TITUS
Black Yajur-Veda: Kapisthala-Katha-Samhita
Part No. 13
Previous part

Adhyaya: 29  
Section: 1  
Page: 149  
Line: 1  Verse: a     tryaviś ca me tryavī ca me /

Verse: b     dityavāṭ ca me dityauhī ca me /

Line: 2  Verse: c     pañcāviś ca me pañcāvī ca me /

Verse: d     trivatsaś ca me trivatsā ca me /

Line: 3  Verse: e     turyavāṭ ca me turyauhī ca me /

Verse: f     paṣṭʰavāṭ ca me paṣṭʰauhī ca me /
      FN emended. Ed.: ṣaṣṭʰavāṭ.

Line: 4  Verse: g     ukṣā ca me vaśā ca me /

Verse: h     anaḍvāṃś ca me dʰenuś ca me /

Verse: i     r̥ṣabʰaś ca me vehac ca me /

Line: 5  Verse: j     ekā ca me tisraś ca me /

Verse: k     tisraś ca me trayastriṃśac ca me /

Line: 6  Verse: l     catasraś ca me 'ṣṭau ca me /

Verse: m     aṣṭau ca me 'ṣṭācatvāriṃśac ca me //

Line: 7  Verse: n     vājaś ca prasavaś ca /

Verse: o     apijaś ca kratuś ca /

Verse: p     vākpatiś ca vasuś ca /

Line: 8  Verse: q     svar maurdʰno mūrdʰā /

Verse: r     vaiyaśano vyaśvān /

Verse: s     āntyo 'ntyaḥ /

Line: 9  Verse: t     bʰauvano bʰuvanaspatiḥ /

Verse: u     prajāpatir adʰipatiḥ /

Verse: v     iyaṃ te rāṭ /

Line: 10  Verse: w     mitrāya yantāsi yamanaḥ /

Verse: x     ūrje tvā /

Verse: y     vr̥ṣṭyai tvā /

Verse: z     prajānāṃ tvādʰipatyāya /

Line: 11  Verse: aa     āyur yajñena kalpatām /

Verse: ab     yajño yajñena kalpatām /

Line: 12  Verse: ac     r̥k ca sāma ca /

Verse: ad     stomaś ca yajuś ca /

Verse: ae     br̥hac ca ratʰantaraṃ ca /

Line: 13  Verse: af     svar devā aganma prajāpateḥ prajā abʰūvann amr̥tā abʰūma vaṭ svāhā //


Section: 2  
Line: 16  Verse: a     ā mā vājasya prasavo jagamyāt //

Line: 17  Verse: b     vājasya nu prasavaḥ suṣuve 'gre //

Line: 18  Verse: c     vājasyedaṃ prasava ābabʰūva //

Page: 150  
Line: 1  Verse: d     vājasya nu prasavaḥ śiśriye devī //

Line: 2  Verse: e     somaṃ rājānam avasa indraṃ dānāya codaya /

Line: 3  Verse: f     viṣṇuṃ vācaṃ sarasvatīṃ savitāraṃ ca vājinam //

Line: 4  Verse: g     pra no yaccʰatv aryamā pra pūṣā pra br̥haspatiḥ /

Line: 5  Verse: h     pra vāg devī dadātu naḥ //

Line: 6  Verse: i     agne accʰā vadeha naḥ //

Line: 7  Verse: j     viśve adya maruto viśva ūtī viśve bʰavantv agnayaḥ samiddʰāḥ /

Line: 8  Verse: k     viśve mā devā avasāgamann iha viśvam astu draviṇaṃ vājo asme //

Line: 9  Verse: l     vājasya nu prasave mātaraṃ mahīm //

Line: 10  Verse: m     vājo me sapta pradiśaḥ //

Line: 11  Verse: n     vājo me adya prasuvāti dānaṃ vājo devān haviṣā vardʰayāti /

Line: 12  Verse: o     vājasya hi prasave nannamīti viśvā āśā vājapatir jayeyam //

Line: 13  Verse: p     vājaḥ purastād uta madʰyato no vājo devān r̥tubʰiḥ kalpayāti /

Line: 14  Verse: q     vājasya hi prasave nannamīti sarvā āśā vājapatir jayeyam //

