TITUS
Black Yajur-Veda: Maitrayani-Samhita
Part No. 16
Previous part

Prapathaka: 5  
Anuvaka: 1  
Line : 8  Pada: a     saumyáṃ babʰrúṃ lomaśáṃ piṅgalám ā́labʰeta paśúkāmaḥ

Pada: b     saumī́r vā́ óṣadʰayas \

Line : 9  Pada: c     óṣadʰayaḥ paśávas \

Pada: d     yát saumyáḥ

Pada: e     pratyákṣam evā́smai paśúm ā́labʰate

Pada: f     lomaśó bʰavati \

Line : 10  Pada: g     etád vaí púṣṭyā rūpám \

Pada: h     púṣṭim evā́varunddʰe

Pada: i     babʰrúḥ piṅgaló bʰavati

Line : 11  Pada: j     sómasya rūpám̐ sámr̥ddʰyai

Pada: k     yás traitā́nām uttamó jā́yeta tám̐ saumāpauṣṇám ā́labʰeta paśúkāmaḥ

Line : 12  Pada: l     sómo vaí retodʰā́ḥ

Pada: m     pūṣā́ paśūnā́ṃ prajanayitā́

Pada: n     sóma evā́smai réto dádʰāti

Line : 13  Pada: o     pūṣā́ paśū́n prájanayati

Pada: p     stánam̐ vā́ etéṣām dvā́ abʰijā́yete ū́rjaṃ tr̥tī́yas \

Line : 14  Pada: q     ū́rg vaí paśávas \

Pada: r     ūrjaívā́smā ū́rjaṃ paśū́n āptvā́varunddʰe

Line : 15  Pada: s     trír vā́ eṣā́ sam̐vatsarásyānyā́n paśū́n parivíjāyate \

Pada: t     etád vaí púṣṭyā rūpám \

Page: 47  
Line : 1  Pada: u     púṣṭim evā́varunddʰe

Pada: v     bʰāgínīr vā́ anyā́ḥ prajā́ abʰāgā́ anyā́s \

Pada: w     yád aúdumbaro yū́po bʰávati \

Line : 2  Pada: x     ubʰáyīr evaínā bʰāgínīḥ karoti

Pada: y     māsímāsi vā́ eṣò 'vāntarám anyébʰyo vánaspátibʰyaḥ pacyate \

Line : 3  Pada: z     etád vaí púṣṭyā rūpám \

Pada: aa     púṣṭim evā́varunddʰe

Line : 4  Pada: ab     prājāpatyáṃ tūparám ā́labʰeta paśúkāmaḥ

Pada: ac     prājāpatyā́ vaí paśávaḥ

Line : 5  Pada: ad     prajā́patiḥ paśūnā́ṃ prajanayitā́

Pada: ae     tám evá bʰāgadʰéyenópāsarat

Pada: af     sò 'smai paśū́n prájanayati

Line : 6  Pada: ag     yónir vaí prajā́patis \

Pada: ah     yóner evá prájāyate

Pada: ai     sárveṣām̐ vā́ eṣá paśūnā́m̐ rūpā́ṇi práti

Line : 7  Pada: aj     púruṣasyeva śmáśrūṇi \

Pada: ak     áśvasyeva śíras \

Pada: al     gardabʰásyeva kárṇau

Line : 8  Pada: am     śúna iva lómāni

Pada: an     gór iva pū́rvau pā́dau \

Pada: ao     áver ivā́parau \

Pada: ap     ajáḥ kʰálu vaí *
      FN emended. Ed.: kʰálu. B: kʰálu vaí. M3: kʰálu vā́

Line : 9  Pada: aq     sárvāṇy evá paśūnā́m̐ rūpā́ṇy āptvā́varunddʰe

Pada: ar     sárvāṇy enaṃ paśūnā́m̐ rūpā́ṇy úpatiṣṭʰante

Line : 10  Pada: as     hiraṇyagarbʰávatyāgʰārás \

Pada: at     yā́ḥ prajā́pateḥ sāmidʰenī́s tā́ḥ sāmidʰenī́s \

Line : 11  Pada: au     yā́ḥ prajā́pater āpríyas tā́ āpríyas \

Pada: av     híraṇyaṃ déyam \

Pada: aw     saśukratvā́ya

Line : 12  Pada: ax     tārpyáṃ déyam \

Pada: ay     sayonitvā́ya \

Pada: az     adʰīvāsó déyas \

Pada: ba     yajñásya téna rūpā́ṇy āptvā́varunddʰe \

Line : 13  Pada: bb     eténa vā́ úpakerū rarādʰa

Pada: bc     r̥dʰnóti yá eténa yájate

Pada: bd     dvādaśadʰā́ ha tvaí sá pratiśitráṃ párijahāra

Line : 14  Pada: be     tátra dvā́daśadvādaśa várān dadau

Pada: bf     yád dvā́daśa dīyánte tásyaiṣā́ pratimā́

Line : 15  Pada: bg     śvetám̐ vāyávā ā́labʰeta

Pada: bh     bʰū́tikāmam̐ yājayet \

Pada: bi     vāyúr vaí devā́nām ójiṣṭʰaḥ kṣépiṣṭʰaḥ

Line : 16  Pada: bj     sá enaṃ bʰū́tyai nínayati

Pada: bk     tád āhus \

Pada: bl     ádʰr̥tā deváteśvarā nirmŕ̥ja īśvaraínam ā́rtiṃ nínetor íti

Line : 17  Pada: bm     tád áti saívaínaṃ bʰū́tyai nínayati

Line : 18  Pada: bn     śvetám̐ vāyáve niyútvatā ā́labʰeta

Pada: bo     grā́makāmam̐ yājayet \

Pada: bp     vāyúr vā́ imā́ḥ prajā́ nasyotā́ ittʰáṃ cettʰáṃ ca nenīyate

Line : 19  Pada: bq     yád vāyáve

Pada: br     vāyúr evā́smai nasyotā́m̐ víśaṃ nínayati


Page: 48  
Line : 1  Pada: bs     niyútvatī yājyānuvākyè bʰavatas \

Line : 2  Pada: bt     grā́mam asmin dādʰāra

Pada: bu     śvetó bʰavati

Pada: bv     bráhmaṇo rūpám̐ sámr̥ddʰyai

Pada: bw     śvetám̐ vāyáve niyútvatā ā́labʰeta \

Line : 3  Pada: bx     āmayāvínam̐ yājayet

Pada: by     prāṇó vaí vāyúḥ

Pada: bz     prāṇó hí vā́ etásyā́pakrāntó 'tʰaitásyāmayati

Line : 4  Pada: ca     yád vāyáve

Pada: cb     vāyúr evā́smai prāṇáṃ nínayati

Line : 5  Pada: cc     niyútvatī yājyānuvākyè bʰavataḥ

Pada: cd     prāṇám asmin dādʰāra

Pada: ce     śvetó bʰavati

Line : 6  Pada: cf     bráhmaṇo rūpám̐ sámr̥ddʰyai

Pada: cg     śvetám̐ vāyáve niyútvatā ā́labʰeta

Pada: ch     paśúkāmam̐ yājayet

Line : 7  Pada: ci     prāṇó vaí vāyúḥ

Pada: cj     prāṇám̐ vā́ etát paśávaḥ prátidʰāvanti yád varṣéṣu vā́taṃ pratijígʰrati

Line : 8  Pada: ck     yád vāyáve

Pada: cl     vāyúr evā́smai paśū́n nínayati

Pada: cm     niyútvatī yājyānuvākyè bʰavataḥ

Line : 9  Pada: cn     paśū́n asmin dādʰāra

Pada: co     śvetó bʰavati

Pada: cp     bráhmaṇo rūpám̐ sámr̥ddʰyai //



Anuvaka: 2  
Line : 11  Pada: a     svàrbʰānur vā́ āsuráḥ sū́ryaṃ támasāvidʰyat

Pada: b     tásya devā́s támó 'pāgʰnan

Pada: c     yát pratʰamáṃ támo 'pā́gʰnant sā́viḥ kr̥ṣṇā́bʰavat \

Line : 12  Pada: d     yád dvitī́yam̐ sā́ lóhinī

Pada: e     yát tr̥tī́yam̐ sā́ balakṣī́

Line : 13  Pada: f     yád adʰyastā́d apā́kr̥ntat sā́vir vaśā́bʰavat

Pada: g     tè 'bruvan

Pada: h     devapaśúm imáṃ kā́māyā́labʰāmahā íti \

Line : 14  Pada: i     átʰa vā́ iyáṃ tárhy r̥kṣā́sīd alómikā

Pada: j     tè 'bruvan \

Line : 15  Pada: k     tásmai kā́māyā́labʰāmahai yátʰāsyā́m óṣadʰayaś ca vánaspátayaś ca jā́yantā íti

