TITUS
Black Yajur-Veda: Kapisthala-Katha-Samhita
Part No. 14
Previous part

Adhyaya: 30  
Section: 1  
Page: 159  
Line: 1  Verse: a     anv agnir uṣasām agram akʰyad iti /

Verse: b     anukʰyātyai /


Verse: c     āgatya vājy adʰvānaṃ sarvā mr̥dʰo vidʰūnuta iti

Line: 2  Verse: d     mr̥dʰa evaitayāpahate /


Verse: e     ākramya vājin pr̥tʰivīm agnim iccʰa rucā tvam iti /

Line: 3  Verse: f     aiccʰad vā etaṃ pūrvayā prajāpatir avindad uttarayā /
      FN emended. Ed.: avindud.

Line: 4  Verse: g     iccʰaty eva pūrvayā vindaty uttarayā /


Verse: h     dyaus te pr̥ṣṭʰaṃ pr̥tʰivī sadʰastʰam iti /

Line: 5  Verse: i     vajrī vā aśvaḥ prājāpatyaḥ /

Verse: j     lomabʰir ubʰayādataḥ paśūn ati dadbʰir anyatodataḥ /

Line: 6  Verse: k     vajreṇaiva bʰrātr̥vyam avakrāmati /


Line: 7  Verse: l     yatra vai yajñasyānurūpaṃ kriyate tat paśavo 'nurūpā jāyante /

Line: 8  Verse: m     utkrāma // udakramīd ity anurūpābʰyām utkramayati /

Verse: n     tasmāt paśavo 'nurūpā jāyante /


Line: 9  Verse: o     dvābʰyām /

Verse: p     dvipād yajamānaḥ /

Verse: q     pratiṣṭʰityai /


Line: 10  Verse: r     yāṃ vā anagnāv adʰvaryur āhutiṃ juhoty andʰo 'dʰvaryur bʰavati /

Verse: s     rakṣāṃsi yajñaṃ gʰnanti /

Line: 11  Verse: t     agnir vai varuṇānīr abʰyakrāmayata /

Verse: u     tasya tejaḥ parāpatat /

Line: 12  Verse: v     tad dʰiraṇyam abʰavat /

Verse: w     tad dʰiraṇyam upāsya juhoti /

Verse: x     agnimaty eva juhoti

Line: 13  Verse: y     samr̥ddʰyai /

Verse: z     nāndʰo 'rdʰyur bʰavati /

Verse: aa     na rakṣāṃsi yajñaṃ gʰnanti /


Line: 14  Verse: ab     jigʰarmy agniṃ manasā gʰr̥teneti /

Verse: ac     mano vai vācaḥ kṣepīyaḥ /

Verse: ad     manasaivāhutim āpnoti /


Line: 15  Verse: ae     pratikṣiyantaṃ bʰuvanāni viśveti /

Verse: af     tasmād eṣa sarvāḥ prajāḥ pratyaṅ kṣiyati /


Line: 16  Verse: ag     vyaciṣṭʰam annaṃ rabʰasaṃ vidānam iti /

Verse: ah     annam evāsmai svadayati /


Line: 17  Verse: ai     ā tvā jigʰarmi vacasā gʰr̥teneti

Verse: aj     pūrvam evoditam anuvadati /


Line: 18  Verse: ak     arakṣasā manasā taj juṣetʰā iti

Verse: al     rakṣasām apahatyai /


Line: 19  Verse: am     maryaśrī spr̥hayadvarṇo agnir nābʰimr̥śe tanvā jarhr̥ṣāṇa iti /

