TITUS
Black Yajur-Veda: Maitrayani-Samhita
Part No. 13
Previous part

Prapathaka: 2  
Anuvaka: 1  
Line : 8  Pada: a     ā́dityā bʰāgám̐ vaḥ kariṣyāmy amúm āmuṣyāyaṇám ávagamayata // íti brūyād dʰavír nirvapsyán \

Line : 9  Pada: b     sá etám ādityáṃ gʰr̥té carúṃ nírvapet \

Pada: c     ādityā́ vā́ imā́ḥ prajā́s

Line : 10  Pada: d     tā́ evópāsarat

Pada: e     tā́ enam ávagamayanti

Pada: f     saptā́śvattʰā mayū́kʰā antarvedí śayīran \

Line : 11  Pada: g     tā́nt sám̐stʰite ratʰavā́hanasya madʰyameṣā́yām átihanyāt //

Pada: h     idám ahám ādityā́n badʰnāmy ā́múṣyāvagámaḥ // íti \

Line : 12  Pada: i     ādityā́n vā́ etád badʰnāti

Pada: j     tá enaṃ mókṣamāṇā ávagamayanti

Line : 13  Pada: k     viśó vīryàm apā́krāmat

Pada: l     tád aśvattʰáṃ prā́viśat

Line : 14  Pada: m     sá téna vīryèṇa bʰarbʰarā́bʰavat

Pada: n     tád viśá evaíténa vīryàm ávarunddʰe

Pada: o     yádi saptásu nā́vagáccʰed idʰmé tā́n ápi kr̥tvaítád evá havír nírvapet \

Line : 15  Pada: p     ādityā́ vā́ imā́ḥ prajā́s

Page: 15  
Line : 1  Pada: q     tā́ evópāsarat

Pada: r     tā́ enam ávagamayanti

Pada: s     yády evá saptásu

Pada: t     trír vaí saptá saptādityā́s

Line : 2  Pada: u     tā́n evópāsarat

Pada: v     tā́ enam ávagamayanti

Pada: w     yády ékatayīṣu dvayī́ṣu vāvagácʰed aparódʰukā enam̐ syus \

Line : 3  Pada: x     átʰa yát sárvāsv avagácʰati tátʰā hānaparodʰyó 'vagacʰati

Line : 4  Pada: y     sá yadā́vagácʰed átʰādityébʰyo dʰāráyadvadbʰyo gʰr̥té carúṃ nírvapet \

Pada: z     ādityā́ vā́ aparoddʰā́ras \

Line : 5  Pada: aa     ādityā́ avagamayitā́ras

Pada: ab     tá enaṃ dādʰrati //

Line : 6  Pada: ac     ádité 'numanyasva satyā́śī́r ihá mánaḥ // íti niruddʰásya rā́jñaḥ padám ā́dadīta

Line : 7  Pada: ad     tád yáḥ purástād grāmyavādī́va syā́t tásya sabʰā́yā abʰivātáṃ parī́tya vídʰvam̐sayeyuḥ //

Line : 9  Pada: ae     préta marutaḥ svatavasa enā́ viśpátyāmúm̐ rā́jānam abʰí // íti tásya gr̥hā́d vrīhī́n ā́hareyus

Line : 10  Pada: af     tā́m̐s tredʰā́ vícinuyāt \

Pada: ag     yé kr̥ṣṇā́s tā́n kr̥ṣṇājiná upanáhya nidadʰyā́t \

Line : 11  Pada: ah     yé śuklā́s tám ādityáṃ gʰr̥té carúṃ nírvapet \

Pada: ai     ádityā́ vā́ imā́ḥ prajā́s

Line : 12  Pada: aj     tā́ evópāsarat

Pada: ak     tā́ enam ávagamayanti \

Pada: al     átʰa yébʰyó 'dʰi vicinuyā́t tā́n údaṅ parétya valmīkavapā́m udrújya juhuyāt //

Line : 14  Pada: am     yád adyá te gʰorá āsán juhómy eṣā́ṃ bandʰā́nāṃ pramócanāya /

Line : 15  Pada: an     yā́ṃ tvā jáno bʰū́mir íti pramándate

Pada: ao     nírr̥tiṃ tvāháṃ páriveda viśvátaḥ // íti

Line : 16  Pada: ap     nírr̥tigr̥hīto vā́ eṣá yó niruddʰás \

Pada: aq     nírr̥tyā evaínaṃ téna muñcati \

Line : 17  Pada: ar     etád vaí víśam ávāgan \

Pada: as     átʰa vā́ asya rājyám ánvagatam \

Pada: at     tád yò 'mī́ kr̥ṣṇā́ vrīháyas tám̐ vāruṇáṃ gʰr̥té carúṃ nírvapet \

Line : 18  Pada: au     váruṇo vaí devā́nām̐ rā́jā

Pada: av     sá rājyásyāvagamayitā́

Line : 19  Pada: aw     tám evá bʰāgadʰéyenópāsarat

Pada: ax     sá enam̐ rājyám ávagamayati \

Pada: ay     etád vaí nānāviśyám

Line : 20  Pada: az     ubʰáyīm evaíténa víśam ávagacʰati daívīṃ ca mānuṣī́ṃ ca //


Anuvaka: 2  
Page: 16  
Line : 1  Pada: a     sauryáṃ gʰr̥té carúṃ nírvapeñ śuklā́nām̐ vrīhīṇā́ṃ brahmavarcasákāmaḥ

