TITUS
Black Yajur-Veda: Maitrayani-Samhita
Part No. 32
Previous part

Prapathaka: 8  
Anuvaka: 1  
Page: 92  
Line : 1  Pada: a     ásurāṇām̐ vā́ eṣú lokéṣu púra āsan \

Pada: b     ayasmáyy asmíṃl loké

Pada: c     rájatāntárikṣe

Line : 2  Pada: d     híriṇī diví

Pada: e     té devā́ḥ sam̐stambʰám̐sam̐stambʰaṃ párājayanta \

Pada: f     anāyatanā́ hy ā́san \

Line : 3  Pada: g     tá etā́ḥ pratipúro 'manvita

Pada: h     havirdʰā́naṃ diví \

Pada: i     ā́gnīdʰram antárikṣe

Line : 4  Pada: j     sádaḥ pr̥tʰivyā́m \

Pada: k     té 'bruvan \

Pada: l     úpasīdāma \

Pada: m     upasádā vaí mahāpuráṃ jayantī́ti

Line : 5  Pada: n     tá úpāsīdan \

Pada: o     tád upasádām upasattvám \

Pada: p     tā́n ebʰyó lokébʰyaḥ prā́ṇudanta

Line : 6  Pada: q     tá ebʰyó lokébʰyaḥ práṇuttā áhar aśrayanta

Pada: r     yát prātár upasádam upā́yann áhna enām̐s téna prā́ṇudanta

Line : 7  Pada: s     té 'hnaḥ práṇuttā rā́trīm aśrayanta

Pada: t     yát sāyám upasádam upā́yan rā́tryā enām̐s téna prā́ṇudanta

Line : 8  Pada: u     táto devā́ ábʰavan párā́surās

Pada: v     tád yá evám̐ vidvā́n upasádam upaíty ahorātrā́bʰyām evá bʰrā́tr̥vyam ebʰyó lokébʰyaḥ práṇudate

Line : 10  Pada: w     bʰávaty ātmánā

Pada: x     párāsya bʰrā́tr̥vyo bʰavati \

Pada: y     átʰa vaí tárhi néṣur āsīt

Pada: z     té devā́ etā́m íṣum̐ sámaskurvan \

Line : 11  Pada: aa     agním̐ śŕ̥ṅgam \

Pada: ab     sómam̐ śalyám \

Pada: ac     víṣṇuṃ kulmalam \

Pada: ad     tè 'bruvan

Line : 12  Pada: ae     ká imā́m íṣum ávasrakṣyatī́ti

Pada: af     té devā́ abruvan \

Pada: ag     ayám evá rudrá íti

Line : 13  Pada: ah     sò 'bravīt \

Pada: ai     bʰāgó me 'stv íti

Pada: aj     vr̥ṇīṣvéty avadan \

Pada: ak     sò 'bravīt \

Pada: al     naívám ékaś canéṣum astā́m mīmām̐sātā íti

Line : 14  Pada: am     tásmād etásyéṣur astā́ ná mīmām̐sitavyā̀ //

Line : 15  Pada: an     satyám̐ham // íty evá brūyāt

Pada: ao     tā́m̐ vaí rudró vyàsr̥jat \

Pada: ap     eṣá hí devā́nāṃ krūrátamas

Line : 16  Pada: aq     táyemā́ḥ púro 'bʰinat \

Pada: ar     agnínā vaí sá tā́s téjasābʰinat

Pada: as     tásmād agníḥ pratʰamá ijyate

Line : 17  Pada: at     yád anyā́ṃ devátāṃ pū́rvām̐ yájed ávīryavatīḥ syus \

Pada: au     aṣṭaú kŕ̥tvo juhvā́ṃ gr̥hṇā́ti catúr upabʰŕ̥ti

Line : 18  Pada: av     pūrvārdʰó hī́ṣoḥ samā́hitatamaḥ

Pada: aw     sakŕ̥t párāṅ átikrāmati

Page: 93  
Line : 1  Pada: ax     sakŕ̥d dʰy èvéṣuḥ párācy ápatat \

Pada: ay     atikrámyāśrāvayati

Pada: az     yajñásyābʰíjityai

Line : 2  Pada: ba     yád ánatikramyāśrāváyed ánabʰijito 'sya yajñáḥ syāt

Pada: bb     sruvéṇopasádo juhoti

Line : 3  Pada: bc     purā́m̐ vā́ eṣá jitā́nām anvārohás \

Pada: bd     ékām ekāháṃ juhóty ékām ekāhám

Line : 4  Pada: be     ékām̐ hí tá ekāhám ájayann ékām ekāhám \

Pada: bf     tisrá upasádo juhoti

Line : 5  Pada: bg     tráyo vā́ imé lokā́s \

Pada: bh     eṣā́ṃ lokā́nām abʰíjityai \

Pada: bi     agnínā vaí múkʰena devā́ imā́ṃl lokā́n anvávāyann upasádbʰir ásurān parāṇúdya \

Line : 6  Pada: bj     agnínā vā́ etán múkʰena yájamāna imā́ṃl lokā́n anvávaity upasádbʰir bʰrā́tr̥vyaṃ parāṇúdya

Line : 7  Pada: bk     yā́ḥ sāyám anuvākyā̀s tā́ḥ prātár yājyā̀ḥ syus \

Line : 8  Pada: bl     yā́ḥ prātár anuvākyā̀s tā́ḥ sāyám̐ yājyā̀ḥ syus

Line : 9  Pada: bm     tátʰobʰáyīr vīryàvatīr bʰavanti //


Anuvaka: 2  
Line : 10  Pada: a     áyaḥ pratʰamā́yām avadʰā́ya juhoti

Pada: b     rajatáṃ madʰyamā́yām \

Pada: c     háritam uttamā́yām

Line : 11  Pada: d     etád vaí bŕ̥haspátir devébʰyaḥ pūrjáyanam akarot \

Pada: e     yátra púram̐ yúdʰyeyus tád etābʰir juhuyāt

Line : 12  Pada: f     sarā́ vā́ eṣā́ yajñásya

Pada: g     tásmād yát kíṃca prācī́nam agnīṣomī́yāt tád upām̐śú caranti \

Line : 13  Pada: h     átʰa vā́ etád agnīṣomī́yaṃ práti vā́cam̐ vísr̥jante

Pada: i     yajñám evā́ptvā́ vā́cam̐ vísr̥jante

Line : 14  Pada: j     gʰr̥tám̐ vaí devā́ vájraṃ kr̥tvā́ sómam agʰnan \

Pada: k     srúcau bāhū́

Line : 15  Pada: l     tásmāt srúcau saumī́m ā́hutiṃ nā́śāte

Pada: m     ávadʰiṣur vā́ etát sómam̐ yád asya srúcau cā́jyaṃ cāntikám ábʰārṣus \

Line : 16  Pada: n     yád ā́ha \

Pada: o     am̐śuram̐śuṣ ṭe deva somā́pyāyatām íti

Line : 17  Pada: p     yád evā́sya gʰnántaḥ krūrám ákram̐s tád ákrūram akas

Pada: q     tád ā́pyāyayati

Pada: r     sárva r̥tvíjā ā́pyāyayanti

Line : 18  Pada: s     sárve hí tāntáṃ bʰiṣajyánti

Pada: t     yánti vā́ etè 'smā́l lokā́d yé sómam āpyāyáyitum udástʰuḥ

Page: 94  
Line : 1  Pada: u     párāñco hí yánti \

Pada: v     īśvarā́ḥ prámetos \

Line : 2  Pada: w     yád ā́ha * \
      FN ā́héṣṭā with following éṣṭā.

