TITUS
Black Yajur-Veda: Maitrayani-Samhita
Part No. 35
Previous part

Prapathaka: 11  
Anuvaka: 1  
Pada: a     sámiddʰā índra uṣásām ánīke purorúcā pūrvakŕ̥d vāvr̥dʰānáḥ /

Line : 13  Pada: b     tribʰír devaís trim̐śátā vájrabāhur jagʰā́na vr̥trám̐ ví dúro vavāra //

Line : 14  Pada: c     narāśám̐saḥ práti śū́ro mímānas tánūnápāt práti yajñásya dʰā́ma /

Line : 15  Pada: d     góbʰir vapā́vān mádʰunā samañján híraṇyaiś candrī́ yajati prácetāḥ //

Line : 16  Pada: e     iḍitó devaír hárivāṃ abʰiṣṭír ājúhvāno havíṣā śárdʰamānaḥ /

Page: 140  
Line : 1  Pada: f     puraṃdaró gotrabʰŕ̥d vájrabāhur ā́yātu yajñám úpa no juṣāṇáḥ //

Line : 2  Pada: g     juṣāṇó barhír hárivān nā índraḥ prācī́nam̐ sīdāt pradíśā pr̥tʰivyā́ḥ /

Line : 3  Pada: h     uruprátʰāḥ prátʰamānam̐ syonám ādityaír aktám̐ vásubʰiḥ sajóṣāḥ //

Line : 4  Pada: i     índraṃ dúraḥ kavaṣyò dʰā́vamānā vŕ̥ṣāṇam̐ yanti jánayaḥ supátnīḥ /

Line : 5  Pada: j     dvā́ro devī́r abʰíto víśrayantām̐ suvī́rā vīráṃ prátʰamānā máhobʰiḥ //

Line : 6  Pada: k     uṣā́sānáktā br̥hatī br̥hántaṃ páyasvatī sudúgʰe śū́ram índram /

Line : 7  Pada: l     péśasvatī tántunā sam̐váyantī devā́nāṃ devám̐ yajataḥ surukmé //

Line : 8  Pada: m     daívyā mímānā mánasā purutrā́ hótārā índraṃ pratʰamā́ suvā́cā /

Line : 9  Pada: n     mūrdʰán yajñásya mádʰunā dádʰānā prācī́naṃ jyótir havíṣā vr̥dʰātaḥ //

Line : 10  Pada: o     tisró devī́r havíṣā várdʰamānā índraṃ juṣāṇā́ vŕ̥ṣaṇaṃ ná pátnīḥ /

Line : 11  Pada: p     ácʰinnaṃ tántuṃ páyasā sárasvatī́ḍā devī́ bʰā́ratī viśvátūrtiḥ //

Line : 12  Pada: q     tváṣṭā dádʰad índrāya śúṣmam ápākó 'ciṣṭur yáśase purū́ṇi /

Line : 13  Pada: r     vŕ̥ṣā yájan vŕ̥ṣaṇaṃ bʰū́riretā mūrdʰán yajñásya sámanaktu devā́n //

Line : 14  Pada: s     vánaspátir ávasr̥ṣṭo ná pā́śais tmányā samañjáñ śamitā́ ná deváḥ /

Line : 15  Pada: t     índrasya havyaír jaṭʰáraṃ pr̥ṇānáḥ svádātu havyáṃ mádʰunā gʰr̥téna //

Line : 16  Pada: u     stokā́nām índuṃ práti śū́rā índro vr̥ṣāyámāṇo vr̥ṣabʰás turāṣā́ṭ /

Page: 141  
Line : 1  Pada: v     gʰr̥taprúṣā mánasā havyám undánt svā́hākr̥taṃ juṣatām̐ havyám índraḥ //


Anuvaka: 2  
Line : 2  Pada: a     hótā yakṣat samídʰāgním iḍáspadè 'śvínéndram̐ sárasvatīm

Pada: b     ajó dʰūmró ná godʰū́maiḥ kúvalair bʰeṣajáṃ madʰuśáṣpair ná téja indriyám \

Line : 3  Pada: c     páyaḥ sómaḥ parisrútā gʰr̥táṃ mádʰu

Line : 4  Pada: d     vyántv ā́jyasya

Pada: e     hótar yája

Pada: f     hótā yakṣat tánūnápāt sárasvatīm ávir meṣó ná bʰeṣajám \

Line : 5  Pada: g     patʰā́ mádʰumad ā́bʰarann aśvínéndrāya vīryàm \

Pada: h     bádarair upavā́kābʰir bʰeṣajáṃ tókmabʰiḥ

Line : 6  Pada: i     páyaḥ sómaḥ parisrútā gʰr̥táṃ mádʰu

Pada: j     vétv ā́jyasya

Pada: k     hótar yája

Line : 7  Pada: l     hótā yakṣan nárāśam̐saṃ ná nagnáhuṃ pátim̐ súrāyā bʰeṣajám \

Pada: m     meṣáḥ sárasvatī bʰiṣág rátʰo ná candry àśvínor

Line : 8  Pada: n     vapā́ índrasya vīryàṃ bádarair upavā́kābʰir bʰeṣajáṃ tókmabʰiḥ

