TITUS
Black Yajur-Veda: Maitrayani-Samhita
Part No. 14
Previous part

Prapathaka: 3  
Anuvaka: 1  
Line : 10  Pada: a     āgneyám aṣṭā́kapālaṃ nírvapen maitrāvaruṇī́ṃ payasyā̀m

Pada: b     āmayāvínam̐ yājayet \

Line : 11  Pada: c     ŕ̥ddʰyā evā́gneyás \

Pada: d     átʰo astʰanvántam evaínaṃ kr̥tvā́ prátiṣṭʰāpayati \

Pada: e     īśvarā́ vaí payasyā̀ r̥té paśór áśāntā nirmŕ̥jaḥ

Line : 12  Pada: f     paśúr ápy ālábʰyaḥ

Pada: g     śántyā ánirmārgāya \

Line : 13  Pada: h     eté vaí paśávo yád vrīháyaś ca yávāś ca

Pada: i     yád vrīhimáyaḥ puroḍā́śo bʰávati

Line : 14  Pada: j     ténaivá paśúr ā́labʰyate

Pada: k     śā́ntyā ánirmārgāya

Pada: l     maitrāvaruṇī́ brāhmaṇásya syāt \

Line : 15  Pada: m     maitrāvaruṇó hí brāhmaṇó devátayā \

Pada: n     aindravāruṇī́ rājanyàsya syāt \

Line : 16  Pada: o     aindravāruṇó hí rājanyò devátayā \

Pada: p     āgnivāruṇī vaíśyasya syāt \

Pada: q     agnír vaí sárvā devátās \

Line : 17  Pada: r     átra vaíśyasyā́pi devátā \

Pada: s     āmayāvínam̐ yājayet

Pada: t     svā́m evá devátāṃ prā́yaścittyā úpāsarat \


Page: 27  
Line : 1  Pada: u     váruṇagr̥hīto vā́ eṣá yá āmayāvī́

Pada: v     váruṇād evaínaṃ téna muñcati

Line : 2  Pada: w     páyo vaí púruṣaḥ páya etásyāmayati

Pada: x     páyasaivā́sya páyo níṣkrīṇāti

Line : 3  Pada: y     yád vyū́hati

Pada: z     vikŕ̥tya hí śalyáṃ madʰyató nirháranti

Pada: aa     tád yákṣmam̐ vā́vā́syaitán madʰyató nirháranti \

Line : 4  Pada: ab     átʰa yát púnaḥ samúhyāgnáye samavadyáti yátʰā śalyáṃ nirhŕ̥tyoṣṇī́ṣeṇa veṣṭáyanty eváṃ tád bʰū́tikāmam̐ yājayet

Line : 5  Pada: ac     svā́m evá devátāṃ prā́yaścittyā úpāsarat \

Line : 6  Pada: ad     váruṇagr̥hīto vā́ eṣá yó bʰū́tikāmas \

Pada: ae     váruṇād evaínaṃ téna muñcati

Line : 7  Pada: af     páyo vaí púruṣaḥ

Pada: ag     páya eṣá icʰati yó bʰū́tim icʰáti

Line : 8  Pada: ah     páyasaivā́smai páyó 'varunddʰe

Pada: ai     yád vyū́hati

Pada: aj     yajñásya gopītʰā́ya \

Pada: ak     átʰa yát púnaḥ samū́hati

Line : 9  Pada: al     bʰū́tyaivaínam̐ sámūhati

Pada: am     grā́makāmam̐ yājayet

Pada: an     svā́m evá devátāṃ prā́yaścittyā úpāsarat \

Line : 10  Pada: ao     váruṇagr̥hīto vā́ eṣá yó grā́makāmas \

Pada: ap     váruṇād evaínaṃ téna muñcati

Line : 11  Pada: aq     páyo vaí púruṣaḥ

Pada: ar     páya eṣá icʰati yó grā́mam icʰáti

Pada: as     páyasaivā́smai páyó 'varundddʰe

Line : 12  Pada: at     yád vyū́hati

Pada: au     yajñásya gopītʰā́ya \

Pada: av     átʰa yát púnaḥ samū́hati

Line : 13  Pada: aw     grā́meṇaivaínam̐ sámūhati \

Pada: ax     ékakapālān juhoti \

Pada: ay     átrātra vaí váruṇasya pā́śās

Pada: az     táta enaṃ muñcati

Line : 14  Pada: ba     yán nā́nā juhuyā́d vikarṣáḥ sá yajñásya \

Pada: bb     agnaú sárve hotavyā̀ḥ

Line : 15  Pada: bc     sámr̥ddʰyai //

Pada: bd     yā́ vāṃ mitrāvaruṇā ojasyā̀ tanū́s táyā vām̐ vidʰema

Pada: be     táyemám amúṃ muñcatam ám̐hasas \

Line : 16  Pada: bf     yā́ vāṃ mitrāvaruṇau sahasyā̀ tanū́s táyā vām̐ vidʰema

Line : 17  Pada: bg     táyemám amúṃ muñcatam ám̐hasas \

Pada: bh     yā́ vāṃ mitrāvaruṇau yātavyā̀ tanū́s táyā vām̐ vidʰema

Line : 18  Pada: bi     táyemám amúṃ muñcatam ám̐hasas \

Pada: bj     yā́ vāṃ mitrāvaruṇau rakṣasyā̀ tanū́s táyā vām̐ vidʰema

Line : 19  Pada: bk     táyemám amúṃ muñcatam ám̐hasas \

Pada: bl     yā́ vāṃ mitrāvaruṇā ojasyā̀ sahasyā̀ yātavyā̀ rakṣasyā̀ tanū́s táyā vām avidʰāma