Pada: x     éṣṭā rā́yā éṣṭā vāmā́ni préṣé bʰágāyéti

Pada: y     ténāsmā́l lokā́n naíti

Line : 3  Pada: z     ténāsmíṃl loké dʰr̥tā́s \

Pada: aa     anáyor vā́ eṣá gárbʰas \

Pada: ab     ābʰyā́m eṣá ā́vr̥ścate yáḥ sómam̐ hánti

Line : 4  Pada: ac     yád ā́ha

Pada: ad     námo divé námaḥ pr̥tʰivyā́ íti \

Pada: ae     ābʰyā́m evá námo 'kar

Line : 5  Pada: af     ātitʰyám̐ vā́ upasádāṃ prayājā́s

Pada: ag     tā́nūnaptrám āśī́s

Pada: ah     tásmān ná hótāram̐ vr̥ṇīté nā́rṣeyám //

Line : 6  Pada: ai     sī́da hotaḥ // íty evā́ha

Pada: aj     cáturvratas tisrás \

Pada: ak     catvā́ri hī́ṣoḥ parṇā́ni

Line : 7  Pada: al     trívratas tisrás

Pada: am     tríṣandʰir hī́ṣuḥ śŕ̥ṅgam̐ śalyáḥ kúlmalam \

Line : 8  Pada: an     dvívratas tisrás \

Pada: ao     dvíṣandʰir hī́ṣuḥ śalyáś ca kúlmalaṃ ca \

Pada: ap     ékavratas tisrás \

Pada: aq     ékā hy èvéṣus \

Line : 9  Pada: ar     eṣā́ vaí paróvarīyasī dīkṣā́ kánīyo vratám upaíti

Pada: as     jyā́yām̐saṃ lokám abʰíjayati \

Line : 10  Pada: at     ékavratas tisrás \

Pada: au     dvívratas tisrás

Pada: av     trívratas tisrás \

Pada: aw     cáturvratas tisrás \

Line : 11  Pada: ax     eṣā́ vā́ utkrā́mantī svargákāmasya \

Pada: ay     uttarámuttaram̐ śváḥśvaḥ śréyān bʰavati yá evám̐ véda

Line : 12  Pada: az     yád dvā́daśāgniṣṭomásyopasádaḥ syúr áśāntā nídaheyus \

Pada: ba     yát tisrò 'hínasya yátʰā gárīyān bʰārá uṣṇíhāṃ niśr̥ṇā́ty * eváṃ tát
      FN Correcturen und Conjecturen zu dem ganzen Werk.

Line : 13  Pada: bb     tát tisrá evā́gniṣṭomásyopasádaḥ kāryā̀ dvā́daśāhínasya

Line : 14  Pada: bc     savīryatvā́ya //


Anuvaka: 3  
Line : 15  Pada: a     abʰyardʰó vaí devébʰyo yajñá āsīt

Pada: b     té nā́vidus \

Pada: c     ihá vā sá ihá véti \

Pada: d     ásti yajñás \

Line : 16  Pada: e     íti tv àvidus

Pada: f     téna vaí sám̐sr̥ṣṭim aicʰan \

Pada: g     táṃ praíṣam aicʰan

Pada: h     tán nā́vindan \

Pada: i     tám̐ váyām̐sy upáryupari nā́tyayatan \


Page: 95  
Line : 1  Pada: j     tám índra upáryupary átyakrāmat

Pada: k     tám acāyat

Pada: l     só 'vet \

Line : 2  Pada: m     áciked vaí méti

Pada: n     sò 'bravīt

Pada: o     kò 'sā́ íti \

Pada: p     aháṃ durgé hántéti \

Pada: q     átʰa kás tvám asī́ti \

Line : 3  Pada: r     aháṃ durgā́d āhartéti

Pada: s     sò 'bravīt \

Pada: t     durgé vaí hántāvocatʰās \

Pada: u     ayám̐ varāhá āmukʰá ékavim̐śatyāḥ purā́ṃ pārè 'śmamáyīnām \

Line : 4  Pada: v     tásminn ásurāṇām̐ vásu vāmám antás

Line : 5  Pada: w     táṃ jahī́ti

Pada: x     tásyéndro druṃbʰūlyā́bʰyāyátya purástād bʰittvā́ hŕ̥dayaṃ prā́vr̥ścat \

Line : 6  Pada: y     etád vā́ eṣā́bʰyánūktā //

Line : 7  Pada: z     átividdʰā vitʰuréṇā cid ástās triḥsaptá sā́nu sám̐hitā girīṇā́m /

Line : 9  Pada: aa     ná tád devó ná mártyas tuturyād yā́ni právr̥ddʰo vr̥ṣabʰáś cakā́ra // íti

Line : 10  Pada: ab     sò 'bravīt \

Pada: ac     durgā́d vā́ āhartā́vocatʰās \

Pada: ad     etám āharéti

Pada: ae     tám̐ vaí víṣṇur ā́harat \

Line : 11  Pada: af     yajñó vaí víṣṇus \

Pada: ag     yajñó vaí tád yajñám ásurebʰyó 'dʰy ā́harat \

Pada: ah     yajñéna vaí tád yajñáṃ devā́ ásurāṇām avindanta \

Line : 12  Pada: ai     etád vā́ eṣā́bʰyánūktā //

Line : 13  Pada: aj     víśvét tā́ víṣṇur ā́bʰarad urukramás tvéṣitaḥ /

Line : 14  Pada: ak     śatáṃ mahiṣā́n kṣīrapākám odanám̐ varāhám índra emuṣám // íti

Line : 15  Pada: al     tád vaí devā́ yajñám avindan

Pada: am     yád vaí tád yajñám ávindam̐s tád devāyájanasya devayajanatvám \

Line : 16  Pada: an     yád devayájanam icʰánti yajñám icʰanti

Pada: ao     yád vindánti yajñám̐ vindanti

Line : 17  Pada: ap     yád vā́vá yájamāno joṣáyate tád devayájanam \

Pada: aq     yajñám̐ vā́vaítád yájamāno joṣayate \


Page: 96  
Line : 1  Pada: ar     asurāṇām̐ vā́ iyám ágra āsīt \

Pada: as     yā́van niṣádya parā́paśyam̐s tád devā́nām \

Pada: at     té devā́ḥ salāvr̥kī́m abruvan

Line : 2  Pada: au     yā́vad iyáṃ tríḥ samantáṃ paryéti tád asmā́kam íti

Line : 3  Pada: av     sā́ vā́ imā́ṃ tríḥ samantáṃ páryait tád vaí devā́ imā́m avindanta

Pada: aw     tád védyā veditvám \

Line : 4  Pada: ax     víṣṇum̐ vaí devā́ ā́nayan vāmanáṃ kr̥tvā́

Pada: ay     yā́vad ayáṃ trír vikrámate tád asmā́kam íti

Line : 5  Pada: az     sá vā́ idám evā́gre vyàkramata \

Pada: ba     átʰedám átʰādás

Pada: bb     tád vaí devā́ ihá mā́m avindanta

Line : 6  Pada: bc     tád védyā veditvám \

Pada: bd     sárvā vā́ iyáṃ pr̥tʰivī́ védis \

Pada: be     iyáṃ mékʰalam íti tv èvā́syā yájamānaḥ párigr̥hṇīte

Line : 7  Pada: bf     yā́vadyāvad vaí yájamāno védyāḥ kurute tā́vatāttāvattāt pr̥tʰivyā́ jayati

Line : 8  Pada: bg     tásmān mahatī́ kāryā̀ jyā́yasījyāyasī

Line : 9  Pada: bh     devā́ś ca vā́ ásurāś cāspardʰanta

Pada: bi     tád yát kíṃcā́surāṇām̐ svám ā́sīt tád devā́ védyāvindanta

Line : 10  Pada: bj     tád védyā veditvám \

Pada: bk     téṣām̐ yát priyám̐ vásv ā́sīt ténā́pādʰāvann anéna cin mucyāmahā íti

Line : 11  Pada: bl     tád devā́ uttaravedyā́vindanta

Line : 12  Pada: bm     tád úttaram̐ vaí śréyo 'vidāmahī́ti *
      FN Corrigenda. Ed.: vidāmahī́ti.

Pada: bn     tád uttaravedyā́ uttaraveditvám \

Pada: bo     tád yá evám̐ vidvā́n védiṃ cottaravedíṃ ca kurutè 'bʰipūrvám evá sapátnasya bʰrā́tr̥vyasya vásu védo vr̥ñjāná eti //


Anuvaka: 4  
Line : 15  Pada: a     ṣáṭtrim̐śat prakramā́ḥ prā́cī

Pada: b     cáturvim̐śatir agreṇa

Pada: c     trim̐śaj jagʰánena

Pada: d     tátʰā virā́jā sáṃmitā \

Line : 16  Pada: e     átʰo cʰándām̐si vaí virā́ṭ

Pada: f     cʰándām̐si vā́vā́syaitád yajñamukʰé yunakti \

Line : 17  Pada: g     etád vā́ eṣā́bʰyánuktā //

Page: 97  
Line : 1  Pada: h     indrāṇī́ patyā sújitaṃ jigāyódám̐śena pativídye bibʰeda /

Line : 2  Pada: i     trim̐śád yásyā jagʰánam̐ yójanāny upástʰā índram̐ stʰáviraṃ bibʰarti // íti

Line : 3  Pada: j     yád vā́vá prācī́napravaṇaṃ tád devayájanam \

Pada: k     prā́ñcam̐ hí tám̐ śáyānam ávidan \

Line : 4  Pada: l     átʰa yát prācī́napravaṇam udīcī́nāpanataṃ tád yajeta yáḥ kāmáyetobʰáyor lokáyor r̥dʰnuyām íti \

Line : 5  Pada: m     ubʰáyor vā́ etál lokáyos \

Pada: n     ubʰáyor evá lokáyor r̥dʰnoti \

Pada: o     átʰa yásya devayájanasyottarā́d anyád devayájanaṃ tád yajeta yáḥ kāmáyetābʰí móttaro yajñó named íti \

