TITUS
Black Yajur-Veda: Maitrayani-Samhita
Part No. 8
Previous part

Prapathaka: 8  
Anuvaka: 1  
Line : 11  Pada: a     prajā́patiḥ prajā́ asr̥jata

Pada: b     sá vā́ agním evā́gre mūrdʰatò 'sr̥jata

Line : 12  Pada: c     sá yáto 'gním ásr̥jata tát páryamārṭ

Pada: d     táto lóhitam ávāharat

Pada: e     tán nyàmārṭ

Line : 13  Pada: f     táta udumbáraḥ sámabʰavat

Pada: g     tásmād udumbáraḥ prājāpatyás

Pada: h     tásmāl lóhitaṃ pʰálaṃ pacyate

Page: 115  
Line : 1  Pada: i     sò 'smāt sr̥ṣṭáḥ párāṅ aid bʰāgadʰéyam icʰámānaḥ

Pada: j     sá tád evá nā́vindat prajā́patir yád áhoṣyat

Line : 2  Pada: k     sá sváṃ cákṣur ādā́yājuhot // agnír jyótir jyótir agníḥ svā́hā // íti

Line : 3  Pada: l     tád vā́ adáś cákṣur manyante yád asā́ ādityás \

Pada: m     amúm̐ vā́ etád asmín júhvato manyante

Line : 4  Pada: n     satyám̐ vaí cákṣuḥ

Pada: o     satyénāgnihotráṃ juhoti yá evám̐ vidvā́n juhóti

Line : 5  Pada: p     bʰaviṣṇúḥ satyáṃ bʰavati yá evám̐ véda

Pada: q     kásmai kám agnihotrám̐ hūyatā íti brahmavādíno vadanti \

Line : 6  Pada: r     agnáye vā́ etád dʰŕ̥tyai gúptyai hūyate

Line : 7  Pada: s     yát sāyáṃ juhóti

Pada: t     rā́tryai téna dādʰā́ra

Pada: u     yát prātár

Pada: v     áhne ténāgnaú sárvān yajñā́nt sám̐stʰāpayanti \

Line : 8  Pada: w     átʰa kásmād etád evā́gnihotrám ucyatā íti brahmavādíno vadanti

Line : 9  Pada: x     hótrā vaí devébʰyó 'pākrāmann agnihotré bʰāgadʰéyam icʰámānās \

Line : 10  Pada: y     yát // agnihotrám // íty ā́ha

Pada: z     téna hótrā ā́bʰajati

Pada: aa     ténainā bʰāgínīḥ karoti \

Line : 11  Pada: ab     eṣā́ vā́ ágre 'gnā́ ā́hutir ahūyata

Pada: ac     tád agnihotrásyāgnihotratvám \

Line : 12  Pada: ad     sò 'smāt sr̥ṣṭáḥ párāṅ aid bʰāgadʰéyam icʰámānaḥ

Pada: ae     sá tád evá nā́vindat prajā́patir yád áhoṣyat

Line : 13  Pada: af     tám̐ svā́ vā́g abʰyàvadat \

Pada: ag     juhudʰī́ti

Pada: ah     sá itá evónmŕ̥jyājuhot // svā́hā // íti

Line : 14  Pada: ai     svā́ hy ènam̐ vā́g abʰyávadat

Pada: aj     tát svāhākārásya jánma

Line : 15  Pada: ak     tásmād agnihotré svāhākārás

Pada: al     tásmāl lalā́ṭe ca pāṇaú ca lóma nā́sti \

Line : 16  Pada: am     áto hí sá tád ādā́yā́juhot

Pada: an     tásmād yásya dakṣiṇatáḥ kéśā únmr̥ṣṭās tám āhus \ jyeṣṭʰalakṣmī́ti

Line : 17  Pada: ao     prajā́patir hy ètád ágre jyeṣṭʰá udámr̥ṣṭa \

Pada: ap     anéna sáṃmitā srúk kāryā̀ \

Line : 18  Pada: aq     anéna vā́ ágre 'gnā́ ā́hutir ahūyata

Pada: ar     tásyā ā́hutyāḥ púruṣo 'sr̥jyata

Line : 19  Pada: as     dvitī́yām ajuhot

Pada: at     tátó 'śvo 'sr̥jyata

Pada: au     tásmād áśva ubʰayā́dan \

Page: 116  
Line : 1  Pada: av     ánantarhito hí púruṣād ásr̥jyata

Pada: aw     tásmād enaṃ pratyáñcaṃ tíṣṭʰantaṃ manyante \

Line : 2  Pada: ax     áśvo nū́ púruṣā íti

Pada: ay     tr̥tī́yām ajuhot

Pada: az     táto gaúr asr̥jyata

Pada: ba     caturtʰī́m ajuhot

Line : 3  Pada: bb     tátó 'vir asr̥jyata

Pada: bc     pañcamī́m ajuhot

Pada: bd     táto 'jā́sr̥jyata

Pada: be     ṣaṣṭʰī́m ajuhot

Pada: bf     táto yávo 'sr̥jyata

Line : 4  Pada: bg     saptamī́m ajuhot

Pada: bh     táto vrīhír asr̥jyata \

Pada: bi     eté saptá grāmyā́ḥ paśávo 'sr̥jyanta

Line : 5  Pada: bj     tā́n evā́varunddʰe yá evám̐ vidvā́n agnihotráṃ juhóti //


Anuvaka: 2  
Line : 6  Pada: a     aṣṭamī́m ajuhot

Pada: b     táto vasantò 'sr̥jyata

Pada: c     navamī́m ajuhot

Pada: d     táto grīṣmò 'sr̥jyata

Line : 7  Pada: e     daśamī́m ajuhot

Pada: f     táto varṣā́ asr̥jyanta \

Pada: g     ekādaśī́m ajuhot

Pada: h     tátaḥ śarád asr̥jyata

Line : 8  Pada: i     dvādaśī́m ajuhot

Pada: j     táto hemantò 'sr̥jyata \

Pada: k     údyatā trayodaśy ā́hutir ā́sīt \

Line : 9  Pada: l     átʰa śíśiram asr̥jyata

Pada: m     tásmād etád r̥tūnā́m áśāntaṃ krūrám

Pada: n     áhutād dʰí samábʰavad áhutād ásr̥jyata

Line : 10  Pada: o     tád āhur brahmavādínas \

Pada: p     r̥távaḥ pū́rve 'sr̥jyantā́3 paśávā́3 íti \

Line : 11  Pada: q     utá r̥táva utá paśávā íti brūyāt \

Pada: r     ubʰáye hy èté sahā́sr̥jyanta

Line : 12  Pada: s     sá vā́ enam itá evá púnaḥ prā́viśat \

Pada: t     etád vā́ agnidʰā́nam̐ hástasya yát pāṇís

Line : 13  Pada: u     tásmād éto hástasyāgnír natamā́m̐ vídahati

Pada: v     yád dʰanyámāno hástau pratiprasāráyati \

Line : 14  Pada: w     agnaú vā́ etán nyáñcanam icʰate \

Pada: x     agním̐ vaí paśávaḥ práviśanty agníḥ paśū́n

Page: 117  
Line : 1  Pada: y     prá ha vā́ enaṃ paśávo viśanti prá sá paśū́n yá evám̐ véda \

