TITUS
Black Yajur-Veda: Maitrayani-Samhita
Part No. 15
Previous part

Prapathaka: 4  
Anuvaka: 1  
Page: 38  
Line : 1  Pada: a     viśvárūpo vaí tvāṣṭrá āsīt triśī́rṣā́surāṇām̐ svasrī́yaḥ

Pada: b     sá sómam ékena śīrṣṇā́pibat

Line : 2  Pada: c     súrām ékena \

Pada: d     ánnam ékenāvayat

Pada: e     sá índro 'manyata \

Pada: f     ayám̐ vā́védáṃ bʰaviṣyatī́ti

Line : 3  Pada: g     téna sámalabʰata

Pada: h     téna yugaśáram apatat

Pada: i     sá tákṣāṇaṃ tíṣṭʰantam abravīt \

Line : 4  Pada: j     ā́dʰāvemā́ny asya śīrṣā́ṇi cʰinddʰī́ti

Pada: k     tásya tákṣopaskándya paraśúnā śīrṣā́ṇy acʰinat

Line : 5  Pada: l     tásmāt tákṣṇe śíro dʰr̥tám \

Pada: m     tásmād asyā́nnam annā́dyaṃ *
      FN This should be annādyáṃ.

Pada: n     tásya yát somapám̐ śírā ā́sīt sá kapíñjalo 'bʰavat \

Line : 6  Pada: o     yát surāpám̐ sá kalavíṅkas \

Pada: p     yénā́nnam ā́vayat sá tittiríḥ

Line : 7  Pada: q     sá vaí tváṣṭā putré haté sómam ā́harad r̥tá índram \

Pada: r     tám adʰáḥ śatáśale 'sunot \

Line : 8  Pada: s     átʰo āhuḥ sahásraśalā íti

Pada: t     tásmin vā́ índra upahavám aicʰata

Line : 9  Pada: u     tán nópāhvayata

Pada: v     táṃ prāsáhādā́ya nāḍyā́ nírapibat

Pada: w     sá somapītʰéna vyā̀rdʰyata

Line : 10  Pada: x     tásmāt sómo nā́nupahūtena péyaḥ

Pada: y     somapītʰéna ha vyárdʰuko bʰavati

Line : 11  Pada: z     yád itó 'mucyata taú sim̐hā́ abʰavatām \

Pada: aa     yád itás taú vyāgʰraú

Pada: ab     yád itás taú vŕ̥kau

Line : 12  Pada: ac     yát pratʰamáṃ niráṣṭīvat tát kúvalam abʰavat \

Pada: ad     yád dvitī́yaṃ tád bádaram \

Pada: ae     yát tr̥tī́yaṃ tát karkándʰus \

Line : 13  Pada: af     yád adʰástāt sā́ súrā

Pada: ag     tám̐ vā́ etáyāśvínā ayājayatām̐ sautrāmaṇyā́

Line : 14  Pada: ah     sá yaír evá tád indriyaír vīryaìr vyā́rdʰyata tā́ny asminn āptvā́dʰattām \

Pada: ai     sómenātipupuvānám̐ yājayet \

Line : 15  Pada: aj     indriyéṇa vā́ eṣá vīryèṇa vyr̥̀dʰyate yám̐ sómo 'tipávate

Line : 16  Pada: ak     yā́vad evéndriyám̐ vīryàṃ tád asminn āptvā́ dadʰāti

Pada: al     rājasū́yenābʰiṣiṣicānám̐ yājayet \

Line : 17  Pada: am     indriyéṇa vā́ eṣá vīryèṇa vyr̥̀dʰyate yó rājasū́yenābʰiṣiñcáte

Line : 18  Pada: an     yā́vad evéndriyám̐ vīryàṃ tád asminn āptvā́ dadʰāti

Pada: ao     bʰū́tikāmam̐ yājayet \

Line : 19  Pada: ap     indriyéṇa vā́ eṣá vīryèṇa vyr̥̀dʰyate yó 'laṃ bʰū́tyai sán ná bʰávati

