TITUS
Black Yajur-Veda: Kapisthala-Katha-Samhita
Part No. 15
Previous part

Adhyaya: 31  
Section: 1  
Page: 170  
Line: 1  Verse: a     dr̥śāno rukma urviyā vyadyaud iti rukmaṃ pratimuñcate /

Verse: b     mr̥tyur vā agniḥ /

Line: 2  Verse: c     amr̥taṃ hiraṇyam /

Verse: d     amr̥tenaiva mr̥tyor antar dʰatte /


Verse: e     ekaviṃśatinirbābʰo bʰavati

Line: 3  Verse: f     pratiṣṭʰityai /

Verse: g     ekaviṃśatir devalokāḥ /

Verse: h     tebʰya eva bʰrātr̥vyaṃ nirbādʰate /


Line: 4  Verse: i     bahiṣṭān nirbādʰaṃ kuryāt /

Verse: j     asmād evainaṃ lokān nirbādʰate /


Line: 5  Verse: k     ubʰayataḥ paryasyati pratimuñcamānaḥ /

Verse: l     ubʰābʰyām evainaṃ lokābʰyāṃ nirbʰajati /


Line: 6  Verse: m     naktoṣāseti /

Verse: n     ahorātrābʰyām evainaṃ parigr̥hṇāti /


Line: 7  Verse: o     devā agniṃ dʰārayan draviṇodā iti /

Verse: p     prāṇā vai devā draviṇodāḥ /

Line: 8  Verse: q     prāṇairevainaṃ dādʰāra /


Verse: r     ṣaḍudyāmaṃ śikyaṃ bʰavati /

Line: 9  Verse: s     ṣaḍ vā r̥tavaḥ /

Verse: t     r̥tubʰir evainaṃ parigr̥hṇāti /


Verse: u     dvādaśodyāmaṃ bʰavati /

Line: 10  Verse: v     dvādaśa māsāḥ saṃvatsaraḥ /

Verse: w     saṃvatsareṇaivainaṃ parigr̥hṇāti /


Line: 11  Verse: x     mauñjaṃ bʰavati /

Verse: y     ūrg vai muñjāḥ /

Verse: z     ūrjaivainaṃ parigr̥hṇāti /


Verse: aa     nādʰonābʰi bibʰr̥yāt /

Line: 12  Verse: ab     agnir asya reto nirdahet /


Verse: ac     ūrdʰvaṃ nābʰyā bibʰr̥yāt /

Line: 13  Verse: ad     ūrdʰvaṃ vai nābʰyāḥ sadevam /

Verse: ae     agniḥ sarvā devatāḥ /

Line: 14  Verse: af     sadeva eva devatā bibʰarti /


Verse: ag     viśvā rūpāṇi pratimuñcate kavir iti

Line: 15  Verse: ah     sāvitryā pratimuñcate

Verse: ai     prasūtyai /


Verse: aj     āsīnaḥ pratimuñcate /

Verse: ak     tasmād āsīnāḥ prajāḥ prajāyante /


Line: 16  Verse: al     suparṇo 'si garutmān iti /

Verse: am     agner vā ete saṃbʰārāḥ /

Line: 17  Verse: an     agnim evaitaiḥ saṃbʰarati /

Verse: ao     etad vā agneḥ priyaṃ dʰāma /

Line: 18  Verse: ap     tad evāvarunddʰe /


Verse: aq     divaṃ gaccʰa svaḥ pateti

Verse: ar     svargasya lokasya samaṣṭyai /
      FN emended. Ed.: samaṣṭya.


Line: 19  Verse: as     asurāṇāṃ vā ime lokā āsan /

Verse: at     te devā viṣṇum abruvan yāvad ayaṃ kumāro vikramate tāvan no datteti /

Line: 20  Verse: au     sa sakr̥d evemāṃ vyakramata gāyatrīṃ cʰandaḥ sakr̥d antarikṣaṃ triṣṭubʰaṃ cʰandaḥ sakr̥d divaṃ jagatīṃ cʰandaḥ sakr̥d diśo 'nuṣṭubʰaṃ cʰandaḥ /

Page: 171  
Line: 1  Verse: av     te devā imāṃl lokān asurāṇām avr̥ñjata /

Line: 2  Verse: aw     tato devā abʰavan parāsurā abʰavan /

Verse: ax     ya evaṃ vidvān prakrāmān prakrāmatīmān eva lokān bʰrātr̥vyasya vr̥ṅkte /

Line: 3  Verse: ay     bʰavaty ātmanā parāsya bʰrātr̥vyo bʰavati /


Line: 4  Verse: az     akrandad agni stanayann iva dyaur iti /

Verse: ba     etayā vai vatsaprīr bʰālandano 'gneḥ priyaṃ dʰāmāvārunddʰa /

Line: 5  Verse: bb     agner evaitayā priyaṃ dʰāmāvarunddʰe /


Line: 6  Verse: bc     agne 'bʰyāvartin // agne aṅgiraḥ // punar ūrjā / saha rayyeti punar eti /

Line: 7  Verse: bd     tasmād grāmyāḥ paśavaḥ sāyam araṇyād grāmam āyanti /


Line: 8  Verse: be     catasr̥bʰiḥ /

Verse: bf     catuṣpādo hi paśavaḥ /


Line: 9  Verse: bg     dakṣiṇā paryāvartate /

Verse: bh     tasmād dakṣiṇo 'rdʰa ātmano vīryavattaraḥ /


Line: 10  Verse: bi     ā tvāhāriṣam iti /

Verse: bj     ā hy enaṃ harati /


Verse: bk     viśas tvā sarvā vāñcʰantv asme rāṣṭram adʰiśrayeti /

Line: 11  Verse: bl     yaṃ kāmayeta rāṣṭraṃ syād iti taṃ manasā dʰyāyet /

Line: 12  Verse: bm     rāṣṭram eva bʰavati /


Verse: bn     ud uttamaṃ varuṇa pāśam asmad iti /

Line: 13  Verse: bo     śunaḥśepo vā etām ājīgartir varuṇagr̥hīto 'paśyat /

Verse: bp     tayā vai sa varuṇapāśād amucyata /

Line: 14  Verse: bq     varuṇapāśam evaitayā pramuñcate /


Verse: br     agre br̥hann uṣasām ūrdʰvo astʰād iti /

Line: 15  Verse: bs     pāpmā vai tamaḥ /

Verse: bt     pāpmānam evaitayāpahate /


Line: 16  Verse: bu     haṃsaḥ śuciṣad iti /

Verse: bv     sāptāny evaitayā prīṇāti /


Verse: bw     sad iti /

Verse: bx     abʰipūrvam evainaṃ sati pratiṣṭʰāpayati /


Line: 17  Verse: by     āsandyāṃ sādayati /

Verse: bz     sūyate vā eṣo 'gnīnāṃ ya ukʰāyāṃ bʰriyate /

Line: 18  Verse: ca     tasmād āsandyāṃ sādayati /

Verse: cb     yad adʰaḥ sādayet prapādukā garbʰāḥ syuḥ /

Line: 19  Verse: cc     upari sādayati

Verse: cd     garbʰāṇāṃ dʰr̥tyā aprapādāya /


Line: 20  Verse: ce     tisr̥bʰir upatiṣṭʰate /

Verse: cf     trayo vai prāṇāḥ prāṇo vyāno 'pānaḥ /

Line: 21  Verse: cg     tān eva yajamāne dadʰāti /

Verse: ch     traya ime lokāḥ /

Verse: ci     eṣv eva lokeṣv r̥dʰnoti //



Section: 2  
Page: 172  
Line: 1  Verse: a     atʰaitad vātsapram /

Verse: b     etena vai vatsaprīr bʰālandano 'gneḥ priyaṃ dʰāmāvārunddʰa /

Line: 2  Verse: c     agner evaitena priyaṃ dʰāmāvarunddʰe /


Verse: d     etena vai sa r̥ṣīṇām adʰivādam apājayat /

Line: 3  Verse: e     pāpmānam evaitenādʰivādam apajayati /


Line: 4  Verse: f     etena vai so 'bʰiśastīr ajayat /

Verse: g     abʰiśastīr eva jayati ya evaṃ vidvān etenopatiṣṭʰate /


Line: 5  Verse: h     yat prakramān prakrāmati

Verse: i     yāmaṃ tena dādʰāra /


Line: 6  Verse: j     yad upatiṣṭʰate

Verse: k     kṣemaṃ tena /


Verse: l     pūrvedyuḥ prakrāmaty aparedyur upatiṣṭʰate /

Line: 7  Verse: m     tasmād yāme 'nyāsāṃ prajānāṃ manaḥ kṣeme 'nyāsām /

Verse: n     tasmād yāyāvaraḥ kṣemasyeśe /

Line: 8  Verse: o     tasmād yāyāvaraḥ kṣemyam adʰyavasyati /


Verse: p     ekādaśaṃ bʰavati /

Line: 9  Verse: q     ekādaśākṣarā triṣṭup /

Verse: r     [ vīryaṃ triṣṭup / ]

Line: 10  Verse: s     vīryam evāvarunddʰe /


Verse: t     ekeṣaṃ vai purāna āsīt /

Verse: u     tat etad r̥ṣayo 'gnaye dvīṣam ādʰānam apaśyan /

Line: 11  Verse: v     tasmād dvīṣam agnaya ādʰānaṃ kurvanti /

Line: 12  Verse: w     tām idam anukr̥tiṃ dvīṣam anaḥ kriyate /


Verse: x     ud u tvā viśve devā iti /

Line: 13  Verse: y     prāṇā vai viśve devāḥ /

Verse: z     prāṇair evainam udyaccʰate /

Verse: aa     manuṣyā vai viśve devāḥ /

Line: 14  Verse: ab     manuṣyair evainam udyaccʰate /


Verse: ac     agne bʰarantu cittibʰir iti /

Line: 15  Verse: ad     yasmā evainaṃ cittāyodyaccʰate tenainaṃ samardʰayati /


Verse: ae     pred agne jyotiṣmān yāhīti /

Line: 16  Verse: af     abʰi vā eṣa etarhi prajāḥ śocayati /

Verse: ag     śāntyai /


Line: 17  Verse: ah     akrandad agnir iti yadi kṣvedet /

Verse: ai     krandataiva hy anasā vahanti /

Line: 18  Verse: aj     tasmād anasvī ca ratʰī cātitʰīnām apacitatamau /


Verse: ak     annapate annasya no dehīti /

Line: 19  Verse: al     annam evāsami svadayati /


Verse: am     anamīvasya śuṣmiṇa iti /

Verse: an     ayakṣmasyety evaitad āha /


Line: 20  Verse: ao     prapra dātāraṃ tāriṣa ūrjaṃ no dʰehi dvipade catuṣpada iti /

Line: 21  Verse: ap     āśiṣam evāśāste /


Verse: aq     samidʰāgniṃ duvasyateti gʰr̥tenāktvā samidʰam ādadʰāti /

Line: 22  Verse: ar     yatʰā brāhmaṇāyātitʰaye sarpiṣmantaṃ pacaty evam eva tat /


Page: 173  
Line: 1  Verse: as     gāyatryā brāhmaṇasyādadʰyāt /

Verse: at     gāyatro hi brāhmaṇaḥ /

Line: 2  Verse: au     triṣṭubʰā rājanyasya /

Verse: av     traiṣṭubʰo hi rājanyaḥ /

Verse: aw     jagatyā vaiśyasya /

Line: 3  Verse: ax     jāgato hi vaiśyaḥ /

Verse: ay     yatʰācʰandasam eva /


Verse: az     āpo devīḥ pratigr̥hṇīta bʰasmaitad ity apsu bʰasma pravapati /

Line: 4  Verse: ba     āpo vā agner yoniḥ /

Line: 5  Verse: bb     svam evainaṃ yoniṃ gamayati /


Verse: bc     tisr̥bʰiḥ pravapati /

Verse: bd     trivr̥d vā agniḥ /

Line: 6  Verse: be     yāvān evāgnis taṃ pratiṣṭʰāṃ gamayati /


Verse: bf     parā vā eṣo 'gniṃ vapati yo 'psu bʰasma pravapati //

Line: 8  Verse: bg     prasadya bʰasmanā yonim apaś ca pr̥tʰivīm agne /

Line: 9  Verse: bh     saṃsr̥jya mātr̥bʰiṣ ṭvaṃ jyotiṣmān punar āsadaḥ //

Line: 10  Verse: bi     iti

Verse: bj     jyotir evāsmin dadʰāti /


Verse: bk     ūrjā vā eṣa paśubʰir vyr̥dʰyate yo 'psu bʰasma pravapati /

Line: 11  Verse: bl     punar ūrjā // saha rayyeti

Line: 12  Verse: bm     punar evorjaṃ paśūn avarunddʰe /


Verse: bn     bodʰā me asya vacaso yaviṣṭʰeti /

Line: 13  Verse: bo     tasmāt prajāḥ suṣupuṣīḥ prabudʰyante /


Verse: bp     sa bodʰi sūrir magʰavā vasudāvā vasupatir iti /
      FN < vasupatiḥ
      FN emended. Ed.: vasupatid.

