TITUS
Black Yajur-Veda: Maitrayani-Samhita
Part No. 7
Previous part

Prapathaka: 7  
Anuvaka: 1  
Line : 3  Pada: a     yát tvā kruddʰáḥ parovápa manyúnā sumanastara /

Line : 4  Pada: b     sukálpam agne tát táva púnas tvóddīpayāmasi //

Line : 5  Pada: c     yát te manyúparoptasya pr̥tʰivī́m anudadʰvasé /

Line : 6  Pada: d     ādityā́ víśve tád devā́ vásavaḥ púnar ā́bʰaran //

Line : 7  Pada: e     yát te bʰā́mena vicakarā́nīśāno hr̥dás pári //

Line : 8  Pada: f     púnas tád índraś cāgníś ca vásavaḥ sámacīkl̥pan //

Line : 9  Pada: g     púnas tvādityā́ rudrā́ vásavaḥ sámindʰatāṃ púnar brahmā́ṇo vasudʰīte agne //

Line : 11  Pada: h     gʰr̥téna tváṃ tanvàm̐ vardʰáyasva rāyáspóṣā yájamānam̐ sacantām //

Page: 109  
Line : 1  Pada: i     tráyastrim̐śat tántavo yám̐ vitanváta imáṃ ca yajñám̐ sudʰáyā dádante /

Line : 3  Pada: j     tébʰiś cʰidrám ápidadʰmo yád átra svā́hā yajñó ápyetu devā́n //

Line : 4  Pada: k     máno jyótir juṣatām ā́jyasya vícʰinnam̐ yajñám̐ sám imáṃ dadʰātu /

Line : 6  Pada: l     imám̐ yajñám̐ saptátantuṃ tatáṃ nā ā́ devā́ yantu sumanasyámānāḥ //

Line : 8  Pada: m     bŕ̥haspátir no havíṣā gʰr̥téna vícʰinnam̐ yajñám̐ sám imáṃ dadʰātu /

Line : 10  Pada: n     yā́ iṣṭā́ uṣáso yā́ś ca yājyā̀s tā́ḥ sáṃdadʰāmi mánasā gʰr̥téna //

Line : 12  Pada: o     ágne 'bʰyāvartinn abʰí mā́vartasvā́yuṣā várcasā prajáyā dʰánena sanyā́ medʰáyā rayyā́ póṣeṇa //

Line : 14  Pada: p     ágne aṅgiraḥ śatáṃ te santv āvŕ̥taḥ sahásraṃ ta upāvŕ̥taḥ /

Line : 15  Pada: q     átʰā póṣasya póṣeṇa púnar no náṣṭam ā́kr̥dʰi

Pada: r     púnar no rayím ā́kr̥tʰi //

Line : 17  Pada: s     púnar ūrjā́ nívartasva púnr agna iṣā́yuṣā /

Line : 18  Pada: t     púnar naḥ pāhy ám̐hasaḥ //

Page: 110  
Line : 1  Pada: u     sahá rayyā́ nívartasvā́gne pínvasva dʰā́rayā /

Line : 2  Pada: v     viśvápsnyā viśvátas pári //

Line : 3  Pada: w     saliláḥ sáligaḥ ságaras té na ādityā́ havíṣo juṣāṇā́ vyantu svā́hā

Line : 4  Pada: x     kétaḥ sukétaḥ sáketas té na ādityā́ havíṣo juṣāṇā́ vyantu svā́hā

Line : 5  Pada: y     dévajūte vívasvann ā́ditya té no devāḥ satyā́ṃ deváhūtiṃ devéṣv ā́suvadʰvam