Verse: an     apacitim evāsmin dadʰāti /


Page: 160  
Line: 1  Verse: ao     dvābʰyāṃ juhoti /

Verse: ap     dvipād yajamānaḥ /

Verse: aq     pratiṣṭʰityai /


Line: 2  Verse: ar     yajñamukʰeyajñamukʰe vai yajñaṃ rakṣāṃsi jigʰāṃsanti /

Verse: as     yat parilikʰati

Line: 3  Verse: at     rakṣasām apahatyai /


Verse: au     tisr̥bʰiḥ parilikʰati /

Verse: av     traya ime lokāḥ /

Line: 4  Verse: aw     ebʰya eva lokebʰyo rakṣāṃsy apahanti /


Verse: ax     pari vājapatiḥ kavir iti gāyatryā parilikʰati /

Line: 5  Verse: ay     brahma vai gāyatrī /

Verse: az     brahmaṇaivaiṇaṃ parigr̥hṇāti /


Line: 6  Verse: ba     pari tvāgne puraṃ vayam ity anuṣṭubʰā /

Verse: bb     vāg vā anuṣṭup /

Line: 7  Verse: bc     anuṣṭup sarvāṇi ccʰandāṃsi paribʰūḥ /

Verse: bd     vācaiva sarvāṇi ccʰandāṃsi parigr̥hṇāti /


Line: 8  Verse: be     tvam agne dyubʰir iti triṣṭubʰā /

Verse: bf     vīryaṃ vai triṣṭup /

Line: 9  Verse: bg     vīryeṇaivainaṃ parigr̥hṇāti /


Verse: bh     anuṣṭubʰā madʰyataḥ parilikʰati /

Line: 10  Verse: bi     vāg vā anuṣṭup /

Verse: bj     vācam eva madʰyato dadʰāti /

Verse: bk     tasmān madʰyato vāg vadati /


Line: 11  Verse: bl     tejo vai gāyatrī /

Verse: bm     yajño 'nuṣṭup /

Verse: bn     indriyaṃ triṣṭup /

Line: 12  Verse: bo     tejasā caivendriyeṇa ca yajñam ubʰayataḥ parigr̥hṇāti //


Section: 2  
Line: 15  Verse: a     sāvitrābʰyāṃ kʰanati

Verse: b     prasūtyai /

Verse: c     dʰūmam evaṃ pūrveṇa vindati jyotir uttareṇa /


Line: 16  Verse: d     dvābʰyām /

Verse: e     dvipād yajamānaḥ /

Verse: f     pratiṣṭʰityai /


Line: 17  Verse: g     apāṃ pr̥ṣṭʰam asi yonir agner iti puṣkaraparṇam ādatte /

Verse: h     apāṃ hy etat pr̥ṣṭʰaṃ yonir agneḥ /


Line: 18  Verse: i     yat puṣkaraparṇena saṃbʰarati

Verse: j     svenaivainaṃ yoninā saṃbʰarati /

Line: 19  Verse: k     śāntyā anirdāhāya /


Verse: l     kr̥ṣṇājinena saṃbʰarati /

Verse: m     yajño vai kr̥ṣṇājinam /

Line: 20  Verse: n     yajñenaiva yajñaṃ saṃbʰarati /

Verse: o     askandāya /

Verse: p     na hi yajñe yajña skandati /

Line: 21  Verse: q     etad vai brahmaṇo rūpaṃ yat kr̥ṣṇājinam /

Verse: r     brahmaṇā caivainam r̥ksāmābʰyāṃ ca saṃbʰarati /


Line: 22  Verse: s     śarma ca stʰo varma ca stʰa iti saṃstr̥ṇāti /

Line: 23  Verse: t     iyaṃ vai puṣkaraparṇam asau kr̥ṣṇājinam /

Verse: u     ime evaitat saṃstr̥ṇāti /


Page: 161  
Line: 1  Verse: v     accʰidre bahule ubʰe iti /

Verse: w     accʰidre hīme bahule ubʰe /


Line: 2  Verse: x     vyacasvatī iti /

Verse: y     tasmād ime vyacasvatī /


Verse: z     bʰartam agniṃ purīṣyam iti /

Line: 3  Verse: aa     purīṣyo hy eṣaḥ /


Verse: ab     saṃvasātʰāṃ svarvidau samīcī urasā tmaneti /

Line: 4  Verse: ac     tasmād ime nānā satī samīcī /


Verse: ad     agnim antar bʰariṣyantī jyotiṣmantam ajasram id iti

Line: 5  Verse: ae     jyotir evāsminn ajasraṃ dadʰāti /


Verse: af     purīṣyo 'si viśvabʰarā iti /

Line: 6  Verse: ag     purīṣyo hy eṣa viśvabʰarāḥ /


Verse: ah     atʰarvā tvā pratʰamo niramantʰad agna iti /

Line: 7  Verse: ai     prajāpatir vā atʰarvā /

Verse: aj     prajāpatir etam agre 'mantʰat /

Line: 8  Verse: ak     prajāpatir evainaṃ janayati /


Verse: al     tam u tvā dadʰyaṅṅ r̥ṣir iti /

Line: 9  Verse: am     dadʰyaṅ vā ātʰarvaṇas tejasvy āsīt /

Verse: an     tenaivainaṃ saṃbʰarati /


Verse: ao     tam u tvā patʰyo vr̥ṣeti /

Line: 10  Verse: ap     pūrvam evoditam anuvadati /


Verse: aq     catasr̥bʰiḥ saṃvapati /

Line: 11  Verse: ar     catvāri vai cʰandāṃsi /

Verse: as     cʰandobʰir evainaṃ saṃvapati /


Verse: at     gāyatrībʰir brāhmaṇasya saṃvapet /

Line: 12  Verse: au     gāyatro hi brāhmaṇaḥ /

Verse: av     triṣṭubbʰī rājanyasya /

Line: 13  Verse: aw     traiṣṭubʰo hi rājanyaḥ /

Verse: ax     jagatībʰir vaiśyasya /

Verse: ay     jāgato hi vaiśyaḥ /


Line: 14  Verse: az     yatʰācʰandasam evobʰayībʰiḥ saṃvaped yaṃ kāmayeta vasīyān syād iti /

