TITUS
Black Yajur-Veda: Maitrayani-Samhita
Part No. 34
Previous part

Prapathaka: 10  
Anuvaka: 1  
Pada: a     pátnī vaí pracyávamānāmúṣyādityásya lokám abʰipracyáveta

Pada: b     hinásti kʰálu vā́ eṣá tám̐ * yò 'sya lokám abʰipracyávate
      FN emended. Ed.: tam̐.

Line : 4  Pada: c     yád ā́ha

Pada: d     námas ta ātānéti \

Line : 5  Pada: e     amúṣmā evá námo 'kar

Pada: f     anarvā́k préhī́ti \

Pada: g     anenā́ḥ prétʰī́ti vā́ etád ā́ha

Line : 6  Pada: h     yajamānāya gʰr̥tásya kulyā́m ánu sahá rāyáspóṣeṇéti \

Pada: i     āśíṣam evā́śāste

Line : 7  Pada: j     dévīr āpaḥ śuddʰā́ yūyáṃ * devā́n yuyudʰvám íti \
      FN emended. Ed.: yūya. cf. MS.1.2.16:26.6.

Pada: k     apó vā́ etád bʰūṣanti

Pada: l     pūtā́bʰir ābʰiḥ pūtā́ś caranti

Line : 8  Pada: m     tásmād vā́ etā́ṃ bahú riprám amedʰyáṃ cárantīm ā́po ná him̐santi

