TITUS
Black Yajur-Veda: Maitrayani-Samhita
Part No. 12
Previous part

Kanda: 2  
Prapathaka: 1  
Anuvaka: 1  
Page: 1  
Line : 1  Pada: a     aindrāgnám ékādaśakapālaṃ nívarped yásya sajātā́ vīyāyús \

Line : 2  Pada: b     ójo vaí vīryàm indrāgnī́

Pada: c     ójasaivaínān vīryèṇa púnar úpāsyate \

Pada: d     aindrāgnám ékādaśakapālaṃ nívarped bʰrā́tr̥vyavān

Line : 3  Pada: e     ójo vaí vīryàm indrāgnī́

Pada: f     ójasaivaínān vīryèṇābʰíbʰavati \

Line : 4  Pada: g     aindrāgnám ékādaśakapālaṃ nírvapet prajā́kāmo yó 'laṃ prajā́yai sán prajā́ṃ ná vindéta

Line : 5  Pada: h     prajā́pater vā́ indrāgnī́ prajā́m ápāgūhatām \

Pada: i     tā́ eténa bʰāgadʰéyenópādʰāvat

Line : 6  Pada: j     tā́ asmai prajā́ṃ púnar adattām

Pada: k     indrāgnī́ kʰálu vā́ etásya prajā́m úpagūhato yó 'laṃ prajā́yai sán prajā́ṃ ná vindáte

Line : 7  Pada: l     tā́ evá bʰāgadʰéyenópāsarat

Line : 8  Pada: m     tā́ asmai prajā́ṃ púnar dattas \

Pada: n     vindádvatī yājyānuvākyè bʰavatas \

Line : 9  Pada: o     víttyā evá \

Pada: p     aindrāgnám ékādaśakapālaṃ nírvapet saṃgrāmám abʰiprayā́n

Pada: q     ójo vaí vīryàm indrāgnī́

Line : 10  Pada: r     ójasaivaínam̐ vīryèṇābʰipráyāti \

Pada: s     aindrāgnám ékādaśakapālaṃ nírvapet saṃgrāmám̐ sam̐yátya \

Line : 11  Pada: t     ójo vaí vīryàm indrāgnī́

Pada: u     ójasaivaínam̐ vīryèṇa jayati

Line : 12  Pada: v     sá yadā́ saṃgrāmáṃ jáyed átʰaindrāgnám ékādaśakapālaṃ nívarpet \

Pada: w     ójasā vā́ eṣá vīryèṇa vhr̥̀dʰyate yáḥ saṃgrāmáṃ jáyati \

Line : 13  Pada: x     ójo vīryàm indrāgnī́

Line : 14  Pada: y     ójasaivaínam̐ vīryèṇa sámardʰayatas \

Pada: z     aindrāgnám ékādaśakapālaṃ nívarpet pauṣṇáṃ carúṃ janátām abʰiprayā́n

Line : 15  Pada: aa     ójo vaí vīryàm indrāgnī́

Pada: ab     ójasainaínām̐ vīryèṇābʰipráyāti

Line : 16  Pada: ac     púṣā́ vīryàsyānupradātā́

Pada: ad     sò 'smai víryàm anupráyacʰati \

Pada: ae     aindrāgnám ékādaśakapālaṃ nírvapet pauṣṇáṃ carúṃ kṣétrasya pátaye carúṃ kṣétram adʰyavasyán \

Page: 2  
Line : 1  Pada: af     ójo vaí vīryàm indrāgnī́

Line : 2  Pada: ag     ójasaivā́smai vīryèṇa lokám̐ vindataḥ

Pada: ah     pūṣā́ vīryàsyānupradātā́

Line : 3  Pada: ai     sò 'smai vīryàm anupráyacʰati \

Pada: aj     iyáṃ kṣétrasya pátnī \

Pada: ak     asyā́m evá prátitiṣṭʰati //


Anuvaka: 2  
Line : 5  Pada: a     agnáye vaiśvānarā́ya dvā́daśakapālaṃ nívarpet kā́māya

Pada: b     sam̐vatsaró vā́ agnír vaiśvānaráḥ

Line : 6  Pada: c     sam̐vatsaró kā́ma āpyate

Pada: d     sam̐vatsarám evā́pat

Pada: e     sò 'smai kā́mam āpnoti yátkāmo bʰávati \

Line : 7  Pada: f     agnáye vaiśvānarā́ya dvā́daśakapālaṃ nírvapet sámāntam abʰidʰrokṣyán \

Line : 8  Pada: g     sam̐vatsaró vā́ agnír vaíśvānaráḥ

Pada: h     sam̐vatsarā́ya sámamyate

Pada: i     sam̐vatsarám evā́ptvā́ varuṇáṃ kā́mam abʰídruhyati \

Line : 9  Pada: j     agnáye vaiśvānarā́ya dvā́daśakapālaṃ nírvapet saníṃ praiśyán \

Line : 10  Pada: k     sam̐vatsaró vā́ agnír vaiśvānaráḥ

Pada: l     sam̐vatsarā́ya prátigr̥hyate

Line : 11  Pada: m     sam̐vatsarám evā́ptvā́ sātā́m̐ saním̐ vanute

Pada: n     sá yadā́ vanvītā́tʰāgnáye vaiśvānarā́ya dvā́daśakapālaṃ nírvapet

Line : 12  Pada: o     sam̐vatsaró vā́ agnír vaiśvānaráḥ

Pada: p     sam̐vatsarám eṣá práyuṅkte

Line : 13  Pada: q     sam̐vatsará etásmai vanute

Pada: r     tám evá bʰāgínam akar \

Pada: s     tám̐ vyàmauk \

Pada: t     yáṃ dviśyā́t tásmai dákśiṇāṃ dadyāt

Line : 14  Pada: u     pā́śena vā́ eśá carati

Pada: v     tám evā́smin prátimuñcati \

Line : 15  Pada: w     ékahāyano gaúr dákṣiṇā

Pada: x     sá hí sam̐vatsarásya pratimā́ \

Pada: y     agnáye vaiśvānarā́ya dvā́daśakapālaṃ nírvaped anannám atsyán \

Line : 16  Pada: z     sam̐vatsaró vā́ agnír vaiśvānaráḥ

Pada: aa     sam̐vatsarā́yaivaínad ápyadʰāt

Line : 17  Pada: ab     sá yadā́nannám adyā́d átʰāgnáye vaiśavānarā́ya dvā́daśakapālaṃ nírvapet \

