TITUS
Black Yajur-Veda: Maitrayani-Samhita
Part No. 9
Previous part

Prapathaka: 9  
Anuvaka: 1  
Page: 131  
Line : 1  Pada: a     cíttiḥ srúk

Pada: b     cittám ā́jyam \

Pada: c     vā́g védis \

Pada: d     ā́dʰītaṃ barhíḥ

Pada: e     kéto agnís \

Line : 2  Pada: f     víjñātam agnī́t \

Pada: g     vācáspátir hótā

Pada: h     mána upavaktā́

Pada: i     prāṇó havíḥ

Pada: j     sā́mādʰvaryús \

Line : 3  Pada: k     índraṃ gacʰa svā́hā

Pada: l     pr̥tʰivī́ hótā

Pada: m     dyaúr adʰvaryús

Pada: n     tváṣṭāgnī́t \

Pada: o     mitrá upavaktā́

Line : 4  Pada: p     vā́caspate vācó vīryèṇa saṃbʰr̥tatamenā́yakṣase

Pada: q     yajñápataye vā́ryamā́ svàs kar

Line : 5  Pada: r     vācáspátiḥ sómam apāt \

Pada: s     jajánad índram indriyā́ya

Pada: t     sómaḥ sómasya pibatu

Line : 6  Pada: u     śukráḥ śukrásya pibatu

Pada: v     śrātā́s ta indra sómā vā́tāpayo havanaśrútas \

Line : 7  Pada: w     agnír hótā \

Pada: x     aśvínādʰvaryū́

Pada: y     rudró agnī́t \

Pada: z     bŕ̥haspátir upavaktā́

Pada: aa     vā́caspate hínvidʰe nāman

Line : 8  Pada: ab     vidʰéma te nā́ma

Pada: ac     vidʰés tvám asmā́kaṃ nā́ma

Pada: ad     vācáspátiḥ sómam apāt \

Line : 9  Pada: ae     ā́smā́su nr̥mṇáṃ dʰāt

Pada: af     sómaḥ sómasya pibatu

Pada: ag     śukráḥ śukrásya pibatu

Line : 10  Pada: ah     śrātā́s ta indra sómā vā́tāpayo havanaśrútas \

Pada: ai     mahā́havir hótā

Line : 11  Pada: aj     satyáhavir adʰvaryús

Pada: ak     ácittapājā agnī́t \

Pada: al     ácittamanā upavaktā́ \

Pada: am     anādʰr̥ṣyáś cāpratidʰr̥ṣyáś cābʰigaraú \

Line : 12  Pada: an     ayā́sya udgātā́

Pada: ao     vídʰe nāman

Pada: ap     vidʰéma te nā́ma

Line : 13  Pada: aq     vidʰés tvám asmā́kaṃ nā́ma

Pada: ar     mā́ devā́nāṃ tántuś cʰedi mā́ manuṣyā̀ṇām \

Pada: as     námo mātre pr̥tʰivyaí //


Anuvaka: 2  
Page: 132  
Line : 1  Pada: a     agnír yájurbʰiḥ

Pada: b     savitā́ stómais \

Pada: c     índra uktʰāmadaís \

Pada: d     bŕ̥haspátiś cʰándobʰis \

Pada: e     áditir apáś ca barhíś ca \

Line : 2  Pada: f     ādityā́ ā́jyais \

Pada: g     marútaḥ sadohavirdʰānaís \

Pada: h     víṣṇur dīkṣātapóbʰyām \

Line : 3  Pada: i     mitrā́váruṇau dʰíṣṇyais \

Pada: j     aśvína āśírā

Pada: k     tváṣṭā samidʰā́

Pada: l     pūṣā́ svāhākāraís \

Line : 4  Pada: m     vā́g vāyóḥ pátnī

Pada: n     pátʰyā pūṣṇáḥ

Pada: o     pr̥tʰivy àgnéḥ

Pada: p     sénéndrasya

Pada: q     dʰénā bŕ̥haspátes \

Line : 5  Pada: r     gāyatrī́ vásūṇām \

Pada: s     triṣṭúb rudrā́ṇām \

Pada: t     jágaty ādityā́nām

Pada: u     anuṣṭúb mitrásya

Line : 6  Pada: v     virā́ḍ váruṇasya

Pada: w     paṅktír víṣṇos \

Pada: x     dīkṣā́ sómasya //


Anuvaka: 3  
Line : 7  Pada: a     prajā́patir vā́ éka āsīt

Pada: b     sò 'kāmayata

Pada: c     yajñó bʰūtvā́ prajā́ḥ sr̥jeyéti

Line : 8  Pada: d     sá dáśahotāram̐ yajñám ātmā́nam̐ vyàdʰatta

Pada: e     sá cíttim̐ srúcam ákuruta cittám ā́jyam̐ vā́cam̐ védim ā́dʰītaṃ barhíḥ

