TITUS
Black Yajur-Veda: Hiranyakesi- / Satyasadha-Srautasutra
Part No. 39
Previous part

Patala: 4  
Khanda: 11  
Sutra: a     patnīsaṃyājeṣu somasyāhaṃ devayajyayā suretā reto dʰiṣīya \\ iti somasya tvaṣṭur ahaṃ devayajyayā paśūnām̐ rūpaṃ puṣeyam iti tvaṣṭur devānāṃ patnīnām ahaṃ devayajyayā prajaniṣīya prajayā ca paśubʰiś ca \\ iti devapatnī rākāyā ahaṃ devayajyayā prajāvān bʰūyāsam iti rākāṃ sinīvālyā ahaṃ devayajyayā paśumān bʰūyāsam iti sinīvālīṃ kuhvā ahaṃ devayajyayā puṣṭimān bʰūyāsam iti kuhūm agnir gr̥hapatir yajñasya pratiṣṭʰā \ tasyāhaṃ devayajyayā pratiṣṭʰāvān bʰūyāsam ity agniṃ gr̥hapatiṃ devānāṃ patnīs \\ agnir gr̥hapatis \\ iti samastānumantraṇam eke samāmananti /

Page: 521 
Sutra: b     iḍāsmān anu vastān gʰr̥tena \ yasyāḥ pade punate devayantaḥ / \ vaiśvānarī śakvarī vāvr̥dʰānā \\ upa yajñam astʰita vaiśvadevī \\ ity ājyeḍām /

Sutra: c     yā sarasvatī yaśobʰagīnā tasyai te svāhā \\ iti pʰalīkaraṇahome hūyamāne mukʰaṃ vimr̥ṣṭe / yā sarasvatī veśabʰagīnā tasyai te svāhā \\ iti hute mukʰaṃ vimr̥ṣṭe /

Sutra: d     vedo 'si \ vittir asi \\ iti vedam̐ hotrā patnyai pradīyamānam /

Sutra: e     vedo 'si \ vedase tvā \ vedo me vinda \\ iti vā /

Sutra: f     gʰr̥tavantaṃ kulāyinam iti vedam upastʰe 'syamānam /

Sutra: g     vedo 'si \ vedo ma āhara \ tr̥ptas tvam \\ tr̥pto 'haṃ prajayā paśubʰir bʰūyāsam iti vā /

Sutra: h     tvayā vediṃ vividuḥ pr̥tʰivīm \\ tvayā yajño jāyate viśvadāniḥ / \ accʰidraṃ yajñam anveṣi vidvān \ tvayā hotā saṃtanoty ardʰamāsān iti vedam̐ stīryamāṇam /

Sutra: i     agne 'dabdʰāyo iti samiṣṭayajuḥ /

Sutra: j     divaḥ kʰīlo 'vatataḥ \ pr̥tʰivyā adʰy uttʰitaḥ \ tenā sahasrakāṇḍena \ dviṣantam̐ śocayāmasi \ dviṣan me bahu śocatu \\ oṣadʰe mo aham̐ śucam iti barhir anuprahr̥tam /

Page: 522 
Sutra: k     saṃ yajñapatir āśiṣā \\ iti //

Khanda: 12  
Sutra: a     yajamānabʰāgaṃ āśnāti śr̥tasya dadʰnaś ca brāhmaṇo 'śnāti na vaiśyarājanyau \\ idam̐ haviḥ prajananaṃ me astu \\ iti śr̥tasya dadʰikrāvṇo akāriṣam iti dadʰnaḥ /

Sutra: b     antarvedi praṇītāsu mārjayate /

Sutra: c     adʰvaryuś cāsmai saṃtatāṃ dʰārām * srāvayati sad asi \ san me bʰūyās \\ ity ānīyamānāsu japati /
      FN emended. Ed.: dʰārā. cf. ĀpŚS.4.14.3.

Sutra: d     prācyāṃ diśi devā r̥tvijo mārjayantām iti pratidiśaṃ vyutsiñcati samudraṃ vaḥ prahiṇomy akṣitāḥ \ svāṃ yonim apigaccʰata / \ accʰiraḥ prajayā bʰūyāsam \\ mā parāseci matpayas \\ iti śeṣaṃ ninayati /

Sutra: e     yad apsu te sarasvati \ goṣv aśveṣu yan madʰu / \ tena me vājinīvati \ mukʰam aṅgdʰi sarasvati \\ iti mukʰaṃ vimr̥ṣṭe /

Sutra: f     atra yajamānabʰāgaprāśanam eke samāmananti /

Sutra: g     ata evopottʰāya viṣṇoḥ kramo 'si \\ iti caturo viṣṇukramān krāmati dakṣiṇena prakramya savyenānuprakrāmati na savyena dakṣiṇam atikrāmati nāhavanīyam atikrāmaty uttaramuttaraṃ jyāyām̐saṃ tiṣṭʰam̐ś caturtʰaṃ japati /

Sutra: h     udyann adya mitramahaḥ \ sapatnān me anīnaśaḥ / \ divainān vidyutā jahi \ nimrocann adʰarān kr̥dʰi / \ udyann adya vi no bʰaja \ pitā putrebʰyo yatʰā / \ dīrgʰāyutvasya heśiṣe \ tasya no dehi sūrya / \ udyann adya mitramahas \\ ārohann uttarāṃ divam / \ hr̥drogaṃ mama sūrya \ harimāṇaṃ ca nāśaya / \ śukeṣu me harimāṇam \\ ropāṇākāsu * dadʰmasi / \ atʰo hāridraveṣu me \ harimāṇaṃ nidadʰmasi / \ udagād ayam ādityas \\ viśvena sahasā saha / \ dviṣantaṃ mama randʰayan \ mo ahaṃ dviṣato radʰam / \ yo naḥ śapād aśapatas \\ yaś ca naḥ śapataḥ śapāt / \ uṣāś ca tasmai nimruk ca \ sarvapāpam̐ samūhatām / \ yo naḥ sapatno yo 'raṇas \\ marto 'bʰidāsati devāḥ / \ idʰmasyeva prakṣāyatas \\ mā tasyoccʰeṣi kiṃcana \\ iti //
      FN emended. Ed.: ropaṇākāsu. cf. TB.3.7.6.22