Line : 20  Pada: aq     yā́vad evéndriyám̐ vīryàṃ tád asminn āptvā́ dadʰāti

Pada: ar     jyógāmayāvinam̐ yājayet \

Line : 21  Pada: as     indriyéṇa vā́ eṣá vīryèṇa vyr̥̀dʰyate yásya jyóg āmáyati

Pada: at     yā́vad evéndriyám̐ vīryàṃ tád asminn āptvā́ dadʰāti

Line : 22  Pada: au     nā́nārtena yaṣṭavyàm

Pada: av     íty āhur

Pada: aw     ārtayajñá iva hy èṣá

Line : 23  Pada: ax     tád āhur

Pada: ay     yaṣṭavyàm evá

Pada: az     sárvo hí púruṣā ā́rtaḥ sárvo búbʰūṣati


Page: 39  
Line : 1  Pada: ba     yád āśvinī \

Pada: bb     àśvínau hy ábʰiṣajyatām \

Pada: bc     yát sārasvatī́

Pada: bd     vā́g vaí sárasvatī

Pada: be     vācā́ hy ábʰiṣajyatām \

Line : 2  Pada: bf     yád aindrī́ \

Pada: bg     índre hí taú tā́nīndriyā́ṇi vīryā̀ṇy āptvā́dʰattām //


Anuvaka: 2  
Line : 4  Pada: a     sī́sena klībā́t kāryā̀ \

Pada: b     ánr̥tam̐ vaí sī́sam

Pada: c     ánr̥taṃ klībás \

Pada: d     ánr̥tam̐ súrā \

Pada: e     ánr̥tenaivā́nr̥tād ánr̥taṃ krīṇāti

Line : 5  Pada: f     tád āhuḥ

Pada: g     kāryā̀ váḍabā dákṣiṇéti

Pada: h     sŕ̥tvarīva hy èṣā́ sŕ̥tvarī váḍabā \

Line : 6  Pada: i     āśvináṃ pratʰamám ā́labʰante \

Pada: j     átʰa sārasvatī́m

Pada: k     átʰaindrám

Pada: l     evám evá vapā́bʰiś carati \

Line : 7  Pada: m     índra evaíṣu tád ádʰibʰavati \

Pada: n     aindráḥ púnaḥ pracáratāṃ pratʰamó bʰavati \

Line : 8  Pada: o     índram̐ vā́ etát púnar ā́labʰante

Pada: p     sendriyatvā́ya \

Pada: q     aindrī́ vapā́nām uttamā́ bʰávati \

Line : 9  Pada: r     aindráḥ puroḍā́śānāṃ pratʰamás \

Pada: s     vīryàm̐ vā́ índras \

Pada: t     vīryà evaínam abʰisáṃdʰattaḥ

Line : 10  Pada: u     prasavā́ya sāvitrás \

Pada: v     nirvaruṇatvā́ya vāruṇás \

Pada: w     madʰyató hy èṣá váruṇagr̥hītaḥ

Line : 11  Pada: x     paścā́d vā́ eṣā́ sr̥ṣṭā́ pratīcī́naśīrṣṇī

Pada: y     yád upáriṣṭāt puroḍā́śo bʰávati \

Line : 12  Pada: z     ápihityā ácʰidratvāya

Pada: aa     sahá samavattáṃ bʰávati

Pada: ab     sahéḍām úpahvayante

Line : 13  Pada: ac     sám̐hityai \

Pada: ad     átʰo íḍāyā ávidohāya

Pada: ae     yád vaí sautrāmaṇyā́vyr̥ddʰaṃ tád asyāḥ sámr̥ddʰam \

Line : 14  Pada: af     yád anyadevatyā̀ḥ puroḍā́śā bʰávanti \

Pada: ag     anyadevatyā̀ḥ paśávas

Pada: ah     tád asyā vyr̥̀ddʰam̐ sát sámr̥ddʰam

Line : 15  Pada: ai     ardʰám̐ vaí prajā́pater ātmáno dʰaíryam ā́sīt \

Pada: aj     ardʰáṃ mā́lvyam \

Pada: ak     yád dʰaíryaṃ tát purástād ákuruta

Line : 16  Pada: al     yán mā́lvyaṃ tát paścā́t páryauhata

Pada: am     yád dʰairyám̐ sómo vaí sá táto brāhmaṇám asr̥jata

