TITUS
Black Yajur-Veda: Maitrayani-Samhita
Part No. 33
Previous part

Prapathaka: 9  
Anuvaka: 1  
Page: 112  
Line : 1  Pada: a     yajñó vā́ eṣá saṃkrā́mann eti prāyaṇī́yād ádʰy ātitʰyám

Pada: b     ātitʰyā́d ádʰy upasádaḥ

Line : 2  Pada: c     sá upasádbʰyó 'dʰi prā́ṅ práṇīyate

Pada: d     yád ágr̥hītvā́jyāni praṇáyeyur ápagʰnīta yájamānam

Line : 3  Pada: e     átʰa yád gr̥hītvā́jyāni praṇáyanti

Pada: f     yajñám̐ vā́ etád yájamāno 'nvā́rabʰate

Line : 4  Pada: g     prā́ñcaḥ sómena prayánti prā́cī pátnī pū́rvam agním abʰyudaíti

Pada: h     sómena vā́ etád rā́jñābʰijáyanto yanti

Line : 5  Pada: i     yásya vaí manuṣyarājó gr̥hám āgácʰati tásya vaí tárhi tád aíśvarye

Line : 6  Pada: j     yadā́ vaí sá tátaḥ plāyáté 'tʰa téṣāṃ tát púnar bʰavati

Line : 7  Pada: k     tásmād āhur ápivratā íti \

Pada: l     ápi hy èṣāṃ tásmin vratám \

Pada: m     sómo vā́ etád rā́jā gr̥háṃ prā́pa

Line : 8  Pada: n     tásya vaí tárhi tád aíśvarye

Pada: o     yadā́ vaí sá tátaḥ pracyávaté 'tʰa sá tát tébʰyo vísr̥jate

Line : 9  Pada: p     tád vaisarjanā́nām̐ vaisarjanatvám \

Pada: q     tvám̐ soma tanukr̥dbʰyā íti

Line : 10  Pada: r     yád evá tanúkr̥taṃ cānyákr̥taṃ caínas tád eténā́vayajati

Pada: s     dvā́bʰyāṃ gā́rhapatye juhoti

Line : 11  Pada: t     dvipā́d yájamānaḥ

Pada: u     prátiṣṭʰityai \

Pada: v     āgneyyā́gnīdʰre \

Pada: w     antárikṣam evá prā́pyānyád evá rūpám akar

Line : 12  Pada: x     vaiṣṇavyā́ havirdʰā́ne \

Pada: y     adá evá prā́pya

Pada: z     víṣṇur vaí yajñás \

Line : 13  Pada: aa     víṣṇum evá yajñám akar

Pada: ab     ásurā vā́ etáṃ devā́nām ā́ditsanta

Pada: ac     táṃ devā́ aptúṃ kr̥tvā́múṃ lokám aharan

Line : 14  Pada: ad     yád aptumátyā juhóti \

Pada: ae     aptúm evaínaṃ kr̥tvā́múṃ lokám̐ haranti

Line : 15  Pada: af     sárvebʰyo vā́ eṣá bʰūtébʰyā ā́hriyate

Pada: ag     yát saumyā́ juhóti

Pada: ah     manuṣyèbʰyas ténā́hriyate

Line : 16  Pada: ai     yád aptumátyā

Pada: aj     pitŕ̥bʰyas téna

Pada: ak     yád āgneyyā́

Pada: al     devébʰyas téna

Pada: am     yád vaiṣṇavyā́

Line : 17  Pada: an     yajñā́ya téna

Pada: ao     sárvā vā́ etát prajā́ váruṇo gr̥hṇāti

Pada: ap     yát saumyā́ juhóti

Page: 113  
Line : 1  Pada: aq     manuṣyā̀m̐s téna váruṇān muñcati

Pada: ar     yád aptumatyā

Pada: as     pitŕ̥̄m̐s téna

Pada: at     yád āgneyyā́

Pada: au     devā́m̐s téna

Line : 2  Pada: av     yád vaiṣṇavyā́

Pada: aw     yajñáṃ téna

Pada: ax     sárvā vā́ etát prajā́ váruṇān muñcati \

Pada: ay     agnínā vaí múkʰena devā́ imā́ṃl lokā́n abʰyàjanayan

Line : 3  Pada: az     gā́rhapatyenemáṃ * lokám
      FN Correcturen und Conjecturen zu dem ganzen Werk.

Pada: ba     ā́gnīdʰreṇāntárikṣam

Line : 4  Pada: bb     āhavanī́yenāmúṃ lokám \

Pada: bc     tásmāt tredʰā́ agnáyā ā́dʰīyante \

Pada: bd     eṣā́ṃ lokā́nām abʰíjityai \

Line : 5  Pada: be     indrāgnī́ vā́ áparā agnī́

Pada: bf     agnír áparas \

Pada: bg     índraḥ pū́rvaḥ

Line : 6  Pada: bh     prajā́patir āhavanī́yas

Pada: bi     tásmād eṣá úpopte sādyate \

Pada: bj     úttaro hí pitā́ putrā́t \

Line : 7  Pada: bk     úttaro bʰrā́tr̥vyād bʰavati yá evám̐ véda \

Pada: bl     ágreṇa práṇayed gataśrī́ḥ

Pada: bm     śriyá evá párigr̥hītyai

Line : 8  Pada: bn     saumyó vaí brāhmaṇó devátayā

Pada: bo     sváyaivá devátayā

Pada: bp     prajā́ vaí paśávo 'm̐śávas \

Line : 9  Pada: bq     rudrá āhavanī́yas \

Pada: br     yád ágreṇa praṇáyed rudrā́yāsya paśū́n ápidadʰyāt

Line : 10  Pada: bs     paścā́d evá prā́ṅ praṇī́yaḥ

Pada: bt     paśūnā́ṃ gopītʰā́ya \

Pada: bu     urv àntárikṣam̐ vī̀hī́ti \

Line : 11  Pada: bv     antarikṣadevatyò vā́ eṣá etárhi

Pada: bw     prácyuta itó 'prāpto 'mútra \

Pada: bx     ádityāḥ sádā ā́sīdéti \

Line : 12  Pada: by     ādityó vaí yajñás \

Pada: bz     áditiḥ sómasya yóniḥ

Pada: ca     svá evaínam̐ yónau dadʰāti

Line : 13  Pada: cb     déva savitar eṣá te sómā íti

Pada: cc     manuṣyèṣu vā́ eṣá purā́bʰūt \

Line : 14  Pada: cd     devébʰya evaínam̐ saṃprā́dāt \

Pada: ce     etát tváṃ deva soma devā́n upā́vr̥tā íti

Line : 15  Pada: cf     devó hy èṣá devā́n upāvártate \

Pada: cg     idám aháṃ manuṣyā̀nt sahá rāyáspóṣeṇa prajáyā copā́vartatā íti \

Line : 16  Pada: ch     āśíṣam evā́śāste

Pada: ci     námo devébʰyaḥ svadʰā́ pitŕ̥bʰyā íti

Line : 17  Pada: cj     namaskāró devā́nām \

Pada: ck     svadʰākāráḥ pitr̥ṇā́m \

Pada: cl     nír váruṇasya pā́śād amukṣī́ti

Line : 18  Pada: cm     varuṇapāśā́d evá nírmucyate \

Pada: cn     ātmánó 'him̐sāyai

Pada: co     svàr abʰivyàkśam íti

Line : 19  Pada: cp     yajñó vaí svàr

Pada: cq     yajñám evā́bʰivípaśyati

Pada: cr     jyótir vaiśvānarám íti \

Pada: cs     asaú vā́ ādityó jyótir vaiśvānarám

Line : 20  Pada: ct     agnínā vā́ eṣá tanvàm̐ vipáridʰatte yó dī́kṣate \

Page: 114  
Line : 1  Pada: cu     agnī́ rudrás \

Pada: cv     yád agnínā púnar yatʰāyatʰáṃ tanvaṃ ná viparidádʰīta rudrá enam abʰimā́nukaḥ syāt \