Line: 15  Verse: ba     tejo vai gāyatrī /

Verse: bb     indriyaṃ triṣṭup /

Verse: bc     tejaś caivāsminn indriyaṃ ca samīcī dadʰāti /


Line: 16  Verse: bd     aṣṭābʰiḥ saṃvapati /

Verse: be     aṣṭākṣarā gāyatrī /

Line: 17  Verse: bf     gāyatro 'gniḥ /

Verse: bg     yāvān evāgnis taṃ saṃbʰarati /


Verse: bh     sīda hotar iti

Line: 18  Verse: bi     devatā evāsmin saṃsādayati /


Verse: bj     ni hoteti

Verse: bk     manuṣyān eva /


Line: 19  Verse: bl     saṃsīdasveti

Verse: bm     vayāṃsy eva /


Verse: bn     janiṣṭa hi jenyo agre ahnām iti

Verse: bo     devamanuṣyān evāsmin saṃsannān prajanayati //


Section: 3  
Line: 22  Verse: a     apo devīr upasr̥ja madʰumatīr iti /

Verse: b     oṣadʰīnāṃ pratiṣṭʰityai /


Verse: c     tāsām āstʰānād ujjihatām oṣadʰayaḥ supippalā iti /

Line: 23  Verse: d     tasmād oṣadʰayaḥ pʰalaṃ gr̥hṇanti /


Page: 162  
Line: 1  Verse: e     saṃ te vāyur mātariśvā dadʰātv iti /

Verse: f     tasmād vāyur vr̥ṣṭiṃ vahati /

Line: 2  Verse: g     prāṇo vai vāyuḥ /

Verse: h     prāṇam evāsmin dadʰāti /


Verse: i     tasmai deva vaṣaḍ astu tubʰyam iti /

Line: 3  Verse: j     ṣaḍ vā r̥tavaḥ /

Verse: k     r̥tuṣv eva vr̥ṣṭiṃ dadʰāti /

Line: 4  Verse: l     tasmād r̥tumr̥tuṃ varṣati /


Verse: m     yat pratyakṣaṃ vaṣaṭ kuryād yātayāmā vaṣaṭkāraḥ syāt /

Line: 5  Verse: n     yan na vaṣaṭ kuryād rakṣāṃsi yajñaṃ hanyuḥ /

Verse: o     tasmai deva vaṣaḍ astu tubʰyam iti parokṣam /

Line: 6  Verse: p     na yātayāmā vaṣaṭkāro bʰavati na rakṣāṃsi yajñaṃ gʰnanti /


Line: 7  Verse: q     yad ājyena juhuyāc cʰucā pr̥tʰivīm arpayet /

Line: 8  Verse: r     apo ninayati

Verse: s     śāntyā anirdāhāya //


Line: 9  Verse: t     sujāto jyotiṣā śarma varūtʰam āsadat svaḥ /

Line: 10  Verse: u     vāso agne viśvarūpaṃ saṃvyayasva vibʰāvaso //

Line: 11  Verse: v     iti

Verse: w     cʰandāṃsi vā agner vāsaḥ /

Verse: x     cʰandobʰir evainaṃ paridadāti /


Line: 12  Verse: y     anuṣṭubʰā /

Verse: z     anuṣṭubvā agneḥ priyā tanūḥ /

Verse: aa     priyayaivainaṃ tanvā paridadāti /

Line: 13  Verse: ab     veduko vāso bʰavati ya evaṃ veda /


Verse: ac     varuṇamenir vā eṣa upanaddʰaḥ /

Line: 14  Verse: ad     ud u tiṣṭʰa svadʰvara // ūrdʰva ū ṣu ṇa ūtaya ity ūrdʰvām eva varuṇamenim utsuvati /


Line: 15  Verse: ae     dvābʰyām upāvaharati /

Verse: af     dvipād yajamānaḥ /

Line: 16  Verse: ag     pratiṣṭʰityai /


Verse: ah     sa jāto garbʰo asi rodasyor agne cārur vibʰr̥ta oṣadʰīṣv iti /

Line: 17  Verse: ai     tasmād agniḥ sarvā anv oṣadʰīḥ /


Verse: aj     pra mātr̥bʰyo adʰi kanikradad gā iti /

Line: 18  Verse: ak     oṣadʰayo vā etasya mātaraḥ /

Verse: al     tābʰya evainaṃ pariṇayati /


Line: 19  Verse: am     stʰiro bʰava vīḍvaṅga iti

Verse: an     gardabʰa eva stʰemānaṃ dadʰāti /

Verse: ao     tasmād eṣa paśūnāṃ bʰārabʰāritamaḥ /


Line: 20  Verse: ap     śivo bʰava prajābʰyo mānuṣībʰyas tvam aṅgira iti /

Line: 21  Verse: aq     abʰi vā eṣa etarhi prajāḥ śocayati

Verse: ar     śāntyai /


Line: 22  Verse: as     mā dyāvāpr̥tʰivī abʰiśuco māntarikṣaṃ mā vanaspatīn iti /
      FN emended. Ed.: vataspatīn.