Line : 9  Pada: o     páyaḥ sómaḥ parisrútā gʰr̥táṃ mádʰu

Pada: p     vétv ā́jyasya

Pada: q     hótar yája

Line : 10  Pada: r     hótā yakṣad iḍéḍitá ājúhvānaḥ sárasvatīm

Pada: s     índraṃ bálena vardʰáyann r̥ṣabʰéṇa gávendriyám

Line : 11  Pada: t     aśvínéndrāya bʰeṣajám̐ yávaiḥ karkándʰubʰir

Pada: u     mádʰu lājaír ná mā́saram \

Line : 12  Pada: v     páyaḥ sómaḥ parisrútā gʰr̥táṃ mádʰu

Pada: w     vyántv ā́jyasya

Pada: x     hótar yája

Pada: y     hótā yakṣad barhír ū́rṇamradā bʰiṣáṅ ṇā́satyā bʰiṣájāśvínā \

Line : 13  Pada: z     áśvā śiśumatī bʰiṣág dʰenúḥ sárasvatī bʰiṣág

Line : 14  Pada: aa     índrāya duha indriyám \

Pada: ab     páyaḥ sómaḥ parisrútā gʰr̥táṃ mádʰu

Line : 15  Pada: ac     vyántv ā́jyasya

Pada: ad     hótar yája

Pada: ae     hótā yakṣad dúro díśaḥ kavaṣyò ná vyácasvatīr

Page: 142  
Line : 1  Pada: af     aśvíbʰyāṃ ná dúro díśā índro ná ródasī dugʰé

Pada: ag     duhé dʰenúḥ sárasvatī śukráṃ ná jyótir indriyám \

Line : 2  Pada: ah     páyaḥ sómaḥ parisrútā gʰr̥táṃ mádʰu

Pada: ai     vyántv ā́jyasya

Line : 3  Pada: aj     hótar yája

Pada: ak     hótā yakṣat supéśasoṣé náktaṃ dívāśvínā saṃjānāné supéśasā sámañjāte sárasvatyā

Line : 4  Pada: al     tvíṣim índreṇa bʰeṣajám̐ śyenó ná rájasā hr̥dā́

Pada: am     páyaḥ sómaḥ parisrútā gʰr̥táṃ mádʰu

Line : 5  Pada: an     vītā́m ā́jyasya

Pada: ao     hótar yája

Pada: ap     hótā yakṣad daívyā hótārā bʰiṣájāśvínéndraṃ ná jā́gr̥vi

Line : 6  Pada: aq     divā́ náktaṃ ná bʰeṣajaíḥ śūṣám̐ sárasvatī bʰiṣák

Line : 7  Pada: ar     sī́sena duha indriyám \

Pada: as     páyaḥ sómaḥ parisrútā gʰr̥táṃ mádʰu

Line : 8  Pada: at     vītā́m ā́jyasya

Pada: au     hótar yája

Pada: av     hótā yakṣat tisró devī́r ná bʰeṣajáṃ tráyas tridʰā́tavo 'pásas \

Line : 9  Pada: aw     rūpám índro hiraṇyáyam aśvínéḍā ná bʰā́ratī

Pada: ax     vācā́ sárasvatī máhā índrāya duha indriyám \

Line : 10  Pada: ay     páyaḥ sómaḥ parisrútā gʰr̥táṃ mádʰu

Pada: az     vyántv ā́jyasya

Line : 11  Pada: ba     hótar yája

Pada: bb     hótā yakṣat tváṣṭāram̐ rūpakŕ̥tam̐ supéśasam̐ vr̥ṣabʰáṃ náryāpasam \

Line : 12  Pada: bc     tváṣṭāram índram aśvínā bʰiṣájaṃ naḥ sárasvatīm

Pada: bd     ójo ná jūtír indriyám̐ vŕ̥ko ná rabʰasó bʰiṣág

Line : 13  Pada: be     yáśaḥ súrāyā bʰeṣajám̐ śriyā́ ná mā́saram \

Line : 14  Pada: bf     páyaḥ sómaḥ parisrútā gʰr̥táṃ mádʰu

Pada: bg     vétv ā́jyasya

Pada: bh     hótar yája

Pada: bi     hótā yakṣad vánaspátim̐ śamitā́ram̐ śatákratum \

Line : 15  Pada: bj     bʰīmáṃ na manyúm̐ rā́jānam̐ vyāgʰráṃ námasāśvínā

Line : 16  Pada: bk     bʰā́mam̐ sárasvatī bʰiṣág índrāya duha indriyám \

Pada: bl     páyaḥ sómaḥ parisrútā gʰr̥tám mádʰu

Page: 143  
Line : 1  Pada: bm     vétv ā́jyasya

Pada: bn     hótar yája

Pada: bo     hótā yakṣad agním̐ svā́hā́jyasya stokā́nām \

Line : 2  Pada: bp     svā́hā médasāṃ pŕ̥tʰak

Pada: bq     svā́hā cʰā́gam aśvíbʰyām \

Pada: br     svā́hā meṣám̐ sárasvatyai

Line : 3  Pada: bs     svā́hā r̥ṣabʰám índrāya sim̐hā́ya sáhasa indriyám \

Pada: bt     svā́hāgníṃ ná bʰeṣajaí *
      FN < bʰeṣajaíḥ

Line : 4  Pada: bu     svā́hā sómam indriyaíḥ

Pada: bv     svā́héndram̐ sutrā́māṇam̐ savitā́ram̐ váruṇaṃ bʰiṣájāṃ pátim \

Line : 5  Pada: bw     svā́hā vánaspátiṃ priyáṃ pā́tʰo ná bʰeṣajaíḥ

Pada: bx     svā́hā devā́ ājyapā́ juṣāṇó agnír bʰeṣajám \

Line : 6  Pada: by     páyaḥ sómaḥ parisrútā gʰr̥táṃ mádʰu

Pada: bz     vyántv ā́jyasya

Line : 7  Pada: ca     hótar yája //


Anuvaka: 3  
Line : 9  Pada: a     sámiddʰo agnír aśvínā taptó gʰarmó virā́ṭ sutáḥ /

Line : 10  Pada: b     duhé dʰenúḥ sárasvatī sómam̐ sukrám ihéndriyám /

Line : 11  Pada: c     tanūpā́ bʰiṣájā sutè 'śvínobʰā́ sárasvatī /

Line : 12  Pada: d     mádʰvā rájām̐sīndriyám índrāya patʰíbʰir vaha //

Line : 13  Pada: e     índrāyéndum̐ sárasvatī nárāśám̐sena nagnáhum /

Line : 14  Pada: f     ádʰātām aśvínā mádʰu bʰeṣajáṃ bʰiṣájā suté //

Line : 15  Pada: g     ājúhvānā sárasvatī́ndrāyendriyā́ṇi vīryàm /

Line : 16  Pada: h     íḍābʰir aśvínā íṣam̐ sám ū́rjam̐ sám̐ rayíṃ dadʰuḥ //

Line : 17  Pada: i     aśvínā námuceḥ sutám̐ sómam̐ śukráṃ parisrútā /

Line : 18  Pada: j     sárasvatī tám ā́bʰarad barhíṣéndrāya pā́tave //

Page: 144  
Line : 1  Pada: k     kavaṣyò ná vyácasvatīr aśvíbʰyāṃ ná dúro díśaḥ /