Pada: b     śatámāno rukmó rajatò 'dʰástāt syāt \

Line : 2  Pada: c     śatámāno rukmó hárita upáriṣṭāt \

Line : 3  Pada: d     ihá vā́ asā́ ādityá āsīt

Pada: e     tám ābʰyā́ṃ parigŕ̥hyopáriṣṭād āsā́ṃ prajā́nāṃ nyàdadʰus \

Line : 4  Pada: f     upáriṣṭād vā́ asā́ ādityá imā́ḥ prajā́ adʰiṣádyātti \

Pada: g     iyám̐ vaí rajatā́saú háriṇī \

Line : 5  Pada: h     ābʰyā́m evaínaṃ parigŕ̥hyopáriṣṭād āsā́ṃ prajā́nāṃ nídadʰāti \

Pada: i     upáriṣṭād imā́ḥ prajā́ adʰiṣádyātti

Line : 6  Pada: j     páñca kr̥ṣṇálāny ápi prayājéṣu juhuyāt \

Pada: k     etaír vā́ asā́ ādityá imā́n páñca r̥tū́n ánu tejasvī́ \

Line : 7  Pada: l     imā́ evaínaṃ páñca díśó 'nu tejasvínaṃ karoti

Line : 8  Pada: m     prājāpatyáṃ gʰr̥té carúṃ nírvapeñ śatákr̥ṣṇalam ā́yuṣkāmas \

Line : 9  Pada: n     devā́ ásurān hatvā́ mr̥tyór abibʰayus

Pada: o     té devā́ḥ prajā́patim evópādʰāvan \

Line : 10  Pada: p     tā́n vā́ etáyā prajā́patir ayājayat

Pada: q     táto devā́ amr̥tatvám agacʰan \

Pada: r     amŕ̥tam̐ vaí híraṇyam

Line : 11  Pada: s     amŕ̥tam ā́yus \

Pada: t     amŕ̥tenaivaíṣv amŕ̥tam ā́yur āptvā́dadʰāt \

Pada: u     yá ā́yuṣkāmaḥ syā́t tám etáyā yājayet \

Line : 12  Pada: v     etád vaí manuṣyàsyāmr̥tatvám̐ yát sárvam ā́yur éti \

Pada: w     amŕ̥tam̐ vaí híraṇyam

Line : 13  Pada: x     amŕ̥tam ā́yus \

Pada: y     amŕ̥tenaivā́sminn amŕ̥tam ā́yur āptvā́ dadʰāti

Pada: z     téna sá sárvam ā́yur éti

Pada: aa     ná purā́yuṣaḥ prámīyate

Line : 14  Pada: ab     śatákr̥ṣṇalo bʰavati

Pada: ac     śatā́yur vaí púruṣaḥ śatávīryas \

Pada: ad     ā́yur evá vīryàm āpnoti

Line : 15  Pada: ae     catvā́ricatvāri kr̥ṣṇálāny ávadyati

Pada: af     sámr̥ddʰyai

Pada: ag     sárvaṃ brahmáṇe párihartavā́ āha

Line : 16  Pada: ah     sárvaṃ brahmáṇi yajñáṃ prátiṣṭʰāpayati

Pada: ai     sárvam asmin brahmā́ vīryàṃ dadʰāti \

Line : 17  Pada: aj     átʰo bráhma vaí brahmā́

Pada: ak     bráhmaṇaivā́smin brahmā́yur dadʰāti //


Anuvaka: 3  
Line : 19  Pada: a     bārhaspatyáṃ carúṃ nírvapet purodʰā́kāmas

Pada: b     tásya bārhaspatyé jyótiṣmatī yājyānuvākyè syātām \

Line : 20  Pada: c     bráhma vaí bŕ̥haspátis \

Pada: d     bārhaspatyó brāhmaṇó devátayā

Pada: e     svā́m evá devátāṃ purodʰā́yā úpāsarat

Line : 21  Pada: f     svaínaṃ devátā purodʰā́ṃ gamayati

Pada: g     yád vaí lelā́yad * vī̀va bʰā́ti táj jyótis
      FN Correcturen und Conjecturen zu dem ganzen Werk.

Page: 17  
Line : 1  Pada: h     tásmāj jyótiṣmatī

Pada: i     yádi néva purodʰā́ṃ gácʰed aindrābārhaspatyám̐ havír nírvapet \

Line : 2  Pada: j     bráhma caivá kṣatráṃ ca sayújā akar \

Pada: k     tājág enaṃ puródadʰate

Line : 3  Pada: l     bārhaspatyáṃ carúṃ nírvapet páyasi grā́makāmo vā paśúkāmo vā

Pada: m     tásya bārhaspatyé gaṇávatī yājyānuvākyè syātām \

Line : 4  Pada: n     yó bahupuruṣṭás tásya gr̥hā́t kṣīrám ā́hareyuḥ

Line : 5  Pada: o     syā́t svā́sāṃ gávāṃ dugdʰám \

Pada: p     syā́d udakám \

Pada: q     púṣṭir evaíṣā́ sáṃbʰriyate

Pada: r     bráhma vaí bŕ̥haspátis \

Line : 6  Pada: s     bŕ̥haspátiś cʰándām̐si

Pada: t     cʰándobʰir bŕ̥haspátir gaṇī́

Pada: u     svā́m̐ vā́ etád devátāṃ bʰū́yiṣṭʰenārpayati

Line : 7  Pada: v     sajātaír enaṃ gaṇínaṃ karoti

Pada: w     brāhmaṇaspatyáṃ carúṃ nírvapet saṃgrāmé

Line : 8  Pada: x     tásya brāhmaṇaspatyé vīrávatī váyasvatī yājyānuvākyè syātām \