Line : 7  Pada: p     etád vā́ uttarā́van nā́ma devayájanam

Pada: q     abʰy ènam úttaro yajñó namati \

Pada: r     átʰa yásya devayájanasya madʰyató bahulā́ óṣadʰayas tát paśúkāmo yajeta

Line : 8  Pada: s     paśávo vā́ óṣadʰayaḥ

Line : 9  Pada: t     paśumā́n bʰavati

Pada: u     yát samáṃ prátiṣṭʰitaṃ tád gatáśrīr yajeta

Line : 10  Pada: v     prátiṣṭʰitam̐ vā́ etát

Pada: w     prátiṣṭʰita eṣá yó gatáśrīs

Pada: x     tád evaínaṃ prátiṣṭʰāpayati

Line : 11  Pada: y     pāpó hí sá

Pada: z     tátaḥ pracyávamānas \

Pada: aa     átʰa yásya devayájanasyā́paḥ purástāt tád yajeta yáḥ kāmáyetābʰí móttaro yajñó named íti \

Line : 12  Pada: ab     etád vaí puróhavir nā́ma devayájanam

Line : 13  Pada: ac     abʰy ènam úttaro yajñó namati \

Pada: ad     átʰa yásya devayájanasya pántʰāḥ purástād íriṇam̐ vā kartó vā bʰrā́tr̥vyavān yajeta \

Line : 14  Pada: ae     etád vā́ āptáṃ devayájanam̐ sádevam \

Line : 15  Pada: af     yád dʰí devayájanād devayájanam uñśim̐ṣéd bʰrā́tr̥vyāya lokám úñśim̐ṣet \

Pada: ag     átʰa yásya devayájanasyāhavanī́yād anyā́ḥ prā́cīr ā́po dʰā́vanti gā́rhapatyād anyā́ḥ pratī́cīs tád yajeta yáṃ tálpe vā pā́tre vā mī́mām̐seran \

Line : 17  Pada: ah     ánuṣakto hí vā́ eṣá pāpmánā \

Line : 18  Pada: ai     átʰaitán mī́mām̐sante \

Pada: aj     etád vaí vyā́vr̥ttaṃ pāpmánā

Pada: ak     pāpmánaivaínam̐ vyā́vartayanti

Line : 19  Pada: al     yád vaí yajñáḥ saṃtíṣṭʰate prācī́nam asya sámr̥ddʰam éti pratīcī́nam̐ vyr̥̀ddʰam \

Page: 98  
Line : 1  Pada: am     paśávo vaí yajñásya sámr̥ddʰam

Pada: an     ā́paḥ kʰálu vaí paśávas \

Pada: ao     yát pratyáṅṅ avabʰr̥tʰám abʰyaveyā́d yajñásya vyr̥̀dʰyena vyr̥̀dʰyeta \

Line : 2  Pada: ap     átʰa yát prā́ṅ avabʰr̥tʰám abʰyavaíti

Pada: aq     yajñásya vā́ etát sámr̥dʰyena sámr̥dʰyate

Line : 3  Pada: ar     yát tryùnnataṃ tád bʰrā́tr̥vyavān yajeta

Pada: as     yásyāhavanī́yaṃ ca havirdʰā́naṃ cāntarónnatam \

Line : 4  Pada: at     yásya havirdʰā́naṃ ca sádaś cāntarónnatam \

Pada: au     yásya sádaś ca gā́rhapatyaṃ cāntarónnatam

Line : 5  Pada: av     áto vaí víṣṇur imā́ṃl lokā́n údajayat \

Pada: aw     víṣṇor evójjitam ánv imā́ṃl lokā́n újjayati

Line : 6  Pada: ax     praíbʰyó * lokébʰyo bʰrā́tr̥vyaṃ nudate \
      FN emended. Ed.: praíbʰyaú.

Pada: ay     átʰa yásya devayájanasya dakṣiṇatá únnataṃ tád bʰrā́tr̥vyavān yajeta \

Line : 7  Pada: az     etā́m̐ vaí díśaṃ devā́ ásurān praṇúdya svargáṃ lokám āyan \

Line : 8  Pada: ba     átʰaibʰyo 'múm ādityáṃ paridʰíṃ páryadadʰur ápunarābʰāvāya \

Line : 9  Pada: bb     etā́m̐ vā́ etád díśam̐ yájamāno bʰrā́tr̥vyaṃ praṇúdya svargáṃ lokám eti \

Line : 10  Pada: bc     átʰāsmā amúm ādityáṃ paridʰíṃ páridadʰāty ápunarābʰāvāya

Pada: bd     stʰále yajeta yáḥ kāmáyetobʰáyeṣāṃ devamanuṣyā́ṇāṃ prakāśáṃ gacʰeyam íti

Line : 11  Pada: be     prakāśó vaí nā́maitád devayájanam

Line : 12  Pada: bf     ubʰáyeṣāṃ devamanuṣyā́ṇāṃ prakāśáṃ gacʰati \

Pada: bg     abʰiśasyámānam̐ yājayet

Line : 13  Pada: bh     parókṣaṃ gúhā váne parókṣaṃ pr̥ṣṭʰā́ny ápeyuḥ

Pada: bi     parókṣam̐ vā́ eṣá yám abʰiśám̐santi

Line : 14  Pada: bj     parókṣam evā́smād gúhā pāpī́yām̐ vā́caṃ karoti \

Pada: bk     átʰa yásya hótā prātaranuvākám anubruvánn agním apáḥ sū́ryaṃ tā́ni páśyet tád brahmavarcasákāmo yajeta

Line : 16  Pada: bl     brahmavarcasám̐ vā́ agnís \

Pada: bm     brahmavarcasám ā́pas \

Pada: bn     brahmavarcasám asmā́ ādityó brahmavarcasám evá sáṃdadʰāti

Line : 17  Pada: bo     brahmavarcasī́ bʰavati \

Pada: bp     átʰa yásya devayájanasyānyā́anyā madʰyató bahulā́ óṣadʰayas \

Line : 18  Pada: bq     áto vā́ áṅgirasaḥ paśū́n asr̥janta

Line : 19  Pada: br     tát paśúkāmo yajeta \

Pada: bs     átʰa yásya devayájanasya madʰyatá únnatam

Line : 20  Pada: bt     áto vā́ áṅgirasaḥ svargáṃ lokám āyan \

Pada: bu     tát svargákāmo yajeta

Pada: bv     nirvaskè 'bʰicáran yajeta

Page: 99  
Line : 1  Pada: bw     yátʰaivaítáṃ nirṇáyaty eváṃ táṃ nírṇayati yám abʰicárati

Pada: bx     yát kāryàm iva syā́t tád yajeta

Line : 2  Pada: by     yáḥ kāryà iva syā́t \

Pada: bz     ātmā́ vaí devayájanam \

Pada: ca     karóty evaínam \

Pada: cb     yé yúvāna ārṣeyā́ r̥tvíjo váhnayas tád devayájanam \

Line : 3  Pada: cc     tásmād āhus \

Pada: cd     yúvaivā́rtvijīnā íti \

Pada: ce     agnír vā́vá devayájanam \

Line : 4  Pada: cf     tád yá evám̐ vidvā́n yátraivá kvàcāgním ādʰā́ya yájate devayájana evá yajate //


Anuvaka: 5  
Line : 6  Pada: a     yád vā́ asyā́ yajñíyaṃ médʰyam̐ yát sádevaṃ tád utkrámyātiṣṭʰad antarā́ devāsurā́nt sám̐yatānt sim̐hī́rūpam iva bʰūtvā́

Line : 7  Pada: b     tè 'vidus \

Pada: c     yatarā́n vā́ iyám upāvartsyáti tá idáṃ bʰaviṣyantī́ti

Line : 8  Pada: d     tásyām̐ vā́ ubʰáya aicʰanta

Pada: e     sā́ nā́nyatarā́m̐ścanópā́vartata

Line : 9  Pada: f     tā́m̐ devā́ ápāśāsus \

Pada: g     úpa nā ā́vartasvéti

Pada: h     sā́bravīt \

Pada: i     bʰāgó me 'stv íti

Line : 10  Pada: j     vr̥ṇīṣvéty abruvan \

Pada: k     sā́bravīt \

Pada: l     mā́m evá párvām agnér vyā́gʰārayāt

Pada: m     sá yátkāmo mā́m̐ vyāgʰāráyāt tám evá sá kā́mam aśnuvad íti

Line : 11  Pada: n     tā́ṃ devā́ḥ pū́rvām agnér vyā́gʰārayan \

Line : 12  Pada: o     táto devā́ ábʰavan

Pada: p     párā́surās

Pada: q     tád yá evám̐ vidvā́n etā́m̐ pū́rvām agnér vyāgʰāráyati bʰávaty ātmánā párāsya bʰrā́tr̥vyo bʰavati