Line : 9  Pada: n     ható vā́ eṣá mr̥tò 'mútra bʰūtás \

Pada: o     adbʰyó vaí prajā́ḥ prájāyante

Pada: p     pátnī prájanayati

Line : 10  Pada: q     yád adbʰír abʰiṣiñcáti

Pada: r     púnar evaínaṃ prájanayati

Pada: s     sárvān prāṇānt sáṃmr̥śati sárvāṇy áṅgāni \

Line : 11  Pada: t     etā́vān hí paśúḥ

Pada: u     paśór vaí māryámāṇasya prāṇāñ śúg r̥cʰati

Line : 12  Pada: v     yád ā́ha

Pada: w     vā́cam asya mā́ him̐sīḥ

Pada: x     prāṇám asya mā́ him̐sīr íti \

Line : 13  Pada: y     adbʰír vā́vā́syaitát prāṇā́ñ śucó muñcati

Pada: z     yát te krūrám̐ yád ā́stʰitaṃ tád eténa śundʰasva

Line : 14  Pada: aa     devébʰyaḥ śumbʰasvéti

Pada: ab     yád evā́sya gamáyantaḥ krūrám akram̐s tád ákrūram akas

Line : 15  Pada: ac     táñ śamayati

Pada: ad     yé vā́ eté stokā́ avapádyante tá imā́m áśāntā r̥cʰanti

Line : 16  Pada: ae     táta imā́ñ śúg r̥cʰati

Pada: af     yád ā́ha

Pada: ag     śám adbʰyá íti

Pada: ah     śamáyaty evá

Page: 129  
Line : 1  Pada: ai     śāntā́ evémā́m r̥cʰanti \

Pada: aj     áhim̐sāyai \

Pada: ak     óṣadʰe trā́yasvainam íty āha

Pada: al     trā́tyā evá

Line : 2  Pada: am     svádʰite maínam̐ him̐sīr íti

Pada: an     vájro vaí svádʰitis \

Pada: ao     vájrād vā́vā́smā etád antárdadʰāti \

Line : 3  Pada: ap     áhim̐sāyai

Pada: aq     sárvābʰyo vaí devátābʰyaḥ paśúr ā́labʰyate

Pada: ar     yád ā́ha

Pada: as     rákṣasāṃ bʰāgò 'sī́ti \

Line : 4  Pada: at     eténa vā́ etád bʰāgadʰéyena rákṣām̐si paśór nírbʰajati \

Pada: au     idám ahám̐ rákṣó 'vabādʰe \

Line : 5  Pada: av     idám ahám̐ rákṣo 'dʰamáṃ támo nayāmī́ty āha

Pada: aw     rákṣasāṃ dʰvarā́yai rákṣasām antárityai

Line : 6  Pada: ax     paśávo vaí vapā́

Pada: ay     yád upatr̥ndyā́t paśū́n him̐syāt \

Pada: az     yán nópatr̥ndyā́d áyatāḥ syús \

Line : 7  Pada: ba     yátra tánniṣṭʰaṃ tád úpatr̥ndyāt

Pada: bb     paśūnā́m̐ yátyai \

Pada: bc     iṣé tvorjé tvéti \

Line : 8  Pada: bd     iṣé hy èṣā́ \

Pada: be     ūrjé hy èṣā́

Pada: bf     devébʰyaḥ śundʰasva devébʰyḥ śumbʰasvéti

Pada: bg     devébʰya evaínām̐ śúndʰati devébʰyaḥ śumbʰati

Line : 9  Pada: bh     gʰr̥téna dyā́vāpr̥tʰivī́ prórṇuvātām íti

Line : 10  Pada: bi     gʰr̥ténaivá dyā́vāpr̥tʰivī́ prórṇauti \

Pada: bj     amúṣmai tvā júṣṭam íti

Pada: bk     yásyā evá devátāyai paśúr ālabʰyáte tásyā enaṃ júṣṭam akar

Line : 11  Pada: bl     námaḥ sū́ryasya saṃdŕ̥śā íti \

Line : 12  Pada: bm     amúṣmā evá námo 'kar

Pada: bn     ittʰáṃ paryā́vartate \

Pada: bo     evam̐ hí yajñáḥ páry āvártate \

Line : 13  Pada: bp     átʰo amúṣya vā́ etád ādityásyāvŕ̥tam ánu paryā́vartate \

Pada: bq     urv àntárikṣam̐ vī̀hī́ti \

Line : 14  Pada: br     antarikṣadevatyò vā́ eṣá etárhi

Pada: bs     rákṣām̐si vā́ etáṃ jigʰām̐santi prácyutam itó 'prāptam amútra

Line : 15  Pada: bt     kārṣmaryamáyī vapāśrápaṇī bʰavatas \

Pada: bu     rákṣasāmápahatyai

Line : 16  Pada: bv     yásmā evā́múto 'gníṃ purástād dʰáranti tásmā itó devátā vā́ etád dʰavyám anuparyāvártamānam eti

Line : 17  Pada: bw     caramatá upaprátigr̥hṇāti \

Pada: bx     ácʰambaṭkārāya

Line : 18  Pada: by     yád atiháred etám evā́tiharet \

Pada: bz     viśvátomukʰo hy àgníḥ

Pada: ca     prátyuṣṭam̐ rákṣaḥ prátyuṣṭā́rātir íty āha

Line : 19  Pada: cb     rákṣasāṃ dʰvarāyai rákṣāmantárityai

Pada: cc     vāyóḥ stokā́nām íti tŕ̥ṇam úpāsyati

Page: 130  
Line : 1  Pada: cd     stokā́nām̐ vídʰr̥tyai

Pada: ce     vāyúr hy ètā́n amúto visr̥játi

Pada: cf     prajā́nāṃ kŀ̥ptyai \

Line : 2  Pada: cg     ágram̐ vā́ etád dʰavyásyā́gram óṣadʰīnām

Pada: ch     ágreṇaivā́gram̐ sámardʰayati \

Line : 3  Pada: ci     átʰo ágrāya vā́ etád dʰavyasyā́gram óṣadʰīnām idʰmáṃ cinoti

Pada: cj     havíṣo vā́ eté stokā́ḥ

Line : 4  Pada: ck     skándati vā́ etád dʰavír yád viścótati yád vilipyáte

Line : 5  Pada: cl     yád ā́ha

Line : 6  Pada: cm     juṣásva saprátʰastamam̐ váco devápsarastamam /

Line : 7  Pada: cn     havyā́ júhvāna āsáni //

Line : 8  Pada: co     íti

Pada: cp     ténaivā́sya té hutā́ áskannā váṣaṭkr̥tā bʰavanti

Pada: cq     nānādevatyā̀ vā́ ekādaśínyāṃ paśávā ā́labʰyante \

Line : 9  Pada: cr     átʰātrāgneyī́ pratʰamā́nūcyate \

Line : 10  Pada: cs     agnír vaí sárvā devátās \

Pada: ct     átra vaí sā́pi devátā yásyā ālabʰyáte

Pada: cu     tā́m evaínad gamayati

Line : 11  Pada: cv     yárhi lóhinīva śr̥tā́ tárhi raudrī́

Pada: cw     yát tárhi juhuyā́d rudrā́yāsya paśū́n ápidadʰyāt \

Line : 12  Pada: cx     yárhi śyénīvā śr̥tā́ tárhy āgneyī́

Pada: cy     tárhi hotavyā̀

Pada: cz     tátʰāsya rudráḥ paśū́n ánabʰimānuko bʰavati

Line : 13  Pada: da     kravyám̐ vā́ etárhi paśúr yárhy ā́śr̥tas \

Line : 14  Pada: db     yád vapā́m abʰigʰā́rya pr̥ṣaḍājyám abʰigʰāráyed rudrā́yāsya paśū́n ápidadʰyāt \

Pada: dc     átʰa yát pr̥ṣadājyám abʰigʰā́rya vapā́m abʰigʰāráyati

Line : 15  Pada: dd     yatʰāpūrvám̐ vā́ etát paśúm úpaiti \

Pada: de     átʰo evám asya rudráḥ paśū́n ánabʰimānuko bʰavati

Line : 16  Pada: df     purástātsvāhākārā vā́ anyé devā́s \

Line : 17  Pada: dg     upáriṣṭātsvāhākārā anyé

Pada: dh     tá ubʰáyé 'śye médʰyé 'varudʰyante //

Pada: di     svā́hā devébʰyaḥ // íti purástād vapā́yā juhuyā́t //

Line : 18  Pada: dj     viśvébʰyo devébʰyaḥ svā́hā // íty upáriṣṭāt

Line : 19  Pada: dk     tátʰāsya tá ubʰáyé 'varuddʰā bʰavanti

Pada: dl     paśór vaí māryámāṇasya prāṇā́ñ śúg * r̥cʰati
      FN emended. Ed.: śág.