Line : 2  Pada: l     índro ná ródasī ubʰé duhé kā́mānt sárasvatī //

Line : 3  Pada: m     uṣā́sā náktam aśvínā divéndram̐ sā́yam indriyaíḥ /

Line : 4  Pada: n     saṃjānāné supéśasā sámañjāte sárasvatyā //

Line : 5  Pada: o     pātáṃ no aśvínā dívā pāhí náktam̐ sarasvati /

Line : 6  Pada: p     daívyā hotārā bʰiṣajā pātám índram̐ sácā suté //

Line : 7  Pada: q     tisrás tredʰā́ sárasvaty aśvínā bʰā́ratī́ḍā /

Line : 8  Pada: r     tīvráṃ parisrútā sómam índrāyā́suṣuvur mádam //

Line : 9  Pada: s     aśvínā bʰeṣajáṃ mádʰu bʰeṣajáṃ naḥ sárasvatī /

Line : 10  Pada: t     índre tváṣṭā yáśaḥ śriyam̐ rūpám̐rūpam adʰuḥ suté //

Line : 11  Pada: u     r̥tutʰéndro vánaspátiḥ śaśamānáḥ parisrútā /

Line : 12  Pada: v     kīlā́lam aśvíbʰyāṃ mádʰu duhé dʰenúḥ sárasvatī //

Line : 13  Pada: w     góbʰir ná sómam aśvínā mā́sareṇa parisrútā /

Line : 14  Pada: x     sámadʰātām̐ sárasvatyā svā́héndre sutáṃ mádʰu //


Anuvaka: 4  
Page: 145  
Line : 1  Pada: a     áśvinā havír indriyáṃ námucer dʰiyā́ sárasvatī /

Line : 2  Pada: b     ā́ śukrám āsurā́d vásu madyám índrāya jabʰríre //

Line : 3  Pada: c     yám aśvínā sárasvatī havíṣéndram ávardʰayan /

Line : 4  Pada: d     sá bibʰeda baláṃ madyáṃ námucā āsuré sácā //

Line : 5  Pada: e     tám índraṃ paśávaḥ sácāśvínobʰā́ sárasvatī /

Line : 6  Pada: f     dádʰānā abʰyànūṣata havíṣā yajñá indriyám //

Line : 7  Pada: g     yá índra indriyáṃ dadʰúḥ savitā́ váruṇo bʰágaḥ /

Line : 8  Pada: h     sá sutrā́mā havíṣpatir yájamānāya saścata //

Line : 9  Pada: i     savitā́ váruṇo dádʰad yájamānāya dāśúṣe /

Line : 10  Pada: j     ā́datta námucer vásu sutrā́mā bálam indriyám //

Line : 11  Pada: k     váruṇaḥ kṣatrám indriyáṃ bʰágena savitā́ śríyam /

Line : 12  Pada: l     sutrā́mā yáśasā bálaṃ dádʰānā yajñám āśata //

Line : 13  Pada: m     yuvám̐ surā́mam aśvinā námucā āsuré sácā /

Line : 14  Pada: n     vipipānā́ sárasvatī́ndraṃ kármasv āvata //

Line : 15  Pada: o     hótā yakṣad aśvínau sárasvatīm índram imé sómāḥ surā́māṇaś

Pada: p     cʰā́gair ná meṣaír r̥ṣabʰaíḥ sutā́ḥ śáṣpair ná tókmabʰir

Line : 16  Pada: q     lājaír máhasvanto mádā mā́sareṇa parisrútā

Line : 17  Pada: r     śukrā́ḥ páyasvanto 'mŕ̥tāḥ prástʰitā vo madʰuścyútas

Pada: s     tā́n aśvínā sárasvatī́ndro juṣántām̐ somyáṃ mádʰu

Page: 146  
Line : 1  Pada: t     píbantu

Pada: u     mádantām \

Pada: v     vyántu

Line : 2  Pada: w     hótar yája

Line : 3  Pada: x     putrám iva pitárā aśvínobʰéndrāvátʰuḥ kā́vyair dam̐sánābʰiḥ /

Line : 4  Pada: y     yát surā́mam̐ vyápibaḥ śácībʰiḥ sárasvatī tvā magʰavann abʰiṣṇak //

Line : 5  Pada: z     aśvínā góbʰir indriyám áśvebʰir vīryàṃ bálam /

Line : 6  Pada: aa     havíṣéndram̐ sárasvatī yájamānam avardʰayan //

Line : 7  Pada: ab     tā́ nā́satyā supéśasā híraṇyavarttanī nárā /

Line : 8  Pada: ac     sárasvatī havíṣmatī́ndraṃ kármasv avatu //

Line : 9  Pada: ad     tā́ bʰiṣájā sukármaṇā sā́ sudúgʰā sárasvatī /

Line : 10  Pada: ae     sá vr̥trahā́ śatákratur índrāya dadʰur indriyám //

Line : 11  Pada: af     áhāvy agne havír āsyè te srucī̀va gʰr̥táṃ camvī̀va sómaḥ /

Line : 12  Pada: ag     vājasánim̐ rayím asmé suvī́raṃ praśastáṃ dʰehi yaśásaṃ br̥hántam //

Line : 13  Pada: ah     yásminn áśvāsa r̥ṣabʰā́sa ukṣáṇo vaśā́ meṣā́ avasr̥ṣṭā́sā ā́hutāḥ /

Line : 14  Pada: ai     kīlālapé sómapr̥ṣṭʰāya vedʰáse hr̥dā́ matíṃ janaye cā́rum agnáye //