Line : 13  Pada: r     yád vaí tád utkrámyā́tiṣṭʰad antarā́ devāsurā́nt sám̐yattānt sim̐hī́rupam iva bʰūtvā́

Line : 14  Pada: s     sā́ vā́ uttaravedís

Line : 15  Pada: t     taptā́yanī me 'sī́ti

Pada: u     taptā́ hí té tā́m ávindanta

Pada: v     vittā́yanī me 'sī́ti

Line : 16  Pada: w     vittā́ hí té tā́m ávindanta \

Pada: x     ávatān mā nātʰitám íti

Line : 17  Pada: y     nātʰitā́m̐ hí sā́ tā́n ā́vat \

Pada: z     ávatād vyatʰitám íti

Pada: aa     vyatʰitā́m̐ hí sā́ tā́n ā́vat \

Line : 18  Pada: ab     etádetad vā́ etáyā devā́ ásurāṇām avindanta \

Page: 100  
Line : 1  Pada: ac     etádetad evaítáyā yájamāno bʰrā́tr̥vyasya vr̥ṅkte \

Pada: ad     ágne aṅgiro yò 'syā́m̐ pr̥tʰivyā́m ádʰyásī́ti

Line : 2  Pada: ae     yá evaíṣu triṣú lokéṣv agnáyas tā́n evā́varunddʰe

Pada: af     vidér agne nábʰo nā́ma yáttā íti

Line : 3  Pada: ag     nábʰo hí nā́ma sò 'gnír ā́sīt \

Pada: ah     jānudagʰnám̐ kʰéyameta \

Pada: ai     ávatī vā́ asyā́ḥ pr̥tʰivyā́ jīvám̐ yajñíyam \

Line : 4  Pada: aj     tád evā́varunddʰe

Pada: ak     sim̐hī́r asi

Pada: al     mahiṣī́r asī́ti

Line : 5  Pada: am     sim̐hī́rūpam iva hí tán mahiṣī́rūpam iva bʰūtvā́tiṣṭʰat \

Pada: an     devébʰyaḥ śundʰasva

Line : 6  Pada: ao     devébʰyaḥ śumbʰasvéti

Pada: ap     devébʰya evaínām̐ śundʰanti

Pada: aq     devébʰyaḥ śumbʰanti

Line : 7  Pada: ar     níḥsārayati

Pada: as     yád evā́syā udgʰnántaḥ krūrám ákram̐s tád ákrūram akas

Pada: at     tán níḥsārayati \

Line : 8  Pada: au     indragʰoṣā́s tvā purástād vásubʰiḥ pā́ntv íti \

Pada: av     etaddevatyā̀ vā́ imā́ díśas \

Line : 9  Pada: aw     yatʰādevatám evaínāṃ praúkṣīt \

Pada: ax     áto vaí devā́ ásurān mánasā vinúdya svargáṃ lokám āyan \

Line : 10  Pada: ay     tá etā́ devátā antatò 'dadʰatā́surāṇām ánanvagbʰāvāya \

Pada: az     áto vā́ etád yájamāno bʰrā́tr̥vyaṃ mánasā vinúdya svargáṃ lokám eti

Line : 11  Pada: ba     sá etā́ devátā antató dʰatte bʰrā́tr̥vyasyā́nanvagbʰāvāya

Line : 12  Pada: bb     tè 'kāmayanta

Line : 13  Pada: bc     sapátnaṃ bʰrā́tr̥vyam̐ sahemahī́ti

Pada: bd     sim̐hī́r asi sapatnasāhī́ svā́héti

Pada: be     tám evá téna kā́mam āśunuvata

Line : 14  Pada: bf     sapátnaṃ bʰrā́tr̥vyam̐ sāḍʰvā́ tè 'kāmayanta

Pada: bg     paśávo naḥ syur íti

Line : 15  Pada: bh     sim̐hī́r asi rāyaspoṣavániḥ svā́héti

Pada: bi     tám evá téna kā́mam āśnuvata

Line : 16  Pada: bj     sapátnaṃ bʰrā́tr̥vyam̐ sāḍʰvā́ paśū́n bʰittvā́ tè 'kāmayanta

Pada: bk     prajā́naḥ syād íti

Pada: bl     sim̐hī́r asi suprajāvániḥ svā́héti

Line : 17  Pada: bm     tám evá téna kā́mam āśnuvata

Pada: bn     sim̐hī́r asy ādityavániḥ sajātavániḥ svā́héti \

Line : 18  Pada: bo     ādityā́bʰir hí sā́ prajā́bʰiḥ sahá

Pada: bp     tè 'kāmayanta

Page: 101  
Line : 1  Pada: bq     devā́ no yajñám̐ vidyur íti

Pada: br     sim̐hī́r asi \

Pada: bs     ā́vaha devā́n devāyaté yájamānāya svā́héti

Line : 2  Pada: bt     tám evá téna kā́mam āśnuvata

Pada: bu     bʰūtébʰyas tvéty úddiśati

Pada: bv     devā́ hy èvá bʰūtā́s \

Line : 3  Pada: bw     yátra vā́ adò 'gnír hotrā́d bʰīṣā́pākrāmat * sá sárveṣu bʰūtéṣv avasat \
      FN emended. Ed.: hotrā́diṣā́pākrāmat.

Pada: bx     yā́ṃ paśúṣv ávasat tā́m ánācʰinnastukasyāntarāśr̥ṅgám avasat \

Line : 4  Pada: by     yā́m̐ vánaspátiṣu pūtúdrau

Pada: bz     yā́m óṣadʰīṣu tā́m̐ sugándʰitejane

Line : 5  Pada: ca     yát saṃbʰārā́nt saṃbʰárati

Pada: cb     yád evā́trāgnér nyàktaṃ tát sáṃbʰarati

Line : 6  Pada: cc     yā́ni vā́ adò 'gnír astʰā́ny ádʰūnuta sá pūtúdrur abʰavat \

Pada: cd     yán mām̐sáṃ tád gúggulu

Line : 7  Pada: ce     yát pūyitám úpaśliṣṭam̐ sá sugándʰitejanas \

Pada: cf     yád eté saṃbʰārā́ bʰávanti

Pada: cg     yád evā́trāgnér nyàktaṃ tásyā́varuddʰyai

Line : 8  Pada: ch     viśvā́yur asi

Pada: ci     pr̥tʰivī́ṃ dr̥m̐héti \

Pada: cj     eṣā́m̐ hy èté lokā́nām̐ vídʰr̥tyai paridʰīyánte

Line : 9  Pada: ck     dʰruvákṣitir asi \

Pada: cl     antárikṣaṃ dr̥m̐héti \

Pada: cm     ántárikṣam̐ hí yajñás \

Line : 10  Pada: cn     acyutakṣíd asi

Pada: co     dívaṃ dr̥m̐héti

Pada: cp     dívam evaínam ajīgamat \

Pada: cq     agnér bʰasmāsi \

Line : 11  Pada: cr     agnéḥ púrīṣam asī́ti \

Pada: cs     agnér hy ètád bʰásmāgnéḥ púrīṣam \

Pada: ct     devapātrám̐ vā́ uttaravedi

Line : 12  Pada: cu     devébʰyo devapātráṃ prócyam \

Pada: cv     vaibʰrājā́ devā́s \

Pada: cw     yád ā́ha

Pada: cx     vibʰrā́ḍ br̥hát pibatu somyáṃ mádʰv íti

Line : 13  Pada: cy     devébʰyo vā́ etád devapātráṃ prā́ha

Pada: cz     prá vásīyasaḥ pā́tram āpnoti

Line : 14  Pada: da     brāhmaṇáṃ tú pā́tre ná mīmām̐seta yáḥ pā́triya iva syā́t //


Anuvaka: 6  
Line : 15  Pada: a     etā́vatī vā́ iyáṃ pr̥tʰivī́ yā́vatī védis \

Pada: b     áparimitād vā́ etád bʰrā́tr̥vyaṃ nirbʰájya yájamānāya párigr̥hṇāti \

Line : 16  Pada: c     r̥kṣám̐ vā́ amedʰyám

Pada: d     ā́po havís \

Pada: e     yát prokṣáti

Page: 102  
Line : 1  Pada: f     médʰyam evaínat karoti \

Pada: g     r̥kṣám̐ vā́ amedʰyám \

Pada: h     yád barhíḥ str̥ṇā́ti

Pada: i     médʰyām evaínāṃ karoti \

Line : 2  Pada: j     etā́vatī vā́ iyáṃ pr̥tʰivī́ yā́vatī védiḥ

Pada: k     prajā́ barhís \

Pada: l     yád barhíḥ str̥ṇā́ti \

Line : 3  Pada: m     asyā́m̐ vā́ etát prajā́ḥ prátiṣṭʰāpayati

Pada: n     yájamāno vaí prastaráḥ

Line : 4  Pada: o     prajā́ barhís \

Pada: p     yát prastarám úttaraṃ barhíṣaḥ sādáyati

Pada: q     yájamānam̐ vā́ etád upáriṣṭād āsā́ṃ prajā́nāṃ dadʰāti \

Line : 5  Pada: r     átʰa yát tŕ̥ṇe antardádʰāti

Pada: s     téna yájamāno yájamānena vyā́vartate

Line : 6  Pada: t     bahuláṃ barhíḥ str̥ṇāti \

Pada: u     ákṣodʰukā asya paśávo bʰavanti

Pada: v     prācī́naṃ barhíḥ str̥ṇāti

Line : 7  Pada: w     prā́ṅ hí yajñás \

Pada: x     yát pratīcī́nam̐ str̥ṇīyā́t pratyādājyā̀sya rāṣṭrám̐ gʰā́tukam̐ syāt \

