TITUS
Black Yajur-Veda: Maitrayani-Samhita
Part No. 11
Previous part

Prapathaka: 11  
Anuvaka: 1  
Line : 7  Pada: a     déva savitaḥ prásuva yajñáṃ prásuva yajñápatiṃ bʰágāya /

Line : 8  Pada: b     divyó gandʰarváḥ ketapū́ḥ kétaṃ punātu

Pada: c     vācáspátir vā́cam adyá svadātu naḥ //

Line : 9  Pada: d     vā́jasya nú prasavé mātáraṃ mahī́m áditiṃ nā́ma vácasā karāmahe /

Line : 10  Pada: e     víśvam̐ hy àsyāṃ bʰúvanam āvivéśa tásyāṃ deváḥ savitā́ dʰármam̐ sāviṣat //

Line : 12  Pada: f     apsv àntár amr̥tam apsú bʰeṣajam apā́m utá práśastiṣu /

Line : 13  Pada: g     áśvā bʰavata vājinaḥ //

Page: 162  
Line : 1  Pada: h     vāyúr vā tvā mánur vā tvā gandʰarvā́ḥ saptávim̐śatiḥ /

Line : 2  Pada: i     té ágre áśvam ayuñjam̐s té asmin javám ā́dadʰuḥ //

Line : 3  Pada: j     ápāṃ napād āśuheman yá ūrmíḥ prátūrtiḥ kakúbʰvān vājasā́ḥ /

Line : 4  Pada: k     téna vā́jam̐ seṣam //

Line : 5  Pada: l     devásya savitúḥ prasavé satyásavaso várṣiṣṭʰaṃ nā́kam̐ ruheyam //

Pada: m     devásya vayám̐ savitúḥ prasavé satyásavanasya bŕ̥haspáter vājíno vājajíto vā́jaṃ jeṣma //


Anuvaka: 2  
Line : 8  Pada: a     vā́jam̐ vājino jayatā́dʰvānam̐ skabʰnuvánto yójanā mímānāḥ //

Line : 9  Pada: b     kā́ṣṭʰāṃ gacʰata //

Line : 10  Pada: c     śáṃ no bʰavantu vājíno háveṣu devátātā mitádravaḥ svarkā́ḥ /

Line : 11  Pada: d     jambʰáyantó 'him̐ vr̥kam̐ rákṣām̐si sánemy asmád yuyavann ámīvāḥ //

Line : 12  Pada: e     vā́jevāje 'vata vājino no dʰáneṣu viprā amr̥tā r̥tajñāḥ /

Line : 13  Pada: f     asyá mádʰvaḥ pibata mādáyadʰvaṃ tr̥ptā́ yāta patʰíbʰir devayā́naiḥ //

Line : 14  Pada: g     té no árvanto havanaśrúto hávam̐ víśve śr̥ṇvantu vājíno mitádravaḥ /

Line : 16  Pada: h     sahasrasā́ medʰásātā saniṣyávo mahó yé dʰánā samitʰéṣu jabʰriré //

Page: 163  
Line : 1  Pada: i     eṣá syá vājí kṣipaṇíṃ turaṇyati grīvā́yāṃ baddʰó apipakṣá āsán /

Line : 3  Pada: j     krátuṃ dadʰikrā́m ánu sam̐sániṣyadat patʰā́m áṅkām̐sy ánv āpánīpʰaṇat //

Line : 4  Pada: k     utá smāsya drávatas turaṇyatáḥ parṇáṃ na vér ánu vāti pragardʰínaḥ /

Line : 5  Pada: l     śyenásyeva drávato aṅkasáṃ pári dadʰikrā́vṇaḥ sahórjá táritrataḥ //


Anuvaka: 3  
Line : 6  Pada: a     ā́ mā vā́jasya prasavó jagamyād ā́ mā dyā́vāpr̥tʰiví viśváśaṃbʰū /

Line : 7  Pada: b     ā́ mā ganta pitaro viśvarūpā ā́ mā sómo amr̥tatvéna gamyāt //

Line : 9  Pada: c     índrāya vā́cam̐ vadata \

Pada: d     índrāya vā́cam̐ sám̐vadata \

Pada: e     índram̐ vā́jaṃ jāpayata \

Pada: f     índra vā́jaṃ jaya \

Line : 10  Pada: g     iyám̐ vaḥ sā́ satyā́ sam̐vā́g abʰūd yā́m índreṇa samádadbʰvam

Pada: h     ájījapata vanaspatayas \

Line : 11  Pada: i     índrāya vā́cam̐ vímucyadʰvam \

Pada: j     vājínau vājajítau vā́jaṃ jitvā́ bŕ̥haspáter bʰāgám ávajigʰratam \

Line : 12  Pada: k     vājínau vājajítau vā́jaṃ jitvā́ bŕ̥haspáter bʰāgé nímr̥jyetʰām \