Line : 16  Pada: l     tā́m̐ vaí tásmai kā́māyā́labʰanta

Pada: m     táto 'syā́m óṣadʰayaś ca vánaspátayaś cājāyanta

Line : 17  Pada: n     yáḥ prajā́kāmo vā paśúkāmo vā syā́t sá etā́m ávim̐ vaśā́m ā́labʰeta

Line : 18  Pada: o     prá prajáyā ca paśúbʰiś ca jāyate \

Pada: p     átʰo āhus \

Pada: q     yáḥ pratʰamás támasy ápahate sū́ryasya raśmír yū́pasya caṣā́le 'vā́tanot * sā́vir vaśā́bʰavad íti
      FN emended. Ed.: vā́tanot

Line : 20  Pada: r     tád ubʰáyenaivá devapaśúr ā́labʰyate

Pada: s     yády asyā́s táj jánma yádi vétaraṃ tát kā́māyakāmāyaivā́vir vaśā́labʰyate


Page: 49  
Line : 1  Pada: t     āgneyám ajám ā́labʰeta vāruṇáṃ pétvam \

Line : 2  Pada: u     bʰū́tikāmam̐ yājayet \

Pada: v     āgneyā́ni vaí púruṣasyāstʰā́ni

Pada: w     vāruṇáṃ mām̐sám

Pada: x     āgneyénaivā́syāgneyáṃ niṣkrīṇā́ti

Line : 3  Pada: y     vāruṇéna vāruṇám \

Pada: z     bʰavaty evá

Pada: aa     sārasvatī́ṃ meṣī́m ā́labʰeta yó vācó gr̥hītá

Line : 4  Pada: ab     vā́g vaí sárasvatī

Pada: ac     vācaívā́sya vā́caṃ bʰiṣajyati \

Line : 5  Pada: ad     ápannadatī bʰavati

Pada: ae     sarvatvā́ya \

Pada: af     ánadʰiskannā

Pada: ag     sámr̥ddʰyai

Pada: ah     śvetā́ malhā́ ā́labʰeta brahmavarcasákāma āgneyī́ṃ bārhaspatyā́m̐ saurī́m \

Line : 6  Pada: ai     vasántāgneyī́m \

Line : 7  Pada: aj     prāvŕ̥ṣi bārhaspatyā́m \

Pada: ak     śíśire saurī́m \

Pada: al     yád āgneyī́

Pada: am     téjas táyā́varunndʰe

Pada: an     yád bārhaspatyā́

Line : 8  Pada: ao     brahmavarcasáṃ táyā

Pada: ap     yát saurī́

Pada: aq     rúcaṃ táyā

Pada: ar     trivŕ̥d vā́vā́smā etát sámr̥ddʰaṃ brahmavarcasáṃ dadʰāti

Line : 9  Pada: as     sam̐vatsaráṃ paryā́labʰyante

Pada: at     sam̐vatsaréṇa vā́ ánāptam āpyate

Line : 10  Pada: au     sam̐vatsaréṇaivā́smā āptvā́ téjo brahmavarcasáṃ dadʰāti

Pada: av     śvetā́ bʰavati

Line : 11  Pada: aw     bráhmaṇo rūpám̐ sámr̥ddʰyai

Pada: ax     vāyavyā̀m ajā́m ā́labʰeta sārasvatī́ṃ meṣī́m ádityā ajā́m

Line : 12  Pada: ay     abʰiśasyámānam̐ yājayet \

Pada: az     vāyúr vā́ etásyāślīláṃ gandʰáṃ janátā anuvíharati yám abʰiśám̐santi \

Line : 13  Pada: ba     eṣá hī̀dám̐ sárvam upagácʰati

Pada: bb     yád vāyáve

Line : 14  Pada: bc     vāyúr evā́sya táṃ gandʰám̐ surabʰim akaḥ

Pada: bd     sò 'sya surabʰír gandʰó janátā anuvítiṣṭʰate

Line : 15  Pada: be     vācā́ vā́ etám abʰíśam̐santi yám abʰiśám̐santi

Pada: bf     vā́k sárasvatī

Line : 16  Pada: bg     yát sārasvatī́

Pada: bh     vācaívaíṣām̐ vā́cam̐ śamayati \

Pada: bi     ápratiṣṭʰito vā́ eṣá yám abʰiśám̐santi \

Line : 17  Pada: bj     iyám̐ vā́ áditis \

Pada: bk     iyáṃ pratiṣṭʰā́

Pada: bl     yád ādityā́ \

Pada: bm     asyā́m evá prátitiṣṭʰati \

Pada: bn     indriyéṇa vā́ eṣá vīryèṇa vyr̥̀dʰyate yám abʰiśám̐santi \

Line : 18  Pada: bo     indriyám̐ vīryàṃ gárbʰas \

Line : 19  Pada: bp     yád garbʰíṇīr bʰávanti \

Pada: bq     indriyéṇaivaínam̐ vīryèṇa sámardʰayanti //


Anuvaka: 3  
Page: 50  
Line : 1  Pada: a     devā́ś ca vā́ ásurāś cāspardʰanta

Pada: b     té vaí samā́vad evá yajñé kurvāṇā́ āyan

Pada: c     yád evá devā́ ákurvata tád ásurā akurvata

Line : 2  Pada: d     té ná vyāvŕ̥tam agacʰan \

Pada: e     té devā́ etám̐ vāmanáṃ paśúm apaśyan \

Line : 3  Pada: f     tám̐ vaiṣṇavám ā́labʰanta

Pada: g     táto víṣṇur imā́ṃl lokā́n údajayat

Pada: h     táto devā́ ásurān ebʰyó lokébʰyaḥ prā́ṇudanta

Line : 4  Pada: i     táto devā́ ábʰavan

Pada: j     párāsurā

Pada: k     yáḥ sapátnavān bʰrā́tr̥vyavān vā syā́t sá etám̐ vāmanám̐ vaiṣṇavám ā́labʰeta \

Line : 5  Pada: l     áto vaí víṣṇur imā́ṃl lokā́n údajayat \

Line : 6  Pada: m     víṣṇor evójjitim ánv imā́ṃl lokā́n ujjayati

Pada: n     praíbʰyó lokébʰyo bʰrā́tr̥vyaṃ nudate

Line : 7  Pada: o     víṣama ivā́labʰeta

Pada: p     víṣamān iva hī̀mā́ṃl lokā́n devā́ udájayat \

Line : 8  Pada: q     nimā́n evá lokā́n újjayati \

Pada: r     índro vaí vr̥trám ahan \

Pada: s     sá prā́ṅ apadyata

Pada: t     sá pádyamānā índram̐ saptábʰir bʰogaíḥ páryagr̥hṇāt

Line : 9  Pada: u     tásmād víṣvañcaḥ paśávo vyúdāyan

Line : 10  Pada: v     mūrdʰató vaidehī́r údāyan \

Pada: w     tásmāt tā́sāṃ puró jánma purá ókas

Pada: x     tā́sāṃ jagʰanatá r̥ṣabʰó vaidehò 'nū́dait

Line : 11  Pada: y     tám acāyat \

Pada: z     ayám̐ vā́vá māsmā́d ám̐haso muñced íti

Line : 12  Pada: aa     tám aindrám ā́labʰeta \

Pada: ab     āgneyáṃ tú pū́rvam ajám ā́labʰata

Pada: ac     sá vā́ agnínaivá vr̥trásya bʰogā́n apidáhyā́tʰaindréṇendriyám̐ vīryàm ātmánn adʰatta

Line : 13  Pada: ad     yáḥ pāpmánā támasā gr̥hītó mányeta sá etám aindrám r̥ṣabʰám ā́labʰeta \