Line : 8  Pada: y     deveṣúr vaí védis \

Pada: z     yátra vaí deveṣvā́ sáṃnatayā kāmáyate tád dʰanti

Line : 9  Pada: aa     yád védiṃ kalpáyati

Pada: ab     deveṣúm̐ vā́ etát sáṃnamati

Pada: ac     táyā sáṃnatayā yátra yájamānaḥ kāmáyate tád dʰanti

Line : 10  Pada: ad     tráyo vaí pū́rve 'gnáyaḥ prā́dʰanvan havyáṃ devébʰyo váhantas \

Line : 11  Pada: ae     vaṣaṭkāráḥ prā́vr̥ścat \

Pada: af     átʰa yò 'yám idā́nīm̐ sá bʰīṣā́pādravad īdŕ̥g u sá ā́riṣyatī́ti

Line : 12  Pada: ag     táṃ devā́ ápāśāsus \

Pada: ah     úpa nā ā́vartasvéti

Line : 13  Pada: ai     sò 'bravīt \

Pada: aj     bʰāgó me 'stv íti

Pada: ak     vr̥ṇīṣvéty abruvan

Pada: al     sò 'bravīt

Pada: am     tráyo vaí me pū́rve bʰrā́taraḥ prā́dʰanvan havyáṃ devébʰyo váhantas \

Line : 14  Pada: an     vaṣaṭkāráḥ prā́vr̥ścat téṣāṃ bʰāgò 'stv íti

Line : 15  Pada: ao     vr̥ṇīṣvéty abruvan \

Pada: ap     sò 'bravīt \

Pada: aq     yád evá kíṃcā́hutaṃ bahiṣparidʰí skándet tád evá téṣāṃ bʰāgadʰéyam asad íti

Line : 16  Pada: ar     téṣām̐ vā́ etád bʰāgadʰéyam

Line : 17  Pada: as     astʰanvánto hí vaí tá ā́san \

Pada: at     átʰa té prā́dʰanvan \

Pada: au     sò 'bravīt \

Pada: av     astʰā́ni nú dʰaviṣye \

Line : 18  Pada: aw     átʰopā́vartsyāmī́ti

Pada: ax     té vā́ ánvāyan \

Pada: ay     té samantáṃ páryaviśan yajñásya gopītʰā́ya \


Page: 103  
Line : 1  Pada: az     ayám̐ vā́vá yajñā́yopadʰīyáte 'yám̐ yájamānāyāyáṃ bʰrā́tr̥vyāya \

Line : 2  Pada: ba     imaú prataráṃ karótīmám apatarám \

Pada: bb     yajñéna vā́ etád yájamānaṃ prataráṃ karóti yajñénāsya bʰrā́tr̥vyam apataráṃ karoti *
      FN emended. Ed.: karóti

Line : 3  Pada: bc     saṃdʰíṃ prátijuhoti

Pada: bd     ná hy àgním ā́hutis tárati

Line : 4  Pada: be     mukʰatá evaínān prīṇāti \

Pada: bf     átʰo sutīrtʰéna vā́ etád ā́hutīs tārayati \

Line : 5  Pada: bg     ayám̐ vā́vá bʰūpatís \

Pada: bh     ayáṃ bʰuvanapatís \

Pada: bi     ayáṃ bʰūtā́nāṃ pátis \

Pada: bj     átʰa yò 'yám idā́nīm̐ sá bʰū́tis \

Line : 6  Pada: bk     yád ā́hutaṃ bahiṣparidʰí skándet tád abʰímantrayeta //

Line : 7  Pada: bl     bʰūpatáye svā́hā

Pada: bm     bʰuvanapatáye svā́hā

Pada: bn     bʰūtā́nāṃ pátaye svā́hā // íti

Pada: bo     bʰāgadʰéyam̐ vā́vaíṣām etát

Line : 8  Pada: bp     prīṇāty evaínān

Pada: bq     átʰo havíṣā vā́ etát skannéna dvitī́yām āśíṣam ávarunddʰe \

Line : 9  Pada: br     etád dʰa sma vā́ āhāruṇá aúpaveśiḥ

Pada: bs     kím u sá yajñéna yajeta yó havíṣā skannéna dvitī́yām āśíṣam avarúndʰaṃ ná vidyā́d íti

Line : 11  Pada: bt     tád dvitī́yām evaíténāśíṣam ávarunddʰe //


Anuvaka: 7  
Line : 12  Pada: a     yé purā́ grantʰáyo bʰávanti tā́n vísram̐sayanti

Pada: b     mānuṣásya vyā́vr̥ttyai

Line : 13  Pada: c     práṇenijati

Pada: d     yád evaínayor abʰiníṣaṇṇam̐ śámalam amedʰyáṃ táñ śundʰanti

Pada: e     yuñjáte mána utá yuñjate dʰíyā íti juhoti

Line : 14  Pada: f     yúktyā evá

Pada: g     sāvitryā́ juhoti

Line : 15  Pada: h     savitŕ̥prasūte evá právartete

Pada: i     havír vaí havirdʰā́ne

Pada: j     yád upānákti

Pada: k     havírbʰūta evá právartete

Line : 16  Pada: l     átʰo abʰívr̥tte evá pátny úpānakti

Pada: m     yád vaí pátnī yajñé karóti tán mitʰunám \

Line : 17  Pada: n     mitʰunatvā́ya vaí pátny úpānakti \

Pada: o     eṣá vaí pátnyā yajñásyānvārambʰó yád yajñé karóti \

Line : 18  Pada: p     anvārambʰā́ya vaí pátny úpānakti

Pada: q     prācī́nam úpānakti

Pada: r     prā́ṅ hí yajñás


Page: 104  
Line : 1  Pada: s     trír anyát trír anyád úpānakti \

Pada: t     áparimitam̐ hí manuṣyā̀ upāñjánti

Pada: u     dakṣiṇatá úpānakti \

Line : 2  Pada: v     údīcī hy èté manuṣyalokám upāvártete

Pada: w     nírr̥tigr̥hīto vā́ eṣá ubʰayátaḥ sáṃdaṣṭaḥ śúṣkas \

Line : 3  Pada: x     yád upānákti

Pada: y     śamáyaty evá

Pada: z     śúṣko vā́ eṣá durvā́g yájamānasya gr̥hám ā́vadati

Line : 4  Pada: aa     sá īśvaró 'śānto yájamānam̐ hím̐sitos

Line : 5  Pada: ab     tád anugr̥hṇánto yanti

Pada: ac     yády utkṣvédet <M suvā́g ā́vada deva dúryān M> íti vadet \

Pada: ad     śamáyaty evá \

Line : 6  Pada: ae     átʰo śamayitvaívā́śiṣam ā́śāste

Pada: af     havír vaí havirdʰā́ne

Pada: ag     stīrtvā́ vaí barhír havír ā́sādayanti

Line : 7  Pada: ah     tásmāt prastarám̐ stīrtvā́ právartayanti

Pada: ai     havír vaí havirdʰā́ne

Line : 8  Pada: aj     anūcyámānāsu vaí sāmidʰenī́ṣu havír ā́sādayanti

Pada: ak     tásmāt pravartyámānayor hótā́nvāha \

Line : 9  Pada: al     imé vā́ eté

Pada: am     imé vā́ etát právartayanti yád dʰavirdʰā́ne

Line : 10  Pada: an     tásmāt pū́rvasyā janátātā áparā janátā kṣétram abʰyāróhukā

Pada: ao     té yárhi pravartáyeyus tárhi hótānubruván mánasā padā́ tā́ṃ janátāṃ prátinudet \