Line : 9  Pada: y     cʰádir darśé yājayet \

Pada: z     udbarhíḥ prastaráḥ syā́t \

Pada: aa     bā́ṇavantaḥ paridʰáyas \

Line : 10  Pada: ab     váyām̐si páraṃ grā́mam ā́viśanti tátʰā vijñéyam \ jeṣyā́mā íti

Pada: ac     bráhma vaí bráhmaṇaspátis \

Line : 11  Pada: ad     bráhmaivópāsarat \

Pada: ae     brāhmaṇaspatyáṃ carúṃ nírvaped yátra kāmáyeta brahmabalám̐ syād íti

Line : 12  Pada: af     tásya brāhmaṇaspatyé marútvatī yājyānuvākyè syātām \

Line : 13  Pada: ag     bráhma vaí bráhmaṇaspátis \

Pada: ah     víṇ marútas \

Pada: ai     bráhmaṇi vā́ etád víśam ádʰi vínāśayati

Line : 14  Pada: aj     draḍʰimné 'śitʰiratvāya //


Anuvaka: 4  
Line : 15  Pada: a     bārhaspatyáṃ carúṃ nírvaped gārmutáṃ paśúkāmaḥ

Pada: b     prajā́patiḥ paśū́n asr̥jata

Line : 16  Pada: c     tè 'smāt sr̥ṣṭā́ḥ párāñca āyan \

Pada: d     tā́n bŕ̥haspátiś cā́nvaitām \

Pada: e     té yátrā́vasam̐s tátaḥ śaknó garmúd ajāyata

Line : 17  Pada: f     tám̐ vā́ abravīt \

Pada: g     anéna mā yājayéti

Pada: h     téna vā́ enam ayājayat

Line : 18  Pada: i     táṃ paśáva upā́vartanta

Pada: j     yáḥ paśúkāmaḥ syā́t tám eténa yājayet \

Pada: k     úpa hainaṃ paśávā ā́vartante

Line : 19  Pada: l     yadā́ hí sá tám eténā́yājayad átʰa táṃ paśáva upā́vartanta


Page: 18  
Line : 1  Pada: m     saumāpauṣṇáṃ carúṃ nírvaped gārmutáṃ paśúkāmaḥ

Pada: n     prajā́patiḥ paśū́n asr̥jata

Line : 2  Pada: o     tè 'smāt sr̥ṣṭā́ḥ párāñca āyan \

Pada: p     téṣāṃ pūṣáṇam adʰipā́m akarot

Pada: q     té yátrā́vasam̐s tátaḥ śaknó garmúd ajāyata

Line : 3  Pada: r     tám̐ vā́ ā́harat \

Pada: s     anéna me prátiṣṭʰéti

Pada: t     sá sómo 'bravīt \

Line : 4  Pada: u     máma vā́ akr̥ṣṭapacyám íti

Pada: v     tám̐ saumāpauṣṇáṃ níravapat

Pada: w     táṃ paśáva upā́vartanta

Line : 5  Pada: x     yáḥ paśúkāmaḥ syā́t tám eténa yājayet \

Pada: y     úpa hainaṃ paśávā ā́vartante

Line : 6  Pada: z     yadā́ hí sá tám eténā́yājayad átʰa táṃ paśáva upā́vartanta

Pada: aa     sómo vaí retodʰā́ḥ

Line : 7  Pada: ab     pūṣā́ paśūnā́ṃ prajanayitā́

Pada: ac     sóma evā́smai réto dádʰāti

Line : 8  Pada: ad     pūṣā́ paśū́n prájanayati

Pada: ae     prājāpatyáṃ carúṃ nírvaped gārmutáṃ paśúkāmaḥ

Pada: af     pŕ̥śnīnāṃ gávāṃ dugdʰé pŕ̥śnīnāṃ gávām ā́jyam̐ syāt

Line : 9  Pada: ag     tátrā́pi gomūtrásyā́ścotayeyuḥ

Line : 10  Pada: ah     pŕ̥śnir vaí yád áduhat sá garmúd abʰavat \

Pada: ai     iyám̐ vaí pŕ̥śnir vā́g vā

Pada: aj     tásyā vā́ etáñ śíro yád garmútas

Line : 11  Pada: ak     tásmād etád āṇḍám iva pīyū́ṣa iva

Pada: al     táṃ prājāpatyáṃ carúṃ nírvapet paśúkāmaḥ

Line : 12  Pada: am     prājāpatyā́ vaí paśávaḥ

Pada: an     prajā́patiḥ paśūnā́ṃ prajanayitā́

Pada: ao     tám evá bʰāgadʰéyenópāsarat

Line : 13  Pada: ap     sò 'smai paśū́n prájanayati

Pada: aq     vāstvamáyam̐ raudráṃ carúṃ nírvaped yátra rudráḥ prajā́ḥ śamāyeta

Line : 14  Pada: ar     vā́stor vaí vāstváṃ jātám \

Pada: as     vāstvamáyaṃ kʰálu vaí rudrásya

Line : 15  Pada: at     svénaivaínaṃ bʰāgadʰéyena śamayati

Pada: au     táyā niṣādastʰapatím̐ yājayet

Line : 16  Pada: av     sā́ hí tásyéṣṭiḥ

Pada: aw     kū́taṃ dákṣiṇā karṇó vā gardabʰáḥ //


Anuvaka: 5  
Line : 17  Pada: a     parameṣṭʰíne dvā́daśakapālaṃ nírvaped yáḥ kāmáyeta parameṣṭʰī́ syām íti