Line : 13  Pada: l     svò rohāvéhi svò rohāvéhi svò rohāva \

Pada: m     ā́yur yajñéna kalpate

Line : 14  Pada: n     prāṇó yajñéna kalpate

Pada: o     cákṣur yajñéna kalpate

Pada: p     śrótram̐ yajñéna kalpate

Line : 15  Pada: q     máno yajñéna kalpate

Pada: r     vā́g yajñéna kalpate

Pada: s     brahmā́ yajñéna kalpate

Line : 16  Pada: t     pr̥ṣṭʰám̐ yajñéna kalpate

Pada: u     svàr yajñéna kalpate

Pada: v     yajñó yajñéna kalpate

Line : 17  Pada: w     vā́jāya svā́hā

Pada: x     prasavā́ya svā́hā \

Pada: y     apijā́ya svā́hā

Pada: z     kratave svā́hā \

Pada: aa     aharpatáye svā́hā

Page: 164  
Line : 1  Pada: ab     vākpatáye svā́hā

Pada: ac     vásave svā́hā

Pada: ad     svàr mūrdʰā́ vaiyaśanó * vyáśyann āntyó 'ntyo bʰauvanás \
      FN Correcturen und Conjecturen zu dem ganzen Werk.

Line : 2  Pada: ae     bʰúvanasya pátayé 'dʰipataye svā́hā \

Line : 3  Pada: af     ánnāya tvā

Pada: ag     vā́jāya tvā

Pada: ah     vājajityā́yai tvā \

Pada: ai     iṣé tvā \

Pada: aj     ūrjé tvā

Pada: ak     rayyaí tvā

Line : 4  Pada: al     póṣāya tvā

Pada: am     svàr devā́ agāma \

Pada: an     amŕ̥tā abʰūma

Pada: ao     prajā́pateḥ prajā́ abʰūma //


Anuvaka: 4  
Line : 6  Pada: a     ágne ácʰā vadehá naḥ pratyáṅ naḥ sumánā bʰava /

Line : 7  Pada: b     prá no yacʰa viśaspate dʰanadā́ asi nas tvám //

Line : 8  Pada: c     prá no yacʰatv aryamā́ prá bʰágaḥ prá bŕ̥haspátiḥ /

Line : 9  Pada: d     prá devā́ḥ prótá sūnŕ̥tā prá vā́g devī́ dadātu naḥ //

Line : 10  Pada: e     aryamáṇaṃ bŕ̥haspátim índraṃ dā́nāya codaya /

Line : 11  Pada: f     vā́cam̐ víṣṇum̐ sárasvatīm̐ savitā́raṃ ca vājínam //

Line : 12  Pada: g     sómam̐ rā́jānam̐ váruṇam agním anvā́rabʰāmahe /

Line : 13  Pada: h     ādityā́n víṣṇum̐ sū́ryaṃ brahmā́ṇaṃ ca bŕ̥haspátim //

Line : 14  Pada: i     indravāyū́ susaṃdŕ̥śā suhávehá havāmahe /

Line : 15  Pada: j     yátʰā naḥ sárvā íj jánaḥ saṃgamé sumánā ásat //

Line : 16  Pada: k     vā́jasyemáṃ prasaváḥ suṣuvé 'gre sómam̐ rā́jānam óṣadʰīṣv apsú /

Page: 165  
Line : 1  Pada: l     sá virā́jaṃ páryetu prajānán prajā́ṃ púṣṭim̐ vardʰáyamāno asmé //

Line : 2  Pada: m     vā́jasyemā́ṃ prasaváḥ śiśriyé dívam̐ sá óṣadʰīḥ sámanaktu gʰr̥téna /

Line : 3  Pada: n     tā́ asmábʰyaṃ mádʰumatīr bʰavantu vayám̐ rāṣṭré jāgr̥yāmā puróhitāḥ

Line : 5  Pada: o     vā́jasyedáṃ prasavá ā́babʰūvemā́ ca víśvā bʰúvanāni sarvátaḥ /

Line : 6  Pada: p     áditsantaṃ dāpayatu prajānán rayíṃ ca naḥ sárvavīraṃ níyacʰatu //

Line : 7  Pada: q     devásya tvā savitúḥ prasavè 'śvínor bāhúbʰyāṃ pūṣṇó hástābʰyām̐ sárasvatyā vācā́ yantúr yantréṇa bŕ̥haspátim̐ sā́mrājyāyābʰíṣiñcāmi \