Line : 18  Pada: ac     yád evā́do 'nannám átti tád asmai sam̐vatsaráḥ svadayati

Pada: ad     svaditám evā́tti

Line : 19  Pada: ae     sī́saṃ dákṣiṇā kr̥ṣṇám̐ vā vā́sas \

Pada: af     anannám̐ vaí sī́sam anannáṃ kr̥ṣṇám

Pada: ag     anannénaivā́nannám apahátyānnā́dyam ātmán dʰatte \

Line : 20  Pada: ah     agnáye vaiśvānarā́ya dvā́daśakapālaṃ nírvapet saṃgrāmám abʰiprayā́n \

Line : 21  Pada: ai     sam̐vatsaró vā́ agnír vaiśvānaráḥ

Pada: aj     sam̐vatsaréṇaivaínam abʰipráyāti \


Page: 3  
Line : 1  Pada: ak     agnáye vaiśvānarā́ya dvā́daśakapālaṃ nírvapet saṃgrāmám̐ sam̐yátya

Line : 2  Pada: al     yataró vaí saṃgr̥bʰāṇáyor āyátanavattaro bʰávati sá jayati \

Pada: am     iyám̐ vā́ agnír vaiśvānarás \

Line : 3  Pada: an     imā́m evā́yátanam akr̥ta \

Pada: ao     asyā́ṃ párākram̐sta

Pada: ap     jáyati saṃgrāmám \

Pada: aq     sá yadā́ saṃgrāmáṃ jáyed átʰāgnáye vaiśvānarā́ya dvā́daśakapālaṃ nírvapet

Line : 4  Pada: ar     sam̐vatsaró vā́ agnír vaiśvānaráḥ

Line : 5  Pada: as     sam̐vatsarám eṣá práyuṅkte

Pada: at     sam̐vatsará etásmai jayati

Pada: au     tám evá bʰāgínam akar \

Line : 6  Pada: av     tám̐ vyàmauk \

Pada: aw     agnáye vaiśvānarā́ya dvā́daśakapālaṃ nírvaped yáḥ kāmáyeta \ anéna rā́jemā́n yávān vrīhī́n v ā́dadʰīya \ íti

Line : 7  Pada: ax     sam̐vatsaró vā́ agnír vaiśvānaráḥ

Line : 8  Pada: ay     sam̐vatsarò 'nnā́dyasya pradātā́

Pada: az     tám evá bʰāgadʰéyenópāsarat

Pada: ba     sò 'smā annā́dyaṃ práyacʰati \

Line : 9  Pada: bb     agnáye vaiśvānarā́ya dvā́daśakapālaṃ nírvaped vāruṇáṃ yavamáyam carúm

Line : 10  Pada: bc     āmayāvínam̐ yājayet \

Pada: bd     váruṇagr̥hīto vā́ eṣá yá āmayāvī́

Pada: be     váruṇād evaínaṃ téna muñcati \

Line : 11  Pada: bf     asaú vā́ ādityò 'gnír vaiśvānarás \

Anuvaka: 3  
Pada: a     amúnā vā́ enam etáṃ nígr̥hītam̐ váruṇo gr̥hṇāti

Line : 12  Pada: b     táta enaṃ muktvā́ yā́vān evā́syātmā́ tám̐ váruṇān muñcati


Anuvaka: 2  
Line : 13  Pada: a     vāruṇáṃ carúṃ nírvaped yavamáyam íyantam * agnáye vaiśvānarā́ya dvā́daśakapālam \
      FN Correcturen und Conjecturen zu dem ganzen Werk.

Pada: b     bʰū́tikāmam̐ yājayet \

Line : 14  Pada: c     váruṇagr̥hīto vā́ eṣá yó bʰū́tikāmas \

Line : 15  Pada: d     váruṇād evaínaṃ téna muñcati \

Pada: e     íyām̐ś carúr bʰavati \

Pada: f     etā́vān vā́ ātmā́

Pada: g     yā́vān evā́syā́tmā́ tám̐ varuṇāt muktvā́ \

Line : 16  Pada: h     asaú vā́ ādityò 'gnír vaiśvānarás \

Line : 17  Pada: i     amúm enam anvā́rambʰayati \

Pada: j     amúṣyainam ādityásya mātrā́ṃ gamayati //


Anuvaka: 3  
Line : 18  Pada: a     agnáye jātávedase 'ṣṭā́kapālaṃ nírvaped dadʰikrā́vṇā ékādaśakapālam agnáye vaiśvānarā́ya dvā́daśakapālam̐ yáḥ sarvavedasī́ pratʰamā́m íṣṭim ālábʰeta \

Line : 19  Pada: b     agnír vā́ etásya tád veda yátrāsyeṣṭám̐ yátra sukr̥tám

Line : 20  Pada: c     agnír evā́smai tád vindati \

Pada: d     amedʰyó vā́ eṣá yáḥ sárvaṃ dádāti

Line : 21  Pada: e     tád dadʰikrā́vaivaínaṃ médʰyaṃ karoti

Pada: f     sam̐vatsaró vā́ agnír vaiśvānaráḥ

Page: 4  
Line : 1  Pada: g     sam̐vatsaró vā́ etásya tád veda yátrāsyeṣṭám̐ yátra sukr̥tám \

Line : 2  Pada: h     sam̐vatsará evā́smai tád vindati \

Pada: i     agnáye surabʰimáte 'ṣṭā́kapālaṃ nírvapet \

Pada: j     abʰiśasyámānam̐ yājayet \

Line : 3  Pada: k     rátʰaprotam̐ vaí dārbʰyám abʰyàśam̐san \

Pada: l     táṃ kaulakāvatī́ abrūtām \

Line : 4  Pada: m     tátʰā tvā yājayiṣyāvo yátʰā té 'nnam atsyánti

Pada: n     yátra grāmyásya paśór nópaśr̥ṇávas tád gacʰa

Line : 5  Pada: o     yás tvā káś copā́yat tūṣṇī́m evā́sva \

Pada: p     íti

Pada: q     tám̐ ha sma vaí vyāgʰrā́ upagʰrā́yaṃ tūṣṇī́m evā́pakrāmanti

Line : 6  Pada: r     taú vaí tátraivá śvó bʰūté yajñāyudʰaír anvétyāgníṃ matʰitvā́gnáye surabʰimáte 'ṣṭā́kapālaṃ níravapatām \

