TITUS
Black Yajur-Veda: Maitrayani-Samhita
Part No. 31
Previous part

Prapathaka: 7  
Anuvaka: 1  
Page: 75  
Line : 1  Pada: a     ákl̥ptam̐ vā́ idám ā́sīt \

Pada: b     díśo vā́ imā́ ná prā́jānan * \
      FN Corrigenda. Ed.: imā́náprajānan.

Pada: c     tád devā́ anyò 'nyásminn aicʰan \

Line : 2  Pada: d     tán nā́vindan \

Pada: e     té devā́ áditim abruvan \

Pada: f     tváyā múkʰenemā́ díśaḥ prájānāméti

Line : 3  Pada: g     sā́bravīt \

Pada: h     bʰāgó me 'stv íti

Pada: i     vr̥ṇīṣvéty abruvan \

Line : 4  Pada: j     sā́bravīt * \
      FN Corrigenda. Ed.: só 'bravīt

Pada: k     maddevatyàm evá prāyaṇī́yam ásat \

Pada: l     maddevatyàm udayanī́yam \

Pada: m     mā́m evā́nuprā́yātʰa

Line : 5  Pada: n     mā́m anū́dayātʰéti

Pada: o     sá eṣá ādityáś carús \

Pada: p     áditim̐ vā́ etád anuprayánty áditim anū́dyanti

Line : 6  Pada: q     táto vā́ imā́ díśaḥ prā́jānan

Pada: r     pátʰyām̐ yájati

Line : 7  Pada: s     imā́m evá téna díśaḥ prā́jānan

Pada: t     yád agním

Pada: u     imā́ṃ téna

Pada: v     yát sómam

Pada: w     imā́ṃ téna

Line : 8  Pada: x     yát savitā́ram

Pada: y     imā́ṃ téna

Pada: z     yád áditim

Pada: aa     iyám̐ vā́ áditis \

Pada: ab     ūrdʰvā́ vā́ asyā́ dík \

Line : 9  Pada: ac     ūrdʰvā́m evá téna díśaṃ prā́jānan \

Pada: ad     táto vā́ akalpata \

Pada: ae     ákl̥ptasya vaí kŀ̥ptyai prāyaṇī́yas

Line : 10  Pada: af     tád yá evám̐ vidvā́n prāyaṇī́yena cárati kálpate

Pada: ag     kálpante hāsmā r̥távas

Line : 11  Pada: ah     táto vā́ imā́ diśó 'nvapaśyan

Pada: ai     yát pátʰyām̐ yájati \

Pada: aj     imā́m evá téna díśam ánvapaśyan

Line : 12  Pada: ak     yád agnī́ṣómau

Pada: al     cákṣuṣī vā́ agnī́ṣómau \

Pada: am     ánu tā́bʰyām̐ sámapaśyan

Line : 13  Pada: an     yát savitā́ram \

Pada: ao     savitŕ̥prasūtā evémā́ diśó 'nvapaśyan

Pada: ap     yád áditim

Line : 14  Pada: aq     iyám̐ vā́ áditis \

Pada: ar     asyā́m̐ vaí pratiṣṭʰā́ya devā́ yajñám atanvata

Pada: as     yát prátʰyām̐ yájati

Line : 15  Pada: at     vā́g vaí pátʰyā

Pada: au     vā́cam evā́varunddʰe

Pada: av     yád agním \

Pada: aw     devátās téna

Pada: ax     yát sómam \

Line : 16  Pada: ay     yajñáṃ téna

Pada: az     yát savitā́ram \

Pada: ba     prásūtyai

Pada: bb     yád áditim

Pada: bc     ādityā́ vā́ imā́ḥ prajā́s

Pada: bd     tā́ evā́vāruddʰa *
      FN emended. Ed.: evā́varuddʰa. cf. 1.5.10:79.3, 1.5.11:79.10

Line : 17  Pada: be     tā́ ādyā́ akr̥ta

Pada: bf     yád vaí yajñásyāntaryánti tác cʰidrám \

Pada: bg     téna yajñáḥ sravati

Line : 18  Pada: bh     téna yájamāno 'gnáye samávadyati \

Pada: bi     agnír vaí sámiṣṭis \

Pada: bj     agníḥ prátiṣṭʰitiḥ

Line : 19  Pada: bk     sámiṣṭyā evá prátiṣṭʰityā agníṃ pratʰamám̐ yájaty agním uttamám \

Line : 20  Pada: bl     samānī́ vā́ eṣā́ devátā

Pada: bm     pāṅktatvā́ya

Pada: bn     pā́ṅkto yajñás \

Pada: bo     yā́vān evá yajñás tám ā́labdʰa


Page: 76  
Line : 1  Pada: bp     svastím̐ yajati

Pada: bq     yajñásya svastyaí

Pada: br     pátʰyām̐ yajati

Pada: bs     vā́g vaí pátʰyā

Line : 2  Pada: bt     vā́cam evā́nupráyanti

Pada: bu     tā́m uttamā́m udayanī́ye yajati

Pada: bv     vā́g vaí pátʰyā

Pada: bw     vā́cam evā́nū́dyanti

Line : 3  Pada: bx     marútvatīḥ pátʰyāyā ŕ̥co bʰavanti

Pada: by     devaviśā́ vaí marútas \

Line : 4  Pada: bz     devaviśā́m evā́cīkl̥pat

Pada: ca     tā́m̐ śāntā́ṃ kl̥ptā́ṃ manuṣyaviśā́ ánukalpante

Line : 5  Pada: cb     sténabʰaviṣṇur havír bʰavati //


Anuvaka: 2  
Line : 6  Pada: a     juṣāṇénānyá ā́jyabʰāgā ijyánté 'tʰā́tra r̥cóbʰayáto yajati

Pada: b     draḍʰimné 'śitʰiratvāya

Line : 7  Pada: c     saptádaśa sāmidʰenī́ḥ kāryā̀ḥ

Pada: d     páñca r̥távo dvā́daśa mā́sā eṣá sam̐vatsaráḥ

Line : 8  Pada: e     sam̐vatsarā́d evā́dʰi yajñamukʰáṃ prátanute

Pada: f     tád āhuḥ

Line : 9  Pada: g     páñcadaśa sāmidʰenī́ḥ kāryā̀s \

Pada: h     ná saptádaśa

Pada: i     sam̐vatsarī́yasyaivā́yanasya saptádaśa kāryā̀ḥ

Line : 10  Pada: j     sam̐vatsarásyā ŕ̥ddʰyā íti

Pada: k     tán ná sū́rkṣyam \

Pada: l     sapatádaśaivá kāryā̀ḥ

Line : 11  Pada: m     prayājávat syā́t prāyaṇī́yam ananuyājám

Pada: n     anuyājávat syād udayanī́yam aprayājám

Line : 12  Pada: o     ubʰayáto vā́ etát prayājānuyājā́ yajñám abʰisáṃdʰīyate

Pada: p     samānó hy èṣá yajñás \

Line : 13  Pada: q     niṣkāṣáṃ ca mékṣaṇaṃ ca nídadʰāti

Pada: r     téna yajñáḥ sáṃtatas \

Pada: s     ātmā́ vaí prayājā́ḥ

Line : 14  Pada: t     prayājānuyājā́ devakṣetrám \

Pada: u     yajñó devakṣetrám ākrámamāṇaḥ prajā́m antáriyād yád anuyājā́n antariyā́t