Anuvaka: 5  
Page: 147  
Line : 1  Pada: a     deváṃ barhíḥ sárasvatī sudevám índrāyāśvínā

Pada: b     téjo ná cákṣur akṣór barhíṣā dadʰur indriyám \

Line : 2  Pada: c     vasuváne vasudʰéyasya vetu

Pada: d     yája

Pada: e     devī́r dvā́ro aśvínā bʰiṣájéndram̐ sárasvatī

Line : 3  Pada: f     prāṇā́n ná vīryàṃ nasí dvā́ro dadʰur indriyám \

Pada: g     vasuváne vasudʰéyasya vyantu

Line : 4  Pada: h     yája

Pada: i     devī́ uṣā́sā aśvínā sutrā́méndram̐ sárasvatī

Pada: j     bálaṃ ná vā́cam āsyè uṣā́bʰyāṃ dadʰur indriyám \

Line : 5  Pada: k     vasuváne vasudʰéyasya vītām \

Pada: l     yája

Pada: m     devī́ jóṣṭrī * sárasvaty aśvínéndram avadʰayan
      FN emended. Ed.: jñóṣṭrī.

Line : 6  Pada: n     śrótraṃ ná kárṇayor yáśo jóṣṭrībʰyāṃ dadʰur indriyám \

Line : 7  Pada: o     vasuváne vasudʰéyasya vītām \

Pada: p     yája

Pada: q     devī́ ūrjā́hutī dúgʰe sudúgʰéndram̐ sárasvatī \

Line : 8  Pada: r     aśvínā bʰiṣájāvatam̐ śukráṃ * ná jyótiḥ stánayos \
      FN emended. Ed.: śakráṃ

Pada: s     ā́hutī dʰatta indriyám \

Line : 9  Pada: t     vasuváne vasudʰéyasya vītām \

Pada: u     yája

Pada: v     devā́ devā́nāṃ bʰiṣájā hótārā índram aśvínā

Line : 10  Pada: w     vaṣaṭkāraíḥ sárasvatī tvíṣiṃ ná hŕ̥daye matím \

Pada: x     hótr̥bʰyāṃ dadʰur indriyám \

Line : 11  Pada: y     vasuváne vasudʰéyasya vītām \

Pada: z     yája

Pada: aa     devī́s tisrás tisró devī́r aśvínéḍā sárasvatī

Line : 12  Pada: ab     śū́ṣaṃ ná mádʰye nā́bʰyā índrāya dadʰur indriyám \

Pada: ac     vasuváne vasudʰéyasya vyantu

Line : 13  Pada: ad     yája

Pada: ae     devá índro nárāśám̐sas trivarūtʰáḥ sárasvatyā \

Pada: af     aśvíbʰyām īyate rátʰo réto ná rūpám amŕ̥taṃ janítram

Line : 14  Pada: ag     índrāya tváṣṭā dádʰad indriyā́ṇi

Pada: ah     vasuváne vasudʰéyasya vetu

Line : 15  Pada: ai     yája

Pada: aj     devó devaír vánaspátir híraṇyaparṇo aśvíbʰyām \

Pada: ak     sárasvatyā supippalá índrāya pacyate mádʰu \

Line : 16  Pada: al     ójo ná jūtír vr̥ṣabʰó ná bʰā́mam̐ vánaspátir no dádʰad indriyā́ṇi

Page: 148  
Line : 1  Pada: am     vasuváne vasudʰéyasya vetu

Pada: an     yája

Pada: ao     deváṃ barhír vā́ritīnām adʰvaré stīrṇám aśvíbʰyām

Line : 2  Pada: ap     ū́rṇamradāḥ sárasvatyā syonám indra te sádas \

Pada: aq     īśā́yā manyúm̐ rā́jānaṃ barhíṣā dadʰur indriyám \

Line : 3  Pada: ar     vasuváne vasudʰéyasya vetu

Pada: as     yája

Pada: at     devó agníḥ sviṣṭakŕ̥d devā́n yákṣad yatʰāyatʰám \

Line : 4  Pada: au     hótārā índram aśvínā vācā́ vā́cam̐ sárasvatīm

Line : 5  Pada: av     agním̐ sómam̐ sviṣṭakŕ̥t svìṣṭā índraḥ sutrā́mā

Pada: aw     savitā́ váruṇo bʰiṣág iṣṭó devó vánaspátiḥ

Line : 6  Pada: ax     svìṣṭā devā́ ājyapā́ḥ svìṣṭo agnír agnínā

Line : 7  Pada: ay     hótā hotré sviṣṭakŕ̥t sáho ná dádʰad indriyám

Pada: az     ū́rjam ápacitim̐ svadʰā́m \

Pada: ba     vasuváne vasudʰéyasya vetu

Line : 8  Pada: bb     yája //


Anuvaka: 6  
Line : 9  Pada: a     sómo rā́jāmŕ̥tam̐ sutá óṣadʰīnām apā́m̐ rásaḥ /

Line : 10  Pada: b     r̥téna satyám indriyám̐ vipā́nam̐ śukrám ándʰasaḥ /

Line : 11  Pada: c     índrasyendriyám idáṃ páyo 'mŕ̥taṃ mádʰu //

Line : 12  Pada: d     adbʰyáḥ kṣīrám̐ vyàpibat krúṅṅ āṅgirasó dʰiyā́ /

Line : 13  Pada: e     r̥téna satyám indriyám̐ vipā́nam̐ śukrám ándʰasaḥ /

Line : 14  Pada: f     índrasyendriyám idáṃ páyo 'mŕ̥taṃ mádʰu //

Line : 15  Pada: g     adbʰyáḥ sómam̐ vyàpibac cʰándobʰir ham̐sáḥ śuciṣat /

Line : 16  Pada: h     r̥téna satyám indriyám̐ vipā́nam̐ śukrám ándʰasaḥ /

Line : 17  Pada: i     índrasyendriyám idáṃ páyo 'mŕ̥taṃ mádʰu //

Page: 149  
Line : 1  Pada: j     ánnāt parisrutó rásaṃ bráhmaṇā kṣatrám̐ vyàpibat /