Line : 9  Pada: f     sá daśadʰā́tmā́nam̐ vidʰā́ya mitʰunáṃ kr̥tvā́yátanam aicʰat

Line : 10  Pada: g     sá vaí trivŕ̥ta evá prāṇā́n āyátanam acāyat

Pada: h     taíḥ prajā́ asr̥jata \

Line : 11  Pada: i     ūrdʰvám údatr̥ṇat pūrvapakṣáḥ pañcadaśás

Pada: j     téna devā́n asr̥jata

Pada: k     té devā́ ūrdʰvā́ ā́pyāyanta \

Line : 12  Pada: l     ūrdʰvá ā́pyāyate yá evám̐ véda \

Pada: m     ávāṅ ávātr̥ṇad aparapakṣáḥ pañcadaśás

Line : 13  Pada: n     ténā́surān asr̥jata

Pada: o     té 'surā ávāñcaḥ prā́dʰvam̐santa

Pada: p     prā́sya bʰrā́tr̥vyo dʰvam̐sate yá evám̐ véda

Line : 14  Pada: q     dívā devā́n ásr̥jata náktam ásurān \

Pada: r     té devā́ḥ śuklā́ ábʰavan kr̥ṣṇā́ ásurāḥ

Line : 15  Pada: s     satyéna devā́n ásr̥jatā́nr̥tenā́surān \

Pada: t     té devā́ḥ satyám ábʰavan \

Line : 16  Pada: u     ánr̥tam ásurās \

Pada: v     dákṣiṇena hástena devā́n ásr̥jata savyénā́surān \

Pada: w     té devā́ vīryàvantó 'bʰavan mr̥ddʰā́ ásurās

Line : 17  Pada: x     táto devā́ ábʰavan párā́surās

Pada: y     tád yá evám̐ véda bʰávaty ātmánā párāsya bʰrā́tr̥vyo bʰavati *
      FN emended. Ed.: 'bʰavati.

Line : 18  Pada: z     sò 'manyata kvà hoṣyāmī́ti

Line : 19  Pada: aa     sá tád evá nā́vindat prajā́patir yátrā́hoṣyan

Pada: ab     nó asyānyád dʰótvam āsīt prāṇā́t

Line : 20  Pada: ac     sá vā́ índram evā́ntar ātmánāyátanam acāyat

Pada: ad     sá índraṃ gacʰa svā́héty ápānat \

Page: 133  
Line : 1  Pada: ae     vīryàm̐ vaí prāṇo vīryàm índras \

Pada: af     vīryà evá vīryàm ajuhot //


Anuvaka: 4  
Line : 3  Pada: a     té vaí cáturhotāro vyàsīdant sómagr̥hapatayā índraṃ janiyiṣyāmā íti

Line : 4  Pada: b     pr̥tʰivī́ hótā́sīd dyaúr adʰvaryús tváṣṭāgnī́n mitrá upavaktā́