Line : 15  Pada: v     prayājávat syāt prāyaṇī́yam anuyājávat \

Pada: w     anuyājávat syād udayanī́yaṃ prayājávat

Line : 16  Pada: x     páyasi prāyaṇī́yaḥ syā́t páyasy udayaṇī́yas \

Line : 17  Pada: y     apā́m̐ vā́ etáñ śúkriyam

Pada: z     apā́m evá śúkriyam ávarunddʰe

Pada: aa     paśávo vaí śúkriyam \

Line : 18  Pada: ab     paśū́n evā́varunddʰe \

Pada: ac     átʰo prā́yaṇe ca vā́vā́smā etád udáyane ca paśū́n dadʰāti \

Pada: ad     ādityáḥ prāyaṇī́yaḥ syā́d ādityá udayanī́yas \

Line : 19  Pada: ae     iyám̐ vā́ áditis \

Pada: af     asyā́m̐ vā́ etád yajñamukʰéna prátitiṣṭʰati \

Page: 77  
Line : 1  Pada: ag     asyā́m upáriṣṭāt \

Pada: ah     yátra vaí yajñásyārdʰé 'gre sámr̥ddʰaṃ kriyáte kriyámāṇaṃkriyamānam̐ ha vā́ asya sámr̥dʰyate

Line : 2  Pada: ai     sam̐stʰā́pyaṃ prāyaṇī́yam \

Line : 3  Pada: aj     yajñásya sámr̥ddʰyai

Pada: ak     yā́ḥ prāyaṇī́ye 'nuvākyā̀s tā́ udayanīye yājyā̀ḥ syus \

Line : 4  Pada: al     yā́ udayanī́ye 'nuvākyā̀s tā́ḥ prāyaṇī́ye yājyā̀ḥ syuḥ

Line : 5  Pada: am     patʰáḥ pratiprájñātyai \

Pada: an     átʰo anusáṃtatyai

Pada: ao     yád áto 'nyátʰā kuryúś cʰambáṭkuryuḥ //


Anuvaka: 3  
Line : 7  Pada: a     iyám̐ vaí kadrū́s \

Pada: b     vā́k suparṇī́

Pada: c     cʰándām̐si saúparṇāni gāyatrī́ triṣṭúb jágatī

Line : 8  Pada: d     sā́ vaí kadrū́ḥ suparṇī́m ātmā́nam ajayat *
      FN Corrigenda. Ed.: ayajat.

Pada: e     sā́bravīt

Pada: f     sómam ā́hara

Pada: g     ténātmā́naṃ níṣkrīṇīsvéti

Line : 9  Pada: h     sā́ cʰándām̐si praiṣyat \

Pada: i     amútaḥ sómam ā́harata

Pada: j     téna mā níṣkrīṇītéti

Line : 10  Pada: k     táto jágaty údapatat

Pada: l     sā́ paśúbʰiś cā́gacʰad dīkṣáyā ca

Line : 11  Pada: m     tásmāt paśávā íti jágatīm āhus

Pada: n     tásmād yadā́ paśū́n vindáté 'tʰa dīkṣate

Line : 12  Pada: o     tátas triṣṭúb údapatat

Pada: p     sā́ dákṣiṇayā cā́gacʰat tápasā ca

Pada: q     tásmāt triṣṭúbʰo loké dákṣiṇā dīyante

Line : 13  Pada: r     tásmād u madʰyáṃdine tápas tapanī́yam íti

Pada: s     táto gāyatry údapatat

Line : 14  Pada: t     sā́ sómam ā́harat

Pada: u     tám āhriyámāṇam̐ sāmigandʰarvó viśvā́vasur ā́muṣṇāt

Pada: v     sá tisró rā́trīr úpahr̥to 'vasat

Line : 15  Pada: w     tásmāt tisró rā́trīḥ krītó vasati

Pada: x     tè 'bruvan

Line : 16  Pada: y     púnar yācāmahā íti

Pada: z     té devā́ abruvan \

Pada: aa     strī́kāmā vaí gandʰarvā́s \

Pada: ab     vā́cam evá saṃbʰŕ̥tya yátʰā yoṣíd anapakṣeyátameva táyā níṣkrīṇāméti

Line : 17  Pada: ac     tám̐ vaí nírakrīṇan \

Line : 18  Pada: ad     tásmād āhus \

Pada: ae     vā́g vaí somakráyaṇī

Pada: af     vā́cam̐ vā́ etád gávā níṣkrīṇātī́ti


Page: 78  
Line : 1  Pada: ag     tè 'bruvan \

Pada: ah     ánv r̥tīyāmahā íti

Pada: ai     tā́m ánv ā́rtīyanta

Pada: aj     tád ánr̥tasya jánma

Line : 2  Pada: ak     tád yá evám̐ vidvā́nt satyānr̥tā́m̐ vā́cam̐ vádati ná hainaṃ druṇāti

Line : 3  Pada: al     tè 'bruvan

Pada: am     víhvayāmahā íti

Pada: an     tā́m̐ vyáhvayanta

Pada: ao     gā́tʰāṃ devā́ ágāyan bráhma gandʰarvā́ avadan \

Line : 4  Pada: ap     sā́ devā́n upā́vartata

Pada: aq     tásmād vivāhé gā́tʰā gīyate

Line : 5  Pada: ar     tásmād gā́yant striyā́ḥ priyás

Pada: as     tád yá evám̐ vidvā́n gā́tʰāṃ gā́yan hástaṃ gr̥hṇā́ti

Line : 6  Pada: at     sáṃ hí jīryátaḥ

Pada: au     sárvam ā́yur itas \

Pada: av     nā́rtiṃ nī̀tas

Pada: aw     tád āhus \

Pada: ax     ā́ vaí sā́ púnar agacʰat \

Line : 7  Pada: ay     naívá kíṃ caná somakráyaṇī́ti //


Anuvaka: 4  
Line : 8  Pada: a     yā́ dvirūpā́ sā́ vā́rtragʰnī

Pada: b     yát táyā krīṇīyā́j jā́yukam asya rāṣṭrám̐ syāt \

Pada: c     átʰa yásya tādŕ̥śy anustáraṇī bʰávati tā́jag eṣām áparaḥ prámīyate

Line : 9  Pada: d     yā́ róhiṇī kr̥ṣṇākṣī́ kr̥ṣṇávālā kr̥ṣṇáśapʰā sā́ pitr̥devatyā̀

Line : 10  Pada: e     yát táyā krīṇīyā́t pramā́yuko yájamānaḥ syāt \

Line : 11  Pada: f     átʰa yásya tādŕ̥śy anustáraṇī bʰávaty r̥tumád eṣām áparaḥ prámīyate

Line : 12  Pada: g     yā́ruṇā́ babʰrúlomnī śvetópakāśā śucyadakṣī́ tát somakráyaṇyā rūpám \

