TITUS
Black Yajur-Veda: Manava-Grhya-Sutra
Part No. 10
Previous part

Khanda: 10 
daśamaḥ kʰaṇḍaḥ


Sentence: 1    prāgudañcaṃ lakṣaṇamuddʰr̥tyāvokṣya stʰaṇḍilaṃ gomayenopalipya maṇḍalaṃ caturasraṃ vā agniṃ nirmatʰyābʰimukʰaṃ praṇayettatra brahmopaveśanam \1\
Sentence: 2    darbʰāṇāṃ pavitre mantravadutpādyemam̐ stomamarhata ityagniṃ parisamuhya paryukṣya paristīrya paścādagnerekavadbarhiḥstr̥ṇāti \2\
Sentence: 3    udakprāktūlāndarbʰānprakr̥ṣya dakṣiṇāṃstatʰottarānagreṇāgniṃ dakṣiṇairuttarānavastr̥ṇāti \3\
Sentence: 4    dakṣiṇato 'gnerbrahmaṇe sam̐str̥ṇātyaparam̐ yajamānāya paścārdʰe patnyai aparamaparam̐ śākʰodakadʰārayorlājādʰāryāśca paścādyugadʰārasya ca \4\
Sentence: 5    syonā pr̥tʰivi bʰavetyetayāvastʰāpya śamīmayīḥ śamyāḥ kr̥tvāntargoṣṭʰe 'gnimupasamādʰāya bʰartā bʰāryāmabʰyudānayati \5\
Sentence: 6    vāsaso 'nte gr̥hītvā agʰoracakṣurapatigʰnyedʰi śivā paśubʰyaḥ sumanāḥ suvarcāḥ vīrasūrdevakāmā syonā śaṃ no bʰava dvipade śaṃ catuṣpade ityabʰiparigr̥hyābʰyudānayati \6\
Sentence: 7    uttareṇa ratʰam̐ vāno vānuparikramyāntareṇa jvalanavahanāvatikramya dakṣiṇasyāṃ dʰuryuttarasya yugatanmano 'dʰastātkanyāmavastʰāpya śamyāmutkr̥ṣya hiraṇyamantardʰāya hiraṇyavarṇāḥ śucaya iti tisr̥bʰiradbʰirabʰiṣicya \ atraiva bāṇaśabdaṃ kuruteti preṣyati \7\
Sentence: 8    atʰāsyai vāsaḥ prayaccʰati yā akr̥ntanyā atanvanyā āvanyā avāharanyāśca gnādevyo 'ntānabʰito 'tatananta \ tāstvā devyo jarase sam̐vyayantvāyuṣmatīdaṃ paridʰatsva vāsaḥ \ ityahatam̐ vāsaḥ paridʰāpyānvārabʰyāgʰārāvājyabʰāgau hutvā \ agnaye janavide svāhetyuttarārdʰe juhoti somāya janavide svāheti dakṣiṇārdʰe gandʰarvāya janavide svāheti madʰye \8\
Sentence: 9    yukto vaha yadākūtamiti dvābʰyāmagnim̐ yojayitvā nakṣatramiṣṭvā nakṣatradevatām̐ yajettitʰiṃ titʰidevatāmr̥tumr̥tudevatāṃ ca \9\
Sentence: 10    somo dadadgandʰarvāya gandʰarvo dadadagnaye rayiṃ ca putrāṃścādādagnirmahyamatʰo imām agnirasyāḥ pratʰamo jātavedāḥ so 'syāḥ prajāṃ muñcatu mr̥tyupāśāt tadidaṃ rājā varuṇo 'numanyatām yatʰedam̐ strīpautramaganma rudriyāya svāhā iti hiraṇyagarbʰa ityaṣṭābʰiḥ pratyr̥camājyāhutīrjuhuyāt \10\
Sentence: 11    yena ca karmaṇeccʰettatra ca jayānjuhuyājjayānāṃ ca śrutistām̐ yatʰoktām \ ākūtyai tvā svāhā bʰūtyai tvā svāhā prayuje tvā svāhā nabʰase tvā svāhā aryamṇe tvā svāhā samr̥ddʰyai tvā svāhā jayāyai tvā svāhā kāmāya tvā svāhetyr̥cā stomaṃ prajāpataya iti ca \11\
Sentence: 12    śuciḥ pratyaṅṅupayantā tām̐ samīkṣasvetyāha \12\
Sentence: 13    tasyām̐ samīkṣamāṇāyāṃ japati mama vrate te hr̥dayaṃ dadʰātu mama cittamanucittaṃ te astu mama vācamekamanā juṣasva prajāpatiṣṭvā niyunaktumahyam \ iti \13\
Sentence: 14    kā nāmāsītyāha \14\
Sentence: 15    nāmadʰeye prokte devasya tvā savituḥ prasave 'śvinorbāhubʰyāṃ pūṣṇo hastābʰyām̐ hastaṃ gr̥hṇāmyasāviti hastaṃ gr̥hṇannāma gr̥hṇāti \ prāṅmukʰyāḥ prātyaṅmukʰa ūrdʰvastiṣṭʰannāsīnāyā dakṣiṇamuttānaṃ dakṣiṇena nīcārikta mariktena \ yatʰendro hastamagrahītsavitā varuṇo bʰagaḥ gr̥bʰṇāmi te sau bʰagatvāya hastaṃ mayā patyā jaradr̥ṣṭiryatʰāsat bʰago aryamā savitā purandʰirmahyaṃ tvādurgārhapatyāya devāḥ yāgre vāksamavadata purā devāsurebʰyaḥ tāmadya gātʰāṃ gāsyāmo yā strīṇāmuttamaṃ manaḥ sarasvati predamava subʰage vājinīvati yāṃ tvā viśvasya bʰūtasya bʰavyasya pragāyāmyasyāgrataḥ amo 'hamasmi sā tvaṃ sā tvamasyāpyamo 'ham dyaurahaṃ pr̥tʰivī tvamr̥ktvamasi sāmāham reto 'hamasmi reto dʰattam \ tā eva vivahāvahai pum̐se putrāya karttavai \ śrīye putrāya vedʰavai \ rāyasyoṣāya suprajāstvāya suvīryāya \ iti \15\
Sentence: 16    abʰidakṣiṇamānīyāgneḥ paścāt etamaśmānamātiṣṭatamaśmeva yuvāṃ stʰirau bʰavatam kr̥ṇvantu viśve devā āyurvāṃ śaradaḥ śatam iti dakṣiṇābʰyāṃ padbʰyāmaśmānamāstʰāpayati \16\
Sentence: 17    yatʰendraḥ sahendrāṇyā avāruhadgandʰamādanāt evaṃ tvamasmādaśmano avaroha saha patnyā ārohasva same pādau pra pūrvyāyuṣmatī kanye putravatī bʰava \ ityevaṃ dvirāstʰāpayati \17\
Sentence: 18    catuḥ pariṇayati \18\
Sentence: 19    samitaṃ saṃkalpetʰāmiti paryāye paryāye brahmā brahmajapaṃ japet \\19\\


Sentence: col. 
iti daśamaḥ kʰaṇḍaḥ \\10\\


Next part


This text is part of the TITUS edition of Black Yajur-Veda: Manava-Grhya-Sutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.