Line : 2  Pada: cw     yád ā́ha \

Pada: cx     ágne vratapate yā́ táva tanū́r máyy ábʰūd eṣā́ sā́ tváyi \

Pada: cy     ágne vratapate yā́ máma tanū́s tváyy ábʰūd iyám̐ sā́ máyī́ti \

Line : 3  Pada: cz     agnínā vā́ etát púnar yatʰāyatʰáṃ tanvàm̐ vipáridʰatte \

Line : 4  Pada: da     ātmánó 'him̐sāyai //


Anuvaka: 2  
Line : 5  Pada: a     ná yū́pam ácʰaiṣyatā́ hotavyàm \

Pada: b     ná hí dīkṣitásyāgnaú júhvati

Pada: c     vaiṣṇavī́m anū́cyācʰétyas \

Line : 6  Pada: d     vaiṣṇavó hí yū́pas

Pada: e     tád āhus \

Pada: f     hotavyàm evá

Pada: g     páruṣy evá juhoty āyátanā íti

Line : 7  Pada: h     tán ná sū́rkṣyam \

Pada: i     yū́pasyaivā́nte 'gníṃ matʰitvā́tʰa hotavyàm \

Pada: j     tát svid ubʰáyam akar

Line : 8  Pada: k     juhóty āha

Pada: l     ná dīkṣitásyāgnaú juhoti \

Pada: m     áty anyā́n ágāṃ nā́nyā́n úpāgām íti \

Line : 9  Pada: n     átī hy ànyā́n éti nā́nyā́n upaíti \

Pada: o     arvā́k tvā párebʰyaḥ paró 'varebʰyo 'vidam íti \

Line : 10  Pada: p     arvā́g gʰy ènaṃ párebʰyaḥ paró 'varebʰyo vindati

Pada: q     táṃ tvā juṣāmahe devayajyā́yā íti \

Line : 11  Pada: r     etám̐ hy èṣá juṣáte

Pada: s     júṣṭam̐ víṣṇavā íti

Pada: t     yajñā́yaivaínaṃ júṣṭam̐ víṣṇave 'kar

Line : 12  Pada: u     víṣṇave tvéti páryanakti

Pada: v     havírbʰūtam evaínam̐ vr̥ścati \

Pada: w     átʰo abʰígʰr̥tam evá

Line : 13  Pada: x     yá ittʰám̐ vettʰáṃ vā hurṇó * médʰāt sò 'pā́vr̥ttas \
      FN Correcturen und Conjecturen zu dem ganzen Werk.

Pada: y     yá r̥júr ūrdʰváśalkaḥ sá vā́vá médʰam úpastʰitas \

Line : 14  Pada: z     yá r̥júr upáriṣṭād upā́vanatas \

Line : 15  Pada: aa     yó 'dʰiśākʰyó yóniḥ sá

Pada: ab     yó vā́ asyā́ adʰijā́yate sá yónimān

Line : 16  Pada: ac     iyám̐ hí vánaspátīnām̐ yóniḥ

Pada: ad     páruṣi vraścyàs \

Pada: ae     yád aparúṣi vr̥ścéd yátʰā parúṣy ávakr̥ttam evám̐ syāt \


Page: 115  
Line : 1  Pada: af     ánakṣamaṅgam̐ stʰāṇúr uñśiṣyás \

Pada: ag     yád akṣasaṅgám̐ stʰāṇúm uñśim̐ṣed vájro bʰūtvā́ yájamānasya paśū́n prátihanyāt

Line : 2  Pada: ah     páñcāratniḥ kāryàḥ

Line : 3  Pada: ai     paṅktyā́ sáṃmitaḥ

Pada: aj     ṣáḍaratniḥ kāryā̀ *
      FN < kāryàs

Pada: ak     r̥túbʰiḥ sáṃmitaḥ

Pada: al     saptā́ratniḥ kāryàḥ

Line : 4  Pada: am     saptápadayā śakvaryā sáṃmitas \

Pada: an     aṣṭā́ratniḥ kāryàs \

Pada: ao     gāyatryā́ sáṃmitas \

Line : 5  Pada: ap     návāratniḥ kāryàs

Pada: aq     téjasā trivŕ̥tā sáṃmitas \

Pada: ar     dáśāratniḥ kāryàs \

Pada: as     virā́jā sáṃmitas \

Line : 6  Pada: at     ékādaśāratniḥ kāryàḥ

Pada: au     triṣṭúbʰā sáṃmitas \

Pada: av     dvā́daśāratniḥ kāryàs \

Line : 7  Pada: aw     jágatyā sáṃmitas

Pada: ax     tráyodaśāratniḥ kāryàs

Pada: ay     trayodaśéna prajā́patinā sáṃmitaḥ

Line : 8  Pada: az     páñcadaśāratniḥ kāryàḥ

Pada: ba     pañcadaśéna vájreṇa sáṃmitaḥ

Pada: bb     saptádaśāratniḥ kāryàḥ

Line : 9  Pada: bc     saptadaśéna prajā́patinā sáṃmitas \

Pada: bd     ékavim̐śatyaratniḥ kāryàs \

Line : 10  Pada: be     ekavim̐śéna sáṃmitas

Pada: bf     tráyovim̐śatyaratniḥ kāryàs

Pada: bg     trayovim̐śéna sáṃmitaḥ

Line : 11  Pada: bh     páñcavim̐śatyaratniḥ kāryàḥ

Pada: bi     pañcavim̐śéna sáṃmitaḥ

Pada: bj     saptávim̐śatyaratniḥ kāryàs

Line : 12  Pada: bk     triṇavéna sáṃmitas \

Pada: bl     ékatrim̐śadaratniḥ kāryàs \

Pada: bm     ekatrim̐śéna sáṃmitas

Line : 13  Pada: bn     tráyastrim̐śadaratniḥ kāryàs

Pada: bo     trayastrim̐śéna sáṃmitas \

Pada: bp     yā́vān púruṣa ūrdʰvábāhus tā́vān kāryò yádi vā yā́vān rátʰe tíṣṭʰan

Line : 14  Pada: bq     yā́vān vaí púruṣa ūrdʰvábāhuḥ saítasyāvamā́ mā́trā \

Line : 15  Pada: br     átʰa táto várṣīyānvarṣīyān evá kāryàs \

Pada: bs     yó bahuśākʰó bahuparṇáḥ sá * kāryàs \
      FN emended. Ed.: sú

Line : 16  Pada: bt     bʰūmná evá

Pada: bu     bʰūmā́nam̐ hy èṣá etásya jagrā́ha

Pada: bv     bʰūmā́nam asya gr̥hṇāti

Line : 17  Pada: bw     bʰūmā́nam asya paśávo 'nūpatiṣṭʰante //


Anuvaka: 3  
Line : 18  Pada: a     óṣadʰe trā́yasvainam íty āha

Pada: b     trā́tyā evá

Pada: c     svádʰite maínam̐ him̐sīr íti

Line : 19  Pada: d     vájro vaí svádʰitis \

Pada: e     vájrād vā́vā́smā etád antárdadʰāti \

Pada: f     áhim̐sāyai

Pada: g     yó vā́ etásyābʰíhatasyā́gre śákalaḥ parāpátati tám asya téjo 'nvápakrāmati