Line : 18  Pada: b     parameṣṭʰī́ vā́ eṣá devā́nām̐ yaḥ parameṣṭʰī́

Pada: c     parameṣṭʰī́ rājanyò manuṣyā̀ṇām \

Line : 19  Pada: d     tám evá bʰāgadʰéyenópāsarat

Pada: e     sá enaṃ parameṣṭʰínaṃ karoti

Pada: f     tásmai dʰánuś ca tisráś ca práyacʰet // agníṣ ṭe téjaḥ práyacʰatv índra indriyáṃ pítryāṃ bandʰútām // íti \

Line : 20  Pada: g     agnír evā́smai téjaḥ práyacʰati \

Line : 21  Pada: h     índraṃ indriyáṃ pítryāṃ bandʰútām \

Pada: i     vaiśvadeváṃ dvā́daśakapālaṃ nírvaped bʰrā́tr̥vyavān \

Page: 19  
Line : 1  Pada: j     táṃ barhiṣádaṃ kr̥tvā́ samáyā spʰyéna vyū̀het // idám aháṃ mā́ṃ cāmúṃ ca vyū̀hāmi // íti yáṃ dviṣyā́t tám \

Line : 2  Pada: k     yád adʰò 'vamr̥dyéta yác ca spʰyá āślíṣyet tád víṣṇava urukramā́yā́vadyét \

Line : 3  Pada: l     víṣṇur evaínā antarā́ víkramate

Line : 4  Pada: m     táṃ púnaḥ sámūhet // idám aháṃ mā́ṃ cāmúṃ ca sámūhāmi // íti yò 'sya priyáḥ syā́t tám \

Line : 5  Pada: n     vaiśvadevī́r vā́ imā́ḥ prajā́s

Pada: o     tā́bʰir evétaram̐ vyū́hati

Line : 6  Pada: p     tā́bʰir ātmā́nam̐ sámūhati \

Pada: q     indrāṇyaí carúṃ nírvapet sénāyām uttíṣṭʰantyām \

Pada: r     sénā vā́ indrāṇī

Line : 7  Pada: s     bráhmaṇaivaínāṃ purástān mukʰató jítyai sám̐śyati

Pada: t     bálbajā ápīdʰmé syuḥ

Line : 8  Pada: u     śaknó vā́ eté 'dʰyúttʰitās \

Pada: v     nyāyénaivaínām abʰínayati

Pada: w     yát tásyām̐ sénāyām̐ vindéta sā́ dákṣiṇā

Line : 9  Pada: x     vācáspátaye carúṃ nírvapeñ śrī́kāmas \

Line : 10  Pada: y     yó vaí vācó 'dʰyakṣaḥ sá vācáspátis

Pada: z     táñ śrīkáraṇam evaítát //


Anuvaka: 6  
Line : 11  Pada: a     agnáye vásumate satīnā́nām aṣṭā́kapālaṃ nírvapet

Pada: b     sómāya rudrávate śyāmākáṃ carúm

Line : 12  Pada: c     índrāya marútvate naivā́ram ékādaśakapālam \

Pada: d     váruṇāyādityávate yavamáyaṃ carúm \

Line : 13  Pada: e     devā́ anyònyásya śraiṣṭʰye * tíṣṭʰamānāś caturdʰā́ vyúdakrāman \
      FN emended. Ed.: śrī́ṣṭé. cf. 3.7.10:90.1

Pada: f     agnír vásubʰiḥ sómo rudraír índro marúdbʰir váruṇa ādityaís tā́n vā́ etáyā bŕ̥haspátir ayājayat saṃjñā́nyā \

Line : 15  Pada: g     áta índram evā́bʰisamā́vartanta \

Pada: h     índram abʰisamájānata

Line : 16  Pada: i     tád yá etáyā yájate tám evā́bʰisamā́vartante

Pada: j     tám abʰisáṃjānate

Pada: k     tád āhus \

Pada: l     aindrá ékādaśakapālaḥ kāryā̀ íti \

Line : 17  Pada: m     índram̐ hí tè 'bʰisamā́vartanta \

Pada: n     índram abʰisamájānata //

Page: 20  
Line : 1  Pada: o     saṃjñā́naṃ no dívā paśóḥ saṃjñā́naṃ náktam árvataḥ /

Line : 2  Pada: p     saṃjñā́naṃ naḥ svébʰyaḥ saṃjñā́nam áraṇebʰyaḥ

Pada: q     saṃjñā́nam aśvinā yuvám ihā́smábʰyaṃ níyacʰatam //

Line : 4  Pada: r     sám indra rāyā́ sám iṣā́ rabʰemahi sám̐ vā́jaiḥ puruścandraír abʰídyubʰiḥ /

Line : 5  Pada: s     sáṃ devyā́ prámatyā vīráśuṣmayā góagrayā́śvavatyā * rabʰemahi //
      FN Correcturen und Conjecturen zu dem ganzen Werk.