Line : 11  Pada: ap     ápa jányaṃ bʰayáṃ nudéti

Line : 12  Pada: aq     víḍ vā́ eṣā́

Pada: ar     víśam̐ vā́ etát prátinudate \

Pada: as     ánabʰyavacārukāsya víṭ kṣétraṃ bʰavati

Line : 13  Pada: at     nīyā́nam̐ vaí rákṣām̐si yajñám ávayanti

Pada: au     yád vártmani juhóti

Line : 14  Pada: av     rákṣasām ápahatyai

Pada: aw     vaiṣṇavyā́ juhoti

Pada: ax     víṣṇur vaí yajñás \

Pada: ay     víṣṇunaivá yajñéna yajñā́d rákṣām̐sy ápahanti

Line : 15  Pada: az     yád gāyatryā́ juhótīmā́ṃ ténā́kramate

Line : 16  Pada: ba     yát triṣṭúbʰāntárikṣaṃ téna \

Pada: bb     átʰa yád āhavanī́yaṃ gácʰataḥ svargáṃ téna lokám \

Pada: bc     trī́n prakramā́n prátivíkramate

Line : 17  Pada: bd     tráyo vā́ imé lokā́s \

Pada: be     imā́n evá lokā́n yájamānāyóñśim̐ṣati

Line : 18  Pada: bf     vaiṣṇavám asi

Pada: bg     víṣṇus tvóttabʰnātv íti

Pada: bh     vaiṣṇavám̐ hí havirdʰā́nam \

Line : 19  Pada: bi     divó viṣṇa utá vā pr̥tʰivyā́ íti dákṣiṇasya havirdʰā́nasya metʰī́n níhanti

Page: 105  
Line : 1  Pada: bj     mukʰatá evá yajñásyāśíṣam ávarunddʰe

Pada: bk     yám adʰvaryúḥ pratʰamáṃ grantʰíṃ gratʰnā́ti táṃ pratʰamám̐ vísram̐sayati

Line : 2  Pada: bl     yád anyáṃ pū́rvam̐ visram̐sáyed ámehena prámīyeta

Line : 3  Pada: bm     víṣṇor nú kam̐ vīryā̀ṇi právocam íty úttarasya havirdʰā́nasya metʰī́n níhanti vaiṣṇavyā́

Line : 4  Pada: bn     vaiṣṇavám̐ hí havirdʰā́nam \

Pada: bo     sváyaivá devátayā

Line : 5  Pada: bp     yó áskabʰāyad úttaram̐ sadʰástʰam íti \

Pada: bq     adó vā́ úttaram̐ sadʰástʰam

Pada: br     amúṣminn evá havirdʰā́nam̐ sáṃminoti //

Line : 7  Pada: bs     ā́ vām upástʰam adruhā devā́ḥ sīdantu yajñíyāḥ /

Line : 8  Pada: bt     ihā́dya sómapītaye // íti

Line : 9  Pada: bu     yá evá devā́ yajñíyās tā́n havirdʰā́nā ā́sādayati

Pada: bv     tā́m̐ śvo bʰūtè 'bʰíyajate

Line : 10  Pada: bw     daṇḍó vā́ etád auparó vaṣaṭkāréṇa nírahan

Pada: bx     yác cʰadír abʰinidádʰāti \

Line : 11  Pada: by     ápihityā ácʰidratvāya

Pada: bz     víṣṇoḥ pr̥ṣṭʰám asī́ty adá evá

Pada: ca     víṣṇo rarā́ṭam asī́ty adá evá

Line : 12  Pada: cb     víṣṇoḥ śipré stʰā ítīmé evá

Pada: cc     mukʰató vā́ etát sváyā devátayā śíro yajñásya sáṃbʰarati

Line : 13  Pada: cd     víṣṇoḥ syū́r asī́ti

Pada: ce     tásmād idám̐ śiraḥ ṣoḍʰā́víṣkr̥tam \

Line : 14  Pada: cf     prá tád víṣṇuḥ stavate vīryèṇéti prā́ṅ uktrámya vadati \

Pada: cg     áto vaí víṣṇur imā́ṃl lokā́n údajayat \

Line : 15  Pada: ch     víṣṇor evójjitim ánv imā́ṃl lokā́n újjayati

Line : 16  Pada: ci     praíbʰyó lokébʰyo bʰrā́tr̥vyaṃ nudate //


Anuvaka: 8  
Line : 17  Pada: a     devásya tvā savitúḥ prasavá íti

Pada: b     savitr̥prasūta evaínām ā́datte \

Pada: c     aśvínor bāhúbʰyām íti \

Line : 18  Pada: d     aśvínau vaí devā́nām adʰvaryúḥ

Pada: e     pūṣṇó hástābʰyām íti

Line : 19  Pada: f     devátābʰir evá \

Pada: g     ábʰrir asi nā́rir asī́ti

Pada: h     krūrám iva vā́ etád yád ábʰriḥ

Pada: i     śamáyaty evá \


Page: 106  
Line : 1  Pada: j     idám ahám̐ rákṣaso grīvā́ ápikr̥ntāmī́ty āha

Pada: k     rákṣasāṃ dʰvarā́yai rákṣasām antárityai \

Line : 2  Pada: l     idám ahám̐ sóme samānó yó 'samāno 'rātīyáti tásya grīvā́ ápikr̥ntāmī́ti

Line : 3  Pada: m     samānó vā * hy ásamāno vārātīyáti
      FN emended. Ed.: vā́.

Pada: n     sárvam evaítáyā páryāpat

Line : 4  Pada: o     prāṇā́ vā́ uparavā́ḥ

Pada: p     śíro havirdʰā́nam \

Pada: q     śīrṣán vā́ imé prāṇā́s

Pada: r     tásmād dʰavirdʰā́ne \

Line : 5  Pada: s     antár vā́ imé śīrṣán prāṇā́s

Pada: t     tásmād antár \

Pada: u     catvā́ro vā́ imé śīrṣán prāṇā́s

Line : 6  Pada: v     tásmāc catvā́raḥ sáṃtr̥ṇṇāḥ paráḥ

Pada: w     sáṃtr̥ṇṇā hí paráḥ prāṇā́s \

Pada: x     vídʰr̥tā upáriṣṭāt \

Line : 7  Pada: y     vídʰr̥tā hī̀má upáriṣṭāt prāṇā́ḥ

Pada: z     pūrvārdʰé vā́ imé múkʰasya prāṇā́s \

Line : 8  Pada: aa     etát kʰálu vaí havirdʰā́nasya pūrvārdʰám̐ yád dákṣiṇam̐ havirdʰā́nam \

Pada: ab     tásmād dákṣiṇe havirdʰā́ne

Line : 9  Pada: ac     br̥hánn asi br̥hádrāyā íti

Pada: ad     devā́ hy èvá br̥hát \

Pada: ae     br̥hatī́m índrāya vā́cam̐ vadéti \

Line : 10  Pada: af     aindró hí yajñás \

Pada: ag     rakṣoháṇam̐ valagahánam íty āha

Pada: ah     rákṣasāṃ dʰvarā́yai rákṣasām antárityai

Line : 11  Pada: ai     vaiṣṇavī́m íti

Pada: aj     víṣṇur hí yajñás \

Pada: ak     ásurā vā́ etā́n valagā́n devébʰyaḥ prāṇéṣu nyàkʰanan \

Line : 12  Pada: al     tā́n bāhumātré 'nvavindan \

Pada: am     tásmād bāhumātráṃ kʰéyam \

Line : 13  Pada: an     yád vā́vá kr̥tyā́ yáñ śapʰám̐ yád abʰícaritaṃ tád etád údvapati