Line : 7  Pada: s     táto vā́ enaṃ ná páryavr̥ñjan

Line : 8  Pada: t     yám abʰiśám̐seyus tam etáyā yājayet \

Pada: u     durabʰí vā́ etám āradyám abʰiśám̐santi \

Line : 9  Pada: v     eṣā́ vā́ agnér bʰeṣajā́ tanū́r yát surabʰís \

Pada: w     bʰeṣajám evā́smā akaḥ

Line : 10  Pada: x     surabʰím enam akaḥ

Pada: y     śamáyaty evá \

Pada: z     agnáye pávamānāyāṣṭā́kapālaṃ nírvaped dadʰikrā́vṇā ékādaśakapālam agnáye vaiśvānarā́ya dvā́daśakapālaṃ púnar étya gr̥héṣu

Line : 12  Pada: aa     pávamāna evaínaṃ punā́ty agnír níṣṭapati \

Pada: ab     ápūto vā́ eṣá yám abʰiśám̐santi

Pada: ac     naínaṃ dadʰikrā́vā caná pāvayā́ṃkriyād íti kʰálu vā́ āhus

Line : 13  Pada: ad     tád dadʰikrā́vaivaínaṃ pāvayati

Line : 14  Pada: ae     sam̐vatsaró vā́ agnír vaiśvānaráḥ

Pada: af     sam̐vatsará evaínam̐ svadayati \

Pada: ag     āgneyám aṣṭā́kapālaṃ nírvaped agnīṣomī́yam ékādaśakapālaṃ dyāvāpr̥tʰivī́yaṃ dvíkapālam̐ yáḥ saṃgrāmáṃ jígīṣen nr̥jyāyám̐ vā jíjyāset \

Line : 16  Pada: ah     ŕ̥ddʰyā evā́gneyás \

Line : 17  Pada: ai     agnī́ṣómābʰyām̐ vaí vīryèṇéndro vr̥trám ahan

Pada: aj     vr̥tráṃ kʰálu vā́ eṣá hanti yáḥ saṃgrāmáṃ jáyati nr̥jyāyám̐ vā jinā́ti

Line : 18  Pada: ak     tád vā́rtragʰnam evaítát \

Pada: al     índro vaí vr̥trā́ya vájram údayacʰat

Line : 19  Pada: am     tám̐ dyā́vāpr̥tʰivī́ nā́nvamanyetām \

Pada: an     tám eténa bʰāgadʰéyenā́nvamanyetām \

Line : 20  Pada: ao     yád dyāvāpr̥tʰivī́yas \

Pada: ap     vájrasyā́numatyai \

Pada: aq     átʰo ánumatavajro 'sad íti

Line : 21  Pada: ar     sá yadā́ saṃgrāmáṃ jáyen nr̥jyāyám̐ vā jinīyā́d átʰāgneyám aṣṭā́kapālaṃ nírvaped aindrāgnám ékādaśakapālaṃ dyāvāpr̥tʰivī́yaṃ dvíkapālam

Line : 22  Pada: as     ŕ̥ddʰyā evā́gneyás \


Page: 5  
Line : 1  Pada: at     agnī́ṣómābʰyām̐ vaí vīryèṇéndro vr̥trám ahan \

Pada: au     sá ójasā vīryèṇa vyā̀rdʰyata

Line : 2  Pada: av     sá etám aindrāgnám apaśyat

Pada: aw     ténaújo vīryàm ātmánn adʰatta \

Pada: ax     ójasā vā́ eṣá vīryèṇa vyr̥̀dʰyate yáḥ saṃgrāmáṃ jáyati nr̥jyāyám̐ vā jinā́ti \

Line : 3  Pada: ay     ójo vīryàm indrāgnī́

Line : 4  Pada: az     ójasaivaínam̐ vīryèṇa sámardʰayatas \

Pada: ba     átʰa yád dyāvāpr̥tʰivī́yas \

Line : 5  Pada: bb     yé evā́smai vájram anvámam̐sātāṃ tā́bʰyām eṣá bʰāgáḥ kriyate //


Anuvaka: 4  
Line : 6  Pada: a     agnīṣomī́yam ékādaśakapālaṃ nírvaped brāhmaṇáḥ kā́māya \

Pada: b     agnīṣomī́yo vaí brāhmaṇó devátayā

Line : 7  Pada: c     svā́m evá devátāṃ kā́māya bʰāgadʰéyenópāsarat

Pada: d     tā́ asmai kā́mam̐ sámardʰayato yátkāmo bʰávati \

Line : 8  Pada: e     agnīṣomī́yam ékādaśakapālaṃ nírvapet \

Line : 9  Pada: f     brāhmaṇáṃ bʰū́tikāmam̐ yājayet \

Pada: g     devā́ vaí satrám āsata kurukṣetrè 'gníḥ sómā índras

Line : 10  Pada: h     tè 'bruvan

Pada: i     yatamáṃ naḥ pratʰamám̐ yásá r̥cʰā́t táṃ naḥ sahéti

Pada: j     téṣām̐ vaí sómam̐ yáśa ārcʰat

Line : 11  Pada: k     tám abʰisámagacʰanta

Pada: l     tásmāt sómam abʰisáṃgacʰante

Pada: m     sá hí yaśasvítamas

Line : 12  Pada: n     tád vaí sómo nyàkāmayata

Pada: o     sá girím agacʰat

Pada: p     tám agnír ánvagacʰat

Pada: q     taú girā́ agnī́ṣómau sámabʰavatām \

Line : 13  Pada: r     tásmāt sadadí girā́ agnír dáhati giraú sómaḥ

Line : 14  Pada: s     sá vā́ índraḥ śitʰirá ivāmanyata

Pada: t     sò 'gnī́ṣómā ánvagacʰat

Pada: u     tā́ abravīt \

Line : 15  Pada: v     yājáyataṃ méti

Pada: w     tám̐ vā́ etáyāgnī́ṣómā ayājayatām \

Pada: x     tásmim̐s téjo 'gnír ádadʰād indriyám̐ sómas

Line : 16  Pada: y     tátā índro 'bʰavat \

Pada: z     yó bʰū́tikāmaḥ syā́t tám etáyā yājayet

Line : 17  Pada: aa     téja evā́sminn agnír dádʰātīndriyám̐ sómas \

Pada: ab     bʰávaty evá \

Pada: ac     agnīṣomī́yam ékādaśakapālaṃ nírvapeñ śyāmākám̐ vasántā brahmavarcasákāmas \