Line : 20  Pada: dm     prāṇā́nt saṃgŕ̥hya vapā́m upavísr̥jet \

Pada: dn     atmā́ vapā́ paśós \

Page: 131  
Line : 1  Pada: do     ātmánn evā́sya prāṇā́n dadʰāti

Pada: dp     dákṣiṇasya pūrvapadásyāvadéyam íti ha smāhur dākṣāyaṇā́s

Line : 2  Pada: dq     tátʰāsya sárvasya paśór ávattaṃ bʰavatī́ti

Pada: dr     svā́hordʰvánabʰasaṃ mārutáṃ deváṃ gacʰatam íti vapāśrápaṇī anuprā́syati \

Line : 3  Pada: ds     ūrdʰvánabʰaso vā́ eté mārutásya bʰāgadʰéyam \

Line : 4  Pada: dt     tám evaínena gamayati \

Pada: du     imé vā́ eté víṣūcī anuprā́syati \

Line : 5  Pada: dv     anáyor vidʰr̥tyai //


Anuvaka: 2  
Line : 6  Pada: a     púruṣam̐ vaí devā́ médʰāyā́labʰanta

Pada: b     tásya médʰó 'pākrāmat

Pada: c     só 'śvaṃ prā́viśat

Line : 7  Pada: d     té 'śvam ā́labʰanta

Pada: e     tásya médʰó 'pākrāmat

Pada: f     sá gā́ṃ prā́viśat

Pada: g     té gā́m ā́labʰanta

Line : 8  Pada: h     tásya médʰó 'pākrāmat

Pada: i     só 'viṃ prā́viśat

Pada: j     té 'vimā́labʰanta

Pada: k     tásya médʰó 'pākrāmat

Line : 9  Pada: l     sò 'jáṃ prā́viśat

Pada: m     tè 'jám ā́labʰanta

Pada: n     tásya médʰó 'pākrāmat

Line : 10  Pada: o     sá yávaṃ prā́viśat

Pada: p     té yávam ā́labʰanta

Pada: q     tásya médʰó 'pākrāmat

Pada: r     sá vrīhíṃ prā́viśat

Line : 11  Pada: s     té vrīhím ā́labʰanta

Pada: t     tám̐ vrīhā́ āpnuvan

Pada: u     yád vrīhimáyaḥ puroḍā́śo bʰávati

Line : 12  Pada: v     madʰyató vā́ etát paśór médʰo dʰīyate

Pada: w     suṣiró vaí tárhi paśúr yárhi vapā́m utkʰidánti

Line : 13  Pada: x     yád vrīhimáyaḥ puroḍā́śo bʰávati \

Pada: y     ápihityā ásuṣiratvāya

Line : 14  Pada: z     dvā́daśakapālo bʰavati

Pada: aa     dvā́daśa mā́sāḥ sam̐vatsaráḥ

Pada: ab     sam̐vatsarám ánu paśávaḥ prájāyante

Line : 15  Pada: ac     prajánanāya \

Pada: ad     ékādaśakapālaḥ kāryàs \

Pada: ae     ékādaśākṣarā triṣṭúb

Pada: af     aindrám etác cʰándo yát triṣṭúb

Line : 16  Pada: ag     aindrā́ḥ paśávaḥ

Pada: ah     paśúṣv evā́sya paśū́n dadʰāti

Pada: ai     devā́ anyònyásmai paśúm ālábʰam̐ svargáṃ lokám āyan \

Line : 17  Pada: aj     tè 'manyantānena vaí no 'nyé lokám anvā́rokṣyantī́ti

Page: 132  
Line : 1  Pada: ak     tásya médʰaṃ plā́kṣārayan \

Pada: al     sá plakṣò 'bʰavat

Pada: am     tát plakṣásya plakṣatvám \

Line : 2  Pada: an     klomnó vaí tám̐ hŕ̥dayāt plā́kṣārayan \

Pada: ao     tásmād etát suṣirám \

Line : 3  Pada: ap     yát plakṣaśākʰā́yā avadyáti

Pada: aq     médʰād evā́dʰyávadyati

Pada: ar     pr̥ṣadājyásyopahátya páraiti // śr̥tám̐ havíḥ śámitā // íti

Line : 4  Pada: as     śr̥tatvā́ya

Pada: at     trír āha

Pada: au     tríṣatyā hí devā́s \

Line : 5  Pada: av     átʰo yátʰedáṃ brāhmaṇébʰya odanáṃ pakváṃ prā́haivám̐ vā́ etád devébʰyo havíḥ śr̥táṃ prā́ha \

Line : 6  Pada: aw     uttaratáḥ parī́tyābʰígʰārayati

Pada: ax     paśūnā́m ávaruddʰyai

Pada: ay     prāṇāpānaú vaí pr̥ṣadājyám

Line : 7  Pada: az     ātmā́ hŕ̥dayam \

Pada: ba     yát pr̥ṣadājyéna hŕ̥dayam anákti

Pada: bb     madʰyató vā́ etát paśóḥ prāṇāpānaú dadʰāti

Line : 8  Pada: bc     sómasya vā́ etád barhír yád barhír

Pada: bd     átʰa vā́ etát paśór yád uttarabarhír barhíḥ

Line : 9  Pada: be     śrád vā́ * etád dʰavyám akar
      FN Correcturen und Conjecturen zu dem ganzen Werk.