Line : 14  Pada: ao     prāṇā́ vā́ uparavā́s

Pada: ap     yád avasiñcáti

Pada: aq     tásmād imá udanvántaḥ prāṇā́ḥ

Pada: ar     prāṇā́ vā́ uparavā́s \

Line : 15  Pada: as     yád avastr̥ṇā́ti

Pada: at     tásmād imé lomaśā́ḥ prāṇā́s \

Pada: au     átʰa yád avasiñcáty áva ca str̥ṇā́ti

Line : 16  Pada: av     mastíṣko vā́ eṣá kriyate

Pada: aw     hánū adʰiṣávaṇe

Line : 17  Pada: ax     śíro havirdʰā́nam \

Pada: ay     śīrṣán vā́ imé hánū

Pada: az     tásmād dʰavirdʰā́ne \

Pada: ba     antár vā́ imé śīrṣán hánū

Line : 18  Pada: bb     tásmād antár imé vā́ eté

Pada: bc     yát saṃtr̥ndyā́d imé evá sáṃtr̥ndyāt

Pada: bd     tát saṃpā́dye evá


Page: 107  
Line : 1  Pada: be     dvyaṅgulám antarā́ kāryàm \

Pada: bf     dvyaṅgulám̐ hī̀dám

Pada: bg     antarā́ vaí nākéva

Line : 2  Pada: bh     śíro havirdʰā́nam \

Pada: bi     pr̥ṣṭʰám ā́gnīdʰram

Pada: bj     udáram̐ sádaḥ

Pada: bk     prā́ṅ hí yajñáḥ sám̐hitas \

Pada: bl     hánū adʰiṣávaṇe

Line : 3  Pada: bm     jihvā́dʰiṣávaṇam \

Pada: bn     grā́vāṇo dántās \

Pada: bo     mukʰató vā́ etát prajā́pateḥ sómaṃ pibanti \

Line : 4  Pada: bp     índro vaí vr̥trám ahan \

Pada: bq     sá imā́ṃ prā́viśat

Pada: br     táṃ devátāḥ praíṣam aicʰan \

Line : 5  Pada: bs     tán nā́vidan \

Pada: bt     táṃ bʰūtā́ny úpāravanta

Pada: bu     yó nó 'dʰipatir ábʰūt tán ná vindāmā íti

Line : 6  Pada: bv     tád uparavā́ṇām uparavatvám \

Pada: bw     yát tád upā́ravanta tác caturdʰā́vástād evaícʰan \

Line : 7  Pada: bx     ekadʰā́ paró 'nvavindan \

Pada: by     tásmāc caturdʰā́vástāt \

Pada: bz     ekadʰā́ parás \

Pada: ca     yád uparavā́n anumr̥śáti \

Line : 8  Pada: cb     indriyásyā́varuddʰyai //


Anuvaka: 9  
Line : 9  Pada: a     pr̥tʰivyaí tvā \

Pada: b     antárikṣāya tvā

Pada: c     divé tvéti prókṣati \

Pada: d     eṣā́ hy èṣā́ṃ lokā́nām̐ vídʰr̥tyai mīyáte

Line : 10  Pada: e     tríḥ prókṣati

Pada: f     tríṣatyā hí devā́s \

Pada: g     átʰo tráyo vā́ imé lokā́s \

Line : 11  Pada: h     ebʰyá evaínāṃ lokébʰyaḥ praúkṣīt \

Pada: i     ánnam̐ vaí yávās \

Pada: j     ū́rg udumbáras \

Line : 12  Pada: k     yád yávamatībʰiḥ prokṣáti \

Pada: l     ūrjā́ vā́ etád ánnam̐ sámardʰayati \

Pada: m     r̥kṣám̐ vā́ amedʰyám

Pada: n     ā́po havís \

Line : 13  Pada: o     yád avasiñcáti

Pada: p     médʰyam evaínat karoti \

Pada: q     r̥kṣám̐ vā́ amedʰyám \

Pada: r     yád avastr̥ṇā́ti

Line : 14  Pada: s     médʰyam evaínat karoti

Pada: t     pitr̥devatyàm̐ vaí níkʰātam amedʰyám anyadevatyàm

Line : 15  Pada: u     asyā́ḥ kʰálu vā́ imā́ uttamārdʰá óṣadʰayas \

Pada: v     yád avastr̥ṇā́ti \

Pada: w     asyā́ evaínām uttamārdʰé minoti \

Line : 16  Pada: x     ánikʰātaivā́bʰūt \

Pada: y     ánnam̐ vaí yávās \

Pada: z     ū́rg udumbáras \

Pada: aa     yád yávam avā́syati \

Line : 17  Pada: ab     ánne vā́ etád ū́rjaṃ dadʰāti

Pada: ac     ná hy ánnam r̥tá ūrjó dʰinóti

Pada: ad     nó hy ū́rg r̥té 'nnād dʰinóti


Page: 108  
Line : 1  Pada: ae     nitā́nás tvā mārutó níhantv íti

Pada: af     máno vaí nitānáḥ

Line : 2  Pada: ag     prāṇā́ mārutā́s \

Pada: ah     mitrā́váruṇau dʰruvéṇa dʰármaṇéti

Pada: ai     mitrám evaínāṃ dādʰā́ra váruṇaḥ kalpayati

Line : 3  Pada: aj     vídʰr̥tyai ca kʰálu vā́ eṣā́ṃ prajā́nāṃ kŀ̥ptyai ca mīyate

Line : 4  Pada: ak     mitrā́váruṇau vaí devā́nāṃ dʰarmadʰārayau

Pada: al     daívam̐ vā́ etád dʰármam * adīdʰaratām \
      FN emended. Ed.: dʰámam.

Line : 5  Pada: am     yád aúdumbarī

Pada: an     brahmavániṃ tvā kṣatravániṃ páryūhāmī́ti \

Pada: ao     āśīr evaíṣā́

Pada: ap     bráhma dr̥m̐ha kṣatráṃ dr̥m̐héti \

Line : 6  Pada: aq     āśíṣa evaíṣá parigrahás \

Pada: ar     gʰr̥téna dyā́vāpr̥tʰivī́ ā́pr̥ṇéti

Line : 7  Pada: as     gʰr̥ténaivá dyā́vāpr̥tʰivī́ vyùnatti \

Pada: at     udáram̐ vaí sádas \

Pada: au     ū́rg udumbáras \

Pada: av     yád aúdumbarī \

Pada: aw     ū́rjam̐ vā́ etán madʰyatá ātmáno dʰatte prajā́nāṃ ca

Line : 8  Pada: ax     prajā́pater vā́ etád udáram̐ yát sádaḥ

Line : 9  Pada: ay     prājāpatyá udgātā́

Pada: az     tásmād udgātā́nvā́rabʰate

Pada: ba     yájamāno vā́ aúdumbarī

Line : 10  Pada: bb     várṣiṣṭʰā kāryā̀

Pada: bc     várṣmainam̐ samānā́nāṃ gamayati

Pada: bd     viśvajanásya cʰāyā́sī́ti cʰadír abʰinídadʰāti *
      FN emended. Ed.: ābʰanídadʰāti.

Line : 11  Pada: be     gotrā́dgotrād dʰí prasárpanti \

Pada: bf     udáram̐ vaí sádas \

Line : 12  Pada: bg     yád anyénānyena saṃminóti

Pada: bh     tásmād udáram anyénānyenā́mena sáṃtatas \

Pada: bi     udáram̐ vaí sádas \

Line : 13  Pada: bj     yád anūcī́naṃ minuyā́t parācī́naṃ jagdʰám átīyāt \

Pada: bk     átʰa yát tiraścīnaṃ minóti

Line : 14  Pada: bl     tásmāj jagdʰám̐ sárvāṇy áṅgāny anuvéti

Pada: bm     prajā́ vā́ etát samīcī́naṃ minoti

Line : 15  Pada: bn     samī́cīr enaṃ prajā́ abʰisamā́vartate

Pada: bo     sam̐yātá iva sá * bʰavati
      FN emended. Ed.: sa.

Line : 16  Pada: bp     samānám̐ sāṃkāśináṃ kāryàm \

Pada: bq     samānā́ hī̀mé prāṇā́s \

Pada: br     yáṃ dviṣyā́t tásyākṣṇayā́ minuyāt

Line : 17  Pada: bs     prāṇā́n asya mohayati

Pada: bt     pramā́yuko bʰavati

Pada: bu     yádi kāmáyeta várṣet parjányā íti nīcaíḥ sádo minuyāt \

Line : 18  Pada: bv     vŕ̥ṣṭim evá níyacʰati


Page: 109  
Line : 1  Pada: bw     yádi kāmáyeta ná varṣet parjányā íty uccaíḥ sádo minuyāt \

Pada: bx     vŕ̥ṣṭim evā́pāgrahīt \

Line : 2  Pada: by     návacʰadir agniṣṭome syāt

Pada: bz     téjasā trivŕ̥tā sáṃmitam \

Pada: ca     páñcadaśacʰadir uktʰyè

Line : 3  Pada: cb     pañcadaśéna vájreṇa sáṃmitam \

Pada: cc     saptádaśacʰadir atirātré

Pada: cd     saptadaśó vaí prajā́patiḥ

Line : 4  Pada: ce     prājāpatyā́ rā́trir ā́nuṣṭubʰī

Pada: cf     yajñakratūnā́m evaíṣā́ vyā́vr̥ttiḥ

Pada: cg     prācī́navam̐śam̐ havirdʰā́naṃ minoti \

Line : 5  Pada: ch     ūrdʰvā́ hí dyaúḥ

Pada: ci     prācī́navam̐śam ā́gnīdʰram

Pada: cj     ūrdʰvám̐ hy àntárikṣam \

Line : 6  Pada: ck     tiraścī́navam̐śam̐ sádas

Pada: cl     tiráścī hī̀yám \

Pada: cm     yájuṣā havirdʰā́naṃ minoti

Line : 7  Pada: cn     níruktā hí dyaús \

Pada: co     yájuṣā sádas \

Pada: cp     níruktā hī̀yám

Pada: cq     ayajúṣā́gnīdʰram

Line : 8  Pada: cr     ániruktam iva hy àntárikṣam

Pada: cs     ardʰám ā́gnīdʰrasyāntarvedí minóty ardʰáṃ bahirvedí \

Line : 9  Pada: ct     ardʰám̐ hy àntárikṣasyāsmíṃl loké \

Pada: cu     ardʰám amúṣmin //


Anuvaka: 10  
Line : 10  Pada: a     súvāṅ nábʰrāḍ áṅgʰāre bámbʰārā íti \

Pada: b     eté vaí devā́nām̐ somarákṣayas \

Pada: c     etébʰyo vā́ ádʰi cʰándām̐si sómam ā́haran \

Line : 11  Pada: d     té somapītʰéna vyā̀rdʰyata

Pada: e     tá etā́ni dvitī́yāni nā́māny adʰatta maṅgalecʰā́yai *
      FN Correcturen und Conjecturen zu dem ganzen Werk.