Page: 116  
Line : 1  Pada: h     yát táṃ púnar āhárati

Pada: i     satejastvā́ya

Pada: j     prā́ñcaṃ práhāpayati

Pada: k     médʰam evaínam anuparyā́vartayati

Line : 2  Pada: l     vájro vaí yū́pas

Pada: m     tásmād vā́ imé lokā́ nī́ryamāṇād bibʰyati \

Pada: n     īśvaró hy èṣó 'śānto nī́ryamāṇa imā́ṃl lokā́n hím̐sitos \

Line : 3  Pada: o     yád ā́ha

Pada: p     dívam ágreṇa mā́ him̐sīr antárikṣaṃ mádʰyena pr̥tʰivyā́ḥ sáṃbʰava bʰrā́jaṃ gacʰéti

Line : 4  Pada: q     śamáyaty evá

Line : 5  Pada: r     śāntá evá nī́ryate \

Pada: s     eṣā́ṃ lokā́nām áhim̐sāyai

Pada: t     sárvasya vā́ eṣá mitrám̐ yó dīkṣitáḥ

Line : 6  Pada: u     sá etám áhim̐sīt \

Pada: v     īśvarā́ vánaspátayo 'pidʰiṣṇyáṃ bʰávitā

Line : 7  Pada: w     yád āvraścane juhóti

Pada: x     púnar evaínaṃ prájanayati

Pada: y     tásmād āvráścanād bʰū́yām̐saḥ prájāyante

Line : 8  Pada: z     paśúnā sáṃmitaḥ kāryàs \

Pada: aa     dáśa vaí paśóḥ prāṇā́s \

Pada: ab     ātmaíkādaśás \

Line : 9  Pada: ac     aṣṭā́śrayas \

Pada: ad     bráhmaṇī daśamé

Pada: ae     ātmaíkādaśas

Pada: af     tátʰā paśúnā sáṃmitas \

Line : 10  Pada: ag     aṣṭā́śriḥ kāryàs \

Pada: ah     gāyatryā́ rūpám \

Pada: ai     gāyatró hí yū́pas \

Pada: aj     gāyatryā́ vaí pátantyā yátra parṇáṃ parā́patat tátaḥ parṇò 'jāyata

Line : 11  Pada: ak     tásmāt parṇamáyas \

Pada: al     etát kʰálu vaí parṇásya sā́ram̐ yát kʰadirás

Line : 12  Pada: am     tásmād kʰādirás \

Pada: an     ihá vā́ asā́ ādityá āsīt

Line : 13  Pada: ao     tám itó 'dʰy amúṃ lokám aharan \

Pada: ap     tád yátó 'dʰy amúṃ lokám áharan \

Pada: aq     tásmāj jyótiṣo bílvo 'jāyata

Line : 14  Pada: ar     tásmād bailvás \

Pada: as     brahmavarcasákāmena kāryàs \

Pada: at     brahmavarcasásya sámaṣṭyai \

Line : 15  Pada: au     átʰo jyótiṣaivá támas tarati \

Pada: av     índro vaí yátīnt sālāvr̥keyébʰyaḥ prā́yacʰat

Line : 16  Pada: aw     téṣām̐ vā́ eṣá brahmacārī́ camasā́dʰvaryur āsīt \

Pada: ax     yò 'yám̐ hariṇás tásya yáḥ somapītʰá ā́sīt sá svajò 'bʰavat

Line : 17  Pada: ay     tásmād dʰariṇáḥ svajáṃ svādati

Line : 18  Pada: az     somapītʰó hy ásyaiṣá

Pada: ba     sá yátra camasáṃ nyaùbjat táto rohítako 'jāyata

Page: 117  
Line : 1  Pada: bb     tásmād raúhītakas

Pada: bc     tásmād rohī́takerohītake * svajáḥ
      FN Correcturen und Conjecturen zu dem ganzen Werk.

Pada: bd     pr̥tʰivyaí tvāntárikṣāya tvā divé tvéti prókṣati \

Line : 2  Pada: be     eṣā́m̐ hy èṣá lokā́nām̐ vídʰr̥tyai mīyáte

Pada: bf     tríḥ prókṣati

Line : 3  Pada: bg     tríṣatyā hí devā́s \

Pada: bh     átʰo trípadayaivaínaṃ gāyatryā́ praúkṣīt \

Pada: bi     vájro vaí yū́pas \

Line : 4  Pada: bj     ánnam̐ yávas \

Pada: bk     yád yávamatībʰiḥ * prokṣáti
      FN Correcturen und Conjecturen zu dem ganzen Werk.

Pada: bl     vájreṇa vā́ etád ánnaṃ jayati

Line : 5  Pada: bm     téjo vaí yū́pas \

Pada: bn     eṣá kʰálu vā́ óṣadʰīnāṃ téjo yád yávas

Pada: bo     tásmād etám̐ śiśirā́ óṣadʰayo 'nuprā́ṇanti

Line : 6  Pada: bp     yád yávam avā́syati

Pada: bq     téjasi vā́ etát téjo dadʰāti \

Line : 7  Pada: br     rkṣám̐ vā́ amedʰyám

Pada: bs     ā́po havís \

Pada: bt     yád avasiñcáti

Pada: bu     médʰyam evaínat karoti \

Pada: bv     r̥kṣám̐ vā́ amedʰyám \

Line : 8  Pada: bw     yád avastr̥ṇā́ti

Pada: bx     médʰyam evaínat karoti

Pada: by     takṣitó vā́ eṣá nagnás \

Line : 9  Pada: bz     yáñ śakam avā́syati \

Pada: ca     ánagnam evaínam akaḥ

Pada: cb     svá evaínam̐ stʰā́ne dadʰāti \

Pada: cc     ávr̥kṇa evā́bʰūt \

Line : 10  Pada: cd     gʰr̥téna dyā́vāpr̥tʰivī́ ā́pr̥ṇéti

Pada: ce     ténaiva dyā́vāpr̥tʰivī́ ā́pūrayati

Line : 11  Pada: cf     yájamāno vā́ agniṣṭʰā́s * téjo gʰr̥tám
      FN agniṣṭʰā. Oertel, Zur Kapiṣṭʰala-Kaṭʰa-Saṃhitā. p.26.