Line : 6  Pada: t     indravāyū́ susaṃdŕ̥śā suhávehá havāmahe /

Line : 7  Pada: u     yátʰā naḥ sárvā íj jánaḥ saṃgamé sumánā ásat //

Line : 8  Pada: v     sám̐ vo mánām̐si sám̐ vratā́ sám ā́kūtīr anam̐sata /

Line : 9  Pada: w     amī́ yé vívratāḥ stʰá tā́n vaḥ sáṃnamayāmasi //

Line : 10  Pada: x     samānā́ vā ā́kūtāni samānā́ hŕ̥dayāni vaḥ /

Line : 11  Pada: y     samānám astu vo máno yátʰā vaḥ súsahā́sati //

Line : 12  Pada: z     samānó mántraḥ sámitiḥ samānī́ samānám̐ vratám̐ sahá cittám eṣām /

Line : 14  Pada: aa     samānáṃ krátum abʰímantrayadʰvam̐ samānéna vo havíṣā juhomi //

Line : 15  Pada: ab     sáṃgacʰadʰvam̐ sáṃjānīdʰvam̐ sám̐ vo mánām̐si jānatām /

Line : 16  Pada: ac     devā́ bʰāgám̐ yátʰā pū́rve saṃjānānā́ upā́sate //


Anuvaka: 7  
Line : 17  Pada: a     āgneyám aṣṭā́kapālaṃ nírvapet sāvitráṃ carúm̐ vāyavyā̀m̐ yavāgū́ṃ pratidʰúg vā bʰaumám ékakapālam̐ yásya híraṇyaṃ náśyed yó vā híraṇyam̐ vindét \

Line : 18  Pada: b     agnír vā́ ágre híraṇyam avindat

Line : 19  Pada: c     sá savitrā́mantrayata

Pada: d     ná kʰálu vaí kíṃcaná vāyúnā́nabʰigatam asti \

Page: 21  
Line : 1  Pada: e     asyā́m̐ vaí sá tád ávindat \

Pada: f     víttyā evā́gneyáḥ

Pada: g     prasavā́ya sāvitrás \

Line : 2  Pada: h     abʰínītyai vāyavyā̀ \

Pada: i     átʰa yád bʰaumás \

Pada: j     asyā́m̐ hí sá tád ávindat \

Pada: k     eté vaí pradātā́ras

Line : 3  Pada: l     tā́n evá bʰāgadʰéyenópāsarat

Pada: m     tè 'smai práyacʰanti

Pada: n     sá yadā́ vindéd átʰaitébʰya evá nírvapet \

Line : 4  Pada: o     yaír evā́vindat tā́n bʰāgínaḥ karoti \

Pada: p     áhim̐sāyai

Pada: q     prajā́patir vaí sómāya rā́jñe duhitŕ̥̄r adadān nákṣatrāṇi

Line : 5  Pada: r     sá rohiṇyā́m evā́vasan nétarāsu

Line : 6  Pada: s     tā́ ánupeyamānāḥ púnar agacʰan \

Pada: t     tám̐ rājayakṣméṇāgrahayat

Pada: u     sá nírasravat

Line : 7  Pada: v     tásmād rājayakṣmágr̥hīto níḥsravati

Pada: w     sá vaí prajā́patim evópādʰāvat

Line : 8  Pada: x     táṃ prajā́patir abravīt \

Pada: y     r̥táṃ brūhī́ti

Pada: z     sá r̥tám abravīt \

Pada: aa     yátʰā sárvāsv evá samā́vad vásānī́ti

Line : 9  Pada: ab     tásmād eṣá sárvāsv evá samā́vad vasati

Pada: ac     tásmai vaí prajā́patiḥ prā́yaścittim aicʰat

Line : 10  Pada: ad     tásmā amāvāsyā̀yām̐ vaiśvadeváṃ carúṃ níravapat

Pada: ae     ténāsmai prā́yaścittim avindat

Line : 11  Pada: af     sò 'múm āpyā́yamānam anvā́pyāyata

Pada: ag     vásīyān abʰavat \

Line : 12  Pada: ah     yó rājayakṣmágr̥hītaḥ syā́t tásmā amāvāsyā̀yām̐ vaiśvadeváṃ carúṃ nírvapet \

Line : 13  Pada: ai     eténa vaí sá tásmai prā́yaścittim avindat

Pada: aj     ténaivā́smai prā́yaścittim̐ vindati \

Pada: ak     amúm evā́pyā́yamānam anvā́pyāyate

Line : 14  Pada: al     vásīyān bʰavati //


Anuvaka: 8  
Line : 15  Pada: a     prajā́patir vaí devébʰyo bʰāgadʰéyāni vyàkalpayat

Pada: b     sá índro 'bravīt \

Pada: c     yád atiricyáte tán máméti

Line : 16  Pada: d     tád vā́ indriyám evā́tyaricyata

Pada: e     tád imā́ṃl lokā́n ūrdʰvám anū́daśrayata

Line : 17  Pada: f     tán naíkenā́pnot \

Pada: g     ná dvā́bʰyām \

Pada: h     tát tr̥tī́yenāptvā́vārunddʰa

Pada: i     yát tráyaḥ puroḍā́śā bʰávanti \

Line : 18  Pada: j     ebʰyó vā́ etál * lokébʰya indriyám̐ vīryàm āptvā́varunddʰe \
      FN emended. Ed.: etáṃ