Verse: at     ebʰya evainaṃ lokebʰyaḥ śamayati /


Line: 23  Verse: au     praitu vājī kanikradan nānadad rāsabʰaḥ patveti

Line: 24  Verse: av     samaṣṭyai /
      FN emended. Ed.: samaṣṭya.


Verse: aw     bʰarann agniṃ purīṣyaṃ mā pādy āyuṣaḥ pureti /

Verse: ax     āyur evāsmin dadʰāti /

Line: 25  Verse: ay     tasmād gardabʰaḥ sarvam āyur eti /

Verse: az     tasmād gardabʰe pramīte bibʰyati /


Line: 26  Verse: ba     vr̥ṣāgniṃ vr̥ṣaṇaṃ bʰarann iti /

Verse: bb     vr̥ṣā hy eṣa vr̥ṣāṇaṃ bʰarati /


Verse: bc     apāṃ garbʰaṃ samudriyam iti /

Page: 163  
Line: 1  Verse: bd     apāṃ hy eṣa garbʰaḥ /


Verse: be     agna āyāhi vītaya iti /

Line: 2  Verse: bf     agninā vai devā idam agre vyāyan /

Verse: bg     vītyai /

Verse: bh     pracyuto vā eṣa etarhy āyatanād agataḥ pratiṣṭʰām /

Line: 3  Verse: bi     sa yajamānaṃ caivādʰvaryuṃ cādʰyāyati /


Line: 4  Verse: bj     r̥taṃ satyam r̥taṃ satyam iti /

Verse: bk     iyaṃ vā r̥tam asau satyam /

Line: 5  Verse: bl     anayor evainaṃ pratiṣṭʰāpayati /


Verse: bm     oṣadʰayaḥ pratigr̥hṇītāgnim etaṃ śivam āyantam abʰy atra yuṣmān iti /

Line: 6  Verse: bn     oṣadʰayo vā etasya bʰāgadʰeyam /

Verse: bo     tābʰir evainaṃ samyañcaṃ dadʰāti /

Line: 7  Verse: bp     atʰo yābʰya enaṃ pracyāvayati tāsv enaṃ pratiṣṭʰāpayati /


Line: 8  Verse: bq     puṣpavatīḥ supippalā iti /

Verse: br     tasmād oṣadʰayaḥ pʰalaṃ gr̥hṇanti /


Line: 9  Verse: bs     dvābʰyām upāvaharati /

Verse: bt     dvipād yajamānaḥ /

Verse: bu     pratiṣṭʰityai /


Line: 10  Verse: bv     vi pājaseti visrasayati /

Verse: bw     varuṇamenim eva viṣyati /


Verse: bx     āpo hi ṣṭʰā mayobʰuva ity apa upasr̥jati /

Line: 11  Verse: by     āpaḥ śāntāḥ /

Verse: bz     śāntābʰir evāsya śucaṃ śamayati /


Line: 12  Verse: ca     tisr̥bʰiḥ /

Verse: cb     trivr̥d vā agniḥ /

Verse: cc     yāvān evāgnis tasya śucaṃ śamayati /


Line: 13  Verse: cd     ajalomaiḥ saṃsr̥jati /

Verse: ce     eṣā vā agneḥ priyā tanūr yad ajā /

Line: 14  Verse: cf     priyayaivainaṃ tanvā saṃsr̥jati /


Verse: cg     śarkarābʰiḥ saṃsr̥jati

Line: 15  Verse: ch     dʰr̥tyai /


Verse: ci     armyaiḥ kapālaiḥ saṃsr̥jati /

Verse: cj     āraṇyān eva paśūñ śucārpayati /

Line: 16  Verse: ck     tasmād ete samāvat paśūnāṃ prajāyamānānāṃ kaniṣṭʰāḥ /

Line: 17  Verse: cl     śucā hy eta r̥tāḥ //


Section: 4  
Line: 19  Verse: a     mitraḥ saṃsr̥jya pr̥tʰivīm iti /

Verse: b     varuṇamenir vā eṣā /

Verse: c     mitreṇaiva varuṇamenim upaiti /


Line: 20  Verse: d     rudrāḥ saṃsr̥jya pr̥tʰivīm // saṃsr̥ṣṭāṃ vasubʰī rudrair iti /