Line : 2  Pada: z     etád dʰa sma vā́ āha nāradás \

Pada: aa     yátra gā́m̐ śáyānāṃ nirjānā́ti mr̥tā́m enām ávidvān manyatā íti * \
      FN emended. Ed.: manyaté 'ti

Line : 3  Pada: ab     agním̐ hy èvaíté praviśánty agnír etā́n \

Pada: ac     tásmāt sárvān r̥tū́n paśávo 'gním abʰísarpanti

Line : 4  Pada: ad     ná hy ètá r̥tè 'gnés \

Pada: ae     yáj jātáḥ paśū́n ávindata táj jātávedaso jātavedastvám \

Line : 5  Pada: af     tā́m apsú prā́siñcat

Pada: ag     sā́pó 'nvadahat

Line : 6  Pada: ah     tā́ agnáye vájro 'bʰavan \

Pada: ai     tásmād dʰavī́m̐ṣi prokṣatā́gnír abʰí ná prókṣyas \

Line : 7  Pada: aj     yád abʰiprokṣéd dʰaténa yajñéna yajeta

Pada: ak     tā́m̐ vaí prajā́patir ánvaicʰat

Pada: al     tā́m apsv ánvavindat

Line : 8  Pada: am     tā́m óṣadʰīṣu nyàmārṭ

Pada: an     tásmād óṣadʰayó 'nabʰyaktā rebʰante \

Line : 9  Pada: ao     óṣadʰībʰyaḥ paśávaḥ

Pada: ap     paśúbʰyo manuṣyā̀s \

Pada: aq     ánabʰyakto ha rebʰate yá evám̐ véda

Line : 10  Pada: ar     tád yó vasantāśiśiré kákṣaḥ sá upādʰéyas \

Pada: as     etád vaí tád agnéḥ priyáṃ dʰā́ma \

Line : 11  Pada: at     eṣā́ vā́vá sā́hutiḥ śrāyati \

Pada: au     agnér evaítáyā priyáṃ dʰā́mópaiti \

Pada: av     átʰo paśumā́n bʰavati \

Line : 12  Pada: aw     átʰo ātmā́nam evaítáyā yájamānaḥ punīte

Pada: ax     sahá vā́ etā́ āstām agníś ca sū́ryaś ca samāné yónā áyasi lóhite

Line : 13  Pada: ay     sá ādityá ūrdʰvá údadravat

Line : 14  Pada: az     tásya rétaḥ párāpatat

Pada: ba     tád agnír yóninópāgr̥hṇāt

Pada: bb     tád enam̐ vyàdahat

Pada: bc     tásmād áyo 'trapú pratidʰúk kṣīrám̐ vídahati

Line : 15  Pada: bd     tásmād etáj juhvati

Pada: be     paśūnā́m̐ vā́ etát páyo yád vrīhiyavaú

Line : 16  Pada: bf     tásmād etáj juhvati

Pada: bg     nā́tiśr̥taṃ kāryàm \

Pada: bh     rétaḥ śoṣayet \

Line : 17  Pada: bi     yád viṣyándetonmā́duko 'sya prajā́yām ā́jāyeta \

Pada: bj     amúṣya vā́ etád ādityásya réto hūyate 'medʰyám áśr̥tam \

Line : 18  Pada: bk     samúdantam̐ hotavyàm \

Pada: bl     tád dʰí śr̥táṃ médʰyaṃ mitʰunáṃ prajaniṣṇú //


Anuvaka: 3  
Page: 118  
Line : 1  Pada: a     stʰālyā́ duhati \

Pada: b     anáyā vā́ etád úpasīdanti

Pada: c     nahī̀mā́m * itó nétáḥ skándati \
      FN ná hí or nahí

Line : 2  Pada: d     áskannatvāya \

Pada: e     āryakr̥tī́ bʰavaty ūrdʰvákapālā

Pada: f     sadevatvā́ya

Pada: g     sā́ hí sádevā \

Pada: h     asuryàm̐ vā́ etát pā́tram̐ yát kúlālakr̥taṃ cakrávr̥ttam \

Line : 3  Pada: i     yátra skándet tád apó nínayet \

Pada: j     ā́po vaí śā́ntis \

Line : 4  Pada: k     ā́po níṣkr̥tis \

Pada: l     ā́po bʰeṣajā́s \

Pada: m     yátra vā́ etā́ asyā́ upayánti tát práśastatarā óṣadʰayo jāyante bám̐hīyasīs \

Line : 5  Pada: n     yádi duhyámānāvabʰindyā́d anyáyā stʰālyā́ nirṇíjya dohyā̀

Line : 6  Pada: o     yajñó hí yajñásya prā́yaścittis \

Pada: p     yády ádʰiśritam̐ skánded yády udvāsyámānam̐ yády údvāsitam̐ yády unnīyámānam̐ yády únnītam̐ yádi puráḥ párāhr̥tam̐ hómāya púnar avanī́yānyā́bʰidúhyā

Line : 8  Pada: q     yajñó hí yajñásya prā́yaścittis \

Line : 9  Pada: r     vāruṇī́m ŕ̥cam anū́cya vāruṇyā́ hotavyàm \

Pada: s     váruṇo vā́ etád yajñásya gr̥hṇāti yád ārcʰáti *
      FN Correcturen und Conjecturen zu dem ganzen Werk.

Line : 10  Pada: t     níṣkr̥tir evaíṣā́ prā́yaścittis \

Pada: u     apratiṣekyám̐ syāt téjaskāmasya brahmavarcasákāmasya \

Line : 11  Pada: v     átʰo tústūrṣamāṇasya \

Pada: w     átʰo yáḥ kāmáyeta vīró mā ā́jāyetéti \

Line : 12  Pada: x     ápratiṣikto vaí gʰarmás téjo brahmavarcasám \

Line : 13  Pada: y     tejasvī́ brahmavarcasī́ bʰavati

Pada: z     str̥ṇuté yáṃ tústūrṣate \

Pada: aa     ā́ hāsya vīró jāyate \

Line : 14  Pada: ab     ā́jyena hotavyàm̐ yásyāpratiṣekyám̐ syā́t \

Pada: ac     etád vā́ ápratiṣiktam \

Line : 15  Pada: ad     ná tú skannásya prā́yaścittir asti \

Pada: ae     átʰo ná paśumā́n iva bʰavati

Line : 16  Pada: af     paśūnā́m̐ vā́ etát páyaḥ právr̥jyate

Pada: ag     śúcaṃ paśúṣu dadʰāti

Pada: ah     téjó 'śāntaṃ paśū́n nírdahati

Line : 17  Pada: ai     tásmāt pratiṣekyàm evá syāt \

Pada: aj     yád adbʰíḥ pratiṣiñcéd dʰáro vínayet \

Line : 18  Pada: ak     gāṃdohasaṃnéjanena pratiṣícyam \

Pada: al     tád dʰí nā́po ná páyas

Pada: am     tád āhuḥ

Pada: an     skándati vā́ etát \

Page: 119  
Line : 1  Pada: ao     yárhi vā́ etád dóhanāt paryākriyáte tárhi skannám