Line : 14  Pada: ae     āgneyáṃ tú pū́rvam ajám ā́labʰeta \

Line : 15  Pada: af     agnínaivá pāpmáno bʰogā́n apidáhyā́tʰaindréṇendriyám̐ vīryàm ātmán dʰatte \

Line : 16  Pada: ag     índro vaí valám ápāvr̥ṇot

Pada: ah     tátaḥ sahásram údait

Pada: ai     tásya sahásrasyāgratáḥ kubʰrá údait

Pada: aj     tásmād etám̐ sāhasrī́ lakṣmī́r íty āhur yáś ca véda yáś ca ná \

Line : 17  Pada: ak     átʰo āhur

Pada: al     imám̐ vā́ eṣá lokáṃ páśyann abʰyúdait

Line : 18  Pada: am     sá sámaiṣat

Pada: an     sá eṣá sámīṣitaḥ kubʰrá íti

Pada: ao     tám aindrám ā́labʰeta paśúkāmas \

Line : 19  Pada: ap     aindrā́ vaí paśávas \

Pada: aq     índraḥ paśūnā́ṃ prajanayitā́

Pada: ar     tám evá bʰāgadʰéyenópāsarat

Line : 20  Pada: as     sò 'smai paśū́n prájanayati

Pada: at     sá yadā́ sahásraṃ paśū́n gácʰed átʰaitám̐ vāmanám̐ vaiṣṇavám ā́labʰeta \

Page: 51  
Line : 1  Pada: au     etásmin vaí tát sahásraṃ prátyatiṣṭʰat

Pada: av     sá tiryáṅ vyaìṣat

Line : 2  Pada: aw     tásmād eṣá tiryáṅṅ iva vī́ṣitas \

Pada: ax     eténa vaí sá tát sahásraṃ páryagr̥hṇāt

Pada: ay     tát sahásrasya vā́ eṣá

Line : 3  Pada: az     párigr̥hītyā ávikṣobʰāya

Pada: ba     devā́ś ca vaí pitáraś cāsmíṃl loká āsan \

Line : 4  Pada: bb     tád yát kíṃca devā́nām̐ svám ā́sīt tád yamò 'yuvata

Pada: bc     té devā́ḥ prajā́patim evópādʰāvan \

Line : 5  Pada: bd     sá prajā́patir etaú mitʰunaú paśū́ apaśyad r̥ṣabʰáṃ ca vaśā́ṃ ca

Line : 6  Pada: be     tā́ ā́labʰata

Pada: bf     vaiṣṇavavāruṇī́ṃ tú pū́rvām̐ vaśā́m ā́labʰata

Pada: bg     tān vaí váruṇenaivá grāhayitvā́ víṣṇunā yajñéna prā́ṇudata \

Line : 7  Pada: bh     átʰaindráṃ devéṣv ā́labʰata

Line : 8  Pada: bi     ténaiṣv indriyā́ṇi vīryā̀ṇy āptvā́dadʰāt \

Pada: bj     yáḥ sapátnavān bʰrā́tr̥vyavān vā syā́t sá etaú mitʰunaú paśū́ ā́labʰeta r̥ṣabʰáṃ ca vaśā́ṃ ca

Line : 9  Pada: bk     vaiṣṇavavāruṇī́ṃ tú pū́rvām̐ vaśā́m ā́labʰeta

Line : 10  Pada: bl     váruṇenaivaínān grāhayitvā́ víṣṇunā yajñéna práṇudate \

Line : 11  Pada: bm     átʰaindréṇendriyám̐ vīryàm ātmán dʰatte //


Anuvaka: 4  
Line : 12  Pada: a     sāvitráṃ punarutsr̥ṣṭám ā́labʰeta yáḥ purā́ púṇyaḥ sán paścā́ pāpatváṃ gácʰet

Pada: b     sávitā́ vaí śriyáḥ prasavitā́

Line : 13  Pada: c     tám evá bʰāgadʰéyenópāsarat

Pada: d     sá enam̐ śriyaí prásuvati

Line : 14  Pada: e     pāpó vā́ eṣá purā́ sán paścā́ śríyam aśnute yáḥ purā́naḍvā́nt sán paścókṣatváṃ gácʰati

Line : 15  Pada: f     yátʰaiṣá śríyam aśnutá evám evaínam̐ śríyaṃ gamayati \

Pada: g     óṣadʰībʰyo vehátam ā́labʰeta prajā́kāmas \

Line : 16  Pada: h     óṣadʰīnām̐ vā́ eṣā́ priyā́ \

Pada: i     etā́ vā́ etā́m̐ sū́toḥ páribādʰante \

Line : 17  Pada: j     óṣadʰayaḥ kʰálu vā́ etásya prajā́m ápagūhanti yó 'laṃ prajā́yai sán prajā́ṃ ná vindáte

Line : 18  Pada: k     tā́ evá bʰāgadʰéyenópāsarat

Pada: l     tā́ asmai prajā́ṃ púnar dadati \

Line : 19  Pada: m     ā́po vā́ óṣadʰayas \

Pada: n     ā́po ha tv èvā́sat kʰananti

Pada: o     tā́ asmai prajā́ṃ kʰananti


Page: 52  
Line : 1  Pada: p     dyāvāpr̥tʰivī́ye dʰenū́ saṃmātárā ā́labʰetā́nnakāmas \

Line : 2  Pada: q     yád dʰy àsaú várṣati tád asyā́ṃ pratitíṣṭʰati

Pada: r     dyā́vāpr̥tʰivī́ vā́ ánnasyeśāte

Line : 3  Pada: s     té evá bʰāgadʰéyenópāsarat

Pada: t     té asmā annā́dyaṃ práyacʰataḥ

Pada: u     sá vatsám̐ vāyávā ā́labʰeta

Line : 4  Pada: v     vāyúr vā́ anáyor vatsás \

Pada: w     vāyúr imé prádāpayati

Pada: x     prátte ha vā́ imé duhe yá evám̐ véda \

Line : 5  Pada: y     aindrī́m̐ sūtávaśām ā́labʰeta

Pada: z     rājanyàṃ bʰū́tikāmam̐ yājayet \

Line : 6  Pada: aa     etásyā vā́ ádʰī́ndro 'jāyata

Pada: ab     sá jā́yamāna etám̐ yóniṃ níravartayat

Line : 7  Pada: ac     sā́ sūtávaśābʰavat \

Pada: ad     átʰo āhur

Pada: ae     etád evá sakŕ̥d indriyám̐ vīryàṃ téjo janayitvā́ nā́param̐ sū́tā ā́śam̐sata

Line : 8  Pada: af     sā́ sūtávaśābʰavad íti \

Pada: ag     indriyéṇa vā́ eṣá vīryèṇa vyr̥̀dʰyate yó 'laṃ bʰū́tyai sán ná bʰávati \

Line : 9  Pada: ah     aindrī́ bʰavati \

Pada: ai     indriyám asmin dadʰāti \

Line : 10  Pada: aj     átʰa yás tám̐ vindéd yám̐ sūtvā́ sūtávaśā bʰávati tám aindrám ā́labʰeta téjaskāmas

Line : 11  Pada: ak     tád evéndriyám̐ vīryàṃ téja āpnoti

Pada: al     sārasvatī́ṃ dʰenuṣṭarī́m ā́labʰeta yaḥ kṣétre paśúṣu vā vivádeta

Line : 12  Pada: am     vā́g vaí sárasvatī

Pada: an     vācaívaíṣām̐ vā́cam̐ vr̥ṅkte

Line : 13  Pada: ao     dʰenúr vā́ eṣā́ satī́ ná duhe

Pada: ap     taryàm evaíṣām̐ vā́caṃ karoti

Pada: aq     dyāvāpr̥tʰivī́yāṃ dʰenúṃ paryāríṇīm ā́labʰeta yó rājanyò 'bʰyardʰó viśáś cáret \

Line : 14  Pada: ar     dyā́vāpr̥tʰivī́bʰyām̐ hí vā́ eṣá nirbʰaktás \

Line : 15  Pada: as     átʰaiṣò 'bʰyardʰó viśáś carati

Pada: at     dyā́vāpr̥tʰivī́ evaínam̐ viśí prátiṣṭʰāpayataḥ

Line : 16  Pada: au     paryāríṇī bʰavati

Pada: av     paryārī̀va hy ètád rāṣṭrám \

Line : 17  Pada: aw     yád abʰyardʰó viśáś cárati dyā́vāpr̥tʰivī́ evaínam̐ viśí pratiṣṭʰā́pya