Line : 19  Pada: ad     agnī́ṣómau vaí brahmavarcasásya pradātā́rau

Pada: ae     tā́ evá bʰāgadʰéyenópāsarat

Pada: af     tā́ asmai brahmavarcasáṃ práyacʰatas

Line : 20  Pada: ag     vasántā yajeta

Pada: ah     vasantó vaí brāhmaṇásya r̥túḥ

Page: 6  
Line : 1  Pada: ai     svá evā́smā r̥taú brahmavarcasáṃ práyacʰatas \

Pada: aj     yát puroḍā́śas ténāgneyás \

Pada: ak     yáñ śyāmākás téna saumyáḥ

Line : 2  Pada: al     sárvam evā́gnī́ṣómābʰyām̐ havyám̐ saṃprā́dāt

Pada: am     tā́ asmai sárvaṃ brahmavarcasáṃ práyacʰataḥ

Line : 3  Pada: an     saumāgnī́ sam̐yājyè syātām \

Pada: ao     téjo vā́ agnís \

Pada: ap     indriyám̐ sómas

Line : 4  Pada: aq     téjasā ca vā́vā́smā etád indriyéṇa cobʰayáto brahmavarcasáṃ párigr̥hṇāti

Line : 5  Pada: ar     saumāpauṣṇáṃ carúṃ nírvapen nemapiṣṭaṃ paśúkāmaḥ

Pada: as     sómo vai retodʰā́ḥ

Line : 6  Pada: at     pūṣā́ paśūnā́ṃ prajanayitā́

Pada: au     sóma evā́smai réto dádʰāti

Pada: av     pūṣā́ paśū́n prájanayati

Line : 7  Pada: aw     saumendráṃ carúṃ nírvapet purodʰā́kāmaḥ

Pada: ax     saumyó vaí brāhmaṇó devátayā \

Line : 8  Pada: ay     aindró rājanyàs \

Pada: az     anapadoṣyáṃ kʰálu vaí sómaḥ práyacʰati

Pada: ba     tám evá bʰāgadʰéyenópāsarat

Line : 9  Pada: bb     sò 'smā anapadoṣyám̐ rāṣṭráṃ práyacʰati \

Pada: bc     āgnivāruṇáṃ carúṃ nírvapet sámāntam abʰidrúhyāmayāvī́ vā \

Line : 10  Pada: bd     ánr̥tam̐ vā́ eṣá karoti yáḥ sámāntam abʰidrúhyati

Line : 11  Pada: be     devátā vā́ eṣá āradyó 'nr̥taṃ karóti \

Pada: bf     agnír vaí sárvā devátās \

Pada: bg     átra vaí sā́pi devátā yā́m ā́rat táta enaṃ muñcati

Line : 12  Pada: bh     yád vāruṇás \

Pada: bi     váruṇād evaínaṃ téna muñcati

Line : 13  Pada: bj     tát kājavám̐ vā́ etát kriyate sárvasyā́veṣṭiḥ sárvasya prā́yaścittiḥ //


Anuvaka: 5  
Line : 15  Pada: a     saumāraudráṃ gʰr̥té carúṃ nírvapeñ śuklā́nām̐ vrīhīṇā́ṃ brahmavarcasákāmaḥ

Line : 16  Pada: b     svàrbʰānur vā́ āsuráḥ sū́ryaṃ támasāvidʰyat

Pada: c     tám̐ sómārudrā́ abʰiṣajyatām \

Pada: d     tásya vā́ eténaivá śámalam apā́hatām

Line : 17  Pada: e     eténāsmim̐s téjo 'dʰattām \

Pada: f     yó brahmavarcasákāmaḥ syā́t tám etáyā yājayet \

Line : 18  Pada: g     śámalam evā́syāpahánti

Pada: h     téjo 'smin dadʰāti \

Line : 19  Pada: i     íyām̐ś carúr bʰavati \

Pada: j     etā́vān vā́ ātmā́

Pada: k     yā́vān evā́syātmā́ tā́vad asmim̐s téjo dadʰāti

Line : 20  Pada: l     śuklā́ vrīháyo bʰávanti śvetā́ gā́ ā́jyāya duhanti

Pada: m     téja evaítát sáṃbʰriyate


Page: 7  
Line : 1  Pada: n     gʰr̥táṃ prókṣaṇaṃ bʰavati

Pada: o     gʰr̥téna mārjayante

Pada: p     gʰr̥té bʰavati

Pada: q     bʰū́ya evā́simm̐s téjo dadʰāti

Line : 2  Pada: r     yásyā rā́tryāḥ prātár yakṣyámāṇaḥ syā́n nā́sya tā́m̐ rā́trīm apó gr̥hā́n práhareyus \

Line : 3  Pada: s     ā́po vaí śā́ntiḥ

Pada: t     śamáyeyur evá

Pada: u     páriśrite yājayanti

Pada: v     téjasaḥ párigr̥hītyai

Line : 4  Pada: w     sākám̐ raśmíbʰiḥ prácaranti

Pada: x     sākám evā́sya rasmíbʰiḥ śámalam ápagʰnanti

Line : 5  Pada: y     tiṣyāpūrṇamāsé yājayet

Pada: z     sómo vaí candrámās \

Pada: aa     rudrás tíṣyaḥ

Pada: ab     saṃpraty èvaínā úpāsarat

Line : 6  Pada: ac     prācī́nam̐ vaí saumī́r óṣadʰayaḥ

Pada: ad     pratīcī́nam̐ raudrī́s \

Pada: ae     ná hí prācī́nam̐ śúṣyanti śúṣyanti pratīcī́nam \

Line : 7  Pada: af     mánor ŕ̥co bʰavanti

Pada: ag     mánur vaí yát kíṃcā́vadat tád bʰeṣajám evā́vadat

Line : 8  Pada: ah     tád bʰeṣajatvā́yaivá \

Pada: ai     etā́ḥ śakvarīr bʰavanti

Pada: aj     śaktyai

Pada: ak     nārāśam̐sī́r bʰavanti

Line : 9  Pada: al     śā́ntyai

Pada: am     kilāsatvā́d vā́ etásya bʰayám

Pada: an     áti * hy àpahánti
      FN emended. Ed.: ati

Line : 10  Pada: ao     saumāpauṣṇáṃ carúṃ nírvapen némapiṣṭaṃ paśúkāmaḥ

Pada: ap     saumyó vaí brāhmaṇó devátayā

Line : 11  Pada: aq     paśávaḥ pūṣā́

Pada: ar     svā́m̐ vā́ etád devátāṃ paśúbʰir bam̐hayate

Pada: as     tvácam evā́kr̥ta //


Anuvaka: 6  
Line : 13  Pada: a     saumāraudráṃ carúṃ nírvapet kr̥ṣṇā́nām̐ vrīhīṇā́m abʰicáran \