Pada: ap     antárhitā hy àsyā́ vánaspátayas \

Line : 2  Pada: aq     íti

Pada: ar     tád adbʰír evá pratiṣícyam \

Pada: as     stokénaíkena ná háro vináyati

Line : 3  Pada: at     śúcaṃ paśūnā́m̐ śamayati

Pada: au     paśávo vaí téjo brahmavarcasám \

Line : 4  Pada: av     mitʰunám̐ vā́ ā́paś ca páyaś ca

Pada: aw     mitʰunā́t kʰálu vaí prajā́ḥ paśávaḥ prájāyante

Line : 5  Pada: ax     tán mitʰunám \

Pada: ay     tásmād evá mitʰunā́d yájamānaḥ prajáyā ca paśúbʰiś ca prájāyate \

Line : 6  Pada: az     odanéna hotavyàm̐ yásya prātaṣekyàm̐ syāt \

Pada: ba     eṣá hí prátiṣiktaḥ śāntó médʰyo mitʰunáḥ prajaniṣṇúḥ //


Anuvaka: 4  
Line : 8  Pada: a     prajā́patiḥ prajā́ asr̥jata

Pada: b     tā́ vaí tápasaivā́sr̥jata

Pada: c     sá vaí sá vā́cam evā́yacʰat

Line : 9  Pada: d     tápo vā́ eṣá úpaiti yó vā́cam̐ yácʰati

Pada: e     sŕ̥ṣṭiḥ prajā́nām agnihotrám

Line : 10  Pada: f     ubʰayáta evá prajā́ḥ sr̥jata itáś cāmútaś ca

Pada: g     nímrukte sū́rye vā́g yantavyā́tʰo duhyámānāyām átʰo ádʰiśrite \

Line : 11  Pada: h     unnīyámāna evá yantavyā̀s

Line : 12  Pada: i     tád ávakl̥ptatamam //

Pada: j     udbʰávaḥ stʰa // íty ávekṣeta //

Pada: k     úd aháṃ prajáyā paśúbʰir bʰūyāsam // íti

Line : 13  Pada: l     prajā́yāḥ paśūnā́m̐ sŕ̥ṣṭyai \

Pada: m     átʰo abʰy èvaínad gʰārayati

Line : 14  Pada: n     medʰyatvā́ya \

Pada: o     agnihotré vaí dáṃpatī vyabʰícarete

Pada: p     pū́rvo yájamānasya lokó 'paraḥ pátnyās \

Line : 15  Pada: q     yát prācī́nam udvāsáyed yájamānaḥ prámīyeta

Pada: r     yát pratīcī́naṃ pátnī

Line : 16  Pada: s     káṃ gʰarmám abʰyúdavīvasā íti brahmavādíno vadanti \

Pada: t     udīcī́nam evódvā́syam

Line : 17  Pada: u     ágrahaṇau sáṃjīryataḥ

Pada: v     sárvam ā́yur itas \

Pada: w     nā́rtiṃ nī̀tas \

Pada: x     catúr únnayati

Line : 18  Pada: y     cátuṣpadas téna paśū́n ávarunddʰe

Pada: z     dvír juhoti

Pada: aa     dvipádas téna

Pada: ab     yáṃ kāmáyeta \ anujyeṣṭʰáṃ prajáyā r̥dʰnuyād íti tásya pūrṇám ágrā únnayed átʰa kánīyó 'tʰa kánīyas \

Line : 20  Pada: ac     anujyeṣṭʰáṃ prajáyā r̥dʰnoti

Pada: ad     tád āhuḥ

Pada: ae     kánīyām̐sam̐ vā́ eṣá yajñakratúm úpaiti kánīyasīṃ prajā́ṃ * kánīyasaḥ paśū́n kánīyo 'nnā́dyam \
      FN Correcturen und Conjecturen zu dem ganzen Werk.

Page: 120  
Line : 1  Pada: af     pā́pīyān bʰavati *
      FN probably bʰavatī́ti. cf. below 120.4

Pada: ag     sáṃmitam ivā́grā únnayed átʰa bʰū́yó 'tʰa bʰū́yaḥ

Pada: ah     pūrṇám uttamám \

Line : 2  Pada: ai     yajñásyābʰíkrāntyai

Pada: aj     tád āhus \

Pada: ak     jyā́yām̐sam̐ vā́ eṣá yajñakratúm úpaiti bʰū́yasīṃ prajā́ṃ bʰū́yasaḥ paśū́n bʰū́yo 'nnā́dyam \

Line : 3  Pada: al     vásīyān bʰavati \

Pada: am     árdʰuko * 'sya putráḥ kaniṣṭʰó bʰavatī́ti
      FN Correcturen und Conjecturen zu dem ganzen Werk.

Line : 4  Pada: an     yádi kāmáyeta sárve sadŕ̥śāḥ syur íti sárvānt samā́vad únnayet

Line : 5  Pada: ao     sárve ha sadŕ̥śā bʰavanti

Pada: ap     ná paścā́d úpasādayet \

Pada: aq     ápakrāntiḥ sā́ yajñásya

Line : 6  Pada: ar     yátraivónnayet tát sādayet

Pada: as     pratarám̐ vā

Pada: at     yajñásyābʰíkrāntyai \

Pada: au     anudʰyāyínam̐ vā́ etád áparaṃ karoti yád áparasmim̐s tápanti pū́rvasmin júhvati

Line : 8  Pada: av     samáyāgním̐ haranti

Pada: aw     ténaivaínaṃ prīṇāti \

Pada: ax     átʰo agnihotrásya vā́ etát pavítram

Line : 9  Pada: ay     ápupod evaínat \

Pada: az     áparasmād vaí pū́rvam̐ sr̥ṣṭáṃ tám etā́vaty aramayan \

Pada: ba     tásmāt purò 'nudrútya juhoti //

Line : 10  Pada: bb     ā́yur me yacʰa // íti sādayati \

Pada: bc     ā́yur evā́smin yacʰati //

Line : 11  Pada: bd     várco me yacʰa // íti sādayati

Pada: be     várca evā́smin yacʰati \

Pada: bf     óṣadʰīr vā́ imā́ rudrā́ viṣéṇāñjan \

Line : 12  Pada: bg     tā́ḥ paśávo nā́liśanta

Pada: bh     té devā́ḥ prajā́patim evópādʰāvan \

Line : 13  Pada: bi     sá prajā́patir abravīt \ vā́ryam̐ vr̥ṇai bʰāgó me 'stv íti

Pada: bj     vr̥ṇīṣvéti \ abruvant

Line : 14  Pada: bk     sò 'bravīt \ maddevatyaìvá samídasad íti

Pada: bl     tásmāt prājāpatyā́ samít \

Line : 15  Pada: bm     devéṣu hy àsyaiṣā́ vā́ryavr̥tā

Pada: bn     dvé samídʰau kāryè

Pada: bo     dvé hy ā́hutī

Line : 16  Pada: bp     ékaivá kāryā̀ \

Pada: bq     éko hí prajā́patis \

Pada: br     ekadʰā́ kʰálu vaí sámiddʰas \

Pada: bs     utá bahvī́r ā́hutayo hūyante

Line : 17  Pada: bt     tā́ agnínānvávākarot

Pada: bu     tā́ asvadayat

Pada: bv     tā́ḥ punarṇavā́ ajāyanta \

Line : 18  Pada: bw     etárhi kʰálu vā́ agnihotríṇe darśapūrṇamāsíne sárvā óṣadʰayaḥ svadante

Line : 19  Pada: bx     yát samídʰam ādádʰāti

Pada: by     sárvā evā́smā óṣadʰīḥ svadʰayā́m akaḥ //


Anuvaka: 5  
Line : 21  Pada: a     bʰū́r bʰúvaḥ svàḥ // íti purástād dʰótor vadet \

Pada: b     etád vaí bráhma \

Pada: c     etát satyám

Pada: d     etád r̥tám \

Pada: e     ná vā́ etásmād r̥té yajñò 'sti

Page: 121  
Line : 1  Pada: f     tásmād evám̐ vaditavyàm //

Pada: g     agnír jyótir jyótir * agníḥ svā́hā // íti
      FN Correcturen und Conjecturen zu dem ganzen Werk.