Line : 18  Pada: ax     sá śvó bʰūté vatsám̐ vāyávā ā́labʰeta

Pada: ay     vāyúr vā́ anáyor vatsás \

Pada: az     vāyúr imaú kṣáyau víśaṃ ca prádāpayati

Page: 53  
Line : 1  Pada: ba     práttau ha vā́ imaú kṣáyau víśaṃ ca duhe yá evám̐ véda //


Anuvaka: 5  
Line : 3  Pada: a     agneyám ajám ā́labʰeta saumyáṃ babʰrúm r̥ṣabʰáṃ piṅgalám \

Pada: b     bʰū́tikāmam̐ yājayet \

Line : 4  Pada: c     ŕ̥ddʰyā evā́gneyás \

Pada: d     indriyéṇa vā́ eṣá vīryèṇa vyr̥̀dʰyate yó 'laṃ bʰū́tyai sán ná bʰávati

Line : 5  Pada: e     yát saumyáḥ

Pada: f     sváyaivā́smai devátayendriyám̐ vīryàm āptvā́varunddʰe

Line : 6  Pada: g     bʰávaty evá

Pada: h     babʰrúḥ piṅgaló bʰavati

Pada: i     sómasya rūpám \

Pada: j     sámr̥ddʰyai

Pada: k     gomr̥gám̐ vāyávā ā́labʰeta \

Line : 7  Pada: l     abʰiśasyámānam̐ yājayét \

Pada: m     apūto vā́ eṣá yám abʰiśám̐santi

Line : 8  Pada: n     vāyúr vaí devā́nāṃ pavítram \

Pada: o     vāyúnaivaínaṃ * pavítreṇa punāti
      FN emended. Ed.: vāyúnavaínaṃ.

Pada: p     néva vā́ eṣá grā́me nā́raṇye yám abʰiśám̐santi

Line : 9  Pada: q     néva kʰálu vā́ eṣá grāmyáḥ paśúr névāraṇyás

Line : 10  Pada: r     tásmād asyaiṣá devátayā paśūnā́m̐ sámr̥ddʰas \

Pada: s     aindrāgnám anusr̥ṣṭám ā́labʰeta yásya pitā́ pitāmaháḥ sómaṃ ná píbet \

Line : 11  Pada: t     indriyéṇa vā́ eṣá vīryèṇa vyr̥̀dʰyate yásya pitā́ pitāmaháḥ sómaṃ ná píbati

Line : 12  Pada: u     yád aindrás \

Pada: v     indriyéṇaivaínam̐ vīryèṇa sámardʰayati

Line : 13  Pada: w     devátābʰir vā́ eṣá vyr̥dʰyáte yásya pitā́ pitāmaháḥ sómaṃ ná píbati

Line : 14  Pada: x     yád āgneyás \

Pada: y     agnír vaí sárvā devátās \

Pada: z     devátābʰir evaínam̐ sámardʰayati \

Pada: aa     anusr̥ṣṭó bʰavati \

Line : 15  Pada: ab     ánusr̥ṣṭa iva hy ètásya somapītʰó yásya pitā́ pitāmaháḥ sómaṃ ná píbati

Line : 16  Pada: ac     tásmād asyaiṣá devátayā paśūnā́m̐ sámr̥ddʰas

Pada: ad     tvāṣṭrám avaliptám ā́labʰeta paśúkāmas

Line : 17  Pada: ae     tvāṣṭrā́ vaí paśávas

Pada: af     tváṣṭā paśūnā́ṃ prajanayitā́

Line : 18  Pada: ag     tám evá bʰāgadʰéyenópāsarat

Pada: ah     sò 'smai paśū́n prájanayati

Pada: ai     saumāpauṣṇáṃ nápum̐sakam ā́labʰeta

Line : 19  Pada: aj     páṇḍakam̐ yājayet \

Pada: ak     yátra tū́ bʰū́mer jā́yeta tát prájijñāsetā́tra vā́ etásya jā́yamānasyendriyám̐ vīryàm ápākrāmat

Line : 20  Pada: al     tád evā́smā indriyám̐ vīryàm āptvā́ dadʰāti


Page: 54  
Line : 1  Pada: am     sómaś ca vā́ etásya pūṣā́ ca jā́yamānasyendriyám̐ vīryàm ayuvetām

Line : 2  Pada: an     iyám̐ vaí pūṣaúṣadʰayaḥ sómas \

Pada: ao     yát saumāpauṣṇáḥ

Pada: ap     sváyaivā́smai devátayendriyám̐ vīryàm āptvā́varunddʰe

Line : 3  Pada: aq     bʰávaty evá

Pada: ar     yā́ny anavadānīyā́ni taír nairr̥taíḥ pū́rvaiḥ prácaranti

Line : 4  Pada: as     nírr̥tigr̥hītā vā́ eṣā́ strī́ yā́ púm̐rūpā

Line : 5  Pada: at     nírr̥tigr̥hīta eṣá púmān yáḥ strī́rūpas \

Pada: au     nírr̥tyā evaínaṃ téna muñcati

Line : 6  Pada: av     ná vaí nairr̥tyā́hutir agním ānaśe

Pada: aw     yád áṅgāreṣu juhóti

Pada: ax     tát svid agnaú juhóti tád u ná

Line : 7  Pada: ay     yátra vā́ adá índro vŕ̥ṣaṇaśvasya ménā́sīt tád enaṃ nírr̥tiḥ pāpmā́gr̥hṇāt

Line : 8  Pada: az     sá yáṃ pāpmā́nam apā́hata sá nápum̐sako 'bʰavat \

Pada: ba     yáḥ pāpmánā támasā gr̥hītó mányeta sá etám aindráṃ nápum̐sakam ā́labʰeta

Line : 9  Pada: bb     yénaivéndraḥ pāpmā́nam apā́hata téna pāpmā́nam ápahate \

Line : 10  Pada: bc     átʰaindréṇendriyám̐ vīryàm ātmán dʰatte

Pada: bd     prajā́patiḥ paśū́n asr̥jata

Line : 11  Pada: be     sá vā́ etám evā́gre nápum̐sakam asr̥jata

Pada: bf     táṃ paśávó 'nvasr̥jyanta \

Line : 12  Pada: bg     átʰo āhur

Pada: bh     étam evā́gre sr̥ṣṭáṃ tváṣṭre ca pátnībʰyaś ca nápum̐sakam ā́labʰata

Line : 13  Pada: bi     téna prajā́ asr̥jata \ íti

Pada: bj     yáḥ prajā́kāmo vā paśúkāmo vā syā́t sá etáṃ tváṣṭre ca pátnībʰyaś ca nápum̐sakam ā́labʰeta

Line : 14  Pada: bk     mitʰunám̐ vaí tváṣṭā ca pátnīś ca

Line : 15  Pada: bl     tváṣṭāram̐ * vā́ etán mitʰuné 'pyasrāṭ
      FN emended. Ed.: tváṣṭʰāram̐.