Pada: k     úttarauttaraḥ puroḍā́śo jyā́yān bʰavati \

Line : 19  Pada: l     úttara uttaro hí lokó jyā́yān

Pada: m     índrāya rā́jñe pratʰamás \

Page: 22  
Line : 1  Pada: n     índrāya svarā́jñe madʰyamás \

Pada: o     índrāyādʰirājā́yottamás \

Pada: p     etā́ni vaí sárvāṇī́ndro 'bʰavad rājyám̐ svā́rājyam ā́dʰirājyam

Line : 2  Pada: q     etā́ni sárvāṇi bʰavati yá etaír yájate

Line : 3  Pada: r     sárvam etád bʰavati yá evám̐ véda

Pada: s     pratʰamā́m anū́cya madʰyamáyā yajet \

Line : 4  Pada: t     madʰyamā́m anū́cyottamáyā yajet \

Pada: u     uttamā́m anū́cya pratʰamáyā yajet \

Pada: v     evám asya sárvā anuvākyā̀ bʰávanti sárvā yājyā̀s \

Line : 5  Pada: w     eṣā́ṃ lokā́nāṃ pratiprájñātyai \

Line : 6  Pada: x     átʰo anusáṃtatyai \

Pada: y     índrāya gʰarmávate sū́ryavatā ékādaśakapālaṃ nírvapet téjaskāmas

Line : 7  Pada: z     téjo vaí gʰarmás

Pada: aa     téjaḥ sū́ryas

Pada: ab     téja evā́varunddʰe \

Pada: ac     índrāyendriyávatā ékādaśakapālaṃ nírvapet paśúkāmas \

Line : 8  Pada: ad     indriyám̐ vaí paśávas \

Pada: ae     índra indriyásya pradātā́

Line : 9  Pada: af     tám evá bʰāgadʰéyenópāsarat

Pada: ag     sò 'smā indriyáṃ paśū́n práyacʰati //


Anuvaka: 9  
Line : 10  Pada: a     índrāyārkávate 'śvamedʰávatā ékādaśakapālaṃ nírvapet \

Pada: b     niruddʰám̐ yājayet \

Pada: c     ántam̐ vā́ eṣá gató yó niruddʰás \

Line : 11  Pada: d     ánto 'rkás \

Pada: e     ánto 'śvamedʰás \

Pada: f     ántenaivā́smā ánte kalpayati

Line : 12  Pada: g     vaśā́ dákṣiṇā

Pada: h     váśaṃ mā nayād íti \

Pada: i     índrāyārkávate 'śvamedʰávatā ékādaśakapālaṃ nírvaped yáḥ kāmáyeta jáne ma r̥dʰyetéti \

Line : 13  Pada: j     ánto vā́ eṣā́ ŕ̥ddʰīnām̐ yáj jánas \

Line : 14  Pada: k     ánto 'rkás \

Pada: l     ánto 'śvamedʰás \

Pada: m     ántenaivā́smā ánte kalpayati

Line : 15  Pada: n     vaśā́ dákṣiṇā

Pada: o     váśaṃ mā nayād íti \

Pada: p     índrāyārkávate 'śvamedʰávatā ékādaśakapālaṃ nírvaped gatáśrīs \

Line : 16  Pada: q     yadā́ vaí śriyó 'ntaṃ gácʰaty átʰa pā́pīyān bʰavati \

Line : 17  Pada: r     ánto 'rkás \

Pada: s     ánto 'śvamedʰás \

Pada: t     ántam evā́labdʰa

Pada: u     ná pā́pīyān bʰavati \

Line : 18  Pada: v     índrāyārkávate 'śvamedʰávatā ékādaśakapālaṃ nírvaped yáḥ kāmáyeta mahāyajñó mópanamed íti \

Line : 19  Pada: w     eté vā́ índrasya yajñíye tanvaù yád arkáś cāśvamedʰáś ca

Line : 20  Pada: x     té evā́labdʰa

Pada: y     tā́bʰyāṃ mahāyajñám ā́labʰate \

Pada: z     índrāya gʰarmávate sū́ryavatā ékādaśakapālaṃ nírvapet \

Page: 23  
Line : 1  Pada: aa     índrāya manyumáte mánasvatā ékādaśakapālam

Pada: ab     índrāyendriyávatā ékādaśakapālam

Line : 2  Pada: ac     índrāyārkávate 'śvamedʰávatā ékādaśakapālam \

Line : 3  Pada: ad     bʰū́tikāmam̐ yājayet \

Pada: ae     idám̐ vā́ índrasya gʰarmáś ca sū́ryaś ca \

Pada: af     idám asya manyúś ca mánaś ca \

Line : 4  Pada: ag     ídam asyéndraś cendriyáṃ ca \

Pada: ah     idám asyārkáś cāśvamedʰáś ca \

Pada: ai     etā́ni vaí sárvāṇī́ndro 'bʰavat \

Line : 5  Pada: aj     etā́ni sárvāṇi bʰavati yá etaír yájate

Pada: ak     sárvam etád bʰavati yá evám̐ véda //


Anuvaka: 10  
Line : 7  Pada: a     índrāyām̐homúcā ékādaśakapālaṃ nírvapet \

Pada: b     āmayāvínam̐ yajayet \

Pada: c     eṣā́ vā́ índrasya bʰeṣajā́ tanū́r yád am̐homúk

Line : 8  Pada: d     tám evá bʰāgadʰéyenópāsarat

Pada: e     sá enam ám̐haso muñcati \

Line : 9  Pada: f     índrāya trātrá ékādaśakapālaṃ nírvaped yó jyānyā́ mā́raṇād aparodʰā́d vā bibʰīyā́t \