Line: 14  Verse: bq     tasmāt paśavaḥ prertvānaś caritvā punar etya yatʰālokaṃ niṣīdanti /


Line: 15  Verse: br     dvābʰyām /

Verse: bs     dvipād yajamānaḥ /

Verse: bt     pratiṣṭʰityai //


Section: 3  
Line: 18  Verse: a     apeta vīta vi ca sarpatāta iti devayajanam adʰyavasyati /

Verse: b     yo vā asyā adʰipatiṃ devayajanam aniryācyāgniṃ cinute yamāya te 'gnayaś cīyante /

Line: 20  Verse: c     yamo 'syā adʰipatiḥ /

Verse: d     yamam evāsyā adʰipatiṃ devayajanaṃ niryācyātmane 'gniṃ cinute /


Line: 21  Verse: e     iṣvagreṇa ha vā asyā anāmr̥tam iccʰanto na vividuḥ /

Line: 22  Verse: f     yad etena devayajanam adʰyavasyati /

Line: 23  Verse: g     asyā evānāmr̥te 'gniṃ cinute /


Verse: h     uvāca ha sanāccʰava etan mā katipayatʰaṃ yajurāyatanād acucyavad iti /


Page: 174  
Line: 1  Verse: i     divaḥ priye dʰāmann agniś cetavyaḥ /

Line: 2  Verse: j     ūṣā vai divaḥ priyaṃ dʰāma /

Verse: k     yad ūṣān nivapati

Verse: l     diva eva priye dʰāmann agniṃ cinute /


Line: 3  Verse: m     iṣṭakā vā etā vaiśvānarīr aparimitā yat sikatāḥ /

Line: 4  Verse: n     yat sikatā upavapati

Verse: o     tā evāvarunddʰe /


Line: 5  Verse: p     ayaṃ so agnir yasmin somam indra iti /

Verse: q     etad viśvāmitrasya sūktam /

Verse: r     etena vai viśvāmitro 'gneḥ priyaṃ dʰāmāvārunddʰa /

Line: 6  Verse: s     agner evaitena priyaṃ dʰāmāvarunddʰe /


Line: 7  Verse: t     catasraḥ prācīr upadadʰāti /

Verse: u     catvāri vai cʰandāṃsi /

Line: 8  Verse: v     cʰandobʰir devāḥ svargaṃ lokam āyan /

Verse: w     teṣāṃ diśaḥ samvlīyanta /

Line: 9  Verse: x     ta etā diśyā apaśyan /

Verse: y     tābʰir diśo 'dr̥ṃhan /

Verse: z     yad dve purastāt samīcī upadadʰāti dve paścāt samīcī

Line: 10  Verse: aa     diśāṃ vidʰr̥tyai /


Line: 11  Verse: ab     aṣṭāv etā upadadʰāti /

Verse: ac     aṣṭākṣarā gāyatrī /

Verse: ad     gāyatrī svargaṃ lokam añjasā veda /

Line: 12  Verse: ae     svargasya lokasya prajañātyai /


Verse: af     aṣṭāv etā upadadʰāti /

Line: 13  Verse: ag     aṣṭākṣarā gāyatrī /

Verse: ah     gāyatro vā agniḥ /

Verse: ai     yāvān evāgnis taṃ cinute /


Line: 14  Verse: aj     aṣṭāv etā upadʰāya trayodaśa lokaṃpr̥ṇayo[padadʰāti / ]

Line: 15  Verse: ak     tā ekaviṃśatiḥ saṃpadyante /

Verse: al     ekavim̐śo vai stomānāṃ pratiṣṭʰā /

Line: 16  Verse: am     pratiṣṭʰā gārhapatyaḥ /

Verse: an     ekaviṃśasyaiva pratiṣṭʰām anu gārhapatyena pratitiṣṭʰati /

Line: 17  Verse: ao     praty agniṃ cikyānas tiṣṭʰati ya evaṃ veda /


Line: 18  Verse: ap     pañcacitīkaṃ cinvīta pratʰamaṃ cinvānaḥ /

Verse: aq     pāṅkto vai yajñaḥ /

Line: 19  Verse: ar     pāṅktāḥ paśavaḥ /

Verse: as     yajñaṃ caiva paśūṃś cāvarunddʰe /


Line: 20  Verse: at     tricitīkaṃ cinvīta dvitīyaṃ cinvānaḥ /

Verse: au     traya ime lokāḥ /

Line: 21  Verse: av     eṣv eva lokeṣv r̥dʰnoti /


Verse: aw     ekacitīkaṃ cinvītottamaṃ cinvānaḥ /

Line: 22  Verse: ax     ekavr̥d eva svargaṃ lokam eti /


Verse: ay     pañca citayo bʰavanti pañca purīṣāṇi /

Line: 23  Verse: az     tad daśa /

Verse: ba     daśākṣarā virāṭ / annaṃ virāṭ /

Verse: bb     virājy evānnādye pratitiṣṭʰati /


Line: 24  Verse: bc     astʰi vā iṣṭakā māṃsaṃ purīṣam /

Page: 175  
Line: 1  Verse: bd     yat purīṣeṇābʰyūhati

Verse: be     tasmād astʰi māṃsena ccʰannam /

Verse: bf     na duścarmā bʰavati ya evaṃ veda /


Line: 2  Verse: bg     samitaṃ saṃkalpetʰām iti saṃnivapati /

Verse: bh     kṣatraṃ sameti /

Line: 3  Verse: bi     brahma yajuḥ /

Verse: bj     brahmaṇaivainau saṃnivapati /


Verse: bk     caturbʰiḥ saṃnivapati /

Line: 4  Verse: bl     catvāri vai cʰandāṃsi /

Verse: bm     cʰandobʰir evainau saṃnivapati /


Line: 5  Verse: bn     yat saṃnyupya viharati

Verse: bo     tasmād brahmaṇā kṣatraṃ sameti brahmaṇā vyeti /


Line: 6  Verse: bp     māteva putraṃ pr̥tʰivī purīṣyam agniṃ sve yonāv abʰār ukʰā /

Verse: bq     tāṃ viśve devā r̥tubʰiḥ saṃvidānā iti /

Line: 7  Verse: br     r̥tubʰir evainaṃ dīkṣayitvartubʰir vimuñcati /


Line: 8  Verse: bs     prajāpatir viśvakarmā vimuñcatv iti

Verse: bt     prajāpatim evāsyā vimoktāraṃ karoti //


Section: 4  
Line: 11  Verse: a     atʰaitā nairr̥tīs tisraḥ kr̥ṣṇāḥ / tuṣapakvās /

Verse: b     yat kr̥ṣṇāḥ /

Line: 12  Verse: c     eṣa hi taṃ varṇaḥ sacate yaṃ nirr̥tir gr̥hṇāti /


Verse: d     yat tuṣapakvās /

Line: 13  Verse: e     etad vai nirr̥tyā bʰāgadʰeyam /

Verse: f     bʰāgadʰeyena ca niravadayate /


Line: 14  Verse: g     yad asya pāre rajasa iti vaiśvānaryādatte /

Verse: h     svadayaty eva /


Verse: i     imāṃ diśaṃ haranti /

Line: 15  Verse: j     etāṃ diśaṃ haranti yaṃ nirr̥tir gr̥hṇāti /

Verse: k     eṣā vai nirr̥tyā diśām /

Line: 16  Verse: l     svāyām eva diśi nirr̥tiṃ niravadayate /


Line: 17  Verse: m     svakr̥ta iriṇa upadadʰāti /

Verse: n     etad vā asyā nirr̥tigr̥hītam /

Line: 18  Verse: o     yatraivāsyā nirr̥tigr̥hītaṃ nirr̥tiṃ niravadayate /


Line: 19  Verse: p     parācīr upadadʰāti /

Verse: q     parācīm eva nirr̥tiṃ niravadayate /


Verse: r     tisra upadadʰāti /

Line: 20  Verse: s     tredʰāvihito vai puruṣaḥ /

Verse: t     yāvān evāsyātmā tasmān nirr̥tiṃ niravadayate /


Line: 21  Verse: u     yaṃ te devī nirr̥tir ābabandʰeti śikyam adʰinyasyati /

Line: 22  Verse: v     nairr̥to vai pāśaḥ /

Verse: w     nirr̥tipāśād evainaṃ muñcati /


Page: 176  
Line: 1  Verse: x     pitr̥lokaṃ vā ete nigaccʰanti ye dakṣiṇā nairr̥tībʰiś caranti /

Line: 2  Verse: y     devaloka āhavanīyaḥ /

Verse: z     yad āhavanīyam upatiṣṭʰate

Line: 3  Verse: aa     devalokam evopāvartate /


Verse: ab     triṣṭubʰopatiṣṭʰate /

Verse: ac     vīryaṃ triṣṭup /

Line: 4  Verse: ad     viryam evāsmin dadʰāti /

Verse: ae     ekayaikadʰaivāsmin vīryaṃ dadʰāti //


Section: 5  
Line: 7  Verse: a     yāvān puruṣa ūrdʰvabāhus tāvatā veṇunā vimimīte /

Verse: b     etāvad vai puruṣe vīryam /

Line: 8  Verse: c     vīryeṇaivainaṃ vimimīte /


Verse: d     trīn puruṣān prāñcaṃ mimīte caturas tiryañcam /

Line: 9  Verse: e     tasmāt sapta puruṣān abʰy agnicid annam atti trīn purastāt trīn adʰastād ātmā saptamaḥ /
      FN emended. Ed.: purastātrīn.


Line: 10  Verse: f     aratnimātraṃ pakṣayor upadadʰāti prādeśamātraṃ puccʰe /

Line: 11  Verse: g     puruṣeṇa vai yajñaḥ saṃmitaḥ /

Verse: h     yajñapuruṣāsaṃmitam /

Line: 12  Verse: i     tasmāt pakṣapravayāṃsi vayāṃsi /


Verse: j     ṣaḍgavena kr̥ṣati /
      FN emended. Ed.: ṣaṅgavena.