Line : 17  Pada: an     tásmād brāhmaṇáḥ sárva evá bráhmābʰí dʰī́ras \

Pada: ao     yán mā́lvyam̐ súrā vaí sā́ táto rājanyàm asr̥jata

Line : 18  Pada: ap     tásmāj jyā́yām̐ś ca kánīyām̐ś ca snuṣā́ ca śváśuraś ca súrāṃ pītvā́ vilā́lapata āsate

Line : 19  Pada: aq     mā́lvyam̐ hí tát

Pada: ar     pāpmā́ vaí mā́lvyam \

Line : 20  Pada: as     tásmād brāhmaṇáḥ súrāṃ ná pibet

Pada: at     pāpmánātmā́naṃ nét sam̐sr̥jā́ íti

Page: 40  
Line : 1  Pada: au     tád utaítád rāṣṭrī́yāya brāhmaṇáṃ brūyāt

Pada: av     tád yá evám̐ vidvā́nt súrāṃ píbati ná hainaṃ drūṇāti \

Line : 2  Pada: aw     eṣā́ vaí prajā́pater vīryàvatī tanū́s \

Pada: ax     vīryàṃ prajā́patis \

Pada: ay     vīryàm asmin dadʰāti //


Anuvaka: 3  
Line : 4  Pada: a     táto yáḥ sómo 'tyáricyata tám agnā́ upaprā́vartayat /

Line : 5  Pada: b     svā́héndraśatrur vardʰasva //

Line : 6  Pada: c     íti \

Pada: d     índrasyā́hainam̐ śatrum ácikīrṣat \

Pada: e     índram asya śátrum akarot

Pada: f     tátʰā vā́k svayám evá vyaìt

Line : 7  Pada: g     sá yám̐ sómaṃ prā́vartayad yásmim̐ś cāgnā́ upaprā́vartayat tā́ agnī́ṣómau deváte prāṇāpānā́ abʰisámabʰavatām \

Line : 8  Pada: h     sá yā́vad ūrdʰvabāhúḥ parā́vidʰyat tā́vati vyàramata

Line : 9  Pada: i     yádi vā pravaṇáṃ tā́vad ā́sīd yádi vāgnér ádʰi tā́vad ā́sīt sá vā́ iṣumātrám evā́hnā tiryáṅṅ ávardʰateṣumātrám anváṅ \

Line : 11  Pada: j     átʰo āhus \

Pada: k     ahorātré evéṣumātráṃ tiryáṅṅ avardʰateṣumātrám anváṅṅ íti \

Pada: l     átʰo āhur

Line : 12  Pada: m     ardʰamāsám átʰo mā́sam átʰo sam̐vatsarám íti

Pada: n     sá vā́ imā́ḥ sárvāḥ snotyā́ḥ páryaśayat

Line : 13  Pada: o     tásmād vā́ índro 'bibʰet

Pada: p     tásmād u tváṣṭābibʰet

Pada: q     tásyéndraḥ práttim aicʰat

Line : 14  Pada: r     tám asmai prā́yacʰat

Pada: s     tásmai tváṣṭā vájram asiñcat

Pada: t     tápo vaí sá vájra āsīt

Line : 15  Pada: u     tám udyámaṃ nā́śaknot \

Pada: v     átʰa vaí tárhi víṣṇur anyā́ devátāsīt

Pada: w     sò 'bravīt \

Pada: x     víṣṇā éhīdám ā́hariṣyāvo yénāyám idám íti

Line : 16  Pada: y     sá tredʰā́tmā́nam̐ vinyàdʰatta \

Pada: z     abʰiparyāvartā́d abibʰet \

Line : 17  Pada: aa     asyā́ṃ tŕ̥tīyam

Pada: ab     antárikṣe tŕ̥tīyam \

Pada: ac     diví tr̥tīyam \

Pada: ad     sá yád asyā́ṃ tŕ̥tīyam ā́sīt téna vájram údayacʰat \

Line : 18  Pada: ae     víṣṇvanuṣṭʰitaḥ sá vájram údyataṃ dr̥ṣṭvā́bibʰet

Line : 19  Pada: af     sò 'bravīt \

Pada: ag     ásti vā́ idáṃ tyásminn antár vīryàṃ tát te prádāsyāmi mā́ mā vadʰīr íti