Line : 6  Pada: z     ādityébʰyaḥ svā́hā //


Anuvaka: 2  
Line : 7  Pada: a     agnér vaí bʰāgáḥ punarādʰéyam

Pada: b     etám̐ vaí bʰāgáṃ prépsan vyàrdʰayati

Pada: c     yády ādadʰānó mányeta ví syā́ r̥dʰyatā íty utsā́dya púnar ā́dadʰīta

Line : 8  Pada: d     yám evá bʰāgáṃ prépsan vyardʰáyati táṃ prā́pyārdʰáyaty evá

Line : 9  Pada: e     sárvam evā́gneyáṃ kriyate

Pada: f     yát kíṃca sárvam evā́gnáye bʰāgáṃ pradā́ya sárvām ŕ̥ddʰim r̥dʰnoti

Line : 10  Pada: g     ná saṃbʰārā́ḥ saṃbʰŕ̥tyās \

Pada: h     ná yájuḥ kártavā́ íty āhuḥ

Line : 11  Pada: i     sáṃbʰr̥tasaṃbʰāro hy èṣá kr̥táyajus

Pada: j     tád āhuḥ

Pada: k     saṃbʰŕ̥tyā evá saṃbʰārā́ḥ

Line : 12  Pada: l     kāryàm̐ yájur íti

Pada: m     punarutsyūtám̐ vā́so déyaṃ punarṇavó rátʰaḥ punarutsr̥ṣṭò 'naḍvān

Line : 13  Pada: n     etā́ni vaí punarādʰéyasya rūpā́ṇi

Pada: o     rūpā́ṇy evā́syāptvā́varunddʰe \

Line : 14  Pada: p     agnír vā́ utsī́dann apá óṣadʰīr abʰyútsīdati

Pada: q     darbʰā́ vā́ ā́pā óṣadʰayas \

Line : 15  Pada: r     yád darbʰā́ upolapā́ bʰávanti \

Pada: s     adbʰyá evaínam óṣadʰībʰyó 'dʰy āptvā́varunddʰe

Line : 16  Pada: t     devā́ ásurair vijayám upayánto 'gnaú priyā́s tanvàḥ saṃnyàdadʰata

Pada: u     yán no jáyeyur imā́ abʰyúpadʰāvema

Line : 17  Pada: v     yády u jáyememā́ abʰyupā́vartemahī́ti

Pada: w     tā́ devā́ jitvā́nvaicʰan \

Page: 111  
Line : 1  Pada: x     sárveṣāṃ naḥ sahéti

Pada: y     sò 'gnír abravīt \

Pada: z     yá evá mā́ṃ maddevatyà ādádʰātai sá etā́bʰis tanū́bʰiḥ sáṃbʰavād íti

Line : 2  Pada: aa     táṃ devā́ ā́dadʰata

Line : 3  Pada: ab     tá etā́bʰis tanū́bʰiḥ sámabʰavat

Pada: ac     paśávo vaí devā́nāṃ priyā́s tanvàḥ

Pada: ad     paśúbʰir evá sámabʰavan \

Line : 4  Pada: ae     tád yá evám̐ vidvā́n punarādʰéyam ādʰattá etā́bʰir evā́gnés tanū́bʰiḥ sáṃbʰavati

Line : 5  Pada: af     paśávo vaí devā́nāṃ priyā́s tanvàḥ

Pada: ag     paśúbʰir evá sáṃbʰavati

Line : 6  Pada: ah     mánuḥ púṣṭikāmā ā́dʰatta

Pada: ai     sá imā́n póṣān apuṣyat

Pada: aj     téna r̥ddʰám \

Pada: ak     tváṣṭā paśúkāmā ā́dʰatta

Line : 7  Pada: al     tá imé tvāṣṭrā́ḥ paśávaḥ prā́jāyanta

Pada: am     téna r̥ddʰám \

Pada: an     prajā́patiḥ prajā́kāmā ā́dʰatta

Line : 8  Pada: ao     tā́ imā́ḥ prajā́ḥ prājāpatyā́ḥ prā́jāyanta

Pada: ap     téna r̥ddʰám \

Line : 9  Pada: aq     yó vaí tám ágrā ā́dʰatta sá téna vásunā sámabʰavat

Pada: ar     tát púnarvasoḥ punarvasutvám \

Line : 10  Pada: as     tásmāt púnarvasā ādʰéyaḥ

Pada: at     púnar hí sá téna vásunā samábʰavat \

Line : 11  Pada: au     yó vaí tám ā́dʰattā́rdʰnot

Pada: av     sá tásmād anurādʰā́sv ādʰéyas \

Pada: aw     ŕ̥ddʰyai \

Pada: ax     r̥dʰnóty evá \

Pada: ay     átʰo mitʰunatvā́ya //


Anuvaka: 3  
Line : 13  Pada: a     agnír vā́ utsī́dant sam̐vatsarám abʰyútsīdati