Line: 15  Verse: r     saṃ mā sr̥jāmi payasā pr̥tʰivyāḥ saṃ mā sr̥jāmy adbʰir oṣadʰībʰiḥ /

Line: 16  Verse: s     so 'haṃ vājaṃ sanomy agne //

Line: 17  Verse: t     payaḥ pr̥tʰivyāṃ paya oṣadʰīṣu payo divy antarikṣe payo dʰāḥ /

Line: 18  Verse: u     payasvatīḥ pradiśaḥ santu mahyam //


Section: 3  
Line: 20  Verse: a     r̥tāṣāḍ r̥tadʰāmāgnir gandʰarvaḥ /
      FN emended. Ed.: r̥̄tāṣāḍ.

Verse: b     tasyauṣadʰayo 'psaraso mudā nāma /

Line: 21  Verse: c     sa na idaṃ brahma kṣatraṃ pātu /

Verse: d     tasmai svāhā vaṭ /

Verse: e     tābʰyaḥ svāhā vaṭ /

Line: 22  Verse: f     suṣumṇaḥ sūryaraśmiś candramā gandʰarvaḥ /

Verse: g     tasya nakṣatrāṇy apsaraso vekurayo nāma /

Page: 151  
Line: 1  Verse: h     sa na idam TEXABBR /

Verse: i     saṃhito viśvasāmā sūryo gandʰarvaḥ /

Line: 2  Verse: j     tasya marīcayo 'psarassa āyuvo nāma /

Verse: k     sa na idam TEXABBR /

Line: 3  Verse: l     bʰujyuḥ suparṇo yajño gandʰarvaḥ /

Verse: m     tasya dakṣiṇā apsarasa stavā nāma /

Line: 4  Verse: n     sa na idam TEXABBR /

Verse: o     iṣiro viśvavyacā vāto gandʰarvaḥ /

Line: 5  Verse: p     tasyāpo 'psarasa ūrjo nāma /

Verse: q     sa na idam TEXABBR /

Verse: r     prajāpatir viśvakarmā mano gandʰarvaḥ /

Line: 6  Verse: s     tasyarksāmāny apsarasa eṣṭayo nāma /

Verse: t     sa na idaṃ brahma kṣatraṃ pātu /

Line: 7  Verse: u     tasmai svāhā vaṭ /

Verse: v     tābʰyaḥ svāhā vaṭ /

Verse: w     tābʰyaḥ svāhā vaṭ //

Line: 9  Verse: x     sa no bʰuvanasya pate yasya ta upari gr̥hā virāṭpate /

Line: 10  Verse: y     asmai brahmaṇe 'smai kṣatrāya mahi śarma yaccʰa svāhā //

Line: 11  Verse: z     samudro 'si nabʰasvān ārdradānuḥ śaṃbʰūr mayobʰūr abʰi mā vāhi svāhā /

Line: 12  Verse: aa     avasyur asi duvasvāñ cʰaṃbʰūr mayobʰūr abʰi mā vāhi svāhā /

Line: 13  Verse: ab     māruto 'si marutāṃ gaṇaḥ śaṃbʰūr mayobʰūr abʰi mā vāhi svāhā //


Section: 4  
Line: 15  Verse: a     agniṃ yunajmi śavasā gʰr̥tena divyaṃ suparṇaṃ vayasā br̥hantam /

Line: 16  Verse: b     tena vayaṃ patema bradʰnasya viṣṭapaṃ svo ruhāṇā adʰi nāka uttame //

Line: 17  Verse: c     imau te pakṣāv ajarau patatriṇau yābʰyāṃ rakṣāṃsy apahaṃsy agne /

Line: 18  Verse: d     tābʰyāṃ vayaṃ patema sukr̥tām ulokaṃ yatrarṣayo jagmuḥ pratʰamāḥ purāṇāḥ //

Line: 19  Verse: e     indur dakṣaḥ śyena r̥tāvā hiraṇyapakṣaḥ śakuno bʰuraṇyuḥ /

Line: 20  Verse: f     mahān sadʰastʰe dʰruva ā niṣatto namas te astu mā mā hiṃsīḥ //