Pada: c     té vā́ etaú gráhā agr̥hṇata

Line : 5  Pada: d     vā́caspate vācó vīryèṇa sáṃbʰr̥tatamenā́yakṣase

Pada: e     yajñápataye vā́ryam ā́ svàs kar íti

Line : 6  Pada: f     tá ekavim̐śám āyátanam acāyan \

Pada: g     ténéndram ajanayan \

Line : 7  Pada: h     tá índraṃ janayitvā́bruvan \

Pada: i     svàr ayāméti

Pada: j     té vaí páñcahotāro nyàsīdan váruṇagr̥hapatayas \

Line : 8  Pada: k     agnír hótā́sīt \

Pada: l     aśvínādʰvaryū́

Pada: m     rudró agnī́d

Pada: n     bŕ̥haspátir upavaktā́

Line : 9  Pada: o     yád aśvínéti

Pada: p     téna páñcahotā

Pada: q     té vā́ etaú gráhā agr̥hṇata

Pada: r     vā́caspate hínvidʰe nāman vidʰéma te nā́ma

Line : 10  Pada: s     vidʰés tvám asmā́kaṃ nā́méti

Pada: t     té triṇavám āyátanam acāyan \

Line : 11  Pada: u     tám̐ sétuṃ kr̥tvā́ svàrāyan \

Pada: v     téna paśū́n asr̥janta

Pada: w     tā́n devátābʰyo 'nayan

Line : 12  Pada: x     yamā́yā́śvam anayan \

Pada: y     tásyārdʰám indriyásyā́pākrāmat

Pada: z     sá etáṃ pratigrahám apaśyat //

Line : 13  Pada: aa     devásya tvā savitúḥ prasavè 'śvínor bāhúbʰyāṃ pūṣṇó hástābʰyāṃ prátigr̥hṇāmi

Line : 14  Pada: ab     yamā́ya tvā máhyam̐ váruṇo dadāti

Pada: ac     sò 'mr̥tatvám aśīya

Line : 15  Pada: ad     máyo dātré bʰūyā́t \

Pada: ae     máyo máhyaṃ pratigrahītré // íti

Pada: af     sò 'rdʰám indriyásyópādʰatta \

Line : 16  Pada: ag     ardʰám indriyásyópadʰatte yá evám̐ vidvā́n áśvaṃ pratigr̥hṇā́ti \

Line : 17  Pada: ah     átʰa yó 'vidvān pratigr̥hṇā́ty ardʰám asyendriyásyā́pakrāmati

Pada: ai     rudrā́ya gā́m anayan \

Line : 18  Pada: aj     tásya tŕ̥tīyamindriyásyā́pākrāmat

Pada: ak     sá etáṃ pratigrahám apaśyat //

Line : 19  Pada: al     rudrā́ya tvā máhyam̐ váruṇo dadāti

Pada: am     sò 'mr̥tatvám aśīya

Pada: an     máyo dātré bʰūyā́n

Line : 20  Pada: ao     máyo máhyaṃ pratigrahītré //

Pada: ap     íti

Pada: aq     sá tŕ̥tīyam indriyásyópādʰatta

Pada: ar     tŕ̥tīyam indriyásyópadʰatté yá evám̐ vidvā́n gā́m̐ pratigr̥hṇā́ti \

Page: 134  
Line : 1  Pada: as     átʰa yó 'vidvān pratigr̥hṇā́ti tŕ̥tīyam asyendriyásyā́pakrāmati \

Line : 2  Pada: at     agnáye híraṇyam anayan \

Pada: au     tásya caturtʰám indriyásyā́pākrāmat *
      FN Correcturen und Conjecturen zu dem ganzen Werk.

Line : 3  Pada: av     sá etáṃ pratigrahám apaśyat //

Pada: aw     agnáye tvā máhyam̐ váruṇo dadāti

Line : 4  Pada: ax     sò 'mr̥tatvám aśīya

Pada: ay     máyo dātré bʰūyā́n máyo máhyaṃ pratigrahītré //

Line : 5  Pada: az     íti

Pada: ba     sá caturtʰám indriyásyópādʰatta

Pada: bb     caturtʰám indriyásyópadʰatte yá evám̐ vidvā́n híraṇyaṃ pratigr̥hṇā́ti \

Line : 6  Pada: bc     átʰa yó 'vidvān pratigr̥hṇā́ti caturtʰám asyendriyásyā́pakrāmati

Line : 7  Pada: bd     bŕ̥haspátaye vā́so 'nayan \

Pada: be     tásya pañcamám indriyásyā́pākrāmat

Line : 8  Pada: bf     sá etáṃ pratigrahám apaśyat //

Pada: bg     gnā́s tvākr̥ntann apáso 'tanvata

Line : 9  Pada: bh     dʰíyo 'vayan

Pada: bi     bŕ̥haspátaye tvā máhyam̐ váruṇo dadāti

Line : 10  Pada: bj     sò 'mr̥tatvámaśīya

Pada: bk     máyo dātré bʰūyā́n

Pada: bl     máyo máhyaṃ pratigrahītré //

Pada: bm     íti sá pañcamám indriyásyópādʰatta

Line : 11  Pada: bn     pañcamám indriyásyópadʰatte yá evám̐ vidvā́n vā́saḥ pratigr̥hṇā́ti \