Line : 20  Pada: ah     tád vā́ asmai prā́yacʰat

Pada: ai     tát prátyagr̥hṇāt //

Pada: aj     ádʰā mā // íti

Line : 21  Pada: ak     tád víṣṇave 'tiprā́yacʰat

Pada: al     tád víṣṇuḥ prátyagr̥hṇāt //

Page: 41  
Line : 1  Pada: am     asmā́sv índra indriyáṃ dadʰātv asmā́n rā́yo magʰávānaḥ sacantām /

Line : 2  Pada: an     asmā́kam̐ santv āśíṣaḥ //

Line : 3  Pada: ao     íti

Pada: ap     sò 'vet \

Pada: aq     ásti vā́vā́sminn antár vīryàm íti

Pada: ar     sá yád antárikṣe tŕ̥tīyam ā́sīt téna vájram údayacʰat \

Line : 4  Pada: as     víṣṇvanuṣṭʰitaḥ sá vájram údyataṃ dr̥ṣṭvā́bibʰet

Pada: at     sò 'bravīt \

Line : 5  Pada: au     ásti vā́ idáṃ tyásminn antár vīryàm \

Pada: av     tát te prádāsyāmi

Pada: aw     mā́ mā vadʰīr íti

Line : 6  Pada: ax     tád vā́ asmai prā́yacʰat

Pada: ay     tát prátyagr̥hṇāt //

Pada: az     dvír mādʰāḥ //

Pada: ba     íti

Pada: bb     tád víṣṇave 'tiprā́yacʰat

Line : 7  Pada: bc     tád víṣṇuḥ prátyagr̥hṇāt //

Line : 8  Pada: bd     asmā́sv índra indriyáṃ dadʰātv asmā́n rā́yo magʰávānaḥ sacantām /

Line : 9  Pada: be     asmā́kam̐ santv āśíṣaḥ //

Line : 10  Pada: bf     íti

Pada: bg     sò 'vet \

Pada: bh     ásti vā́vā́sminn antár vīryàm íti

Pada: bi     sá yád diví tŕ̥tīyam ā́sīt téna vájram údayacʰat \

Line : 11  Pada: bj     víṣṇvanuṣṭʰitaḥ sá vájram údyataṃ dr̥ṣṭvā́bibʰet

Pada: bk     sò 'bravīt \

Pada: bl     ásti vā́ idáṃ tyásminn antár vīryàm \

Line : 12  Pada: bm     tát te prádāsyāmi

Pada: bn     mā́ mā vadʰīḥ //

Pada: bo     saṃdʰā́ṃ nú sáṃdadʰāvahai yátʰā tvā́m evá praviśā́nī́ti

Line : 13  Pada: bp     sò 'bravīt \

Pada: bq     yán mā́ṃ praviśéḥ kíṃ me tátaḥ syād íti

Line : 14  Pada: br     sò 'bravīt

Pada: bs     tvā́m evéndʰīya táva bʰógāya tvā́ṃ práviśeyam íti

Line : 15  Pada: bt     tád vā́ asmai prā́yacʰat

Pada: bu     tát prátyagr̥hṇāt //

Pada: bv     trír mādʰāḥ // íti

Line : 16  Pada: bw     tád vā́vá traidʰātavyā̀

Pada: bx     sahásram̐ vā́ asmai tát prā́yacʰad ŕ̥caḥ sā́māni yájūm̐ṣi

Line : 17  Pada: by     yád vā́ idáṃ kíṃ ca tát traidʰātavyā̀

Pada: bz     tád āpnoti paśū́n evá //


Anuvaka: 4  
Line : 18  Pada: a     udáram̐ vaí vr̥tráḥ pāpmā́ kṣúd bʰrā́tr̥vyaḥ púruṣasya