Pada: cg     āntám ávicʰinnam anakti

Pada: ch     yájamānam evá téjasānakti

Line : 12  Pada: ci     devás tvā savitā́ mádʰvānaktv íti \

Pada: cj     etád vaí devā́nāṃ mádʰu yád gʰr̥tam \

Line : 13  Pada: ck     savitŕ̥prasūta evaínaṃ mádʰvānakti \

Pada: cl     índrasya caṣā́lam asī́ti \

Pada: cm     aindrám̐ hí caṣā́lam \

Line : 14  Pada: cn     supippalā́ óṣadʰīs kr̥dʰī́ti \

Pada: co     óṣadʰīr evá pʰálaṃ grāhayati

Pada: cp     tásmād óṣadʰayaḥ śīrṣán pʰálaṃ gr̥hṇanti

Line : 15  Pada: cq     dívam ágreṇóttabʰāna \

Pada: cr     antárikṣaṃ mádʰyenā́pr̥ṇa

Line : 16  Pada: cs     pr̥tʰivī́m úpareṇa dr̥m̐héti \

Pada: ct     eṣā́m̐ hy èṣá lokā́nām̐ vídʰr̥tyai mīyáte

Pada: cu     tā́ te dʰā́māny uśmasi gámadʰyā íty ávadadʰāti vaiṣṇavyā

Page: 118  
Line : 1  Pada: cv     vaiṣṇavó hí yū́paḥ

Line : 2  Pada: cw     sváyaivá devátayā

Pada: cx     víṣṇoḥ kármāṇi paśyatéti sáṃkalpayati

Pada: cy     saṃmitatvā́ya

Line : 3  Pada: cz     brahmavániṃ tvā kṣatravániṃ páryūhāmī́ti \

Pada: da     āśī́r evaíṣā́

Pada: db     bráhma dr̥m̐ha kṣatráṃ dr̥m̐héti \

Line : 4  Pada: dc     āśíṣa evaíṣá parigrahás \

Pada: dd     apò 'nupáriṣiñcati

Pada: de     dʰŕ̥tyai //


Anuvaka: 4  
Line : 5  Pada: a     vájro vaí yū́pas \

Pada: b     yád antarvedí minuyā́n nírdahet \

Pada: c     yád bahirvedy ánavaruddʰaḥ syāt \

Pada: d     ardʰám antarvedí minóty ardʰáṃ bahirvedi \

Line : 6  Pada: e     ávaruddʰo ha bʰávati ná nírdahati

Pada: f     nóparasyāvíḥ kártavaí

Line : 7  Pada: g     yád úparasyāvíḥ kuryā́d garteṣṭʰā́ḥ * syāt
      FN Correcturen und Conjecturen zu dem ganzen Werk.

Pada: h     pramā́yuko yájamānas \

Line : 8  Pada: i     nā́tistʰūlaḥ kāryàḥ

Pada: j     kṣúdʰaṃ prajā́ nī̀yur

Pada: k     nó átyaṇur

Pada: l     ubʰáyam evā́ntarā́

Pada: m     yajñéna vaí devā́ḥ svargáṃ lokám āyan \

Line : 9  Pada: n     tè 'manyantānéna vaí no 'nyé lokám anvā́rokṣyantī́ti

Line : 10  Pada: o     tám̐ yū́penāyopayan \

Pada: p     tád yū́pasya yūpatvám \

Pada: q     yád yū́paḥ purástān mīyáte *
      FN emended. Ed.: mīyéta

Line : 11  Pada: r     svargásya lokásyā́nukśātyai

Pada: s     tád víṣṇoḥ paramáṃ padám íti samúnmārṣṭi

Line : 12  Pada: t     svargásya lokásya sámaṣṭyai

Pada: u     nābʰidagʰné párivyayati \

Pada: v     ū́rg vā́ óṣadʰayas \

Pada: w     ū́rjam̐ vā́ etán madʰyatá ātmáno dʰatte prajā́nāṃ ca

Line : 13  Pada: x     yádi kāmáyeta kṣúdʰaṃ prajā́ nī̀yur íti \ araśanā́n yū́pān minuyāt

Line : 14  Pada: y     kṣúdʰaṃ prajā́ níyanti

Pada: z     yádi kāmáyeta várṣet parjánya ūrjā́ yájamānam̐ sámardʰayeyam íti parivī́yordʰvā́m údūhet \

Line : 15  Pada: aa     vŕ̥ṣṭyā evémā́ṃ nyū́haty ūrjā́ yájamānam̐ samardʰayati

Line : 16  Pada: ab     yádi kāmáyeta ná váṣet parjánya ūrjā́ yájamānam̐ vyàrdʰayeyam íti parivī́yā́vācīm ávohet \

Line : 17  Pada: ac     vŕ̥ṣṭyaivémā́ṃ nyū́haty ūrjā́ yájamānam̐ vyàrdʰayati


Page: 119  
Line : 1  Pada: ad     sarvadevatyò vaí yū́pas \

Pada: ae     yán níkʰātaṃ tát pitr̥ṇā́m \

Line : 2  Pada: af     yád ūrdʰváṃ tán manuṣyā̀ṇām \

Pada: ag     yátra raśanā́ tád óṣadʰīnām \

Line : 3  Pada: ah     yád ūrdʰvám̐ raśanā́yās tád víśveṣāṃ devā́nām

Pada: ai     índrasya caṣā́lam \

Pada: aj     yé vaí devā́ḥ sādʰyā́ yajñám atyámanyanta téṣām̐ vā́ etád yád upáriṣṭāc caṣā́lasya \

Line : 4  Pada: ak     aṅgulimātráṃ kāryàm

Line : 5  Pada: al     aṅgulimātrám̐ hí tád ágrā ā́sīt \

Pada: am     yát táto várṣīyaḥ kuryā́d vájro bʰūtvā́ yájamānasya paśū́n ávatiṣṭʰet \

Line : 6  Pada: an     índro vaí vr̥trā́ya vájram údayacʰat

Pada: ao     sò 'vlīyata

Line : 7  Pada: ap     tásya vā́ etád ánunaddʰyai yác caṣā́laṃ pr̥tʰumātráṃ kāryàm \

Pada: aq     pr̥tʰumātrám̐ hí tád ágrā ā́sīt \

Line : 8  Pada: ar     yád aṇimató 'gr̥hṇāt tásmād aṇimatás \

Pada: as     yád índra udáyacʰat tásmād aindrám \

Line : 9  Pada: at     yádi kāmáyeta \ anyè 'sya lokám anvā́rohayeyur íty anyásya vr̥kṣásya sváruṃ kuryāt \

Line : 10  Pada: au     anyè 'sya lokám anvā́rohanti

Pada: av     yádi kāmáyeta prajā́m anusáṃtanuyād íti yū́pasya sváruṃ kuryāt

Line : 11  Pada: aw     prajā́m evā́nusáṃtanoti

Pada: ax     yájamāno vā́ agniṣṭʰā́s * téjo 'gnís \
      FN agniṣṭʰā. Oertel, Zur Kapiṣṭʰala-Kaṭʰa-Saṃhitā. p.26.

Line : 12  Pada: ay     yád ittʰám̐ vettʰám̐ vā minuyā́d yájamānaṃ téjasā vyàrdʰayet \

Pada: az     agnínā sadŕ̥śaṃ metavyā̀s \

Line : 13  Pada: ba     yájamānasya satejastvā́ya \

Pada: bb     āvŕ̥hya ha sma vaí purā́ sám̐stʰite yajñè 'gnaú yū́paṃ prāsyáti saṃbʰájya srúcas