Pada: bf     áskannam ávikṣubdʰaṃ me havyáṃ devátā gacʰad íti

Line : 10  Pada: bg     devā́nām̐ vaí sárveṣāṃ mánām̐si gacʰati paśā́ ālabʰyámāne

Line : 11  Pada: bh     máno vaí manótā

Pada: bi     yán manótāyā anvā́ha

Pada: bj     mánām̐sy evaíṣām̐ sáṃbʰāvayati

Line : 12  Pada: bk     ható vā́ eṣá mr̥tò 'mútra bʰūtás \

Pada: bl     máno vaí manótā

Pada: bm     yán manótāyā anvā́ha

Line : 13  Pada: bn     púnar evaínam̐ sáṃbʰāvayati //


Anuvaka: 3  
Line : 14  Pada: a     hŕ̥dayasyā́vadyati

Pada: b     mánasa evá ténā́vadyati \

Pada: c     átʰo yā́vān evá paśús tásyā́vattaṃ bʰavati

Line : 15  Pada: d     jihvā́yā ávadyati

Pada: e     vācá evá ténā́vadyati \

Pada: f     átʰo etáyā hy ágrā óṣadʰīnām̐ rásaṃ prāśnā́ti

Line : 16  Pada: g     śyenásyā́vadyati

Pada: h     vákṣasa evá ténā́vadyati \

Pada: i     átʰo átra hí sá rásaḥ pratitíṣṭʰati

Line : 17  Pada: j     doṣṇò 'vadā́ya pārśváyor ávadyati

Pada: k     yajñásya párigr̥hītyai


Page: 133  
Line : 1  Pada: l     yaknó 'vadyati

Pada: m     mádʰyasyaivá ténā́vadyati

Pada: n     mátasnayor ávadyati

Pada: o     rūpásyaivá ténā́vadyati

Line : 2  Pada: p     śróṇyā avadā́ya gudásyā́vadyati

Pada: q     tád uttamásyā́vadyati \

Pada: r     uttamám̐ hy ā́yus \

Line : 3  Pada: s     yád anyásyóttarasyāvadyét prāṇám asyā́pidadʰyāt

Pada: t     pramā́yukaḥ syāt

Pada: u     tásmāt tásyóttamásyā́vadyati \

Line : 4  Pada: v     uttamám̐ hy ā́yus \

Pada: w     hr̥dayasyāvadā́ya jihvā́yā ávadyati

Pada: x     yatʰāpūrvám̐ vā́ etát paśúm úpaiti \

Line : 5  Pada: y     átʰo evám asya sárvasya paśór ávattaṃ bʰavati \

Pada: z     ékādaśa kr̥tvó 'vadyati

Line : 6  Pada: aa     dáśa vaí paśóḥ prāṇā́s \

Pada: ab     ātmaíkādaśas

Pada: ac     tátʰāsya sárvasya paśór ávattaṃ bʰavati \

Pada: ad     ékādaśa vā́ etā́ny avadā́nāni

Line : 7  Pada: ae     tā́ni dvírdvir ávadyati

Pada: af     tád dvā́vim̐śatis

Pada: ag     trī́ṇi tryaṅgā́ni

Line : 8  Pada: ah     tát páñcavim̐śatiḥ

Pada: ai     pañcavim̐śéna vaí stómena mánuḥ prajā́ asr̥jata

Line : 9  Pada: aj     tán manustomó vā́ eṣá

Pada: ak     prajánanāya \

Pada: al     etád vaí sárvasya paśór ávattam

Pada: am     átʰa vaí prāṇásyāpānásya vyānásya téṣām ánavattam \

Line : 10  Pada: an     yát tryaṅgā́ṇām avadyáti

Pada: ao     ténaivá prāṇásyāpānásya vyānásya téṣām ávattaṃ bʰavati

Line : 11  Pada: ap     viśvárūpo vaí tvāṣṭráḥ paśū́n abʰyàvamat

Line : 12  Pada: aq     tásmāt paśávo viśvárūpas \

Pada: ar     abʰívānto vaí paśúḥ pūyitas

Pada: as     tásmāt pr̥ṣṭīnā́ṃ majjā́ nā́dyáḥ

Line : 13  Pada: at     sá vā́ adʰástān ná prā́pnot \

Pada: au     etád vaí jīvám \

Pada: av     tásmād áto 'vadyati \

Pada: aw     akṣṇayā́ṅgānām ávadyati

Line : 14  Pada: ax     paśúm̐ vā́ etád ā́śroṇayati *
      FN Correcturen und Conjecturen zu dem ganzen Werk.

Pada: ay     tásmāt paśávo 'kṣṇayā́ṅgāni praháranto yanti \

Line : 15  Pada: az     āgneyó vaí sárvaḥ paśús \

Pada: ba     átʰa vā́ utā́nyásyai devátāyā ā́labʰyate

Line : 16  Pada: bb     yád doṣṇáḥ pūrvārdʰā́d agnáyé 'vadyati gudásya madʰyatáḥ śróṇyā jagʰānatás

Line : 17  Pada: bc     tátʰāsya sárvasya paśór agnáyé 'vattaṃ bʰavati

Pada: bd     tredʰā́ gudáṃ karoti

Line : 18  Pada: be     tredʰā́ hy ètárhi paśús

Pada: bf     tryaṅgā́ṇi sámavattam avadā́nāni

Pada: bg     yā́vān evá paśús tásminn ā́yur dadʰāti

Line : 19  Pada: bh     tredʰā́ médaḥ karoti

Pada: bi     médorūpā hí paśávaḥ

Page: 134  
Line : 1  Pada: bj     sárvāṇi vaí paśór medyató 'ṅgāni medyanti

Pada: bk     yā́vān evá paśús tásmin médo rūpáṃ dadʰāti

Line : 2  Pada: bl     bahúrmaryā * yajñakuṇapī́ti ha smāha yajñávacā rājastambāyanáḥ
      FN Correcturen und Conjecturen zu dem ganzen Werk.