Line : 12  Pada: bo     átʰa yó 'vidvān pratigr̥hṇā́ti pañcamám asyendriyásyā́pakrāmti \

Line : 13  Pada: bp     uttānā́yāṅgirasā́yā́prāṇad anayam̐s

Pada: bq     tásya ṣaṣṭʰámindriyásyā́pākrāmat

Pada: br     sá etáṃ pratigrahám apaśyat //

Line : 14  Pada: bs     uttānā́ya tvāṅgirasā́ya máhyam̐ váruṇo dadāti

Line : 15  Pada: bt     sò 'mr̥tatvámaśīya

Pada: bu     máyo dātré bʰūyā́n

Pada: bv     máyo máhyaṃ pratigrahītré //

Line : 16  Pada: bw     íti sá ṣaṣṭʰám indriyásyópādʰatta

Pada: bx     ṣaṣṭʰám indriyásyópadʰatte yá evám̐ vidvā́n áprāṇat pratigr̥hṇā́ti \

Line : 17  Pada: by     átʰa yó 'vidvān pratigr̥hṇā́ti ṣaṣṭʰám asyendriyásyā́pakrāmati //


Page: 135  
Line : 1  Pada: bz     ká idáṃ kásmā adāt

Pada: ca     kā́maḥ kā́māyādāt

Pada: cb     kā́mo dātā́

Line : 2  Pada: cc     kā́maḥ pratigrahītā́

Pada: cd     kā́māya tvā prátigr̥hṇāmi

Pada: ce     kā́maitát te //

Pada: cf     íti

Line : 3  Pada: cg     samudró vaí kā́mas \

Pada: ch     dákṣiṇā kā́mo

Pada: ci     dákṣiṇayaivá dákṣiṇāṃ prátigr̥hṇāti

Line : 4  Pada: cj     yó vaí tā́ṃ devátām̐ véda yā́gre dákṣiṇām ánayad dakṣiṇī́yo ha bʰavati

Pada: ck     náyati dákṣiṇām //


Anuvaka: 5  
Line : 6  Pada: a     té vaí svaryánto 'bruvan \

Pada: b     áto no yūpáṃ práyacʰata

Pada: c     kénāyátanenā́traivá vetsyatʰéty abruvan \

Line : 7  Pada: d     té vaí saptáhotāro nyàsīdann aryamágr̥hapatayas \

Pada: e     mahā́havir hótā́sīt

Line : 8  Pada: f     satyáhavir adʰvaryús \

Pada: g     ácittapājā * agnī́t \
      FN emended. Ed.: acittapājā. cf. 1.9.1:131.11.

Pada: h     ácittamanā upavaktā́ \

Pada: i     anādʰr̥ṣyáś cāpratidʰr̥ṣyáś cābʰigarā́s \

Line : 9  Pada: j     ayā́sya udgātā́

Pada: k     té vā́ etáṃ gráham agr̥hṇata

Line : 10  Pada: l     vídʰe nāmanvidʰéma te nā́ma

Pada: m     vidʰés tvám asmā́kaṃ nā́méti

Pada: n     té trayastrim̐śám āyátanam acāyan \

Line : 11  Pada: o     ténedám̐ sámatanvan \

Pada: p     saptáhotrā ca vā́ idám̐ sáṃtataṃ trayastrim̐śéna ca yád idáṃ devamanuṣyā̀ anyò 'nyásmai saṃprayáccʰate

Line : 12  Pada: q     prāṇó vaí dáśahotā

Line : 13  Pada: r     cákṣuś cáturhotā

Pada: s     śrótraṃ páñcahotā

Pada: t     vā́k cātmā́ ca saptáhotā \

Pada: u     agnihotrám̐ vaí dáśahotā

Line : 14  Pada: v     darśapūrṇamāsaú cáturhotā

Pada: w     cāturmāsyā́ni páñcahotā

Line : 15  Pada: x     saumyò 'dʰvaráḥ saptáhotā \

Pada: y     ā́yuṣe kám agnihotrám̐ hūyate

Pada: z     sárvam ā́yur eti yá evám̐ véda

Line : 16  Pada: aa     cákṣuṣe káṃ darśapūrṇamāsā ijyete

Pada: ab     ná cákṣuṣo gr̥he yá evám̐ véda

Line : 17  Pada: ac     śrótrāya káṃ cāturmāsyā́nījyante

Pada: ad     ná śrótrasya gr̥he yá evám̐ véda

Page: 136  
Line : 1  Pada: ae     vācé cātmáne ca kám̐ saumyò 'dʰvará ijyate

Pada: af     ná vācó nā́tmáno gr̥hé * yá evám̐ véda
      FN emended. Ed.: gr̥he.