Line: 21  Verse: g     divo mūrdʰāsi pr̥tʰivyā nābʰir ūrg apām oṣadʰīnām /

Line: 22  Verse: h     viśvāyuḥ śarma sapratʰā namas patʰe viśvasya mūrdʰann adʰitiṣṭʰasi śritaḥ //

Line: 23  Verse: i     samudre te hr̥dayam antar āyur apo dehy udadʰiṃ bʰindʰi /

Line: 24  Verse: j     divas parjanyād antarikṣāt pr̥tʰivyās tato mā vr̥ṣṭyāva //

Page: 152  
Line: 1  Verse: k     samās tvāgna r̥tavo vardʰayantu saṃvatsarā r̥ṣayo yāni satyā /

Line: 2  Verse: l     saṃ divyena dīdihi rocanena viśvā ābʰāhi pradiśaḥ pr̥tʰivyām //

Line: 3  Verse: m     saṃ cedʰyasvāgne pra ca bodʰayainam uc ca tiṣṭʰa mahate saubʰagāya /

Line: 4  Verse: n     mā ca riṣad upasattā te agne brahmāṇaste yaśasaḥ santu mānye //

Line: 5  Verse: o     tvām agne vr̥ṇate brāhmaṇā ime śivo agne saṃvaraṇe bʰavā naḥ /

Line: 6  Verse: p     sapatnahāgne abʰimātijit sve gaye jāgr̥hy aprayuccʰan //

Line: 7  Verse: q     ihaivāgne adʰidʰārayā rayiṃ mā tvā nikran pūrvacito nikāriṇaḥ /

Line: 8  Verse: r     kṣatram agne suyamam astu tubʰyam upasattā vardʰatāṃ te aniṣṭr̥taḥ //
      FN emended. Ed.: aniṣṭr̥ta.

Line: 9  Verse: s     kṣatreṇāgne svena saṃrabʰasva mitreṇāgne mitradʰeye yatasva /
      FN cf. Oertel, Zur Kapiṣṭʰala-Kaṭʰa-Saṃhitā, p. 23

Line: 10  Verse: t     sajātānāṃ madʰyameṣṭʰeyāya rājñām agne vihavyo dīdihīha //

Line: 11  Verse: u     ati niho ati sridʰo aty acittim ati nirr̥tim adya /
      FN < sridʰaḥ

Line: 12  Verse: v     viśvā hy agne duritā tara tvam atʰāsmabʰyaṃ sahavīraṃ rayiṃ dāḥ //

Line: 13  Verse: w     anādʰr̥ṣyo jātavedā aniṣṭr̥to virāḍ agne kṣatrabʰr̥d dīdihīha /

Line: 14  Verse: x     viśvā amīvāḥ pramuñcan mānuṣebʰyaḥ śivebʰir adya paripāhi no vr̥dʰe //

Line: 16  Verse: y     amutrabʰūyād adʰa yad yamasya br̥haspate abʰiśaster amuñcaḥ /

Line: 17  Verse: z     pratyūhatām aśvinā mr̥tyum asmād devānām agne bʰiṣajā śacībʰiḥ //

Line: 18  Verse: aa     ud vayaṃ tamasas pari jyotiḥ paśyanta uttaram /

Line: 19  Verse: ab     devaṃ devatrā sūryam aganma jyotir uttamam //

Line: 20  Verse: ac     br̥haspate savitar bodʰayainaṃ saṃśitaṃ cit saṃtarāṃ saṃśiśādʰi /

Line: 21  Verse: ad     vardʰasvainaṃ mahate saubʰagāya viśva enam anumadantu devāḥ //

Line: 22  Verse: ae     kṣatrabʰr̥d agnir bʰr̥ṣṭatejāḥ sahasriyo dyotatām idʰyamānaḥ /
      FN emended. Ed.: agnibʰr̥ṣṭatejāḥ.