Page: 28  
Line : 2  Pada: bm     táyemám amúm amauktam ám̐hasas \

Pada: bn     yás te rājan varuṇa devéṣu pā́śas táṃ ta eténāvayaje

Line : 3  Pada: bo     tásmai te svā́hā

Pada: bp     yás te rājan varuṇā́nne pā́śas táṃ ta eténāvayaje

Line : 4  Pada: bq     tásmai te svā́hā

Pada: br     yás te rājan varuṇa dvipā́tsu cátuṣpātsu paśúṣu pā́śas táṃ ta eténāvayaje

Line : 5  Pada: bs     tásmai te svā́hā

Pada: bt     yás te rājan varuṇaúṣadʰīṣu vánaspátiṣv apsú pr̥tʰivyā́ṃ dikṣú pā́śas táṃ ta eténā́vayaje

Line : 6  Pada: bu     tásmai te svā́hā //

Pada: bv     eté vaí váruṇasya pā́śās

Line : 7  Pada: bw     táta enaṃ muñcati //


Anuvaka: 2  
Line : 8  Pada: a     vaiśvadeváṃ carúṃ nírvaped bʰrā́tr̥vyavān

Pada: b     devā́ś ca vā́ ásurāś cāspardʰanta

Pada: c     té devā́ḥ saṃgráhaṇenāyajanta

Line : 9  Pada: d     té yát kíṃcā́surāṇām̐ svám ā́sīt tát sámagr̥hṇan

Pada: e     mánām̐si vā́vaíṣāṃ tát sámagr̥hṇan \

Line : 10  Pada: f     tè 'manasaḥ párābʰavan

Pada: g     bʰrā́tr̥vyavān yajeta

Pada: h     manográhaṇam̐ vā́ etát \

Line : 11  Pada: i     mánām̐si vā́ etád bʰrā́tr̥vyāṇām̐ sáṃgr̥hṇāti

Pada: j     tè 'manásaḥ párābʰavanti

Line : 12  Pada: k     grā́makāmo yajeta

Pada: l     manográhaṇam̐ vā́ etát \

Pada: m     mánām̐si vā́ etát sajātā́nām̐ sáṃgr̥hṇāti

Line : 13  Pada: n     tè 'smān manogr̥hītā́ nā́payanti

Pada: o     sárveṣām̐ sajātā́nāṃ gr̥hā́d ā́jyam ā́hareyus \

Line : 14  Pada: p     yā́vatām evá kíyatāṃ ca gr̥hā́d ā́jyam āháranti téṣām̐ sárveṣāṃ mánām̐si sáṃgr̥hṇāti

Line : 15  Pada: q     tè 'smān manogr̥hītā́ nā́payanti \

Pada: r     ā́manena juhoti \

Line : 16  Pada: s     ā́manasa evaínān karoti //

Pada: t     ā́manasya deva yé sajātā́ḥ sámanasas tā́n aháṃ kāmaye hr̥dā́

Line : 17  Pada: u     té mā́ṃ kāmayantām̐ hr̥dā́

Pada: v     tā́n mā ā́manasas kr̥dʰi svā́hā \

Line : 18  Pada: w     ā́manasya deva yé putrā́ḥ sámanasas tā́n aháṃ kāmaye hr̥dā́

Pada: x     té mā́ṃ kāmayantām̐ hr̥ḍā́

Line : 19  Pada: y     tā́n mā ā́manasas kr̥dʰi svā́hā \

Pada: z     ā́manasya deva yā́ḥ stríyaḥ sámanasas tā́ aháṃ kāmaye hr̥dā́

Line : 20  Pada: aa     tā́ mā́ṃ kāmayantām̐ hr̥dā́

Line : 21  Pada: ab     tā́ mā ā́manasas kr̥tʰi svā́hā \

Pada: ac     ā́manasya deva yé paśávaḥ sámanasas tā́n aháṃ kāmaye hr̥dā́

Line : 22  Pada: ad     té mā́ṃ kāmayantām̐ hr̥dā́

Pada: ae     tā́n mā ā́manasas kr̥dʰi svā́hā //


Page: 29  
Line : 1  Pada: af     eté vaí sajātā́ḥ sajātā́ iva putrā́ iva stríya iva paśáva iva

Line : 2  Pada: ag     taír ātmā́nam abʰisám̐yuṅkte

Pada: ah     taír bʰavati

Pada: ai     pŕ̥ṣatī gaúr dʰenúr dákṣiṇā

Line : 3  Pada: aj     sā́ hí vaiśvadevī́ \

Pada: ak     átʰa yád vaiśvadevī́ṣṭis \

Pada: al     vaiśvadevī́r vā́ imā́ḥ prajā́s

Pada: am     tā́ evā́vārunddʰa

Line : 4  Pada: an     tā́ ādyā̀ akr̥ta

Pada: ao     bahirātmám̐ vaí prayājānuyājā́s \

Pada: ap     ātmā́ devátā

Line : 5  Pada: aq     yát prayājānuyājā́nāṃ purástād vopáriṣṭād vā juhuyā́d bahirātmám̐ sajātā́n dadʰīta \

Line : 6  Pada: ar     átʰa yán madʰyató juhóti

Pada: as     madʰyatá evá sajātā́n ātmán dʰatte

Line : 7  Pada: at     yádi kāmáyeta tājág éyus tāják páreyur íti dārumáyeṇa juhuyāt \