Line : 2  Pada: ag     prajā́patir vaí dáśahotā \

Pada: ah     ékaḥ sán bʰūyiṣṭʰabʰā́g vyā́hr̥tīnām

Pada: ai     ékaḥ sán bʰū́yiṣṭʰo bʰavati yá evám̐ véda

Line : 3  Pada: aj     téjase káṃ pūrṇámā ijyate

Pada: ak     saumyó vaí brāhmaṇó devátayā gāyatrácʰandās \

Line : 4  Pada: al     gāyatrò 'gníḥ

Pada: am     své vā́vā́smā etád deváte sáprastʰe akar

Line : 5  Pada: an     nā́syānyó yogakṣemásyéśe \

Pada: ao     ā́yuṣe kám amāvāsyèjyate

Line : 6  Pada: ap     sámīva vā́ eṣá ā́bʰriyate

Pada: aq     sárvam ā́yur eti yá evám̐ véda

Pada: ar     svargā́ya lokā́ya kám̐ saumyò 'dʰvará ijyate \

Line : 7  Pada: as     éti svargáṃ lokám̐ yá evám̐ véda

Line : 8  Pada: at     dáśahotrāgnihotrám únnītam abʰímr̥śet \

Pada: au     dáśahotrā vaí devā́ agnihotrám asr̥janta

Line : 9  Pada: av     prájātam enat sr̥ṣṭám ā́labdʰa

Pada: aw     cáturhotrā darśapūrṇamāsā́ abʰimr̥śet \

Pada: ax     cáturhotrā vaí devā́ darśapūrṇamāsā́ asr̥janta

Line : 10  Pada: ay     prájātā enau sr̥ṣṭā́ ā́labdʰa

Pada: az     páñcahotrā cāturmāsyā́ny abʰímr̥śet

Line : 11  Pada: ba     páñcahotrā vaí devā́ś cāturmāsyā́ny asr̥janta

Line : 12  Pada: bb     prájātāny enāni sr̥ṣṭā́ny ā́labdʰa

Pada: bc     saptáhotrā saumyám adʰvarám abʰímr̥śet

Pada: bd     saptáhotrā vaí devā́ḥ saumyám adʰvarám asr̥janta

Line : 13  Pada: be     prájātam enam̐ sr̥ṣṭám ā́labdʰa

Pada: bf     dáśahotāram̐ vadet purástāt sāmidʰenī́nām \

Line : 14  Pada: bg     prajā́patir vaí dáśahotā

Pada: bh     yajñamukʰám̐ sāmidʰenyàs

Line : 15  Pada: bi     mitʰunám̐ vā́vā́syaitád yajñamukʰé dadʰāti

Pada: bj     cáturhotāram̐ vadet purástāt prayājā́nām \

Line : 16  Pada: bk     cáturhotrā vaí devā́ índram ajanayan \

Pada: bl     índram̐ vā́vā́syaitád yajñè 'jījanat

Line : 17  Pada: bm     séndreṇa yajñéna yajate

Pada: bn     páñcahotāram̐ vadet purástād dʰavíṣām \

Pada: bo     páñcahotrā vaí devā́ḥ paśū́n ásr̥janta

Line : 18  Pada: bp     párā́surān abʰāvayan

Pada: bq     paśū́n evá sr̥játe párā bʰrā́tr̥vyaṃ bʰāvayati

Line : 19  Pada: br     saptáhotāram̐ vadet purástād anuyājā́nām \

Pada: bs     saptáhotrā vaí devā́ḥ svàr āyan \

Line : 20  Pada: bt     svàr evaíti

Pada: bu     dáśahotāram̐ vadet purástād bahiṣpavamānásya

Pada: bv     prajā́patir vaí dáśahotā

Line : 21  Pada: bw     yajñamukʰáṃ bahiṣpavamānám \

Pada: bx     mitʰunám̐ vā́vā́syaitád yajñamukʰé dadʰāti


Page: 137  
Line : 1  Pada: by     cáturhotāram̐ vadet purástād ā́jyānām \

Pada: bz     páñcahotāram̐ vadet purástān mā́dʰyaṃdinasya pávamānasya

Line : 2  Pada: ca     saptáhotāram̐ * vadet purástād ā́rbʰavasya pávamānasya
      FN emended. Ed.: saptáhotaram̐.