Pada: b     saumī́r vā́ óṣadʰayas

Line : 14  Pada: c     táta enaṃ niryā́cya rudrā́yāsya paśū́n ápidadʰāti

Pada: d     kr̥ṣṇā́ vrīháyo bʰavanti

Line : 15  Pada: e     támo vaí kr̥ṣṇám \

Pada: f     mr̥tyús támas \

Pada: g     mr̥tyúnaivaínaṃ grāhayati

Pada: h     śaramáyaṃ barhír bʰávati vaíbʰīdaka idʰmáḥ

Line : 16  Pada: i     śr̥ṇā́d íti

Pada: j     śaramáyaṃ barhír bʰávati víbʰattyai vaíbʰīdaka idʰmáḥ

Line : 17  Pada: k     saumāraudráṃ carúṃ nírvaped udaśvíty ávicitānām̐ vrīhīṇā́m̐ yáḥ kāmáyeta dvitī́yam asya loké janeyam íti

Line : 18  Pada: l     saumī́r vā́ imā́ḥ prajā́s \

Pada: m     dvitī́yam evā́sya loké janayati

Line : 19  Pada: n     némam̐ śaramáyaṃ barhír bʰávati némam áśaramayam \

Pada: o     némo vaíbʰīdaka idʰmó némó 'vaibʰīdakas \

Line : 20  Pada: p     dvitī́yam evā́sya loké janayati

Pada: q     saumāraudrī́m āmíkṣāṃ nírvapet \

Line : 21  Pada: r     āmayāvínam̐ yājayet \

Pada: s     āgneyó vaí prámītaḥ

Pada: t     saumyó jī́van \

Page: 8  
Line : 1  Pada: u     ubʰayáta evaínaṃ níḥkrīṇāti

Pada: v     páyo vaí púruṣaḥ

Pada: w     páya etásyāmayati

Line : 2  Pada: x     páyasaivā́sya páyo níḥkrīṇāti \

Pada: y     apinaddʰākṣó hótā syāt

Pada: z     tám áraṇyaṃ parāṇī́ya víkśāpayet

Line : 3  Pada: aa     tásmā anaḍvā́haṃ dadyāt

Pada: ab     táṃ gʰnīta

Pada: ac     tásyāśnīyāt \

Pada: ad     yát tásya nā́śnīyā́t prámīyeta //


Anuvaka: 7  
Line : 5  Pada: a     āgnāvaiṣṇavám ékādaśakapālaṃ nírvaped abʰicárann abʰicaryámāṇo vā

Pada: b     sárasvatī́m ápy ā́jyasya yajet \

Line : 6  Pada: c     agnír vaí sárvā devátās \

Pada: d     devátābʰir evā́sya devátāḥ práticarati

Line : 7  Pada: e     víṣṇur yajñás \

Pada: f     yajñéna yajñám \

Pada: g     vā́k sárasvatī

Pada: h     vācā́ vā́cam \

Pada: i     tád abʰicáryābʰiprā́yukta \

Line : 8  Pada: j     átʰo praticáryā́ty evá prā́yukta \

Pada: k     āgnāvaiṣṇaváṃ gʰr̥té carúṃ nírvapec cákṣuṣkāmas \

Line : 9  Pada: l     agnír vaí manuṣyā̀ṇāṃ cákṣuṣaḥ pradātā́ víṣṇur devā́nām

Pada: m     etaú vaí cákṣuṣaḥ pradātā́rau

Line : 10  Pada: n     tā́ evá bʰāgadʰéyenópāsarat

Pada: o     tā́ asmai cákṣuḥ práyacʰatas \

Line : 11  Pada: p     dʰenvā́ vaí gʰr̥táṃ páyo 'naḍúhas taṇḍulā́s

Pada: q     tán mitʰunám \

Pada: r     mitʰunáṃ cákṣus \

Pada: s     mitʰunénaivā́smai mitʰunáṃ cákṣur janayataḥ

Line : 12  Pada: t     páyo vaí gʰr̥tám \

Pada: u     páyaś cákṣuḥ

Pada: v     páyasaivā́smai páyaś cakṣur janayatas

Line : 13  Pada: w     téjo vaí gʰr̥tám \

Pada: x     téjaś cakṣus

Pada: y     téjasaivā́smai téjaś cakṣur janayatas \

Pada: z     híraṇyaṃ dadāti \

Line : 14  Pada: aa     ā́yur vaí híraṇyam

Pada: ab     ā́yuś cákṣus \

Pada: ac     ā́yuṣaivā́smā ā́yuś cákṣur dadʰāti

Pada: ad     śatámānaṃ bʰavati

Line : 15  Pada: ae     śatā́yur vaí púruṣaḥ śatávīryas \

Pada: af     ā́yur evá vīryàm āpnoti \

Pada: ag     āgnāvaiṣṇavám ékādaśakapālaṃ nírvaped abʰicaryámāṇas \

Line : 16  Pada: ah     agnír vaí sárvā devátās \

Pada: ai     víṣṇur yajñás \

Line : 17  Pada: aj     devátāś caivá yajñáṃ cā́str̥tyai madʰyatáḥ práviśati \

Pada: ak     āgnāvaiṣṇavám ékādaśakapālaṃ nírvapet saṃgrāmé

Line : 18  Pada: al     sárasvatīm ápy ā́jyasya yajet \

Pada: am     agnír vaí sárvā devátās \

Pada: an     devátābʰir evā́sya devátāḥ práṇudate

Line : 19  Pada: ao     víṣṇur yajñás \

Pada: ap     yajñéna yajñám \

Pada: aq     vā́k sárasvatī

Line : 20  Pada: ar     vācā́ vā́cam \

Pada: as     yádi mányeta práti purástāc carantī́ti dvé puronuvākyè kuryā́d ékām̐ yājyā̀m \

Line : 21  Pada: at     samám evá dvā́bʰyāṃ kriyáté 'ty ékayā práyuṅkte \

Pada: au     ā́gnāvaiṣṇaváṃ prātár aṣṭā́kapālaṃ nírvapet sārasvatáṃ carúṃ bārhaspatyáṃ carúm āgnāvaiṣṇavám ékādaśakapālaṃ madʰyáṃdine sārasvatáṃ carúṃ bārhaspatyáṃ carúm āgnāvaiṣṇaváṃ dvā́daśakapālam aparāhṇe sārasvatáṃ carúṃ bārhaspatyáṃ carúṃ yásya bʰrā́tr̥vyaḥ sómena yájeta \