Pada: au     carācarā́ hí vánaspátayas \

Line : 8  Pada: av     yádi kāmáyeta dʰruvā́ḥ syuḥ kr̥cʰrā́d éyur íti mr̥nmáyena juhuyāt //

Line : 9  Pada: aw     dʰruvā́ hī̀yám \

Pada: ax     dʰruvò si

Pada: ay     dʰruvás tváṃ devéṣv edʰi

Pada: az     dʰruvò 'hám̐ sajātéṣu bʰūyāsaṃ priyáḥ sajātā́nām ugráś céttā vasuvít \

Line : 10  Pada: ba     ugrò 'si \

Pada: bb     ugrás tváṃ devéṣv edʰi \

Line : 11  Pada: bc     ugrò 'ham̐ sajātéṣu bʰūyāsaṃ priyáḥ sajātā́nām ugráś céttā vasuvít \

Line : 12  Pada: bd     abʰibʰū́r asi \

Pada: be     abʰibʰū́s tváṃ devéṣv edʰi \

Pada: bf     abʰibʰū́r ahám̐ sajātéṣu bʰūyāsaṃ priyáḥ sajātā́nām ugráś céttā vasuvít

Line : 13  Pada: bg     paribʰū́r asi

Pada: bh     paribʰū́s tváṃ devéṣv edʰi

Pada: bi     paribʰū́r ahám̐ sajātéṣu bʰūyāsaṃ priyáḥ sajātā́nām ugráś céttā vasuvít

Line : 14  Pada: bj     sūrír asi

Pada: bk     sūrís tváṃ devéṣv edʰi

Line : 15  Pada: bl     sūrír ahám̐ sajātéṣu bʰūyāsaṃ priyáḥ sajātā́nām ugráś céttā vasuvít //

Line : 16  Pada: bm     eté vaí sajātā́s

Pada: bn     tā́n asmin dadʰāti

Pada: bo     tā́n asmād ánapakramiṇaḥ karoti //


Anuvaka: 3  
Line : 18  Pada: a     átʰaiṣó 'śvaḥ prátigr̥hyate

Pada: b     sá vā́ ubʰayátodan prátigr̥hīto nírbabʰasty asyendriyáṃ ca paśū́m̐ś ca

Line : 19  Pada: c     váruṇo vā́ áśvo varuṇadevatyàs \

Pada: d     yó vā́ áśvaṃ pratigr̥hṇā́ti váruṇam̐ sá prásīdati

Line : 20  Pada: e     tád aśvahavíṣā yaṣṭavyàm \

Pada: f     nirvaruṇatvā́ya

Line : 21  Pada: g     cátuṣkapālā bʰavanti

Pada: h     cátuṣpād vā́ áśvaḥ

Pada: i     kapā́lair evaínam āpnoti

Pada: j     yā́vantó 'śvās tā́vantaḥ puroḍā́śā bʰavanti

Page: 30  
Line : 1  Pada: k     sarváta evaínaṃ muñcati \

Pada: l     ékó 'dʰi bʰavati

Line : 2  Pada: m     yán nópasmárati tásmā evá sá

Pada: n     yáḥ púnaḥ pratigrahiṣyánt syā́n ná sá yajeta

Pada: o     yád dʰí púnaḥ pratigr̥hṇīyā́t púnar váruṇaṃ prásīdet \

Line : 3  Pada: p     átʰa yáḥ púnaḥ pratigrahīṣyánt syā́t tásya vāruṇā́ némāḥ syúḥ sauryavāruṇā́ némās \

Line : 4  Pada: q     yád vāruṇás \

Pada: r     váruṇād evaínaṃ téna muñcati \

Line : 5  Pada: s     átʰa yát sauryáḥ

Pada: t     svā́m evá devátām upaprátigr̥hṇāti \

Pada: u     ātmánó 'him̐sāyai \

Line : 6  Pada: v     ékavim̐śatiḥ sāmidʰenī́r bʰavanti \

Pada: w     asā́ ādityá ekavim̐śáḥ

Pada: x     prajā́patir asā́ ādityáḥ

Line : 7  Pada: y     prājāpatyó 'śvas \

Pada: z     yā́vān evā́śvas tám āpnoti

Pada: aa     sárve vā́ anyé paśávo yónimantaḥ púruṣayonayas \

Line : 8  Pada: ab     ayonír áśvo 'psujā

Pada: ac     yád eṣò 'ponaptrī́yaś carúr bʰávati

Line : 9  Pada: ad     yónimantam evaínam akaḥ

Pada: ae     svá evaínam̐ yónau prátiṣṭʰāpayati //

Line : 10  Pada: af     yás te rājan varuṇa gāyatrácʰandāḥ pā́śo bráhman prátiṣṭʰitas táṃ ta eténā́vayaje tásmai te svā́hā

Line : 11  Pada: ag     yás te rājan varuṇa triṣṭúpcʰandāḥ pā́śaḥ kṣatré prátiṣṭʰitas táṃ ta eténā́vayaje tásmai te svā́hā

Line : 12  Pada: ah     yás te rājan varuṇa jágaccʰandāḥ pā́śo viśí prátiṣṭʰitas táṃ ta eténā́vayaje tásmai te svā́hā

Line : 14  Pada: ai     yás te rājan varuṇānuṣṭúpcʰandāḥ pā́śo dikṣú prátiṣṭʰitas táṃ ta eténā́vayaje tásmai te svā́hā //