Line : 3  Pada: cb     saptáhotrā vaí devā́ḥ svàr āyan \

Pada: cc     svàr evaíti

Pada: cd     yó vaí cáturhotr̥̄n anusavanáṃ tarpayitavyān véda tŕ̥pyati prajáyā ca paśúbʰiś ca \

Line : 4  Pada: ce     eté vaí cáturhotāro 'nusavanáṃ tarpayitavyā̀ yád brāhmaṇā́ bahuvídas

Line : 5  Pada: cf     tā́n evá tarpayati

Pada: cg     tá enaṃ tr̥ptā́ḥ prajáyā ca paśúbʰiś ca tarpayanti //


Anuvaka: 6  
Line : 7  Pada: a     yáḥ prajáyā paśúbʰir ná prajā́yeta sá dvā́daśā́hāni barāsī́ṃ paridʰā́ya taptáṃ píbann adʰáḥ śayīta

Line : 8  Pada: b     tápo vaí taptvā́ prajā́patir vidʰā́yātmā́naṃ mitʰunáṃ kr̥tvā́ prajáyā ca paśúbʰiś ca prā́jāyata \

Line : 9  Pada: c     ávihito hí vā́ eṣó 'mitʰunas \

Line : 10  Pada: d     átʰaiṣá ná prájāyate

Pada: e     tát tápa evá taptvā́ vidʰā́yātmā́naṃ mitʰunáṃ kr̥tvā́ prajáyā ca paśúbʰiś ca prájāyate

Line : 11  Pada: f     prajā́patir vaí dáśahotā

Pada: g     jyā́yān vaí prajā́patir hómāt

Line : 12  Pada: h     tásmāt tán ná juhvati

Pada: i     prā́ṇyā́pānet \

Pada: j     apānám evá prāṇáṃ juhoti

Pada: k     saṃgrāmíṇaṃ cáturhotrā yājayet \

Line : 13  Pada: l     caturgr̥hītám ā́jyaṃ kr̥tvā́ cáturhotāram̐ vyā́cakṣīta

Line : 14  Pada: m     pū́rveṇa gráheṇārdʰáṃ juhuyā́d úttareṇārdʰám \

Pada: n     cáturhotrā vaí devā́ índram ajanayan

Pada: o     yatarásmin kʰálu vaí saṃgrāmá índro bʰávati sá jayati \

Line : 15  Pada: p     índram̐ vā́vā́syaitát saṃgrāmè 'jījanat \

Line : 16  Pada: q     jáyati saṃgrāmám \

Pada: r     prajā́kāmaṃ cáturhotrā yājayet \

Pada: s     caturgr̥hītám ā́jyaṃ kr̥tvā́ cáturhotāram̐ vyā́cakṣīta

Line : 17  Pada: t     pū́rveṇa gráheṇārdʰáṃ juhuyā́d úttareṇārdʰám \

Pada: u     cáturhotrā vaí devā́ índram ajanayan

Line : 18  Pada: v     prajā́m asmai janayati

Pada: w     néva tv áparó 'nujāyate

Line : 19  Pada: x     tejasvī́va tú bʰavati

Pada: y     sárveṇa hy ènam indriyéṇa janáyati

Pada: z     paśúkāmaṃ páñcahotrā yājayet \

Line : 20  Pada: aa     caturgr̥hītám ā́jyaṃ kr̥tvā́ páñcahotāram̐ vyā́cakṣīta

Page: 138  
Line : 1  Pada: ab     pū́rveṇa gráheṇārdʰáṃ juhuyā́d úttareṇārdʰám \