Line: 21  Verse: e     etābʰir vā etāṃ devatābʰiḥ prajāpatiḥ samasr̥jat /

Verse: f     tābʰir evaināṃ saṃsr̥jati /


Line: 22  Verse: g     prānyair yaccʰati /

Verse: h     anv anyair mantrayate /

Verse: i     mitʰunam eva karoti /

Line: 23  Verse: j     atʰo madʰyata eva yajñasyāśiṣam avarunddʰe /


Verse: k     makʰasya śiro 'sīti /

Line: 24  Verse: l     yajño vai makʰaḥ /

Verse: m     yajñasyaiva śiraḥ karoti /


Verse: n     vasavas tvā kurvantu gāyatreṇa ccʰandasāṅgirasvad iti /

Page: 164  
Line: 1  Verse: o     etābʰir vā etāṃ devatābʰiḥ prajāpatir akarot /

Line: 2  Verse: p     tābʰir evaināṃ karoti /


Verse: q     tryuddʰiṃ karoti /

Line: 3  Verse: r     traya ime lokāḥ /

Verse: s     imān eva lokān āpnoti /


Verse: t     dʰārayā mayi prajāṃ rāyaspoṣaṃ gaupatyam iti /

Line: 4  Verse: u     āśīr evaiṣā cʰandasāṃ dohaḥ /


Verse: v     aratnimātrīṃ kuryāt /

Line: 5  Verse: w     puruṣeṇa vai yajñaḥ saṃmitaḥ /

Verse: x     yajñapuruṣāsaṃmitām /


Line: 6  Verse: y     yāvad bāhubʰyāṃ paryāpnuyāt tāvatīṃ kuryāt /

Verse: z     etāvad vai puruṣe vīryam /

Line: 7  Verse: aa     vīryeṇa saṃmitām /


Verse: ab     prādeśamātrīṃ kuryāt /

Verse: ac     etāvad vai mukʰam /

Line: 8  Verse: ad     mukʰaṃ devānām agniḥ /

Verse: ae     mukʰena saṃmitām /


Verse: af     aparimitāṃ kuryāt /

Verse: ag     aparimitasyāvaruddʰyai /


Line: 9  Verse: ah     catustanāṃ kuryāt /

Verse: ai     adityā dohāya /


Verse: aj     aṣṭāstanām /

Line: 10  Verse: ak     gāyatryā dohāya /


Verse: al     ṣaṭstanāṃ kuryāt /

Verse: am     r̥tūnāṃ dohāya /

Verse: an     dvistanāṃ kuryāt /

Line: 11  Verse: ao     dyāvāpr̥tʰivyor dohāya /


Verse: ap     navāśrim abʰicaraṇīyāṃ kuryāt /

Line: 12  Verse: aq     trivr̥d vajraḥ /

Verse: ar     vajram eva bʰrātr̥vyāya praharati /


Verse: as     adityā rāsnāsy aditis te bilaṃ gr̥hṇātv iti yajuṣā bilaṃ karoti /
      FN emended. Ed.: ādityā.

Line: 13  Verse: at     ayajuṣā hi manuṣyāḥ kurvanti /

Line: 14  Verse: au     mānuṣeṇaivaināṃ pātreṇa vyāvartayanti /


Verse: av     yad vā eṣā purā paktor bʰidyetārtiṃ yajamāna ārcʰed dʰanyetāsya yajñaḥ /

Line: 16  Verse: aw     kr̥tvāya sā mahīm ukʰāṃ mr̥nmayīṃ yonim agnaya iti

Verse: ax     devatābʰya evaināṃ saṃprayaccʰati

Line: 17  Verse: ay     gopītʰāya /


Verse: az     vasavas tvā dʰūpayantu gāyatreṇa ccʰandasāṅgirasvad iti /

Line: 18  Verse: ba     etābʰir vā etāṃ devatābʰiḥ prajāpatir adʰūpayat /

Line: 19  Verse: bb     tābʰir evaināṃ dʰūpayati /


Verse: bc     aśvaśkena dʰūpayati /

Verse: bd     prājāpatyo vā aśvaḥ /

Line: 20  Verse: be     yajñaḥ prajāpatiḥ /

Verse: bf     sayonitvāya /


Verse: bg     saptabʰir dʰūpayati /

Verse: bh     śiro vā etad yajñasya yad ukʰā /

Line: 21  Verse: bi     sapta prāṇāḥ /

Verse: bj     śīrṣaṇy eva prāṇān dadʰāti /

Line: 22  Verse: bk     tasmāt sapta śīrṣaṇyāḥ prāṇāḥ //


Section: 5  
Page: 165  
Line: 1  Verse: a     aditis tvā devī viśvadevyāvatīti /