Line : 8  Pada: r     índram̐ sā́mrājyāyābʰíṣiñcāmi \

Line : 9  Pada: s     upayāmágr̥hīto 'si

Pada: t     druṣádaṃ tvā nr̥ṣádam āyuṣádam índrāya júṣṭaṃ gr̥hṇāmi \

Line : 10  Pada: u     eṣá te yónis \

Pada: v     índrāya tvā

Pada: w     upayāmágr̥hīto 'si

Pada: x     pr̥tʰivīṣádaṃ tvāntarikṣasádaṃ nākasádam índrāya júṣṭaṃ gr̥hṇāmi \

Line : 11  Pada: y     eṣá te yónis \

Line : 12  Pada: z     índrāya tvā

Pada: aa     upayāmágr̥hīto 'si \

Pada: ab     apsuṣádaṃ tvā gʰr̥tasádaṃ bʰūtasádam índrāya júṣṭaṃ gr̥hṇāmi \

Line : 13  Pada: ac     eṣá te yónis \

Pada: ad     índrāya tvā

Pada: ae     upayāmágr̥hīto 'si

Pada: af     gráha viśvajanīna níyantar viprā́yāma te //

Line : 15  Pada: ag     yā́s tisráḥ pratʰamajā́ divyáḥ kóśaḥ sámukṣitaḥ /

Line : 16  Pada: ah     tā́sām̐ víśiśnānām íṣam ū́rjam̐ sámagrabʰam //

Line : 17  Pada: ai     índrāya tvā júṣṭaṃ gr̥hṇāmi \

Pada: aj     eṣá te yónis \

Pada: ak     índrāya tvā \

Pada: al     upayāmágr̥hīto 'si //

Line : 19  Pada: am     apā́m̐ rásam údvayasam̐ sū́ryāñ śukrám̐ samā́bʰr̥tam /

Page: 166  
Line : 1  Pada: an     apā́m̐ rásasya yó rásas táṃ te gr̥bʰṇāmy uttamám //

Line : 2  Pada: ao     índrāya tvā júṣṭaṃ gr̥hṇāmi \

Pada: ap     eṣá te yónir

Pada: aq     índrāya tvā //

Line : 3  Pada: ar     kuvíd aṅgá yávamanto yávaṃ cid yátʰā dā́nty anupūrvám̐ viyū́ya /

Line : 4  Pada: as     ihéhaiṣāṃ kr̥ṇuta bʰójanāni yé barhíṣā námauktiṃ ná jagmúḥ //

Line : 5  Pada: at     upayāmágr̥hīto 'si

Pada: au     prajā́pataye tvā júṣṭaṃ gr̥hṇāmi \

Pada: av     eṣá te yóniḥ

Pada: aw     prajā́pataye tvā //

Line : 6  Pada: ax     ayā́ viṣṭʰā́

Pada: ay     prajā́pataye tvā //


Anuvaka: 5  
Line : 7  Pada: a     devā́ vaí nā́nā yajñā́n apaśyan \

Pada: b     átʰa vā́ etám̐ sárve 'paśyan \

Pada: c     tásmin vā́ áyatanta

Line : 8  Pada: d     tásminn ājím ayus

Pada: e     táṃ bŕ̥haspátir údajayat \

Pada: f     bŕ̥haspátir vaí devā́nāṃ puróhitas \

Line : 9  Pada: g     yád vaí puróhito brā́hmaṇam̐ śr̥ṇóti

Pada: h     tád rā́jñe

Pada: i     ténéndram ayājayat

Pada: j     sá svā́rājyam agaccʰat

Line : 10  Pada: k     sá eṣá svā́rājyo yajñáḥ

Pada: l     svā́rājyaṃ gacʰati yá eténa yájate

Line : 11  Pada: m     yád bŕ̥haspátir údajayat tásmād brāhmaṇó yajeta

Pada: n     yád índram áyājayam̐s tásmād rājanyàs \

Line : 12  Pada: o     devā́ vaí nā́nā yajñā́n ā́haran \

Pada: p     imám ahám imáṃ tvám íti \

Pada: q     átʰa vā́ etáṃ prajā́patir ā́harat

Line : 13  Pada: r     tásmin vā́ apitvám aicʰanta

Pada: s     tébʰyaś cʰándām̐sy újjitīḥ prā́yacʰat \

Line : 14  Pada: t     átʰa vā́ eténa prajā́patir ayajata

Pada: u     sá svā́rājyam agacʰat

Pada: v     sá eṣá svā́rajyo yajñáḥ

Line : 15  Pada: w     svā́rājyam gacʰati yá eténa yájate \

Pada: x     ánnam̐ vaí vā́jas

Pada: y     tád yá evám̐ vidvā́n ánnam átti vājáyati ha vā́ enam ánnam adyámānam \