Line : 15  Pada: aj     cʰándām̐si vaí váruṇasya pā́śās

Pada: ak     taír enaṃ gr̥hṇā́ti

Line : 16  Pada: al     yaír enaṃ gr̥hṇā́ti taír enaṃ muñcati \

Pada: am     aponaptrī́yābʰyāṃ dvā́bʰyāṃ juhoti

Pada: an     yá evā́psavyò váruṇas táta enaṃ muñcati //


Anuvaka: 4  
Line : 18  Pada: a     agnér ā́yur asi

Pada: b     ténāsmā́ amúṣmā ā́yur dehi \

Pada: c     índrasya prāṇò 'si

Pada: d     prāṇáṃ dehy amúṣmai yásya te prāṇáḥ svā́hā

Line : 19  Pada: e     pitr̥̄ṇā́ṃ prāṇò 'si

Pada: f     prāṇáṃ dattāmúṣmai yéṣām̐ vaḥ prāṇáḥ svā́hā

Line : 20  Pada: g     víśveṣāṃ devā́nāṃ prāṇò 'si

Pada: h     prāṇáṃ dattāmúṣmai yéṣām̐ vaḥ prāṇáḥ svā́hā

Line : 21  Pada: i     bŕ̥haspáteḥ prāṇò 'si

Pada: j     prāṇáṃ dehy amúṣmai yásya te prāṇáḥ svā́hā

Line : 22  Pada: k     prajā́pateḥ prāṇò 'si

Pada: l     prāṇáṃ dehy amúṣmai yásya te prāṇáḥ svā́hā //

Page: 31  
Line : 1  Pada: m     yán návam aít tán návanītam abʰavad yád ásarpat tát sarpíḥ /

Line : 2  Pada: n     yád ágʰriyata tád gʰr̥tám //

Line : 3  Pada: o     gʰr̥tásya pántʰām amŕ̥tasya nā́bʰim índreṇa dattáṃ práyataṃ marúdbʰiḥ /

Line : 4  Pada: p     tát tvā víṣṇur ánvapaśyat tát tvéḍā gávy airayat //

Line : 5  Pada: q     pāvamānásya tvā stómena gāyatrásya vartanyópām̐śós tvā vīryèṇótsr̥je

Line : 6  Pada: r     br̥hatā́ tvā ratʰaṃtaréṇa traíṣṭubʰyā vartanyā́ śukrásya tvā vīryèṇóddʰare \

Line : 7  Pada: s     agnéṣ ṭvā mā́trayā jā́gatyā vartanyā́ devás tvā savitónnayatu jīvā́tvai jī vanasyā́yai //

Line : 9  Pada: t     idám̐ várco agnínā dattám ā́gān máhi rā́dʰaḥ sáha ójo bálam̐ yát /

Line : 10  Pada: u     dīrgʰāyutvā́ya śatáśāradāya prátigr̥bʰṇāmi mahatá indriyā́ya //

Line : 11  Pada: v     imám agnā ā́yuṣe várcase kr̥dʰi tigmám ójo varuṇa soma rājan /

Line : 12  Pada: w     mātévāsmā adite śárma yacʰa víśve devā járadaṣṭir yátʰāsat //

Line : 13  Pada: x     agnír ā́yus

Pada: y     tásya manuṣyā̀ āyuṣkŕ̥tas

Pada: z     ténā́yuṣā́yuṣmān edʰi

Pada: aa     brahmā́yus

Pada: ab     tásya brāhmaṇā́ āyuṣkŕ̥tas

Line : 14  Pada: ac     ténā́yuṣā́yuṣmān edʰi

Pada: ad     yajñá ā́yus

Pada: ae     tásya dákṣiṇā āyuṣkŕ̥tas

Line : 15  Pada: af     ténā́yuṣā́yuṣmān edʰi \

Pada: ag     amŕ̥tam ā́yus

Pada: ah     tásya devā́ āyuṣkr̥tás

Pada: ai     ténā́yuṣā́yuṣmān edʰi \

Line : 16  Pada: aj     aśvínoḥ prāṇò 'si

Pada: ak     taú te prāṇáṃ dattām \

Pada: al     téna jīva

Pada: am     mitrāváruṇayoḥ prāṇò 'si

Line : 17  Pada: an     taú te prāṇáṃ dattām \

Pada: ao     téna jīva

Pada: ap     bŕ̥haspáteḥ prāṇò 'si

Pada: aq     sá te prāṇáṃ dadātu

Line : 18  Pada: ar     téna jīva

Pada: as     prajā́pateḥ parameṣṭʰínaḥ prāṇò 'si

Pada: at     sá te prāṇáṃ dadātu

Line : 19  Pada: au     téna jīva //


Anuvaka: 5  
Page: 32  
Line : 1  Pada: a     āgnāvaiṣṇavám ékādaśakapālaṃ nírvapet sārasvatáṃ carúṃ bārhaspatyáṃ carúm \

Line : 2  Pada: b     pūrvedyúr āmayāvínam̐ yājayet \

Pada: c     agnír vaí sárvā devátās \

Pada: d     víṣṇur yajñás \

Pada: e     devátābʰiś caivā́smin yajñéna cā́yur dadʰāti

Line : 3  Pada: f     vā́k sárasvatī

Pada: g     bráhma bŕ̥haspátis \

Pada: h     vācā́ caivā́smin bráhmaṇā cā́yur dadʰāti \

Line : 4  Pada: i     átʰo prāṇā́ vaí devátāḥ

Pada: j     prāṇā́n vā́ etát pūrvedyúr gr̥hītvópavasati

Line : 5  Pada: k     sá śvó bʰūtá āgneyám aṣṭā́kapālaṃ nírvapet saumyáṃ páyasi carúm ādityáṃ gʰr̥té carúm̐ vāruṇáṃ carúm̐ yavamáyam íyantam agnáye vaiśvānarā́ya dvā́daśakapālam