Pada: ac     páñcahotrā vaí devā́ḥ paśū́n asr̥janta

Line : 2  Pada: ad     paśū́n evá sr̥jate

Pada: ae     bʰrā́tr̥vyavantaṃ páñcahotrā yājayet \

Pada: af     caturgr̥hītám ā́jyaṃ kr̥tvā́ páñcahotāram̐ vyā́cakṣīta

Line : 3  Pada: ag     pū́rveṇa gráheṇārdʰáṃ juhuyā́d úttareṇārdʰám \

Pada: ah     páñcahotrā vaí devā́ ásurān párābʰāvayan

Line : 4  Pada: ai     párā pāpmā́naṃ bʰrā́tr̥vyaṃ bʰāvayati

Pada: aj     svargákāmaṃ páñcahotrā yājayet \

Line : 5  Pada: ak     caturgr̥tʰītám ā́jyaṃ kr̥tvā́ páñcahotāram̐ vyā́cakṣīta

Line : 6  Pada: al     pū́rveṇa gráheṇārdʰáṃ juhuyā́d úttareṇārdʰám \

Pada: am     páñcahotrā vaí devā́ḥ svàr āyan \

Pada: an     svàr evaíti

Line : 7  Pada: ao     yó yajñásya sam̐stʰā́m ánu pā́pīyān mányeta tám̐ saptahotrā yājayet

Pada: ap     saptáhotrā vaí devā́ idám̐ sámatanvan \

Line : 8  Pada: aq     sámatata tāják

Pada: ar     tādŕ̥ṅ púnar bʰavati yādŕ̥k sán yájate //


Anuvaka: 7  
Line : 10  Pada: a     brahmavādíno vadanti

Pada: b     yád éko yajñáś cáturhotā́tʰa kásmāt sárve cáturhotāra ucyantā íti

Line : 11  Pada: c     catvā́ro vā́ eté yajñā́s

Pada: d     téṣāṃ catvā́ro hótāras

Pada: e     tác cáturhotr̥ṇāṃ caturhotr̥tvám \

Line : 12  Pada: f     caturṇā́m ékaḥ sam̐vatsaráṃ nā́śnīyāt

Pada: g     tád vratám

Pada: h     ánnam̐ vaí cáturhotāras \

Line : 13  Pada: i     ánnavān bʰavati yá evám̐ véda \

Pada: j     átʰa yám anūcānám̐ sántaṃ nópanamet só 'raṇyaṃ parétya brāhmaṇám upadraṣṭā́raṃ kr̥tvā́ cáturhotr̥̄n vyā́cakṣīta