Line : 13  Pada: h     svénaivá rūpéṇa krīyate

Pada: i     kāṇā́ syād akʰarvā́ śroṇā́ saptáśapʰā

Pada: j     tátʰā sárvayā krīyate \

Line : 14  Pada: k     ékahāyanyākráyyā

Pada: l     vā́g vaí somakráyaṇī

Pada: m     tásmāt prajā́ḥ sam̐vatsaré vā́cam̐ vadanti \

Line : 1  Pada: n     apsú kráyyas \

Page: 79  
Line : 1  Pada: o     óṣadʰayo vaí sómas \

Pada: p     ā́pā óṣadʰīnām̐ rásas

Line : 2  Pada: q     tátʰā sá rásaḥ kriyate

Pada: r     krayé vā́ ahám̐ sómasya tr̥tī́yam̐ sávanam ávarundʰe

Line : 3  Pada: s     vedá \

Pada: t     íti ha smāhāruṇá aúpaveśiḥ

Pada: u     paśávo vaí tr̥tī́yam̐ sávanam \

Line : 4  Pada: v     paśūnā́ṃ cárma

Pada: w     yác cármaṇi nivápati

Pada: x     ténaivá tr̥tī́yam̐ sávanam ávarunddʰe

Pada: y     róhite nívapati

Line : 5  Pada: z     tásmāt paśūnā́m̐ rohitarūpám

Pada: aa     ā́naḍuhe nívapati \

Pada: ab     anaḍvā́n vaí sárvāṇi váyām̐si paśūnā́m \

Line : 6  Pada: ac     sárvāny evá váyām̐si paśūnā́m āptvā́varunddʰe \

Line : 7  Pada: ad     átʰo báhv evá yajñásyā́varunddʰe

Pada: ae     sómam̐ vícinvanti *
      FN emended. Ed.: vicinvánti

Pada: af     pā́pavasīyasya vyā́vr̥ttyai \

Line : 8  Pada: ag     átʰo devébʰya evaínam̐ śundʰanti

Pada: ah     nā́dʰvaryúḥ sómam̐ vícinuyāt \

Pada: ai     ná yájamānas \

Line : 9  Pada: aj     ná yájamānasya púruṣā nópadraṣṭā́ro vicīyámānasya syús \

Pada: ak     yád upadraṣṭā́ro vicīyámānasya syúḥ kṣúdʰaṃ prajā́ nī̀yus \

Line : 10  Pada: al     ávartir yájamānaṃ gr̥hṇīyā́t kṣódʰuko 'dʰvaryúḥ syāt //

Line : 11  Pada: am     śúndʰa sómam ā́pannaṃ * nírasya // íti brūyāt \
      FN Correcturen und Conjecturen zu dem ganzen Werk.

Line : 12  Pada: an     grasitám̐ vā́ etát sómasya yád ā́pannam \

Pada: ao     grasitám eté sómasya niṣkʰidanti * yé sómam̐ vicinvánti
      FN emended. Ed.: niṣkʰidánti

Line : 13  Pada: ap     tásmāt sómavikrayíṇo bahú krīṇánto bahú vindámānāḥ kṣódʰukās \

Line : 14  Pada: aq     grasitám̐ hy èté sómasya niṣkʰidánti \

Pada: ar     āsmākò 'sī́ti \

Line : 15  Pada: as     abʰitsārá evā́syaiṣá

Pada: at     śukrás te gráhā íti

Pada: au     śukrám evā́sya gr̥hṇāti \

Line : 16  Pada: av     abʰí tyáṃ devám̐ savitā́ram íti

Pada: aw     savitŕ̥prasūta evá gr̥hṇāti \

Pada: ax     áticʰandasā gr̥hṇāti

Line : 17  Pada: ay     sárvāṇi vaí cʰándām̐sy áticʰandāḥ

Pada: az     sárvair evaínaṃ cʰándobʰir gr̥hṇāti

Page: 80  
Line : 1  Pada: ba     várṣma vā́ eṣā́ cʰándasām \

Pada: bb     várṣmainam̐ samānā́nāṃ gamayati

Pada: bc     pañcábʰir gr̥hṇāti

Line : 2  Pada: bd     pā́ṅkto yajñás \

Pada: be     yā́vān evá yajñás tám ā́labdʰa \

Pada: bf     ékaikām utsárjaṃ mimīte \

Pada: bg     áyātayāmnyāyātayāmnyaivá mimīte \

Line : 3  Pada: bh     etā́vatī vā́ āsām ékaikasyā vīryàm āpyate

Line : 4  Pada: bi     tásmād imā́ḥ kā́maṃ prasāráyati

Pada: bj     kā́maṃ prátyañcati

Pada: bk     dáśa kŕ̥tvo mimīte

Line : 5  Pada: bl     dáśākṣarā virā́ṭ \

Pada: bm     virā́jam evā́pnoti \

Pada: bn     átʰo vairājā́ḥ paśávaḥ

Pada: bo     paśū́n evā́varunddʰe

Line : 6  Pada: bp     dvír gr̥hṇāti

Pada: bq     dvé hí sávane

Pada: br     yā́vān vaí sómo gr̥hītáḥ sá yájamānasya

Line : 7  Pada: bs     yám abʰyū́hati sá sadasyā̀nām \

Pada: bt     prajā́bʰyas tvéty abʰyū̀hati

Pada: bu     gotrā́dgotrād dʰí prasárpanti \

Line : 8  Pada: bv     óṣadʰayo vaí sómas \

Pada: bw     áparimitaṃ jī́vanam \

Pada: bx     yát párimitaṃ gr̥hṇīyā́t párimitaṃ jī́vanam̐ syāt \

Line : 9  Pada: by     átʰa yád abʰyū́haty

Pada: bz     áparimitasyā́varuddʰyai

Pada: ca     yájamāno vaí prajā́patiḥ

Line : 10  Pada: cb     prajā́ am̐śávas \

Pada: cc     yát sómam upanáhyati

Pada: cd     prajā́nām̐ vā́ etát prāṇám upanáhyati

Line : 11  Pada: ce     yád ā́ha

Pada: cf     prajā́s tvānuprā́ṇantv íti

Pada: cg     prāṇám āsu dādʰāra

Line : 12  Pada: ch     kṣaúmam úpanahyati \

Pada: ci     auṣadʰám̐ vaí kṣaúmam

Pada: cj     óṣadʰayaḥ sómasya yóniḥ

Pada: ck     svá evaínam̐ yónau dadʰāti

Line : 13  Pada: cl     yajñó yád ágre devā́nām ágacʰat tám̐ rákṣām̐sy ajigʰām̐san \

Line : 14  Pada: cm     sá devátā vyávāsarpat

Pada: cn     sarvadevatyàm̐ vaí vā́sas \

Pada: co     yát kṣaúmam upanáhyati

Line : 15  Pada: cp     sárvābʰir vā́ etád devátābʰir yajñā́d rákṣām̐sy ápahanti \