Page: 9  
Line : 4  Pada: av     agnír vaí sárvā devátās \

Pada: aw     devátābʰir evā́sya devátā āpnóti

Line : 5  Pada: ax     víṣṇur yajñás \

Pada: ay     yajñéna yajñám \

Pada: az     vā́k sárasvatī

Pada: ba     vācā́ vā́cam \

Pada: bb     bráhma bŕ̥haspátis \

Line : 6  Pada: bc     bráhmaṇaivā́sya bráhmāpnóti

Pada: bd     kapā́laiś cʰándām̐si

Pada: be     puroḍāśaiḥ sávanāni

Line : 7  Pada: bf     maitrāvaruṇám ékakapālaṃ nírvapet payasyā̀m̐ vā \

Pada: bg     anūbandʰyā̀m evaíténāpnoti

Pada: bh     saíṣā́dʰvarákalpéṣṭis \

Line : 8  Pada: bi     yajñám evaítáyāpnoti //


Anuvaka: 8  
Line : 9  Pada: a     āgnimārutáṃ carúṃ nírvaped vŕ̥ṣṭikāmaḥ

Pada: b     samānyā́ mr̥dáś carúṃ ca kuryúḥ kumbʰáṃ ca

Line : 10  Pada: c     yásminn evā́gnaú carúṃ páceyus tásmin kumbʰáṃ dʰūpayeyus \

Pada: d     dʰūmó vā́ asyā́mū́ṃ gácʰati nā́rcis

Line : 11  Pada: e     tásmād etáṃ dʰūpáyanti ná pacanti

Pada: f     yadā́ havī́m̐śy āsādáyeyur átʰa dákṣiṇāyām̐ śróṇyāṃ kumbʰám āsā́dyodakéna pūrayeyus \

Line : 12  Pada: g     yádi purā́ sam̐stʰā́nād vīryéta \ adyá varṣiṣyatī́ti brūyāt \

Line : 13  Pada: h     yádi sám̐stʰite śvó vraṣṭéti brūyāt \

Line : 14  Pada: i     yádi cirám iva vī́ryeta nā́ddʰā́ vidméti brūyāt \

Pada: j     agnír vā́ itó vŕ̥ṣṭim ī́ṭṭe marúto 'mutaś cyāvayanti \

Line : 15  Pada: k     eté vaí vŕ̥ṣṭyāḥ pradātā́ras

Pada: l     tā́n evá bʰāgadʰéyenópāsarat

Line : 16  Pada: m     tè 'smai vŕ̥ṣṭiṃ práyacʰanti

Pada: n     mārutáṃ carúṃ nírvapet páyasi praíyaṅgavaṃ grā́makāmo vā paśúkāmo vā

Line : 17  Pada: o     pŕ̥śnīnāṃ gávāṃ dugdʰé pŕ̥śnīnāṃ gávām ā́jyam̐ syāt

Line : 18  Pada: p     tátrā́pi gomūtrásyā́ścotayeyuḥ

Pada: q     pŕ̥śnir vaí yád áduhat sá priyáṅgur abʰavat \

Pada: r     iyám̐ vaí pŕ̥śnir vā́g vā

Line : 19  Pada: s     tásyā vā́ etát páyo yát priyáṅgavaḥ

Pada: t     svénaivaínāṃ páyasā́cʰaiti

Line : 20  Pada: u     priyávatī yājyānuvākyè bʰavataḥ

Pada: v     priyám enam̐ sajātā́nāṃ karoti

Pada: w     dvipádā ca cátuṣpadā ca bʰavatas \

Page: 10  
Line : 1  Pada: x     dvipádaś caivā́smai cátuṣpadaś ca paśū́n ávarunddʰe

Pada: y     yátʰā vatsá ū́dʰar abʰyāyácʰati vatsám̐ vā gaúr evám enam̐ sajātā́ abʰyā́yacʰanti

Line : 3  Pada: z     mārutáṃ tráyodaśakapālaṃ nírvaped yásya yamaú putraú gā́vau vā jā́yeyātām \

Line : 4  Pada: aa     nirvīrátām̐ vaí púruṣo yamó jātá āśāste 'paśútāṃ gaús \

Pada: ab     yát trayodaśám \

Line : 5  Pada: ac     prajā́patir vaí trayodaśám \

Pada: ad     prajā́patim evā́pnoti

Pada: ae     yád dvādaśám̐ sam̐vatsarā́t téna

Line : 6  Pada: af     yád gāyatry ànuvākyā̀ sam̐vatsarā́t téna

Pada: ag     yáj jágatī yājyā̀ paśúbʰyas téna

Pada: ah     yán mārutī́ṣṭiḥ paśúbʰyas téna

Line : 7  Pada: ai     mārutám̐ saptákapālaṃ nírvaped yátra víḍ rā́jānaṃ jíjyāset \

Line : 8  Pada: aj     agástyasya kayāśubʰī́yam̐ sāmidʰenī́ś ca syúr yājyānuvākyā̀ś ca \

Pada: ak     agástyo vaí marúdbʰya ukṣṇáḥ praúkṣat

Line : 9  Pada: al     tā́n índrāyā́labʰata

Pada: am     té vájram ādā́yābʰyàpatan \

Line : 10  Pada: an     tā́n vā́ eténāśamayat

Pada: ao     táñ śamáyaty evaíténa

Pada: ap     saptákapālo bʰavati

Pada: aq     saptá hí marútas \

Line : 11  Pada: ar     víñ marútaḥ

Pada: as     svénaivaínān bʰāgadʰéyena śamayati //


Anuvaka: 9  
Line : 12  Pada: a     aindrám ékādaśakapālaṃ nírvapen mārutám̐ saptákapālam \

Pada: b     rājanyàṃ bʰū́tikāmam̐ yājayet \

Line : 13  Pada: c     aindró vaí rājanyò devátayā

Pada: d     mārutī́ víṭ \

Pada: e     indriyénaivā́smai víśam úpayunakti \

Line : 14  Pada: f     ánukām asmai víśam ávivādinīṃ karoti \

Pada: g     aindrám ékādaśakapālaṃ nírvapen mārutám̐ saptákapālam̐ yáḥ kāmáyeta viśé ca kṣatrā́ya ca samádaṃ kuryām íti \

Line : 16  Pada: h     aindrásyaindrī́m anū́cya mārutyā́ yajet \

Pada: i     mārutásya mārutī́m anū́cyaindryā́ yajet

Line : 17  Pada: j     svá evaíbʰyo bʰāgadʰéye samádaṃ karoti

Pada: k     yádi kāmáyeta \ aturmuhyám̐ syād íti pūrvārdʰè 'nyā́ṃ janátāyā gā́ṃ nidadʰyā́j jagʰanārdʰè 'nyā́m ápi