Line: 13  Verse: k     ṣaḍ vā r̥tavaḥ

Verse: l     r̥tubʰir eva /


Verse: m     tisrastisraḥ sītāḥ saṃpādayati /

Line: 14  Verse: n     trivr̥d vā agniḥ /

Verse: o     tā dvādaśa saṃpadyante /

Verse: p     dvādaśa māsāḥ saṃvatsaraḥ /

Line: 15  Verse: q     saṃvatsarasyaiva vidʰām anuvidʰīyate /

Verse: r     atʰo r̥tubʰir eva kr̥ṣṭvā saṃvatsare pratitiṣṭʰati /


Line: 16  Verse: s     iyaṃ vā agner atidāhād abibʰet /

Line: 17  Verse: t     saitad dviguṇaṃ kr̥ṣṭaṃ cākr̥ṣṭaṃ cākuruta /

Verse: u     yat kr̥ṣṭaṃ cākr̥ṣṭaṃ ca bʰavati /

Line: 18  Verse: v     asyā anatidāhāya /

Verse: w     atʰo dviguṇenaivāsyā vīryam udyaccʰate /

Line: 19  Verse: x     etāvanto vai paśavo dvipādaś ca catuṣpādaś ca /

Line: 20  Verse: y     tān etad aganau pratidadʰāti /


Verse: z     yad udīca utsr̥jed rudrāya paśūn apidadʰyād apaśuḥ syāt /

Line: 21  Verse: aa     yad dakṣiṇā pitr̥bʰyo nidʰūvet /

Verse: ab     yat pratīco rakṣāṃsi hanyuḥ /

Line: 22  Verse: ac     dakṣiṇā prācaḥ sūryam abʰyutsr̥jati /

Verse: ad     sūryo vai paśūnāṃ prāṇaḥ /

Line: 23  Verse: ae     prāṇam evainān abʰyutsr̥jati /


Verse: af     oṣadʰīnām r̥gbʰiḥ / oṣadʰīnāṃ pʰalāni vapati /

Line: 24  Verse: ag     rūpeṇaivānnam avarunddʰe /


Verse: ah     annasyānnasya vapati /

Page: 177  
Line: 1  Verse: ai     sarvam evānnam avarunddʰe /


Verse: aj     yasya na vapati tena vyr̥dʰyate /

Line: 2  Verse: ak     yasya na vapet tad idʰme 'pi prokṣet /

Verse: al     tenaiva tad avarunddʰe /


Line: 3  Verse: am     caturdaśabʰir vapati /

Verse: an     sapta vai grāmyā oṣadʰayaḥ saptāraṇyāḥ /

Verse: ao     tā evāvarunddʰe /


Line: 4  Verse: ap     arko vā agnir annam arkaḥ /

Verse: aq     arka evaitad arkaś cīyate /


Line: 5  Verse: ar     kr̥ṣṭe vapati /

Verse: as     kr̥ṣṭe hy āśiṣṭʰam oṣadʰayaḥ pratitiṣṭʰanti /

Verse: at     anusītaṃ prajātyai /


Line: 6  Verse: au     dvādaśasu sītāsu vapati /

Verse: av     dvādaśa māsāḥ saṃvatsaraḥ /

Line: 7  Verse: aw     saṃvatsareṇaivāsmā annaṃ pacati //


Section: 6  
Line: 9  Verse: a     digbʰyo loṣṭān samasyati /

Verse: b     digbʰya ūrjaṃ saṃbʰarati /

Line: 10  Verse: c     ūrjy evāgniṃ cinute /


Verse: d     yāṃ janatāṃ dviṣyāt tasyā diśa āharet /

Line: 11  Verse: e     iṣam ūrjam aham ita ādam iti /

Verse: f     iṣam evāsyā ūrjam ādatte kṣodʰukā bʰavati /


Line: 12  Verse: g     uttaravediṃ nivapati /

Verse: h     uttaravedyāṃ hy agniś cīyate /

Line: 13  Verse: i     atʰo yajñaparur eva nāntareti /

Verse: j     paśavo vā uttaravediḥ /

Verse: k     paśūn evāvarunddʰe /


Line: 14  Verse: l     agne tava śravo vaya iti ṣaḍ r̥cena nivapati /

Verse: m     ṣaḍ vā r̥tavaḥ saṃvatsaraḥ /

Line: 15  Verse: n     saṃvatsaro 'gnir vaiśvānaraḥ /

Verse: o     rūpeṇaiva vaiśvānaram avarunddʰe /


Line: 16  Verse: p     aṣṭākaṣarā pratʰamā /

Verse: q     aṣṭāśapʰāḥ paśavaḥ /

Verse: r     paśūn evāvarunddʰe /


Line: 17  Verse: s     ūnātiriktā mitʰunāḥ /

Verse: t     prajātyai /


Verse: u     samudraṃ vai nāmaitat prajāpateś cʰandaḥ /

Line: 18  Verse: v     samudrāt paśavaḥ prajāyante /

Verse: w     paśūnāṃ prajātyai /


Line: 19  Verse: x     indro vai vr̥trāya vajraṃ prāharat /

Verse: y     sa tredʰābʰavat spʰyas tr̥tīyaṃ yūpas tr̥tīyaṃ ratʰas tr̥tīyam /

Line: 20  Verse: z     yad aśīryata tāḥ śarkarāḥ /

Line: 21  Verse: aa     paśur vā agniḥ /

Verse: ab     vajraḥ śarkarāḥ /

Verse: ac     yac cʰarkarābʰiḥ pariminoti

Line: 22  Verse: ad     vajreṇaivāsmai paśūn parigr̥hṇāti /

Verse: ae     tasmāt paśavo vajreṇa vidʰr̥tāḥ /

Line: 23  Verse: af     tasmāt stʰeyān astʰeyaso nādatte /


Verse: ag     daśabʰirdaśabʰiḥ pariminuyād annakāmasya /

Line: 24  Verse: ah     dakṣākṣarā virāṭ /

Verse: ai     annaṃ virāṭ /

Line: 25  Verse: aj     virājy evānnādye pratitiṣṭʰati /


Verse: ak     navabʰirnavabʰir abʰicarataḥ /

Page: 178  
Line: 1  Verse: al     trivr̥d vajraḥ /

Verse: am     vajram eva bʰrātr̥vyāya praharati /


Verse: an     saptabʰiḥsaptabʰiḥ paśukāmasya /

Line: 2  Verse: ao     sapta vai prāṇāḥ /

Verse: ap     prāṇebʰyaḥ paśavaḥ prajāyante /

Line: 3  Verse: aq     paśūnāṃ prajātyai /


Verse: ar     aparimitya śarkarāḥ sikatā vyūhed yaṃ kāmayetāpaśuḥ syād iti /

Line: 4  Verse: as     aparigr̥hītam evāsya retaḥ parāsiñcaty apaśur bʰavati /


Line: 5  Verse: at     parimitya śarkarāḥ sikatā vyūhed yaṃ kāmayeta paśumānt syād iti /

Line: 6  Verse: au     parigr̥hītam evāsmai retaḥ siñcati paśumān bʰavati /


Line: 7  Verse: av     cʰandāṃsi vā agner yoniḥ somo retodʰāḥ /

Verse: aw     yac cʰandobʰir nyupya saumyā vyūhati

Line: 8  Verse: ax     yonāv eva reto dadʰāti /


Verse: ay     vyūhati /

Line: 9  Verse: az     tasmād yonau garbʰā vardʰante /


Verse: ba     nānāprabʰr̥tayo bʰavanti samānodarkāḥ /

Line: 10  Verse: bb     tasmāt samānād yoner nānārūpaḥ prajāyante /


Verse: bc     gāyatryā brāhmaṇasya vyūhet /

Line: 11  Verse: bd     gāyatro hi brāhmaṇaḥ /

Verse: be     triṣṭubʰā rājanyasya /

Verse: bf     traiṣṭubʰo hi rājanyaḥ /

Line: 12  Verse: bg     jagatyā vaiśyasya /

Verse: bh     jāgato hi vaiśyaḥ /

Verse: bi     yatʰācʰandasam eva //


Section: 7  
Line: 15  Verse: a     upāṃśv anvāha /

Verse: b     anirukto vā etarhi yajño yarhy avyāvr̥ttaḥ /

Line: 16  Verse: c     tasmād upāṃśv anvāha /


Verse: d     cʰandāṃsy anvāha /

Verse: e     cʰandobʰir vā agnir uttaravedim ānaśe /

Line: 17  Verse: f     tasmāc cʰandāṃsy anvāha /


Verse: g     sūryasyaivaitad adʰvānaṃ yanti /

Line: 18  Verse: h     yad aśvaṃ prāñcaṃ ca pratyañcaṃ cākramayanti /

Verse: i     tasmād asāv ādityaḥ prāṅ caiti pratyaṅ ca /


Line: 19  Verse: j     prājāpatyo 'śvaḥ /

Verse: k     yad aśvam ākramayati

Line: 20  Verse: l     prajāpatinaivainaṃ cinute /


Verse: m     apāṃ pr̥ṣṭʰam asi yonir agner iti puṣkaraparṇam upadadʰāti /

Line: 21  Verse: n     apāṃ hy etat pr̥ṣṭʰaṃ yonir agneḥ /

Verse: o     yat puṣkaraparṇam upadadʰāti

Line: 22  Verse: p     sva evainaṃ yonau cinute /

Verse: q     śāntyā anirdāhāya /


Line: 23  Verse: r     vardʰamāno mahāṃ ā ca puṣkara iti /

Verse: s     vardʰate hy eṣa yo bʰavati /


Line: 24  Verse: t     divo mātrayā variṇā pratʰasveti

Verse: u     pratʰayaty eva /


Verse: v     brahma jajñānaṃ pratʰamaṃ purastād iti rukmam upadadʰāti /

Page: 179  
Line: 1  Verse: w     brahmamukʰābʰir vai prajāpatiḥ prajābʰir ārdʰnot /

Line: 2  Verse: x     r̥ddʰyai /


Verse: y     ekaviṃśatinirbādʰo bʰavati /

Verse: z     pratiṣṭʰityai /
      FN emended. Ed.: pratiṣṭityai.

Line: 3  Verse: aa     ekaviṃśatir devalokāḥ /

Verse: ab     tebʰya eva bʰrātr̥vyaṃ nirbādʰate /


Line: 4  Verse: ac     adʰastān nirbādʰān karoti

Verse: ad     bʰrātr̥vyasyaiva nigr̥hītyai /


Verse: ae     na pr̥tʰivyāṃ nāntarikṣe na divy agniś cetavyaḥ /

Line: 5  Verse: af     yat pr̥tʰivyāṃ cinvītauṣadʰīḥ śucā nirdahet /

Line: 6  Verse: ag     yad antarikṣe vayāṃsi

Verse: ah     yad divi divam /

Line: 7  Verse: ai     amr̥taṃ hiraṇyam /

Verse: aj     yad rukmam upadadʰāti /

Verse: ak     amr̥ta evāgniṃ cinute /


Line: 8  Verse: al     hiraṇyagarbʰaḥ samavartatāgra iti puruṣaṃ hiraṇmayam upadadʰāti /

Verse: am     yajamānalokam evaitena dādʰāra /

Line: 9  Verse: an     atʰo madʰyejyotiṣam evāgniṃ cinute /


Line: 10  Verse: ao     drapsaś caskandety abʰimr̥śati /

Verse: ap     hotrāsv evainaṃ satye pratiṣṭʰāpayati /


Line: 11  Verse: aq     sarpaśīrṣair upatiṣṭʰate /

Verse: ar     mr̥tyava evainaṃ paridadāti /

Verse: as     atʰo yā sarpe tviṣis tām evāvarunddʰe /


Line: 12  Verse: at     yad upadadʰyāt pramāyukaḥ syāt /

Line: 13  Verse: au     yat samīcīnam itaraiḥ śīrṣair upadadʰyād grāmyān paśūn daṃśukāḥ syuḥ /

Line: 14  Verse: av     yad viṣūcīnam āraṇyān /

Verse: aw     yajur eva vadet /

Verse: ax     tenaiva tāṃ tviṣim avarunddʰe /

Line: 15  Verse: ay     tena śāntam /

Verse: az     etasmād dʰa vai purāgnicitam adidr̥kṣanta /
      FN emended. Ed.: purāgniccitam.

Line: 16  Verse: ba     sarvā hy etās tviṣīr avāruddʰa yāgnau yā sarpe yā sūrye /

Verse: bb     atʰaitad vāmadevasya rākṣogʰnam /

Line: 17  Verse: bc     yajñamukʰeyajñamukʰe vai yajñaṃ rakṣāṃsi jigʰāṃsanti /

Line: 18  Verse: bd     rakṣasām apahatyai /


Verse: be     pañcarcaṃ bʰavati /

Verse: bf     pāṅkto 'gniḥ /

Line: 19  Verse: bg     yāvān evāgnis tasmād rakṣāṃsy apahanti /


Verse: bh     sarvā diśo 'nuparicāraṃ juhoti /

Line: 20  Verse: bi     digbʰya eva rakṣāṃsi hanti /


Verse: bj     srucāv upadadʰāti /

Line: 21  Verse: bk     ime evaitad upadʰatte /


Verse: bl     tūṣṇīm upadadʰāti /

Verse: bm     na hīme yajuṣāptum arhati /


Line: 22  Verse: bn     ātmā vai puruṣo bāhū srucau /

Verse: bo     yat srucāv upadadʰāti

Line: 23  Verse: bp     sātmatvāya /


Verse: bq     dakṣiṇato vai devānāṃ yajñaṃ rakṣāṃsy āhutīr niṣkāvamādan /

Page: 180  
Line: 1  Verse: br     tāni kārṣmaryeṇāpāgʰnata /

Verse: bs     yat kārṣmaryamayīṃ dakṣiṇata upadadʰāti

Line: 2  Verse: bt     rakṣasām antarhitayi /


Verse: bu     gʰr̥tena pūrayati /

Verse: bv     vajro vai kārṣmaryo vajro gʰr̥tam /

Line: 3  Verse: bw     vajra eva vajraṃ dadʰāti /


Verse: bx     gāyatryopadadʰāti /

Line: 4  Verse: by     gāyatro vā agnir gāyatraccʰandāḥ /

Verse: bz     svenaivainaṃ cʰandasā samardʰayati /


Line: 5  Verse: ca     dadʰnaudumbarīṃ pūrayati /

Verse: cb     annaṃ vai dadʰy ūrg udumbaraḥ /

Line: 6  Verse: cc     anna evorjaṃ dadʰāti /


Verse: cd     triṣṭubʰopadadʰāti /

Verse: ce     aindrī vai triṣṭup /

Line: 7  Verse: cf     annam indriyam /

Verse: cg     indriyam evānnādyam avarunddʰe /


Verse: ch     iyaṃ vai kārṣmaryamayy asāv audumbarī /

Line: 8  Verse: ci     yad audumbarīm uttarām upadadʰāti

Verse: cj     tasmād asāv asyā uttarā mūrdʰanvatī /

Line: 9  Verse: ck     mūrdʰaivaitābʰyāṃ kriyate /


Verse: cl     virājy agniś cetavyaḥ /

Line: 10  Verse: cm     srug vai virāṭ /

Verse: cn     yat srucāv upadadʰāti

Verse: co     virājy evāgniṃ cinute //


Section: 8  
Line: 13  Verse: a     yāṃ vā avidvān adʰvaryur iṣṭakāṃ pratʰamām upadadʰāti tayā yajamānasya prāṇam apidadʰāti prajāyāś ca paśūnāṃ ca /


Line: 14  Verse: b     svayamātr̥ṇṇā bʰavati

Line: 15  Verse: c     prāṇānām utsr̥ṣṭyai svargasya lokasyānukʰyātyai /


Verse: d     prājāpatyo 'śvaḥ /

Line: 16  Verse: e     yad aśvam upagʰrāpayati

Verse: f     prajāpatinaivainaṃ cinute /


Verse: g     iyaṃ vai svayamātr̥ṇṇā /

Line: 17  Verse: h     imām evaitad upadʰatte /


Verse: i     yadi manyeta pūrvo mātikrānto bʰrātr̥vya iti prācīm udūhet /

Line: 18  Verse: j     ya evainaṃ pūrvo 'tikrānto bʰrātr̥vyas tam anayā praṇudate /


Line: 19  Verse: k     yadi manyeta paścād iva mā bʰrātr̥vya iti pratīcīm apohet /