Line : 10  Pada: g     índro vaí trātā́ \

Pada: h     índro 'paroddʰā́

Pada: i     tám evá bʰāgadʰéyenópāsarat

Pada: j     sá enaṃ trāyate \

Line : 11  Pada: k     índrāyā́nvr̥javā ékādaśakapālaṃ nírvapej jyeṣṭʰábandʰus \

Pada: l     índriyám̐ vaí jyeṣṭʰábandʰus \

Line : 12  Pada: m     indriyéṇaivaínān ánvr̥jūn kurute \

Pada: n     índrāya prababʰrā́yaíkādaśakapālaṃ nírvapet saṃgrāmé

Line : 13  Pada: o     pravabʰró vā́ índro vr̥trā́ya vájraṃ prā́harat

Pada: p     prababʰrá evaíbʰyo vájraṃ práharati \

Line : 14  Pada: q     índrāya vaimr̥dʰā́yaíkādaśakapālaṃ * nírvapet saṃgrāmé
      FN emended. Ed.: vaí mr̥dʰā́yaíkādaśakapālaṃ

Pada: r     mŕ̥dʰo vā́ eṣá víhanti yáḥ saṃgrāmáṃ jáyati

Line : 15  Pada: s     mŕ̥dʰa evá víhate \

Pada: t     índrāyābʰimātigʰná ékādaśakapālaṃ nírvapet saṃgrāmé \

Line : 16  Pada: u     abʰímātīr vā́ eṣá hanti yáḥ smāgrāmáṃ jáyati \

Line : 17  Pada: v     abʰímātīr evá hate \

Pada: w     índrāyābʰimātiṣā́hā ékādaśakapālaṃ nírvaped yáḥ kāmáyeta víṣaheya \ ábʰayaṃ me syād íti \

Line : 18  Pada: x     índro vaí vr̥trā́ya vájram údayacʰat

Line : 19  Pada: y     táṃ dānavā́ nā́nvamanyanta

Pada: z     tám eténa bʰāgadʰéyenā́nvamanyanta

Pada: aa     táto vaí sò 'bʰímātīr ahan

Page: 24  
Line : 1  Pada: ab     vr̥trám ahan

Pada: ac     vr̥tráṃ kʰálu vā́ eṣá hanti yáḥ saṃgrāmáṃ jáyati

Pada: ad     tád vā́rtragʰnam evaítát //


Anuvaka: 11  
Line : 3  Pada: a     aindrám ékakapālaṃ nírvapet \

Pada: b     niruddʰám̐ yājayet \

Pada: c     ā́ préhi paramásyāḥ parāvátā íti yājyānuvākyè syātām \

Line : 4  Pada: d     parāvátam̐ vā́ eṣá gató yó niruddʰáḥ

Line : 5  Pada: e     parāváta evaínam ádʰy āptvā́vagamayati \

Pada: f     aindráṃ tráyodaśakapālaṃ nírvapet \

Pada: g     niruddʰám̐ yājayet \

Line : 6  Pada: h     átiriktám̐ vaí trayodaśám

Pada: i     átirikto niruddʰás \

Pada: j     átiriktād evaínam átiriktam āptvā́vagamayati \

Line : 7  Pada: k     índrāya vajríṇā ékādaśakapālaṃ nírvapet \

Pada: l     índrāya vr̥tragʰná ékādaśakapālam

Line : 8  Pada: m     índrāya vr̥tratū́rā ékādaśakapālam̐ yásya bʰrā́tr̥vyaḥ sómena yájeta

Line : 9  Pada: n     vájram̐ vā́ eṣá bʰrā́tr̥vyāyóñśrayati yáḥ sómena yájate

Pada: o     yád vajríṇe

Line : 10  Pada: p     vájreṇaivā́sya vájram̐ str̥ṇute

Pada: q     yád vr̥tragʰné

Pada: r     bʰrā́tr̥vyo vaí vr̥trás \

Pada: s     hánty evaínam \

Line : 11  Pada: t     yád vr̥tratū́re

Pada: u     bʰrā́tr̥vyo vaí vr̥trás

Pada: v     táraty evaínam

Pada: w     índrāya kṣetraṃjayā́yaíkādaśakapālaṃ nírvaped yáḥ kṣétre paśúṣu vā vivádeta \

Line : 12  Pada: x     índro vaí devā́nāṃ kṣetraṃjayás

Pada: y     tám evá bʰāgadʰéyenópāsarat

Line : 13  Pada: z     sò 'smai kṣétraṃ paśū́n jayati \

Pada: aa     índrāyādʰirājā́yaikādaśakapālaṃ nírvaped yátra rā́jānaḥ sadŕ̥śā iva syús \

Line : 14  Pada: ab     índro vaí devā́nām adʰirājás

Line : 15  Pada: ac     tám evá bʰāgadʰéyenópāsarat

Pada: ad     sá enam ā́dʰirājyaṃ gamayati //


Anuvaka: 12  
Line : 16  Pada: a     índrāya manyumáte mánasvatā ékādaśakapālaṃ nírvapet saṃgrāmé

Pada: b     manyúnā vaí vīryàṃ kriyáta indriyéṇa jayati

Line : 17  Pada: c     vīryàṃ caivaíṣv indriyáṃ ca jítyai dadʰāti

Line : 18  Pada: d     manyáve carúṃ nírvapet saṃgrāmé

Pada: e     manyúnā vaí vīryàṃ kriyate

Pada: f     vīryám evaíṣu jítyai dadʰāti

Line : 19  Pada: g     yáṃ jīvagrā́haṃ gr̥hṇīyús tám̐ víkr̥nteyus \

Pada: h     manyóḥ svid evá satyám akar

Line : 20  Pada: i     índrāya mánasvatā ékādaśakapālaṃ nírvaped yáḥ kāmáyeta púnyaḥ syām anādʰr̥ṣyá íti

