TITUS
Black Yajur-Veda: Manava-Grhya-Sutra
Part No. 14
Previous part

Khanda: 14 
caturdaśaḥ kʰaṇḍaḥ


Sentence: 1    aparasminnanhaḥ saṃdʰau gr̥hānpratipādayīta \1\
Sentence: 2    pratibrahmanniti pratyavarohati \2\
Sentence: 3    maṅgalāni prādurbʰavanti \3\
Sentence: 4    goṣṭʰātsantatāmulaparājim̐ str̥ṇāti \4\
Sentence: 5    ratʰādadʰyopāsanāt \ yeṣvadʰyeti pravasanyeṣu saumanasaṃ mahat \ tenopavyayāmahe te no jānantvāgatam \ iti tayābʰyupaiti \5\
Sentence: 6    gr̥hānaham̐ sumanasaḥ prapadye vīram̐ hi vīravataḥ suśevā \ irām̐ vahantī gʰr̥tamukṣamāṇāsteṣvaham̐ sumanāḥ sam̐ vasāma \ ityabʰyāhitāgnim̐ sodakam̐ sauṣadʰamāvasatʰaṃ pratipadyate rohiṇyā mūlena vā yadvā puṇyoktam \6\
Sentence: 7    paścādagne rohite carmaṇyānaḍuhe prāggrīve lomato darbʰānāstīrya teṣu vadʰūmupaveśayatyapi vā darbʰeṣveva \7\
Sentence: 8    atʰāsyai brahmacāriṇamupastʰa āveśayati \ somenādityā balinaḥ somena pr̥tʰivī mahī \ asau nakṣatrāṇāmeṣāmupastʰe soma āhitaḥ \ iti \8\
Sentence: 9    atʰāsya tilataṇḍulānāṃ pʰalamiśrāṇāmañjaliṃ pūrayitvottʰāpyātʰāsyai dʰruvamarundʰatīṃ jīvantīm̐ sapta r̥ṣīniti darśayet \9\
Sentence: 10    acyutā dʰruvā dʰruvapatnī dʰruvaṃ paśyema sarvataḥ \ dʰruvāsaḥ parvatā ime dʰruvā strī patikuleyam \ iti tasyām̐ samīkṣamāṇāyāṃ japati \10\
Sentence: 11    śvobʰūte prājāpatyaṃ payasi stʰālīpākam̐ śrapayitvā tasya juhoti \ ājyaśeṣe dadʰisamānīya tena hutaśeṣeṇa \11\
Sentence: 12    cakrīvānaḍuhau vā me vāṅmaitu te manaḥ \ cākravākam̐ sam̐vananaṃ tannau sam̐vananaṃ kr̥tamiti yajamānastriḥ prāśnātyavaśiṣṭaṃ tūṣṇīṃ patnī \12\
Sentence: 13    aparāhṇe piṇḍapitr̥yajñaḥ sa vyākʰyātaḥ \13\
Sentence: 14    sam̐vatsaraṃ brahmacaryaṃ carato dvādaśarātraṃ trirātramekarātraṃ vā \14\
Sentence: 15    atʰāsyai gr̥hānvisr̥jet \15\
Sentence: 16    yoktrapāśaṃ viṣāya tau saṃnipātayet \ apaśyaṃ tvā manasā cekitānaṃ tapaso jātaṃ tapaso vibʰūtam \ iha prajāmiha rayim̐ rarāṇaḥ prajāyasva prajayā putrakāma \ apaśyaṃ tvā manasā dīdʰyānāṃ svāyāṃ tanūm̐ r̥tviye bādʰamānām \ upa māmuccā yuvatirbabʰūyāḥ prajāyasva prajayā putrakāme \ prajāpatistanvaṃ me juṣasva tvaṣṭā devaiḥ sahamāna indraḥ \ viśvedevairr̥tubʰiḥ sam̐ vidānaḥ pum̐sāṃ bahūnāṃ mātarau syāva \ ahaṃ garbʰamadadʰāmoṣadʰīṣvaham̐ viśveṣu bʰuvaneṣvantaḥ \ ahaṃ prajā ajanayaṃ pr̥tʰivyā ahaṃ janibʰyo aparīṣu putrān \ iti stryādivyatyāsaṃ japati \16\
Sentence: 17    karaditi bʰasadamabʰibʰr̥śati \17\
Sentence: 18    jananītyupajananam \18\
Sentence: 19    br̥haditi jātaṃ pratiṣṭʰitam \19\
Sentence: 20    etena dʰarmeṇa r̥tāvr̥tau saṃnipātayet \\20\\


Sentence: col. 
iti caturdaśaḥ kʰaṇḍaḥ \\14\\


Next part


This text is part of the TITUS edition of Black Yajur-Veda: Manava-Grhya-Sutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.