Line: 20  Verse: l     ya evainaṃ paścād bʰrātr̥vyas tam anayāpanudate /


Line: 21  Verse: m     yadi manyeta sadr̥ṅ mayeti / vicālayet /

Verse: n     yā vā iyaṃ prajā vyadʰūnuta parā tā abʰavan /

Line: 22  Verse: o     iyam evainaṃ vidʰūnute /


Line: 23  Verse: p     atʰaiṣā dūrveṣṭakā /

Verse: q     paśur vā agniḥ /

Verse: r     na paśava āyavase ramante /

Line: 24  Verse: s     paśubʰya evaitad āyatanaṃ karoti /

Verse: t     paśūnāṃ dʰr̥tyai /


Verse: u     kāṇḍātkāṇḍāt prarohantīti

Line: 25  Verse: v     pratiṣṭʰityai /


Verse: w     sahasreṇa śatena ceti /

Verse: x     sahasravatī prajāpatinā saṃmitā /

Line: 26  Verse: y     gaccʰati sāhasrīṃ puṣṭiṃ paśūnāṃ ya evaṃ vidvān etām upadʰatte /


Page: 181  
Line: 1  Verse: z     atʰaiṣā vāmabʰr̥t /

Verse: aa     etayā vai devā asurāṇāṃ vāmaṃ paśūn avr̥ñjata /

Line: 2  Verse: ab     vāmam evaitayā paśūn bʰrātr̥vyasya vr̥ṅkte /


Verse: ac     dviyajur bʰavati /

Line: 3  Verse: ad     bʰrātr̥vyalokam eva / dviyajuṣā vr̥ṅkte /

Verse: ae     dvitīye hi loke bʰrātr̥vyo hiraṇyaśīrṣṇī bʰavati /

Line: 4  Verse: af     hiraṇyajyotir eva svargaṃ lokam eti /


Line: 5  Verse: ag     prabāhuk kācāv āhatau bʰavataḥ /

Verse: ah     tasmāt prabāhug akṣyau /


Line: 6  Verse: ai     atʰaite retaḥsicau /

Verse: aj     asau vai svarāḍ iyaṃ virāṭ /

Verse: ak     uttānāyāṃ striyāṃ pumān retaḥ siñcati /

Line: 7  Verse: al     asāv asyāṃ retaḥ siñcatīyaṃ prajanayati /

Line: 8  Verse: am     agnir atti /

Verse: an     saretasam agniṃ cinute /

Verse: ao     prajāyate 'tty annaṃ ya evaṃ vidvān ete upadʰatte


Line: 9  Verse: ap     svarāḍ asīti dakṣiṇata upadadʰāti /

Line: 10  Verse: aq     tasmād dakṣiṇataḥ pumān striyam upaśaye /


Verse: ar     yadi pūrvavayase cinvītobʰe saha pratʰamāyāṃ cityām upadadʰyāt /

Line: 11  Verse: as     samīcī evāsmai retaḥ siñcataḥ /


Line: 12  Verse: at     anyatarām upadadʰyād yaṃ dviṣyāt tasya /

Verse: au     retasaivainaṃ vyardʰayati /


Line: 13  Verse: av     yady uttaravayase cinvīta pratʰamāyām anyāṃ cityām upadadʰyād uttamāyām anyām /

Line: 14  Verse: aw     reta eva siktam ābʰyāṃ parigr̥hṇāti /


Verse: ax     r̥tavye upadadʰāti /

Line: 15  Verse: ay     r̥tūnāṃ vidʰr̥tyai /


Verse: az     dvedve upadadʰāti /

Verse: ba     dvaudvau hy r̥tavaḥ /


Verse: bb     atʰaiṣā tryālikʰitā /

Line: 16  Verse: bc     devāś ca vā asurāś ca samāvad eva yajñe 'kurvata yad eva devā akurvata tad asurā akurvata /
      FN emended. Ed.: 'kurvatā.

Line: 17  Verse: bd     te devā etāṃ tryālikʰitām apaśyan /

Line: 18  Verse: be     tām uttaralakṣmāṇam upādadʰata /

Verse: bf     tad asurā nānvavāyan /

Line: 19  Verse: bg     tato devā abʰavan [ parāsurā abʰavan / ]

Verse: bh     ya evaṃ vidvān etām uttaralakṣmāṇam upadʰatte bʰrātr̥vyasyān anvavāyāya /

Line: 21  Verse: bi     bʰavaty ātmanā parāsya bʰrātr̥vyo bʰavati /


Verse: bj     adʰaralakṣmāṇam upadadʰyād yaṃ dviṣyāt tasya /

Line: 22  Verse: bk     asurayonim evainam anuparābʰāvayati /

Verse: bl     ime vai lokās tryālikʰitā /

Line: 23  Verse: bm     imān evaitayā lokān āpnoti /

Verse: bn     yasyā mr̥da ukʰāṃ kurvanti tasyā etāṃ kuryāt /

Page: 182  
Line: 1  Verse: bo     tenaivāsya sarvā iṣṭakā jyotiṣmatīr yajuṣmatīr bʰavanti //


Section: 9  
Line: 4  Verse: a     medʰo vā eṣa paśūnāṃ yat kūrmaḥ /

Verse: b     yat kūrmam upadadʰāti /

Verse: c     etam evainaṃ medʰam abʰisaṃjānānāḥ paśava upatiṣṭʰante /


Line: 5  Verse: d     jīvantam upadadʰāti /

Line: 6  Verse: e     sa hi medʰyaḥ /


Verse: f     catuṣpād bʰavati /

Verse: g     catasro diśaḥ /

Verse: h     dikṣv eva pratitiṣṭʰati /


Line: 7  Verse: i     mahī dyauḥ pr̥tʰivī ca na iti /

Verse: j     dyāvāpr̥tʰivyor evaitayā rūpe dādʰāra /


Line: 8  Verse: k     dadʰnā ca madʰunā cābʰyanakti /

Verse: l     apāṃ vā eṣa oṣadʰīnāṃ raso yan madʰu /

Line: 9  Verse: m     yan madʰunābʰyanakti /

Verse: n     apām evauṣadʰīnāṃ rasam avarunddʰe /


Line: 10  Verse: o     medʰo vā eṣa paśūnām ūrg dadʰi /

Verse: p     yad dadʰnābʰyanakti

Line: 11  Verse: q     paśūnām eva medʰa ūrjaṃ dadʰāti /


Verse: r     iṣṭakacid vā anyo 'gniḥ paśucid anyaḥ /

Line: 12  Verse: s     yaj jīvantaṃ kūrmam upadadʰāti

Verse: t     tenaivainaṃ paśucitaṃ karoti /


Line: 13  Verse: u     eṣa vai svargasya lokasyottamapadī /

Verse: v     yatʰā prajānan kṣetravid añjasānyān nayaty evam evainam eṣa svargaṃ lokam abʰinayati /


Line: 14  Verse: w     viṣṇor nābʰāv agniś cetavyaḥ /

Line: 15  Verse: x     yo vā anābʰim agniṃ cinute yajamānasya nābʰim anupraviśati /

Line: 16  Verse: y     sa enaṃ nirdahati /

Verse: z     eṣā vai viṣṇor nābʰir

Line: 17  Verse: aa     yad ulūkʰalam upadadʰāti /

Verse: ab     viṣṇor eva nābʰāv agniṃ cinute /


Line: 18  Verse: ac     audumbaraṃ bʰavati /

Verse: ad     ūrg vā udumbaraḥ /

Verse: ae     ūrjam eva madʰyato dadʰāti /

Line: 19  Verse: af     tasmān madʰyataḥ ūrg ūrjayati /


Verse: ag     prādeśamātraṃ bʰavati /

Verse: ah     etāvatī hi viṣṇor nābʰiḥ /


Line: 20  Verse: ai     vaiṣṇavyā karmaṇyabʰyopadadʰāti /
      FN emended. Ed.: vaiṣṇapyā.

Verse: aj     karma hy etat kriyate /


Line: 21  Verse: ak     atʰaiṣokʰā

Verse: al     ojo vā etad vīryaṃ saṃbʰriyate/
      FN emended. Ed.: ojo vā e ta.

Verse: am     yad ukʰā /

Line: 22  Verse: an     oja eva vīryaṃ madʰyato dadʰāti /

Verse: ao     eṣāṃ vā etal lokānāṃ jyotir avarunddʰe /

Line: 23  Verse: ap     jyotir eva madʰyato dadʰāti /


Verse: aq     madʰyejyotiṣam agniṃ cinute /

Page: 183  
Line: 1  Verse: ar     tasmān madʰyato jyotir upāsate /


Verse: as     sikatābʰiḥ pūrayati svenāyatanena /

Line: 2  Verse: at     agner vā etad vaiśvānarasya bʰasma yat sikatāḥ /

Line: 3  Verse: au     rūpeṇaiva vaiśvānaram avarunddʰe /


Verse: av     yad ūnām upadadʰyāt kṣodʰuko yajamānaḥ syāt /

Line: 4  Verse: aw     pūrṇām upadadʰāti /

Verse: ax     akṣodʰuko yajamāno bʰavati /

Verse: ay     anupadasyad annam atti /


Line: 5  Verse: az     gʰr̥tena pūrayati /

Verse: ba     etad vā agneḥ priyaṃ dʰāma yad gʰr̥tam /

Line: 6  Verse: bb     priyeṇaivainaṃ dʰāmnā samardʰayati //


Section: 10  
Line: 8  Verse: a     ekaviṃśatiṃ māṣān pratinyupya puruṣaśīrṣam āharati /

Verse: b     amedʰyā vai māṣā amedʰyaṃ puruṣaśīrṣam /

Line: 9  Verse: c     amedʰyenaivāmedʰyaṃ krīṇāti /


Line: 10  Verse: d     ekaviṃśatir bʰavanti /

Verse: e     ekaviṃśo vai puruṣaḥ /

Verse: f     yāvān evāsyātmā taṃ krīṇāti /


Line: 11  Verse: g     saptadʰātr̥ṇṇāṃ valmīkavapāṃ pratinidadʰāti /
      FN emended. Ed.: valkīkavapāṃ.

Line: 12  Verse: h     vyr̥ddʰaṃ vā etat prāṇaiḥ /

Verse: i     sapta śīrṣaṇyāḥ prāṇāḥ /

Verse: j     prāṇair evainat samardʰayati /


Line: 13  Verse: k     yamagātʰā gāyati /

Verse: l     yamalokād evainad vr̥ṅkte /


Line: 14  Verse: m     tisro gāyati /

Verse: n     traya ime lokāḥ /

Verse: o     ebʰya evainal lokebʰyo vr̥ṅkte /

Line: 15  Verse: p     tasmād gāyate na deyam /

Verse: q     gātʰā hy eva tad vr̥ṅkte /


Line: 16  Verse: r     apa vā etasmād indriyaṃ krāmati prāṇaḥ śīrṣaṃ vīryaṃ cakṣuḥ śrotraṃ vāk /

Line: 17  Verse: s     vyr̥ddʰendriyaṃ vā etad amedʰyam /

Verse: t     mr̥taśīrṣam iti vā etad āhuḥ /

Line: 18  Verse: u     medʰyaṃ hiraṇyam /

Verse: v     yad dʰiraṇyaśalkaiḥ pratyasyati

Line: 19  Verse: w     medʰyam evainad yajñiyaṃ karoti /


Verse: x     ukʰāyām apidʰāya pratyasyati /

Line: 20  Verse: y     pratiṣṭʰām evainad gamayitvā prāṇaiḥ samardʰayati /


Verse: z     sahasradā asi sahasrāya tveti puruṣaśīrṣam upadadʰāti /

Line: 21  Verse: aa     puruṣo ha tvai sahasraṃ paśūn yaccʰati /

Page: 184  
Line: 1  Verse: ab     sahasram anye paśavaḥ /

Verse: ac     yan madʰye puruṣaśīrṣam upadadʰāti

Verse: ad     sayatvāya /


Line: 2  Verse: ae     atʰaitāni paśuśīrṣāṇi /

Verse: af     etā ha vai sāhasrīr iṣṭakāḥ somadakṣaḥ kauśreyaḥ śyāparṇāyopadadʰau /
      FN KS.20.8:27.13: śyāmaparṇāyopadadʰau

Line: 3  Verse: ag     tato ha vai sa sāhasrīṃ puṣṭiṃ paśūnāṃ jagāma /

Line: 4  Verse: ah     gaccʰati sāhasrīṃ puṣṭiṃ paśūnāṃ ya evaṃ vidvān etā upadʰatte /


Line: 5  Verse: ai     purastāt pratīcīnam aśvasya śira upadadʰāti paścāt prācīnam r̥ṣabʰasya /

Line: 6  Verse: aj     goaśvān evāsmin samīco dadʰāti /


Verse: ak     samīcīnāny upadadʰyād yaṃ kāmayeta paśumān syād iti /

Line: 7  Verse: al     samīca evāsmin paśūn dadʰāti /


Line: 8  Verse: am     viṣūcīnāny upadadʰyād yaṃ kāmayetāpaśuḥ syād iti /

Line: 9  Verse: an     vimukʰān evāsmāt paśūn karoti /


Verse: ao     nāntarā paśuśīrṣāṇi vyaveyād adʰvaryuḥ /

Line: 10  Verse: ap     yaviṣṭʰo vai nāmaiṣo 'gniḥ /

Verse: aq     prāṇān asya yuveta pramīyeta /


Line: 11  Verse: ar     ekam upadʰāyaitaiḥ sarvair upatiṣṭʰate /

Verse: as     tad vā sarvato 'nuparihāraṃ sādayet /

Line: 12  Verse: at     tenaiva sarvāṇy upadʰīyante /

Line: 13  Verse: au     nārtimārcʰaty adʰvaryur na bʰreṣaṃ nyeti /


Verse: av     etāvanto vai paśavo dvipādaś ca catuṣpādaś ca /

Line: 14  Verse: aw     tān etac cʰucārpayati /

Verse: ax     amum āraṇyam anu te diśāmi taṃ te śug r̥ccʰatv iti /
      FN emended. Ed.: ta.