Line : 3  Pada: bm     prá vā́ itó manuṣyā̀ḥ paśúṃ cyāváyanti

Pada: bn     nā́mútra gacʰantī́ti

Pada: bo     yád dʰíraṇyam avadʰā́ya juhóti

Line : 4  Pada: bp     híraṇyajyotiṣam evaínam̐ svargáṃ lokáṃ gamayati //


Anuvaka: 4  
Line : 6  Pada: a     vasāhomáṃ práyauti

Pada: b     rásam̐ vā́ etát práyauti

Pada: c     svádʰitinā práyauti \

Pada: d     eténa hī́tareṣām áṅgānām avadyáti

Line : 7  Pada: e     tát svid avadā́nam akar

Pada: f     átʰo vájreṇaivā́hutim ávarunddʰe

Line : 8  Pada: g     yūṣá etáyā́nvitam̐ śamayati \

Pada: h     ū́rg vaí ráso yū́s \

Pada: i     ūrjā́ vā́ etád rásena paśúm̐ sámardʰayati \

Line : 9  Pada: j     átʰo yā́vān evá paśús tásmint sáṃdadʰāti

Pada: k     pārśvénā́pidadʰāti \

Pada: l     ūrjáḥ párigr̥hītyai

Line : 10  Pada: m     ható vā́ eṣá mr̥tò 'mútra bʰūtás \

Pada: n     yát paśúm̐ saṃmr̥śáti

Pada: o     púnar evaínam̐ sáṃbʰāvayati

Line : 11  Pada: p     havyáṃ pū́rvaṃ devátā gamayitvā́tʰa śárīram anvā́rohayitavyàm íty āhus \

Line : 12  Pada: q     yád ā́hutīr hutvā́ paśúm̐ saṃmr̥śáti

Pada: r     havyám̐ vā́ etát pū́rvaṃ devátā gamayitvā́tʰa śarīram anvā́rohayati \