Pada: cq     átʰo sárvābʰir evá devátābʰir yajñám̐ sámardʰayati //


Anuvaka: 5  
Page: 81  
Line : 1  Pada: a     caturgr̥hītám ā́jyaṃ bʰavati

Pada: b     cátuṣpādo vaí paśávaḥ

Pada: c     paśū́n evā́varunddʰe

Line : 2  Pada: d     híraṇyam avadʰā́ya juhoti \

Pada: e     āgneyáṃ gʰr̥tám

Pada: f     agnijám̐ híraṇyam \

Pada: g     sátanūr evá sátejā hūyate \

Line : 3  Pada: h     eṣā́ vā́ agnéḥ priyā́ tanū́r yád gʰr̥tám \

Pada: i     téjo híraṇyam \

Pada: j     yád dʰíraṇyam avadʰā́ya juhóti \

Line : 4  Pada: k     agnér vā́ etát priyā́ṃ tanvàṃ téjasā sámardʰayati \

Pada: l     átʰo rūpā́ṇy evá grāhayati

Line : 5  Pada: m     paśávo vaí gʰr̥tám \

Pada: n     réto híraṇyam \

Pada: o     yád dʰíraṇyam avadʰā́ya juhóti

Line : 6  Pada: p     paśúṣu vā́ etád réto dadʰāti

Pada: q     tásmād anástʰakād rétaso 'stʰānvántaḥ paśávaḥ prájāyante

Line : 7  Pada: r     baddʰéna juhoti

Pada: s     tásmāt paśūnā́ṃ gárbʰā aprapādukā́ḥ

Pada: t     prapā́dukāḥ paśūnā́ṃ gárbʰāḥ syur yád ábaddʰena juhuyā́t \

Line : 8  Pada: u     jū́r asī́ti

Pada: v     yád vā́vá jávata ittʰám asā́3d ittʰám asā́3d íti tád asyā jūtvám \

Line : 9  Pada: w     dʰr̥tā́ mánaséti

Pada: x     mánasā hí vā́caṃ dādʰā́ra

Line : 10  Pada: y     júṣṭā víṣṇavā íti

Pada: z     yajñā́yaivaínāṃ júṣṭām̐ víṣṇave 'kas

Pada: aa     tásyās te satyásavasaḥ prasavá íti

Line : 11  Pada: ab     vācā́ hí prásūtaṃ kriyáte

Pada: ac     tanvò yantrám aśīya svā́héti \

Line : 12  Pada: ad     āśíṣam evā́śāste

Pada: ae     śukrám asi candrám asī́ty úddʰarati

Pada: af     svargásya lokásya sámaṣṭyai

Line : 13  Pada: ag     vā́g vaí somakráyaṇī

Pada: ah     śā́sti vā́vaínām etát

Pada: ai     tásmāt prajā́ḥ sr̥ṣṭvā́ prájāyante

Line : 14  Pada: aj     vatsó jātáḥ stánam icʰati

Pada: ak     stánaṃ kumārá icʰati

Pada: al     cíd asī́ti

Pada: am     yád vā́vá cíkitsata ittʰám asā́3d ittʰám asā́3d * íti tád asyāś cittvám \
      FN emended. Ed.: asā3d

Line : 15  Pada: an     manā́sī́ti

Pada: ao     yád dʰí mánasā mányate yán mánasābʰigácʰati tád vācā́ vadati

Line : 16  Pada: ap     dʰī́r asī́ti

Pada: aq     yád vā́vá dʰyā́yatīittʰám asā́3d ittʰám asā́3d íti tád asyā dʰītvám \

Line : 17  Pada: ar     dákṣiṇāsī́ti

Pada: as     yát svid vācā́ dīyáte tád asyā dakṣiṇātvám \

Line : 18  Pada: at     yajñíyāsī́ti

Pada: au     vā́g gʰí yajñíyā

Line : 19  Pada: av     kṣatríyāsī́ti

Pada: aw     yám̐ hí vā́g juṣáte sá kṣatríyas \

Pada: ax     áditir asy ubʰayátaḥśīrṣṇī́ti

Page: 82  
Line : 1  Pada: ay     yát svid ādityáḥ prāyaṇī́ya ādityá udayanī́yas tád asyā ubʰayataḥśīrṣatvám \

Line : 2  Pada: az     sā́ naḥ súprācī súpratīcī bʰavéti

Pada: ba     súprācī hy èṣā́ prāyaṇīye súpratīcy udayanī́ye //


Anuvaka: 6  
Line : 4  Pada: a     yát karṇagr̥hītáyā krīṇīyā́d vā́rtragʰnī syāt \

Pada: b     yáñ śŕ̥ṅgābʰihitáyā manuṣyadevatyā̀

Line : 5  Pada: c     yát padí baddʰáyā pitr̥devatyā̀

Pada: d     yád ábaddʰayā́yatā syāt \

Pada: e     yád ā́ha

Line : 6  Pada: f     mitrás tvā padí badʰnātv íti

Pada: g     mitrásyaivaínāṃ pā́śena yacʰati

Pada: h     pūṣā́dʰvanaḥ pātv íti \

Line : 7  Pada: i     iyám̐ vaí pūṣā́ \

Pada: j     iyám evā́syā ádʰvānam̐ sáṃbʰarati \

Pada: k     índrāyā́dʰyakṣāyéti \

Pada: l     índro vaí devā́nām ójiṣṭʰas

Line : 8  Pada: m     tám evā́syā ádʰyakṣam akar

Pada: n     ánu tvā mātā́ mányatām ánu pitéti \

Line : 9  Pada: o     ánumata evaínaṃ mātrā́ pitrā́ bʰrā́trā sákʰyā krīṇāti

Pada: p     sā́ devi devám ácʰehī́ti

Line : 10  Pada: q     devī́ hy èṣā́ deváḥ sómas \

Pada: r     índrāya sómam íti \

Pada: s     índrāya hy èṣā́ sómam acʰaíti

Line : 11  Pada: t     rurdrás tvā́vartayatv íti

Pada: u     rudrám evā́syāḥ parástād dadʰāti

Pada: v     svastí sómasakʰā púnar ehī́ti

Line : 12  Pada: w     pratyákṣam evā́labdʰa

Pada: x     rudrā́ya vā́ etát paśū́n ápidadʰāti

Line : 13  Pada: y     yád ā́ha

Pada: z     rudrás tvā́vartayatu

Pada: aa     yád ā́ha

Pada: ab     svastí sómasakʰā púnar éhī́ti

Line : 14  Pada: ac     svastím evā́syai púnar ā́vr̥ttāyai dadʰāti

Pada: ad     vā́g vaí somakráyaṇī

Pada: ae     sā́ devarūpā́ṇi práviśati

Line : 15  Pada: af     yád ā́ha

Pada: ag     vásvy asi rudrā́sī́ti \

Pada: ah     idám asīdám asī́ti vā́g vainām etád āha yádyad bʰávati

Line : 16  Pada: ai     yád vā́ etát kíṃca vádaty etā́m̐ vā́ etád āptvā́varunddʰe

Line : 17  Pada: aj     ṣáṭ padā́ny ánu níṣkrāmati

Pada: ak     ṣáḍ vā́ áhāni vā́g vibʰajyate

Pada: al     ná vaí ṣaṣṭʰám áhar vā́g átivadati

Page: 83  
Line : 1  Pada: am     sárvā vaí ṣaṣṭʰé 'han vā́g āpyate

Pada: an     yā́vaty evá vā́k tā́m āpnoti

Line : 2  Pada: ao     dákṣiṇenā́rdʰena dákṣiṇam árdʰam ánu níṣkrāmati

Pada: ap     tásmād dákṣiṇena hástenā́nnam adyate

Line : 3  Pada: aq     tásmād dákṣiṇó 'rdʰa ātmáno vīryàvattaras

Pada: ar     tásmād dákṣiṇam árdʰam̐ váyām̐sy ánu paryā́vartante

Line : 4  Pada: as     saptamé padé juhoti

Pada: at     saptá cʰándām̐si

Pada: au     cʰándām̐si vā́k \

Line : 5  Pada: av     yā́vaty evá vā́k tā́m ā́hutyāptvā́varunddʰe

Pada: aw     saptá cʰándām̐si

Pada: ax     saptá hótrāḥ

Pada: ay     saptá grāmyā́ḥ paśávaḥ

Line : 6  Pada: az     paśū́m̐s tā́n evā́varunddʰe

Pada: ba     bŕ̥haspátiṣ ṭvā́ sumné ramṇātv íti

Line : 7  Pada: bb     bráhma vaí bŕ̥haspátis \

Pada: bc     bráhmaṇaivaínām̐ yacʰati

Pada: bd     rudró vásubʰir ā́caka íti *
      FN should be ā́cakā íti (ā́cake and íti)