Line : 7  Pada: l     āmayāvínam̐ yājayet \

Pada: m     yó vaí pramīyáte 'gníṃ tásya śárīraṃ gácʰati sómam̐ rásas \

Line : 8  Pada: n     yád āgneyáḥ

Pada: o     śárīram evā́sya téna níṣkrīṇāti

Line : 9  Pada: p     yát saumyás \

Pada: q     rásaṃ téna

Pada: r     yā́vān evá táṃ niṣkrī́ya \

Pada: s     iyám̐ vā́ áditis \

Pada: t     asyā́m ádʰi prajā́ḥ prájāyante \

Line : 10  Pada: u     asyā́m evaínam ádʰi prájānayati \

Pada: v     íyām̐ś carúr bʰavati \

Pada: w     etā́vān vā́ ātmā́

Line : 11  Pada: x     yā́vān evā́syātmā́ tám̐ váruṇān muktvā́

Pada: y     sam̐vatsaró vā́ agnír vaiśvānaráḥ

Line : 12  Pada: z     sam̐vatsará evaínaṃ prátiṣṭʰāpayati

Pada: aa     sam̐vatsarā́yuṣam enaṃ karoti \

Pada: ab     agnér ā́yur asi ténāsmā́ amúṣmā ā́yur dehī́ti \

Line : 13  Pada: ac     agnír vaí manuṣyā̀ṇām ā́yuṣaḥ pradātā́

Pada: ad     sò 'smā ā́yuḥ práyacʰati

Line : 14  Pada: ae     pañcábʰir juhoti

Pada: af     pā́ṅktaḥ púruṣas \

Pada: ag     yā́vān evá púruṣas tám̐ sámīrayati

Line : 15  Pada: ah     yā́vān evá púruṣas tám̐ samīrayitvā́ \

Pada: ai     ayám̐ vā́vá yáḥ pávata eṣá prāṇás \

Line : 16  Pada: aj     ābʰyó vā́ eṣá digbʰyó 'dʰipavate \

Pada: ak     etaddevatyā̀ vā́ imā́ díśas \

Line : 17  Pada: al     yatʰādevatám̐ vā́vaínam etád ābʰyó digbʰyó 'dʰi samīrayitvā́ prāṇā́n asmin dadʰāti //

Line : 19  Pada: am     yán návam aít tán návanītam abʰavad yád ásarpat tát sarpíḥ /

Line : 20  Pada: an     yád ágʰriyata tád gʰr̥tám // íti

Line : 21  Pada: ao     gʰr̥tásya vā́ etán mahimā́nam udā́caṣṭe \

Pada: ap     átʰo maháyaty evaínat

Pada: aq     pāvamānásya tvā stómena gāyatrásya vartanyópām̐śos tvā vīryèṇótsr̥jā íti

Line : 22  Pada: ar     yátʰā vā́ idám̐ vádʰyam utsr̥játy uddʰáraty unnáyaty eváṃ tát \

Page: 33  
Line : 1  Pada: as     etā́vad vā́ asti stómā gráhāś cʰándām̐si

Line : 2  Pada: at     yā́vad evā́sti ténāsmā ā́yur dadʰāti

Pada: au     yajñénāsmā ā́yur dadʰāti

Line : 3  Pada: av     sárva r̥tvíjaḥ páryāhuḥ

Pada: aw     sárve vā́ etá etásmai cikitsanti

Pada: ax     sárva evā́smā ā́yur dadʰati *
      FN emended. Ed.: dadʰāti

Line : 4  Pada: ay     brahmáṇo hástam ālábʰya páryāhus \

Pada: az     bráhma vaí brahmā́

Pada: ba     bráhmaṇaivā́smin brahmā́yur dadʰāti

Line : 5  Pada: bb     híraṇyād ádʰi gʰr̥táṃ níṣpāyayanti \

Pada: bc     amŕ̥tam̐ vaí híraṇyam

Line : 6  Pada: bd     ā́yur gʰr̥tám

Pada: be     amŕ̥tād evaínam ádʰy ā́yur níṣpāyayanti nír iva dʰayati \

Pada: bf     ā́yur evā́tmán dʰatte

Line : 7  Pada: bg     tád asmā ā́badʰnāti \

Pada: bh     ā́yuṣainam̐ sámardʰayati \

Pada: bi     āgneyyā́badʰnāti \

Pada: bj     agnír vaí sárvā devátāḥ *
      FN emended. Ed.: devátā.