Line : 2  Pada: h     garbʰíṇyā vācā́ gárbʰaṃ dadʰāti

Pada: i     mitʰunáyā vācā́ mitʰunáṃ prájanayati

Line : 3  Pada: j     yád vācā́ ca juhóti yájuṣā ca tán mitʰunám \

Pada: k     yát tūṣṇī́ṃ ca juhóti mánasā ca tán mitʰunám \

Line : 4  Pada: l     stʰāṇúr vaí pū́rvā́hutis \

Pada: m     atihā́ya pū́rvām ā́hutim úttarā hotavyā̀

Line : 5  Pada: n     stʰāṇúm evá cʰambáṭkaroti \

Pada: o     uttarā́hutir bʰū́yo hotavyā̀

Pada: p     yajñásyābʰíkrāntyai

Line : 6  Pada: q     paśū́n evá pū́rvayā́hutyā spr̥ṇóti brahmavarcasám úttarayā \

Pada: r     āgneyī́ sāyám ā́hutis

Line : 7  Pada: s     táyā rétaḥ siñcati

Pada: t     tád rétaḥ siktám̐ rā́tryai gárbʰaṃ dadʰāti

Pada: u     tát sauryā́ prātáḥ prajanayā́m akar

Line : 8  Pada: v     iyám̐ hotavyā́tʰa párā́tʰa púnar avástāt

Pada: w     prātár avástād dʰí prajā́nāṃ prájātiḥ

Line : 9  Pada: x     prajánanam̐ hí saurī́

Pada: y     tán ná sū́rkṣyam \

Pada: z     párāparaivá hotavyā̀

Line : 10  Pada: aa     yajñásyābʰíkrāntyai \

Pada: ab     údaṅṅ úddiśati //

Pada: ac     ánābʰo mr̥ḍá

Pada: ad     dʰū́rte námas te * astu
      FN Correcturen und Conjecturen zu dem ganzen Werk.

Line : 11  Pada: ae     rúdra mr̥ḍá // íti \

Pada: af     etā́ vaí rudrásya tanvàḥ krūrā́ etā́ni nā́māni \

Pada: ag     etā́bʰir vā́ eṣá paśū́ñ śamāyate

Line : 12  Pada: ah     tā́ evā́sya bʰāgadʰéyena śamayati \

Pada: ai     avācī́nam̐ sāyám ávamārṣṭi

Line : 13  Pada: aj     tásmāt sāyám ávācī prúṣvaiti \

Pada: ak     ūrdʰváṃ dívonmārṣṭi

Line : 14  Pada: al     tásmād ūrdʰvā́ dívaiti

Pada: am     parācī́nam iva vā́ etád yád agnihotrám \

Pada: an     yát purástād yājuṣám̐ vádati

Line : 15  Pada: ao     dʰŕ̥tyā ánirmārgāya

Pada: ap     yó vā́ agnihotrásya vaiśvadevám̐ védā́gʰātuka enaṃ paśupátir bʰávaty agʰātuko 'sya paśupátiḥ paśū́n

Line : 16  Pada: aq     prā́ṅ ā́sīno juhoti

Line : 17  Pada: ar     devā́m̐s téna prīṇāti

Pada: as     hutvóñśim̐ṣati

Pada: at     paśū́n evá yájamānāyóñśim̐ṣati \

Line : 18  Pada: au     údaṅṅ úddiśati

Pada: av     rudráṃ téna nirávadayate

Pada: aw     dakṣiṇató nímārṣṭi \

Line : 19  Pada: ax     óṣadʰīś ca téna pitŕ̥̄m̐ś ca prīṇāti

Pada: ay     prā́śnāti

Pada: az     manuṣyā̀m̐s téna prīṇāti \

Line : 20  Pada: ba     aṅgúlyā prā́śnāti

Pada: bb     sadattvā́ya *
      FN Correcturen und Conjecturen zu dem ganzen Werk. Ed.: yádattvā́ya.

Pada: bc     ná dató gamayet \

Pada: bd     yád dató gamáyet sarpā́ enaṃ gʰā́tukāḥ syúḥ

Page: 122  
Line : 1  Pada: be     sarpā́n evá śamayati \

Pada: bf     ahim̐sāyai //

Pada: bg     pūṣā́si // íti yájur vadet

Line : 2  Pada: bh     paśávo vaí pūṣā́

Pada: bi     paśū́n evā́varunddʰe \

Pada: bj     aśānto vā́ eṣó 'prītaḥ

Line : 3  Pada: bk     puruṣamedʰám̐ vā́ eṣá prátīkṣate yájamānam evá havyám \

Pada: bl     yád agnihotrahávaṇīṃ niṣṭápaty áśāntas téna \

Line : 4  Pada: bm     agnihotrahávaṇīṃ pratápya hásto 'vadʰéyas \

Line : 5  Pada: bn     hásto vā pratápyāgnihotrahávaṇyām avadʰéyas

Pada: bo     ténaivaínam̐ śamayati

Pada: bp     téna prīṇāti

Line : 6  Pada: bq     śāntá enaṃ prītó ná hinasti \

Pada: br     ittʰáṃ paryā́vartate \

Pada: bs     evám̐ hí yajñáḥ paryāvártate \

Line : 7  Pada: bt     átʰo amúṣya vā́ etád ādityásyāvŕ̥tam ánu paryā́vartate

Pada: bu     hotavyàṃ gā́rhapatyā́3n ná hotavyā́3m íti mīmām̐sante \

Line : 8  Pada: bv     anudʰyāyī́ vā́ eṣá rūkṣás \

Line : 9  Pada: bw     hotavyàm evá //

Pada: bx     ágne gr̥hapate pariṣadya juṣásva svā́hā // íti juhuyāt

Line : 10  Pada: by     ténaivaínam̐ śamayati

Pada: bz     téna prīṇāti \

Pada: ca     átʰo ténaivaínam ánanudʰyāyinam árūkṣaṃ karoti \

Line : 11  Pada: cb     átʰa yát pū́rvām ā́hutim̐ hutvóttarām̐ hoṣyán pratī́kṣate

Pada: cc     ténaivaínam̐ śamayati

Line : 12  Pada: cd     téna prīṇāti \

Pada: ce     átʰo ténaivaínam ánanudʰyāyinam arūkṣaṃ karoti \

Pada: cf     átʰa yát pū́rvām ā́hutim̐ hutvóttarām̐ hoṣyán pratī́kṣate

Line : 13  Pada: cg     ténaivaínam̐ śamayati

Pada: ch     téna prīṇāti \

Line : 14  Pada: ci     átʰo ténaivaínam ánanudʰyāyinam árūkṣaṃ karoti \

Pada: cj     átʰa yád evā́sya gr̥há upahriyáte yád enam agním abʰítā ā́sīnā yā́canti

