TITUS
Black Yajur-Veda: Manava-Grhya-Sutra
Part No. 9
Previous part

Khanda: 9 
navamaḥ kʰaṇḍaḥ


Sentence: 1    ṣaḍargʰyārhā bʰavantyr̥tvigācāryo vivāhyo rājā snātakaḥ priyaśceti \1\
Sentence: 2    aprākaraṇikānvā parisaṃvatsarādarhayanti \2\
Sentence: 3    prākaraṇikāḥ kartāraḥ sadasyāśca vr̥tāḥ \3\
Sentence: 4    na jīvatpitr̥ko 'rgʰyaṃ pratigr̥hṇiyāditiśrutiratʰavā pratigr̥hṇiyāt \4\
Sentence: 5    atʰainamarhayanti \5\
Sentence: 6    kām̐sye camase vā dadʰi madʰu cānīya varṣīyasāpidʰāyācamanīyapratʰamaiḥ pratipadyante \6\
Sentence: 7    virājo doho 'si virājo dohamaśīya mayi dohaḥ padyāyai virājaḥ kalpatāmityekaikamāhriyamāṇaṃ pratīkṣate \7\
Sentence: 8    sāvitreṇa viṣṭaraṃ pratigr̥hya \ ahaṃ varṣma sadr̥śānāmudyatāmiva sūryaḥ \ idaṃ tamabʰitiṣṭʰāmi yo mā kaścābʰidāsati \ iti japati \8\
Sentence: 9    rāṣṭrabʰr̥dasītyācārya āsandīmanumantrayate \9\
Sentence: 10    mā tvā doṣa ityadʰastātpādayorviṣṭaramupakarṣati \10\
Sentence: 11    viṣṭara āsīnāyaikaikaṃ triḥ prāha \11\
Sentence: 12    naiva bʰo ityāha nama ārṣeyāyeti śrutiḥ spr̥śatyargʰyam \12\
Sentence: 13    pādyena pādau prakṣālya sāvitreṇa madʰuparkaṃ pratigr̥hya pratiṣṭʰāpyāvasāyya namo rudrāya pātrasade namo rudrāya pātrasada iti prādeśenādʰyadʰi pratidiśaṃ pradakṣiṇaṃ sarvato 'bʰyuddiśati \13\
Sentence: 14    madʰu vātā r̥tāyata iti tisr̥bʰiraṅgulyā pradakṣiṇaṃ pratyr̥caṃ trirāyauti \14\
Sentence: 15    amr̥topastaraṇamasītyupastarati \15\
Sentence: 16    satyaṃ yaśaḥ śrīrmayi śrīḥ śrayatāmiti madʰuparkaṃ triḥ prāśnāti \16\
Sentence: 17    amr̥tāpidʰānamasītyācāmati \17\
Sentence: 18    suhr̥de 'vaśiṣṭaṃ prayaccʰati \18\
Sentence: 19    asi pāṇirgāṃ prāha \19\
Sentence: 20    hato me pāpmā pāpmānaṃ me hata ? kuruta iti preṣyati \20\
Sentence: 21    caturo brāhmaṇānnānāgotrānbʰojayate \21\
Sentence: 22    paśvaṅgaṃ pāyasaṃ vā kārayennāmāṃso madʰuparka iti śrutiḥ \22\
Sentence: 23    yadyutsr̥jet \ mātā rudrāṇāṃ duhitā vasūnāṃ svasādityānāmamr̥tasya nābʰiḥ \ pranuvocaṃ cikituṣe janāya māgā manāgā maditiṃ vadʰiṣṭa \ bʰūrbʰuvaḥ svaromutsr̥jatu tr̥ṇānyattu \23\
Sentence: 24    atʰālaṃkaraṇamalaṃkaraṇamasi sarvasmā alaṃ me bʰūyāsam \24\
Sentence: 25    prāṇāpānau me tarpaya samānavyānau me tarpaya udānarūpe me tarpaya sucakṣā ahamakṣibʰyāṃ bʰūyāsaṃ suvarcā mukʰena suśrutkarṇābʰyāṃ bʰūyāsamiti yatʰāliṅgamaṅgāni sam̐spr̥śati \25\
Sentence: 26    atʰa gandʰotsadane vāsasī \26\
Sentence: 27    paridʰāsye yaśo dʰāsye dīrgʰāyutvāya jaradaṣṭirastu \ śataṃ jīvema śaradaḥ purūcī rāyaspoṣamabʰisam̐ vyayiṣye \ yaśasā mā dyāvāpr̥tʰivī yaśasendrābr̥haspatī yaśo bʰagaśca māriṣadyaśo mā pratimucyatām \ ityahatam̐ _vāsaḥ paridʰatte \27\
Sentence: 28    kumāryāḥ pramadane bʰagamaryamaṇaṃ pūṣaṇaṃ tvaṣṭāramiti yajati \28\
Sentence: 29    prāksviṣṭakr̥taścatasro 'vidʰavā nandīrupavādayanti \29\
Sentence: 30    abʰyantare kautuke devapatnīrjayati \\30\\


Sentence: col. 
iti navamaḥ kʰaṇḍaḥ \\9\\


Next part


This text is part of the TITUS edition of Black Yajur-Veda: Manava-Grhya-Sutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.