Pada: b     yát tápa upaíti pāpmā́nam̐ vā́ etát str̥ṇute bʰrā́tr̥vyaṃ kṣúdʰam evá

Line : 19  Pada: c     tásmin vā́ avadetām \

Pada: d     séyám asyā́ ádʰy ūrdʰvā́ vā́g avadat //

Line : 21  Pada: e     ubʰā́ jigyatʰur ná párājayetʰe ná párājigye kataráścanaínoḥ /

Page: 42  
Line : 1  Pada: f     índraś ca viṣṇo yád ápaspr̥dʰetʰāṃ tredʰā́ sahásram̐ ví tád airayetʰām //

Line : 2  Pada: g     íti

Pada: h     satyám āhéty abravīt \

Pada: i     dvé evá tŕ̥tīye āhartúr ékaṃ pratigrahītúr íti

Line : 3  Pada: j     taú vaí tátraivā́tiṣṭʰetām \

Pada: k     tásmād aindrāvaiṣṇavám \

Pada: l     trirātrásya vā́ upepsā́yai traidʰātavyā́hriyate

Line : 4  Pada: m     yā́vad vaí trirātréṇopāpnóti tā́vat traidʰātavyàyā́varunddʰe

Pada: n     tásmād āhuḥ

Line : 5  Pada: o     sahásradakṣiṇéti \

Pada: p     uṣṇihākakúbʰā ánvāha

Pada: q     gāyatrī́ vā́ uṣṇíhā \

Line : 6  Pada: r     átʰa yā́ny etā́ni catvā́ry akṣárāṇy r̥cy ádʰi

Pada: s     cátuṣpādo vā́ eté paśávas \

Line : 7  Pada: t     yátʰā vā́ idáṃ puroḍā́śe puroḍā́śó 'dʰy evám̐ vā́ etád yád r̥cy ádʰy akṣárāṇi

Line : 8  Pada: u     prāṇó vaí gāyatrī́

Pada: v     prāṇéna paśávo yatā́s \

Pada: w     yád uṣṇihākakúbʰā anvā́ha

Line : 9  Pada: x     paśūnā́m̐ yátyai //

Line : 10  Pada: y     ágne trī́ te vā́jinā trī́ ṣadʰástʰā tisrás te jihvā́ r̥tajāta pūrvī́ḥ /

Line : 11  Pada: z     tisrá u te tanvò devávātās tā́bʰir naḥ pāhi gíro áprayucʰan //

Line : 12  Pada: aa     íti

Pada: ab     páridadʰāti

Pada: ac     vīrátāyai \

Pada: ad     átʰo rūpátāyā evá

Pada: ae     yáj jágatyā paridadʰyā́d ántaṃ gacʰet \

Line : 13  Pada: af     átʰa yát triṣṭúbʰā paridádʰāti

Pada: ag     tā́ntaṃ gácʰati \

Pada: ah     ójo vaí vīryàṃ triṣṭúp \

Line : 14  Pada: ai     ójasy evá vīryè prátitiṣṭʰati //


Anuvaka: 5  
Line : 15  Pada: a     sárvābʰyo devátābʰyo yajñá āhŕ̥tyā íty āhuḥ

Pada: b     sárvo vā́ eṣá yajñáḥ

Line : 16  Pada: c     sárvābʰyo hí devátābʰyo yajñá āhriyáte

Pada: d     sárvāṇi cʰándām̐sy ánvāha

Pada: e     sárvāṇi hí cʰándām̐si yajñé prayujyánte \

Line : 17  Pada: f     abʰicárann ā́haret

Pada: g     sárvo vā́ eṣá yajñáḥ

Line : 18  Pada: h     sárveṇaivaínam̐ yajñénābʰícarati \

Pada: i     adakṣiṇás tú syās

Pada: j     tát svin mením akar

Pada: k     menír hy àdakṣiṇás \

Line : 19  Pada: l     átʰa yó yakṣyá íty uktvā́ ná yájeta tám eténa yājayet

Pada: m     sárvo vā́ eṣá yajñáḥ

Page: 43  
Line : 1  Pada: n     sárveṇaivā́smai yajñéna prā́yaścittim̐ vindati \