Line : 2  Pada: k     r̥téna satyám indriyám̐ vipā́nam̐ śukrám ándʰasaḥ /

Line : 3  Pada: l     índrasyendriyám idáṃ páyo 'mŕ̥taṃ mádʰu //

Line : 4  Pada: m     réto mū́tram̐ víjahāti yóniṃ praviśad indriyám /

Line : 5  Pada: n     gárbʰo jarā́yuṇāvr̥tā úlbaṃ jahāti jánmanā //

Line : 6  Pada: o     r̥téna satyám indriyám̐ vipā́nam̐ śukrám ándʰasaḥ /

Line : 7  Pada: p     índrasyendriyám idáṃ páyo 'mŕ̥taṃ mádʰu //

Line : 8  Pada: q     dr̥ṣṭvā́ rūpé vyā́karot satyānr̥té prajā́patiḥ /

Line : 9  Pada: r     áśraddʰām ánr̥té 'dadʰāñ śraddʰā́m̐ satyé prajā́patiḥ //

Line : 10  Pada: s     r̥téna satyám indriyám̐ vipā́nam̐ śukrám ándʰasaḥ /

Line : 11  Pada: t     índrasyendriyám idáṃ páyo 'mŕ̥taṃ mádʰu //

Line : 12  Pada: u     védena rūpé vyàpibat sutāsutaú prajā́patiḥ /

Line : 13  Pada: v     r̥téna satyám indriyám̐ vipā́nam̐ śukrám ándʰasaḥ /

Line : 14  Pada: w     índrasyendriyám idáṃ páyo 'mŕ̥taṃ mádʰu //

Line : 15  Pada: x     dr̥ṣṭvā́ parisrúto rásam̐ śukréṇa śukrám̐ vyàpibat

Pada: y     páyaḥ sómaṃ prajā́patiḥ /

Line : 16  Pada: z     r̥téna satyám indriyám̐ vipā́nam̐ śukrám ándʰasaḥ /

Line : 17  Pada: aa     índrasyendriyám idáṃ páyo 'mŕ̥taṃ mádʰu //


Anuvaka: 7  
Line : 18  Pada: a     párītó ṣiñcatā sutám̐ sómo yá uttamám̐ havíḥ /

Page: 150  
Line : 1  Pada: b     dadʰanvā́n yó náryo apsv àntárā suṣā́va sómam ádribʰiḥ //

Line : 2  Pada: c     sómo 'si \

Pada: d     aśvíbʰyāṃ pacyasva

Pada: e     sárasvatyai pacyasva \

Pada: f     índrāya sutrā́mṇe pacyasva //

Line : 4  Pada: g     punā́tu te parisrútam̐ sómam̐ sū́ryasya duhitā́ /

Line : 5  Pada: h     vā́reṇa śáśvatā tánā //

Line : 6  Pada: i     vāyúḥ pūtáḥ pavítreṇa prā́k sómo átidrutaḥ /

Line : 7  Pada: j     índrasya yújyaḥ sákʰā //

Line : 8  Pada: k     vāyóḥ pūtáḥ pavítreṇa pratyák sómo átisrutaḥ /

Line : 9  Pada: l     índrasya yújyaḥ sákʰā //

Line : 10  Pada: m     bráhma kṣatráṃ pavate téja indriyám̐ surā́yāḥ sómaḥ sutá āsutó mádāya /

Line : 12  Pada: n     śukréṇa deva devátāḥ pipr̥gdʰi rásenā́nnam̐ yájamānāya dʰehi //

Line : 13  Pada: o     kuvíd aṅgá

Pada: p     nā́nā hí vām //

Line : 14  Pada: q     yā́ vyāgʰrám̐ víṣūcikobʰaú vŕ̥kaṃ ca rákṣati /

Line : 15  Pada: r     śyenáṃ patatríṇam̐ sim̐hám̐ sémáṃ pātv ám̐hasaḥ //

Line : 16  Pada: s     súrāvantaṃ barhiṣádam̐ suvī́ram̐ yajñám̐ hinvanti mahiṣā́ námobʰiḥ /

Line : 17  Pada: t     dádʰānāḥ sómaṃ diví devátāsu mádenéndram̐ yájamānāḥ svarkā́ḥ //

Line : 18  Pada: u     yás te rásaḥ sáṃbʰr̥tā óṣadʰīṣu sómasya śúṣmaḥ súrāyām̐ sutásya /

Page: 151  
Line : 1  Pada: v     téna jinva yájamānaṃ mádena sárasvatīm aśvínā índram agním //

Line : 2  Pada: w     yám aśvínā námucer āsurā́d ádʰi sárasvaty ásunod indriyā́ya /

Line : 3  Pada: x     imáṃ tám̐ śukraṃ mádʰumantam índum̐ sómam̐ rā́jānam ihá bʰakṣayāmi //

Line : 4  Pada: y     yád átra śiṣṭám̐ rasínaḥ sutásya yám asyéndo ápibañ śácībʰiḥ /

Line : 5  Pada: z     aháṃ tám asya mánasā śivéna sómam̐ rā́jānam ihá bʰakṣayāmi //


Anuvaka: 8  
Line : 6  Pada: a     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dade //