Line : 21  Pada: j     máno vaí śrī́s tvíṣiḥ

Pada: k     śríyam evā́smim̐s tvíṣiṃ dadʰāti


Page: 25  
Line : 1  Pada: l     sam̐vatsaráṃ nú purā́ mánaso ná kīrtayet

Pada: m     sam̐vatsaréṇa vā́ ánāptam āpyate

Line : 2  Pada: n     sam̐vatsaréṇaivā́smā āptvā́ śríyaṃ tvíṣiṃ dadʰāti //


Anuvaka: 13  
Line : 3  Pada: a     yásya sānnāyyáṃ candrámā abʰyudiyā́d yé puroḍāśyā̀ḥ syús tā́m̐s tredʰā́ kuryāt \

Line : 4  Pada: b     yé madʰyamā́s tám agnáye dātrè 'ṣṭā́kapālaṃ nírvapet \

Pada: c     yé stʰáviṣṭʰās tám índrāya pradātré dadʰám̐ś carúm \

Line : 5  Pada: d     yé kṣódiṣṭʰās tám̐ víṣṇave śipiviṣṭā́ya śr̥té carúm

Line : 6  Pada: e     agnír vaí madʰyamásya dātā́ \

Pada: f     índro jyeṣṭʰásya pradātā́ \

Pada: g     átʰa yát kṣódiṣṭʰaṃ táñ śipiviṣṭám \

Line : 7  Pada: h     tád āpnoti

Pada: i     paśū́n evá

Pada: j     sómo vā́ etásyā́tiricyate yásya sānnāyyáṃ candrámā abʰyudéti

Line : 8  Pada: k     sá vaí paśū́n evā́bʰyátiricyate

Pada: l     yáḥ paśúkāmaḥ syā́t sò 'māvāsyā̀m iṣṭvā́ vatsā́n apā́kuryāt \

Line : 9  Pada: m     yé puroḍāśyā̀ḥ syús tā́m̐s tredʰā́ kuryāt \

Line : 10  Pada: n     yé kṣódiṣṭʰās tám agnáye sanimáte 'ṣṭā́kapālaṃ nírvapet \

Pada: o     yé madʰyamā́s tám̐ víṣṇave śipiviṣṭā́ya śr̥té carúm \

Line : 11  Pada: p     yé stʰáviṣṭʰās tám índrāya pradātré dadʰám̐ś carúm

Line : 12  Pada: q     agnír evā́smai tád vindati yád ihá *
      FN Correcturen und Conjecturen zu dem ganzen Werk.

Pada: r     víṣṇus tád yád antárikṣas \

Pada: s     índras tád yád diví

Line : 13  Pada: t     sátvāno gā́ icʰanti

Pada: u     yád eté taṇḍulā́ vibʰājyánte

Pada: v     sátvāno vā́ etá eṣṭā́ras \

Line : 14  Pada: w     abʰiroddʰā́ra evá \

Pada: x     āgneyám aṣṭā́kapālaṃ nírvaped gatáśrīs

Pada: y     tásya gaúr dʰenúr dákṣiṇā

Line : 15  Pada: z     sá prā́ṅ prayā́ya vaiṣṇaváṃ tríkapālam \

Pada: aa     tásya váḍabā dʰenúr dákṣiṇā

Line : 16  Pada: ab     sá prā́ṅ prayā́ya giríṃ gatvā́pó vā prajāpatyáṃ gʰr̥té carúm \

Line : 17  Pada: ac     tásya puruṣī́ dʰenúr dákṣiṇā

Pada: ad     yád āgneyá imā́ṃ ténā́kramate

Pada: ae     yád vaiṣṇavò 'ntárikṣaṃ téna

Line : 18  Pada: af     yát prājāpatyò 'múṃ téna lokám \

Pada: ag     yát prā́ṅ prayā́ty abʰí svid evā́kramīt \

Line : 19  Pada: ah     yád giríṃ gácʰaty apó vā́ntam̐ svid evā́gan

Pada: ai     yát tisró dʰenávo dákṣiṇā

Line : 20  Pada: aj     tráyo vā́ imé lokā́s \

Pada: ak     imā́n asmai lokā́n dʰenúr akar

Pada: al     imā́n asmai lokā́n prádāpayati


Page: 26  
Line : 1  Pada: am     práttān ha vā́ asmā imā́ṃl lokā́n duhe yá evám̐ véda

Pada: an     saumendráṃ carúṃ nírvapeñ śyāmākám̐ somavāmíne \

Line : 2  Pada: ao     índro vaí tváṣṭuḥ sómam apibad ánupahūyamānas

Line : 3  Pada: ap     tásyordʰváḥ somapītʰò 'patat

Pada: aq     té śyāmā́kā abʰavant

Pada: ar     somapītʰéna vā́ eṣá vyr̥̀dʰyate yáḥ sómam̐ vámiti

Line : 4  Pada: as     yát saumyáḥ

Pada: at     somapītʰénaivaínam̐ sámardʰayati \

Line : 5  Pada: au     indriyéṇa vā́ eṣá vīryèṇa vyr̥̀dʰyate yáḥ sómam̐ vámiti

Pada: av     yád aindrás \

Line : 6  Pada: aw     indriyéṇaivaínam̐ vīryèṇa sámardʰayati

Pada: ax     śitʰirá iva hí vā́ etásya somapītʰás \

Line : 7  Pada: ay     átʰaiṣá sómam̐ vamiti

Pada: az     yáñ śyāmākataṇḍulaíḥ śrīṇā́ti

Pada: ba     somapītʰásya dʰŕ̥tyai //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.