Line : 14  Pada: k     bráhmaṇo vā́ etád udáraṇam̐ yác cáturhotrāras \

Line : 15  Pada: l     brāhmaṇá upadraṣṭā́ \

Pada: m     upadraṣṭúr evā́nte bráhmāvír akar \

Line : 16  Pada: n     tád enam āvírbʰūtam āvídaṃ gamayati \

Pada: o     átʰa yaú viśápeyātām aháṃ bʰū́yo vedāháṃ bʰū́yo vedéti \

Line : 17  Pada: p     eṣá vā́vá bʰū́yo veda yáś cáturhotr̥̄n véda

Pada: q     cáturhotāro vaí yajñásya yónis \

Line : 18  Pada: r     cáturhotr̥bʰyó 'dʰi yajñó nírmitas \

Pada: s     naínaṃ víśaptam̐ hinasti

Line : 19  Pada: t     cáturhotāram̐ vaded daśamé 'hann ánnakāmas \

Pada: u     ánnam̐ vaí cáturhotāras \

Pada: v     ánto daśamám áhar

Line : 20  Pada: w     ántam evá gatvā́nnā́dyam ávarunddʰe \

Pada: x     etád vā́ asyaitárhy áprayuktam

Pada: y     etád ánavaruddʰam \

Page: 139  
Line : 1  Pada: z     tád evá práyuṅkte

Pada: aa     tád ávarunddʰe \

Pada: ab     iyám̐ vaí sarparājñī́

Pada: ac     tásyā vā́ etád uktʰám̐ yác cáturhotāras \

Line : 2  Pada: ad     hótā vadati

Pada: ae     stutám̐ vā́ etád ánuśam̐sati

Pada: af     ná hí stutám ánanuśastam ásti //


Anuvaka: 8  
Line : 4  Pada: a     devā́ś ca vā́ ásurāś cāspardʰanta

Pada: b     té vaí samā́vad evá yajñé kurvāṇā́ āyan

Line : 5  Pada: c     yád evá devā́ ákurvata tád ásurā akurvata

Pada: d     téna vyāvŕ̥tam agacʰan \

Pada: e     té devā́ abruvan \

Line : 6  Pada: f     étemám̐ yajñáṃ tirá upáry ásurebʰyas tam̐syā́mahā íti

Pada: g     tám etāvañśá ādā́yódakrāman \

Line : 7  Pada: h     agnír yájurbʰiḥ

Pada: i     savitā́ stómais \

Pada: j     índra uktʰāmadaís \

Pada: k     bŕ̥haspátiś cʰándobʰir íti

Line : 8  Pada: l     táṃ tirá upáry ásurebʰyo 'tanvata

Pada: m     tám eṣām̐ yajñám ásurā nā́nvávāyan \

Line : 9  Pada: n     téna vā́ enān ápānudanta

Pada: o     táto devā́ ábʰavan párā́surās

Pada: p     tád yá evám̐ véda tirá upári bʰrā́tr̥vyād yajñáṃ tanuté bʰávaty ātmánā párāsya bʰrā́tr̥vyo bʰavati \

Line : 11  Pada: q     etaír evá juhuyāt samr̥tayajñé catúrbʰiścaturbʰir anvākśā́yaṃ purástāt prātaranuvākásya \

Line : 12  Pada: r     etā́vān vaí yajñás \

Pada: s     yā́vān evá yajñás tám̐ vr̥ṅkte

Pada: t     sáyajño bʰávaty áyajñā ítaras \

Line : 13  Pada: u     etaír evá juhuyāt purástād dīkṣā́yās \

Pada: v     eṣā́ vaí pratyákṣaṃ dīkṣā́

Line : 14  Pada: w     tā́m evā́labdʰa \

Pada: x     etaír evá juhuyāt purástād dvādaśāhásya \

Pada: y     eṣá vaí pratyákṣaṃ dvādaśāhás

Line : 15  Pada: z     tám evā́labdʰa \

Pada: aa     etaír evā́titʰyám abʰímr̥śet \

Pada: ab     yajñénaivá yajñám ā́labdʰa

Pada: ac     dakṣiṇató vaí devā́n ásurā yajñám ajayan \

Line : 16  Pada: ad     tá údañcaḥ pátnībʰiḥ sahā́gnīdʰraṃ prā́viśan \

Pada: ae     tā́n pátnībʰiḥ sahá prakśā́ya jíhriyató * 'surā apā́vartanta
      FN Correcturen und Conjecturen zu dem ganzen Werk.

Line : 17  Pada: af     tā́m̐s táta evā́nūttʰā́yājayan \

Line : 18  Pada: ag     táto devā́ ábʰavan párā́surās

Pada: ah     tád yá evám̐ véda bʰávaty ātmánā párāsya bʰrā́tr̥vyo bʰavati

Line : 19  Pada: ai     nā́sya bʰrā́tr̥vyo gr̥hā́n ná paśū́n abʰyā́rohati \

Page: 140  
Line : 1  Pada: aj     abʰí bʰrā́tr̥vyasya gr̥hā́n abʰí paśū́n ā́rohati yá evám̐ véda \

Pada: ak     etā́ny evā́gnī́dʰe 'nubrūyāt \

Line : 2  Pada: al     agnī́d vaí pātnīvatásya yajati

Pada: am     tr̥ptā́ pátnī réto dʰatté prá prajáyā ca paśúbʰiś ca prájāyate \

Line : 3  Pada: an     etaír evá juhuyād antarā́ tváṣṭāraṃ ca pátnīś ca sam̐vatsaráṃ prajā́kāmas \

Line : 4  Pada: ao     mitʰunám̐ vaí tváṣṭā ca pátnīś ca

Pada: ap     tváṣṭāram̐ vā́ etán mitʰuné 'pyasrāṭ

Line : 5  Pada: aq     prajánanāya

Pada: ar     tán mitʰunám \

Pada: as     tásmād evá mitʰunā́d yájamānaḥ prajáyā ca paśúbʰiś ca prájāyate

Line : 6  Pada: at     vindáte prajā́m

Pada: au     ā́sya vīró jāyate

Line : 7  Pada: av     yádi sam̐vatsaráṃ júhvan ná vindén nā́dr̥tyam //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.