Line : 7  Pada: b     trayā́ devā́ ékādaśa trayastrim̐śā́ḥ surā́dʰasaḥ /

Line : 8  Pada: c     bŕ̥haspátipurohitā devásya savitúḥ savé

Pada: d     devā́ devaír avantu tvā //

Line : 9  Pada: e     pratʰamā́s tvā dvitī́yair abʰíṣiñcantu

Pada: f     dvitī́yās tvā tr̥tī́yais

Pada: g     tr̥tī́yās tvā satyéna

Line : 10  Pada: h     satyáṃ tvā bráhmaṇā

Pada: i     bráhma tvā yájurbʰis \

Pada: j     yájūm̐ṣi tvā sā́mabʰiḥ

Pada: k     sā́māni tvā r̥gbʰis \

Line : 11  Pada: l     ŕ̥cas tvā puronuvākyā̀bʰiḥ

Pada: m     puronuvākyā̀s tvā yājyā̀bʰis \

Line : 12  Pada: n     yājyā̀s tvā vaṣaṭkārais \

Pada: o     vaṣaṭkārā́s tvā́hutibʰir abʰíṣiñcantu \

Pada: p     ā́hutayas te kā́mānt sámardʰayantv asaú \

Line : 13  Pada: q     aśvínos tvā téjasā brahmavarcasā́yābʰíṣiñcāmi

Pada: r     sárasvatyās tvā vīryèṇa yáśase 'nnā́dyāyābʰíṣiñcāmi \

Line : 14  Pada: s     índrasya tvendriyéṇaujase bálāyābʰíṣiñcāmi

Line : 15  Pada: t     bʰū́ḥ svā́hā //

Line : 16  Pada: u     śíro me śrī́r yáśo múkʰaṃ tvíṣiḥ kéśāś ca śmáśrūṇi /

Line : 17  Pada: v     rā́jā me prāṇó amŕ̥tam̐ samrā́ṭ cákṣur virā́ṭ śrótram //

Page: 152  
Line : 1  Pada: w     jihvā́ me bʰadrám̐ vā́ṅ máho máno manyúḥ svarā́ḍ bʰā́maḥ /

Line : 2  Pada: x     módāḥ pramodā́ aṅgúlīr áṅgāni mitráṃ me sáhaḥ //

Line : 3  Pada: y     bāhū́ me bálam indriyám̐ hástau me kárma vīryàm /

Line : 4  Pada: z     ātmā́ kṣatrám úro máma //

Line : 5  Pada: aa     pr̥ṣṭī́r me rāṣṭrám udáram ám̐sau grīvā́ś ca śróṇyau /

Line : 6  Pada: ab     ūrū́ aratnī́ jā́nunī víśo mé 'ṅgāni sarvátaḥ //

Line : 7  Pada: ac     nā́bʰir me cittám̐ vijñā́naṃ pāyúr mé 'pacitir bʰasát /

Line : 8  Pada: ad     ānandanandā́ āṇḍaú me bʰágaḥ saúbʰāgyaṃ pásaḥ //

Line : 9  Pada: ae     lómāni práyatir máma tváṅ mā ā́natir ā́gatiḥ /

Line : 10  Pada: af     mām̐sáṃ mā úpanatir vásv ástʰi majjā́ mā ā́natiḥ //

Line : 11  Pada: ag     jáṅgʰābʰyāṃ padbʰyā́ṃ dʰī́ro 'smi viśí rā́jā prátiṣṭʰitaḥ /

Line : 12  Pada: ah     práti bráhman prátitiṣṭʰāmi kṣatré

Pada: ai     práty áśveṣu prátitiṣṭʰāmi góṣu //

Line : 13  Pada: aj     práti prajā́yāṃ prátitiṣṭʰāmi pr̥ṣṭʰé

Pada: ak     práti prāṇéṣu prátitiṣṭʰāmy ātmán

Pada: al     dyā́vāpr̥tʰivyóḥ prátitiṣṭʰāmi yajñé //


Anuvaka: 9  
Page: 153  
Line : 1  Pada: a     sī́sena tántraṃ mánasā manīṣíṇa ūrṇāsūtréṇa kaváyo vayanti /

Line : 2  Pada: b     aśvínā yajñám̐ savitā́ sárasvatī́ndrasya rūpám̐ váruṇo bʰiṣajyán //

Line : 3  Pada: c     tád asya rūpám amŕ̥tam̐ śácībʰis tisró dadʰur devátāḥ sam̐rarāṇā́ḥ /

Line : 4  Pada: d     lómāni śáṣpair bahudʰā́ ná tókmabʰis tvág asya mām̐sám abʰavan ná lājā́ḥ //

Line : 5  Pada: e     tád aśvínā bʰiṣájā rudrávartanī sárasvatī váyati péśo ántaram /

Line : 6  Pada: f     ástʰi majjā́naṃ mā́saraṃ kārotaréṇa dádʰato gávāṃ tvací //

Line : 7  Pada: g     sárasvatī mánasā peśalám̐ vásu nā́satyābʰyām̐ vayati darśatám̐ vápuḥ /

Line : 8  Pada: h     rásaṃ parisrúto ná róhitaṃ nagnáhur dʰī́ras tásaraṃ ná véma //

Line : 9  Pada: i     páyasaḥ śukrám amŕ̥taṃ janítram̐ súrāyā mū́trāj janayanta rétaḥ /

Line : 10  Pada: j     ápā́matiṃ durmatíṃ bā́dʰamānā ū́vadʰyam̐ vā́tāt sabvàṃ tád ārā́t //

Line : 11  Pada: k     índraḥ sutrā́mā hŕ̥dayena satyáṃ puroḍā́śena savitā́ jajāna /

Line : 12  Pada: l     yákr̥t klomā́nam̐ váruṇo bʰiṣajyán mátasne vāyavyaìr ná mināti pittám //

Line : 13  Pada: m     āntrā́ṇi stʰālī́r mádʰu pínvamānā gudā́ḥ pā́trāṇi sudúgʰā ná dʰenúḥ /

Line : 14  Pada: n     śyenásya páttraṃ ná plīhā́ śacībʰir āsandī́ nā́bʰir udáraṃ ná mātā́ //

Line : 15  Pada: o     kumbʰó vaniṣṭʰúr janitā́ śácībʰir yásminn ágre yónyāṃ gárbʰo antáḥ /

Page: 154  
Line : 1  Pada: p     plāśír vyàktaḥ śatádʰārā útso duhé ná kumbʰī́ svadʰā́ṃ pitŕ̥bʰyaḥ //

Line : 2  Pada: q     múkʰam̐ sádasya śírā ít satena jihvā́ pavítram aśvínāsánt sárasvatī /

Line : 3  Pada: r     cápyaṃ ná pāyúr bʰiṣág asya vā́lo vastír ná śépo hárasā tarasvī́ //