Line: 15  Verse: ay     grāmyebʰya eva paśubʰya āraṇyān paśūñ śucam anūtsr̥jati /

Line: 16  Verse: az     tasmād ete samāvat paśūnāṃ prajāyamānānāṃ kaniṣṭʰāḥ /

Line: 17  Verse: ba     śucā hy eta r̥tāḥ //


Section: 11  
Line: 19  Verse: a     paśur vā eṣa yad agniḥ /

Verse: b     paśor eṣa yonir vikriyate /

Verse: c     reto 'pasyāḥ /

Line: 20  Verse: d     yad apasyā upadʰīyante

Verse: e     yonāv eva reto dadʰāti /


Verse: f     yadā vai paśuḥ saṃvartate 'tʰa jāyate /

Line: 21  Verse: g     paśavaś cʰandasyāḥ /

Verse: h     yad apasyā anu ccʰandasyā upadadʰāti

Line: 22  Verse: i     paśūnāṃ prajātyai /


Verse: j     pañcaitā upadadʰāti /

Line: 23  Verse: k     pāṅktāḥ paśavaḥ /

Verse: l     yāvān eva paśus taṃ prajanayati /


Verse: m     iyaṃ vā agner atidāhād abibʰet /

Page: 185  
Line: 1  Verse: n     saitā apasyā asr̥jata /

Verse: o     tā upādʰatta /

Line: 2  Verse: p     yad apasyā upadʰīyante /

Verse: q     asyā anatidāhāya /


Verse: r     uvāca heyam adad it sa brahmaṇānnaṃ yasyaitā upadʰīyanta iti /

Line: 3  Verse: s     atti brahmaṇānnaṃ ya evaṃ vidvān etā upadʰatte /


Line: 4  Verse: t     pañca purastāt pratīcīr upadadʰāti /

Line: 5  Verse: u     tasmāt purastāt pratyaṅ paśur jāyate /


Verse: v     pañca dakṣiṇata udīcīḥ /

Line: 6  Verse: w     tasmād dakṣiṇataḥ pumān strīm upaśaye /


Verse: x     pañca paścāt prācīḥ /

Line: 7  Verse: y     tasmāt paścāt prācīnaṃ reto dʰīyate /


Verse: z     pañcottarāc cʰandasyāḥ /

Line: 8  Verse: aa     paśavo vai cʰandasyā /

Verse: ab     uttarād āyatanāḥ paśavḥ /

Verse: ac     paśūn eva prajātān svam āyatanam abʰiparyūhati /

Line: 9  Verse: ad     paśūnām ahiṃsāyai /


Verse: ae     nottarād apasyā upadadʰyāt /

Line: 10  Verse: af     yad upadadʰyād abʰīpataḥ prajā varuṇo gr̥hṇīyāt /


Line: 11  Verse: ag     apasyā anu prāṇabʰr̥ta upadadʰāti /

Verse: ah     retasy eva sikte prāṇaṃ manaś cakṣuḥ śrotraṃ vācaṃ dadʰāti /

Line: 12  Verse: ai     tasmāt prāṇan paśyañ śr̥ṇvan vadan paśur jāyate /


Line: 13  Verse: aj     ayaṃ puro bʰūr iti yāḥ prāṇavatīs tāḥ purastād upadadʰāti /

Line: 14  Verse: ak     prāṇam eva purastād dadʰāti /

Verse: al     tasmāt prāṅ paśuḥ prāṇiti /


Line: 15  Verse: am     ayaṃ dakṣiṇā viśvakarmeti yā manasvatīs tā dakṣiṇataḥ /

Verse: an     mana eva dakṣiṇato dadʰāti /

Line: 16  Verse: ao     tasmād dakṣiṇo 'rdʰo manasvitaras

Line: 17  Verse: ap     tasmād dakṣiṇato mana upacaranti /


Verse: aq     ayaṃ paścād viśvavyacā iti yāś cakṣuṣmatīs tāḥ paścāt /

Line: 18  Verse: ar     cakṣur eva paścād dadʰāti /

Verse: as     tasmāt prāṅ paśyati /


Line: 19  Verse: at     idam uttarāt svar iti yāḥ śrotravatīs tā uttarāt /

Line: 20  Verse: au     śrotram evottarād dadʰāti /

Verse: av     tasmād uttarāt paśur bʰūyaḥ śr̥ṇoti /


Line: 21  Verse: aw     iyam upari matir iti yā vāṅmatīs tā madʰye /

Verse: ax     vācam eva madʰyato dadʰāti /

Line: 22  Verse: ay     tasmān madʰyato vāg vadati /


Verse: az     akṣṇayopadadʰāti /

Line: 23  Verse: ba     tasmād akṣṇayā padaḥ paśavaḥ praharanto yanti /


Verse: bb     yāḥ purastāt tābʰir vasiṣṭʰa ārdʰnot /

Line: 24  Verse: bc     yā dakṣiṇatas tābʰir bʰaradvājaḥ /

Verse: bd     yāḥ paścāt tābʰir jamadagniḥ /

Page: 186  
Line: 1  Verse: be     yā uttarāt tābʰir viśvāmitraḥ /

Verse: bf     yā madʰye tābʰir viśvakarmā /

Line: 2  Verse: bg     ya evam etāsām r̥ddʰiṃ vedardʰnoti /

Verse: bh     ya evam āsāṃ kl̥ptiṃ veda kalpate 'smai /

Line: 3  Verse: bi     ya evam āsāṃ bandʰutāṃ veda bandʰumān bʰavati /

Line: 4  Verse: bj     ya evam āsāṃ nidānaṃ veda nidānavān bʰavati /

Verse: bk     ya evam āsām āyatanaṃ vedāyatanavān bʰavati /

Line: 5  Verse: bl     ya evam āsāṃ pratiṣṭʰāṃ veda gaccʰati pratiṣṭʰām //


Section: 12  
Line: 8  Verse: a     atʰaitā āśvinīḥ /

Verse: b     utsannayajño vā eṣa yad agniḥ /

Verse: c     ko ha tad veda yāvad etasya na kriyate yāvan na cīyate /

Line: 9  Verse: d     aśvinau devānāṃ bʰiṣajau /

Line: 10  Verse: e     yad evāsyātra na kriyate yan na cīyate tad etābʰiḥ kalpayati tad bʰiṣajyati /

Line: 11  Verse: f     pañcaitā upadadʰāti /

Verse: g     pāṅkto 'gniḥ /

Line: 12  Verse: h     yāvān evāgnis tasmai bʰeṣajaṃ karoti /

Verse: i     agner evaitābʰir diśaḥ kalpayate /


Line: 13  Verse: j     adityās tvā pr̥ṣṭʰe sādayāmīti /

Verse: k     imān evaitayā lokān dādʰāra /


Line: 14  Verse: l     r̥tavyā upadadʰāti /

Verse: m     r̥tūnāṃ vidʰr̥tyai /


Verse: n     pañcopadadʰāti /

Line: 15  Verse: o     pañca vā r̥tavaḥ /

Verse: p     yāvanta evartavas tān kalpayati /


Verse: q     samānaprabʰr̥tayo bʰavanti samānodarkāḥ /

Line: 16  Verse: r     samānaprabʰr̥tayo hy r̥tavaḥ samānodarkāḥ /


Line: 17  Verse: s     ekayā vyāhr̥tyā vyāvartayati /

Verse: t     tasmād r̥tavo vyāvartante /

Line: 18  Verse: u     tasmāt samānasya saṃvatsarasya nānārūpāṇi /
      FN Mittwede, Textkritische Bemerkungen zur KS, p. 107


Line: 19  Verse: v     āśvinīr anv r̥tavyā upadadʰāti /

Verse: w     retasy eva hita r̥tūn upadadʰāti /

Line: 20  Verse: x     tasmād reto hitam r̥tūn anu prajāyate /


Verse: y     r̥tavyā anu vāyavyā upadadʰāti /

Line: 21  Verse: z     r̥tuṣv eva prāṇaṃ dadʰāti /

Verse: aa     tasmād ete samānāḥ pariyanto na jīryanti /

Line: 22  Verse: ab     tasmād r̥tūn anu vāyur āvarīvartti /


Verse: ac     vāyavyā anv apasyā upadadʰāti /

Line: 23  Verse: ad     tasmād vāyur vr̥ṣṭiṃ vahati /

Verse: ae     vr̥ṣṭim evaitābʰir avarunddʰe /


Line: 24  Verse: af     yad ekadʰopadadʰyād ekam r̥tuṃ varṣet /

Verse: ag     anuparihāraṃ sādayati /

Page: 187  
Line: 1  Verse: ah     tasmād r̥tumr̥tuṃ varṣati /


Verse: ai     apasyā anu vayasyā upadadʰāti /

Line: 2  Verse: aj     paśavo vai vayasyāḥ /

Verse: ak     yad apsyā anu vayasyā upadadʰāti

Line: 3  Verse: al     tasmān nānāmanasaḥ paśavo nānāvratā apa evābʰi samanasaḥ /


Line: 4  Verse: am     apasyā upadʰāya vayasyā upadadʰyād yaṃ kāmayeta paśumān syād iti /

Line: 5  Verse: an     saṃjñānaṃ vā etat paśūnāṃ yad āpaḥ /

Verse: ao     saṃjñāna eva paśūnām agniṃ cinute /

Line: 6  Verse: ap     paśumān bʰavati /


Verse: aq     vayasyā upadʰāyāpasyā upadadʰyād yaṃ kāmayetāpaśuḥ syād iti /

Line: 7  Verse: ar     paśūnām evāsaṃjñane 'gniṃ cinute /

Line: 8  Verse: as     apaśur bʰavati /


Verse: at     catasraḥ purastād upadadʰāti /

Verse: au     tasmāt purastāt paśur aṇīyān /

Line: 9  Verse: av     tasmā catvāri cakṣuṣo rūpāṇi dve śukle dve kr̥ṣṇe /


Line: 10  Verse: aw     mūrdʰanvatīḥ /

Verse: ax     tasmāt purastāt paśūnāṃ mūrdʰā /


Verse: ay     pañcapañcābʰitaḥ

Verse: az     paśoḥ sayatvāya /

Line: 11  Verse: ba     tasmāt prāṅ paśuḥ pravaṇaḥ /


Verse: bb     basto vaya iti dakṣiṇata upadadʰāti /

Line: 12  Verse: bc     vr̥ṣṇir vaya ity uttarāt /

Verse: bd     aṃsāv evāsyopadadʰāti /


Line: 13  Verse: be     vyāgʰro vaya iti dakṣiṇe pakṣe /

Verse: bf     siṃho vaya ity uttarasmin /

Line: 14  Verse: bg     pakṣayor eva vīryaṃ dadʰāti /


Verse: bh     vyāgʰro vaya iti pūrvām /

Verse: bi     siṃho vaya ity aparām /

Line: 15  Verse: bj     tasmāt puro vyāgʰro jāyate paścāt siṃhaḥ /


Line: 16  Verse: bk     puruṣo vaya iti madʰye /

Verse: bl     tasmāt puruṣaḥ paśūnām adʰipatiḥ //


Section: 13  
Line: 19  Verse: a     indrāgnī avyatʰamānām iti /

Verse: b     ojo vai vīryam indrāgnī /

Line: 20  Verse: c     antarikṣam eṣā citiḥ /

Verse: d     śitʰilam ivāntarikṣam /

Verse: e     prajā antarikṣam /

Line: 21  Verse: f     prajāsv evaujo vīryaṃ dadʰāti /


Verse: g     svayamātr̥ṇṇā bʰavati

Line: 22  Verse: h     prāṇānām utsr̥ṣṭyai svargasya lokasyānukʰyātyai /


Verse: i     prājāpatyo 'śvaḥ /

Line: 23  Verse: j     yad aśvam upagʰrāpayati

Verse: k     prajāpatinaivainaṃ cinute /


Line: 24  Verse: l     atʰaitā diśyāḥ /

Verse: m     devānāṃ vai svargaṃ lokaṃ yatāṃ teṣāṃ diśa samavlīyanta /

Line: 25  Verse: n     ta etā diśyā apaśyan /

Verse: o     tābʰir diśo 'dr̥ṃhan /

Page: 188  
Line: 1  Verse: p     yad etā upadʰīyante

Verse: q     diśāṃ vidʰr̥tyai /


Verse: r     rājñy asi prācī dig iti /

Line: 2  Verse: s     tasmād eṣā diśāṃ rājñī /


Verse: t     virāḍ asi dakṣiṇā dig iti /

Verse: u     tasmād eṣā diśāṃ virājati /


Line: 3  Verse: v     samrāḍ asi pratīcī dig iti /

Verse: w     tasmād atra sāmrājyam /


Line: 4  Verse: x     svarāḍ asy udīcī dig iti /

Verse: y     tasmād atra svārājyam /


Line: 5  Verse: z     adʰipatny asi br̥hatī dig iti

Verse: aa     tasmād eṣā diśām adʰipatnī /


Line: 6  Verse: ab     etāny eva sarvāṇi bʰavati ya evaṃ vidvān etā upadʰatte /


Line: 7  Verse: ac     āyur me pāhīti daśa purastādupadadʰāti /
      FN emended. Ed.: āyuma.