Line : 16  Pada: z     sómo vaí vājapéyas

Line : 17  Pada: aa     tád yá evám̐ vidvā́nt sómaṃ píbati vā́jam̐ ha gacʰati

Pada: ab     yā́vanto hí devā́ḥ sómam ápibam̐s té vā́jam ágacʰan \

Line : 18  Pada: ac     tásmāt sárvaḥ sómaṃ pipāsati

Page: 167  
Line : 1  Pada: ad     vā́jam̐ ha gacʰati

Pada: ae     vā́g gʰí vā́jasya prasaváḥ

Pada: af     sā́ vaí vā́k sr̥ṣṭā́ caturdʰā́ vyàbʰavat \

Line : 2  Pada: ag     eṣú lokéṣu trī́ṇi túrīyāṇi

Pada: ah     paśúṣu túrīyam \

Pada: ai     yā́ pr̥tʰivyā́m̐ sā́gnaú sā́ ratʰantaré

Line : 3  Pada: aj     yā́ntárikṣe sā́ vā́te sā́ vāmadevyé

Pada: ak     yā́ diví sā́ br̥hatí sā́ stanayitnaú \

Line : 4  Pada: al     átʰa paśúṣu

Pada: am     táto yā́ vā́g atyáricyata tā́ṃ brāhmaṇé ny àdadʰus

Line : 5  Pada: an     tásmād brāhmaṇá ubʰáyīm̐ vā́cam̐ vadati yáś ca véda yáś ca ná

Line : 6  Pada: ao     yā́ br̥hadratʰantaráyor yajñā́d enaṃ táyā́gacʰati

Pada: ap     yā́ paśúṣu táya r̥teyajñám \

Pada: aq     tád yá evám̐ védā́ ha vā́ enam ápratikśātaṃ gacʰati

Line : 7  Pada: ar     yā́vatī vā́k tā́m̐ hí véda

Pada: as     vācā́ hí dīyánte vācā́ pradīyáye

Line : 8  Pada: at     yó gātʰānārāśam̐sī́bʰyām̐ sanóti ná tásya pratigŕ̥hyam

Line : 9  Pada: au     ánr̥tena hí sá tát sanóti

Pada: av     ná mattásya

Pada: aw     yadā́ hí tásya mádo vyéty átʰa táṃ tát tápati //


Anuvaka: 6  
Line : 11  Pada: a     saptádaśa vā́ eté dvayā́ gráhāḥ prājāpatyā́ḥ

Pada: b     saptadaśáḥ púruṣāḥ prājāpatyás \

Line : 12  Pada: c     catvā́ry áṅgāni śirogrīvám ātmā́

Pada: d     vā́k saptamī́

Pada: e     dáśa prāṇā́s \

Pada: f     áṅge'ṅge vaí púruṣasya pāpmópaśliṣṭas \

Line : 13  Pada: g     yád vyatiṣájan gráhān gr̥hṇā́ti \

Pada: h     áṅgādaṅgād evaínaṃ pāpmáno muñcati

Line : 14  Pada: i     śrī́r vaí sómaḥ

Pada: j     pāpmā́ suropayāmā́s \

Pada: k     ā́gate kālé prā́ñcaḥ sómair utkrā́manti

Line : 15  Pada: l     pratyáñcaḥ suropayāmaíḥ

Pada: m     pāpamánaivaínam̐ vípunanti

Line : 16  Pada: n     tásmād āhur

Pada: o     vājapeyayājy èvá pūtá íti

Pada: p     pāpamánā hy ènam̐ vipunánti

Line : 17  Pada: q     déva savitaḥ prásuva yajñáṃ prásuva yajñápatiṃ bʰágāyéti páruṣiparuṣi juhoti \