Line : 4  Pada: s     aśvíbʰyāṃ cákṣur amŕ̥taṃ gráhābʰyāṃ cʰā́gena téjo havíṣā gʰr̥téna /

Line : 5  Pada: t     pákṣmāṇi godʰŕ̥maiḥ kúvalair utā́ni péśo ná śukrám ásitam̐ vasāte //

Line : 6  Pada: u     ávir ná meṣó nasí vīryā̀ya prāṇásya pántʰā amŕ̥taṃ gráhābʰyām /

Line : 7  Pada: v     sárasvaty upavā́kair vyānáṃ násyāni barhír bádarair jajāna //

Line : 8  Pada: w     índrasya rūpám r̥ṣabʰó bálāya kárṇābʰyām̐ śrótram amŕ̥taṃ gráhābʰyām /

Line : 9  Pada: x     yávair ná barhír bʰruví késarāṇi karkándʰu jajñé mádʰu sāragʰáṃ múkʰe //

Line : 10  Pada: y     ātmánn upástʰe ná vŕ̥kasya lóma múkʰe śmáśrūṇi ná vyāgʰralomá /

Line : 11  Pada: z     kéśā ná śīrṣán yáśase śriyaí śíkʰā sim̐hásya lóma tvíṣir indriyā́ṇi //

Line : 13  Pada: aa     áṅgair ātmā́naṃ bʰiṣájā tád aśvínātmā́nam áṅgaiḥ sámadʰāt sárasvatī /

Line : 14  Pada: ab     índrasya rūpám̐ śatámānam ā́yuḥ śukráṃ ná jyótir amŕ̥taṃ dádʰānā //

Page: 155  
Line : 1  Pada: ac     sárasvatī yónyāṃ gárbʰam antár aśvíbʰyāṃ pátnī súkr̥taṃ bibʰarti /

Line : 2  Pada: ad     apā́m̐ rásena váruṇo ná sā́mnéndram̐ śriyaí janáyann apsú rā́jā //

Line : 3  Pada: ae     téjaḥ paśūnā́m̐ havír indriyā́vat parisrútā páyasā sāragʰáṃ mádʰu /

Line : 4  Pada: af     aśvíbʰyāṃ dugdʰáṃ bʰiṣájā sárasvatī sutāsutā́bʰyām amŕ̥taḥ sómā índuḥ //


Anuvaka: 10  
Line : 6  Pada: a     punántu mā pitáraḥ somyā́saḥ punántu mā pitāmahā́ḥ /

Line : 7  Pada: b     pavítreṇa śatā́yuṣā víśvam ā́yur vyàśnavai //

Line : 8  Pada: c     punántu mā pitāmahā́ḥ punántu prápitāmahāḥ /

Line : 9  Pada: d     pavítreṇa śatā́yuṣā sárvam ā́yur vyàśnavai //

Line : 10  Pada: e     ágnā ā́yūm̐ṣi pavase //

Line : 11  Pada: f     pávamānaḥ svàr jánaḥ pavítreṇa vícarṣaṇiḥ /

Line : 12  Pada: g     yáḥ pótā sá punātu mā //

Line : 13  Pada: h     punántu mā devajanā́ḥ punántu mánavo dʰiyā́ /

Line : 14  Pada: i     punántu víśvā bʰūtā́ mā jā́tavedaḥ punāhí mā //

Line : 15  Pada: j     pávamānaḥ punātu mā krátve dákṣāya jīváse /

Line : 16  Pada: k     jyók ca sū́ryaṃ dr̥śé //

Line : 17  Pada: l     ubʰā́bʰyāṃ deva savitaḥ pavítreṇa savéna ca /

Line : 18  Pada: m     mā́ṃ punāhi viśvátaḥ //

Page: 156  
Line : 1  Pada: n     pavítreṇa punāhi mā śukréṇa deva dī́dyat /

Line : 2  Pada: o     ágne krátvā krátūm̐r ánu //

Line : 3  Pada: p     yát te pavítram arcíṣy ágne vítatam antarā́ /

Line : 4  Pada: q     bráhma téna punīmahe //

Line : 5  Pada: r     vaiśvadevī́ punatī́ devy ā́gād yásyā bahvyàs tanvò vītápr̥ṣṭʰāḥ /

Line : 6  Pada: s     táyā mádantaḥ sadʰamā́dyeṣu vayám̐ syāma pátayo rayīṇā́m //

Line : 7  Pada: t     vaiśvānaro raśmíbʰir mā punātu vā́taḥ prāṇéneṣiró mayobʰū́ḥ /

Line : 8  Pada: u     dyā́vāpr̥tʰivī́ páyasā páyobʰir r̥tā́varī yajñíye mā punītām //

Line : 9  Pada: v     br̥hádbʰiḥ savitas tríbʰir várṣiṣṭʰair deva mánmabʰiḥ /

Line : 10  Pada: w     ágne dákṣaiḥ punīmahe //

Line : 11  Pada: x     yé samānā́ḥ sámanasaḥ pitáro yamarā́jye /

Line : 12  Pada: y     téṣām̐ lokáḥ svadʰā́ námo yajñó devéṣu kalpatām //

Line : 13  Pada: z     yé samānā́ḥ sámanaso jīvā́ jīvéṣu māmakā́ḥ /

Line : 14  Pada: aa     téṣām̐ śrī́r máyi kalpatām asmíṃl loké śatám̐ sámāḥ //

Line : 15  Pada: ab     dvé srutī́ //

Line : 16  Pada: ac     idám̐ havíḥ prajánanaṃ me astu dáśavīram̐ sárvagaṇam̐ svastáye /

Line : 17  Pada: ad     ātmasáni prajāsáni kṣetrasáni paśusáni lokasány abʰayasáni //

Line : 18  Pada: ae     agníḥ prajā́ṃ bahulā́ṃ me kr̥ṇótv ánnaṃ páyo réto asmā́su dʰehi //