Line : 13  Pada: s     ardʰar̥cé juhoti \

Pada: t     iyám̐ vā́ ardʰar̥cás \

Pada: u     asā́ ardʰar̥cás \

Line : 14  Pada: v     antarémé antárikṣam

Pada: w     antárikṣam imā́ḥ prajā́ḥ

Pada: x     prajā́sv evá rásaṃ dadʰāti

Line : 15  Pada: y     vánaspátim̐ yajati

Pada: z     sómo vaí vánaspátiḥ

Pada: aa     saumī́r imā́ḥ prajā́ḥ

Pada: ab     prajā́sv evá rásaṃ dadʰāti

Line : 16  Pada: ac     prāṇāpānaú vaí pr̥ṣadājyám

Pada: ad     ātmā́ havís \

Pada: ae     yát pr̥ṣadājyáṃ juhóti \

Pada: af     ātmán vā́ etát paśóḥ prāṇāpānaú dadʰāti

Line : 17  Pada: ag     digbʰyó juhoti \

Pada: ah     imā́ evá díśo rásena vyunákti

Line : 18  Pada: ai     prā́cīm uttamā́ṃ juhoti

Pada: aj     prā́cīm evá díśaṃ púnar upā́vartante \


Page: 135  
Line : 1  Pada: ak     ádʰyūdʰnīm̐ hótre haranti

Pada: al     vaiśvadevó vaí hótā

Pada: am     vaiśvadevī́r imā́ḥ prajā́s \

Pada: an     ū́dʰaḥ kʰálu vaí prajā́ anū́pajīvanti

Line : 2  Pada: ao     sárvā evaínāḥ payasvínīḥ karoti

Pada: ap     gudénópayajati

Line : 3  Pada: aq     prāṇā́ vaí gudáḥ

Pada: ar     prāṇā́d ádʰi prajā́ḥ prájāyante

Pada: as     prajánanāya

Pada: at     stʰavimatá úpayajati

Line : 4  Pada: au     stʰavimató hí prajā́ḥ prajā́yante

Pada: av     yád aṇimatá upayájet prajánanam ápihanyāt

Line : 5  Pada: aw     tásmāt stʰavimatá úpayajati \

Pada: ax     ásaṃbʰindann úpayajati

Pada: ay     prāṇā́nām ásaṃbʰedāya

Line : 6  Pada: az     yát saṃbʰindyā́t prāṇā́nt sáṃbʰindyāt \

Pada: ba     yáṃ dviṣyā́t tásya sáṃbʰindyāt

Pada: bb     prāṇā́n asya sáṃbʰinatti

Line : 7  Pada: bc     nópayájyam \

Pada: bd     yád upayájet prāṇā́n úpayajet pramā́yukaḥ syāt

Pada: be     tád āhus \

Pada: bf     upayájyam evá

Line : 8  Pada: bg     prajánanam̐ vā́ upayájas \

Pada: bh     ápi ha sá prájāyate yá upayájatī́ti \

Pada: bi     ābʰāradvājéti ha smāha śucivr̥kṣó gaúpālāyanaḥ

Line : 9  Pada: bj     kíṃ tárhi prajā́ āsan yárhi yajñó nā́nopayáḍbʰir ā́sīt \

Line : 10  Pada: bk     ná prajā́ḥ prā́jāyanta

Pada: bl     naúṣadʰayaḥ pʰálam agr̥hṇan

Pada: bm     yadā́ vā́vá yajñá upayáḍbʰiḥ samábʰavad átʰa prajā́ḥ prā́jāyanta \

Line : 11  Pada: bn     átʰauṣadʰayaḥ pʰálam agr̥hṇan \

Pada: bo     ékādaśa prayājā́s \

Line : 12  Pada: bp     ékādaśānuyājā́s

Pada: bq     ékādaśopayájas

Pada: br     tát tráyastrim̐śat

Pada: bs     tráyastrim̐śad devátās

Line : 13  Pada: bt     tā́ evā́syaitā́bʰir abʰī̀ṣṭāḥ prītā́ bʰavanti \

Pada: bu     etád vā́ asya paśór ánarvāg iṣṭó 'nabʰīṣṭo 'bʰūt \

Line : 14  Pada: bv     yā́sya mā́trā tā́m enaṃ gamayati

Pada: bw     svargyò vaí sárvaḥ paśús \

Line : 15  Pada: bx     yád anyátrāhavanī́yāj juhuyā́d ásvargyaḥ syāt

Pada: by     paśuśrápaṇād agním ā́haranti

Line : 16  Pada: bz     téna svargyàḥ sárvaḥ paśús \

Pada: ca     yáta evá pū́rvam avā́dāt tátó 'param ávadyati

Line : 17  Pada: cb     tásmāt samānā́d yóner nā́nārūpāḥ paśávaḥ prájāyante

Pada: cc     yajñó vaí devā́nām átyanedat

Line : 18  Pada: cd     táṃ devā́ upayáḍbʰir ápyavapann ánatinedāya

Pada: ce     yád etā́ upayájo bʰávanti

Page: 136  
Line : 1  Pada: cf     yajñám evaítā́bʰir ápivapanti \

Pada: cg     ánatinedāya

Pada: ch     yadā́tʰā vaí púruṣaḥ pratyáṅ cʰidrá evám̐ yajñáḥ pratyáṅ cʰidrás

Line : 2  Pada: ci     táṃ devā́ upayáḍbʰir ápyadadʰur ácʰidratvāya

Pada: cj     yád etā́ upayájo bʰávanti

Line : 3  Pada: ck     yajñám evaítā́bʰir ápidadʰāti \

Pada: cl     ácʰidratvāya //


Anuvaka: 5  
Line : 4  Pada: a     yé kécārvācī́nam ekādaśínyāḥ paśávas tā́n úttaram árdʰam̐ yū́pasya níyuñjyāt \

Line : 5  Pada: b     raudrā́ vaí paśávas \

Pada: c     agnír vídʰr̥tis \

Pada: d     dákṣiṇe havirdʰā́ne sómam ā́sādayanti

Line : 6  Pada: e     tátʰāsya rudráḥ paśū́n ánabʰimānuko bʰavati

Pada: f     pā́treṣu vā́ ahám adʰvaryúṃ cā́nadʰvaryuṃ ca víjānāmī́ti ha smāhāruṇá aúpaveśiḥ

Line : 7  Pada: g     káti pā́trāṇī́ti pr̥cʰet \

Line : 8  Pada: h     dvā́daśa pā́trāṇi \

Pada: i     upām̐śusávanas trayodaśám \

Pada: j     yát tán mīmām̐sante

Line : 9  Pada: k     pātrā́3ṃ ná pātrā́3m íti

Pada: l     mī́mām̐sante hí trayodaśáṃ mā́sam \

Pada: m     mā́sā3 ná mā́sā3 * íti
      FN Correcturen und Conjecturen zu dem ganzen Werk.