Pada: be     rudrám evā́syā vásubʰir ākartā́ram akaḥ

Line : 8  Pada: bf     pr̥tʰivyā́s tvā mūrdʰánn ā́jigʰarmī́ti \

Pada: bg     eṣá vaí pr̥tʰivyā́ mūrdʰā́ yád devayájanam

Line : 9  Pada: bh     íḍāyās padá íti

Pada: bi     gaúr vā́ íḍā

Pada: bj     tásyā vā́ etát padám \

Line : 10  Pada: bk     gʰr̥távati svā́héti

Pada: bl     svāhākāréṇaivaínām̐ yacʰati //


Anuvaka: 7  
Line : 11  Pada: a     híraṇyaṃ nidʰā́ya juhoti \

Pada: b     agnimáty evá juhoty āyátanavati \

Pada: c     andʰò 'dʰvaryúḥ syād yád anāyatané juhuyā́t

Line : 12  Pada: d     paśávo vaí gʰr̥tám \

Pada: e     paśávaḥ padám \

Pada: f     vájram̐ spʰyás \

Pada: g     yát spʰyéna padáṃ parilikʰáti

Line : 13  Pada: h     vájreṇa vā́ etád yájamānāya paśū́n párigr̥hṇāti

Line : 14  Pada: i     viṣā́ṇayānupárilikʰati

Pada: j     sáyonīn evā́smai paśū́n párigr̥hṇāti

Line : 15  Pada: k     stʰālyā́ṃ padám̐ sám̐vapati \

Pada: l     asyā́ vā́ eṣā́dʰikriyate \

Pada: m     iyám̐ hí paśūnā́m̐ yóniḥ

Line : 16  Pada: n     svá evaínān yónau dadʰāti

Pada: o     śócanti vā́ etát paśávo yóneś cʰinnā́s \

Page: 84  
Line : 1  Pada: p     yád apá upasr̥játi

Pada: q     śamáyaty evá

Pada: r     yájamānāya padáṃ práyacʰati

Line : 2  Pada: s     tád adʰvaryúr apaśúr bʰavati

Pada: t     yájamānāya hí paśū́nt saṃprā́dāt \

Pada: u     yád ā́ha

Pada: v     táva rā́yā íti

Line : 3  Pada: w     tád adʰvaryúṃ paśúṣv ā́bʰajati

Pada: x     ténādʰvaryúḥ paśumā́n gr̥héṣu padáṃ nídadʰāti

Line : 4  Pada: y     gr̥héṣv evā́sya paśū́n dadʰāti

Pada: z     svargó vaí loká āhavanī́yas \

Pada: aa     yád āhavanī́ya upaváped anyalokè 'sya paśū́n dadʰyāt \

Line : 5  Pada: ab     gā́rhapatyā úpavapati

Pada: ac     gā́rhapatyam̐ hí paśávó 'nū́pa tíṣṭʰante

Line : 6  Pada: ad     paśúbʰir evaínam̐ samyáñcaṃ dadʰāti

Pada: ae     paśávo vaí padám

Line : 7  Pada: af     agnī́ rudrás \

Pada: ag     yád agnimáty upaváped rudrā́yāsya paśū́n dadʰyāt \

Pada: ah     yátra śāntáṃ tád upópyam \

Line : 8  Pada: ai     paśūnā́m ápradāhāya

Pada: aj     yát somakráyaṇyā pátnīm̐ saṃkśāpáyanti

Pada: ak     mitʰunatvā́ya

Line : 9  Pada: al     tváṣṭrimantas tvéti

Pada: am     tváṣṭā hí rūpā́ṇi vikaróti

Pada: an     sápeméti

Pada: ao     sápād dʰí prajā́ḥ prájāyante

Line : 10  Pada: ap     sū́ryasya cákṣur ā́ruham íti \

Pada: aq     eṣá vā́ apariparáḥ pántʰā arakṣasyó yénāsā́ ādityá éti \

Line : 11  Pada: ar     amúṣya vā́ etád ādityásya patʰá íti

Pada: as     vr̥ṇákti vindáte vásv íti

Line : 12  Pada: at     váso hy èṣá vindáte yáḥ sómaṃ krīṇā́ti //

Pada: au     sómavikrayint * sómaṃ te krīṇāni mahā́ntaṃ bahv árhaṃ bahú śobʰamānam \
      FN Corrigenda. Ed.: sómavikrayit.

Line : 13  Pada: av     kaláyā te krīṇāni

Line : 14  Pada: aw     kúṣṭayā te krīṇāni

Pada: ax     śapʰéna te krīṇāni

Pada: ay     padā́ te krīṇāni // íti

Line : 15  Pada: az     gór vā́ etán mahimā́nam udā́caṣṭe \

Pada: ba     átʰo maháyaty evaínām

Pada: bb     átʰo akṣaraśó vā́ etád yajñáṃ mimīte

Line : 16  Pada: bc     súvāṅ nábʰrāḍ áṅgāre bámbʰārā íti \

Pada: bd     eté vaí devā́nām̐ somarákṣayas \

Line : 17  Pada: be     etébʰyo vā́ ádʰi cʰándām̐si sómam ā́haran \

Pada: bf     tébʰya evaínām ánudiśati \

Line : 18  Pada: bg     átʰo yád evā́tra yajñásyópaśliṣṭaṃ tát párikrīṇīte

Pada: bh     daśábʰiḥ krīṇāti

Page: 85  
Line : 1  Pada: bi     dáśākṣarā virā́ṭ

Pada: bj     tátʰā vairājáḥ kriyate \

Pada: bk     ekādaśábʰiḥ krīṇāti

Pada: bl     dáśa vaí paśóḥ prāṇā́s \

Line : 2  Pada: bm     ātmaíkādaśas

Pada: bn     tátʰā sárvaḥ kriyate

Pada: bo     dʰenvā́ krīṇāti \

Pada: bp     āśíram evā́sya krīṇāti \

Line : 3  Pada: bq     átʰo vā́cam evá gr̥hṇāti

Pada: br     híraṇyena krīṇāti

Pada: bs     śukrám evā́sya krīṇāti \

Line : 4  Pada: bt     átʰo téja evá gr̥hṇāti

Pada: bu     vā́sasā krīṇāti

Pada: bv     sarvadevatyàm evā́sya krīṇāti \

Line : 5  Pada: bw     ajáyā krīṇāti

Pada: bx     tápa evā́sya krīṇāti

Pada: by     yátra vā́ adáś cʰándām̐si sómam ā́haram̐s tā́ni támasā ná prā́jānan \

Line : 6  Pada: bz     táto gāyatry àjā́m ādā́yódapatat

Line : 7  Pada: ca     sā́ vā́ ebʰyaḥ prā́rocayat

Pada: cb     táto vaí cʰándām̐si sómam ā́haran \

Line : 8  Pada: cc     tát sómaṃ nā ā́jām íti vā́vā́jā \

Pada: cd     anaḍúhā krīṇāti

Pada: ce     váhny evā́sya krīṇāti \

Line : 9  Pada: cf     r̥ṣabʰéṇa krīṇāti

Pada: cg     séndram evá krīṇāti

Pada: ch     yád r̥ṣabʰéṇa krīṇīyā́t prajā́patinā víkrīṇīta *
      FN emended. Ed.: víkrīṇīte

Line : 10  Pada: ci     vatsataréṇa sā́ṇḍena kráyyasyéndram áhaḥ krīṇāti

Line : 11  Pada: cj     ná prajā́patinā víkrīṇīte

Pada: ck     mitʰunā́bʰyāṃ góbʰyāṃ krīṇāti

Pada: cl     mitʰunám evā́sya krīṇāti * //
      FN cf. Oertel, Zur Kapiṣṭʰala-Kaṭʰa-Saṃhitā, p. 25f.