Line : 15  Pada: ck     ténaivaínam̐ śamayati

Line : 16  Pada: cl     téna prīṇāti \

Pada: cm     átʰo ténaivaínam ánanudʰyāyinam árūkṣaṃ karoti //


Anuvaka: 6  
Line : 17  Pada: a     dvé duhanty agnihotrā́ya

Pada: b     jyā́yān vā́ ékasyādugdʰā́d agnihotríṇo lokás \

Line : 18  Pada: c     yád dvé duhánti

Pada: d     jyā́yām̐sam̐ vā́ etál * lokám̐ yájamāno 'bʰíjayati
      FN emended. Ed (M2): etáṃ. M1: etám̐. H, Bb, B: etál

Pada: e     mánuś ca vā́ idáṃ manā́yī ca mitʰunéna prā́janayatām \

Line : 19  Pada: f     yát stʰālyā́ ca dóhanena ca duhánti

Page: 123  
Line : 1  Pada: g     mitʰunā́d evá prájāyate //

Pada: h     sajū́r jātavedo divā́ pr̥tʰivyā́ juṣāṇó asyá havíṣo vīhi svā́hā // íti juhuyāt \

Line : 2  Pada: i     eṣā́ vā́ asya jātavedasyā̀ tanū́ḥ krūrā́ \

Line : 3  Pada: j     etáyā vā́ eṣá paśū́ñ śamāyate

Pada: k     tā́m evā́sya bʰāgadʰéyena śamayati

Line : 4  Pada: l     yádi tád áti śamāyeta // ágne duḥśīrtatano juṣásva svā́hā // íti juhuyāt \

Line : 5  Pada: m     eṣā́ vā́ asya śr̥ṇatī́ tanū́ḥ krūrā́ \

Pada: n     etáyā vā́ eṣá paśū́ñ śamāyate

Line : 6  Pada: o     tā́m evā́sya bʰāgadʰéyena śamayati

Pada: p     yádi tád áti śamāyéta // dvā́daśa rā́trīḥ sāyám̐sāyaṃ juhuyāt \

Line : 7  Pada: q     dvā́daśa vaí rā́trayaḥ sam̐vatsarásya pratimā́

Line : 8  Pada: r     sam̐vatsaró vā́ agnír vaiśvānarás

Pada: s     tám ā́hitāgnayo darśapūrṇamāsína indʰate

Line : 9  Pada: t     téṣām̐ vā́ r̥táva evá dā́rūṇi

Pada: u     yé stʰáviṣṭʰā áṅgārās té mā́sās \

Pada: v     yé kṣódiṣṭʰās tè 'rdʰamāsās \

Line : 10  Pada: w     ahorātrā́ṇi múrmurās \

Pada: x     yát sádʰūmaṃ jyótis tád vaiśvadevám \

Line : 11  Pada: y     yál lóhitaṃ tád vāruṇám \

Pada: z     yát suvárṇaṃ tád bārhaspatyám \

Pada: aa     yán ná lóhitaṃ ná suvárṇaṃ tán maitrám \

Line : 12  Pada: ab     yád áṅgāreṣu vyávaśānteṣu lelā́yad vī̀va * bʰā́ti tád devā́nām āsyàm
      FN Correcturen und Conjecturen zu dem ganzen Werk.

Line : 13  Pada: ac     átʰo amúṣya ca vā́ etád ādityásya téjo mányante 'gnéś ca

Pada: ad     tásmāt tárhi hotavyàm \

Line : 14  Pada: ae     yád dʰy èvā́sánn apidádʰāti tád dʰinóti \

Pada: af     āvír vaí nā́maiṣā́hutis \

Line : 15  Pada: ag     āvirbʰū́yaṃ devamanuṣyèṣu gacʰati yá evám̐ véda

Pada: ah     ná samíd abʰí hotavaí \

Pada: ai     ápratiṣṭʰitā sā́hutis \

Line : 16  Pada: aj     nó yátʰā vī̀vāvasrávet \

Pada: ak     ayatā sā́

Pada: al     tát tátʰaivá hotavyàm̐ yátʰāgním̐ vyaveyā́t

Line : 17  Pada: am     sā́ hí yatā́

Pada: an     sā́ prátiṣṭʰitā

Pada: ao     tásmān mahā́n agnihotrásyedʰmáḥ kāryàs \

Line : 18  Pada: ap     yó vaí bahú dadivā́n bahv ī̀jānò 'gním utsādáyate 'kṣít tád vaí tásya

Line : 19  Pada: aq     tád ījānā́ vaí sukŕ̥to 'múṃ lokáṃ nakṣanti

Pada: ar     té vā́ eté yán nákṣatrāṇi

Page: 124  
Line : 1  Pada: as     yád āhus \ jyótir ávāpādi tā́rakā́vāpādī́ti té vā́ eté 'vapadyante \

Line : 2  Pada: at     āptvā́ stʰité tá idám̐ yatʰālokám̐ sacante yadā́mútaḥ pracyávante \

Line : 3  Pada: au     átʰa yó bahú dadivā́n bahv ī̀jānò 'gnihotráṃ juhóti darśapūrṇamāsaú yájate cāturmāsyaír yájate bahū́ni satrā́ṇy upaíti tásya vā́ etád akṣayyám áparimitam \

Line : 5  Pada: av     tiró vā́ ījānā́d yajñó bʰavati

Pada: aw     tád ābʰyā́m evā́gníbʰyāṃ dagdʰavyàḥ

Line : 6  Pada: ax     svám̐ vā́ etád iṣṭám anvā́rohati \

Pada: ay     ápareṇa dagdʰavyā́3ḥ * pū́rveṇā́3 íti mīmām̐sante \
      FN Correcturen und Conjecturen zu dem ganzen Werk.

Line : 7  Pada: az     ubʰaú samāhŕ̥tyāntarā́ dagdʰavyàs

Pada: ba     tád ávakl̥ptatamam \

Pada: bb     gr̥hṇīyā́n náktam agním

Line : 8  Pada: bc     asuryā̀ vaí rā́tris \

Pada: bd     jyótiṣaivá támas tarati

Pada: be     dívā ha vā́ asmā asmíṃl loké bʰavati

Line : 9  Pada: bf     prā́smā asaú lokó bʰāti yá evám̐ véda //

Line : 10  Pada: bg     bʰū́r bʰúvaḥ svàḥ // íti purástād dʰótor vadet \

Pada: bh     ebʰyó vā́ etál lokébʰyā íṣṭakā úpadadʰāti

Line : 11  Pada: bi     svargásya lokásya sámaṣṭyai

Pada: bj     yát sāyáṃ juhóti

Pada: bk     sahásraṃ téna kāmadúgʰā ávarunddʰe

Line : 12  Pada: bl     yát prātáḥ

Pada: bm     sahásraṃ téna

Pada: bn     yád asyāgnír ādʰīyáte

Pada: bo     sahásraṃ téna

Line : 13  Pada: bp     yamarā́jyam̐ vā́ agniṣṭoménābʰíjayati

Pada: bq     sómarā́jyam uktʰyèna

Pada: br     sūryarā́jyam̐ ṣoḍaśínā

Line : 14  Pada: bs     svā́rājyam atirātréṇa \

Pada: bt     etā́ni vaí sárvāṇī́ndro 'bʰavat \

Line : 15  Pada: bu     etā́ni sárvāṇi bʰavati yá etaír yajate

Pada: bv     sárvam etád bʰavati yá evám̐ véda

Line : 16  Pada: bw     havíṣmān vā́ ékas \

Pada: bx     devayājy ékaḥ

Pada: by     sahasrayājy ékas \

Pada: bz     yò 'gnihotráṃ juhóti sá havíṣmān

Line : 17  Pada: ca     yó darśapūrṇamāsaú yájate sá devayājī́

Pada: cb     yáś cāturmāsyaír yájate sá sahasrayājī́ \

Line : 18  Pada: cc     agnihotré vaí sárve yajñakratávaḥ

Pada: cd     sárvān yajñakratū́n ávarunddʰe yá evám̐ vidvā́n agnihotráṃ juhóti //