Pada: o     úttarauttaraḥ puroḍā́śo jyā́yān bʰavati \

Line : 2  Pada: p     úttarauttaro hí lokó jyā́yān

Pada: q     yátʰā vā́ iyám evám asaú \

Line : 3  Pada: r     átʰa vā́ antárikṣam \

Pada: s     nā́syā́ rūpáṃ nā́múṣyās

Pada: t     tásmād yavamáyo madʰyatás \

Pada: u     átʰo evám iva hy àntárikṣasya rūpám \

Line : 4  Pada: v     dvā́daśakapālo bʰavati

Pada: w     yád vaí trístris tát traidʰātavyā̀yāḥ sámr̥ddʰam \

Line : 5  Pada: x     sárveṣām atigʰā́tam ávadyati \

Pada: y     ácʰambaṭkārāya

Pada: z     yā́vatā hí ná prāpnuyā́t tā́vatā cʰambaṭkuryā́t \

Line : 6  Pada: aa     etád vaí tád yád āhuś cʰambáṇ ṇā́sā́ * íti
      FN emended. Ed.: ṇāsā́. cf. note 3

Pada: ab     vā́sa iva vaí yajñá ūyate

Line : 7  Pada: ac     yát tārpyā́ṇi viṣī́vyanti yájuṣāṃ tád rūpám \

Pada: ad     yád dʰenávo dīyánta uktʰāmadā́nāṃ tát \

Line : 8  Pada: ae     yád dʰíraṇyaṃ dīyáte candráṃ gīyatā íti vaí sā́māhuḥ sā́mnāṃ tád rūpám

Line : 9  Pada: af     eténa vaí sŕ̥ñjayā ayajanta

Pada: ag     té śriyó 'ntam agacʰan \

Pada: ah     tásmān nā́tibahu yaṣṭavyàm

Line : 10  Pada: ai     īśvaró hí párāṅ átipattos \

Pada: aj     yó vā́ eténa yájate ví sá cʰinatti

Line : 11  Pada: ak     putró yājayitavyàs \

Pada: al     anusáṃtatyai //


Anuvaka: 6  
Line : 12  Pada: a     āgneyám aṣṭā́kapālaṃ nírvaped aindrám ékādaśakapālaṃ bārhaspatyáṃ carúm \