Verse: ad     nava vai puruṣe prāṇā nābʰir daśamī /

Line: 8  Verse: ae     prāṇān evāsmin dadʰāti /


Verse: af     jyotir me yaccʰety uttamām /

Line: 9  Verse: ag     jyotir evottamaṃ dadʰāti /

Verse: ah     tasmād vāk prāṇānāṃ jyotir uttamam /


Line: 10  Verse: ai     daśaitā upadadʰāti /

Verse: aj     daśākṣarā virāṭ /

Verse: ak     virāṭ cʰandasāṃ jyotiḥ /

Line: 11  Verse: al     cakṣur jyotiḥ /

Verse: am     cakṣur eva prajānāṃ purastād dadʰāti /


Line: 12  Verse: an     mā cʰanda iti dakṣiṇataḥ /

Verse: ao     tasmād dakṣiṇāvr̥to māsāḥ /


Verse: ap     pr̥tʰivī cʰanda iti paścāt

Line: 13  Verse: aq     pratiṣṭʰityai /


Verse: ar     agnir devatety uttarāt /

Verse: as     ojo vā agniḥ /

Line: 14  Verse: at     oja evottarād dadʰāti /

Verse: au     tasmād uttarād abʰiprayāyī jayati /


Line: 15  Verse: av     dvādaśa dakṣiṇata upadadʰāti /

Verse: aw     dvādaśa paścād

Line: 16  Verse: ax     dvādaśottarāt /

Verse: ay     tāḥ ṣaṭtriṃśat saṃpadyante /

Verse: az     ṣaṭtriṃśadakṣarā br̥hatī /

Line: 17  Verse: ba     br̥hatī cʰandasāṃ svārājyam ānaśe /

Verse: bb     svārājyaṃ gaccʰati ya evaṃ vidvān etā upadʰatte /


Line: 18  Verse: bc     ṣaṭtriṃśad etāḥ /

Verse: bd     ṣaṭtriṃśadakṣarā br̥hatī /

Line: 19  Verse: be     bārhatāḥ paśavaḥ /

Verse: bf     antarikṣam eṣā citiḥ /

Line: 20  Verse: bg     paśavo 'ntarikṣam /

Verse: bh     paśuṣv eva paśūn dadʰāti /


Verse: bi     ādityadʰāmāno vā anye prāṇā aṅgirodʰāmānno 'nye /

Line: 21  Verse: bj     ye purastāt ta ādityadʰāmāno ye paścāt te 'ṅgirodʰāmānaḥ /

Line: 22  Verse: bk     mūrdʰāsi rāḍ iti purastād upadadʰāti /

Line: 23  Verse: bl     ya ādityadʰāmānaḥ prāṇās tāṃs tad dādʰāra /

Line: 24  Verse: bm     yantrī rāḍ iti paścāt /

Verse: bn     ye 'ṅgirodʰāmānaḥ prāṇās tāṃs tad dādʰāra /


Line: 25  Verse: bo     sapta purastād upadadʰāti sapta paścāt /

Verse: bp     tasmād adʰaraḥ prāṇa uttareṣāṃ prāṇānām ardʰabʰāk /


Page: 189  
Line: 1  Verse: bq     prajāpatiḥ prajāḥ sr̥ṣṭvā tāsām akāmayata mūrdʰā syām iti /

Line: 2  Verse: br     sa etā mūrdʰanyā apaśyat /

Verse: bs     tābʰir nirajihīta /

Line: 3  Verse: bt     tāsāṃ mūrdʰābʰavat /

Verse: bu     tan mūrdʰanyānāṃ mūrdʰanyātvam /

Line: 4  Verse: bv     mūrdʰaiva samānānāṃ bʰavati ya evaṃ vidvān etā upadʰatte //


Section: 14  
Line: 7  Verse: a     āśus trivr̥d iti purastād upadadʰāti /

Verse: b     yajñamukʰaṃ vai trivr̥t /

Line: 8  Verse: c     yajñamukʰam eva purastād viyātayati /


Verse: d     vyomā saptadaśa iti dakṣiṇataḥ /

Line: 9  Verse: e     annaṃ vai saptadaśaḥ /

Verse: f     saptadaśaṃ vai saṃvatsaram annam anuprajāyate /

Line: 10  Verse: g     annam eva dakṣiṇato dadʰāti /

Verse: h     tasmād dakṣiṇena hastena puruṣo 'nnam atti /


Line: 11  Verse: i     yat saptadaśavatīṃ dakṣiṇata upadadʰāti

Verse: j     tasmād dakṣiṇaṃ pakṣaṃ vayāṃsy anupariplavante /


Line: 12  Verse: k     ekaviṃśavatīṃ paścāt

Verse: l     pratiṣṭʰityai /

Line: 13  Verse: m     paścād dʰi vayāṃsi pratitiṣṭʰanti /


Verse: n     pañcadaśavatīm uttarāt /

Verse: o     ojo vai pañcadaśaḥ /

Line: 14  Verse: p     oja evottarād dadʰāti /

Verse: q     tasmād uttarād abʰiprayāyī jayati /


Line: 15  Verse: r     pratūrtir aṣṭādaśa iti purastāt /

Verse: s     dvau trivr̥tāv abʰipūrvam eva yajñamukʰe viyātayati /


Line: 16  Verse: t     pañcadaśavatīṃ dakṣiṇataḥ saptadaśavatīm uttarāt

Line: 17  Verse: u     pakṣayoḥ sayatvāya /


Verse: v     annaṃ vai saptadaśaḥ /

Verse: w     yat saptadaśavatīm ubʰayata upadadʰāti /

Line: 18  Verse: x     annam evobʰayato dadʰāti /

Verse: y     tasmād ubʰābʰyāṃ hastābʰyāṃ parigr̥hya puruṣo 'nnam atti /


Line: 19  Verse: z     ekaviṃśavatīṃ paścāt

Line: 20  Verse: aa     pratiṣṭʰityai /


Verse: ab     agner bʰāgo 'si dīkṣāyā ādʰipatyaṃ brahma spr̥taṃ trivr̥t stoma iti /

Line: 21  Verse: ac     etadetad vai devā etābʰir aspr̥ṇvan /
      FN Ed.: etat / etad.

Verse: ad     etadetad evaitābʰi spr̥ṇoti /

Line: 22  Verse: ae     ta etā spr̥tayo nāmeṣṭakāḥ /


Verse: af     ekayāstuvata prajā adʰīyanteti /

Page: 190  
Line: 1  Verse: ag     etadetad vai devā etābʰir asr̥janta /
      FN Ed.: etat / etad.

Verse: ah     etad evaitābʰiḥ sarvam avarunddʰe /

Line: 2  Verse: ai     arkasya vā eṣā vidʰām anuvidʰīyate /

Line: 3  Verse: aj     annam arko 'rko 'gniḥ /

Verse: ak     atty annaṃ yasyaiṣaivaṃ viduṣo vidʰīyate //


Section: 15  
Line: 6  Verse: a     devāś ca vā asurāś ca samāvad eva yajñe 'kurvata /

Verse: b     yad eva devā akurvata tad asurā akurvata /

Line: 7  Verse: c     te devā etāṃ caturtʰīṃ citim apaśyan /

Line: 8  Verse: d     tām anyatʰānūcyānyatʰopādadʰata /

Verse: e     tad asurā nānvavāyan /

Verse: f     tato devā abʰavan parāsurā abʰavan /

Line: 9  Verse: g     yasyaivaṃ viduṣa upadʰīyate yaś caivaṃ vidvān upadadʰāti bʰavaty ātmanā parāsya bʰrātr̥vyo bʰavati /


Line: 11  Verse: h     āśus trivr̥d iti purastād upadadʰāti /

Verse: i     yajñamukʰaṃ vai trivr̥t /

Line: 12  Verse: j     yajñamukʰam eva purastād dadʰāti /


Verse: k     vyomā saptadaśa iti dakṣiṇataḥ /

Line: 13  Verse: l     annaṃ vai saptadaśaḥ /

Verse: m     annam eva dakṣiṇato 'varunddʰe /


Verse: n     ekaviṃśavatīṃ paścāt

Line: 14  Verse: o     pratiṣṭʰityai /


Verse: p     pañcadaśavatīm uttarāt /

Verse: q     ojo vai pañcadaśaḥ /

Line: 15  Verse: r     oja evottarād dadʰāti /

Verse: s     tasmād uttarād abʰiprayāyī jayati /

Verse: t     ... [ // ]


Section: 16  
Page: 191  
Line: 1  Verse: a     ... [ yavānāṃ bʰāgo 'sīti dakṣiṇataḥ / ]

Verse: b     [ mā]sā vai yavāḥ /

Line: 2  Verse: c     annaṃ māsāḥ /

Verse: d     annam eva dakṣiṇato 'varunddʰe /


Verse: e     r̥bʰūṇāṃ bʰāgo 'sīti paścāt /

Line: 3  Verse: f     trayastriṃśad devatāḥ /

Verse: g     devatāsv eva pratitiṣṭʰati /


Line: 4  Verse: h     vīvarto 'ṣṭācatvāriṃśa ity uttarāt /

Verse: i     tasmād dʰastau samāvadvīryau /


Line: 5  Verse: j     arkasya vā eṣā vidʰām anuvidʰīyate /

Verse: k     annam arko 'rko 'gniḥ /

Line: 6  Verse: l     atty annaṃ yasyaivaṃ viduṣo vidʰīyate /


Verse: m     yā mukʰyās tāḥ purastād upadadʰāti /

Line: 7  Verse: n     āsya mukʰyo jāyate ya evaṃ veda /


Verse: o     yā annavatīs tā dakṣiṇataḥ /

Line: 8  Verse: p     āsyānnādo jāyate ya evaṃ veda /


Verse: q     yā pratiṣṭʰāvatīs tāḥ paścāt /

Line: 9  Verse: r     gaccʰati pratiṣṭʰāṃ ya evaṃ veda /


Verse: s     yā ojasvatīs tā uttarāt /

Line: 10  Verse: t     āsya balī jāyate ya evaṃ veda /


Verse: u     ya evam etāsāṃ kl̥ptiṃ veda kalpate 'smai //


Section: 17  
Page: 192  
Line: 4  Verse: a     agne jātān praṇudā naḥ sapatnān iti purastād upadadʰāti /

Verse: b     ya evainaṃ pūrvo 'tikrānto bʰrātr̥vyas taṃ tayā praṇudate /


Line: 5  Verse: c     sahasā jātān iti paścāt /

Line: 6  Verse: d     ya evainaṃ paścād bʰrātr̥vyas taṃ tayāpanudate /


Line: 7  Verse: e     ṣoḍaśa stoma ity uttarāt /

Verse: f     catuścatvāriṃśa stoma iti dakṣiṇataḥ /

Line: 8  Verse: g     vajro vai ṣoḍaśaḥ /

Verse: h     vajras triṣṭup /

Verse: i     traiṣṭubʰaś catuścatvāriṃśaḥ /

Line: 9  Verse: j     savyāpagrahaṇo vai vajro dakṣiṇāvisarjanaḥ /

Verse: k     bʰrātr̥vyam eva praṇudya tasmai vajram anuvisr̥jati /


Line: 10  Verse: l     catuścatvāriṃśa stoma iti dakṣiṇataḥ /

Line: 11  Verse: m     brahmavarcasaṃ vai catuścatvāriṃśaḥ /

Verse: n     brahmavarcasam eva dakṣiṇato 'varunddʰe /


Line: 12  Verse: o     ṣoḍaśa stoma ity uttarāt /

Verse: p     ojo vai ṣoḍaśaḥ /

Line: 13  Verse: q     oja evottarād dadʰāti /

Verse: r     tasmād uttarād abʰiprayāyī jayati /


Line: 14  Verse: s     pr̥tʰivyāḥ purīṣam asīti madʰye /

Verse: t     purīṣaṃ vā ātmano madʰyam /

Line: 15  Verse: u     sātmānam evāgniṃ cinute /


Verse: v     tā etā abʰrātr̥vyā nāmeṣṭakāḥ /

Line: 16  Verse: w     nāsya bʰrātr̥vyo bʰavati ya evaṃ vidān etā upadʰatte /


Line: 17  Verse: x     atʰaitā virājaḥ /

Verse: y     virājam eva paśuṣūttamāṃ dadʰāti /

Verse: z     tasmāt paśumān uttamāṃ vācaṃ vadati /


Line: 18  Verse: aa     daśadaśopadadʰāti

Verse: ab     sayatvāya /


Line: 19  Verse: ac     devā vai svargaṃ lokaṃ yantas teṣāṃ yāni ccʰandāṃsy aniruktāni svargyāṇy āsaṃs taiḥ saha svargaṃ lokam āyan /