Line : 18  Pada: r     utsannayajñó vā́ eṣá

Pada: s     kó ha tád veda yád etásya kriyáte yán ná

Page: 168  
Line : 1  Pada: t     sarvatvā́yaivá prasavā́ya

Pada: u     vā́jasya nú prasavé mātáraṃ mahī́m íti rátʰam upā́vaharati \

Line : 2  Pada: v     iyám̐ vā́ áditis \

Pada: w     anáyaivaínaṃ prásūtam̐ savitrā́ copā́vaharati

Pada: x     vā́jasyójjityai \

Line : 3  Pada: y     apsv àntár amŕ̥tam apsú bʰeṣajám íty áśvānt snapayanti \

Pada: z     apsujā́ vā́ áśvās \

Line : 4  Pada: aa     svā́d evaínān yóner janayanti

Pada: ab     vāyúr vā tvā mánur vā tvéti yunakti

Line : 5  Pada: ac     ná vā́ etán manuṣyā̀ yóktum arhanti

Pada: ad     devátābʰir evaínān yunakti \

Pada: ae     ápāṃ napād āśuhemann íti rarā́ṭāni prátimārṣṭi

Line : 6  Pada: af     pū́rvam evá yájur uditám ánu vadati

Line : 7  Pada: ag     dundubʰī́n níhrādayanti

Pada: ah     vā́g vā́ eṣaíkā́raṇyaṃ prā́viśat

Pada: ai     tā́m evójjayati \

Pada: aj     átʰo yā́ vánaspátiṣu vā́k tā́m evā́varunddʰe

Line : 8  Pada: ak     saptadaśáḥ sárvo bʰavati

Pada: al     prajā́patir vaí saptadaśáḥ

Line : 9  Pada: am     prajā́patim evā́pnoti \

Pada: an     utsannayajñó vā́ eṣá

Pada: ao     sam̐vatsarā́d vā́ ádʰy utsannayajñó 'varudʰyate

Line : 10  Pada: ap     sam̐vatsarā́d evaínam ádʰy āptvā́varunddʰe //


Anuvaka: 7  
Line : 11  Pada: a     devásya savitúḥ prasavé satyásavaso várṣiṣṭʰaṃ nā́kam̐ ruheyam íti brahmā́ ratʰacakrám̐ sarpati

Line : 12  Pada: b     savitŕ̥prasūta evá vájram̐ sarpati

Pada: c     vā́jasyójjityai \

Line : 13  Pada: d     átʰo prajā́patir vaí brahmā́ yajñásya

Pada: e     prajā́patir evaínam̐ vájrād ádʰi prásuvati

Pada: f     vā́jasyójjityai

Line : 14  Pada: g     sā́ma gāyate

Pada: h     satyám̐ vaí sā́ma

Pada: i     satyénaivójjayati \

Pada: j     újjitir vājayati * \
      FN KS.14.7:206.14: ujjitīr vācayati

Line : 15  Pada: k     ánnam̐ vaí vā́jas \

Pada: l     annā́dyasyójjityai

Pada: m     devásya vayám̐ savitúḥ prasavé satyásavanasya bŕ̥haspáter vājíno vājajíto vā́jaṃ jeṣméti rátʰam abʰyā́tiṣṭʰati

Line : 17  Pada: n     savitŕ̥prasūta evá rátʰam abʰyā́tiṣṭʰati

Pada: o     vā́jasyójjityai

Pada: p     vājínām ŕ̥có 'nvāha

Line : 18  Pada: q     vā́jasyójjityai \

Pada: r     ājíṃ dʰāvanti

Pada: s     vā́jasyójjityai \

Line : 19  Pada: t     ánudiṣṭai rátʰair dʰā́vanti

Pada: u     dákṣiṇayaivá svargáṃ lokám eti

Pada: v     yád ánudiṣṭai rátʰair dʰā́vanti

Line : 20  Pada: w     dákṣiṇayā vā́ etád yájamānaḥ sahá svargáṃ lokám eti \

Pada: x     átʰaiṣá naivāráḥ saptádaśaśarāvas \

Line : 21  Pada: y     devā́ óṣadʰīṣu pakvā́sv ājím ayus

Pada: z     tā́ bŕ̥haspátir údajayat

Page: 169  
Line : 1  Pada: aa     sá etā́n nivā́rān nyàvr̥ṇīta

Pada: ab     tán nivā́rāṇāṃ nivāratvám \

Pada: ac     bŕ̥haspátir vaí tā́ údajayat

Line : 2  Pada: ad     tám evá bʰāgínaṃ karoti \

Pada: ae     áhim̐sāyai

Pada: af     tám adʰáś cā́tvālam̐ haranti \

Line : 3  Pada: ag     ihá vā́ asā́ ādityá āsīt

Pada: ah     tám itó 'dʰy amúṃ lokám aharan \

Pada: ai     tád yátó 'dʰy amúṃ lokám áharan yác cā́tvāle 'vadádʰati

Line : 4  Pada: aj     yájamānam evá svargáṃ lokám̐ haranti \

Line : 5  Pada: ak     ā́ mā vā́jasya prasavó jagamyād íti rátʰeṣu punarā́sr̥teṣu juhoti

Line : 6  Pada: al     yám evá vā́jam udájaiṣus tám ātmán dʰatte \

Pada: am     ájījapata vanaspatayā índrāya vā́cam̐ vímucyadʰvam íti ratʰavimocanī́yaṃ juhoti

Line : 7  Pada: an     yájuṣaivá yujyánte yájuṣā vímucyante

Line : 8  Pada: ao     vājínau vājajítau vā́jaṃ jitvā́ bŕ̥haspáter bʰāgám ávajigʰratam íti