Anuvaka: 8  
Line : 13  Pada: a     sómo vā́ amútrāsīt

Pada: b     té devā́ gāyatrī́ṃ prā́hiṇvan \

Pada: c     amúm̐ sómam ā́haréti

Line : 14  Pada: d     sā́ vítatam̐ yajñám ávāpaśyat

Pada: e     saíkṣata

Pada: f     yád yajñásyāntareṣyā́my ātmā́nam antáreṣyāmī́ti

Line : 15  Pada: g     tásyai vā́ etám̐ sómo jīvagraháṃ prā́bravīt

Pada: h     svajā́ asi

Line : 16  Pada: i     svabʰū́r asī́ti

Pada: j     sómasya vā́ eṣá jīvagraháḥ

Pada: k     sómasya vā́ etáj jīvagraháṃ gr̥hṇīte

Line : 17  Pada: l     nā́dʰvaryúḥ sán nā́rtim ā́rcʰati yá evám̐ véda

Pada: m     váruṇo vā́ eṣá etárhi varuṇadevatyò yárhy úpanaddʰo váruṇa enaṃ bʰūtvā́ praviśet \

Line : 18  Pada: n     yád ā́ha

Pada: o     mitró nā éhi súmitradʰā íti

Page: 86  
Line : 1  Pada: p     mitrám evaínam akaḥ

Pada: q     śamáyaty evá \

Pada: r     índrasyorúm ā́viśa dákṣiṇam íti \

Line : 2  Pada: s     aindró vaí yajñás \

Pada: t     índraḥ sómasya yóniḥ

Pada: u     svá evaínam̐ yónau dadʰāti \

Line : 3  Pada: v     índro vā́ etám ágrā ā́gatam ūrū́ nyàgr̥hṇīta

Pada: w     tā́m̐ vā́ etád anukr̥tim ūrā́ ā́sādayaté 'porṇute

Line : 4  Pada: x     yátʰā śréyasy āyaty àporṇutá eváṃ tát \

Pada: y     urv àntárikṣam̐ vī̀hī́ti \

Line : 5  Pada: z     antarikṣadevatyò vā́ eṣá etárhi

Pada: aa     prácyuta itó 'prāpto 'mútra \

Line : 6  Pada: ab     ádityāḥ sádā ā́sīdéti \

Pada: ac     ādityó vaí yajñás \

Pada: ad     áditiḥ sómasya yóniḥ

Line : 7  Pada: ae     svá evaínam̐ yónau dadʰāti

Pada: af     váruṇam̐ vā́ enam etát sántaṃ mitrám akas

Line : 8  Pada: ag     tád enam̐ sváyā devátayā vyàrdʰayati

Pada: ah     yád ā́ha //

Line : 9  Pada: ai     ástabʰnād dyā́m r̥ṣabʰó antárikṣam ámimīta varimā́ṇaṃ pr̥tʰivyā́ḥ /

Line : 10  Pada: aj     ā́sīdad víśvā bʰúvanāni samrā́ḍ víśvét tā́ni váruṇasya vratā́ni //

Line : 11  Pada: ak     íti

Pada: al     váruṇam evaínam akaḥ

Pada: am     sváyaivaínaṃ devátayā sámardʰayati

Pada: an     váneṣu vy àntárikṣaṃ tatā́néti vā́sasā paryā́ṇahyati

Line : 12  Pada: ao     sarvadevatyàm̐ vaí vā́saḥ

Pada: ap     sárvābʰir vā́ etád devátābʰir yajñáṃ krītáṃ páriśrayati

Line : 13  Pada: aq     dʰū́r asi dʰvára dʰvárantam íty āha

Pada: ar     rákṣasāṃ dʰvarā́yai rákṣasāmantárityai

Line : 14  Pada: as     vāruṇám asi

Pada: at     váruṇas tvóttabʰnātv íti

Pada: au     vāruṇám̐ hy èṣá etárhi varuṇadevatyàm \

Line : 15  Pada: av     mánasā́cʰa yanti

Pada: aw     mahimā́nam evā́syā́cʰa yanti \

Line : 16  Pada: ax     ánasā vahanti

Pada: ay     tásmād anovāhyàm óṣadʰayaḥ pʰálaṃ pacyante

Pada: az     śīrṣā́hāryam óṣadʰayaḥ pʰálaṃ pacyeran yát sómaṃ krītám̐ śīrṣṇā́ háreyus

Line : 17  Pada: ba     tásmād girā́ óṣadʰayaḥ śīrṣā́hāryaṃ pʰálaṃ pacyante

Line : 18  Pada: bb     śīrṣṇā́ hí sómaṃ krītám̐ háranti

Pada: bc     prácyavasva bʰuvanaspatā íti

Line : 19  Pada: bd     bʰūtā́nā́m̐ hy èṣá pátis \

Pada: be     víśvāny abʰí dʰā́mānī́ti

Line : 20  Pada: bf     víśvāni hy èṣá dʰā́māny abʰí prácyavate

Pada: bg     mā́ tvā pariparíṇo mā́ paripantʰíno mā́ tvā vŕ̥kā agʰāyávo vidann íti

Page: 87  
Line : 1  Pada: bh     yátra vā́ enam adá āhriyámāṇam̐ sāmigandʰarvó viśvā́vasur ámuṣṇāt tādŕ̥śebʰyo vā́vā́smā etád rákṣobʰyo bʰīṣā́ svastím akar

Line : 3  Pada: bi     váruṇo vā́ eṣá krītó yájamānasya gr̥hám óhyate

Line : 4  Pada: bj     sá īśvaró 'śānto yájamānam̐ hím̐sitos \

Pada: bk     yád ā́ha

Pada: bl     námo mitrásya váruṇasya cákṣasā íti

Line : 5  Pada: bm     śamáyaty evá

Pada: bn     śāntá evóhyate

Pada: bo     yájamānasyā́him̐sāyai

Line : 6  Pada: bp     sárvābʰyo vā́ eṣá devátābʰyā úhyate

Pada: bq     yád ekolmukéna pratitíṣṭʰet pitr̥devatyò 'sya yajñáḥ syāt \

Line : 7  Pada: br     agnír mahát samādʰéyas \

Pada: bs     agnír vaí sárvā devátāḥ

Line : 8  Pada: bt     sárvābʰir vā́ etád devátābʰir yajñám āyántaṃ prátitiṣṭʰati \