Verse: b     iyaṃ vā aditiḥ /

Line: 2  Verse: c     adityaivādityāṃ kʰanati /

Verse: d     asyā akrūraṃkārāya /

Verse: e     na hi svaḥ svaṃ hinasti /


Line: 3  Verse: f     devānāṃ tvā patnīr devīr viśvadevyāvatīr iti /

Verse: g     devānāṃ vā etāṃ patnīr agre 'trādadʰuḥ /

Line: 4  Verse: h     tābʰir evaināṃ dadʰāti /


Verse: i     dʰiṣaṇās tvā devīr viśvadevyāvatīr iti /

Line: 5  Verse: j     vidyā vai dʰiṣaṇā /

Verse: k     vidyayaivainām abʰīnddʰe /


Line: 6  Verse: l     varūtrīs tvā devīr viśvadevyāvatīr iti /

Verse: m     hotrā vai varūtraḥ /

Line: 7  Verse: n     hotrābʰir evaināṃ śrapayati /


Verse: o     gnās tvā devīr viśvadevyāvatīr iti /

Line: 8  Verse: p     cʰandāṃsi vai gnāḥ /

Verse: q     cʰandobʰir evaināṃ pacati /


Verse: r     janayas tvāccʰinnapatrā devīr viśvadevyāvatīr iti /

Line: 9  Verse: s     devānāṃ vai patnīr janayaḥ /

Verse: t     tābʰir evaināṃ pacati /


Line: 10  Verse: u     dviḥ pacantv ity āha /

Verse: v     tasmād dviḥ saṃvatsarasya sasyaṃ pacyate /


Line: 11  Verse: w     ṣaḍbʰiḥ pacati /

Verse: x     ṣaḍ vā r̥tavaḥ /

Verse: y     r̥tubʰir etāṃ devānāṃ patnyo 'pacan /

Line: 12  Verse: z     tair evaināṃ pacati /


Verse: aa     varuṇamenir vā eṣābʰīddʰā /

Line: 13  Verse: ab     mitrasya carṣaṇīdʰr̥ta iti /

Verse: ac     mitreṇaiva varuṇamenim upaiti /


Verse: ad     devas tvā savitodvapatv iti / sāvitryodvapati

Line: 14  Verse: ae     prasūtyai /


Verse: af     avyatʰamānā pr̥tʰivyām āśā diśa āpr̥ṇeti /
      FN emended. Ed.: pr̥tʰivyam.

Line: 15  Verse: ag     tasmād agniḥ sarvā diśo vibʰāti /


Line: 16  Verse: ah     uttiṣṭʰa br̥hatī bʰavordʰvā tiṣṭʰa dʰruvā tvam iti /

Verse: ai     dr̥ṃhaty evainām /


Verse: aj     yad vā eṣā bʰidyetārtiṃ yajamāna ārcʰed dʰanyetāsya yajñaḥ /

Line: 17  Verse: ak     mitraitāṃ ta ukʰāṃ paridadāmīti /

Line: 18  Verse: al     brahma vai mitraḥ /

Verse: am     brahmaṇa evaināṃ paridadāti /


Line: 19  Verse: an     yadi bʰidyeta taiḥ kapālaiḥ saṃsr̥jyānyāṃ kuryāt /

Verse: ao     saiva tato yajñasya niṣkr̥tiḥ /


Line: 20  Verse: ap     vasavas tvāccʰr̥ndantu gāyatreṇa ccʰandasāṅgirasvad iti /

Line: 21  Verse: aq     cʰandobʰir vā eṣā kriyate cʰandobʰir dʰūpyate cʰandobʰiḥ pacyate /

Line: 22  Verse: ar     cʰandobʰir āccʰr̥ṇatti svenāyatanena /


Verse: as     asuryaṃ vai pātram anāccʰr̥ṇṇam /

Line: 23  Verse: at     yad āccʰr̥ṇatti

Verse: au     devatraiva karoti /


Verse: av     ajakṣīreṇāccʰr̥ṇatti /

Verse: aw     sā hy āgneyītamā /

Line: 24  Verse: ax     atʰo parameṇaiva payasā //


Section: 6  
Page: 166  
Line: 1  Verse: a     atʰaite 'gnibʰyaḥ kāmebʰyaḥ paśava ālabʰyante /

Verse: b     kāmā vā agnayaḥ /

Line: 2  Verse: c     sarvān evaitaiḥ kāmān abʰijayati sarvān kāmān spr̥ṇoti /


Line: 3  Verse: d     yat paśūn nālabʰetānavaruddʰā asya paśavaḥ syuḥ /

Verse: e     yat saṃstʰāpayed yātayāmāni śīrṣāṇi syuḥ /

Line: 4  Verse: f     yan na saṃstʰāpayed yajñaṃ viccʰindyāt /

Line: 5  Verse: g     yat paśūn ālabʰate

Verse: h     tenaiva paśūn avarunddʰe /

Verse: i     yat paryagnikr̥tān utsr̥jati

Line: 6  Verse: j     [ śīrṣṇām ayātayāmatvāya / ]

Verse: k     [ ... // ]


Section: 7  
Line: 8  Verse: a     ...