Line : 9  Pada: ap     bʰāgínā evaínā akar

Pada: aq     vājínau vājajítau vā́jaṃ jitvā́ bŕ̥haspáter bʰāgé nímr̥jyetʰām íti

Line : 10  Pada: ar     sárvān evaínān prīṇāti \

Pada: as     ardʰavaśā́ṃ ca suropayāmā́m̐ś ca haranti yá ājíṃ dʰā́vanti

Line : 11  Pada: at     tébʰyo yám evá vā́jam udajaiṣus táṃ párikrīṇīte

Line : 12  Pada: au     madʰuṣṭʰāláṃ brahmáṇe

Pada: av     brahmáṇa evá téna párikrīṇīte

Pada: aw     kakúbʰo rājaputráḥ prā́śnāti

Line : 13  Pada: ax     vīryàm̐ vaí kakúp \

Pada: ay     vīryàm evā́tmán dʰatte //



Anuvaka: 8  
Line : 14  Pada: a     svò rohāvéhi svò rohāvéhi svò rohāvéti

Pada: b     svàr vā́ etád rokṣyán pátnyā sám̐vadate \

Line : 15  Pada: c     átʰo anvārambʰó vā́ eṣá yajñásya

Pada: d     pátnyā sahá svargé loké bʰavatas \

Line : 16  Pada: e     ā́yur yajñéna kalpate prāṇó yajñena kalpatā íti \

Pada: f     etā́vān vaí púruṣas \

Line : 17  Pada: g     yā́vān evá púruṣas tám āpnoti

Pada: h     sá sárvo bʰūtvā́ svargáṃ lokám eti

Line : 18  Pada: i     darbʰamáyam̐ vā́so bʰavati

Pada: j     pavitratvā́ya

Pada: k     gaudʰūmáṃ caṣā́lam \

Pada: l     prājāpatyā́ vai godʰū́mā árdʰaṃ práty āsā́m óṣadʰīnām \

Line : 19  Pada: m     sahaívā́nnā́dyenāmúṃ lokám eti

Line : 20  Pada: n     vā́jāya svā́hā prasavā́ya svā́héti

Pada: o     tráyodaśa vā́ etā́ ā́hutayas

Page: 170  
Line : 1  Pada: p     tráyodaśa mā́sāḥ sam̐vatasaráḥ

Pada: q     sam̐vatsarám̐ vā́vā́smā etád úpadadʰāti svargé loké

Line : 2  Pada: r     tásminn evá prátitiṣṭʰati \

Pada: s     ánnāya tvā vā́jāya tvā vājajityā́yai tvéty ūṣapuṭaír arpayanti

Line : 3  Pada: t     prājāpatyā́ vā́ ū́ṣāḥ śváḥśvo bʰū́yām̐so bʰavanti \

Line : 4  Pada: u     annā́dyenaivaínam arpayanti \

Pada: v     éti vā́ eṣò 'smā́l lokā́d yò 'múṃ lokám éti

Line : 5  Pada: w     yád ūṣapuṭaír árpayanti

Pada: x     ténāsmā́l lokā́n naíti

Pada: y     ténāsmíṃl loké dʰr̥tás \

Line : 6  Pada: z     híraṇyam abʰyávarohati

Pada: aa     téjo vaí híraṇyam \

Pada: ab     téjasy evá prátitiṣṭʰati

Line : 7  Pada: ac     bastājinám abʰyávarohati

Pada: ad     paśávo vaí bastājinám \

Pada: ae     paśúṣv evá prátitiṣṭʰati \

Line : 8  Pada: af     ánnasyānnasya juhoti vājaprasavyā̀bʰis \

Pada: ag     ánnam̐ vaí vā́jas \

Pada: ah     annā́dyasyā́varuddʰyai \

Line : 9  Pada: ai     ubʰáyaṃ grāmyáṃ cāraṇyáṃ ca juhoti \

Pada: aj     ubʰáyasyānnā́dyasyā́varuddʰyai \

Pada: ak     aúdumbareṇa sruvéṇa juhoti \

Line : 10  Pada: al     ū́rg vā́ udumbáras \

Pada: am     ūrjó 'varuddʰyai

Pada: an     saptábʰir juhoti

Pada: ao     saptá vaí cʰándām̐si

Line : 11  Pada: ap     cʰándobʰir evā́smā annā́dyam ávarunddʰe \

Pada: aq     átʰo * vā́g vaí cʰándām̐si
      FN emended. Ed.: átʰa

Pada: ar     vācaívā́smā annā́dyaṃ práyacʰati //


Anuvaka: 9  
Line : 13  Pada: a     átʰaitè 'tigrāhyā̀s \

Pada: b     yád evā́dáḥ páramannā́dyam ánavaruddʰaṃ tásyaité 'varuddʰyai gr̥hyante \

