TITUS
Black Yajur-Veda: Manava-Grhya-Sutra
Part No. 11
Previous part

Khanda: 11 
ekādaśaḥ kʰaṇḍaḥ


Sentence: 1    tato yatʰārtʰaṃ karmasannipāto vijñeyaḥ \1\
Sentence: 2    aryamṇe 'gnaye pūṣṇe 'gnaye varuṇāya ca vrīhīnyavānvābʰinirūpya prokṣya lājā bʰr̥jjati \2\
Sentence: 3    mātre prayaccʰati sa jātāyā avidʰavāyai \3\
Sentence: 4    atʰāsyai dvitīyaṃ vāsaḥ prayaccʰati tenaiva mantreṇa \4\
Sentence: 5    darbʰarajvā indrāṇyāḥ saṃnahanamityantau samāyamya pumām̐saṃ grantʰiṃ badʰnāti \5\
Sentence: 6    saṃ tvā nahyāmi payasā pr̥tʰivyāḥ saṃ tvā nahyāmyadbʰiroṣadʰībʰiḥ \ saṃ tvā nahyāmi prajayā dʰanena sā sannaddʰā sunuhi bʰāgadʰeyam \ ityantarato vastrasya yoktreṇa kanyāṃ saṃnahyate \6\
Sentence: 7    atʰainānyupakalpayate śūrpaṃ lājā iṣīkā aśmānamāñjanam \7\
Sentence: 8    catasr̥bʰirdarbʰeṣīkābʰiḥ śareṣīkābʰirvā samuñjābʰiḥ satūlābʰirityekaikayā traikakubʰasyāñjanasya saṃnikr̥ṣya vr̥trasyāsi kanīniketi bʰarturdakṣiṇamakṣi triḥ pratʰamamāṅkte tatʰāparaṃ tatʰā patnyāḥ śeṣeṇa tūṣṇīm \8\
Sentence: 9    diśi śalākāḥ pravidʰyati yāni rakṣāṃsyabʰito vrajantyasyā vadʰvā agnisakāśa māgaccʰantyāḥ teṣāmahaṃ pratividʰyāmi cakṣuḥ svasti vadʰvai bʰūtapatirdadʰātu \ iti \9\
Sentence: 10    lājāḥ paścādagnerupasādya śamīparṇaiḥ sam̐yujya śūrpe samaṃ caturdʰā vibʰajyāgreṇāgniṃ paryāhr̥tya lājādʰāryai prayaccʰati \10\
Sentence: 11    lājā bʰrātā brahmacārī vāñjalināñjalyorāvapati \11\
Sentence: 12    upastaraṇābʰigʰāraṇaiḥ saṃpātaṃ tā aviccʰinnairjuhutaḥ aryamaṇaṃ nu devaṃ kanyā agnimayakṣata so 'smāndevo 'ryamā preto muñcātu māmutaḥ svāhā tubʰyamagne paryavahantsūryām̐vahatunā saha punaḥ patibʰyo jāyāṃ dā agneḥ prajayā saha punaḥ patnīmagniradādāyuṣā saha varcasā dīrgʰāyurasyā yaḥ patirjīvāti śaradaḥ śatam iyaṃ nāryupabrūte 'gnau lājānāvapantikā dīrgʰāyurastu me patiredʰantāṃ jñātayo mameti \12\
Sentence: 13    evaṃ pūṣaṇaṃ nu devaṃ varuṇaṃ nu devam \13\
Sentence: 14    yena dyaurugretyādaya udvāhe homā jayābʰyātānāḥ saṃtatihomā rāṣṭrabʰr̥taśca \14\
Sentence: 15    ākūtāya svāheti jayāḥ prācī digvasanta r̥turityabʰyātānāḥ \ prāṇādapānam̐ saṃtanviti saṃtatihomā r̥tāṣāḍr̥tadʰāmeti dvādaśarāṣṭrabʰr̥taśca \15\
Sentence: 16    trātāramindram̐ viśvādityā iti māṅgalye \16\
Sentence: 17    lājāḥ kāmena caturtʰam̐sviṣṭakr̥tamiti \17\
Sentence: 18    atʰaināṃ prācīm̐ saptapadāni prakramayatyekamiṣe dve ūrje trīṇi prajābʰyaścatvāri rāyaspoṣāya pañca bʰavāya ṣaḍr̥tubʰyaḥ sakʰā saptadī bʰava sumr̥ḍīkā sarasvatī \ mā te vyoma saṃdr̥śi \ viṣṇustvāmunnayatviti sarvatrānuṣajati \18\
Sentence: 19    paścādagne rohite carmaṇyānaḍuhe prāggrīve lomato darbʰānāstīrya teṣu vadʰūmupaveśayatyapi vā darbʰeṣveva \19\
Sentence: 20    imam̐ viṣyāmi varuṇasya pāśam̐ yajjagrantʰa savitā satyadʰarmā dʰātuśca yonau sukr̥tasya loke 'riṣṭāṃ mā saha patyā dadʰātu iti yoktrapāśam̐ viṣāya vāsaso 'nte badʰnāti \20\
Sentence: 21    anumatibʰyām̐ vyāhr̥tibʰiśca tvaṃ no agne sa tvaṃ no agne ayāścāgne 'sīti ca \21\
Sentence: 22    śamīmayīstisro 'ktāḥ samidʰaḥ samudrādūrmirityetābʰistisr̥bʰiḥ svāhākārāntābʰirādadʰāti \22\
Sentence: 23    akṣatasaktūnāṃ dadʰnaśca samavadāyedam̐ haviḥ prajananaṃ ma iti ca hutvā vi te muñcāmi raśanām̐ vi raśmīniti ca hutvā pavitre 'nu prahr̥tyājyenābʰijuhoti \23\
Sentence: 24    edʰo 'syedʰiṣīmahīti samidʰamādadʰāti \ samidasi samedʰiṣīmahīti dvitīyām \24\
Sentence: 25    apo adyānvacāriṣamityupatiṣṭʰante \25\
Sentence: 26    kumbʰādudakenāpohiṣṭʰīyābʰirmārjayante \26\
Sentence: 27    varo dakṣiṇā \\27\\


Sentence: col. 
ityekādaśaḥ kʰaṇḍaḥ \\11\\


Next part


This text is part of the TITUS edition of Black Yajur-Veda: Manava-Grhya-Sutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.