Anuvaka: 7  
Page: 125  
Line : 1  Pada: a     praiyamedʰā́ vaí sárve sahá bráhmāvidus

Pada: b     tè 'gnihotréṇa sámarādʰayan \

Pada: c     téṣāṃ trír ékó 'juhod dvír ékaḥ sakŕ̥d ékas

Line : 2  Pada: d     téṣām̐ yás trír ájuhot tám apr̥cʰan

Pada: e     kásmai tvám ahauṣīr íti

Line : 3  Pada: f     sò 'bravī́t

Pada: g     tredʰā́ vā́ idám

Pada: h     agnáye prajā́pataye sū́ryāyéti \

Pada: i     átʰa yó dvír ájuhot tám apr̥cʰan

Line : 4  Pada: j     kásmai tvám ahauṣīr íti

Pada: k     sò 'bravīt \

Pada: l     dvedʰā́ vā́ idám

Pada: m     agnáye ca prajā́pataye ca sāyám \

Line : 5  Pada: n     sū́ryāya ca prajā́pataye ca prātár íti

Pada: o     átʰa yáḥ sakŕ̥d ajuhot tám apr̥cʰan

Line : 6  Pada: p     kásmai tvám ahauṣīr íti

Pada: q     sò 'bravīt \

Pada: r     ekadʰā́ vā́ idám \

Line : 7  Pada: s     prajā́pataya evéti

Pada: t     téṣām̐ yó dvír ájuhot sá ārdʰnot

Pada: u     tásyétare sā́jātyam úpāyan \

Line : 8  Pada: v     r̥dʰnóti yá evám̐ vidvā́n agnihotráṃ juhóti \

Pada: w     úpāsya samānā́ḥ sā́jātyam̐ yanti

Line : 9  Pada: x     pradoṣám agnihotrám̐ hotavyàm \

Pada: y     vyùṣṭāyāṃ prātár vr̥ddʰā́n gárbʰān prájanayati

Line : 10  Pada: z     tád āhuḥ

Pada: aa     párā vā́ etásyāgnihotráṃ patati yásya pradoṣáṃ ná júhvatī́ti

Line : 11  Pada: ab     yádi mányeta r̥túm átyanaiṣam íti // bʰū́r bʰúvaḥ svàḥ // íti purástād dʰótor vadet

Line : 12  Pada: ac     ténaivá sárvaṃ nā́ntáreti //

Pada: ad     doṣā́ vástor námaḥ svā́hā // íti juhuyāt \

Line : 13  Pada: ae     r̥túm evá nā́tyanait \

Pada: af     hotavyā́3n ná hotavyā́3m íti mīmām̐sante

Pada: ag     yásyā́hutam agnihotrám̐ sū́ryo 'bʰyudiyā́d dʰotavyàm evá \

Line : 14  Pada: ah     agnáye vā́ etád dʰŕ̥tyai gúptyai hūyate

Line : 15  Pada: ai     prajánanaṃ tú cʰambáṭkaroti

Pada: aj     yádi mányeta r̥túm átyanaiṣam íti // bʰū́r * bʰúvaḥ svàḥ // íti purástād dʰótor vadet
      FN emended. Ed.: bʰū́.

Line : 16  Pada: ak     ténaivá sárvaṃ nā́ntáreti //

Pada: al     prātár vástor námaḥ svā́hā // íti juhuyāt \

Line : 17  Pada: am     r̥túm evá nā́tyanait

Pada: an     tád yátʰā kārudveṣíṇo júhvaty evám asya hutáṃ bʰavati

Line : 18  Pada: ao     yásyāgním ánuddʰr̥tam̐ sū́ryo 'bʰinimróced yó brāhmaṇó bahuvít sá úddʰaret

Line : 19  Pada: ap     sárveṇaivaínaṃ bráhmaṇóddʰarati \

Pada: aq     agnihotréṇā́nudravet \

Pada: ar     bʰāgadʰéyenaivaínaṃ práṇayati \

Line : 20  Pada: as     átʰo bʰāgadʰéyenaivaínam̐ sámardʰayati

Pada: at     váro dákṣiṇā

Line : 21  Pada: au     sarváta evaínaṃ digbʰyó váreṇa cyāvayati

Pada: av     yásyobʰā́ ánugatā abʰinimróced yásya vābʰyudiyā́t punarādʰéyam evá tásya prā́yaścittis \

Page: 126  
Line : 1  Pada: aw     yátʰā vaí patʰó vartanī́ eváṃ darśapūrṇamāsaú *
      FN emended. Ed.: darśaparṇamāsaú.

Line : 2  Pada: ax     yátʰāntaraívám agnihotrám evám̐ vā́ agnihotríṇe darśapūrṇamāsíne svargó lokó 'nubʰāti \

Line : 3  Pada: ay     úpānyā́ni havī́m̐ṣi vásanti \

Line : 4  Pada: az     átʰa kásmād agnihotráṃ nópavasantī́ti

Pada: ba     brahmavādíno vadanti

Pada: bb     prátatam̐ vā́ etád áparimitam ásam̐stʰitam

Line : 5  Pada: bc     aśnā́ti mā́m̐sam

Pada: bd     úpa stríyam eti

Pada: be     tásmān nópavasanti

Line : 6  Pada: bf     paśúvratena bʰavitavyàm \

Pada: bg     tūṣṇī́m iva paśávaḥ sáṃbʰavanti

Pada: bh     té médʰyās \

Line : 7  Pada: bi     yát tūṣṇī́m̐ stríyam upaíti

Pada: bj     médʰyataras téna bʰavati

Pada: bk     hiṃkŕ̥tyópeyāt \

Pada: bl     evám iva hí paśáva upayánti

Line : 8  Pada: bm     medʰyatvā́ya

Pada: bn     sam̐stʰā́pyā́3n ná sam̐stʰā́pyā́3m íti mīmām̐sante \

Line : 9  Pada: bo     agnihotrám̐ yát sam̐stʰāpáyet tŕ̥ṇam aktvā́nupráharet

Pada: bp     sā́ hy àgnihotrásya sám̐stʰitis

Line : 10  Pada: bq     tád āhus \

Pada: br     yadā́ vaí jīyáte yadā́ pramīyáte yadā́rtim ārcʰáty átʰāgnihotrám̐ sáṃtiṣṭʰatā íti

Line : 11  Pada: bs     tán ná sam̐stʰā́pyam \

Pada: bt     mánasā vā́ imā́ṃ prajā́patiḥ páryagr̥hṇāt \

Line : 12  Pada: bu     iyám̐ vā́ agnihotrásya védis \

Pada: bv     iyám upayāmás \

Line : 13  Pada: bw     óṣadʰayo barhíḥ

Pada: bx     prúṣvāḥ * prókṣaṇīr *
      FN Correcturen und Conjecturen zu dem ganzen Werk.
      FN Correcturen und Conjecturen zu dem ganzen Werk.