Line : 14  Pada: c     átʰaité paśávā ā́labʰyante

Pada: d     yajñakratūnā́m ávaruddʰyai

Pada: e     yád āgeyás \

Pada: f     agniṣṭomáṃ ténā́varunddʰe

Line : 15  Pada: g     yád aindrāgnás \

Pada: h     uktʰyàṃ téna

Pada: i     yád aindró vr̥ṣṇíḥ

Pada: j     ṣoḍaśínaṃ téna

Line : 16  Pada: k     yát sārasvatī́ meṣī́

Pada: l     yád evā́dáḥ saptadaśám̐ stotrám ánāptam ánavaruddʰaṃ tád evaítáyāpnoti tád ávarunddʰe \

Line : 17  Pada: m     atʰaiṣā́ vaśā́s \

Pada: n     devā́ś ca vā́ ásurāś cāspardʰanta

Line : 18  Pada: o     néme devā́ ā́san némé 'surās

Pada: p     té devā́ etā́m̐ vaśā́m apaśyan \

Pada: q     táyā lokáṃ dvitī́yam avr̥ñjatāsuralokám \

Line : 19  Pada: r     yásyāvadyáti sá devalokó yásya nā́vadyáti sò 'suralokás

Line : 20  Pada: s     táṃ lokám evaítáyā dvitī́yam̐ yájamāno vr̥ṅkte bʰrātr̥vyalokám evá

Line : 21  Pada: t     sārasvaty ànyéṣām uttamā́ bʰavati sārasvaty ànyéṣāṃ pratahamā́

Pada: u     vā́g vaí sárasvatī

Page: 171  
Line : 1  Pada: v     vācā́ yajñáḥ sáṃtatas \

Pada: w     vācaívá yajñám̐ sáṃtanoti

Pada: x     yád vaí yajñásya vidvā́n ná karóti yác cā́vidvān antaréti tác cʰidrám \

Line : 2  Pada: y     tád vācaívá sárasvatyā kalpayati \

Line : 3  Pada: z     ániruktaḥ prātaḥsaváḥ

Pada: aa     prajā́patim evá ténāpnoti

Pada: ab     víyonir vaí vājapéyaḥ prājāpatyáḥ sán * níruktasāmā
      FN emended. Ed.: sá. cf. KS.14.10:209.1

Line : 4  Pada: ac     yád ániruktaḥ prātaḥsavás

Pada: ad     téna sáyoni

Line : 5  Pada: ae     ratʰantarám̐ sā́ma bʰavati \

Pada: af     ā́śīyā újjityai \

Pada: ag     átʰo iyám̐ vaí ratʰantarám

Line : 6  Pada: ah     asyā́m evá sūyate

Pada: ai     vā́javatīr mā́dʰyaṃdine pávamāne bʰavanti \

Pada: aj     ánnam̐ vaí vā́jas \

Line : 7  Pada: ak     annā́dyasyā́varuddʰyai

Pada: al     citrávatīr ā́rbʰave pávamāne bʰavanti

Pada: am     svargásya lokásya sámaṣṭyai

Line : 8  Pada: an     śipiviṣṭávatīṣu stuvate \

Pada: ao     eṣā́ vaí prajā́pateḥ paśuṣṭʰā́s tanū́r yáñ śipiviṣṭám \

Line : 9  Pada: ap     tásmāñ śipiviṣṭávatīṣu stuvata

Pada: aq     āṣṭādam̐ṣṭrám uttamám uktʰā́nāṃ bʰavati \

Line : 10  Pada: ar     úttare evá stotré abʰisáṃtanoti

Pada: as     yád vaí yajñásyātiricyáte 'múṃ táṃ lokám abʰyátiricyate

Line : 11  Pada: at     br̥hát tv èvā́múṃ lokám ā́ptum arhati \

Pada: au     indriyám̐ vaí vīryàṃ br̥hád

Line : 12  Pada: av     yád br̥hatā́ stuváte *
      FN sic

Pada: aw     indriyé vā́ etád vīryè tatò yajñásya yájamānaḥ prátitiṣṭʰati //


Anuvaka: 10  
Line : 14  Pada: a     agnír ékākṣarām údajayad aśvínau dvyàkṣarām̐ víṣṇus tryàkṣarām̐ sómaś cáturakṣarām̐ savitā́ páñcākṣarāṃ pūṣā́ ṣáḍakṣarāṃ marútaḥ saptā́kṣarāṃ bŕ̥haspátir aṣṭā́kṣarāṃ mitró návākṣarām̐ váruṇo dáśākṣarām índrā ékādaśākṣarām̐ víśve devā́ dvā́daśākṣarām̐ vásavas tráyodaśākṣarām̐ rudrā́ś cáturdaśākṣarām ādityā́ḥ páñcadaśākṣarām áditiḥ ṣóḍaśākṣarāṃ prajā́patiḥ saptadaśás \

