TITUS
Black Yajur-Veda: Manava-Grhya-Sutra
Part No. 13
Previous part

Khanda: 13 
trayodaśaḥ kʰaṇḍaḥ


Sentence: 1    puṇyāhe yuṅke \1\
Sentence: 2    yuñjanti bradʰnamiti dvābʰyām̐ yujyamānamanumantrayate dakṣiṇamatʰottaram \2\
Sentence: 3    ahatena vāsasā darbʰairvā ratʰam̐ saṃmārṣṭi \3\
Sentence: 4    aṅkūnyaṅkāvabʰito ratʰam̐ ye dʰvāntā vātā agnimabʰi ye saṃcaranti \ dūrehetiḥ patatrī vājinīvām̐ste no 'gnayaḥ paprayaḥ pālayantu \ iti cakre 'bʰimantrayate \4\
Sentence: 5    vanaspate viḍvaṅga ityadʰiṣṭʰānam \5\
Sentence: 6    sukim̐śukam̐ śalmalim̐ viśvarūpam̐ hiraṇyavarṇa m̐ suvr̥tam̐ sucakram \ āroha sūrye amr̥tasya lokam̐ syonaṃ patye vahataṃ kr̥ṇuṣva \ ityārohayati \6\
Sentence: 7    anumāyantu devatā anubrahma suvīryam \ anukṣatraṃ tu yadbalamanumāmaitu madyaśaḥ \ iti prāṅbʰiprayāya pradakṣiṇamāvartayati \7\
Sentence: 8    prati māyantu devatāḥ prati brahma suvīryam \ prati kṣatraṃ tu yadbalaṃ prati māmaitu yadyaśaḥ \ iti yatʰāstam̐ yantamanumantrayate \8\
Sentence: 9    amaṅgalyaṃ cedatikrāmati anumāyantviti japati \9\
Sentence: 10    namo rudrāya grāmasada iti grāme imā rudrāyeti ca \10\
Sentence: 11    namo rudrāyaikavr̥kṣasada ityekavr̥kṣe \ ye vr̥kṣeṣu śaṣpiñjarā iti ca \11\
Sentence: 12    namo rudrāya śmaśānasada iti śmaśāne \ ye bʰūtānāmadʰipataya iti ca \12\
Sentence: 13    namo rudrāya catuṣpatʰasada iti catuṣpatʰe \ ye patʰāṃ patʰirakṣaya iti ca \13\
Sentence: 14    namo rudrāya tīrtʰasada iti tīrtʰe \ ye tīrtʰāni pracarantīti ca \14\
Sentence: 15    yatrāpastaritavyā āsīdati samudrāya vaiṇave sindʰūnāṃ pataye namaḥ \ namo nadīnām̐ sarvāsāṃ patye \ viśvāhā juṣatām̐ viśvakarmaṇāmidam̐ haviḥ svaḥ svāhetyapsūdakāñjalīnninayati \ amr̥taṃ vā āsye juhomyāyuḥ prāṇe 'pyamr̥taṃ brahmaṇā saha mr̥tyuntarati \ prāsahāditi riṣṭiriti muktiriti mukṣīyamāṇaḥ sarvaṃ bʰayaṃ nudasva svāheti triḥ parimr̥jyācāmati \15\
Sentence: 16    yadi nāvā taretsutrāmāṇamiti japet \16\
Sentence: 17    yadi ratʰākṣaḥ śamyāṇīvā riṣyetānyadvā ratʰāṅgaṃ tatraivāgnibʰupasamādʰāya jayaprabʰr̥tibʰirhutvā sumaṅgalīriyam̐ vadʰūriti japedvadʰvā saha vadʰūm̐ sameta paśyata \17\
Sentence: 18    vyutkrāma pantʰāṃ jaritāṃ javena śivena vaiśvānara iḍayāsyāgrataḥ \ ācāryo yena yena patʰā prayāti tena tena saha \ ityubʰāveva vyutkrāmataḥ \18\
Sentence: 19    gobʰiḥ sahāstamite grāmaṃ praviśanti brāhmaṇavacanādvā \\19\\


Sentence: col. 
iti trayodaśaḥ kʰaṇḍaḥ \\13\\


Next part


This text is part of the TITUS edition of Black Yajur-Veda: Manava-Grhya-Sutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.