Line : 14  Pada: bc     té devā́ amanyanta

Pada: bd     yajñaveśasám idáṃ kuryā íti

Line : 15  Pada: be     tè 'bruvan

Pada: bf     paridʰíbʰir evá naḥ srúcaḥ svagā́kr̥tāḥ sántu

Line : 16  Pada: bg     sváruṇā yū́paḥ

Pada: bh     prastaréṇa sádā íti

Pada: bi     téṣām̐ vā́ eṣá svagākārás \

Pada: bj     ná ha sma vaí purā́ púruṣaṃ mahādevó hanti

Line : 17  Pada: bk     táta idám̐ rudrò 'nvavātiṣṭʰat

Pada: bl     té devā́ etā́m̐ rudrásyā́veṣṭim apaśyan \

Line : 18  Pada: bm     tríḥ parástād anákti trír avástāt

Pada: bn     tát ṣáṭ

Line : 19  Pada: bo     ṣáḍ vā́ r̥távas \

Pada: bp     r̥túbʰyo vā́ etád rudrám ávayajati \

Pada: bq     āhutibʰā́jo vā́ r̥távó 'stomabʰājas

Line : 20  Pada: br     tá evā́syaiténābʰī̀ṣṭāḥ prītā́ bʰavanti

Pada: bs     yád yū́pāj juhóti

Pada: bt     vánaspátibʰyas ténā́vayajati

Page: 120  
Line : 1  Pada: bu     yád raśanā́yās \

Pada: bv     óṣadʰībʰyas téna

Pada: bw     yád ātmánas \

Pada: bx     manuṣyèbʰyas téna

Line : 2  Pada: by     yád ā́ha

Pada: bz     dívaṃ te dʰūmó gacʰatv íti

Pada: ca     havirdʰā́nāt téna \

Pada: cb     antárikṣaṃ jyótir íti \

Line : 3  Pada: cc     ā́gnīdʰrāt téna

Pada: cd     pr̥tʰivī́ṃ bʰásma svā́héti

Pada: ce     sádasas téna

Pada: cf     sarváto vā́ etád rudrám ávayajati \

Line : 4  Pada: cg     ā́ vā́ etám̐ vánaspátibʰyaḥ pracyāváyanty upayájya manuṣyā̀ḥ práyanti

Line : 5  Pada: ch     tát svā́yā devátāyā antárdʰīyate

Pada: ci     yū́po vaí yajñásya dúriṣṭam ā́muñcate

Line : 6  Pada: cj     yád yū́pam upaspr̥śéd yajñásya dúriṣṭam ā́muñceta

Pada: ck     tásmād yū́po nópaspŕ̥śyaḥ

Line : 7  Pada: cl     śúg vā́ eṣá mīyate

Pada: cm     sá īśvaró 'śānta imā́ṃl lokā́ñ śucā́rpayitór

Line : 8  Pada: cn     yády ékaḥ syā́t // eṣá te vāyo // íti brūyāt \

Pada: co     yádi bahávaḥ // eté te vāyo // íti brūyāt \

Line : 9  Pada: cp     vāyū́gopā vaí vánaspátayaḥ

Pada: cq     svā́m evaíbʰyo devátām ápisr̥jati \

Line : 10  Pada: cr     eṣā́ṃ lokā́nām áhim̐sāyai

Pada: cs     yátʰā vaí práugam̐ rájjubʰir vyùtam * evám imé lokā́ yū́pair vyùtās *
      FN Correcturen und Conjecturen zu dem ganzen Werk.
      FN Correcturen und Conjecturen zu dem ganzen Werk.

Line : 11  Pada: ct     tá enam ā́rtiṃ nínayanti

Pada: cu     yád ā́ha // námaḥ svárubʰyaḥ // íti

Line : 12  Pada: cv     tébʰya evá námo 'kas

Pada: cw     tè 'smai víjihate

Pada: cx     tè 'smai lokám̐ vindanti \

Line : 13  Pada: cy     eté vaí devā́ nā́mr̥ḍayan tá * asmím̐s loké sannā́ḥ sváravo 'bʰiroddʰā́ras \
      FN Correcturen und Conjecturen zu dem ganzen Werk.

Line : 14  Pada: cz     yā́n ná páśyati té sannā́s \

Pada: da     átʰa yā́n páśyati té br̥hánta ūrjā́

Pada: db     yád ā́ha // námaḥ svárubʰyo br̥hádbʰyo mārutébʰyaḥ sannā́n mā́vagām // íti

Line : 15  Pada: dc     tā́n evá párivr̥ṇakti \

Line : 16  Pada: dd     eté vā́ amúṣmim̐l loké 'nnasya pradātā́ras

Pada: de     té 'smā ánnaṃ práyacʰanti //

Line : 17  Pada: df     ápaścāddagʰvā́nnaṃ bʰūyāsam // íti \

Pada: dg     ápaścāddagʰvā́nnaṃ bʰavati //


Anuvaka: 5  
Page: 121  
Line : 1  Pada: a     sādʰyā́ vaí devā́ āsan \

Pada: b     átʰa vaí tárhi nā́nyāhutir āsīt

Pada: c     té devā́ agníṃ matʰitvā́gnā́ ajuhavus

Line : 2  Pada: d     té vaí táyaivā́hutyā paśū́nt sr̥ṣṭvā́tʰa paśúm ā́labʰanta

Line : 3  Pada: e     yád agníṃ matʰitvā́gnaú * juhóti
      FN emended. Ed.: matʰitvā́gaú.

Pada: f     táyā vā́ etád ā́hutyā paśū́nt sr̥ṣṭvā́tʰa paśúm ā́labʰante \

Line : 4  Pada: g     átʰo paśávo vā́ etád ā́labdʰā yád devátāṃ janáyanti \

Pada: h     átʰo téja evā́smai janayanti \

Line : 5  Pada: i     agnér janítram asī́ti \

Pada: j     āyátanam iva vā́ etát kriyate

Pada: k     vŕ̥ṣaṇau stʰā íti

Line : 6  Pada: l     réta evaítád dadʰāti

Pada: m     ná hí tásya réto dʰīyáte yásyaitaú ná bʰávatas \

Line : 7  Pada: n     urváśy asī́ti

Pada: o     vā́g vā́ urváśī

Pada: p     purūrávā asī́ti

Pada: q     prāṇá evá tán mitʰunám

Line : 8  Pada: r     āyúr asī́ti sámanakti

Pada: s     tásminn evá mitʰuné réto dadʰāti

Pada: t     gāyatrám asi

Line : 9  Pada: u     triṣṭúb asi

Pada: v     jágad asī́ti

Pada: w     cʰándobʰir evaínaṃ prájanayati

Pada: x     sāvitrī́ṃ pratʰamā́m ánvāha

Line : 10  Pada: y     prásūtyai

Pada: z     savitŕ̥prasūtā hí prajā́ḥ prájāyante \

Pada: aa     átʰa dyāvāpr̥tʰivī́yām

Line : 11  Pada: ab     ápi hí dyā́vāpr̥tʰivyóḥ paśúṣu

Pada: ac     dyā́vāpr̥tʰivī́ hí paśávo 'nuprajā́yante

Line : 12  Pada: ad     gāyatrī́r ánvāha

Pada: ae     gāyatró hy àgnír gāyatráṃ cʰándas \

Pada: af     áparimitā ánvāha \

Line : 13  Pada: ag     áparimitā hy àgnés tanvàs \

Pada: ah     agnínā vā́ ánīkenéndro vr̥trám ahan \

Pada: ai     tásya samā́sr̥ptasya bʰītásya yátra vyā̀rdʰyata táto dʰūmnò * 'sr̥jyata
      FN Correcturen und Conjecturen zu dem ganzen Werk.

Line : 14  Pada: aj     tásmād dʰūmávatī * nā́nūcyā
      FN Correcturen und Conjecturen zu dem ganzen Werk.