Page: 153  
Line: 1  Verse: af     varṣman pr̥tʰivyā adʰi jātavedā ud antarikṣam āruhad agan dyām //


Section: 5  
Line: 4  Verse: a     ūrdʰvā asya samidʰo bʰavanty ūrdʰvā śukrā śocīṃṣy agneḥ /

Line: 5  Verse: b     dyumattamā supratīkasya sūnoḥ //

Line: 6  Verse: c     tanūnapād asuro viśvavedā devo deveṣu devaḥ /

Line: 7  Verse: d     patʰo anaktu madʰvā gʰr̥tena //

Line: 8  Verse: e     madʰvā yajñaṃ nakṣati prīṇāno narāśaṃso agne /

Line: 9  Verse: f     sukr̥d devaḥ savitā viśvavāraḥ //

Line: 10  Verse: g     accʰāyam eti śavasā gʰr̥teneḍāno vahnir namasā /

Line: 11  Verse: h     agniṃ sruco adʰvareṣu prayatsu //

Line: 12  Verse: i     sa yakṣad asya mahimānam agneḥ sa īṃ mandrā suprayasaḥ /

Line: 13  Verse: j     vasuś cetiṣṭʰo vasudʰātamaś ca //
      FN emended. Ed.: cetiṣṭʰā.

Line: 14  Verse: k     dvāro devīr anv asya viśvā vratā dadante agneḥ /

Line: 15  Verse: l     uruvyacaso dʰāmnā patyamānāḥ //

Line: 16  Verse: m     te asya yoṣaṇe divye na yonāv uṣāsānaktā /

Line: 17  Verse: n     imaṃ yajñam avatām adʰvaraṃ naḥ //

Line: 18  Verse: o     daivyā hotārordʰvam imam adʰvaram agner jihvayābʰigr̥ṇītam uktam /

Line: 19  Verse: p     kr̥ṇutaṃ naḥ sviṣṭim //

Page: 154  
Line: 1  Verse: q     tisro devīr barhir edaṃ syonam iḍā sarasvatī mahīḥ /

Line: 2  Verse: r     bʰāratī gr̥ṇānā //

Line: 3  Verse: s     tan nas turīpam adbʰutaṃ purukṣu tvaṣṭā suvīryam /

Line: 4  Verse: t     rāyaspoṣaṃ viṣyatāṃ nābʰim asme //

Line: 5  Verse: u     vanaspate 'vasr̥jā rarāṇas tmanā deveṣu /

Line: 6  Verse: v     agnir haviḥ śamitā sūdayāti //

Line: 7  Verse: w     agne svāhā kr̥ṇuhi jātaveda indrāya havyam /

Line: 8  Verse: x     viśve devā havir idaṃ juṣantām //


Section: 6  
Line: 10  Verse: a     yenarṣayas tapasā satram āsatendʰānā agniṃ svar ābʰarantaḥ /

Line: 11  Verse: b     tasminn ahaṃ nidadʰe nāke agniṃ yam āhur manava stīrṇabarhiṣam //

Line: 12  Verse: c     taṃ patnībʰir anugaccʰema devāḥ putrair bʰrātr̥bʰir uta vā hiraṇyaiḥ /

Line: 13  Verse: d     nākaṃ gr̥bʰṇānāḥ sukr̥tasya loke tr̥tīye pr̥ṣṭʰe adʰi rocane divaḥ /

Line: 14  Verse: e     ā vāco madʰyam aruhad bʰuraṇyur ayam agniḥ satyapatiś cekitānaḥ /

Line: 15  Verse: f     pr̥ṣṭʰe pr̥tʰivyā nihito davidyutad adʰaspadaṃ kr̥ṇutāṃ ye pr̥tanyavaḥ //

Line: 16  Verse: g     ayam agnir vīratamo vayodʰāḥ sahasriyo dyotatām aprayuccʰan /

Line: 17  Verse: h     vibʰrājamānaḥ sarirasya madʰya upa prayāhi divyāni dʰāma //

Line: 18  Verse: i     saṃ pracyavadʰvam upa saṃprayātāgne patʰo devayānān kr̥ṇudʰvam /

Line: 19  Verse: j     punaḥ kr̥ṇvantā pitarā yuvānānvātāṃsīt tvayi tantum etam //

Line: 20  Verse: k     ud budʰyasvāgne pratijāgr̥hi tvam iṣṭāpūrte saṃsr̥jetʰām ayaṃ ca /

Line: 21  Verse: l     asmin sadʰastʰe adʰy uttarasmin viśve devā yajamānaś ca sīdata //