Pada: b     saptádaśa sāmidʰenī́ḥ kāryā̀ḥ

Line : 14  Pada: c     páñca r̥távo dvā́daśa mā́sā eṣá sam̐vatsaráḥ

Pada: d     sam̐vatsarā́d evaínam ádʰy āptvā́varunddʰe

Line : 15  Pada: e     tád āhuḥ

Pada: f     páñcadaśa sāmidʰenī́ḥ kāryā̀ ná saptádaśéti \

Pada: g     etád vaí sam̐vatsarásya saṃkrámaṇatamam

Line : 16  Pada: h     eténā́śiṣṭam āpyate

Pada: i     páñcadaśa sāmidʰenī́ḥ

Line : 17  Pada: j     páñcadaśārdʰamāsásya rā́trayas

Pada: k     tā́bʰir evá tā́ āpyante

Pada: l     yā́vanti vaí sāmidʰenī́nām akṣárāṇi tā́vanti sam̐vatsarásyā́hāni

Line : 18  Pada: m     taír evá tā́ny āpyante \

Line : 19  Pada: n     agnír vā́ utsī́dant sam̐vatsarám abʰyútsīdati

Pada: o     ṣáḍ vā́ r̥távaḥ sam̐vatsarás

Pada: p     tásmāt ṣáḍ víbʰaktayaḥ


Page: 112  
Line : 1  Pada: q     sam̐vatsaró vā́ agnír vaíśvānarás \

Pada: r     yát ṣáḍ víbʰaktayaḥ

Pada: s     sam̐vatsarā́d evaínam ádʰy āptvā́varunddʰe \

Line : 2  Pada: t     átʰa yád agnír bahudʰā́ vihriyáta imā́n póṣān pupóṣa

Line : 3  Pada: u     tásmād agnír etā́vatīr víbʰaktīr ānaśe nā́nyā́ devátā \

Pada: v     átʰa yád dvyàkṣarāḥ satī́ś cáturakṣarāḥ kriyánte \

Line : 4  Pada: w     ācaturám̐ hí paśávo dvandváṃ mitʰunā́s \

Pada: x     r̥távo vaí prayājā́s \

Line : 5  Pada: y     ánnam r̥távas \

Pada: z     yát prayājā́n antariyā́d ánnam antáriyāt \

Pada: aa     yajñamukʰám̐ vaí prayājā́s \

Line : 6  Pada: ab     yát prayājā́n antariyā́d yajñamukʰám antáriyāt

Pada: ac     tád yásyértset tásyopáriṣṭāt prayājā́nām̐ víbʰaktīḥ kuryāt \

Line : 7  Pada: ad     vīryàm̐ vaí prayājā́s \

Pada: ae     vīryàm̐ víbʰaktayas \

Line : 8  Pada: af     vīryā̀d evā́dʰi váṣaṭkaroti

Pada: ag     tājág ŕ̥ddʰim abʰíkrāmati

Pada: ah     nā́nāgneyaṃ kriyáté 'tʰa kásmāt sahá víbʰaktayaḥ prayājaír íti

Line : 9  Pada: ai     sam̐vatsarám̐ vaí prayājā́ḥ párījyante

Line : 10  Pada: aj     kásmād āgneyáṃ kriyáte tásmān nā́nāgneyaṃ //


Anuvaka: 4  
Line : 11  Pada: a     púnar ūrjā́ nívartasva púnar agna iṣā́yuṣā /

Line : 12  Pada: b     púnar naḥ pāhy ám̐hasaḥ //

Line : 13  Pada: c     íti purástāt prayājā́nāṃ juhuyāt //

Line : 14  Pada: d     sahá rayyā́ nívartasvā́gne pínvasva dʰā́rayā /

Line : 15  Pada: e     viśvápanyā viśvátas pári //

Line : 16  Pada: f     íty upáriṣṭād anuyājā́nāṃ juhuyāt \

Pada: g     ūrjā́ vā́ eṣá paśúbʰir utsī́dant sahótsīdati

Line : 17  Pada: h     púnar ūrjā́ nívartasvéti

Pada: i     tád ū́rjam evá paśū́n púnar ávarunddʰe \

Pada: j     átʰo tā́n evá bʰāgínaḥ karoti \

Line : 18  Pada: k     átʰo ubʰayáta eṣá yajñásyāśíṣa r̥dʰnoti

Pada: l     nā́nāgneyaṃ kriyáté 'tʰa kásmād ā́jyabʰāgā ijyete íti

Line : 19  Pada: m     cákṣuṣī vā́ eté yajñásya yád ā́jyabʰāgau

Page: 113  
Line : 1  Pada: n     yád ā́jyabʰāgā antariyā́c cákṣuṣī yajñásyāntáriyāt \

Line : 2  Pada: o     ágnā ā́yūm̐ṣi pavasā íti sómasya loké kuryāt \

Pada: p     yád āgneyī́

Pada: q     ténāgneyī́

Line : 3  Pada: r     yát pāvamānī́

Pada: s     téna saumī́

Pada: t     nā́nāgneyaṃ kriyáte ná sómam antáryanti \

Line : 4  Pada: u     agnír mūrdʰā́ diváḥ kakúd íti prajā́kāmo vā * paśúkāmo vā sómasya loké kuryāt \
      FN emended. Ed.: vā́