Line : 19  Pada: l     té sáṃgacʰete

Pada: m     tā́vad aturmuhyáṃ bʰavati

Pada: n     yádi kāmáyeta kálpetéty eté evá havíṣī nirúpya yatʰāyatʰám̐ yajet

Line : 20  Pada: o     kálpaté 'ha \

Pada: p     aindrám ékādaśakapālaṃ nírvapen mārutám̐ saptakapālam abʰicáran \

Line : 21  Pada: q     upáriṣṭād aindrásyāvadyéd adʰástān mārutásya \

Page: 11  
Line : 1  Pada: r     ubʰayáta evaínān ā́dīpayati jyeṣṭʰatáś ca kaniṣṭʰatáś ca \

Line : 2  Pada: s     aindrám ékādaśakapālaṃ nírvapen mārutī́m āmíkṣām \

Pada: t     rājanyàṃ grā́makāmam̐ yājayet \

Line : 3  Pada: u     mádʰya āmíkṣāyāḥ puroḍā́śaṃ nidʰā́yobʰáyasyā́vadyet

Pada: v     kṣatrám̐ vā́ índras \

Line : 4  Pada: w     víṇ marútas \

Pada: x     víśam̐ vā́ etán madʰyatáḥ práviśati

Pada: y     paryū́ham ávadyati

Line : 5  Pada: z     viśaívaínaṃ páryūhati

Pada: aa     mārutám ékavim̐śatikapālaṃ nírvaped abʰicáran

Pada: ab     devaviśā́ vaí marútas \

Line : 6  Pada: ac     ná vaí viśā́ práttaṃ gʰnanti

Pada: ad     devaviśá evaínaṃ niryā́cya str̥ṇute

Line : 7  Pada: ae     táṃ barhiṣádaṃ kr̥tvā́ samáyā spʰyéna víhanyāt //

Pada: af     idám ahám amúṣyāmuṣyāyaṇásyendravajréṇa śíraś cʰinadmi // íti \

Line : 8  Pada: ag     indravajrénaivā́sya śíraś cʰinatti \

Pada: ah     átʰa yát spʰyás \

Line : 9  Pada: ai     vájro vaí spʰyás \

Pada: aj     vájreṇaivaínam̐ str̥ṇute //

Line : 10  Pada: ak     enā́ vyāgʰráṃ pariṣasvajānā́ḥ sim̐háṃ mr̥janti mahaté dʰánāya /

Line : 11  Pada: al     mahiṣáṃ naḥ subʰvàṃ tastʰivā́m̐saṃ marmr̥jyánte dvīpínam apsv àntáḥ //

Line : 12  Pada: am     íti

Pada: an     vájro vā́ ā́pas \

Pada: ao     yád etád apsumád yájur bʰávati vájreṇaivaínam̐ str̥ṇute //


Anuvaka: 10  
Line : 13  Pada: a     agnáye patʰikŕ̥te 'ṣṭā́kapālaṃ nírvaped yásya prájñātéṣṭir atipádyeta

Pada: b     bahiṣpatʰám̐ vā́ eṣá eti yásya prájñátéṣṭir atipádyate \

Line : 14  Pada: c     agnír vaí devā́nāṃ patʰikŕ̥t

Line : 15  Pada: d     tám evá bʰāgadʰéyenópāsarat

Pada: e     sá enaṃ pántʰām ápinayati \

Pada: f     anaḍvā́n dákṣiṇā

Pada: g     sá hí pántʰām apiváhati \

Line : 16  Pada: h     agnáye vratápataye 'ṣṭā́kapālaṃ nírvaped yá ā́hitāgniḥ sán praváset \

Line : 17  Pada: i     bahú vā́ eṣá vratám átipādayati yá ā́hitāgniḥ sán pravásati

Line : 18  Pada: j     vrátye hy áhani stríyam̐ vopaíti mām̐sám̐ vāśnā́ti \

Pada: k     agnír vaí devā́nām̐ vratápatis

Line : 19  Pada: l     tám evá bʰāgadʰéyenópāsarat

Pada: m     sá enam̐ vratám ā́lambʰayati \

Pada: n     agnáye vratabʰŕ̥te 'ṣṭā́kapālaṃ nírvaped yá ā́hitāgniḥ sánn áśru kuryā́t \

Line : 20  Pada: o     ā́nīto vā́ eṣá devā́nām̐ yá ā́hitāgnis

Line : 21  Pada: p     tásmād eténā́śru ná kártavaí

Pada: q     ná hí devā́ áśru kurvánti \

Pada: r     agnír vaí devā́nām̐ vratabʰr̥t \

Page: 12  
Line : 1  Pada: s     agním etásya vratám agan \

Pada: t     tásmād evā́dʰivratám ā́labʰate \

Pada: u     agnáye yáviṣṭʰāyāṣṭā́kapālaṃ nírvaped abʰicaryámāṇas \

Line : 2  Pada: v     yā́bʰir evaínam ítaraḥ práyuktibʰir abʰiprayuṅkté tā́ asmād yáviṣṭʰo yoyāva \

Line : 3  Pada: w     agnáye vājasŕ̥te 'ṣṭā́kapālaṃ nírvapet saṃgrāmé

Line : 4  Pada: x     vā́jam̐ vā́ eṣá sisīrṣati yáḥ saṃgrāmáṃ jígīṣati \

Pada: y     agnír vaí devā́nām̐ vājasr̥t \

Line : 5  Pada: z     tám evá bʰāgadʰéyenópāsarat

Pada: aa     sò 'smai vā́jaṃ dʰāvati \

Pada: ab     agnáyé 'nīkavate 'ṭā́kapālaṃ nírvapet saṃgrāmé

Line : 6  Pada: ac     yadryàg vā́ agnér ánīkam éti ná tát pratidʰŕ̥ṣe \

Line : 7  Pada: ad     agnír evā́smā ánīkāni jayati

Pada: ae     víṣṇum ápy ā́jyasya yajet \

Pada: af     áto vaí víṣṇur imā́ṃl lokā́n údajayat \

Line : 8  Pada: ag     víṣṇor evójjitim ánv imā́ṃl lokā́n újjayati

Line : 9  Pada: ah     praíbʰyó lokébʰyo bʰrā́tr̥vyaṃ nudate \

Pada: ai     agnáye rudrávate 'ṣṭā́kapālaṃ nírvaped yáḥ kāmáyeta rudrā́yāsya paśū́n ápidadʰyām íti \