Pada: bm     prajánanāya

Pada: bn     tán mitʰunám \

Pada: bo     tásmād evá mitʰunā́d yájamānaḥ prajáyā ca paśúbʰiś ca prájāyate //


Anuvaka: 6  
Line : 17  Pada: a     prajā́patiḥ prajā́ asr̥jata

Pada: b     tā́ enam̐ sr̥ṣṭā́ átyamanyanta

Pada: c     tā́ atimányamānā váruṇenāgrāhayat

Line : 18  Pada: d     tā́ váruṇagr̥hītāḥ kr̥ṣṇáḥ pétvó 'dʰyaskandat

Pada: e     tásyānuhā́ya pā́dam agr̥hṇāt

Line : 19  Pada: f     tásya śapʰáḥ prā́vr̥hyata

Pada: g     sá ékaśitipād abʰavat

Pada: h     tám acāyat \

Line : 20  Pada: i     ayám̐ vā́vā́sā́ṃ prajā́nām ávaruṇagr̥hītas \

Pada: j     anénemā́ḥ prajā́ váruṇān muñcāni \ íti

Page: 55  
Line : 1  Pada: k     tám̐ vāruṇám ā́labʰata

Pada: l     táta imā́ḥ prajā́ váruṇāt prā́mucyanta

Line : 2  Pada: m     tád varuṇapramocanī́ya evaíṣá

Pada: n     yó jyógāmayāvī syā́t tám eténa yājayet \

Pada: o     váruṇena hí vā́ eṣá pāpmánā gr̥hītás \

Line : 3  Pada: p     átʰaitásya jyóg āmayati

Pada: q     yád vāruṇás \

Line : 4  Pada: r     váruṇād evaínaṃ téna muñcati \

Pada: s     ékaśitipād bʰavati \

Pada: t     evám iva hí tásya rūpám ā́sīt

Line : 5  Pada: u     sámr̥ddʰyai

Pada: v     dvī́pe yājayet \

Pada: w     etā́ vaí pratyákṣam̐ vāruṇī́r yád ā́paḥ

Pada: x     své vā́ etád yónau pratyákṣam̐ váruṇam ávayajati

Line : 6  Pada: y     samantám ā́paḥ párivahanti

Pada: z     rákṣasām ánanvavāyāya

Line : 7  Pada: aa     vāruṇáṃ kr̥ṣṇáṃ pétvam ā́labʰetābʰicáran

Pada: ab     yád vāruṇás \

Pada: ac     váruṇenaivaínaṃ grāhayitvā́ str̥ṇute

Line : 8  Pada: ad     kr̥ṣṇó bʰavati

Pada: ae     támo vaí kr̥ṣṇám \

Pada: af     mr̥tyús támas \

Pada: ag     mr̥tyúnaivaínaṃ grāhayati \

Line : 9  Pada: ah     etád vaí pāpmáno rūpám̐ yát kr̥ṣṇám \

Pada: ai     kr̥ṣṇá iva hí pāpmā́

Pada: aj     pāpmánaivaínam abʰíṣuvati

Line : 10  Pada: ak     táṃ níyuñjyāt //

Line : 11  Pada: al     paśúṃ badʰnāmi váruṇāya rā́jñā índrāya bʰāgám r̥ṣabʰáṃ kévalo hí /

Line : 12  Pada: am     gā́trāṇi devā́ abʰisám̐viśantu yamó gr̥hṇātu nírr̥tiḥ sapátnān //

Line : 14  Pada: an     íti \

Pada: ao     etā́bʰya evaínaṃ devátābʰyo niryā́cya

Pada: ap     mr̥tyúr vaí yamás \

Pada: aq     mr̥tyúnaivaínaṃ grāhayati \

Line : 15  Pada: ar     agnáye vaiśvānarā́ya kr̥ṣṇáṃ pétvam ā́labʰeta sámāntam abʰidʰrokṣyán \

Pada: as     sam̐vatsaró vā́ agnír vaiśvānaráḥ

Line : 16  Pada: at     sam̐vatsarā́ya sámamyate

Pada: au     sam̐vatsarám evā́ptvā́varuṇáṃ kā́mam abʰídruhyati \

Line : 17  Pada: av     āśvináṃ kr̥ṣṇálalāmam ā́labʰeta \

Pada: aw     ānujāvarám̐ yājayet \

Pada: ax     aśvínau vaí devā́nām ānujāvaraú \

Line : 18  Pada: ay     aśvínā etásya deváte yá ānujāvarás

Pada: az     tā́ evá bʰāgadʰéyenópāsarat

Line : 19  Pada: ba     tā́ enam ágraṃ páriṇayataḥ

Pada: bb     kr̥ṣṇó bʰavati

Pada: bc     pāpmā́nam evā́pahate

Line : 20  Pada: bd     lalā́mo bʰavati

Pada: be     mukʰatò 'smim̐s téjo dadʰāti \

Pada: bf     āśvináṃ kr̥ṣṇálalāmam ā́labʰeta \

Line : 21  Pada: bg     āmayāvínam̐ yājayet \

Pada: bh     aśvínau vaí devā́nāṃ bʰiṣájau \

Pada: bi     aśvínā etásya deváte yá āmayāvī́

Page: 56  
Line : 1  Pada: bj     tā́ evá bʰāgadʰéyenópāsarat

Pada: bk     tā́ enaṃ bʰiṣajyataḥ

Line : 2  Pada: bl     kr̥ṣṇó bʰavati

Pada: bm     pāpmā́nam evā́pahate

Pada: bn     lalā́mo bʰavati

Pada: bo     mukʰatò 'smim̐s téjo dadʰāti //


Anuvaka: 7  
Line : 4  Pada: a     cʰándām̐si vaí yajñā́ya nā́tiṣṭʰanta

Pada: b     sá vaṣaṭkārò 'bʰihŕ̥tya gāyatryā́ḥ śíro 'cʰinat

Line : 5  Pada: c     tásmāñ śīrṣṇáś cʰinnā́d yó rásó 'kṣarat tā́ vaśā́ abʰavan \

Pada: d     tád vaśā́nām̐ vaśātvám

Line : 6  Pada: e     átʰo āhur

Pada: f     váśam̐ vaí tā́ akṣaran \

Pada: g     tā́ vaśā́ abʰavan

Pada: h     tád vaśā́nām̐ vaśātvám íti \

Line : 7  Pada: i     átʰo āhur

Pada: j     vásā vaí sā́sīt

Pada: k     tád vásā vā́ etā́ íti

Line : 8  Pada: l     táto yáḥ pratʰamó rásaḥ prā́kṣarat táṃ bŕ̥haspátir upāgr̥hṇāt

Pada: m     sā́ róhiṇī bārhaspatyā́

Line : 9  Pada: n     táto yò 'tyákṣarat táṃ mitrā́váruṇau

Pada: o     sā́ dvirūpā́ maitrāvaruṇī́

Line : 10  Pada: p     táto yò 'tyákṣarat tám̐ víśve devā́ḥ

Pada: q     sā́ bahurūpā́ vaiśvadevī́

Pada: r     táto yò 'tyákṣarat tám agníś ca marútaś ca

Line : 11  Pada: s     sā́ pŕ̥śnir āgnimārutī́ \

Pada: t     átʰo āhuḥ

Pada: u     kr̥ṣṇáśabalī́ti \

Line : 12  Pada: v     átʰa yā́ viprúṣā ā́sam̐s tā́nīmā́ny anyā́ni rūpā́ṇi

Pada: w     táto yáḥ pratʰamó drapsáḥ parā́patat táṃ bŕ̥haspátir abʰihā́yābʰyàgr̥hṇāt