Line : 5  Pada: v     yán mitʰunā́ téna prajánanavatī

Pada: w     yád rétasvatī téna saumī́

Line : 6  Pada: x     yajñéna vā́ eṣá vyr̥̀dʰyate yò 'gním utsādáyate

Pada: y     pā́ṅkto yajñás \

Pada: z     yát páñcakapālas \

Line : 7  Pada: aa     yajñám evá púnar ā́labʰate \

Pada: ab     aṣṭā́kapālaḥ kāryàs \

Pada: ac     gāyatró hy àgnír gāyatrácʰandās \

Line : 8  Pada: ad     āgneyám̐ vā́ etát kriyate yát punarādʰéyam \

Pada: ae     tásmād aṣṭā́kapālas

Pada: af     tán ná sū́rkṣyam \

Line : 9  Pada: ag     páñcakapāla evá karyàḥ

Pada: ah     pañcamā́d vā́ ádʰy r̥tóḥ ṣaṣṭʰá r̥túr abʰavat

Line : 10  Pada: ai     samānám etád yát pañcamáś ca r̥túḥ ṣaṣṭʰáś ca

Pada: aj     yát páñcakapālaḥ

Pada: ak     sam̐vatsarā́d evaínam ádʰy āptvā́varunddʰe

Line : 11  Pada: al     prajánanam̐ vā́ r̥távas \

Pada: am     agníḥ prajanayitā́

Pada: an     yát páñcakapālaḥ

Line : 12  Pada: ao     prajánanād evaínaṃ prajanayitā́ prájanayati //


Anuvaka: 5  
Line : 13  Pada: a     vīrahā́ vā́ eṣá devā́nām̐ yò 'gním utsādayate

Pada: b     śatádāyo vīrás \

Line : 14  Pada: c     yád etā́ḥ śatā́kṣarāḥ paṅktáyo bʰávanti

Pada: d     vīrám̐ vā́vaítád devā́nām ávadayate \

Line : 15  Pada: e     anyásmai vaí kám ādʰéyam anyásmai punarādʰéyam \

Pada: f     ná vaí tád ādʰéyena spr̥ṇoti yásmai káṃ punarādʰéyam \

Line : 16  Pada: g     punarādʰéyena vā́vá tát spr̥ṇoti

Pada: h     jarā́ vaí deváhitam ā́yus \

Line : 17  Pada: i     etā́vatīr hí sámā éti

Pada: j     yád etā́ḥ śatā́kṣarāḥ paṅktáyo bʰávanti

Pada: k     yā́vad evā́yur vīryàṃ tád āpnoti

Line : 18  Pada: l     tát spr̥ṇoti

Pada: m     tád ávarunddʰe \

Pada: n     ā́yuṣā vā́ eṣá vīryèṇa vyr̥̀dʰyate yò 'gním utsādáyate \

Line : 19  Pada: o     ā́yur vīryàm̐ híraṇyam \

Pada: p     yád dʰíraṇyaṃ dádāti \

Line : 20  Pada: q     ā́yuṣaivaínam̐ vīryèṇa sámardʰayati

Pada: r     śatámānaṃ bʰavati

Pada: s     śatā́yur vaí púruṣaḥ śatávīryas \

Page: 114  
Line : 1  Pada: t     ā́yur evá vīryàm āpnoti \

Pada: u     ādityā́ vā́ itá uttamā́ḥ svargáṃ lokám āyan \

Line : 2  Pada: v     té vyàtr̥ṣyan \

Pada: w     itáḥpradānād dʰí devā́ yajñám upajī́vanti

Line : 3  Pada: x     té vā́ etáṃ púnar ā́dadʰata

Pada: y     tá ārdʰnuvan \

Pada: z     ādityā́ vā́ asmíṃl loká r̥ddʰā́ ādityā́ amúṣmin

Line : 4  Pada: aa     paśávo 'smínn r̥távo 'múṣmin \

Pada: ab     tád yá evám̐ vidvā́n punarādʰéyam ādʰattá ubʰáyor evá lokáyor r̥dʰnoty asmím̐ś cāmúṣmim̐ś ca

Line : 5  Pada: ac     saliláḥ sáligaḥ ságaras té na ādityā́ havíṣo juṣāṇā́ vyantu svā́hā

Line : 7  Pada: ad     kétaḥ sukétaḥ sáketas té na ādityā́ havíṣo juṣāṇā́ vyantu svā́hā

Line : 8  Pada: ae     dévajūte vívasvann ā́ditya té no devāḥ satyā́ṃ deváhūtiṃ devéṣv ā́suvadʰvam ādityébʰyaḥ svā́heti \

Line : 9  Pada: af     etaír vaí té táṃ púnar ā́dadʰata

Pada: ag     tá ārdʰnuvan \

Pada: ah     tád yád etaíḥ púnar ādʰatté 'tʰa r̥dʰnóti \

Line : 10  Pada: ai     ādityā́ hí punarādʰéyam //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.