Line : 10  Pada: aj     agnír vaí rudrás \

Pada: ak     rudrā́yaivā́sya paśū́n ápidadʰāti

Line : 11  Pada: al     yádi kāmáyeta śā́myed íty agnáye surabʰimáte 'ṣṭā́kapālaṃ nírvapet \

Line : 12  Pada: am     eṣā́ vā́ agnér bʰeṣajā́ tanū́r yát surabʰís \

Pada: an     bʰeṣajám evā́smā akaḥ

Pada: ao     surabʰím enam akaḥ

Line : 13  Pada: ap     śamáyaty evá \

Pada: aq     agnáyé 'nnavate 'nnādā́yā́nnapataye 'ṣṭā́kapālaṃ nírvaped yáḥ kāmayeta \ ánnavān annādó 'nnapatiḥ syām íti \

Line : 14  Pada: ar     agnír vaí devā́nām ánnavān annādó 'nnapatis

Line : 15  Pada: as     tám evá bʰāgadʰéyenópāsarat

Pada: at     sá enam ánnavantam annādám ánnapatiṃ karoti //


Anuvaka: 11  
Line : 17  Pada: a     agnáye rakṣogʰnè 'ṣṭā́kapālaṃ nírvaped yó rákṣobʰyo bibʰīyā́t \

Pada: b     índram̐ vaí rákṣām̐sy asacanta

Line : 18  Pada: c     sò 'gníṃ prā́viśat

Pada: d     tā́ni vā́ enam abʰisámamr̥śan \

Pada: e     sá etā́ viprúṣo 'janayata yā́ imā́ḥ skūyámānasya viprávante

Line : 19  Pada: f     tā́ni vā́ agnínaivā́pāhata \

Line : 20  Pada: g     agnír vaí devā́nām̐ rakṣohā́

Pada: h     ténaivá rákṣām̐sy ápahate

Pada: i     náktam̐ yājayet \

Page: 13  
Line : 1  Pada: j     náktam̐ vaí rákṣām̐si prérate

Pada: k     yárhy evá preráte tárhy enāny ápahate

Pada: l     vāmádevasya pañcadaśá sāmidʰenī́ś ca syúr yājyānuvākyā̀ś ca

Line : 2  Pada: m     vāmádevaś ca vaí kusitā́yī cājī́m ayātām ātmánoḥ

Line : 3  Pada: n     sā́ kusitā́yī vāmadevaratʰásya kū́baram acʰinat

Line : 4  Pada: o     sā́paraṃ nyā́plavata

Pada: p     yugám̐ vā cʰetsyā́mīṣā́m̐ véti

Pada: q     sò 'gním úkʰyam ávaikṣata

Line : 5  Pada: r     sá etáṃ mántram apaśyat

Pada: s     tā́m arcír údauṣat

Pada: t     sā́rcíṣā dahyámānā hradáṃ prā́viśat

Line : 6  Pada: u     sá vā́vá kausitó hradás \

Pada: v     rákṣām̐si vaí sá ténā́pāhata

Line : 7  Pada: w     tád rákṣām̐sy evaíténā́pahate \

Pada: x     āgneyám aṣṭā́kapālaṃ nírvaped yó rāṣṭré spárdʰeta yó vā kāmáyeta \ annādáḥ syād íti

Line : 8  Pada: y     devā́ś ca vā́ ásurāś cāspardʰanta

Line : 9  Pada: z     tā́n gāyatrī́ sárvam ánnaṃ parigŕ̥hyāntarā́tiṣṭʰat

Pada: aa     tè 'vidus \

Pada: ab     yatarā́n vā́ iyám upāvartsyáti tá idáṃ bʰavisyantī́ti

Line : 10  Pada: ac     tásyām̐ vā́ ubʰáya aicʰanta

Pada: ad     tā́ṃ nā́mnópaipsan //

Line : 11  Pada: ae     dā́bʰi // íty ásurā ā́hvayan //

Pada: af     víśvakarman // íti devā́ḥ

Line : 12  Pada: ag     sā́ nā́nyatarā́m̐ś canópā́vartata

Pada: ah     tā́ṃ devā́ eténa yájuṣāvr̥ñjata //

Line : 13  Pada: ai     ójo 'si

Pada: aj     sáho 'si

Pada: ak     bálam asi

Pada: al     bʰrā́jo 'si

Pada: am     devā́nāṃ dʰā́ma nā́māsi

Line : 14  Pada: an     víśvam asi viśvā́yuḥ

Pada: ao     sárvam asi sarvā́yur abʰibʰū́ḥ // íti

Pada: ap     sam̐vatsaró vaí gāyatrī́

Line : 15  Pada: aq     sam̐vatsaró vaí tád atiṣṭʰat

Pada: ar     sam̐vatsarám̐ vā́ eṣāṃ tád annā́dyam avr̥ñjata

Line : 16  Pada: as     tát sam̐vatsarám evaítád annā́dyam̐ yájamāno bʰrā́tr̥vyasya vr̥ṅkte

Pada: at     saíṣā gāyatrī́ṣṭis \

Line : 17  Pada: au     átʰo āhus \

Pada: av     rāṣṭrásya sam̐vargá íti //


Anuvaka: 12  
Line : 18  Pada: a     aindrābārhaspatyám̐ havír nírvaped yó rāṣṭrī́yo néva prastiṅnuyā́t \

Pada: b     áditir vaí prajā́kam audanám apacat

Page: 14  
Line : 1  Pada: c     sóñśiṣṭam āśnāt

Pada: d     tám̐ vā́ índram antár evá gárbʰam̐ sántam ayasmáyena dā́mnā́paumbʰat

Line : 2  Pada: e     só 'pobdʰo 'jāyata

Pada: f     tám̐ vā́ eténa bŕ̥haspátir ayājayad aindrābārhaspatyéna

Line : 3  Pada: g     tásya tád dā́ma svayám evá vyàpadyata

Pada: h     sá imā́ díśo vájreṇābʰiparyā́vartata

Line : 4  Pada: i     yó rāṣṭrī́yo néva prastiṅnuyā́t tám eténa yājayed aindrābārhaspatyéna

Line : 5  Pada: j     páritato hí vā́ eṣá pāpmánā \

Pada: k     átʰaiṣá ná prástiṅnoti

Pada: l     bŕ̥haspátaye nirupyáte \

Line : 6  Pada: m     índrāya kriyate

Pada: n     sarváta evaínaṃ muñcati

Pada: o     vájreṇemā́ díśo 'bʰiparyā́vartate //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.