Page: 157  
Line : 1  Pada: af     yád devā devahéḍanaṃ dévāsaś cakr̥mā́ vayám /

Line : 2  Pada: ag     agnír mā tásmād énaso víśvān muñcatv ám̐hasaḥ //

Line : 3  Pada: ah     yádi svápan yádi jā́grad énām̐si cakr̥mā́ vayám /

Line : 4  Pada: ai     vāyúr mā tásmād énaso víśvān muñcatv ám̐hasaḥ //

Line : 5  Pada: aj     yádi dívā yádi náktam énām̐si cakr̥mā́ vayám /

Line : 6  Pada: ak     sū́ryo mā tásmād énaso víśvān muñcatv ám̐hasaḥ //

Line : 7  Pada: al     dʰā́mnodʰāmno //

Pada: am     yád grā́me //

Line : 8  Pada: an     pavítram asi yajñásya pavítram̐ yájamānasya /

Line : 9  Pada: ao     tán mā punātu sarváto víśvasmād devakilbiṣā́t

Pada: ap     sárvasmād devakilbiṣā́t //

Line : 11  Pada: aq     drupadā́d ivén mumucānáḥ svinnáḥ snātvī́ málād iva /

Line : 12  Pada: ar     pūtáṃ pavítreṇevā́jyam̐ víśve muñcantu maínasaḥ //

Line : 13  Pada: as     samā́vr̥tat pr̥tʰivī́ sám uṣā́ḥ sám u sū́ryaḥ /

Line : 14  Pada: at     vaiśvānarájyotir bʰūyāsam̐ vibʰúṃ kā́mam̐ vyàśīya

Pada: au     bʰū́ḥ svā́hā //


Anuvaka: 11  
Line : 15  Pada: a     sámiddʰo agníḥ samídʰā súsamiddʰo váreṇyaḥ /

Line : 16  Pada: b     gāyatrī́ cʰánda indriyáṃ triyávir gaúr váyo dadʰuḥ //

Page: 158  
Line : 0  Pada: c     tánūnápāñ śúcivratas tanūpā́ś ca sárasvatī / *
      FN Correcturen und Conjecturen zu dem ganzen Werk.

Line : 1  Pada: d     uṣṇík cʰánda indriyáṃ dityavā́ḍ gaúr váyo dadʰuḥ //

Line : 2  Pada: e     íḍābʰir agnír ī́ḍyaḥ sómo devó ámartyaḥ /

Line : 3  Pada: f     anuṣṭúp cʰánda indriyáṃ páñcāvir gaúr váyo dadʰuḥ //

Line : 4  Pada: g     subarhír agníḥ pūṣaṇvā́nt stīrṇábarhir ámartyaḥ /

Line : 5  Pada: h     br̥hatī́ cʰánda indriyáṃ trivatsó gaúr váyo dadʰuḥ //

Line : 6  Pada: i     dúro devī́r díśo mahī́r brahmā́ devó bŕ̥haspátiḥ /

Line : 7  Pada: j     paṅktíś cʰánda indriyáṃ turyavā́ḍ gaúr váyo dadʰuḥ //

Line : 8  Pada: k     uṣé yahvī́ supéśasā víśve devā́ ámartyāḥ /

Line : 9  Pada: l     triṣṭúp cʰánda indriyáṃ pr̥ṣṭʰavā́ḍ gaúr váyo dadʰuḥ //

Line : 10  Pada: m     daívyā hótārā bʰiṣájéndreṇa sayújā yujā́ /

Line : 11  Pada: n     jágatī cʰánda indriyám anaḍvā́n gaúr váyo dadʰuḥ //

Line : 12  Pada: o     tisró devī́r íḍā mahī́ bʰā́ratī marúto víśaḥ /

Line : 13  Pada: p     virā́ṭ cʰánda indriyáṃ dʰenúr gaúr ná váyo dadʰuḥ //

Line : 14  Pada: q     tváṣṭā turī́po ádbʰuta indrāgnī́ puṣṭivárdʰanā /

Line : 15  Pada: r     dvípadā cʰánda indriyám ukṣā́ gaúr ná váyo dadʰuḥ //

Line : 16  Pada: s     śamitā́ no vánaspátiḥ savitā́ prasuván bʰágam /

Line : 17  Pada: t     kakúp cʰánda ihéndriyám r̥ṣabʰó gaúr váyo dadʰuḥ //

Line : 18  Pada: u     svā́hā yajñám̐ váruṇaḥ sukṣatró bʰeṣajáṃ karat /

Line : 19  Pada: v     áticʰandā indriyáṃ br̥hád vaśā́ vehád váyo dadʰuḥ //


Anuvaka: 12  
Page: 159  
Line : 1  Pada: a     vasanténa r̥túnā devā́ vásavas trivŕ̥tā stutám /

Line : 2  Pada: b     ratʰantaréṇa téjasā havír índre váyo dadʰuḥ //

Line : 3  Pada: c     grīṣméṇa r̥túnā devā́ rudrā́ḥ pañcadaśé stutám /

Line : 4  Pada: d     br̥hatā́ yáśasā bálam̐ havír índre váyo dadʰuḥ //

Line : 5  Pada: e     varṣā́bʰir r̥túnādityā́ḥ stóme saptadaśé stutám /

Line : 6  Pada: f     vairūpéṇa viśaújasā havír índre váyo dadʰuḥ //

Line : 7  Pada: g     śāradéna r̥túnā devā́ ekavim̐śá r̥bʰávaḥ stutám /

Line : 8  Pada: h     vairājéna śriyā́ śríyam̐ havír índre váyo dadʰuḥ //

Line : 9  Pada: i     hemanténa r̥túnā devā́s triṇavé marútaḥ stutám /

Line : 10  Pada: j     bálena śakvarīḥ sáho havír índre váyo dadʰuḥ //

Line : 11  Pada: k     śaiśiréṇa r̥túnā devā́s trayastrim̐śè 'mŕ̥tam̐ stutám /

Line : 12  Pada: l     satyéna revátīḥ kṣatrám̐ havír índre váyo dadʰuḥ //

Line : 13  Pada: m     iti tr̥tīyakāṇḍe sautrāmaṇīyo nāma ekādaśaḥ prapāṭʰakaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.