Verse: b     [ yad agnaye vaiśvānarāya ni]rvapati /

Verse: c     aśnute taṃ kāmaṃ yasmai kāmāya dīyate /


Page: 167  
Line: 1  Verse: d     yad dvādaśakapālas /

Verse: e     dvādaśamāsāḥ saṃvatsaraḥ /

Line: 2  Verse: f     yā vai prajā bʰraṃśante saṃvatsarāt tā bʰraṃśante /

Verse: g     yāḥ pratitiṣṭʰanti saṃvatsare tāḥ pratitiṣṭʰanti /

Line: 3  Verse: h     saṃvatsara eva pratiṣṭʰāyāgniṃ bibʰarti //


Section: 8  
Line: 5  Verse: a     ṣaḍ ādʰītayajūṃṣi juhoti /

Verse: b     ṣaḍ vā r̥tavaḥ /

Verse: c     r̥tubʰir evainaṃ dīkṣayaty r̥tubʰir asyā vīryam udyaccʰate /


Line: 6  Verse: d     saptaitāni juhoti /

Verse: e     sapta prāṇāḥ /

Line: 7  Verse: f     prāṇair evainaṃ dīkṣayati /


Verse: g     nānā juhoti /

Verse: h     tasmān nānāvīryāḥ prāṇāś cakṣuḥ śrotraṃ vāk /


Line: 8  Verse: i     anuṣṭubʰottamaṃ juhoti /

Line: 9  Verse: j     vāg vā anuṣṭup /

Verse: k     vācam evottamāṃ dadʰāti /

Verse: l     tasmād vāk prāṇānām uttamā vihitaṃ vadati /

Line: 10  Verse: m     anuṣṭub vai sarvāṇi ccʰandāṃsi /

Verse: n     paśavaś cʰandāṃsi /

Line: 11  Verse: o     annaṃ paśavaḥ /

Verse: p     paśūn evānnādyam avarunddʰe /


Verse: q     yaj jyotiṣi pravr̥ṇakti bʰūtaṃ tenāvarunddʰe /

Line: 12  Verse: r     yad aṅgāreṣu bʰaviṣyat tena /

Verse: s     aṅgāreṣu pravr̥jyā /

Line: 13  Verse: t     bʰaviṣyad dʰi bʰūyo bʰūtāt /


Verse: u     mā su bʰittʰā mā suriṣa iti

Line: 14  Verse: v     drṃhaty evainām /


Verse: w     ariṣṭā tvam udihi yajñe asminn iti

Verse: x     samaṣṭyai /


Line: 15  Verse: y     dvābʰyāṃ pravr̥ṇakti /

Verse: z     dvipād yajamānaḥ /

Verse: aa     pratiṣṭʰityai /


Verse: ab     parīdʰyā bubʰūṣataḥ /

Line: 16  Verse: ac     garbʰo vai dīkṣitaḥ /

Verse: ad     ata iva vā eṣa bʰavati /

Verse: ae     ata evainaṃ janayati /


Line: 17  Verse: af     matʰitvā gataśrer avadadʰyāt /

Verse: ag     bʰūto hi saḥ /

Line: 18  Verse: ah     svām eva devatām upaiti /


Verse: ai     anyata āhr̥tyāvadadʰyād yaṃ kāmayeta bʰrātr̥vyam asmai janayeyam iti /

Line: 19  Verse: aj     bʰrātr̥vyam evāsmai janayati /


Verse: ak     bʰr̥jjanād āhr̥tyāvadadʰyād annakāmasya /

Line: 20  Verse: al     bʰr̥jjane vā annaṃ kriyate /

Line: 21  Verse: am     sayony evānnam avarunddʰe /


Verse: an     yo vr̥kṣa upari dīpyeta tasyāvadadʰyāt svargakāmasya /

Line: 22  Verse: ao     eṣa vā agnīnāṃ svargyaḥ /

Verse: ap     svargasya lokasya samaṣṭyai /


Page: 168  
Line: 1  Verse: aq     drvannaḥ sarpirāsutir iti kramukaṃ likʰitaṃ gʰr̥tenāktvāvadadʰyāt /