Line : 13  Pada: x     sá ukṣā́bʰavat

Pada: y     tád ukṣṇá ukṣatvám

Line : 14  Pada: z     átʰo āhur

Pada: aa     yád devátā anuvyaúkṣata sá ukṣā́bʰavat

Pada: ab     tád ukṣṇá ukṣatvám íti

Line : 15  Pada: ac     táṃ brāhmaṇaspatyám ā́labʰeta

Pada: ad     brāhmaṇáṃ bʰū́tikāmam̐ yājayet \

Pada: ae     bráhma vaí bráhmaṇaspátis \

Line : 16  Pada: af     brāhmaṇaspatyó brāhmaṇó devátayā

Pada: ag     sváyaivā́smai devátayendriyám̐ vīryàm āptvā́varunddʰe

Line : 17  Pada: ah     bʰávaty evá

Pada: ai     róhiṇīṃ bārhaspatyā́m ā́labʰeta brahmavarcasákāmas \

Line : 18  Pada: aj     bráhma vaí bŕ̥haspátis \

Pada: ak     bārhaspatyó brāhmaṇó devátayā

Pada: al     sváyaivā́smai devátayāptvā́ téjo brahmavarcasáṃ dadʰāti

Line : 19  Pada: am     róhiṇī bʰavati

Pada: an     bráhmaṇo rūpám \

Pada: ao     sámr̥ddʰyai

Line : 20  Pada: ap     maitrāvaruṇī́ṃ dvirūpā́m ā́labʰeta paśúkāmas \

Pada: aq     ahorātré vaí mitrā́váruṇau \

Line : 21  Pada: ar     ahorātré ánu paśávaḥ prájāyante

Pada: as     tā́ evá bʰāgadʰéyenópāsarat

Pada: at     tā́ asmai paśū́n prájanayatas \

Line : 22  Pada: au     cʰándasām̐ vā́ eṣá rásas \

Pada: av     cʰándasām evā́smai rásena paśū́n dʰattas \


Page: 57  
Line : 1  Pada: aw     dvirūpā́ bʰavati

Pada: ax     sámr̥ddʰyai

Pada: ay     vaiśvadevī́ṃ bahurūpā́m ā́labʰeta yásmai kā́māya kāmáyeta

Line : 2  Pada: az     sárvā vā́ etā́ devátāḥ

Pada: ba     sárvā vā́ etád devátāḥ kā́māya bʰāgadʰéyenópāsarat

Line : 3  Pada: bb     tā́ asmai kā́mam̐ sámardʰayanti yátkāmo bʰávati

Line : 4  Pada: bc     cʰándasām̐ vā́ eṣá rásas \

Pada: bd     cʰándasām evā́smai rásena dadʰati

Pada: be     bahurūpā́ bʰavati

Line : 5  Pada: bf     sámr̥ddʰyai \

Pada: bg     āgnimārutī́ṃ pŕ̥śnim ā́labʰeta vŕ̥ṣṭikāmas \

Pada: bh     agnír vā́ itó vŕ̥ṣṭim īṭṭe

Line : 6  Pada: bi     marúto 'mútaś cyāvayanti \

Pada: bj     eté vaí vr̥ṣṭyāḥ pradātā́ras

Pada: bk     tā́n evá bʰāgadʰéyenópāsarat

Line : 7  Pada: bl     tè 'smai vŕ̥ṣṭiṃ práyacʰanti

Pada: bm     cʰándasām̐ vā́ eṣá rásas \

Pada: bn     ráso vŕ̥ṣṭis \

Line : 8  Pada: bo     cʰándasām evā́smai rásena rásam̐ vŕ̥ṣṭiṃ nínayanti

Pada: bp     pŕ̥śnir bʰavati

Pada: bq     pŕ̥śnimātaro hí marútas \

Line : 9  Pada: br     bʰaumī́ṃ kr̥ṣṇáśabalīm ā́labʰetā́nnakāmas \

Pada: bs     iyám̐ vā́ ánnasya pradā́trikā

Line : 10  Pada: bt     tā́m evá bʰāgadʰéyenópāsarat

Pada: bu     sā́smā annā́dyaṃ práyacʰati

Pada: bv     ná cármā́py ā́hareyus \

Line : 11  Pada: bw     anannám̐ vaí cárma \

Pada: bx     anannáṃ kr̥ṣṇám

Pada: by     anannénaivā́nannám apahátyānnā́dyam ātmán dʰatte

Line : 12  Pada: bz     yád vaí táñ śīrṣṇáś cʰinnā́t téja indriyám̐ vīryàṃ parā́patat sā́ babʰrúr vaśā́bʰavat

Line : 13  Pada: ca     tád eṣā́ vaśā́ \

Pada: cb     ánnam evétarās

Pada: cc     tā́ṃ brāhmaṇaspatyā́m ā́labʰetābʰicáran

Pada: cd     bráhma vaí bráhmaṇaspátis \

Line : 14  Pada: ce     brāhmaṇaspatyó brāhmaṇó devátayā

Pada: cf     yā́vad evá bráhma ténainam̐ sárveṇābʰicarati

Line : 15  Pada: cg     téjasainaṃ prácʰinatti

Pada: ch     str̥ṇutá evá

Pada: ci     babʰrúr bʰávati

Pada: cj     bráhmaṇo rūpám \

Line : 16  Pada: ck     sámr̥ddʰyai

Pada: cl     saurī́m̐ śvetā́m ā́labʰeta brahmavarcasákāmas \

Pada: cm     asaú vā́ ādityó brahmavarcasásya pradātā́

Line : 17  Pada: cn     tám evá bʰāgadʰéyenópāsarat

Pada: co     sò 'smai brahmavarcasáṃ práyacʰati

Line : 18  Pada: cp     śvetā́ bʰavati

Pada: cq     bráhmaṇo rūpám \

Pada: cr     sámr̥ddʰyai

Pada: cs     maitrāvaruṇī́ṃ kr̥ṣṇakarṇīm ā́labʰeta vŕ̥ṣṭikāmas \

Line : 19  Pada: ct     ahorātré vaí mitrā́váruṇau \

Pada: cu     ahorātré ánuvarṣati \

Page: 58  
Line : 1  Pada: cv     etád vā́ áhno rūpám̐ yáñ śuklám \

Pada: cw     yát kr̥ṣṇáṃ tád rā́tres \

Pada: cx     dvirūpā́ bʰavati

Line : 2  Pada: cy     sámr̥ddʰyai //


Anuvaka: 8  
Line : 3  Pada: a     índrāya manyumáte mánasvate lalā́mam ā́labʰeta saṃgrāmé

Pada: b     manyúnā vaí vīryàṃ kriyáta indriyéṇa jayati

Line : 4  Pada: c     vīryàṃ caivaíṣv indriyáṃ ca jítyai dadʰāti

Line : 5  Pada: d     lalā́mo bʰavati

Pada: e     purástād dʰy àyáṃ manyús \

Pada: f     átʰo bráhmaṇaivaínān purástān mukʰató jítyai sám̐śyati \

Line : 6  Pada: g     índrāyābʰimātigʰná r̥ṣabʰám ā́labʰeta bʰrā́tr̥vyavān

Pada: h     abʰímātir vaí pāpmā́ bʰrā́tr̥vyas \

Line : 7  Pada: i     indriyéṇaivā́bʰímātiṃ pāpmā́naṃ bʰrā́tr̥vyam ápahate

Line : 8  Pada: j     sá índrāya vr̥tratúrā ā́labʰeta \

Pada: k     abʰímātir vaí pāpmā́ bʰrā́tr̥vyas \

Pada: l     indriyéṇaivā́bʰímātiṃ pāpmā́naṃ bʰrā́tr̥vyam apahátya vr̥tratū́r evā́bʰūt

Line : 9  Pada: m     svā́rājyam evá gacʰati

Line : 10  Pada: n     vr̥tratū́r íti hy ètám āhúr yáḥ svā́rājyaṃ gácʰati \

Pada: o     aindrāmārutáṃ pr̥śnisáktʰam ā́labʰeta

Line : 11  Pada: p     rājanyàṃ grā́makāmam̐ yājayet \

Pada: q     aindró vaí rājanyò devátayā

Pada: r     mārutī́ víṭ \

Line : 12  Pada: s     indriyéṇaivā́smai víśam úpayunakti

Pada: t     pr̥śnisáktʰo bʰavati

Pada: u     paścā́d evā́smai víśam úpadadʰāti \

Line : 13  Pada: v     ánukām asmai víśam ávivādinīṃ karoti \

Pada: w     índrāya vajríṇa r̥ṣabʰám ā́labʰeta

Line : 14  Pada: x     rājanyàṃ bʰū́tikāmam̐ yājayet \

Pada: y     yadā́ vaí rājanyò vajrī́ bʰávaty átʰa bʰū́tiṃ gacʰati

Line : 15  Pada: z     yád vajíṇe

Pada: aa     vájram evā́smā ā́dʰāt

Pada: ab     téna víjitiṃ bʰū́tiṃ gacʰati

Line : 16  Pada: ac     sá enaṃ bʰū́tyai śremṇá inddʰe

Pada: ad     yád vajríṇā íti tád asyābʰicaraṇī́yam \

Line : 17  Pada: ae     yáṃ dviṣyā́t táṃ tárhi mánasā dʰyāyet \

Pada: af     vájram evā́smai práharati

Line : 18  Pada: ag     str̥ṇutá evá

Pada: ah     saumyáṃ babʰrúm r̥ṣabʰáṃ piṅgalám ā́labʰeta yó 'lam̐ rājyā́ya sán rājyáṃ ná prāpnuyā́t