Line : 8  Pada: bk     sárvābʰir evā́smin devátābʰir ā́yur dadʰāti \

Pada: bl     agnír ā́yus

Pada: bm     tásya manuṣyā̀ āyuṣkŕ̥tas

Line : 9  Pada: bn     ténā́yuṣā́yuṣmān edʰī́ti

Pada: bo     yó vaí devā́n ā́yuṣmataś cāyuṣkŕ̥taś ca véda sárvam ā́yur éti ná purā́yuṣaḥ prámīyate \

Line : 10  Pada: bp     eté vaí devā́ ā́yuṣmantaś cāyuṣkr̥taś ca yád imé prāṇā́s

Line : 11  Pada: bq     tè 'sminn ā́yur dadʰati \

Pada: br     aśvínoḥ prāṇò 'si taú te prāṇáṃ dattāṃ téna jīvéti \

Line : 12  Pada: bs     imé vā́ eté prāṇā́s

Pada: bt     tā́n asmin dadʰāti

Pada: bu     tā́n asmād ánapakramiṇaḥ karoti

Line : 13  Pada: bv     dáśa déyās \

Pada: bw     dáśa hy ā̀tmán prāṇā́ḥ

Pada: bx     prāṇā́n asmin dadʰāti \

Line : 14  Pada: by     áśvo déyas \

Pada: bz     vā́so déyam \

Pada: ca     híraṇyaṃ déyam \

Pada: cb     gaúr déyas \

Pada: cc     váro déyas \

Pada: cd     bahú déyam //


Anuvaka: 6  
Line : 16  Pada: a     āgneyám aṣṭā́kapālaṃ nírvaped aindráṃ pañcakapālam \

Pada: b     dádʰi mádʰu gʰr̥táṃ dʰānā́ udakáṃ tát sám̐sr̥ṣṭaṃ bʰavati \

Line : 17  Pada: c     aryamṇé carúr bʰavati

Pada: d     ū́ddʰyā evā́gneyás \

Pada: e     aindráḥ pañcakapālaḥ

Line : 18  Pada: f     pā́ṅkto yajñáḥ

Pada: g     paṅktī́ yājyānuvākyè

Pada: h     pā́ṅktāḥ paśávaḥ

Pada: i     pā́ṅktaḥ púruṣas \

Line : 19  Pada: j     yā́vān evá púruṣas tám āpnoti

Pada: k     sá sárvo bʰūtvā́ paśū́n āpnoti

Pada: l     paśáva iva hy ètát sám̐sr̥ṣṭam

Line : 20  Pada: m     átʰo yā́vanta evá paśávas tā́n asmai sám̐sr̥jati

Pada: n     tád āhus \

Line : 21  Pada: o     aindrá ékādaśakapālaḥ kāryā̀ íti

Pada: p     aindrā́ hí paśávas \

Pada: q     átʰo āhuḥ

Pada: r     prājāpatyáṃ kāryàm íti

Line : 22  Pada: s     prājāpatyā́ hí paśávaḥ

Pada: t     prajā́patiḥ paśūnā́ṃ prajanayitā́

Page: 34  
Line : 1  Pada: u     tám evá bʰāgadʰéyenópāsarat

Pada: v     sò 'smai paśū́n prájanayati \

Pada: w     átʰaiṣò 'ryamṇé carús \

Line : 2  Pada: x     yó dádāti sò 'ryamā́

Pada: y     dā́nam aryamā́

Pada: z     dā́nakāmā asmai prajā́ bʰavanti \

Pada: aa     agnáye bʰrā́jasvate 'ṣṭā́kapālaṃ nírvapet sauryáṃ carúm agnáye bʰrā́jasvate 'ṣṭā́kapālam \

Line : 4  Pada: ab     cákṣuṣkāmam̐ yājayet \

Pada: ac     agnér vaí manuṣyā̀ náktaṃ cákṣuṣā páśyanti sū́ryasya dívā \

Line : 5  Pada: ad     etaú vaí cákṣuṣaḥ pradātā́rau

Pada: ae     tā́ evá bʰāgadʰéyenópāsarat

Pada: af     tā́ asmai cákṣuḥ práyacʰataḥ

Line : 6  Pada: ag     samānám̐ vaí cákṣur dadʰātu

Pada: ah     yát samānī́ devátā carúm abʰíto bʰávati

Line : 7  Pada: ai     nānānám evā́smai cákṣuṣī prátidadʰāti

Pada: aj     yā́vad anyataréṇākṣṇā́ páśyati tā́vad ubʰā́bʰyāṃ paśyed yác cárúr antarā́ ná syā́t \