Line : 10  Pada: n     páñca prātaḥsavané puroḍā́śās \

Pada: o     catvā́ro mā́dʰyaṃdine sávane

Pada: p     catvā́ras tr̥tīyasavané

Line : 11  Pada: q     itó vā́ etā́ṃ níramimīta prajā́patir ātmána evá

Pada: r     yáta evaítā́ṃ nirámimīta tád etaír ápidʰīyate

Line : 12  Pada: s     devā́ś ca vā́ ásurāś cāspardʰanta \

Pada: t     āyátanavantó 'surā ā́sann anayatanā́ devā́s \

Line : 13  Pada: u     imé lokā́ ásurāṇām āyátanam āsan \

Line : 14  Pada: v     té devā́ḥ sam̐stambʰám̐sam̐stambʰaṃ párājayanta \

Pada: w     anāyatanā́ hy ā́san \

Pada: x     té vaí sávanāny evā́yatanam acāyan \

Line : 15  Pada: y     tā́ni prā́viśan \

Pada: z     tā́ni nā́dʰriyanta

Pada: aa     té vaí puroḍā́śān evá sávanānām āyátanam acāyan \

Line : 16  Pada: ab     tā́n níravapan \

Pada: ac     tā́ny adʰriyanta

Pada: ad     táto devā́ ábʰavan párā́surās

Line : 17  Pada: ae     tád yá evám̐ védāyátanavān bʰávati bʰávaty ātmánā

Pada: af     párāsya bʰrā́tr̥vyo bʰavati

Line : 18  Pada: ag     tásmād anusavanáṃ puroḍā́śā nirúpyāḥ

Pada: ah     sávanānāṃ dʰŕ̥tyai

Line : 19  Pada: ai     tásmād anusavanáṃ puroḍā́śaḥ prā́śyaḥ

Pada: aj     somapītʰásya dʰŕ̥tyai

Pada: ak     gʰr̥tám̐ vaí devā́ vájraṃ kr̥tvā́ sómam agʰnan \

Page: 137  
Line : 1  Pada: al     abʰí kʰálu vā́ etáṃ gʰārayanti

Pada: am     yát prāśnīyā́t somapītʰám̐ hanyāt \

Line : 2  Pada: an     yán ná prāśnīyā́t somapītʰéna vyr̥dʰyéta

Pada: ao     yátrā́nabʰigʰr̥taṃ tát prā́śyaḥ

Line : 3  Pada: ap     somapītʰásya dʰŕ̥tyai

Pada: aq     tán ná sū́rkṣyam \

Pada: ar     prā́śya evá \

Pada: as     índro vaí vr̥trám ahan \

Line : 4  Pada: at     tán ná kíṃ canā́dʰinot

Pada: au     táṃ puroḍā́śa evā́dʰinot

Pada: av     tásmāt puroḍā́śaḥ prā́śyaḥ

Line : 5  Pada: aw     somapītʰásya dʰŕ̥tyai

Pada: ax     páñca prātaḥsavané puroḍā́śāḥ

Pada: ay     puroḍā́śaḥ parivāpó dʰānā́ḥ karambʰáḥ payasyā̀

Line : 6  Pada: az     sā́ puroḍā́śapaṅktis \

Pada: ba     dvínārāśam̐sāḥ prātaḥsavané

Line : 7  Pada: bb     dvínārāśam̐sā mā́dʰyaṃdine sávane \

Pada: bc     ékanārāśam̐sās tr̥tīyasavané

Pada: bd     sā́ narāśám̐sapaṅktis

Line : 8  Pada: be     trī́ṇi sávanāny avabʰr̥tʰás \

Pada: bf     anubandʰyā̀ sávanānāṃ pañcamī

Line : 9  Pada: bg     sā́ sávanapaṅktis \

Pada: bh     eṣā́ vaí sā́ paṅktír yā́m āhúr brahmavādínas \

Pada: bi     véttʰa tā́ṃ paṅktím̐ yáyā ná stuváte ná śam̐santi \

Line : 10  Pada: bj     átʰa yajñám̐ váhanti \

Pada: bk     átʰa yajñám̐ sam̐stʰāpáyantā íti //


Anuvaka: 6  
Line : 12  Pada: a     devā́ś ca vā́ ásurāś cāspardʰanta

Pada: b     téṣām̐ vā́ indriyā́ṇi vīryā̀ṇy ápākrāman \

Line : 13  Pada: c     r̥ksāmé vā́ ebʰyás tád ápākrāmatām \

Pada: d     paśávo vā́g indriyáṃ prāṇāpānau

Line : 14  Pada: e     taír vā́ índro 'kāmayata sā́yujyaṃ gacʰeyam íti //

Pada: f     hárivaṃ índro dʰānā́ attu // íti \

Line : 15  Pada: g     r̥ksāmé vā́ índrasya hárī

Pada: h     r̥ksāmā́bʰyām evá sā́yujyam agacʰat //

Line : 16  Pada: i     pūṣaṇvā́n karambʰám * // íti
      FN Ed.: karambʰáḥ. Oertel, Zur Kapiṣṭʰala-Kaṭʰa-Saṃhitā, p. 109. Mittwede: karambʰám.

Pada: j     paśávo vaí puṣā́

Pada: k     paśúbʰir evá sā́yujyam agacʰat

Line : 17  Pada: l     sárasvatīvān bʰā́ratīvān parivāpáḥ // íti

Pada: m     vā́g vaí sárasvatī

Page: 138  
Line : 1  Pada: n     vācaívá sā́yujyam agacʰat //

Pada: o     índrasyāpūpáḥ // íti \

Pada: p     indriyám̐ vā́ índras \

Line : 2  Pada: q     indriyéṇaivá sā́yujyam agacʰat //

Pada: r     mitrā́váruṇayoḥ payasyā̀ // íti

Pada: s     prāṇāpānaú vaí mitrā́váruṇau

Line : 3  Pada: t     prāṇāpānā́bʰyām evá sā́yujyam agacʰat

Pada: u     táto devā́ ábʰavan

Line : 4  Pada: v     párā́surās

Pada: w     tád yá evám̐ védaitaír evéndriyaír vīryaìr etaír mahimábʰiḥ sā́yujyaṃ gacʰati