Line : 15  Pada: ak     vyr̥̀ddʰā hí sā

Pada: al     rákṣasām ánanvavajayāya

Pada: am     paridʰáyaḥ páridʰīyante

Line : 16  Pada: an     yát samáyā * paridʰī́n praháret tád ánu rákṣām̐si yajñám ávajayeyus \
      FN Correcturen und Conjecturen zu dem ganzen Werk.

Pada: ao     ágreṇa paridʰáyaḥ prahŕ̥tyās \

Line : 17  Pada: ap     rákṣasām ánanvavajayāya

Pada: aq     krūrám iva vā́ etád yajñé kriyate yád agnā́ agníṃ júhvati

Page: 122  
Line : 1  Pada: ar     yád ā́ha

Pada: as     bʰávataṃ naḥ sámanasau sámokasau sácetasā arepásā íti

Line : 2  Pada: at     śamáyaty evá

Pada: au     śāntá evá práhriyate

Pada: av     yájamānasyā́him̐sāyai

Line : 3  Pada: aw     sruvéṇābʰíjuhoti

Pada: ax     saṃjagmānā́bʰyām evā́bʰyāṃ bʰāgadʰéyam ápidadʰāti

Pada: ay     yáḥ kūṭó vākarṇó vā kāṇó vā śuṣkó vā́vartata tásya yātáyāmā

Line : 4  Pada: az     sá yó 'pannadan málaṃ tát paśūnā́m

Line : 5  Pada: ba     āgneyáḥ paśúr agniṣṭomá ālábʰyas \

Pada: bb     āgneyó hy àgniṣṭomás \

Line : 6  Pada: bc     aindrāgnáḥ paśúr uktʰyà ālábʰyas \

Pada: bd     aindrāgnā́ni hy ùktʰyā́ni \

Pada: be     aindró vr̥ṣṇíḥ ṣoḍaśíny ālábʰyas \

Line : 7  Pada: bf     aindró vaí vr̥ṣṇís \

Pada: bg     aindráḥ ṣoḍaśī́

Pada: bh     sārasvatī meṣy àtirātrá ālábʰyā

Line : 8  Pada: bi     vā́g vaí sárasvatī

Pada: bj     vā́g anuṣṭub

Pada: bk     ā́nuṣṭubʰī rā́tris \

Pada: bl     yajñakratūnā́m evaíṣā́ vyā́vr̥ttis \

Line : 9  Pada: bm     yátʰā vaí matsyó 'vicito jánam avadʰūnutá evám̐ vā́ eté prajā́yamānā jánam ávadʰūnvate

Line : 10  Pada: bn     yás tvā etā́n evám̐ véda tám eténā́vabʰūnvate

Line : 11  Pada: bo     katʰám̐ sávanāni paśumánti vecʰéti pr̥cʰet \

Pada: bp     yád vapáyā prātaḥsavané cáranti

Line : 12  Pada: bq     téna prātaḥsavanáṃ paśumát \

Pada: br     yát puroḍā́śair mā́dʰyaṃdine sávane

Pada: bs     téna mā́dʰyaṃdinam̐ sávanaṃ paśumát \

Line : 13  Pada: bt     yád áṅgais tr̥tīyasavané

Pada: bu     téna tr̥tīyasavanaṃ paśumát

Pada: bv     kíyatā tát paśóś caranti yád vapáyā cáranti

Line : 14  Pada: bw     kíyatā tád yát puroḍā́śaiḥ

Pada: bx     kíyatā tád yád avadā́nais \

Line : 15  Pada: by     rūpéṇa tát paśóś caranti yád vapáyā cáranti \

Pada: bz     ātmánā tád yát puroḍā́śaiḥ

Pada: ca     śárīreṇa tád yád avadā́naiḥ

Line : 16  Pada: cb     kásmai paśúḥ pratyáṅ niyujyáte \

Pada: cc     údaṅ práṇīyate

Pada: cd     dakṣiṇatá úpasādyate

Line : 17  Pada: ce     prā́ṅ hūyáte \

Pada: cf     íti pr̥cʰet \

Pada: cg     yát pratyáṅ niyujyáte \

Pada: ch     imā́ṃ téna díśam abʰíjayati

Line : 18  Pada: ci     yád dakṣiṇatás \

Pada: cj     upasādyáta imā́ṃ téna

Pada: ck     yát prā́ṅ hūyáte \

Pada: cl     imā́ṃ téna

Pada: cm     yád údaṅ praṇīyáte

Line : 19  Pada: cn     manuṣyalokáṃ ténābʰíjayati

Pada: co     yád dakṣiṇatá upasādyáte

Pada: cp     pitr̥lokáṃ téna

Line : 20  Pada: cq     yát prā́ṅ hūyáte

Pada: cr     devalokáṃ téna

Pada: cs     yád ā́hutyā ūrdʰvó dʰū́ma udáyate

Pada: ct     svargáṃ téna lokám \

Page: 123  
Line : 1  Pada: cu     yád iḍopahūtáṃ pratyáṅ háranti \

Pada: cv     imáṃ téna lokám \

Pada: cw     sárvā vā́ imā́ díśaḥ paśuyājy àbʰíjayati sárvāṃl lokā́n \

Line : 2  Pada: cx     sárvā evā́syemā́ díśo 'bʰíjitā bʰávanti sárve lokā́ḥ //


Anuvaka: 6  
Line : 4  Pada: a     átʰaitā́ āpríyaḥ

Pada: b     prajā́patiḥ prajā́ḥ sr̥ṣṭvā́ riricānò 'manyata

Pada: c     sá etā́ āprī́r apaśyat

Line : 5  Pada: d     tā́bʰir ātmā́nam ā́prīṇīta

Pada: e     yajñó vaí prajā́patis \

Pada: f     yád etā́ āpríyo bʰávanti

Line : 6  Pada: g     yajñám evaítā́bʰir yájamānā ā́prīṇīte

Pada: h     vapáyā vaí paśór devā́ḥ prātaḥsavané svargáṃ lokám āyan

Line : 7  Pada: i     yád vapáyā prātaḥsavané cáranti

Line : 8  Pada: j     vapáyā vā́ etát paśór yájamānaḥ prātaḥsavané svargáṃ lokám eti