Line: 22  Verse: m     ayaṃ te yonir r̥tviyaḥ //

Line: 23  Verse: n     yena sahasraṃ vahasi yenāgne sarvavedasam /

Page: 155  
Line: 1  Verse: o     tenemaṃ yajñaṃ no naya svar deveṣu gantave //

Line: 2  Verse: p     iṣṭo yajño bʰr̥gubʰir draviṇodā yatibʰir āśīrdā vasubʰir āśīrvāṃ atʰarvabʰiḥ /
      FN cf. Oertel, Zur Kapiṣṭʰala-Kaṭʰa-Saṃhitā, p. 83

Line: 4  Verse: q     iṣṭo agnir āhutaḥ svāhākr̥taḥ pipartum eṣṭaṃ haviḥ svagedaṃ devebʰyo namaḥ //


Section: 7  
Line: 7  Verse: a     juhūṃ saṃmārṣṭi /

Verse: b     yajñamukʰaṃ vai juhūḥ /

Verse: c     yajñamukʰam evālabʰate /

Line: 8  Verse: d     juhvā vai devā virājam ahvayan /

Verse: e     taj juhvā juhūtvam /

Verse: f     agnir vai virāṭ /

Line: 9  Verse: g     agnim evaitad virājaṃ hvayati /


Verse: h     cʰandāṃsi devebʰyo 'pākrāman yajñe bʰāgadʰeyam iccʰamānāni na vo 'bʰāgadʰeyāni havyaṃ vakṣyāma iti /
      FN Ed.: bʰāgadʰeyāni. Oertel, Zur Kapiṣṭʰala-Kaṭʰa-Saṃhitā, p. 25

Line: 11  Verse: i     tebʰya etac caturgr̥hītaṃ prāyaccʰann anuvākyāyai yājyāyai devatāyai ca vaṣaṭkārāya /

Line: 12  Verse: j     yac caturgr̥hītena juhoti

Verse: k     ccʰandāṃsy eva bʰāgadʰeyavanti karoti /


Line: 13  Verse: l     sāvitrāṇi juhoti

Verse: m     prasūtyai /


Verse: n     eti vā etad yajñamukʰād yad anāgneyam agre yajñasya kriyate /

Line: 14  Verse: o     yad aṣṭau kr̥tvo gr̥hītvāṣṭāv etāni juhoti /

Line: 15  Verse: p     aṣṭākṣarā gāyatrī /

Verse: q     gāyatro 'gniḥ /

Line: 16  Verse: r     tena yajñamukʰān naiti /


Verse: s     prasūtyai

Verse: t     sāvitrāṇi /


Verse: u     yuñjate mana iti manasvanti /

Line: 17  Verse: v     mano hy agre yujyate /

Verse: w     manasā yajñas tāyate /


Line: 18  Verse: x     agnir jyotir iti jyotiṣmat /

Verse: y     savitā vā etat pr̥tʰivyā jyotiḥ samabʰarat /

Line: 19  Verse: z     yad evāsyātra nyaktaṃ tad etena saṃbʰarati /


Line: 20  Verse: aa     ṣaḍ r̥co bʰavanti /

Verse: ab     ṣaḍ r̥tavaḥ /

Verse: ac     r̥tuṣv eva pratitiṣṭʰati /


Verse: ad     dve yajuṣī /

Line: 21  Verse: ae     dvipād yajamānaḥ /

Verse: af     pratiṣṭʰityai /


Verse: ag     yadi kāmayeta devatāṃ yajñayaśasenāhutyārpayeyam ity r̥cam antataḥ kuryāt /

Line: 22  Verse: ah     devatām eva yajñayaśasenāhutyārpayati /


Page: 156  
Line: 1  Verse: ai     yadi kāmayeta yajamānaṃ yajñayaśasenāhutyārpayeyam iti yajur antataḥ kuryāt /