Pada: b     bʰū́tikāmam̐ yājayet \

Line : 13  Pada: c     índro vaí śitʰirá ivāmanyata

Pada: d     sò 'gníṃ ca bŕ̥haspátiṃ cābravīt \

Line : 14  Pada: e     yā́jayataṃ méti

Pada: f     tám̐ vā́ etáyāgníś ca bŕ̥haspátiś cāyājayatām \

Pada: g     tásmim̐s téjo 'gnír ádadʰāt \

Line : 15  Pada: h     indriyám índras \

Pada: i     bráhma bŕ̥haspátis

Pada: j     tátā índro 'bʰavat \

Line : 16  Pada: k     yó bʰū́tikāmaḥ syā́t tám etáyā yājayet

Pada: l     téja evā́sminn agnír dádʰāti \

Pada: m     indriyám índras \

Line : 17  Pada: n     bráhma bŕ̥haspátis \

Pada: o     bʰávaty evá

Pada: p     yád asmim̐ś trī́ṇi vīryā̀ṇy ádʰattāṃ tásmāt tridʰā́tus \

Line : 18  Pada: q     aindrá ítarā abʰisám̐śleṣayanti

Pada: r     sendriyatvā́ya //


Anuvaka: 7  
Page: 44  
Line : 1  Pada: a     púrovāta jínva rāváṭ svā́hā

Pada: b     vā́tavān várṣan bʰī́ma rāváṭ svā́hā

Line : 2  Pada: c     stanáyan várṣann úgra rāvā́ṭ svā́hā \

Pada: d     atirātrám̐ vavarṣvā́n pū́rta rāváṭ svā́hā

Pada: e     bahú ha vā́ ayám avarṣīd íti śrúta rāváṭ svā́hā

Line : 3  Pada: f     tápati várṣan virā́ḍ rāváṭ svā́hā

Line : 4  Pada: g     'vaspʰū́rjan * vidyúd várṣam̐s tvéṣa rāváṭ svā́hā
      < avaspʰū́rjan

Pada: h     naśany àvaspʰū́rjan várṣan bʰū́ta rāváṭ svā́hā //

Line : 6  Pada: i     mā́ndā váśā jyótiṣmatīr ámasvarīḥ śúndʰo ájrā úndatīḥ súpʰenāḥ /

Line : 8  Pada: j     mítrabʰr̥taḥ kṣátrabʰr̥taḥ súrāṣṭrā ihá no 'vata //

Line : 9  Pada: k     vŕ̥ṣṇo áśvasya saṃdā́nam asi

Pada: l     vr̥ṣṭyaí tvópanahyāmi //

Line : 10  Pada: m     dévā vasavyā ágne sóma sū́ryāpó dattodadʰíṃ bʰinta /

Line : 11  Pada: n     diváḥ parjányād antárikṣāt pr̥tʰivyā́s táto no vr̥ṣṭyā́vata //

Line : 12  Pada: o     dévāḥ śarmaṇyā mítra váruṇā́ryamann apó dattodadʰíṃ bʰinta /

Line : 13  Pada: p     diváḥ parjányād antárikṣāt pr̥tʰivyā́s táto no vr̥ṣṭyā́vata //

Line : 14  Pada: q     dévāḥ sapītayó 'pāṃ napān narāśam̐sāpó dattodadʰíṃ bʰinta /

Line : 15  Pada: r     diváḥ parjányād antárikṣāt pr̥tʰivyā́s táto no vr̥ṣṭyā́vata //

Line : 16  Pada: s     dívā cit támaḥ kr̥ṇvanti parjányenodavāhéna /

Line : 17  Pada: t     yát pr̥tʰivī́m̐ vyundánti //

Line : 18  Pada: u     ā́yan náraḥ sudā́navo dadāśúṣe diváḥ kóśam ácucyavuḥ /

Line : 19  Pada: v     prá parjányaḥ sr̥jatām̐ ródasī ánu dʰánvanā yantu vr̥ṣṭáyaḥ //

Page: 45  
Line : 1  Pada: w     údīrayatā marutaḥ samudrató divó vr̥ṣṭím̐ varṣayatā purīṣiṇaḥ /

Line : 2  Pada: x     ná vo dasrā úpadasyanti dʰenávaḥ śubʰé kam ánu rátʰā avr̥tsata //

Line : 3  Pada: y     sr̥jā́ vr̥ṣṭíṃ divás \

Pada: z     ā́dbʰíḥ samudráṃ pr̥ṇa

Pada: aa     yé devā divíbʰāgāḥ stʰá yé antárikṣabʰāgā yé pr̥tʰivī́bʰāgās tá idáṃ kṣétram ā́viśata tá idáṃ kṣétram anuvíviśata //


Anuvaka: 8  
Line : 6  Pada: a     vŕ̥ṣṭir vaí devébʰyo 'nnā́dyam ápākrāmat

Pada: b     táta idám̐ sárvam aśuṣyat

Pada: c     té devā́ḥ prajā́patim evópādʰāvan \

Line : 7  Pada: d     tā́n vā́ etáyā prajā́patir ayājayat kārīryā́

Pada: e     tébʰyo vŕ̥ṣṭim annā́dyam ávārunddʰa *
      FN emended. Ed.: ávarunddʰe. cf. 3.3.1:32.16