Line : 8  Pada: ak     átʰa yác cárúr antarā́ bʰávati

Line : 9  Pada: al     tásmād idám antarā́ cákṣuṣór

Pada: am     vídʰr̥tyai

Pada: an     śuklā́ vrīháyo bʰávanti śvetā́ gā́ ā́jyāya duhanti \

Line : 10  Pada: ao     evám iva hy àsā́ ādityáḥ

Pada: ap     sámr̥ddʰyai

Pada: aq     páyasi bʰavati

Pada: ar     páyo vaí gʰr̥tám \

Line : 11  Pada: as     páyaś cákṣuḥ

Pada: at     páyasaivā́smai páyaś cákṣur dadʰāti

Pada: au     saurī́bʰir ā́dadʰāti

Pada: av     cákṣur asmin dadʰāti //


Anuvaka: 7  
Line : 13  Pada: a     devā́ ásurāṇām̐ veśatvám úpāyan \

Pada: b     índras tú nā́py úpait

Pada: c     téṣām̐ vā́ indriyā́ṇi vīryā̀ṇy ápākrāman \

Line : 14  Pada: d     agné ratʰaṃtarám

Pada: e     índrasya bŕ̥hat \

Pada: f     víśveṣāṃ devā́nām̐ vairūpám \

Line : 15  Pada: g     savitúr vairājám \

Pada: h     tváṣṭū revátī

Pada: i     márutām̐ śakvarī

Pada: j     tā́ni vā́ índro 'nvápākrāmat

Line : 16  Pada: k     taír ātmā́nam abʰisámayuṅkta

Pada: l     taír abʰavat \

Pada: m     yó bʰū́tikāmaḥ syā́t tám etáyā yājayet \

Line : 17  Pada: n     etaír evéndriyaír vīryaìr ātmā́nam abʰisám̐yuṅkte

Pada: o     taír bʰavati

Pada: p     dvā́daśakapālo bʰavati

Line : 18  Pada: q     vaiśvadevatvā́ya \

Pada: r     uttānā́ni kapā́lāny úpadadʰāti

Pada: s     tát svic carúm akar

Pada: t     ánirdāhāya \

Line : 19  Pada: u     abʰiśasyámānam̐ yājayet \

Pada: v     yásya vaí devā́ ánnam adánty adánti tásya manuṣyā̀ ánnam \

Line : 20  Pada: w     sárvā vā́ etā́ devátāḥ

Pada: x     sárvā vā́vā́syaitád devátā ánnam ajīgʰasat \

Line : 21  Pada: y     adánti hāsya manuṣyā̀ ánnam //


Page: 35  
Line : 21  Pada: z     índrāya rā́tʰaṃtarāyā́nubrūhi // íti

Line : 1  Pada: aa     ratʰaṃtarásyā ŕ̥cam anū́cya br̥hatá r̥cā́ yajet //

Pada: ab     índrāya bā́rhatāyā́nubrūhi // íti

Line : 2  Pada: ac     br̥hatá ŕ̥cam anū́cya ratʰaṃtarásya r̥cā́ yajet //

Pada: ad     índrāya vairūpā́yā́nubrūhi // íti

Line : 3  Pada: ae     vairūpásyā ŕ̥cam anū́cya vairājásya r̥cā́ yajet //

Line : 4  Pada: af     índrāya vairājā́yā́nubrūhi // íti

Pada: ag     vairājásyā ŕ̥cam anū́cya vairūpásya r̥cā́ yajet //

Line : 5  Pada: ah     índrāya raivatā́yā́nubrūhi // íti

Pada: ai     revátīm anū́cya śákvaryā yajet //

Line : 6  Pada: aj     índrāya śākvarā́yā́nubrūhi // íti

Pada: ak     śákvarīm anū́cya revátyā yajet \

Line : 7  Pada: al     etaír evaínam indriyaír etā́bʰir devátābʰir vyátiṣajati

Pada: am     paryū́ham ávadyati \

Pada: an     etaír evaínam indriyaír etā́bʰir devátābʰiḥ páryūhati

Line : 8  Pada: ao     paśávo vaí br̥hatī́ \

Pada: ap     agnī́ rudrás \

Pada: aq     yád br̥hatyā́ vaṣaṭkuryā́d rudrā́yāsya paśū́n ápidadʰyāt \

Line : 9  Pada: ar     átʰo br̥hatī́m̐ hy áyātayāmnīṃ paśávo 'nuprajā́yante \

Line : 10  Pada: as     anuvākyā̀yāś catvā́ry akṣárāṇi yājyā̀m abʰyátyūhati \

Pada: at     anuṣṭúbʰaṃ ca saṃpādáyati paṅktíṃ ca

Line : 11  Pada: au     vā́g vā́ anuṣṭúp

Pada: av     prajā́patiḥ paṅktís \

Pada: aw     vācí vā́ etát prajā́patim ápy asrāṭ

Line : 12  Pada: ax     prajánanāya

Pada: ay     tán mitʰunám \

Pada: az     tásmād evá mitʰunā́d yájamānaḥ prajáyā ca paśúbʰiś ca prájāyate //


Anuvaka: 8  
Line : 14  Pada: a     svādvī́ṃ tvā svādúnā tīvrā́ṃ tīvréṇa śukrā́m̐ śukréṇa / devī́ṃ devénāmŕ̥tām amŕ̥tena sr̥jā́mi sám̐ sómena //

Line : 16  Pada: b     sómo 'si \

Pada: c     aśvíbʰyāṃ pacyasva

Pada: d     sárasvatyai pacyasva \

Pada: e     índrāya sutrā́mṇe pacyasva //

Line : 17  Pada: f     punā́tu te parisrútam̐ sómam̐ sū́ryasya duhitā́ /

Line : 18  Pada: g     vā́reṇa śásvatā tánā //

Page: 36  
Line : 1  Pada: h     vā́yoḥ pūtáḥ pavítreṇa pratyáṅ sómo átisrutaḥ /

Line : 2  Pada: i     índrasya yújyaḥ sákʰā //

Line : 3  Pada: j     kuvíd aṅgá yávamanto yávaṃ cid yátʰā dā́nty anupūrvám̐ viyū́ya /

Line : 4  Pada: k     ihéhaiṣāṃ kr̥ṇuta bʰójanāni yé barhíṣā námauktiṃ na jagmúḥ //

Line : 5  Pada: l     upayāmágr̥hīto 'si \

Pada: m     ácʰidrāṃ tvā́cʰidreṇāśvíbʰyāṃ júṣṭaṃ gr̥hṇāmi \

Pada: n     eṣá te yónis \

Line : 6  Pada: o     aśvíbʰyāṃ tvā \

Pada: p     upayāmágr̥hīto 'si \

Pada: q     ácʰidrāṃ tvā́cʰidreṇa sárasvatyai júṣṭaṃ gr̥hṇāmi \

Line : 7  Pada: r     eṣá te yóniḥ

Pada: s     sárasvatyai tvā \

Pada: t     upayāmágr̥hīto 'si \

Pada: u     ácʰidrāṃ tvā́cʰidreṇéndrāya sutrā́mṇe júṣṭaṃ gr̥hṇāmi \

Line : 8  Pada: v     eṣá te yónis \

Pada: w     índrāya tvā sutrā́mṇe //

Line : 9  Pada: x     yád átra śiṣṭám̐ rasínaḥ sutásya yám asyéndro ápibañ śácībʰiḥ /