Line: 2  Verse: aj     yajamānam eva yajñayaśasenāhutyārpayati /


Line: 3  Verse: ak     r̥cā stomaṃ samardʰayeti

Verse: al     samr̥ddʰyai /


Verse: am     gāyatreṇa ratʰantaraṃ br̥had gāyatravartanīti /

Line: 4  Verse: an     iyaṃ vai ratʰantaram asau br̥hat /

Verse: ao     vyaṣṭyai /


Verse: ap     āhutyā vā abʰikramam anvabʰikramya yajamāno vasīyān bʰavati /

Line: 5  Verse: aq     āhutyā apakramam anvapakramya pāpīyān bʰavati /

Line: 6  Verse: ar     sakr̥t sarvāṇy anudrutyottamena juhuyāt /

Line: 7  Verse: as     āhutyā evābʰikramam anvabʰikrāmati yajamāno vasīyān bʰavati /


Line: 8  Verse: at     ekamekaṃ juhuyād yadi kāmayeta sadr̥śo yajamānaḥ syād iti /

Line: 9  Verse: au     yajūṃṣy eva nānāvīryāṇi karoti /


Verse: av     aṣṭāv etāni bʰavanti /

Line: 10  Verse: aw     āhutir navamī /

Verse: ax     trivr̥tam eva yajñamukʰaṃ saṃpādayati /

Line: 11  Verse: ay     trivr̥d dʰi yajñamukʰam /


Verse: az     pūrṇayā srucā juhoti /

Verse: ba     pūrṇaḥ prajāpatiḥ /

Line: 12  Verse: bb     prajāpatim evāpnoti /


Verse: bc     ūrdʰvas tiṣṭʰañ juhoti /

Verse: bd     ūrdʰvo hi tiṣṭʰan vīryavattaraḥ //


Section: 8  
Line: 15  Verse: a     sāvitrair abʰrim ādatte

Verse: b     prasūtyai /


Verse: c     iyaṃ vai gāyatry antarikṣaṃ triṣṭub dyaur jagatī diśo 'nuṣṭup /

Line: 16  Verse: d     cʰandobʰir evainām ebʰyo lokebʰya āvartayati /


Line: 17  Verse: e     ubʰayataḥkṣṇud bʰavati /

Verse: f     anyataḥkṣṇutenvai pʰāleneyad annaṃ kriyate /

Line: 18  Verse: g     annam arko 'rko 'gniḥ /

Verse: h     annasyaivārkasyāvaruddʰyai /


Verse: i     aratnimātrīṃ kuryāt /

Line: 19  Verse: j     puruṣeṇa vai yajñaḥ saṃmitaḥ /

Verse: k     yajñapuruṣāsaṃmitām /


Line: 20  Verse: l     vyāmamātrīṃ kuryāt /

Verse: m     etāvad vai puruṣe vīryam /

Verse: n     vīryeṇa saṃmitām


Verse: o     aparimitāṃ kuryāt /

Line: 21  Verse: p     aparimitasyāvaruddʰyai /


Verse: q     yo vr̥kṣaḥ pʰalagrahis tasya kuryāt /

Line: 22  Verse: r     eṣa vai vanaspatīnāṃ vīryavattamaḥ /

Verse: s     savīryatvāya /


Line: 23  Verse: t     kalmāṣīṃ vaiṇavīṃ suṣirāṃ kuryāt /

Verse: u     agnir vai devebʰyo 'pākrāmat /

Page: 157  
Line: 1  Verse: v     sa veṇuṃ prāviśat /

Verse: w     sa etāni varmāṇy anahyata yāni parūṃṣi /

Line: 2  Verse: x     sa etaṃ lokam anvacarad yaḥ suṣiraḥ /

Verse: y     sa yatrayatrāvasat tan niradahat /

Line: 3  Verse: z     tat kalmāṣam abʰavat /

Verse: aa     yat kalmāṣī vaiṇavī suṣirā bʰavati /

Verse: ab     sa hy āgneyītamā /

Line: 4  Verse: ac     samr̥ddʰayi /

Verse: ad     atʰo yad evāsyātra nyaktaṃ tasyāvaruddʰyai //


Line: 5  Verse: ae     agnir vai devebʰyo 'pākrāmat /

Verse: af     sa yatrayatrāvasat taṃ prajāpatir anvapaśyat /

Line: 6  Verse: ag     prājāpatyo 'śvaḥ /

Verse: ah     yad aśvena yanti /