Line : 8  Pada: f     yátra parjányo ná várṣet tád etáyā jyeṣṭʰám̐ vā puróhitam̐ vā yājayet \

Line : 9  Pada: g     vŕ̥ṣṭir vā́ etébʰyo 'nnā́dyam ápakrāmati yátra parjányo ná várṣati

Line : 10  Pada: h     yát kārīryā́ yājáyanti

Pada: i     vŕ̥ṣṭyā annā́dyasyā́varuddʰyai \

Pada: j     aṣṭaú vātahomā́s \

Line : 11  Pada: k     aṣṭaú díśā íti

Pada: l     digbʰyá evaítaír vŕ̥ṣṭim ā́vartayanti

Pada: m     mā́ndā váśā jyótiṣmatīr ámasvarīr íti \

Line : 12  Pada: n     etā́ni vā́ apā́ṃ nāmadʰéyāni

Pada: o     yátʰā vā́ idáṃ nāmagrā́ham ásā ásā íti hváyaty evám̐ vā́ etád apó nāmadʰéyaiś cyāvayati

Line : 14  Pada: p     vŕ̥ṣṇo áśvasya saṃdā́nam asī́ti

Pada: q     vŕ̥ṣā hy áśvas \

Pada: r     vŕ̥ṣā parjányaḥ

Pada: s     sámr̥ddʰyai

Pada: t     vr̥ṣṭyaí tvópanahyāmī́ti *
      FN emended. Ed.: sámr̥ddʰyai tvópanahyāmī́ti. cf. 2.4.7:44.9

Line : 15  Pada: u     vŕ̥ṣṭyai hy ùpanáhyati

Pada: v     dévā vasavyā ágne sóma sū́ryéti

Line : 16  Pada: w     devátābʰir evā́nvahám̐ vŕ̥ṣṭim ácʰaiti

Pada: x     yádi ná várṣet tátraivá vaseyur

Pada: y     ahorātrā́bʰyām evá vŕ̥ṣṭiṃ cyāvayanti

Line : 17  Pada: z     karī́rāṇi bʰavanti

Pada: aa     vŕ̥ṣṭyā annā́dyasyā́varuddʰyai

Line : 18  Pada: ab     madʰūdyutā́ni bʰavanti \

Pada: ac     apā́m̐ vā́ eṣá óṣadʰīnām̐ rásas \

Pada: ad     apā́m evaínā óṣadʰīnām̐ rásenā́cʰaiti

Line : 19  Pada: ae     rásenaināś cyāvayati \

Pada: af     agnáye dʰāmacʰáde 'ṣṭā́kapālaṃ nírvapen mārutám̐ saptákapālam̐ sauryám ékakapālam \

Page: 46  
Line : 1  Pada: ag     vŕ̥ṣṭikāmam̐ yājayet \

Pada: ah     agnír vā́ itó vŕ̥ṣṭim ī́ṭṭe

Line : 2  Pada: ai     marúto 'mútaś cyāvayanti

Pada: aj     tā́m̐ sū́ryo raśmíbʰir varṣati \

Line : 3  Pada: ak     eté vaí vŕ̥ṣṭyāḥ pradātā́ras

Pada: al     tā́n evá bʰāgadʰéyenópāsarat

Pada: am     tè 'smai vŕ̥ṣṭiṃ práyacʰanti

Line : 4  Pada: an     sr̥jā́ vr̥ṣṭíṃ divá ā́dbʰíḥ samudráṃ pr̥ṇéti \

Pada: ao     imā́ś caivā́mū́ś ca sámasrāṭ \

Line : 5  Pada: ap     ābʰír amū́r ácʰaiti

Pada: aq     yé devā divíbʰāgāḥ stʰá yé antárikṣabʰāgā yé pr̥tʰivī́bʰāgās tá idáṃ kṣétram ā́viśata tá idáṃ kṣéram anuvíviśatéti \

Line : 6  Pada: ar     imā́n evá lokā́n vŕ̥ṣṭyai sáṃmr̥śati //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.