Line: 2  Verse: ar     agner vai yā priyā tanūs tayā kramukaṃ prāviśat /

Verse: as     tejo gʰr̥tam /

Line: 3  Verse: at     priyām evāsya tanvaṃ tejasā samanakti /


Verse: au     muñjān avadadʰāti /

Line: 4  Verse: av     ūrg vai muñjāḥ /

Verse: aw     ūrjam evāsmā apidadʰāti /


Verse: ax     parasyā adʰi saṃvata ity audumbarīm /

Line: 5  Verse: ay     devā vai yatrorjaṃ vyabʰajanta tata udumbaro 'jāyata /

Line: 6  Verse: az     jātāyaivāsmā ūrjam apidadʰāti /


Verse: ba     paramasyāḥ parāvata iti vaikaṅkatīm /

Line: 7  Verse: bb     agner vai sr̥ṣṭasya vikaṅkataṃ bʰā ārcʰat /

Verse: bc     tad evāvarunddʰe /


Line: 8  Verse: bd     yad agne kānikāni ca // yad atty upajihviketi /

Verse: be     na ha sma vai purāgniparaśuvr̥kṇaṃ dahati /

Line: 9  Verse: bf     tad asmā etābʰiḥ prayoga r̥ṣir asvadayat /

Line: 10  Verse: bg     yad etābʰiḥ samidʰam ādadʰāti /

Verse: bh     idʰmam evāsmai svadayati /

Line: 11  Verse: bi     svaditam asyānnaṃ bʰavati /


Verse: bj     cʰandāṃsi vā agner yoniḥ /

Verse: bk     yac cʰandobʰir ādadʰāti

Line: 12  Verse: bl     svenaivainaṃ yoninānubibʰarti /


Verse: bm     rātrīṃrātrīm aprayāvaṃ bʰaranta iti /

Line: 13  Verse: bn     āśiṣam evāśāste /


Verse: bo     nābʰā pr̥tʰivyāḥ samidʰāno agnim iti /

Line: 14  Verse: bp     pr̥tanā evaitayā jayati /


Verse: bq     yāḥ senā abʰītvarār iti /

Verse: br     agniṃ vai jātaṃ rakṣāṃsy ajigʰāṃsan /

Line: 15  Verse: bs     te devā etā r̥co 'paśyan /

Verse: bt     tābʰir asmād rakṣāṃsy apāgʰnan /

Line: 16  Verse: bu     yad etābʰiḥ samidʰa ādadʰāti

Verse: bv     rakṣasām apahatyai /


Line: 17  Verse: bw     devā asurāś caspardʰanta /

Verse: bx     te devā etan mālimlavam apaśyan /

Line: 18  Verse: by     tenāsurān abʰyabʰavan /

Verse: bz     yad etena samidʰam ādadʰāti

Verse: ca     bʰrātr̥vyasyābʰibʰūtyai /

Line: 19  Verse: cb     tasmād yāṃ samām agniṃ cinvanti grāhukā stenaṃ bʰavanti /


Line: 20  Verse: cc     yāḥ senā abʰītvarīr ity audumbarīm /

Verse: cd     ūrjam evāsmā apidadʰāti /


Line: 21  Verse: ce     daṃṣṭrābʰyāṃ malimlūn agna ity āśvattʰīm /

Verse: cf     eṣa vai vanaspatīnāṃ sapatnasāhaḥ /

Line: 22  Verse: cg     vijityai /


Verse: ch     yarhi daṃṣṭrābʰyām iti / brūyād yaṃ dviṣyāt taṃ manasā dʰyāyet /

Page: 169  
Line: 1  Verse: ci     mano vai vācaḥ kṣepīyaḥ /

Verse: cj     āhutim evainaṃ bʰūtām agnaye 'pidadʰāti /


Line: 2  Verse: ck     ye janeṣu malimlava iti vaikaṅkatīm /

Verse: cl     agner vai sr̥ṣṭasya vikaṅkataṃ bʰā ārcʰat /

Line: 3  Verse: cm     tad evāvarunddʰe /


Verse: cn     yo asmabʰyam arātīyād iti śamīmayīm /

Line: 4  Verse: co     śāntyai /


Verse: cp     nindād yo asmān dipsāc ceti /

Line: 5  Verse: cq     tasmād agnicito nāślīlaṃ kīrtayet /


Verse: cr     saṃśitaṃ me brahmeti /

Verse: cs     brahmaṇaiva kṣatraṃ saṃśyati kṣatreṇa brahma /

Line: 6  Verse: ct     tasmād brahmapurohitaṃ kṣatram aty anyāni kṣatrāṇi /

Line: 7  Verse: cu     tasmād brahma kṣatravad aty anyān brāhmaṇān /


Line: 8  Verse: cv     ud eṣāṃ bāhū atiram ud varco atʰo balam iti /

Verse: cw     āśiṣam evāśāste /


Verse: cx     kṣiṇomi brahmaṇāmitrān unnayāmi svāṃ aham iti

Line: 9  Verse: cy     yatʰāyajuḥ //


Next part


This text is part of the TITUS edition of Black Yajur-Veda: Kapisthala-Katha-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.