Pada: by     díśaḥ paridʰáyas \

Pada: bz     yát kíṃcābʰyādʰīyáte sá idʰmás \

Line : 14  Pada: ca     yájamāno yū́pas \

Pada: cb     unnīyámāne stʰéyam

Pada: cc     evám iva hí yū́paḥ

Line : 15  Pada: cd     sámr̥ddʰyai

Pada: ce     madʰyató vā́ eṣá yajñáḥ prátato yád agnihotrám \

Pada: cf     tásmād agnihotrī́ darśapūrṇamāsī́ sárvaṃ barhiṣyàṃ dadāti

Line : 16  Pada: cg     madʰyató hy ètád yajñásya dīyáte yád agnihotré

Line : 17  Pada: ch     hotavyàm̐ rājanyàsyāgnihotrā́3n ná hotavyā́3m íti mīmām̐sante \

Line : 18  Pada: ci     āmā́d iva vā́ eṣá yád rājanyàs \

Pada: cj     bahú vā́ eṣò 'yajñiyám amedʰyáṃ carati \

Line : 19  Pada: ck     atyanannáṃ jinā́ti brāhmaṇám \

Pada: cl     tásmād rājanyàsyāgnihotrám ahotavyàm

Page: 127  
Line : 1  Pada: cm     r̥tám̐ vaí satyám agnihotráṃ brāhmaṇá r̥tám̐ satyám \

Pada: cn     tásmād brāhmaṇásyaivá hotavyàm

Line : 2  Pada: co     átʰo brāhmaṇā́yaivā́syāgrató gr̥há ā́hareyus

Pada: cp     tád dʰutám evā́syāgnihotráṃ bʰavati \

Line : 3  Pada: cq     átʰo yá r̥tám iva satyám iva cáret tásya hotavyàm

Pada: cr     anusáṃtatyai //


Anuvaka: 8  
Line : 5  Pada: a     yā́gnihotrā́yópasr̥ṣṭā niṣī́ded yásyā́nnaṃ nā́dyā́t tásmai tā́ṃ dadyāt \

Pada: b     ávartim̐ vā́ eṣā́ yájamānasyā́nutsahya níṣīdati

Line : 6  Pada: c     táyaivaínām̐ sahá nirávadayate

Line : 7  Pada: d     gr̥hé tú tásya tátaḥ paró nā́śnīyāt \

Pada: e     yád aśnīyā́d ā́rtim ā́rcʰet \

Pada: f     yásyā́hute 'gnihotré pū́rvo 'gnír anugácʰed agnínā ca sahā́gnihotréṇa códdravet \

Line : 8  Pada: g     bʰāgadʰéyenaivaínaṃ práṇayati \

Line : 9  Pada: h     átʰo bʰāgadʰéyenaivaínam̐ sámardʰayati \

Pada: i     átʰābʰímantrayeta //

Line : 10  Pada: j     itá evá pratʰamáṃ jajñe agnír ebʰyó yónibʰyo ádʰi jātávedāḥ /

Line : 11  Pada: k     sá gāyatryā́ triṣṭúbʰā jágatyānuṣṭúbʰā ca devébʰyo havyā́ vahatu prajānán //

Line : 13  Pada: l     íti \

Pada: m     eté vā́ etásya yónayaḥ

Pada: n     svébʰya evaínam̐ yónibʰyó 'dʰi prájanayati //

Line : 14  Pada: o     iṣé rāyé ramasva sáhase dyumnā́yorjé 'patyāya //

Pada: p     íti \

Pada: q     etā́ny evā́varunddʰe \

Line : 15  Pada: r     átʰo ramáyaty evaínam //

Pada: s     samrā́ḍ asi svarā́ḍ asi

Pada: t     suṣádā sīda //

Pada: u     íti

Pada: v     suṣádaivaínam̐ sādayati //

Line : 16  Pada: w     sārasvataú tvótsau prā́vatām //

Pada: x     íti \

Pada: y     r̥ksāmé vaí sārasvatā́ útsau

Line : 17  Pada: z     tā́bʰyām evaínaṃ prā́vati

Pada: aa     tā́bʰyām̐ sámardʰayati \

Pada: ab     agnáye jyótiṣmate 'ṣṭā́kapālaṃ nírvaped vāruṇám̐ yavamáyaṃ carúm̐ yásyā́hute 'gnihotré pū́rvo 'gnír anugácʰet

Page: 128  
Line : 1  Pada: ac     támo vā́ etásya yajñám̐ yuvate yásyā́hute 'gnihotré pū́rvó 'gnír anugácʰati

Line : 2  Pada: ad     yád agnáye jyótiṣmate

Pada: ae     jyótiṣaivā́sya yajñám̐ sámardʰayati

Pada: af     vāruṇī́ rā́tris \

Line : 3  Pada: ag     yád vāruṇás \

Pada: ah     váruṇād evā́syā́dʰi yajñám̐ spr̥ṇoti

Pada: ai     yásyā́hute 'gnihotré 'paro 'gnír anugácʰet táta evá prā́ñcam uddʰŕ̥tyānvavasā́yāgnihotráṃ juhuyāt \

Line : 4  Pada: aj     átʰābʰímantrayeta //

Line : 5  Pada: ak     bʰávataṃ naḥ sámanasau sámokasau sácetasā arepásā íti

Line : 6  Pada: al     sámanasā evaínau karoti

Pada: am     yájamānasyā́him̐sāyai \

Pada: an     etaú vaí taú yā́ āhúr brahmavādínas \

Line : 7  Pada: ao     naíkaḥ kubjír dvaú vyāgʰraú vivyācéti \

Pada: ap     agnáye 'gnimáte 'ṣṭā́kapālaṃ nírvaped yásyāgnā́ agním abʰyuddʰáreyus \

Line : 8  Pada: aq     devátābʰyo vā́ eṣá samádaṃ karoti yásyāgnā́ agním abʰyuddʰáranti

Line : 9  Pada: ar     yád agnáye 'gnimáte

Pada: as     devátā evā́smai bʰū́yasīr janayati

Line : 10  Pada: at     vásīyān bʰavati //


Anuvaka: 9  
Line : 11  Pada: a     ánv agnír uṣásām ágram akśad ánv áhāni pratʰamó jātávedāḥ /

Line : 12  Pada: b     ánu sū́ryasya purutrā́ ca raśmī́n ánu dyā́vāpr̥tʰivī́ ā́tatantʰa //

Line : 13  Pada: c     íty abʰímantrayeta yásyā́hutam agnihotrám̐ sū́ryo 'bʰyudiyā́t \

Pada: d     anukśā́yaivaínat púnar ávarunddʰe

Line : 14  Pada: e     tád āhus \

Pada: f     amúm̐ vā́ eṣá lokám̐ samā́rohayati sahá prajáyā paśúbʰiś ca yájamānasya

Line : 15  Pada: g     tásmād utá bahúr ā́hitāgnir apaśúr bʰavatī́ti

Pada: h     tád upastʰéyaḥ //

Line : 16  Pada: i     ihaívá kṣemyá edʰi

Pada: j     mā́ práhāsīr mā́m amúm āmuṣyāyaṇám // íti \

Line : 17  Pada: k     asmín vā́vaínam etáṃ loké dādʰāra

Pada: l     sahá prajáyā paśúbʰiś ca yájamāno vásīyān bʰavati

Line : 18  Pada: m     maitráṃ carúṃ nírvapet sauryám ékakapālam̐ yásyā́hutam agnihotrám̐ sū́ryo 'bʰyudiyā́t \