Pada: k     té vaí svaryánto 'stʰā́ni śárīrāṇy adʰūnvata

Line : 9  Pada: l     yád áṅgais tr̥tīyasavané cáranti \

Pada: m     asnā́m̐ śī́rīṇāṃ níṣkrītyai

Line : 10  Pada: n     paśúm̐ snapayanti

Pada: o     yád evā́syābʰinníṣaṇṇam̐ śámalam amedʰyáṃ táñ śúndʰanti

Line : 11  Pada: p     paśúm upākŕ̥tyāgníṃ mantʰanti

Pada: q     paśūnā́m ávaruddʰyai

Pada: r     dvaú vaí vajraú

Line : 12  Pada: s     gʰorò 'nyáḥ

Pada: t     śivò 'nyás \

Pada: u     yáḥ śuṣkáḥ sá gʰorás \

Pada: v     yá ārdráḥ sá śivás \

Line : 13  Pada: w     vájreṇa kʰálu vaí vīryàṃ kriyate

Pada: x     várjam̐ vā́ etád ā́datte

Pada: y     vīryā̀ya \

Pada: z     iṣé tvéti \

Line : 14  Pada: aa     iṣá evaínam

Pada: ab     upāvír asī́ti \

Pada: ac     úpa hy èṣó 'vati \

Pada: ad     úpo devā́n daívīr víśaḥ prā́gur íti \

Line : 15  Pada: ae     etā́ vaí daívīr víśo yát paśávas \

Pada: af     váhnaya uśíjā íti \

Pada: ag     eté vaí váhnaya uśíjo yád r̥tvíjaś ca dʰíṣṇyāś ca

Line : 16  Pada: ah     bŕ̥haspate dʰāráyā vásūnī́ti

Pada: ai     bráhma vaí bŕ̥haspátis \

Line : 17  Pada: aj     bráhmaṇaivaínām̐ yacʰati

Pada: ak     havyā́ te svadann íti

Pada: al     svaditám evaínam ā́labʰate

Pada: am     déva tvaṣṭar vásu raṇā íti

Line : 18  Pada: an     tváṣṭā hí rūpā́ṇi vikaróti

Pada: ao     revátīr ámedʰyam íti

Page: 124  
Line : 1  Pada: ap     paśávo vaí revátīs \

Pada: aq     yácʰaty evaínām \

Pada: ar     devásya tvā savitúḥ prasavá íti

Pada: as     savitŕ̥prasūta evaínām ā́datte \

Line : 2  Pada: at     aśvínor bāhúbʰyām íti \

Pada: au     aśvínau vaí devā́nām adʰvaryúḥ

Line : 3  Pada: av     pūṣṇó hástābʰyām íti

Pada: aw     devátābʰir evá

Pada: ax     dvaú vaí pā́śau

Pada: ay     gʰorò 'nyáḥ

Pada: az     śivò 'nyás \

Line : 4  Pada: ba     yó yajñíyaḥ sá gʰorás \

Pada: bb     yò 'yajñíyaḥ sá śivás \

Pada: bc     r̥tásya tvā devahaviḥ pā́śenéti

Line : 5  Pada: bd     yá evá yajñíyaḥ pā́śas ténainam ā́labʰate

Pada: be     prátimuñcāmī́ti \

Line : 6  Pada: bf     abʰí hí manuṣyā̀ dádʰati \

Pada: bg     amúṣmai tvā júṣṭam íti

Pada: bh     yásyā evá devátāyai paśúr ālabʰyáte tásyā enaṃ júṣṭam akar

Line : 7  Pada: bi     dʰárṣā mā́nuṣā íti

Pada: bj     manuṣyā̀ hí dʰāráyanti

Line : 8  Pada: bk     śúṣko vā́ eṣò 'medʰyás \

Pada: bl     yát paśúṃ niyunákti \

Pada: bm     ubʰā́ evaínau médʰyau karoti

Line : 9  Pada: bn     pratyáñcaṃ níyunakti

Pada: bo     pratyáñco hí paśávo médʰam upatíṣṭʰante

Pada: bp     prāṇéṣu vā́ etásya devátā úpastʰitās \

Line : 10  Pada: bq     yát paśúṃ niyunákti

Pada: br     pratī́cīr evā́smai devátā níyunakti \

Line : 11  Pada: bs     adbʰyás tvaúṣadʰībʰyā íti \

Pada: bt     adbʰyó hy èṣá

Pada: bu     óṣadʰībʰyo júṣṭaṃ prókṣāmī́ti

Line : 12  Pada: bv     yásyā evá devátāyai paśúr ālabʰyáte tásyā enaṃ júṣṭam akar

Pada: bw     ánu tvā mātā́ manyatām ánu pitéti \

Line : 13  Pada: bx     ánumata evaínaṃ mātrā́ pitrā́ bʰrā́trā sákʰyā́labʰate \

Line : 14  Pada: by     ánumānā́vaha devā́n devāyaté yájamānāyéti

Pada: bz     devátābʰya evaínaṃ nírdiśati \

Line : 15  Pada: ca     apā́ṃ perúr asī́ti \

Pada: cb     apā́m̐ hy èṣá perúḥ

Pada: cc     svāttám̐ sád dʰavír ā́po devī́ḥ svadantv íti

Line : 16  Pada: cd     svaditám evaínam ā́labʰate \

Pada: ce     átʰa yád úpa gr̥hṇā́ty úpa ca siñcáti

Line : 17  Pada: cf     sarváta evaínaṃ médʰena sámardʰayati

Pada: cg     sáṃ te vāyúr vā́tena gácʰatām íti

Pada: ch     vā́tam evā́sya prāṇám anvávārcʰati

Line : 18  Pada: ci     sám̐ yajátrair áṅgānī́ti

Pada: cj     yajñíyam evaínam akaḥ

Pada: ck     sám̐ yajñápatir āśíṣéti

Page: 125  
Line : 1  Pada: cl     yájamānam evá yajñásyāśíṣā sámardʰayati

Pada: cm     śíro vā́ āgʰārás \

Line : 2  Pada: cn     ātmā́ havís \

Pada: co     yád āgʰārám āgʰā́ryaṃ paśúnā samanákti \

Pada: cp     ātmán vā́ etáñ śíro yajñásya prátidadʰāti

Line : 3  Pada: cq     vájro vaí svárus \

Pada: cr     vájraḥ svádʰitis \

Pada: cs     yát svádʰitinānákti

Line : 4  Pada: ct     vájreṇaivaínam̐ str̥ṇute

Pada: cu     yā́ktā́ táyā śr̥tásyā́vadyati

Pada: cv     havírbʰūtā vā́ eṣā́

Line : 5  Pada: cw     havíṣaivá haviṣó 'vadyati //


Anuvaka: 7  
Line : 6  Pada: a     agnínā vaí múkʰena devā́ imā́ṃl lokā́n abʰyàjayan

Pada: b     yát páryagniṃ karóti \

Pada: c     agnínā vā́ etán múkʰena yájamāna imā́ṃl lokā́n abʰíjayati

Line : 7  Pada: d     rákṣām̐si vā́ etáṃ jígʰām̐santi

Line : 8  Pada: e     yát páryagniṃ karóti

Pada: f     rákṣasām apahatyai

Pada: g     tríḥ páryagniṃ karóti

Line : 9  Pada: h     tráyo vā́ imé lokā́s \

Pada: i     ebʰyó vā́ etál lokébʰyo yajñā́d rákṣām̐sy ápahanti

Line : 10  Pada: j     cā́tvālam ápi páryeti \

Pada: k     eṣā́ vā́ agnīnā́m̐ yóniḥ

Pada: l     skándati vā́ etád dʰavír yád viścótati yád vilipyáte \

Line : 11  Pada: m     agnír vaí sárvā devátās \

Pada: n     átra vaí sā́pi devátā yásyā ālabʰyáte

Line : 12  Pada: o     yát páryagniṃ karóti

Pada: p     tā́m evaínad gamayati

Pada: q     kíyad vāhaitát paśóḥ

Line : 13  Pada: r     kíyad vā yát prayājā́s \

Pada: s     etárhi kʰálu vaí sárvo yárhy ā́prītas

Pada: t     tásmād āśrā́vyopapréṣyati *
      FN Correcturen und Conjecturen zu dem ganzen Werk.

Line : 14  Pada: u     devátābʰyo vaí pū́rvam ā́śuśravat \

Pada: v     átʰa vā́ átra paśór ā́śrāvayati

Line : 15  Pada: w     tásmād āśrā́vyopapréṣyati * \
      FN Correcturen und Conjecturen zu dem ganzen Werk.