Khanda: 13  
Page: 523 
Sutra: a     ādityam upatiṣṭʰate \\ aganma suvaḥ suvar aganma \\ iti ca /

Sutra: b     idam aham amuṃ bʰrātr̥vyam ābʰyo digbʰyo 'syai divas \\ iti yaṃ dveṣṭi tasya vadʰaṃ manasā dʰyāyati /

Sutra: c     yady abʰicaret \\ idam aham amuṣyāmuṣyāyaṇasya prāṇaṃ niveṣṭayāmi \\ iti dakṣiṇapādasya pārṣṇyā niveṣṭayati /

Sutra: d     aindrīm āvr̥tam anvāvarte \\ iti pradakṣiṇam āvartate puṇyā bʰavantu yā lakṣmīḥ \ parābʰavantu yāḥ pāpīs \\ iti dakṣiṇam am̐sam abʰiparyāvartate /

Sutra: e     tejo 'si \\ ity āhavanīyam upaparyāvartate /

Sutra: f     sam ahaṃ prajayā \\ ity upatiṣṭʰate /

Sutra: g     samiddʰo agne \\ ityupasamindʰe /

Page: 524 
Sutra: h     vasumān yajñas \\ ity upatiṣṭʰate /

Sutra: i     agne vahne svadituṃ nas tanaye pituṃ paca / \ vibʰum̐ śaṃ tokāya tanuve syonas \\ iti dakṣiṇāgnim upatiṣṭʰate \\ agna āyūm̐ṣi \\ agne pavasva \\ ity āgnipāvamānībʰyāṃ gārhapatyam upatiṣṭʰate \\ agne gr̥hapate \\ iti ca tām āśiṣam āśāse tantave jyotiṣmatīm ity ajātaputro brūyāt /

Sutra: j     tām āśiṣam āśāse 'muṣmai jyotiṣmatīm iti jātaputraḥ /

Sutra: k     bahuputraḥ sarveṣāṃ putrāṇāṃ nāmāny anudrutya jyotiṣmatīm ity antato vadati /

Sutra: l     jyotiṣe tantave tvā \\ asāv anu mā jyotiṣā tanu \\ ity antarāgnī niṣīdati /

Sutra: m     vedatr̥ṇāny upastʰa ādʰāya ye devā yajñahanas \\ ity antarvedy āsīno 'tīmokṣāñ japati /

Sutra: n     kas tvā yunakti sa tvā vimuñcatu \\ iti yajñaṃ vimuñcati sarvam anuvīkṣate \\ agne vratapate vratam acāriṣam ity etair vrataṃ visr̥jate yajño babʰūva sa ābabʰūva \\ iti yajñasya punarālambʰaṃ japati gomām̐ agne 'vimām̐ aśvī yajñas \\ iti prāṅ utkramya japati //

Khanda: 14  
Sutra: a     yajña śaṃ ca te yajña namo namaś ca te yajña \ śivena me saṃtiṣṭʰasva \ syonena me saṃtiṣṭʰasva \ subʰūtena me saṃtiṣṭʰasva \ brahmavarcasena me saṃtiṣṭʰasva \ yajñasyardʰim anu saṃtiṣṭʰasva \\ upa te yajña namas \\ upa te namas \\ upa te namas \\ iti japati /

Page: 525 
Sutra: b     vr̥ṣṭir asi \ vr̥śca me pāpmānam \ r̥tāt satyam upāgām \ apsu śraddʰā \\ ity apa upaspr̥śya yatʰetaṃ pratiniṣkrāmati /

Sutra: c     brāhmaṇām̐s tarpayitavai \\ iti saṃpreṣyati /

Sutra: d     evaṃ vihitaṃ pravasato 'pi yājamānam /

Sutra: e     adʰvaryuḥ karmāṇi karoti /

Sutra: f     anyāny abʰimarśanāt /

Sutra: g     yajamāno mantrāñ japaty anyān vyādeśanāt /

Page: 526 
Sutra: h     evaṃ vihitam iṣṭipaśubandʰānāṃ yājamānam /

Sutra: i     yatʰāvikāram anumantraṇāḥ /

Sutra: j     indrasya vaimr̥dʰasyāhaṃ devayajyayāsapatno bʰūyāsam \\ sarasvatyā ahaṃ devayajyayā vācam annādyaṃ puṣeyam \\ pūṣṇo 'haṃ devayajyayā puṣṭimān paśumān bʰūyāsam \ adityā ahaṃ devayajyayā prajanisīya prajayā ca paśubʰiś ca \ dyāvāpr̥tʰivyor ahaṃ devayajyayobʰayor lokayor r̥dʰyāsam \\ bʰūmānaṃ pratiṣṭʰāṃ gameyam \ aryamṇo 'haṃ devayajyayā svargaṃ lokaṃ puṣeyam \\ viśveṣāṃ devānām ahaṃ devayajyayā prāṇaiḥ sāyujyaṃ gameyam \ indrasyendriyāvato 'haṃ devayajyayendriyāvī paśumān bʰūyāsam \ indrasya trātur ahaṃ devayajyayā trāto bʰūyāsam iti pratyakṣāmnātā anumantraṇāḥ //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.