Line : 19  Pada: ai     sómo vaí rā́jaitásya devátā

Pada: aj     sómo hí rā́jā

Pada: ak     svā́m evá devátām̐ rājyā́yópāsarat

Page: 59  
Line : 1  Pada: al     svaínaṃ devátā rājyáṃ gamayati

Pada: am     babʰrúḥ piṅgaló bʰavati

Line : 2  Pada: an     sómasya rūpám \

Pada: ao     sámr̥ddʰyai //


Anuvaka: 9  
Line : 3  Pada: a     yáḥ pratʰamá ekāṣṭakā́yāṃ jā́yeta yás tám ālapsyámānaḥ syā́t sá āgneyám aṣṭā́kapālaṃ nírvapet \

Line : 4  Pada: b     agnír vaí paśūnā́m̐ yóniḥ

Pada: c     svā́d evaínān yóner níṣkrīṇāty ā́ médʰyād bʰávitos \

Line : 5  Pada: d     agnáye vaiśvānarā́ya dvā́daśakapālaṃ māsímāsi nírvapet

Line : 6  Pada: e     sam̐vatsaró vā́ agnír vaíśvānaráḥ

Pada: f     sam̐vatsarā́d evaínaṃ níṣkrīṇāti

Pada: g     sá yadā́ médʰaṃ gácʰed átʰéndrāyābʰimātigʰná ā́labʰeta \

Line : 7  Pada: h     abʰímātir vaí pāpmā́ bʰrā́tr̥vyas \

Line : 8  Pada: i     indriyéṇaivā́bʰímātiṃ pāpmā́naṃ bʰrā́tr̥vyam ápahate \

Pada: j     áśvó 'vyuptavaho dákṣiṇā \

Line : 9  Pada: k     eṣá vaí vyā́vr̥ttaḥ pāpmánā

Pada: l     pāpmánaivaínam̐ vyā́vartayati \

Pada: m     átʰa yó 'parasyām ekāṣṭakā́yāṃ jā́yeta tám evám evótsŕ̥jyā́tʰéndrāya vr̥tratúrā ā́labʰeta \

Line : 10  Pada: n     abʰímātir vaí pāpmā́ bʰrā́tr̥vyas \

Line : 11  Pada: o     indriyéṇaivā́bʰímātiṃ pāpmā́naṃ bʰrā́tr̥vyam apahátya vr̥tratū́r evā́bʰūt

Line : 12  Pada: p     svā́rājyam evá gacʰati

Pada: q     vr̥tratū́r íti hy ètám āhúr yáḥ svā́rājyaṃ gácʰati

Line : 13  Pada: r     śatám ávyuptavahā dákṣiṇā \

Pada: s     eté vaí vyā́vr̥ttāḥ pāpmánā

Pada: t     pāpmánaivaínam̐ vyā́vartayati

Line : 14  Pada: u     śatáṃ bʰavanti

Pada: v     śatā́yur vaí púruṣaḥ śatávīryas \

Pada: w     ā́yur evá vīryàm āpnoti

Line : 15  Pada: x     devā́ś ca vā́ ásurāś cāspardʰanta

Pada: y     tè 'bruvan

Pada: z     bráhmaṇi no 'smín víjayetʰām íti \

Line : 16  Pada: aa     aruṇás tūparáś caitreyó devā́nām ā́sīñ śyétó 'yaḥśr̥ṅgaḥ śyaineyó * 'surāṇām \
      FN Correcturen und Conjecturen zu dem ganzen Werk.

Line : 17  Pada: ab     té 'surā utkrodíno 'caran \

Pada: ac     arā́ḍo 'smā́kaṃ tūparò 'mī́ṣām íti

Page: 60  
Line : 1  Pada: ad     taú vaí sámalabʰetām \

Pada: ae     tásya devā́ḥ kṣurápavi śíro 'kurvan \

Line : 2  Pada: af     tásyāntarā́ śŕ̥ṅge śíro vyavadʰā́ya víṣvañcam̐ vyàrujat \

Pada: ag     yā́surī́ vā́g ávadat sémā́ṃ prā́viśat \

Line : 3  Pada: ah     yódájayat sā́ vánaspátīn \

Pada: ai     tásmād brāhmaṇó mr̥nmáyena ná pibet \

Line : 4  Pada: aj     asuryā̀ vācā́tmā́naṃ nét sam̐sr̥jā́ íti

Pada: ak     tád yá evám̐ vidvā́n ámr̥tpātrapo bʰávaty újjitam evá vācá úpaiti

Line : 5  Pada: al     táṃ brāhmaṇaspatyám ā́labʰetābʰicáran

Pada: am     bráhma vaí bráhmaṇaspátis \

Line : 6  Pada: an     brāhmaṇaspatyó brāhmaṇó devátayā

Pada: ao     yā́vad evá bráhma ténainam̐ sárveṇābʰícarati

Line : 7  Pada: ap     téjasainaṃ prácʰinatti

Pada: aq     str̥ṇuta evá \

Pada: ar     aruṇás tūparó bʰavati \

Pada: as     evám iva hí tásya rūpám ā́sīt

Line : 8  Pada: at     sámr̥ddʰyai

Pada: au     devā́ ásurān hatvaíbʰyó lokébʰyaḥ prā́ṇudanta

Line : 9  Pada: av     té rā́trīṃ prā́viśan \

Pada: aw     tā́n aśvínā anuprā́viśatām \

Pada: ax     taú támaḥ páryagr̥hṇāt

Line : 10  Pada: ay     tā́ etám āśvinám añjím ā́labʰetām \

Pada: az     téna támó 'pāgʰnātām

Pada: ba     asā́ enā ādityáḥ purástāj jyótiṣā pratyā́gacʰat

Line : 11  Pada: bb     sá ābʰyāṃ támó 'dʰyápāhan

Pada: bc     yáḥ pāpmánā támasā gr̥hītó mányeta sá etám āśvinám añjím ā́labʰeta

Line : 12  Pada: bd     yénaivā́śvínau támo 'pā́gʰnātāṃ téna pāpmā́nam ápahate \

Line : 13  Pada: be     asā́ enam ādityáḥ purástāj jyótiṣā pratyā́gacʰati

Line : 14  Pada: bf     sò 'smāt támó 'dʰyápahanti //


Anuvaka: 10  
Line : 15  Pada: a     asaú vā́ ādityás téjobʰir vyā̀rdʰyata

Pada: b     táta idám̐ sárvaṃ támo 'bʰavat

Pada: c     sá prajā́patir etā́n dáśa r̥ṣabʰā́n apaśyat \

Line : 16  Pada: d     átʰo āhur índro 'paśyad íti

Pada: e     tā́n aindrā́n ā́labʰata

Line : 17  Pada: f     taír asminn indriyā́ṇi vīryā̀ṇy āptvā́dadʰāt \

Pada: g     yál lalā́mā ā́labʰyanta mukʰatò 'smim̐s taís téjo 'dadʰāt \

Line : 18  Pada: h     yáñ śítikakuda upáriṣṭāt taís \

Pada: i     yáñ śvetā́nūkāśāḥ paścā́t tais

Page: 61  
Line : 1  Pada: j     táto vā́ asā́ ādityáḥ sarvátas tejasvy àbʰavat \

Line : 2  Pada: k     yás téjaskāmaḥ syā́t sá etā́n aindrā́n r̥ṣabʰā́n ā́labʰeta

Pada: l     yál lalā́mā ālabʰyánte

Line : 3  Pada: m     mukʰatò 'smim̐s tais téjo dadʰāti

Pada: n     yáñ śítikakudas \

Pada: o     upáriṣṭāt taís \

Pada: p     yáñ śvetā́nūkāśāḥ

Line : 4  Pada: q     paścāt taíḥ

Pada: r     sarváta evaínaṃ tejasvínaṃ karoti \

Pada: s     amúṣyainam ādityásya mātrāṃ gamayati

Line : 5  Pada: t     parajāpatyáṃ daśamáṃ dvādaśe mā́sā ā́labʰeta

Pada: u     dvā́daśa mā́sāḥ sam̐vatsaráḥ

Line : 6  Pada: v     sam̐vatsarám evā́ptvā́varunddʰe

Pada: w     návā́labʰyante

Pada: x     náva vaí prāṇā́ḥ

Line : 7  Pada: y     prāṇā́ḥ kʰálu vaí púruṣe vīryàm \

Pada: z     prāṇā́n asmin vīryàṃ dadʰāti

Pada: aa     dáśā́labʰyante

Line : 8  Pada: ab     daśākṣarā virā́ṭ \

Pada: ac     virā́ḍ etā́ny evéndriyā́ṇi vīryā̀ṇy ātmán dʰitvā́ \

Pada: ad     iyám̐ virā́ṭ \

Line : 9  Pada: ae     asyā́m evá prátitiṣṭʰati //

Line : 10  Pada: af     námo mahimné cákṣuṣe márutāṃ pitas tád aháṃ gr̥ṇe te /

Line : 11  Pada: ag     hutó yāhi patʰíbʰir devayā́nair óṣadʰīṣu prátitiṣṭʰā śárīraiḥ //