Line : 5  Pada: x     bʰávaty ātmánā

Pada: y     párāsya bʰrā́tr̥vyo bʰavati

Pada: z     dīrgʰajihvī́ vaí devā́nāṃ prātaḥsavanám ávāleṭ

Line : 6  Pada: aa     tád vyàmādyat

Pada: ab     sā́ payasyā̀bʰavat

Pada: ac     tásmāt payasyā̀ vímaditarūpeva

Line : 7  Pada: ad     maitrāvaruṇī́ prātaḥsavané syāt

Pada: ae     prāṇāpānaú vaí mitrā́váruṇau

Line : 8  Pada: af     prāṇāpānaú vā́ etán mukʰató yajñásya dʰīyete

Pada: ag     ná gudáḥ paryā́kartavaí

Pada: ah     yád gudáṃ paryākuryā́d udāvartáḥ prajā́ hanyāt \

Line : 9  Pada: ai     rákṣasām ánanvavajayāya

Pada: aj     yū́paḥ purástān mīyáte

Line : 10  Pada: ak     yád ágreṇa yū́paṃ paśúm̐ háreyus tád ánu rákṣām̐si yajñám ávajayeyus \

Pada: al     antarā́gníṃ ca yū́paṃ ca hŕ̥tyas \

Line : 11  Pada: am     rákṣasām ánanvavajayāya //


Anuvaka: 7  
Line : 12  Pada: a     samudráṃ gacʰa svā́héti \

Pada: b     apástʰam̐ vā́ etád yajati \

Pada: c     antárikṣaṃ gacʰa svā́héti

Pada: d     réta evaítád dadʰāti

Line : 13  Pada: e     devám̐ savitā́raṃ gacʰa svā́héty āha

Pada: f     prásūtyā evá \

Pada: g     ahorātré gacʰa svā́héti \

Line : 14  Pada: h     ahorātré hy ánu prajā́ḥ prajā́yante

Pada: i     mitrā́váruṇau gacʰa svā́héti

Pada: j     prāṇāpānau vaí mitrā́váruṇau

Line : 15  Pada: k     prāṇāpānā́ evā́su dadʰāti

Pada: l     dyā́vāpr̥tʰivī́ gacʰa svā́héti \

Line : 16  Pada: m     ābʰyā́m evaínāḥ sr̥ṣṭā́ḥ párigr̥hṇāti

Pada: n     cʰándām̐si gacʰa svā́héti \

Line : 17  Pada: o     vā́g vaí cʰándām̐si

Pada: p     vā́cam evā́su dadʰāti

Pada: q     sómaṃ gacʰa svā́héti \

Pada: r     ánnam̐ vaí sómas \

Page: 139  
Line : 1  Pada: s     annam evā́su dadʰāti

Pada: t     yajñáṃ gacʰa svā́héti

Pada: u     yajñíyā evaínā akar

Pada: v     divyáṃ nábʰo gacʰa svā́héti

Line : 2  Pada: w     vŕ̥ṣṭim evā́bʰyo nínayanti \

Pada: x     agním̐ vaiśvānaráṃ gacʰa svéhéti

Line : 3  Pada: y     sam̐vatsaró vā́ agnír vaiśvānaráḥ

Pada: z     sam̐vatsará evaínāḥ prátiṣṭʰāpayati

Pada: aa     sam̐vatsarā́yuṣam enāḥ karoti

Line : 4  Pada: ab     máno hā́rdim̐ yacʰéty āha

Pada: ac     prāṇā́nāṃ gopītʰā́ya \

Line : 5  Pada: ad     óṣadʰībʰyas tvéti \

Pada: ae     óṣadʰīṣv evá rásaṃ dadʰāti

Pada: af     yó vaí vidvā́n vā́vidvān vópayájo mitʰunáyópa yájati prāṇā́n vā́ etán mitʰunáyā́kurute

Line : 6  Pada: ag     yád ā́ha

Pada: ah     máno hā́rdim̐ yacʰéti

Line : 7  Pada: ai     prāṇā́n vā́ etád r̥tuśáḥ kalpayate

Pada: aj     paśúr vā́ ā́labdʰaḥ śocati

Line : 8  Pada: ak     tásya mádʰyam̐ śúg abʰisámeti

Pada: al     sā́ hŕ̥dayeṣv ā́gacʰati

Pada: am     yát púruṣam upaspr̥śén manuṣyā̀ñ śúg r̥cʰet \

Line : 9  Pada: an     yád gā́m upaspr̥śet paśū́ñ śúg r̥cʰet \

Pada: ao     yád dā́rūpaspr̥śéd vánaspátīm̐ śúg r̥cʰet \

Line : 10  Pada: ap     yát tŕ̥ṇam upaspr̥śéd óṣadʰīḥ śúg r̥cʰet \

Pada: aq     yád udakám upaspr̥śéd apáḥ śúg r̥cʰet \

Pada: ar     yád ārdrám anūdakáṃ táñ śāntám \

Line : 11  Pada: as     tátropópyam \

Pada: at     tád devátām̐ śúcam ávayajati //

Line : 12  Pada: au     iti tr̥tīyakāṇḍe pātnīvantā nāma daśamaḥ prapāṭʰakaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.