TITUS
Black Yajur-Veda: Kapisthala-Katha-Samhita
Part No. 16
Previous part

Adhyaya: 34  
Section: 1  
Page: 203  
Line: 1  Verse: a     [ sajūr abda āyavobʰir iti / ]

Verse: b     [ saṃvatsaro vā abdaḥ / ]

Verse: c     [ māsā āyavāḥ / ]

Line: 2  Verse: d     [ uṣā aruṇīḥ / ]

Verse: e     [ sūra ] etaśaḥ /

Verse: f     ime aśvinā /

Line: 3  Verse: g     saṃvatsaro 'gnir vaiśvānaraḥ /

Verse: h     paśava iḍā /

Verse: i     paśavo gʰr̥tam /

Verse: j     saṃvatsaraṃ paśavo 'nu prajāyante /

Line: 4  Verse: k     saṃvatsarād evāsmai paśūn prajanayati /


Line: 5  Verse: l     darbʰastambe juhoti /

Verse: m     yad evāsyā anāmr̥taṃ yad vīryaṃ tad etad utsarpati /

Line: 6  Verse: n     yad evāsyā anāmr̥taṃ yad vīryaṃ tad avarunddʰe /

Verse: o     nāgniṃ cikyānaḥ pramīyate yasyaivaṃ juhvati /


Line: 7  Verse: p     citraṃ devānām udagād anīkam iti puruṣaśīrṣe juhoti /

Line: 8  Verse: q     ahar vai mitro rātrī varuṇaḥ /

Verse: r     etāvad vāvāsti /

Line: 9  Verse: s     yāvad evāsti tad avarunddʰe /


Verse: t     sauryarcā juhoti /

Verse: u     tasmāt puruṣa eva paśūnāṃ sūryaṃ pratyaṅ nyañco 'nye /


Line: 10  Verse: v     yat samānyarcā dvir juhoti

Verse: w     tasmāt samānasya puruṣasya dvau pādau /

Line: 11  Verse: x     yo ha vā agniṃ yoga āgate na yunakti na yuñjāneṣu yuṅkte /


Line: 12  Verse: y     yukṣvā hi devahūtamān //

Verse: z     agne yukṣvā hi ye taveti /

Line: 13  Verse: aa     agnim evaitad yoga āgate yunakti /

Verse: ab     yuṅkte yuñjāneṣu ya evaṃ veda /

Line: 14  Verse: ac     dvābʰyāṃ yunakti /


Verse: ad     astʰūrīty āha /

Verse: ae     yo ha vā agniṃ vimoka āgate na vimuñcati na vimuñcamāneṣu vimuñcate //


Page: 204  
Line: 1  Verse: af     māteva putraṃ pr̥tʰivī purīṣyam agniṃ sve yonāv abʰār ukʰā /

Line: 2  Verse: ag     tāṃ viśve devā r̥tubʰiḥ saṃvidānāḥ prajāpatir viśvakarmā vimuñcatu //

Line: 3  Verse: ah     iti /

Verse: ai     agnim evaitad vimoka āgate vimuñcati /

Verse: aj     vimuñcamāneṣu vimuñcate ya evaṃ veda /


Line: 4  Verse: ak     atʰaitāḥ saṃyānīḥ /

Verse: al     etā vai devatāḥ svargyāḥ /

Line: 5  Verse: am     tābʰir eva svargaṃ lokam eti /

Verse: an     eṣā vai gāyatrī jyotiṣpakṣā /

Line: 6  Verse: ao     tayaiva svargaṃ lokam eti ya evaṃ veda /

Verse: ap     yatʰā nāvodakād udakam abʰisaṃyāty evaṃ vā etābʰir agnicid amutra yatʰālokaṃ saṃyāti /

Line: 8  Verse: aq     tat saṃyānīnāṃ saṃyānītvam /


Verse: ar     etā vai devatāḥ svargyāḥ /

Line: 9  Verse: as     tābʰir eva svargaṃ lokam eti /


Verse: at     atʰaitāny r̥tunāmāni /

Verse: au     r̥tūn evāvarunddʰe /


Line: 10  Verse: av     sumeka iti /

Verse: aw     saṃvatsaro vai sumekaḥ /

Verse: ax     saṃvatsaram evāvarunddʰe /


Line: 11  Verse: ay     atʰaitā ādityeṣṭakāḥ /

Verse: az     ādityā vā etasya teja ādadate yo 'gniṃ cikyāno neva rocate /

Line: 12  Verse: ba     yad etā upadʰīyante

Verse: bb     yatʰā dīpyamāne bʰūyo 'bʰyādadʰāty evam evāsmiṃs tad abʰi pūrvaṃ tejo dadʰāti /

Line: 14  Verse: bc     nāsyādityās teja ādadate /

Verse: bd     yatʰāsau deveṣv evaṃ manuṣyeṣu bʰavati /


Line: 15  Verse: be     atʰaitā gʰr̥teṣṭakāḥ /

Verse: bf     tejo vā agnis tejo gʰr̥tam /

Verse: bg     tejasy eva tejo dadʰāti /


Line: 16  Verse: bh     atʰaitā vr̥ṣṭisanayaḥ /

Verse: bi     vr̥ṣṭim evaitābʰir avarunddʰe /

Verse: bj     etābʰir vā agnicite 'mutra yatʰākāmaṃ varṣati /

Line: 17  Verse: bk     tad vr̥ṣṭisanīnāṃ vr̥ṣṭisanitvam /


Line: 18  Verse: bl     atʰaitā ātmā /

Verse: bm     etad dʰa vā uvāca śaṅkʰaḥ krauṣyaḥ putram agniṃ cikivāṃsam/
      FN emended. Ed.: va.

Line: 19  Verse: bn     acair agnī3m iti /

Verse: bo     acaiṣaṃ hī3ti /

Verse: bp     atʰa katʰā na sarvātmāgā iti

Line: 20  Verse: bq     taddʰi nūnaṃ na vidāṃcakr̥meti /

Verse: br     yasyaitā upadʰīyante sātmānam evāgniṃ cinute /

Line: 21  Verse: bs     punarnitunnā bʰavanti /

Verse: bt     prāṇa eva prāṇam upasaṃdadʰāti /


Page: 205  
Line: 1  Verse: bu     atʰaiṣā ṣaṣṭʰī citiḥ /

Verse: bv     yo 'gniṃ cikyāno neva pratitiṣṭʰet sa etāṃ ṣaṣṭʰīṃ citim upadadʰīta /

Line: 2  Verse: bw     ṣaḍ vā r̥tavaḥ saṃvatsaraḥ /

Line: 3  Verse: bx     r̥tuṣv eva saṃvatsare pratitiṣṭʰati /


Verse: by     etā vai devatāḥ svargyāḥ /

Line: 4  Verse: bz     tābʰir eva svargaṃ lokam eti /


Verse: ca     etā vai devatā abʰicaraṇīyāḥ /

Line: 5  Verse: cb     yaṃ dviṣyāt taṃ brūyād amuṃ vo jambʰe dadʰāmīti /

Line: 6  Verse: cc     etābʰya evainaṃ devatābʰya āvr̥ścati tājak pradʰanvati //



Next part


This text is part of the TITUS edition of Black Yajur-Veda: Kapisthala-Katha-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.