Line : 19  Pada: b     agnír ékākṣarayā vā́cam údajayad aśvínau dvyàkṣarayā prāṇāpānā́ údajayatām̐ víṣṇus tryàkṣarayā trī́ṇ imā́ṃl lokā́n údajayat sómaś cáturakṣarayā cátuṣyadaḥ paśū́n údajayat savitā́ páñcākṣarayā páñca díśā údajayat pūṣā́ ṣáḍakṣarayā ṣáḍ r̥tū́n údajayan marútaḥ saptā́kṣarayā saptápadām̐ śákvarīm údajayan bŕ̥haspátir aṣṭā́kṣarayāṣṭaú díśā údajayac cátasro díśas cátasró 'kuśalīr mitró návākṣarayā náva prāṇā́n údajayad váruṇo dáśākṣarayā virā́jam údajayad índrā ékādaśākṣarayā triṣṭúbʰam údajayad víśve devā́ dvā́daśākṣarayā jágatīm údajayan vásavas tráyodaśākṣarayā trayodaśáṃ mā́sam údajayan rudrā́ś cáturdaśākṣarayā caturdaśáṃ mā́sam údajayann ādityā́ḥ páñcadaśākṣarayā pañcadaśáṃ mā́sam údajayann áditiḥ ṣóḍaśākṣarayā ṣoḍaśáṃ mā́sam údajayat prajā́patiḥ saptadaśás \

Page: 172  
Line : 9  Pada: c     agnír ékākṣarayódajayan mā́m imā́ṃ pr̥tʰivī́m aśvínau dvyàkṣarayā pramā́m antárikṣam̐ víṣṇus tryàkṣarayā pratimā́m̐ svargáṃ lokám̐ sómaś cáturakṣarayāśrīvī́r nákṣatrāṇi savitā́ páñcākṣarayākṣárapaṅktim údajayad yā́ hy àkṣárapaṅktiḥ sā́ paṅktíś caturdʰā́ hy ètásyāḥ páñca pañcākṣárāṇi pūṣā́ ṣáḍakṣarayā gāyatrī́m údajayac caturdʰā́ hy ètásyāḥ ṣáṭ ṣaḍakṣárāṇi marútaḥ saptā́kṣarayoṣṇíham údajayam̐ś caturdʰā́ hy ètásyāḥ sptá saptākṣárāṇi bŕ̥haspátir aṣṭā́kṣarayānuṣṭúbʰam údajayac caturdʰā́ hy ètásyā aṣṭā́ṣṭā * akṣárāṇi mitró návākṣarayā br̥hatī́m údajayac caturdʰā́ hy ètásyā náva navākṣárāṇi váruṇo dáśākṣarayā virā́jam údajayac caturdʰā́ hy ètásyā dáśa daśākṣárāṇī́ndrā ékādaśākṣarayā triṣṭúbʰam údajayac caturdʰā́ hy ètásya ékādaśaikādaśākṣárāṇi víśve devā́ dvā́daśākṣarayā jágatīm údajayam̐ś caturdʰā́ hy ètásyā dvā́daśa dvādaśākṣárāṇi vásavas tráyodaśākṣarayā trayodaśáṃ mā́sam údajayan rudrā́ś cáturdaśākṣarayā caturdaśáṃ mā́sam údajayann ādityā́ḥ páñcadaśākṣarayā pañcadaśáṃ mā́sam údajayann áditiḥ ṣóḍaśākṣarayā ṣoḍaśáṃ mā́sam údajayat prajā́patiḥ saptadaśás \
      FN Correcturen und Conjecturen zu dem ganzen Werk.

Page: 173  
Line : 2  Pada: d     agnáyā ékākṣarayā cʰándase svā́hāśvíbʰyāṃ dvyàkṣarāya cʰándase svā́hā víṣṇave tryàkṣarāya cʰándase svā́hā sómāya cáturakṣarāya cʰándase svā́hā savitré páñcākṣarāya cʰándase svā́hā pūṣṇe ṣáḍakṣarāya cʰándase svā́hā marúdbʰyaḥ saptā́kṣarāya cʰándase svā́hā bŕ̥haspátaye 'ṣṭā́kṣarāya cʰándase svā́hā mitrā́ya návākṣarāya cʰándase svā́hā váruṇāya dáśākṣarāya cʰándase svā́héndrāyaíkādaśākṣarāya cʰándase svā́hā víśvebʰyo devébʰyo dvā́daśākṣarāya cʰándase svā́hā vásubʰyas tráyodaśākṣarāya cʰándase svā́hā rudrébʰyaś cáturdaśākṣarāya cʰándase svā́hādityébʰyaḥ páñcadaśākṣarāya cʰándase svā́hā́dityai ṣóḍaśākṣarāya cʰándase svā́hā prajā́patiḥ saptadaśáḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.