰāgam \\ mābʰāgo bʰakta \ nir abʰāgaṃ bʰajāmas \\ apas pinvauṣadʰīr jinva \ dvipāt pāhi \ catuṣpād ava \ divo vr̥ṣṭim eraya \ brāhmaṇānām idam̐ haviḥ \ somyānām̐ somapītʰināṃ nirbʰakto 'brāhmaṇas \\ nehābrāhmaṇasyāsti \\ iti ca //

Khanda: 9  
Page: 517 
Sutra: a     idaṃ brahmaṇas \\ idam̐ hotur \ idam adʰvaryor \ idam agnīdʰas \\ iti caturdʰā vyādiśati /

Sutra: b     āgnīdʰrapratʰamān vyādeśān eke samāmananti /

Sutra: c     iyam̐ stʰāly amr̥tasya pūrṇā \ sahasradʰāra utso akṣīyamāṇaḥ / \ sa dādʰāra pr̥tʰivīm antarikṣaṃ divaṃ ca \ tenaudanenātitarāṇi mr̥tyum ity antarvedy anvāhāryam āsannam abʰimr̥śati prajāpater bʰāgo 'si \\ iti ca /

Sutra: d     dakṣiṇasadbʰya upahartavai \\ ity ucyamāne dakṣiṇata eta \\ ity r̥tvijaḥ saṃpreṣyati /

Sutra: e     brāhmaṇā ayaṃ va odanas \\ iti dakṣiṇataḥ parikrāntebʰyas taṃ caturdʰā vyuddʰr̥tya dadāti / eṣā te agne samit tayā vardʰasva cā ca pyāyasva / \ vardʰiṣīmahi ca vayam ā ca pyāsiṣīmahi / \ yaṃ te agna āvr̥ścāmi \\ ahaṃ vā kṣipitaś caran / \ prajāṃ ca tasya mūlaṃ ca \ nīcair devā nivr̥ścata / \ agne yo no 'bʰidāsati \ samāno yaśca niṣṭyaḥ / \ idʰmasyeva prakṣāyatas \\ mā tasyoccʰeṣi kiṃcana / \ yo māṃ dveṣṭi jātavedas \\ yaṃ cāhaṃ dveṣmi yaś ca mām / \ sarvām̐s tān agne saṃdaha \ yām̐ś cāhaṃ dveṣmi ye ca mām ity anūyājasamidʰam ādʰīyamānām /

Page: 518 
Sutra: f     vedir barhiḥ śr̥tam̐ havis \\ idʰmaḥ paridʰayaḥ srucaḥ / \ ājyaṃ yajña r̥co * yajus \\ yājyāś ca vaṣaṭkārāḥ \ saṃ me sannatayo namantām \ idʰmasaṃnahane huta itīdʰmasaṃnahane hute /
      FN emended. Ed.: ruco.

Sutra: g     aṅgiraso māsya yajñasya prātaranuvākair ahauṣur ity anūyājeṣu japati saptahotāraṃ purastād anūyājānām upariṣṭād vā vyācakṣīta barhiṣo 'haṃ devayajyayā prajāvān bʰūyāsam ity etair anūyājānām̐ hutam̐ hutam anumantrayate vājasya mā prasavena \\ iti dvābʰyām̐ srucau vyūhyamāne //

Khanda: 10  
Sutra: a     vasūn devān yajñenāpipreyam \\ rudrān devān yajñenāpipreyam \ ādityān devān yajñenāpipreyam iti paridʰīn ajyamānān samaṅktāṃ barhir haviṣā gʰr̥tena \ sam ādityair vasubʰiḥ saṃ marudbʰiḥ / \ sam indreṇa viśvebʰir devebʰir aṅktām \\ divyaṃ nabʰo gaccʰatu yat svāhā \\ iti srukṣu prastaram ajyamānam apipreḍ yajño yajñam \ ayāḍ devām̐ araṃkr̥taḥ somaḥ / \ taṃ mitro varuṇo aryamā \ rāyaspoṣā yajamānaṃ viśantu \\ iti prastarasya tr̥ṇam apāttam /

Sutra: b     agner aham ujjitim anūjjeṣam iti sūktavākena hotā yāṃyāṃ devatām abʰivyāharati taṃtāṃ yajamāno 'numantrayate /

Page: 519 
Sutra: c     yarhi hotā yajamānasya nāma gr̥hṇīyāt tarhi brūyāt \\ emā agmann āśiṣo dohakāmās \\ iti /

Sutra: d     sā me satyāśīr deveṣu bʰūyāt \\ manyān manyatamāj juṣṭāj juṣṭatamāt \\ areḍatā * manasā tac cʰakeyam \\ yajño divam̐ rohatu \ yajño divaṃ gaccʰatu \ yo devayānaḥ pantʰās tena yajño devām̐ apyetu ity āśīṣṣu japati /
      FN emended. Ed.: araiḍatā. cf. TS.1.6.3.2.

Sutra: e     ado ma āgamyāt \\ iti yat kāmayate tasya nāma gr̥hṇāti /

Sutra: f     rohitena tvāgnir devatāṃ gamayatu \\ ity etaiḥ prastaram avasr̥ṣṭam /

Sutra: g     divaḥ kʰīlo 'vatataḥ \ pr̥tʰivyā adʰy uttʰitaḥ / \ tenā sahasrakāṇḍena \ dviṣantaṃ tāpayāmasi \ dviṣan nas tāpyatāṃ bahu \ mānāgās tapyauṣadʰayas \\ iti prastarasya tr̥ṇam anuprahr̥tam /

Sutra: h     viṣṇoḥ śaṃyor aham iti śaṃyuvāke /

Sutra: i     vi te muñcāmi raśanās \\ iti dvābʰyām agniṃ paridʰiṣu prahriyamāṇeṣu /

Sutra: j     iṣṭo yajño bʰr̥gubʰir draviṇodā yatibʰir āśīrdā vasubʰir āśīrvām̐ atʰarvabʰiḥ / \ tasya meṣṭasya vītasya draviṇam āgamyāt \\ vasur yajño vasumān yajñas \ tasya mā yajñasya vasor vasumato vasv ihāgaccʰatu \\ ado ma āgaccʰatu \\ iti sam̐srāvabʰāgān yat kāmayate tasya nāma gr̥hṇāti /

Page: 520 
Sutra: k     vedo 'si vittir asi \\ iti vedam antarvedy āsannam abʰimr̥śati /

Sutra: l     videya \\ ity asya purastād upariṣṭād vā yadyad bʰrātr̥vyasyābʰidʰyāyet tasya nāma gr̥hṇīyāt tad evāsya sarvaṃ vr̥ṅkta iti vijñāyate //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.