Pada: x     ubʰáye vā́ etáṃ badʰyámānam ánubadʰyante yé grāmyā́ḥ paśávo ye cāraṇyā́s \

Line : 16  Pada: y     yé badʰyámānam ánu badʰyámānā anvaíkṣanta mánaséti yáj juhóti

Page: 126  
Line : 1  Pada: z     téṣām̐ vā́ eṣónmokṣā́

Pada: aa     yán ná juhuyā́d ánunmuktāḥ syus \

Pada: ab     urv àntárikṣam̐ vī̀hī́ti \

Line : 2  Pada: ac     antarikṣadevatyò vā́ eṣá etárhi

Pada: ad     rákṣām̐si vā́ etáṃ jigʰām̐santi prácyutam itó 'prāptam amútra \

Line : 3  Pada: ae     agníṃ purástād dʰáranti

Pada: af     rákṣasāṃ párāṇuttyai rákṣasām ápahatyai \

Line : 4  Pada: ag     átʰo havyā́ya vā́ etát praṇīyámānāya devátāḥ purástād dʰaranti \

Line : 5  Pada: ah     agníṃ purástān nídadʰāti \

Pada: ai     áskannatvāya

Pada: aj     paśór vaí mā́raṇāyānīyámānasyāhavanī́yaṃ médʰyo 'bʰyúpakrāmati

Line : 6  Pada: ak     yó vaí tárhi paśúm anvārábʰate tám̐ yajñásyāśī́r gacʰati

Line : 7  Pada: al     yád ā́ha

Pada: am     révati predʰā́ yajñápatim ā́viśéti

Pada: an     yátra vā etát kváca yájamānam̐ sántam̐ yajñásyāśī́r gacʰati

Line : 8  Pada: ao     vapāśrápaṇībʰyām anvā́rabʰate

Line : 9  Pada: ap     tát svid ubʰáyam akar

Pada: aq     úro antarikṣa sajū́r devéna vā́tenéti \

Pada: ar     antárikṣam̐ vaí paśávas \

Line : 10  Pada: as     vā́taḥ prāṇáḥ

Pada: at     prāṇā́n asmin dadʰāti

Pada: au     tmánāsyá havíṣo yajéti

Line : 11  Pada: av     devátā evá prīṇāti

Pada: aw     sám asya tanvā̀ bʰavéti

Pada: ax     púnar evaínam̐ sáṃbʰāvayati

Line : 12  Pada: ay     várṣīyo várṣīyasā íti

Pada: az     téna yájamāno vásīyān bʰavati

Pada: ba     yád yajñáṃ paśúm āhúr yát tám abʰimányante kvà tárhi yajñó bʰávatī́ti

Line : 13  Pada: bb     yád ā́ha

Pada: bc     yajñám̐ yajñápatau dʰā íti

Line : 14  Pada: bd     yajñápatau vā́ etád yajñáṃ pratiṣṭʰā́pyā́tʰa paśúm ā́labʰante

Pada: be     skándati vā́ etád dʰavír yád viścótati yád vilipyáte

Line : 15  Pada: bf     yát tŕ̥ṇam upā́syati \

Pada: bg     áskannatvāya

Pada: bh     pratyáñcam̐ sáṃjñapayanti

Line : 16  Pada: bi     pratyáñco hí paśávo médʰam upatíṣṭʰante \

Pada: bj     udīcī́napādam \

Pada: bk     vyā́vr̥ttyai //


Anuvaka: 8  
Line : 18  Pada: a     r̥tvíjo vr̥ṇīte

Pada: b     cʰándām̐si vā́ r̥tvíjas \

Pada: c     cʰándām̐si vā́ etád vr̥ṇīte


Page: 127  
Line : 1  Pada: d     yád dʰótāram̐ vr̥ṇīté jágatīṃ tád vr̥ṇīte

Pada: e     yád adʰvaryúṃ páṅktiṃ tát \

Pada: f     yád agnī́dʰam áticʰandasaṃ tát \

Line : 2  Pada: g     yán maitrāvaruṇáṃ gāyatrī́ṃ tát \

Pada: h     yád brāhmaṇāñśam̐sínaṃ triṣṭúbʰaṃ tát \

Line : 3  Pada: i     yát pótāram uṣṇíhaṃ tát \

Pada: j     yán néṣṭāraṃ kakúbʰaṃ tát \

Pada: k     yád ā́ha //

Pada: l     agnír daivīnām̐ viśā́ṃ puraetā́ // íti

Line : 4  Pada: m     yájamānam̐ vā́ etád vr̥ṇīte

Pada: n     sá vr̥tó vaṣaṭkaróti

Line : 5  Pada: o     nā́cʰāvākám̐ vr̥ṇīte

Pada: p     paścājéva vā́ eṣā́

Pada: q     hótrāḥ svargyā̀s \

Pada: r     yád acʰāvākyā̀ dvidevatyā̀ḥ śam̐sati

Line : 6  Pada: s     dvipā́d yájamānaḥ

Pada: t     prátiṣṭʰityai \

Pada: u     átʰa yád agnī́dʰaṃ madʰyató vr̥ṇīté

Line : 7  Pada: v     tásmād ayám agnír madʰyatá óṣadʰīnām \

Pada: w     yád uttamáḥ sam̐yájatām̐ sam̐yájati

Line : 8  Pada: x     tásmād upáriṣṭān matʰyámānaḥ prájāyate \

Pada: y     etád vā́ asya cʰándām̐si vr̥tā́ni yuktā́ny abʰūvan

Line : 9  Pada: z     yád ávr̥tā vaṣaṭkuryúr bʰrā́tr̥vyam̐ yajñásyāśī́r gacʰet \

Line : 10  Pada: aa     átʰa yád vr̥tā́ vaṣaṭkurvánti \

Pada: ab     ékadʰā vā́ etád yájamāne yajñásyāśī́ḥ prátitiṣṭʰati

Line : 11  Pada: ac     tásmād ékaḥ paśór váṣaṭkaroti \

Pada: ad     ékam̐ hí vr̥ṇuté

Pada: ae     dáśa vaí paśór devátās \

Line : 12  Pada: af     dáśāsmin prāṇā́s \

Pada: ag     yád dáśa prayājā́s \

Pada: ah     yā́ evā́smin devátās tā́ etád yajati \

Line : 13  Pada: ai     átʰa yá eṣá ekādaśás \

Pada: aj     yásyā evá devátāyai paśúr ālabʰyáte tā́m evaítád yajati \

Line : 14  Pada: ak     átʰa yád ékādaśānuyājā́s \

Pada: al     yā́ evaítád devátā áyākṣīt tā́ etaír ánuprīṇāti

Line : 15  Pada: am     ható vā́ eṣá mr̥tò 'mútra bʰūtás \

Pada: an     dáśa vaí paśór devátās \

Pada: ao     dáśāsmin prāṇā́ḥ

Line : 16  Pada: ap     prāṇā́ḥ kʰálu vaí paśór devátās \

Pada: aq     yád dáśa prayājā́ḥ

Pada: ar     prāṇā́n evā́sya práyajati \

Line : 17  Pada: as     ātmā́ vaí prāṇā́nām ekādaśás \

Pada: at     ātmā́ vapā́ paśós \

Pada: au     yád eṣá ekādaśáḥ pariśáye \

Page: 128  
Line : 1  Pada: av     ātmā́ vā́ etád ātmā́naṃ páriśaye \

Pada: aw     átʰa yád ékādaśānuyājā́ḥ

Pada: ax     prāṇā́n asmin dadʰāti //

Line : 3  Pada: ay     iti tr̥tīyakāḍṇe navamaḥ prapāṭʰakaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.