Line: 20  Verse: ad     tāny r̥ṣayo 'nuprājijñāsanta /

Line: 21  Verse: ae     tānīṣṭakābʰir niramimata /

Verse: af     tānīmāni ccʰandāṃsi yāny ayajñavāhāni /

Line: 22  Verse: ag     yāny eva devānāṃ cʰandāṃsy aniruktāni svargyāṇi taiḥ saha svargaṃ lokam eti ya evaṃ vidvānetā upadʰatte //


Page: 193  
Line: 1  Verse: ah     atʰaite stomabʰāgāḥ /

Verse: ai     br̥haspatir vā etāṃ yajñasya pratiṣṭʰām āharat /

Line: 2  Verse: aj     yad eta upadʰīyante

Verse: ak     yajñasya pratiṣṭʰityai /


Verse: al     br̥haspatir vā etat tejo yajñasya samabʰarat /

Line: 3  Verse: am     yad eta upadʰīyante

Verse: an     satejasam evāgniṃ cinute /


Line: 4  Verse: ao     prajāpatiḥ prajā asr̥jata /

Verse: ap     tā stomabʰāgair evāsr̥jata /

Line: 5  Verse: aq     yad eta upadʰīyante

Verse: ar     prajananāya /


Verse: as     dakṣiṇato vai devānāṃ yajño 'vlīyata /

Line: 6  Verse: at     taṃ stomabʰāgaiḥ pratyudastabʰnuvan /

Verse: au     yad ete dakṣiṇata udañca upadʰīyante

Line: 7  Verse: av     yajñasya pratyuttabdʰyai /


Verse: aw     saptasaptopadadʰāti

Verse: ax     savīryatvāya /


Line: 8  Verse: ay     trīn madʰye

Verse: az     pratiṣṭʰityai /


Verse: ba     atʰaitā nākasadaḥ /

Verse: bb     nākasadbʰir vai devāḥ svargaṃ lokam āyan /

Line: 9  Verse: bc     yad etā upadʰīyante

Verse: bd     svargasya lokasyābʰijityai /

Line: 10  Verse: be     na vā amuṃ lokaṃ jagmuṣe kiñca nākam /

Line: 11  Verse: bf     tan nākasadāṃ nākasattvam /


Verse: bg     tā etāḥ sarvapr̥ṣṭʰā nāmeṣṭakāḥ /

Line: 12  Verse: bh     yad eva kiñca pr̥ṣṭʰānāṃ tejas tad avarunddʰe ya evaṃ vidvān etā upadʰatte /


Line: 13  Verse: bi     atʰaitāḥ pañcacūḍāḥ /

Verse: bj     yajamānāyatanaṃ vai patnyaḥ /

Verse: bk     yan nākasatsu pañcacūḍā upadadʰāti

Line: 14  Verse: bl     nāka eva yajamānaṃ pratiṣṭʰāpayati /


Line: 15  Verse: bm     apsaraso vā etā etad rūpaṃ kr̥tvā patnyo bʰūtvāmuṣmiṃl loke yajamānam upaśerate /


Line: 16  Verse: bn     paścāt prācīm ekām upadadʰāti /

Verse: bo     tasmāt paścāt prācī patny anvāste /


Line: 17  Verse: bp     tanūpānīr vā etā yajamānasya /

Verse: bq     sarvam āyur eti ya evaṃ vidvān etā upadʰatte /


Line: 18  Verse: br     etā vai devatāḥ svargyāḥ /

Line: 19  Verse: bs     tābʰir eva svargaṃ lokam eti /


Verse: bt     etā vai devatā abʰicaraṇīyāḥ /

Line: 20  Verse: bu     yaṃ dviṣyāt taṃ brūyād amuṃ vo jambʰe dadʰāmīti /

Verse: bv     etābʰya evainaṃ devatābʰya āvr̥ścati tājak pradʰanvati //


Section: 18  
Line: 24  Verse: a     āyos tvā sadane sādayāmīti /

Verse: b     āyur evottamaṃ dadʰāti /

Verse: c     tasmād āyuḥ prāṇānām uttamam /


Line: 25  Verse: d     svayamātr̥ṇṇā bʰavati

Verse: e     prāṇānāmut sr̥ṣṭyai svargasya lokasyānukʰyātyai /


Page: 194  
Line: 1  Verse: f     prājāpatyo 'śvaḥ /

Verse: g     yad aśvam upagʰrāpayati

Line: 2  Verse: h     prajāpatinaivainaṃ cinute /


Verse: i     atʰaiṣā vikarṇī /

Line: 3  Verse: j     devānāṃ vā eṣā vikrāntir yad vikarṇī /

Verse: k     devānām evainaṃ vikrāntim anu vikramayati /


Line: 4  Verse: l     vāyumatī /

Verse: m     prāṇo vai vāyuḥ /

Verse: n     āyuḥ svayamātr̥ṇṇā /

Line: 5  Verse: o     āyuś caivāsmin prāṇaṃ ca samīcī dadʰāti /

Verse: p     saṃ vā enam etad inddʰe yac cinoti /

Line: 6  Verse: q     dīpayati vāyumatyā /

Verse: r     saṃvatsaram evāgniṃ cinvīta /

Line: 7  Verse: s     saṃvatsaro vā agnir vaiśvānaraḥ /

Verse: t     tasyāhorātrāṇīṣṭakāḥ /

Line: 8  Verse: u     āpteṣṭakam evainaṃ cinute /

Verse: v     r̥dʰnoti /


Line: 9  Verse: w     yan naivaṃ cinvīta priyayainaṃ tanvā vyardʰayet /

Verse: x     yad evaṃ cinute priyayaivainaṃ tanvā samardʰayati /

Line: 10  Verse: y     satanūr evaitad vaiśvānaraś cīyate /


Verse: z     r̥tavyā upadadʰāti /

Line: 11  Verse: aa     r̥tūnāṃ vidʰr̥tyai /


Verse: ab     dvedve upadadʰāti /

Verse: ac     dvaudvau hy r̥tavaḥ /


Line: 12  Verse: ad     catasro madʰyamāyāṃ cityām upadadʰāti /

Verse: ae     antarikṣam iva vā eṣā madʰyamā citiḥ /

Line: 13  Verse: af     śitʰilam ivāntarikṣam /

Verse: ag     catasro diśaḥ /

Line: 14  Verse: ah     dikṣv eva pratitiṣṭʰati /


Verse: ai     r̥tubʰyo vā etā devā niramimata /

Line: 15  Verse: aj     tad r̥tavyānām r̥tavyātvam /

Verse: ak     āyantamāyantam r̥tuṃ pratitiṣṭʰati ya evaṃ vidvān etā upadʰatte /


Line: 16  Verse: al     nānāprabʰr̥tayo bʰavanti samānodarkāḥ /

Line: 17  Verse: am     tasmāt samānasya saṃvatsarasya nānārūpāṇi /
      FN Mittwede, Textkritische Bemerkungen zur KS, p. 107


Verse: an     avakām upadadʰāyeṣṭakām upadadʰāti /

Line: 18  Verse: ao     agner vā eṣā vaiśvānarasya yonir yad avakā /

Verse: ap     sva evainā yonāv upadadʰāti /

Line: 19  Verse: aq     śāntyā anirdāhāya /


Verse: ar     r̥dʰnoti ya evaṃ vidvān etā upadʰatte /


Line: 20  Verse: as     atʰaitā viśvajyotiṣaḥ /

Verse: at     prāṇabʰr̥to vā etā yajamānasya /

Line: 21  Verse: au     prāṇam eva pratʰamayā dādʰāra vyānaṃ dvitīyayāpānaṃ tr̥tīyayā /

Line: 22  Verse: av     etā vai devatāḥ svargyāḥ /

Verse: aw     tābʰir eva svargaṃ lokam eti /

Line: 23  Verse: ax     etā vai devatā jyotiṣmatīḥ /

Verse: ay     agnir evāsmā asmiṃl loke jyotir bʰavati vāyur antarikṣe sūryo divi /

Page: 195  
Line: 2  Verse: az     sarve 'smā ime lokā jyotiṣmanto bʰavanti /


Verse: ba     adʰipativatīr bʰavanti /

Line: 3  Verse: bb     ādʰipatyam evaitābʰir gaccʰati /


Verse: bc     lokaṃ pr̥ṇa ccʰidraṃ pr̥ṇātʰo sīda dʰruvā tvam /

Line: 4  Verse: bd     indrāgnī tvā br̥haspatir iti /

Verse: be     ojo vai vīryam indrāgnī /

Line: 5  Verse: bf     ojasaivainaṃ vīryeṇa cinute /


Verse: bg     tā asya sūdadohasa iti /

Line: 6  Verse: bh     tasmāt paruṣiparuṣi sūdaḥ /


Verse: bi     somaṃ śrīṇanti pr̥śnaya iti /

Verse: bj     annaṃ pr̥śni /

Line: 7  Verse: bk     annam evāvarunddʰe /


Verse: bl     triṣv ā rocane diva iti /

Verse: bm     trīṇi savanāni /

Line: 8  Verse: bn     savaneṣv evainaṃ cinute /


Verse: bo     anuṣṭub anucarā bʰavati /

Line: 9  Verse: bp     prāṇo vā anuṣṭup /

Verse: bq     tasmāt prāṇaḥ sarvāṇy aṅgāny anusaṃcarati /


Line: 10  Verse: br     vāg vā anuṣṭup /

Verse: bs     yad evāsyātra na kriyate yan na cīyate tad vācā kalpayati tad bʰiṣajyati //


Section: 19  
Line: 13  Verse: a     yā āgneyīr gāyatrīr mūrdʰanvatīs tābʰis tisr̥bʰis tisraḥ pūrvārdʰa upadadʰyāt /

Line: 14  Verse: b     atʰa triṣṭubbʰir atʰa jagatībʰir atʰānuṣṭubbʰir atʰa paṅktibʰir atʰa yat kiñcāgneyaṃ cʰandaḥ /

Line: 15  Verse: c     tisra ekena ccʰandasā tisra ekena /

Line: 16  Verse: d     sarvam agnim anūpadadʰyāt /


Verse: e     etāṃ ha vai yajñasenaś caitraś citiṃ vidāṃcakāra /

Line: 17  Verse: f     tayā ha vai sa ānardʰa /

Verse: g     r̥dʰnoti ya evaṃ vidvān etā upadʰatte /


Line: 18  Verse: h     paśavo vai cʰandāṃsi vāmaṃ devānām /

Line: 19  Verse: i     paśūn eva vāmaṃ bʰrātr̥vyasya vr̥ṅkte /


Verse: j     ātmā vā āhavanīyo bʰrātr̥vyo dʰiṣṇyaḥ /

Line: 20  Verse: k     yad gārhapatya upadadʰyād bʰrātr̥vye vāmaṃ paśūn dadʰyāt /

Line: 21  Verse: l     āhavanīya upadadʰāti /

Verse: m     ātmann eva vāmaṃ paśūn dʰatte /


Line: 22  Verse: n     saiṣottaravedir nāma citiḥ

Verse: o     tasmād etā uttamāyāṃ cityām upadʰīyante /

Line: 23  Verse: p     uttamaḥ samānānāṃ bʰavati ya evaṃ vidvān etā upadʰatte /


Line: 24  Verse: q     paśur vā agniḥ /

Verse: r     agnimukʰān prajāpatiḥ paśūn asr̥jata /


Verse: s     yat pañca citayas

Page: 196  
Line: 1  Verse: t     tasmāt pāṅktāḥ paśava ucyante /


Verse: u     yat tisraś citayas

Verse: v     trivr̥d dʰy agniḥ /


Line: 2  Verse: w     yad dve

Verse: x     dvipād yajamānaḥ /

Verse: y     pratiṣṭʰityai /


Verse: z     dvyakṣaraṃ loma dvyakṣaraṃ carma dvyakṣaraṃ māṃsaṃ dvyakṣaram astʰi dvyakṣaro majjā /

Line: 4  Verse: aa     tad daśa /

Verse: ab     daśākṣarā virāṭ /

Verse: ac     tasmād vairājāḥ paśava ucyante //


Line: 6  Verse: ad     yo jānudagʰnaḥ sa gāyatracid yo nābʰidagʰnaḥ sa triṣṭupcid yaḥ puruṣamātraḥ sa jagaccit /


Line: 7  Verse: ae     śyenacitaṃ pakṣiṇaṃ cinvīta svargakāmaḥ /

Line: 8  Verse: af     śyeno vai vayasāṃ kṣepiṣṭʰaḥ /

Verse: ag     svargasya lokasya samaṣṭyai /


Line: 9  Verse: ah     alajacitaṃ pakṣiṇaṃ cinvīta pratiṣṭʰākāmaḥ /

Line: 10  Verse: ai     catasro diśaḥ /

Verse: aj     dikṣveva pratitiṣṭʰati /


Verse: ak     kaṅkacitaṃ śīrṣaṇvantaṃ cinvīta yaḥ kāmayeta saśīrṣāmuṣmiṃl loke syām iti /