Page: 129  
Line : 1  Pada: n     mitró vā́ etásya yajñám̐ yuvate yásyā́hutam agnihotrám̐ sū́ryo 'bʰyudéti

Line : 2  Pada: o     mitrám áhar

Pada: p     yán maitrás \

Pada: q     mitrā́d evā́syā́dʰi yajñám̐ spr̥ṇoti \

Pada: r     átʰa yát sauryás \

Line : 3  Pada: s     amúnaivā́syādityéna purástād yajñám̐ sámardʰayati

Pada: t     yásyā́hutam agnihotrám̐ sū́ryo 'bʰyudiyā́d agním̐ samādʰā́ya vā́cam̐ yatvā́ dáṃpatī sarvāhṇam úpāsīyātām \

Line : 5  Pada: u     dváyor gávoḥ sāyám agnihotráṃ juhuyāt \

Pada: v     ubʰáyam evā́smai bʰāgadʰéyaṃ práyacʰati sāyantánaṃ ca prātastánaṃ ca

Line : 6  Pada: w     yád vaí púruṣasyāmáyaty aśnātī́3 nā́śnātī́3 íti vaí tám āhus \

Line : 7  Pada: x     nā́śnātī́ti céd āhús tád vā́vá sò 'mr̥téti

Line : 8  Pada: y     yán nā́śnītó ná vyāháratas \

Pada: z     ánv evaínam amrātām \

Pada: aa     tápasainaṃ púnar ávarundʰāte

Line : 9  Pada: ab     agnáye vratápataye 'ṣṭā́kapālaṃ nírvapet \

Pada: ac     agnír vaí devā́nām̐ vratápatis

Pada: ad     tám evá bʰāgadʰéyenópāsarat

Line : 10  Pada: ae     sá enam̐ vratám ā́lambʰayati yásyāgnír apakṣā́yet \

Pada: af     yátraivaínam anuparāgácʰet tát samādʰā́yānvavasā́yāgnihotráṃ juhuyāt \

Line : 11  Pada: ag     éti vā́ etád agnír yád apakṣā́yati

Line : 12  Pada: ah     yátraivaínam anuparāgácʰati táta enaṃ púnar ávarunddʰe \

Pada: ai     agnáye patʰikŕ̥te 'ṣṭā́kapālaṃ nírvaped yásyāgnír apakṣā́yet \

Line : 13  Pada: aj     bahiṣpatʰám̐ vā́ eṣá eti yásyāgnír apakṣā́yati \

Line : 14  Pada: ak     agnír vaí devā́nāṃ patʰikŕ̥t

Pada: al     tám evá bʰāgadʰéyenópāsarat

Pada: am     sá enaṃ pántʰām ápinayati \

Line : 15  Pada: an     anaḍvā́n dákṣiṇā

Pada: ao     sá hí pántʰām apiváhati \

Pada: ap     agnáye śúcaye 'ṣṭā́kapālaṃ nírvaped yásyābʰyādāvyèna sam̐sr̥jyéta \

Line : 16  Pada: aq     aśucítara iva vā́ eṣá yád abʰyādāvyàs \

Line : 17  Pada: ar     yád agnáye śúcaye

Pada: as     śúcim evaínaṃ médʰyaṃ karoti \

Pada: at     agnáye kṣā́mavate 'ṣṭā́kapālaṃ nírvaped yásyāhitāgneḥ satò 'gnír gr̥hā́n dáhet \

Line : 18  Pada: au     agnír vā́ etásya kṣāmó gr̥hā́n abʰyùcyati

Line : 19  Pada: av     sá dahaty evā́param \

Pada: aw     yád agnáye kṣā́mavate

Pada: ax     yaívā́sya kṣāmā́ priyā́ tanū́s tā́m evā́sya bʰāgadʰéyena śamayati \

Line : 20  Pada: ay     ádāhuko 'syā́param agnír gr̥hā́n bʰavati


Page: 130  
Line : 1  Pada: az     yásyāgnír anugácʰet tébʰya evā́vakṣā́ṇebʰyó 'dʰi mantʰitavyàs

Line : 2  Pada: ba     tád enam̐ svā́d yóneḥ prájanayati

Pada: bb     yádi ná tādŕ̥śāni vāvakṣā́ṇāni syúr bʰásmanāráṇī sam̐spŕ̥śya mantʰitavyàḥ

Line : 3  Pada: bc     svā́d evaínam̐ yóneḥ prájanayati \

Line : 4  Pada: bd     agnáye tápasvate jánadvate pāvakávate 'ṣṭā́kapālaṃ nírvaped yásyāgnír anugácʰet \

Line : 5  Pada: be     ná hí vā́ etásmā apidʰīyáté 'tʰaiṣó 'nugacʰati \

Pada: bf     óṣadʰayo vaí pāvakā́s \

Line : 6  Pada: bg     óṣadʰīr evā́smai pāvakā́ bʰāgadʰéyam ápidadʰāti

Pada: bh     prajánanāya //

Line : 7  Pada: bi     tráyastrim̐śat tántavo yám̐ vitanváta imáṃ ca yajñám̐ sudʰáyā dádante /

Line : 8  Pada: bj     tébʰiś cʰidrám ápidadʰmo yád átra svā́hā yajñó ápyetu devā́n //

Line : 9  Pada: bk     íti juhuyād yády áno vā rátʰo vāntarā́ viyāyā́t \

Pada: bl     evā́vanto vaí yajñásya tántavas \

Line : 10  Pada: bm     devátā vā́ etā́s

Pada: bn     tā́n vā́ etát sámavr̥kṣat

Pada: bo     tā́ḥ sáṃdadʰāti \

Pada: bp     etád dʰa sma vā́ āhur dākṣāyaṇā́s

Line : 11  Pada: bq     tántūnt sámavr̥kṣad gā́m anvatyā́vartayéti

Pada: br     gaúr hí yajñíyā médʰyā \

Line : 12  Pada: bs     idám̐ víṣṇur vícakramā íti padám̐ yopayati

Pada: bt     víṣṇoḥ svid evá yajñásya víkrāntam akar

Line : 13  Pada: bu     apò 'nvátiṣiñcati

Pada: bv     śā́ntyai //


Anuvaka: 10  
Line : 14  Pada: a     raudráṃ gávi sát \

Pada: b     vāyavyàm upā́vasr̥ṣṭam

Pada: c     āśvináṃ duhyámānam \

Pada: d     saumyáṃ dugdʰám \

Line : 15  Pada: e     vāruṇám ádʰiśritam \

Pada: f     maitrám̐ śárogr̥hītam \

Pada: g     mārutáṃ bindumát

Pada: h     pauṣṇám údantam \

Line : 16  Pada: i     sārasvatám̐ víṣyaṇṇam \

Pada: j     vaiṣṇavaṃ pratinīyamānam \

Pada: k     svargyàm údvāsitam \

Pada: l     tváṣṭur unnīyámānam \

Line : 17  Pada: m     dʰātúr únnītam \

Pada: n     vaiśvakarmaṇám údyatam \

Pada: o     sāvitráṃ praṇīyámānam \

Line : 18  Pada: p     dyāvāpr̥tʰivī́yaṃ prahriyámāṇam

Pada: q     aindrāgnám úpasannam \

Pada: r     prājāpatyám̐ samídʰi

Pada: s     vaiśvadevám̐ hutám //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.