Pada: bu     agnī́ṣómau vā́ etaú sáṃbʰavatas \

Line : 9  Pada: bv     yájamānam̐ vā́ etā́ abʰisáṃbʰavetām̐ yájamānasya vā paśū́n \

Line : 10  Pada: bw     tád yá eṣá paśúr dʰāryáte tám evá bʰāgadʰéyam abʰisáṃbʰavatas \

Pada: bx     devátā vā́ etáṃ paśúṃ dʰāryámāṇaṃ nā́bʰiprā́cyavanta \

Line : 11  Pada: by     asmín yajñá āśám̐samānād yò 'yám ítaras tám agnī́ṣómā upaprā́cyavetām \

Line : 12  Pada: bz     tásmād eṣò 'gnīṣomī́yas \

Pada: ca     agnī́ṣómābʰyām̐ vā́ eṣá médʰāyātmā́nam ā́labʰate yó dī́kṣate

Line : 13  Pada: cb     sá vā́ eténaivá paśū́n ātmā́naṃ níṣkrīṇīte

Line : 14  Pada: cc     stʰūláḥ pī́vā syāt \

Pada: cd     ātmáno níṣkrītyai

Pada: ce     tásmād agnīṣomī́yasya paśór nā́śitavyàm \

Line : 15  Pada: cf     púruṣo hy èténātmā́naṃ níṣkrīṇīte

Line : 16  Pada: cg     tásmād agnīṣomī́ye sám̐stʰite yájamānasya gr̥hè 'śitavyàm \

Pada: ch     tárhi níṣkrīto 'nr̥ṇás \

Line : 17  Pada: ci     vā́rtragʰnam̐ vā́ etát

Pada: cj     sómo vaí vr̥tráḥ

Pada: ck     pūrvedyúr vā́ índro vr̥trám ahan

Line : 18  Pada: cl     pūrvedyúr vā́vaínam etát sr̥tvā́tʰāparedyúr abʰíṣuṇoti

Pada: cm     varuṇapāśā́bʰyām̐ vā́ eṣò 'bʰídʰīyate yó dī́kṣate \

Line : 19  Pada: cn     ahorātré varuṇapāśaú

Pada: co     yád dívā sam̐stʰāpáyed anúnmukto varuṇapāśā́bʰyām̐ syāt \

Page: 88  
Line : 1  Pada: cp     náktam̐ sam̐stʰā́pyas \

Pada: cq     varuṇapāśā́bʰyām evónmucyate \

Line : 2  Pada: cr     ātmánó 'him̐sāyai //


Anuvaka: 9  
Line : 4  Pada: a     yuktò 'nyò 'naḍvā́n bʰavati

Pada: b     vímukto 'nyás \

Pada: c     átʰātitʰyáṃ nírvapati

Line : 5  Pada: d     yajñásya sáṃtatyai

Pada: e     pátnyā hástān nírvapati

Pada: f     pátnī vaí pā́rīṇahyasyeśe *
      FN Correcturen und Conjecturen zu dem ganzen Werk.

Pada: g     pátnyaivá rātám ánumataṃ kriyate

Line : 6  Pada: h     yád vaí pátnī yajñé karóti tán mitʰunám \

Pada: i     mitʰunatvā́ya vaí pátnyā hástān nírvapati \

Line : 7  Pada: j     eṣá vaí pátnyā yajñásyānvārambʰó yád yajñé karóti \

Line : 8  Pada: k     anvārambʰā́ya vaí pátnyā hástān nírvapati \

Pada: l     agnés tanū́r asi víṣṇave tvéti

Line : 9  Pada: m     gāyatrī́ṃ téna cʰándasā gr̥hṇāti

Pada: n     sómasya tanū́r asi víṣṇave tvéti

Pada: o     triṣṭúbʰaṃ téna \

Line : 10  Pada: p     átitʰer ātitʰyám asi víṣṇave tvéti

Pada: q     jágatīṃ téna \

Pada: r     agnáye tvā rāyaspoṣadé víṣṇave tvéti \

Line : 11  Pada: s     anuṣṭúbʰaṃ téna

Pada: t     śyenā́ya tvā somabʰŕ̥te víṣṇave tvéti

Line : 12  Pada: u     gāyatrī́ vaí śyenáḥ somabʰŕ̥t

Pada: v     tā́m̐ vā́ etát punar ā́labʰate \

Pada: w     áyātayāmnīṃ pāṅktatvā́ya

Line : 18  Pada: x     pā́ṅkto yajñás \

Pada: y     yā́vān evá yajñás tám ā́labdʰa \

Pada: z     etád vaí cʰándām̐sy agrahīt

Pada: aa     taíś cʰándobʰir gr̥hītaír yajñáṃ gr̥hṇāti

Line : 14  Pada: ab     yā́vanto vā́ átitʰim anvāyánty ápi téṣāṃ bʰāgás \

Line : 15  Pada: ac     cʰándām̐si vā́ etám amúto 'nvā́yanti

Pada: ad     tébʰya eṣá bʰāgáḥ krīyate

Line : 16  Pada: ae     váruṇo vaí yajñáḥ krītás \

Pada: af     víṣṇuḥ prátataḥ

Pada: ag     prátato vā́ etárhi yajñás

Pada: ah     tásmād vaiṣṇavó návakapālo bʰavati

Line : 17  Pada: ai     trivŕ̥tam̐ vā́ etád yajñamukʰé vyāyātáyanti trivŕ̥tā práyanti

Line : 18  Pada: aj     té vaí tráyas tríkapālās

Pada: ak     tríkapālo vaiṣṇavó devátayā

Pada: al     víṣṇum̐ vaí devā́ ā́nayan vāmanáṃ kr̥tvā́

Page: 89  
Line : 1  Pada: am     yā́vad ayáṃ trír vikrámate tád asmā́kam íti

Line : 2  Pada: an     sá vā́ idám evā́gre vyàkramata \

Pada: ao     átʰedám átʰādás

Pada: ap     tásmāt tríkapālo vaiṣṇaváḥ

Pada: aq     sómasya vā́ etád ātitʰyám̐ yád ātitʰyám

Line : 3  Pada: ar     atʰavā́ etád agnér ātitʰyám̐ yád agnā́ agníṃ mántʰanti \

Line : 4  Pada: as     átʰo yajñā́ya vā́ etát krītā́ya devátāṃ janayanti \

Pada: at     átʰo téja evā́smai janayanti \

Line : 5  Pada: au     átʰo upasátsu vā́vā́smā etád vīráṃ janayanti \

Pada: av     ā́ hāsya vīró jāyate

Line : 6  Pada: aw     yé vaí devā́ḥ sādʰyā́ yajñám atyámanyanta téṣām̐ vā́ etád yád átiriktam̐ yajñé kriyáte \