Line: 12  Verse: al     saśīrṣaivāmuṣmiṃl loke bʰavati /


Verse: am     praugacitaṃ cinvīta yadi manyeta pūrvo mātikrānto bʰrātr̥vya iti /

Line: 13  Verse: an     praugacitā vai devā asurān prāṇudanta ya enān pūrve 'tikrāntā āsan /

Line: 14  Verse: ao     ya evainaṃ pūrvo 'tikrānto bʰrātr̥vyas taṃ tena praṇudate /


Line: 15  Verse: ap     ubʰayataḥ praugaṃ cinvīta yadi manyeta paścān me bʰrātr̥vya iti /

Line: 16  Verse: aq     ya evāsya paścād bʰrātr̥vyas taṃ tenāpanudate pra śreyāṃsaṃ bʰrātr̥vyaṃ nudate prati pāpīyāṃsaṃ nudate /


Line: 18  Verse: ar     ratʰacakracitaṃ cinvītābʰicaran /

Verse: as     ratʰacakracitaṃ ha sma vai devā asurebʰyo vajram iyadbʰyas tvety abʰyavasr̥janti /

Line: 20  Verse: at     vajram eva bʰrātr̥vyāya praharati str̥ṇuta enam /


Verse: au     samūhyaṃ cinvīta paśukāmaḥ /

Line: 21  Verse: av     paśavo vai purīṣam /

Verse: aw     paśūn evāvarunddʰe /

Verse: ax     paricāyyaṃ cinvīta sajātakāmaḥ parīva vai sajātā viśanti /

Line: 23  Verse: ay     sajātair evainaṃ paricinoti /


Verse: az     droṇacitaṃ cinvītānnakāmaḥ /

Verse: ba     pātreṇa vā annam adyate /
      FN ms.: pātre. Oertel questioned the emendation, Zur Kapiṣṭʰala-Kaṭʰa-Saṃhitā, p. 25

Page: 197  
Line: 1  Verse: bb     tenaiva mukʰenānnam atti /


Verse: bc     śmaśānacitaṃ cinvīta yaḥ kāmayeta pitr̥loka r̥dʰnuyām iti /

Line: 2  Verse: bd     śmaśānacitā vai yamo 'muṣmiṃl loka ārdʰnot /

Line: 3  Verse: be     pitr̥loka evardʰnoti /


Verse: bf     gāyatracitaṃ pakṣiṇaṃ cinvīta svargakāmaḥ /

Line: 4  Verse: bg     agnir vai tat pakṣī bʰūtvā svargaṃ lokam apatat /

Line: 5  Verse: bh     yad āhur gāyatrī pakṣiṇī bʰūtvā svargaṃ lokam apatad iti

Line: 6  Verse: bi     svargasya lokasya samaṣṭyai /

Verse: bj     ūrdʰvā vā anye 'gnayaś cīyante nyañco 'nye /

Line: 7  Verse: bk     ya ūrdʰvāś cīyante te 'muṣmai lokāya ye nyañcaste 'smai /


Line: 8  Verse: bl     yad ūrdʰvas tiṣṭʰan hiraṇyaśalkaiḥ prokṣati

Verse: bm     tenaivordʰvaṃ cinute /

Line: 9  Verse: bn     svargasya lokasya samaṣṭyai //


Section: 20  
Line: 11  Verse: a     dīkṣayā virāḍ āptavyā /


Verse: b     tisro rātrīr dīkṣitaḥ syāt /

Verse: c     tripadā virāṭ /

Line: 12  Verse: d     virājam evāpnoti /


Verse: e     ṣaḍ rātrīr dīkṣitaḥ syāt /

Verse: f     ṣaḍ vā r̥tavaḥ saṃvatsaraḥ /

Line: 13  Verse: g     saṃvatsaro virāṭ /

Verse: h     virājam evāpnoti /


Verse: i     daśa rātrīr dīkṣitaḥ syāt /

Line: 14  Verse: j     daśākṣarā virāṭ /

Verse: k     virājam evāpnoti /


Line: 15  Verse: l     dvādaśa rātrīr dīkṣitaḥ syāt /

Verse: m     dvādaśa māsāḥ saṃvatsaraḥ /

Verse: n     saṃvatsaro virāṭ /

Line: 16  Verse: o     virājam evāpnoti /


Verse: p     trayodaśa rātrīr dīkṣitaḥ syāt /

Line: 17  Verse: q     trayodaśa māsāḥ saṃvatsaraḥ /

Verse: r     saṃvatsaro virāṭ /

Verse: s     virājam evāpnoti /


Line: 18  Verse: t     pañcadaśa rātrīr dīkṣitaḥ syāt /

Verse: u     pañcadaśārdʰamāsasya rātrayaḥ /

Line: 19  Verse: v     ardʰamāsaśaḥ saṃvatsara āpyate /

Verse: w     saṃvatsaro virāṭ /

Verse: x     virājam evāpnoti /


Line: 20  Verse: y     caturvim̐śatiṃ rātrīr dīkṣitaḥ syāt /

Verse: z     caturviṃśatiḥ saṃvatsarasyārdʰamāsāḥ /

Line: 21  Verse: aa     ardʰamāsaśaḥ saṃvatsara āpyate /

Verse: ab     saṃvatsaro virāṭ

Line: 22  Verse: ac     virājam evāpnoti /


Verse: ad     māsaṃ dīkṣitaḥ syāt /

Verse: ae     yo māsaḥ sa saṃvatsaraḥ /

Line: 23  Verse: af     saṃvatsaro virāṭ /

Verse: ag     virājam evāpnoti /


Verse: ah     caturo māso dīkṣitaḥ syāt /

Line: 24  Verse: ai     caturo vā etaṃ māsau vasavo 'bibʰaruḥ /

Page: 198  
Line: 1  Verse: aj     te pr̥tʰivīm ājayan gāyatrīṃ cʰandaḥ /


Verse: ak     aṣṭau rudrāḥ /

Verse: al     te 'ntarikṣam ājyaṃs triṣṭubʰaṃ cʰandaḥ /


Line: 2  Verse: am     dvādaśādityāḥ /

Verse: an     te divam ājyañ jagatīṃ cʰandaḥ /

Line: 3  Verse: ao     tato vai te vyāvr̥tam agaccʰañ śraiṣṭʰyaṃ devānām /


Verse: ap     dvādaśa māso bʰr̥tvāgniṃ cinvīta /

Line: 4  Verse: aq     dvādaśa māsāḥ saṃvatsaraḥ /

Verse: ar     tasyāhorātrāṇīṣṭakāḥ /

Line: 5  Verse: as     āpteṣṭakam evainaṃ cinute /

Verse: at     r̥dʰnoti /

Verse: au     vyāvr̥tam eva gaccʰati śraiṣṭʰyaṃ samānānām //


Line: 7  Verse: av     gāyatraṃ purastād gāyati /

Verse: aw     śiro vai devānāṃ gāyatram /

Line: 8  Verse: ax     gāyatro 'gniḥ /

Verse: ay     tasmād gāyatraṃ purastād gāyaty āgnipāvamānyām /

Line: 9  Verse: az     ayaṃ vāva yaḥ pavate sa prāṇaḥ /

Verse: ba     mukʰaṃ devānām agniḥ /

Verse: bb     mukʰata eva prāṇaṃ dadʰāti /

Line: 10  Verse: bc     tasmān mukʰataḥ prāṇaḥ /


Verse: bd     ratʰantaram uttarād gāyati br̥had dakṣiṇataḥ /

Line: 11  Verse: be     pakṣāv evāsyopadadʰāti /

Verse: bf     iyaṃ vai ratʰantaram asau br̥hat /

Line: 12  Verse: bg     ābʰyām evainaṃ parigr̥hṇāti /


Verse: bh     yajñāyajñiyaṃ puccʰe gāyati śroṇyāṃ vāmadevyam /

Line: 13  Verse: bi     ātmā vai yajñāyajñiyaṃ tanūr vāmadevyam /

Line: 14  Verse: bj     sātmānam evainaṃ satanūṃ cinute /


Verse: bk     hr̥dayam apikakṣe /

Verse: bl     tasmād apikakṣe hr̥dayam anr̥caṃ bʰavati /

Line: 15  Verse: bm     tasmād anastʰakaṃ hr̥dayam /


Verse: bn     arkyaiḥ parigāyati /

Line: 16  Verse: bo     arko vā agniḥ /

Verse: bp     arkam evārkyaiḥ parigāyati

Verse: bq     śāntyai //


Section: 21  
Line: 18  Verse: a     saṃvatsaro vā antarā tamaḥ svargaṃ lokam /

Verse: b     jyotiṣmatīr etāḥ sāhasrīr iṣṭakāḥ /

Line: 19  Verse: c     yad dʰiraṇyaśalkaiḥ prokṣati

Verse: d     jyotiṣaivāsmai saṃvatsaraṃ vivāsayati /


Line: 20  Verse: e     sahasrasya pramāsi sahasrasya pratimāsīti /

Line: 21  Verse: f     sahasrasṃmitā hīme lokāḥ /


Verse: g     gʰnanti vā etad agner yad asyātra na kriyate yan na cīyate /

Line: 22  Verse: h     amr̥taṃ hiraṇyam /

Verse: i     yad dʰiraṇyaśalkaiḥ prokṣati /

Line: 23  Verse: j     amr̥tenaivāsya tanvaṃ pr̥ṇakti /


Verse: k     rudraṃ vai devān nirabʰajan /

Verse: l     sa devān āyatayābʰiparyāvartata /

Page: 199  
Line: 1  Verse: m     te devā etac cʰatarudriyam apaśyan /

Line: 2  Verse: n     tenainam aśamayan /

Verse: o     yac cʰatarudriyaṃ juhoti

Verse: p     tenaivainaṃ śamayati /


Line: 3  Verse: q     jānudagʰne 'gre juhoti /

Verse: r     asyā eva rudram avayajate /


Verse: s     atʰa nābʰidagʰne /

Line: 4  Verse: t     antarikṣād eva rudram avayajate /


Verse: u     atʰa puruṣamātre /

Verse: v     amuṣyā eva rudram avayajate /

Line: 5  Verse: w     ita evordʰvaṃ rudram avayajate /


Verse: x     atʰa puruṣamātre 'tʰa nābʰidagʰne 'tʰa jānudagʰne /

Line: 6  Verse: y     amuta evārvāñcaṃ rudram avayajate /


Line: 7  Verse: z     tat ṣaṭ saṃpadyate /

Verse: aa     ṣaḍ vā r̥tavaḥ /

Verse: ab     r̥tubʰya eva rudraṃ niravayajate /


Line: 8  Verse: ac     gavedʰukāsaktubʰir vā jartilair vā kusayasarpiṣā vā mr̥gakṣīreṇa vā juhoti /

Line: 9  Verse: ad     yad grāmyeṇa juhuyād grāmāvatāriṇaṃ rudraṃ kuryāt /

Line: 10  Verse: ae     āraṇyenaivāraṇyam abʰi rudraṃ niravayajate /

Verse: af     arkaparṇena juhoti /

Line: 11  Verse: ag     arko vā agniḥ /

Verse: ah     arkeṇaivainam arkād adʰi niravayajate /


Line: 12  Verse: ai     uttarasya pakṣasya yā carameṣṭakā tasyāṃ juhoti /

Verse: aj     eṣā vai rudrasya dik /

Line: 13  Verse: ak     svāyām eva diśi rudraṃ pratihr̥tyāvayajate /

Verse: al     paśur vā agniḥ /

Line: 14  Verse: am     etarhi vā eṣa jāyate yarhi cīyate /

Verse: an     yatʰā vatso jāta stanaṃ prepsaty evaṃ vā eṣa etarhi bʰāgadʰeyaṃ prepsati /

Line: 15  Verse: ao     sa yajamānaṃ caivādʰvaryuṃ ca dʰyāyati /

Line: 16  Verse: ap     yac cʰatarudriyaṃ juhoti

Verse: aq     bʰāgadʰeyenaivainaṃ śamayati /


Line: 17  Verse: ar     aṅgiraso vai svargaṃ lokaṃ yantas te 'jāyāṃ dʰarmaṃ prāsiñcan /

Line: 18  Verse: as     sā śocantī parṇaṃ parāmr̥śat /

Verse: at     so 'rko 'bʰavat /

Line: 19  Verse: au     tad arkasyārkatvam /

Verse: av     yad arkaparṇena juhoti

Verse: aw     sayonitvāya /


Verse: ax     yaṃ dviṣyāt tasya saṃcare paśūnāṃ nyasyet /

Line: 20  Verse: ay     yaḥ pratʰamaḥ paśur ākrāmati sa ārtim ārcʰati /


Page: 200  
Line: 1  Verse: az     yā uttamās tā yajamānaṃ vācayet /

Verse: ba     etā vai devatāḥ svargyāḥ /

Line: 2  Verse: bb     tābʰir eva svargaṃ lokam eti /


Verse: bc     etā vai devatā abʰicaraṇīyāḥ /

Line: 3  Verse: bd     yaṃ dviṣyāt taṃ brūyād amuṃ vo jambʰe dadʰāmīti /

Line: 4  Verse: be     etābʰya evainaṃ devatābʰya āvr̥ścati tājak pradʰanvati //


Next part


This text is part of the TITUS edition of Black Yajur-Veda: Kapisthala-Katha-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.