Line : 12  Pada: ah     devā́nām eṣá upanāhá āsīd apā́ṃ pátir vr̥ṣabʰá óṣadʰīnām /

Line : 13  Pada: ai     sómasya drapsám avr̥ṇīta pūṣā́ br̥hánn ádrir abʰavad yát tád ā́sīt //

Line : 14  Pada: aj     drapsáś caskanda pr̥tʰivī́m ánu dyā́m imáṃ ca yónim ánu yáś ca pū́rvaḥ /

Line : 15  Pada: ak     samānám̐ yónim ánu saṃcárantaṃ drapsáṃ juhomy ánu saptá hotrāḥ //

Line : 16  Pada: al     pitā́ vatsā́nāṃ pátir agʰnyā́nām utā́yáṃ pitā́ mahatā́ṃ gárgarāṇām /

Line : 18  Pada: am     vatsó jarā́yu pratidʰúk pīyū́ṣa āmíkṣā mástu gʰr̥tám asya yóniḥ //

Line : 20  Pada: an     tvā́ṃ gā́vo 'vr̥ṇata rājyā́ya tvā́m̐ vardʰanti marútaḥ svarkā́ḥ /

Page: 62  
Line : 1  Pada: ao     várṣman kṣatrásya kakúbbʰiḥ śiśriyāṇas táto na ugró víbʰajā vásūni //


Anuvaka: 11  
Line : 3  Pada: a     vāyavyàm ajám ā́labʰetaindrám̐ vr̥ṣṇám̐ vr̥ṣabʰám̐ vā vāruṇáṃ pétvam \

Pada: b     bʰū́tikāmam̐ yājayet \

Line : 4  Pada: c     yád vāyáve

Pada: d     vā́yur evaínaṃ bʰū́tyai nínayati \

Pada: e     indriyéṇa vā́ eṣá vīryèṇa vyr̥̀dʰyate yó 'laṃ bʰū́tyai sán ná bʰávati

Line : 5  Pada: f     yád aindrás \

Pada: g     indriyéṇaivaínam̐ vīryèṇa sámardʰayati

Line : 6  Pada: h     váruṇagr̥hīto vā́ eṣá yó 'laṃ bʰū́tyai sán ná bʰávati

Pada: i     yád vāruṇás \

Pada: j     váruṇād evaínaṃ téna muñcati \

Line : 7  Pada: k     etā́n evā́bʰicárann ā́labʰeta

Pada: l     yád vāyáve

Pada: m     vāyúr evā́smai vájram̐ sám̐śyati \

Line : 8  Pada: n     aindró vaí vájras \

Pada: o     indriyéṇa kʰálu vaí vájraḥ práhriyate

Pada: p     yád aindrás \

Pada: q     vájram evā́smai práharati

Line : 9  Pada: r     yád vāruṇás \

Pada: s     váruṇenaivaínaṃ grāhayitvā́ str̥ṇute

Pada: t     sauryáṃ balákṣaṃ pétvam ā́labʰeta brahmavarcasákāmas \

Line : 10  Pada: u     asaú vā́ ādityó brahmavarcasásya pradātā́

Line : 11  Pada: v     tám evá bʰāgadʰéyenópāsarat

Pada: w     sò 'smai brahmavarcasáṃ práyacʰati

Pada: x     yád balákṣaḥ sámr̥ddʰas téna

Line : 12  Pada: y     yád álūnaḥ sámr̥ddʰas téna

Pada: z     yát pī́vā sámr̥ddʰas téna

Pada: aa     trivŕ̥d vā́vā́smā etát sámr̥ddʰaṃ brahmavarcasáṃ dadʰāti \

Line : 13  Pada: ab     ādityáṃ bahurūpám ā́labʰeta yásyāśviné śasyámāne sū́ryo nódiyā́t

Line : 14  Pada: ac     párācīr vā́ etásmai vyùcʰanti yásyāśvine śasyámāne sū́ryo nódéti

Line : 15  Pada: ad     yád ādityás \

Pada: ae     amúm evā́smā únnayati

Pada: af     bahurūpó bʰavati

Line : 16  Pada: ag     bahū́ni vaí raśmīnā́m̐ rūpā́ṇi

Pada: ah     raśmīnā́m evā́smai rūpā́ṇy āptvónnayati \

Pada: ai     agnír vaí sr̥ṣṭó ná vyàrocata \

Line : 17  Pada: aj     sò 'gnáye tejasvíne 'jáṃ kr̥ṣṇágrīvam ā́labʰata

Pada: ak     téna tejasvy àbʰavat

Line : 18  Pada: al     sò 'kāmayata

Pada: am     sarvátra víbʰaveyam íti

Pada: an     sò 'gnáye víbʰūtimate 'jáṃ kr̥ṣṇágrīvam ā́labʰata

Page: 63  
Line : 1  Pada: ao     téna sarvátra vyàbʰavat

Pada: ap     sò 'kāmayata

Pada: aq     sarvátrā́pibʰāgaḥ syām íti

Line : 2  Pada: ar     sò 'gnáye bʰāgíne 'jáṃ kr̥ṣṇágrīvam ā́labʰata

Pada: as     téna sarvátrā́pibʰāgo 'bʰavat

Line : 3  Pada: at     sò 'kāmayata

Pada: au     dā́nakāmā me prajā́ḥ syur íti

Line : 4  Pada: av     sò 'gnáye dātrè 'jáṃ kr̥ṣṇágrīvam ā́labʰata

Pada: aw     ténāsmai dā́nakāmāḥ prajā́ abʰavan

Line : 5  Pada: ax     yáḥ kamáyeta tejasvī́ syām̐ sarvátra víbʰaveyam̐ sarvátrā́pibʰāgaḥ syāṃ dā́nakāmā me prajā́ḥ syur íti sá etā́n ajā́n kr̥ṣṇágrīvān ā́labʰeta

Line : 7  Pada: ay     tejasvī́ bʰavati

Pada: az     sarvátra víbʰavati

Pada: ba     sarvátrā́pibʰāgo bʰavati

Pada: bb     dā́nakāmā asmai prajā́ bʰavanti

Line : 8  Pada: bc     prājāpatyáṃ bahurūpám ā́labʰeta paśúkāmaḥ

Pada: bd     prājāpatyā́ vaí paśávaḥ

Line : 9  Pada: be     prajā́patiḥ paśūnā́ṃ prajanayitā́

Pada: bf     tám evá bʰāgadʰéyenópāsarat

Line : 10  Pada: bg     só 'smai paśū́n prájanayati

Pada: bh     bahurūpó bʰavati

Pada: bi     bahū́ni vaí paśūnā́m̐ rūpā́ṇi

Line : 11  Pada: bj     paśūnā́m evā́sami rūpā́ṇy āptvā́varunddʰe

Pada: bk     yā́mám̐ śukaharím ā́labʰeta śuṇṭʰám̐ vā yáḥ kāmáyeta yamaloká r̥dʰnuyām íti \

Line : 12  Pada: bl     eténa vaí yamò 'múṣmiṃl loká ārdʰnot \

Line : 13  Pada: bm     yamò 'múṣya lokásyā́dʰipatyam ānaśe

Pada: bn     tám evá bʰāgadʰéyenópāsarat

Pada: bo     sá enam amúṣya lokásyā́dʰipatyaṃ gamayati \

Line : 14  Pada: bp     ekadʰā́ vā́ eténa yamaloká r̥dʰnoti

Line : 15  Pada: bq     páre váyasi yaṣṭavyàm \

Pada: br     tājág gʰí pramīyáte

Pada: bs     śuṇṭʰó vā bʰávati śukaharír vā \

Pada: bt     eṣá hy ètásya devátayā paśūnā́m̐ sámr̥ddʰaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.