Line : 12  Pada: f     somapītʰó nā úpanamād íti

Line : 13  Pada: g     tásmād eté dvínāmanas

Pada: h     té vā́ anvā́yan \

Pada: i     té ná prā́pnuvan \

Pada: j     tásmād etè 'tihā́ya váṣaṭ kriyante

Line : 14  Pada: k     ná hí prā́pnuvan \

Pada: l     téṣām̐ vā́ eṣá lokó yā́vad abʰí nyupyáte

Line : 15  Pada: m     tád yó 'vidvān ākrā́maty ā́rttim ā́rcʰati \

Pada: n     átʰa yá evám̐ vidvā́n ākrā́mati ná sadasyā̀m ā́rttim ā́rcʰati

Line : 16  Pada: o     téṣām̐ vā́ eṣá bʰāgó yád vyāgʰāryánte

Pada: p     tá evā́smai ténābʰī̀ṣṭāḥ prītā́ bʰavanti

Line : 17  Pada: q     yajñamukʰám̐ vaí pávamānas \

Pada: r     yát pávamāne stutè 'gnáyo vihriyánte

Page: 110  
Line : 1  Pada: s     yajñamukʰā́d evā́dʰivíhriyante

Pada: t     jámbʰo vaí nā́māsurá āsīt

Line : 2  Pada: u     sá yajñám agirat

Pada: v     sá ā́gnīdʰraṃ ná prā́pnot

Pada: w     tám ā́gnīdʰrāt púnar vyàrujat \

Line : 3  Pada: x     etád vaí jīvám \

Pada: y     tásmād ā́gnīdʰrād víhriyante

Pada: z     dakṣiṇató vaí devā́n ásurā yajñám ajayan \

Line : 4  Pada: aa     tá údañcā ā́gnīdʰram̐ samā́tiṣṭʰan \

Pada: ab     tám ā́gnīdʰrāt púnar abʰyàjayan \

Pada: ac     etád vā́ ánabʰijitam \

Line : 5  Pada: ad     tásmād ā́gnīdʰrād víhriyante \

Pada: ae     etát práti vaí devā́n ásurā yajñám ajayan \

Line : 6  Pada: af     tá ā́gnīdʰrād ádʰi bahiṣpavamānéna yajñám abʰijítyāgnī́n ādʰā́ya barhír ástr̥ṇata

Line : 7  Pada: ag     parājijñānā́ vā́ etát sárpanti yád bahiṣpavamānám̐ stoṣyántaḥ sárpanti

Line : 8  Pada: ah     yád bahiṣpavamāné stutá ā́ha //

Pada: ai     agnī́d agnī́n víhara

Pada: aj     barhíḥ str̥ṇāhi * // íti \
      FN emended. Ed.: str̥ṇāti. TS.6.3.1.2: str̥ṇāhi, ŚB.4.2.5.11: str̥ṇīhi

Line : 9  Pada: ak     ā́gnīdʰrād vā́ etád ádʰi bahiṣpavamānéna yajñám abʰijítyāgnī́n ādʰā́ya barhíḥ str̥ṇate \

Line : 10  Pada: al     átra vā́ etárhi yajñó yátrā́stutam̐ stotrám \

Pada: am     yátraivá yajñás tád abʰiparyāvŕ̥tya juhoti

Line : 11  Pada: an     śukrávatī vaí pū́rve sávane

Pada: ao     aśukráṃ tr̥tī́yam̐ sávanam \

Line : 12  Pada: ap     yáj jyótiṣmatīs tr̥tīyasavané vyāgʰāráyanti

Pada: aq     téna tr̥tīyasavanám̐ śukrávat

Line : 13  Pada: ar     sam̐vatsaró vā́ agniṣṭomás

Pada: as     tásya vā́ etā́s tanvò yád dʰíṣṇyās

Pada: at     tā́ vā́ asyaitát samuddʰarṣayitvā́ jyótiṣmatīḥ kr̥tvā́tʰāgniṣṭoména stuvate

Line : 14  Pada: au     sam̐vatsaró vā́ agniṣṭomás \

Line : 15  Pada: av     dvā́daśa mā́sāḥ sam̐vatsarás \

Pada: aw     yát prā́cīr ā́hutayo hūyánte pratyáñco dʰíṣṇyā vyāgʰāryánte

Line : 16  Pada: ax     sam̐vatsarásya vídʰr̥tyai \

Pada: ay     ubʰayáto vaí devā́n ásurāḥ párīyattā āsan

Line : 17  Pada: az     purástād anyé paścād anyé

Pada: ba     yát prā́cīr ā́hutayo hūyánte

Line : 18  Pada: bb     yé purástād ā́sam̐s tā́m̐s ténā́pānudanta

Pada: bc     yát pratyañco dʰíṣṇyā vyāgʰāryánte

Page: 111  
Line : 1  Pada: bd     yé paścā́d ā́sam̐s tā́m̐s ténā́pānudanta

Pada: be     tád bʰrā́tr̥vyasya vā́ eṣá vinodás \

Line : 2  Pada: bf     adʰvaryúṇā vaí yajñó vídʰr̥tas \

Pada: bg     idám iva vā́ etád yajñásya yád dʰíṣṇyās \

Line : 3  Pada: bh     yád adʰvaryúḥ pratyáṅ dʰíṣṇyān atīyā́t prāṇā́t sáṃkarṣeta pramā́yukaḥ syāt \

Pada: bi     yády atīyā́d yajñaparúṣy átīyāt \

Line : 4  Pada: bj     aindrī́m ánubrūyāt \

Pada: bk     aindrám̐ hí sádaḥ

Pada: bl     sváyaivaínad devátayópacarati \

Line : 5  Pada: bm     ātmánó 'him̐sāyai

Pada: bn     prācī́nam̐ vaí dʰíṣṇyebʰyo 'dʰvaryór lokás \

Pada: bo     yád adʰvaryúḥ pratyáṅ dʰíṣṇyān atīyā́d anyajanátāsya kṣétram abʰyāróhukā syāt \

Line : 7  Pada: bp     ny ànyá upyánte nā́nyé

Pada: bq     tád eṣāṃ mitʰunám \

Pada: br     prajā́yati

Pada: bs     níruktā anyè 'niruktā anyé

Line : 8  Pada: bt     yé níruktās tè 'smaí lokā́ya

Pada: bu     yé 'niruktās tè 'múṣmai kṣáyāya

Line : 9  Pada: bv     yátʰā vā́ idáṃ mékʰalāṃ paryásyate médʰyasya cāmedʰyásya ca vídʰr̥tyā evám̐ vā́ eté nyùpyante yajñásya vídʰr̥tyai

Line : 10  Pada: bw     yát prācī́naṃ dʰíṣṇyebʰyas tád devā́nām \

Line : 11  Pada: bx     yát pratīcī́naṃ tán manuṣyā̀ṇām \

Pada: by     tásmāt sómaṃ píbate prā́ñco dʰíṣṇyā nā́tisŕ̥pe

Line : 12  Pada: bz     jánam̐ hy éti

Pada: ca     devalokám abʰyā́rohati

Pada: cb     cā́tvālād víhriyante \

Pada: cc     eṣá vā́ agnīnā́m̐ yóniḥ

Line : 13  Pada: cd     svā́d evá yóner víhriyante \

Pada: ce     áskannatvāya

Pada: cf     téṣām̐ vā́ etád abʰyavā́yanaṃ codáyanaṃ ca yád antarā́ cā́tvālaṃ cā́gnīdʰraṃ ca \

Line : 14  Pada: cg     etád vaí yajñásya tīrtʰám \

Line : 15  Pada: ch     tásmād eténa sáṃcarati

Pada: ci     téna yó 'vidvānt saṃcáraty ārtim ā́rcʰati \

Line : 16  Pada: cj     átʰa ya evám̐ vidvā́nt saṃcárati ná sadasyā̀m ā́rtim ā́rcʰati //

Line : 17  Pada: ck     ity uparikāṇḍe asurāṇāṃ nāma aṣṭamaḥ prapāṭʰakaḥ samāptaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.