Line : 10  Pada: y     aháṃ tám asya mánasā gʰr̥téna sómam̐ rā́jānam ihá bʰakṣayāmi //

Line : 11  Pada: z     nā́nā hí vāṃ deváhitam̐ sádas kr̥táṃ mā́ sám̐sr̥kṣātʰāṃ paramé vyòman /

Line : 12  Pada: aa     súrā tvám ási śuṣmíṇī sóma eṣá mā́ mā him̐siṣṭam̐ svám̐ yónim āviśántau //

Line : 14  Pada: ab     dvé srutī́ aśr̥ṇavaṃ pitr̥̄ṇā́m aháṃ devā́nām utá mártyānām /

Line : 15  Pada: ac     yā́bʰyām idám̐ víśvam éjat saméti yád antarā́ pitáraṃ mātáraṃ ca //

Line : 16  Pada: ad     yé bʰakṣáyanto ná vásūny ānaśúr yā́n agnáyo anvátapyanta dʰíṣṇyāḥ /

Line : 17  Pada: ae     yā́ téṣām avayā́ dúriṣṭiḥ svìṣṭiṃ nas tā́m̐ viśvákarmā kr̥ṇotu //

Line : 18  Pada: af     ayajñiyā́n yajñíyān mányamānaḥ prāṇásya vidvā́nt samaré na dʰī́raḥ /

Line : 19  Pada: ag     éno mahác cakr̥vā́n baddʰá eṣá tám̐ viśvakarman prámuñcā svastáye //

Line : 20  Pada: ah     yájamānam ŕ̥ṣayā énasāhur vihā́ya prajā́m anutápyamānāḥ /

Page: 37  
Line : 1  Pada: ai     madʰavyaù stokā́ ápa taú rarādʰa sáṃ nas tā́bʰyām̐ sr̥jatu viśvákarmā //


Anuvaka: 9  
Line : 3  Pada: a     kuvalasaktúbʰir āśvinám̐ śrīṇāti

Pada: b     badarasaktúbʰir aindrám \

Pada: c     karkandʰusaktúbʰiḥ sārasvatám \

Line : 4  Pada: d     vā́g vaí sárasvatī

Pada: e     vācaívā́smint svādumā́naṃ dadʰāti \

Pada: f     átʰa yaínam asā́ aślīlám̐ vā́g abʰivádati \ átyapaviṣṭa vyā̀rdʰiṣṭéti saínaṃ púnaḥ kalyā́ṇam̐ vadati

Line : 6  Pada: g     sim̐hā́ adʰvaryúr dʰyāyati

Pada: h     vyāgʰraú pratiprastʰātā́

Pada: i     vŕ̥kau yájamānas \

Line : 7  Pada: j     eṣā́ súrā bʰavati

Pada: k     sá yaír evá tád indriyaír vīryaìr vyr̥dʰyáte tā́ny asminn āptvā́ dʰattas \

Line : 8  Pada: l     brāhmaṇásya mūrdʰánt sādyā̀

Pada: m     medʰyatvā́ya \

Pada: n     ánnam̐ vaí súrā

Pada: o     médʰyam̐ vā́ ánnam \

Pada: p     téna médʰyā \

Line : 9  Pada: q     ékā purorúk \

Pada: r     ékā yājyā̀ \

Pada: s     ekadʰā́smin vīryàṃ dadʰāti

Pada: t     brāhmaṇáḥ pāyayitavyàs

Line : 10  Pada: u     téna havíḥ kriyate \

Pada: v     ātmánāpéyā \

Pada: w     ātmánn evá vīryàṃ dʰatte \

Pada: x     agnaú sárvā hotavyā̀ḥ

Line : 11  Pada: y     sámr̥ddʰyai

Pada: z     madʰyató vā́ eṣá pāpmánā gr̥hītó yát samáyā vyéti

Pada: aa     madʰyatá evaínaṃ pāpmáno muñcati

Line : 12  Pada: ab     yád āhavanī́ye juhuyā́n ná pāpmánā vyāvárteta kriyéta bʰeṣajám

Line : 13  Pada: ac     átʰa yád dákṣiṇe juhóti

Pada: ad     ví pāpmánā vártate kriyáte bʰeṣajám

Line : 14  Pada: ae     átʰa yád vikṣāráyati \

Pada: af     evám iva hy èṣá vikṣárati

Pada: ag     śatákṣaro bʰavati

Pada: ah     śatā́yur vaí púruṣaḥ śatávīryas \

Line : 15  Pada: ai     ā́yur evá vīryàm āpnoti

Pada: aj     yád vā́ etásya vyā́rdʰi yát prā́māyi pitŕ̥̄n vā́ etásya tád agan

Line : 16  Pada: ak     yát pitr̥mátībʰir anumantráyante

Pada: al     pitŕ̥bʰya evaínaṃ téna sámīrayanti

Line : 17  Pada: am     yát tisrás

Pada: an     tr̥tī́ye hí loké pitáras \

Pada: ao     átʰa yác catvā́ras \

Line : 18  Pada: ap     digbʰyá evaínaṃ téna sámīrayanti //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.