Line : 7  Pada: ax     átiriktam̐ vā́ etád yajñé kriyate yád agnā́ agníṃ júhvati

Line : 8  Pada: ay     yác caṣā́lād upáryū́pasya tád evaínām̐ spr̥śati

Pada: az     sam̐stʰā́pyā́3n ná sam̐stʰā́pyā́3m íti mīmām̐sante

Line : 9  Pada: ba     yát sam̐stʰāpáyed yajñamukʰé yajñám̐ sám̐stʰāpayet \

Line : 10  Pada: bb     ātitʰyám̐ vā́ upasádāṃ prayājā́s tānūnaptrám āśī́s

Pada: bc     tásmād íḍāntam evá kāryàm

Line : 11  Pada: bd     ātitʰyám̐ vā́ upasádāṃ prayājā́s

Pada: be     tásmāt tā́ aprayājā́s \

Pada: bf     upasádo vā́ ātitʰyásyānuyājā́s

Line : 12  Pada: bg     tásmāt tā́s tisrás

Pada: bh     tráyo hy ànuyājā́ḥ

Pada: bi     śíro vā́ ātitʰyám \

Line : 13  Pada: bj     grīvā́ upasádas \

Pada: bk     átʰaiṣá ítaro yajñáḥ sám̐hitaḥ

Pada: bl     prajā́pater vā́ etā́ni pákṣmāṇi yád aśvavārā́ asya bʰrúvā ikṣukāṇḍé

Line : 14  Pada: bm     yajñamukʰáṃ prajā́patis \

Line : 15  Pada: bn     yajñamukʰā́d evā́dʰi yajñamukʰáṃ prátanute \

Pada: bo     áśvo vaí médʰyas \

Pada: bp     yajñás prajā́patiḥ

Line : 16  Pada: bq     prājāpatyó 'śvas

Pada: br     tásmād ā́śvavāraḥ prastaráḥ

Pada: bs     kā́rṣmaryamayāḥ paridʰáyo bʰavanti

Line : 17  Pada: bt     rákṣasām ápahatyai //


Anuvaka: 10  
Page: 90  
Line : 1  Pada: a     devā́ anyònyásya śraíṣṭʰye * tiṣṭʰámānāś caturdʰā́ vyúdakrāman \
      FN emended. Ed.: ścaíṣṭʰye.

Pada: b     agnír vásubʰiḥ

Line : 2  Pada: c     sómo rudraís \

Pada: d     índro marúdbʰis \

Pada: e     váruṇa ādityais

Pada: f     tā́n vā́ eténa bŕ̥haspátir ayājayat

Line : 3  Pada: g     téṣām índro 'bʰavat

Pada: h     tád yá eténa yájate bʰávati

Pada: i     té vā́ anyònyásyābʰidrohā́d abibʰayus

Line : 4  Pada: j     téṣām̐ yā́ḥ priyā́s tanvā̀ ā́sam̐s tā́ḥ samávādyan \

Pada: k     tā́ḥ samávāmr̥śan //

Line : 5  Pada: l     yó nas tán nápād yó * no 'nyònyásmai drúhyād íta evá sáṃ nírr̥cʰāt // íti
      FN Correcturen und Conjecturen zu dem ganzen Werk.

Line : 6  Pada: m     té yadā́ samavā́mr̥śam̐s táto devā́ ábʰavan párā́surās

Pada: n     tád yá evám̐ vidvā́m̐saḥ samavamr̥śánti bʰávanty ātmánā páraiṣāṃ bʰrā́tr̥vyā bʰavanti

Line : 8  Pada: o     yáṃ kāmáyeta r̥dʰnuyā́d íti táṃ pratʰamám ávamarśayet \

Pada: p     r̥dʰnóti

Pada: q     yádi kāmáyeta sárve sadŕ̥śāḥ syur íti sárvānt sahā́vamarśayet

Line : 9  Pada: r     sárve ha sadŕ̥śā bʰavanti

Pada: s     yé vaí té samavā́mr̥śann ápi vā́ idā́nīṃ tè 'nyonyásmai ná druhyanti

Line : 10  Pada: t     tásmāt sátānūnaptriṇe ná drógdʰavaí

Line : 11  Pada: u     yád drúhyet priyā́yai tanvaì druhyét

Pada: v     té vā́ amúṣminn ādityé priyā́s tanvàḥ saṃnyàdadʰata

Line : 12  Pada: w     tásmād eṣá téjiṣṭʰaṃ tapati

Pada: x     tásmāt sūryadevatyā̀ hí sárve sómā gr̥hyánte \

Line : 13  Pada: y     átʰo átra vaí devā́nāṃ priyā́s tanvàs

Line : 14  Pada: z     tā́ evā́varunddʰe \

Pada: aa     ā́pataye tvā gr̥hṇāmī́ti \

Pada: ab     agnáye téna vásubʰyo gr̥hṇāti

Line : 15  Pada: ac     páripataye tvéti

Pada: ad     sómāya na rutédrébʰyas

Pada: ae     tánūnáptrā íti \

Pada: af     índrāya téna marúdbʰyaḥ

Line : 16  Pada: ag     śákmane śākvarā́yéti

Pada: ah     váruṇāya ténādityébʰyas \

Pada: ai     etébʰyo vaí tád devébʰyó 'gre gr̥hyate

Line : 17  Pada: aj     tébʰya evaínad gr̥hṇāti

Pada: ak     catúr gr̥hṇāti

Pada: al     caturdʰā́ hí té vyudákrāman \


Page: 91  
Line : 1  Pada: am     ā́pataye tvā gr̥hṇāmī́ti \

Pada: an     ātmā́nam evá téna gr̥hṇāti

Pada: ao     páripataye tvéti

Line : 2  Pada: ap     prajā́ṃ téna

Pada: aq     tánūnáptrā íti

Pada: ar     yajñáṃ téna

Pada: as     śákmane śākvarā́yéti

Pada: at     paśū́m̐s téna

Line : 3  Pada: au     yó vaí devā́nt sādʰyā́n véda sídʰyati ha vā́ asmai

Pada: av     yátra kāmáyeta * ihá me sidʰyed íti \
      FN saṃdʰi is not working here.

Line : 4  Pada: aw     imé vaí lokā́ devā́ḥ sādʰyā́s \

Pada: ax     ātmā́nam evá dīkṣáyā spr̥ṇóti prajā́m avāntaradīkṣáyā

Line : 5  Pada: ay     saṃtarā́m mékʰalām ā́yacʰate

Pada: az     kánīyo vratám úpaiti \

Line : 6  Pada: ba     antarā́ hy ā̀tmā́naṃ prajā́

Pada: bb     dvívratena bʰavitavyàm \

Pada: bc     dvaú vā́ r̥tū́ áhaś ca rā́triś ca

Line : 7  Pada: bd     yád ékavrataḥ syā́t pátnīm antáriyāt \

Pada: be     yā́ te agne rúdriyā tanū́r íti vratám̐ vratayati \

Line : 8  Pada: bf     eṣā́ vā́ asmínn etárhi devátā

Pada: bg     tā́ṃ prīṇāti

Pada: bh     tásyām̐ hutám̐ vratayati

Line : 9  Pada: bi     yád étò * 'nyátʰā vratáyed rudrá enam abʰimā́nukaḥ syāt \
      FN Mss. Ed.: yadétò

Line : 10  Pada: bj     devátābʰir vā́ eṣá sā́yujyaṃ gacʰati

Pada: bk     yó dī́kṣate yáñ śītā́bʰir mārjáyeta śamáyeyur átʰo yátʰedám adbʰír agnír úpasr̥ṣṭa evám̐ syāt \

Line : 11  Pada: bl     átʰa yát taptā́bʰir mārjáyate

Line : 12  Pada: bm     śā́ntyai \

Pada: bn     átʰo téjo vaí mádantīs

Pada: bo     téja evā́varunddʰe //

Line : 13  Pada: bp     ity uparikāṇḍe saptamaḥ prapāṭʰakaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.