Verse: ai     agner evānukʰyātyai /


Line: 7  Verse: aj     etena vai devā asurān uttamam abʰyabʰavan /

Verse: ak     yad aśvena yanti

Verse: al     bʰrātr̥vyasyābʰibʰūtyai /


Line: 8  Verse: am     etaṃ vai rakṣāṃsi nātaran /

Verse: an     yad aśvena yanti

Line: 9  Verse: ao     rakṣasām atīrtyai /


Verse: ap     aśvaṃ pūrvaṃ nayanti gardabʰam aparam /

Verse: aq     pāpavasīyasasya vyāvr̥ttyai /

Line: 10  Verse: ar     tasmāt puṇyaṃ pūrvaṃ yantaṃ pāpīyān paścād anveti /


Line: 11  Verse: as     gardabʰena saṃbʰarati /

Verse: at     tasmād eṣa samāvat paśūnāṃ reto dadʰānānāṃ kaniṣṭʰaḥ /

Line: 12  Verse: au     agnir hy asya reto niradahat /

Verse: av     yad etenāsyām ūrjam arkaṃ saṃbʰarati

Line: 13  Verse: aw     tasmād eṣo 'syāṃ jīvitr̥tamaḥ /


Verse: ax     pratūrtiṃ vājinn ādrava //

Line: 14  Verse: ay     yuñjātʰāṃ rāsabʰaṃ yuvam iti /

Verse: az     aśvagardabʰayor evaiṣaḥ //


Line: 15  Verse: ba     yogeyoge tavastaraṃ vājevāje havāmahe /

Line: 16  Verse: bb     sakʰāya indram ūtaye //

Line: 17  Verse: bc     iti /

Verse: bd     ūtyai hi vājāyāgniś cīyate /


Verse: be     pratūrvann ehy avakrāmann aśastīr iti /

Line: 18  Verse: bf     bahur vai bʰavato bʰrātr̥vyaḥ /

Verse: bg     bʰavaty eṣa yo 'gniṃ cinute /


Line: 19  Verse: bh     vajry aśvaḥ /

Verse: bi     pāpam āśastir bʰrātr̥vyaḥ /

Verse: bj     vajreṇaiva pāpmānaṃ bʰrātr̥vyam avakrāmati /


Line: 20  Verse: bk     rudrasya gāṇapatye mayobʰūr ehīti /

Verse: bl     raudrā vai paśavaḥ /

Page: 158  
Line: 1  Verse: bm     rudram eva paśūn niryācyātmane karma kurute /


Verse: bn     urv antarikṣaṃ vīhi //

Line: 2  Verse: bo     svastigavyūtir abʰayāni kr̥ṇvan pūṣṇā sayujā saheti /

Verse: bp     pūṣā vā adʰvanāṃ saṃnetā /

Line: 3  Verse: bq     samaṣṭyai /


Verse: br     pr̥tʰivyāḥ sadʰastʰād agniṃ [ purīṣyam aṅgirasvad ābʰareti / ]

Line: 4  Verse: bs     [ purīṣāyatano vā agniḥ / ]

Verse: bt     aṅgirasa etam agre devatābʰiḥ samabʰaran /

Line: 5  Verse: bu     sāyatanam evainaṃ devatābʰiḥ saṃbʰarati /


Line: 6  Verse: bv     agniṃ purīṣyam aṅgirasvad accʰema ity āha yena saṃgaccʰate /

Verse: bw     sarvo vai puruṣo 'gnimān /

Line: 7  Verse: bx     vājam evāsya vr̥ṅkte /


Verse: by     prajāpataye procyāgniś cetavyo rājñe procya /

Line: 8  Verse: bz     sa hi prājāpatyatamaḥ /

Verse: ca     iyaṃ vai prajāpatiḥ /

Line: 9  Verse: cb     tasyā eṣa karṇo yad valmīkaḥ /

Verse: cc     yad valmīkavapām uddʰatyābʰimantrayate /

Line: 10  Verse: cd     prajāpataya eva procyāgniṃ cinute /

Verse: ce     śr̥ṇvanty enam agniṃ cikyānam /

Line: 11  Verse: cf     asāv agnim aceṣṭeti /

Verse: cg     karṇo hi karṇāyāha //


Next part


This text is part of the TITUS edition of Black Yajur-Veda: Kapisthala-Katha-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.