TITUS
Black Yajur-Veda: Maitrayani-Samhita
Part No. 39
Previous part

Prapathaka: 15  
Anuvaka: 1  
Pada: a     śā́daṃ dadbʰís \

Pada: b     ávakān dantamūlaís \

Pada: c     mŕ̥daṃ barsvaì *
      FN < barsvaìs

Pada: d     stegā́n dám̐ṣṭrābʰyām

Pada: e     avakrandéna tā́lu

Line : 8  Pada: f     vā́jam̐ hánubʰyām \

Pada: g     sárasvatyā agrajihvám \

Pada: h     jihvā́yā utsādám

Pada: i     apá āsyèna

Line : 9  Pada: j     vŕ̥ṣaṇā āṇḍā́bʰyām

Pada: k     ādityā́ñ śmáśrubʰiḥ

Pada: l     pántʰāṃ bʰrūbʰyā́m \

Pada: m     dyā́vāpr̥tʰivī́ vártobʰyām \

Line : 10  Pada: n     vidyútaṃ kanī́nikābʰyā́m \

Pada: o     kárṇābʰyām̐ śrótre

Pada: p     śrótrābʰyāṃ kárṇau \

Page: 178  
Line : 1  Pada: q     avāryā̀ṇi pákṣmāṇi pāryā̀ ikṣávaḥ

Pada: r     pāryā̀ṇi pákṣmāṇy avāryā̀ ikṣávaḥ //


Anuvaka: 2  
Line : 3  Pada: a     vā́taṃ prāṇéna \

Pada: b     apānéna nā́sikām

Pada: c     upayāmám ádʰareṇaúṣṭʰena

Pada: d     sád úttareṇa

Pada: e     śuklā́ya svā́hā

Line : 4  Pada: f     kr̥ṣṇā́ya svā́hā

Pada: g     stanayitnúṃ nirbādʰéna

Pada: h     mūrdʰā́naṃ niveṣyéṇa \

Pada: i     aśániṃ mastíṣkeṇa

Line : 5  Pada: j     vidyútaṃ kanī́nikābʰyām \

Pada: k     prakāśénā́ntaram

Pada: l     anukāśéna bā́hyam \

Pada: m     tédanī́m adʰarakaṇṭʰéna \

Line : 6  Pada: n     apáḥ śuṣkakaṇṭʰéna

Pada: o     cittáṃ mányābʰis \

Pada: p     áditim̐ śīrṣṇā́

Pada: q     nírr̥tiṃ nírjalpena śīrṣṇā́

Line : 7  Pada: r     prāṇā́nt saṃkroṣaís \

Pada: s     reṣmā́ṇam̐ stūpena //


Anuvaka: 3  
Line : 8  Pada: a     maśákān kéśais \

Pada: b     índram̐ svàpasā váhena

Pada: c     bŕ̥haspátim̐ śakunisādéna

Pada: d     kūrmā́ñ śapʰaís \

Line : 9  Pada: e     ākrámaṇam̐ stʰūrā́bʰyām \

Pada: f     bálaṃ kúṣṭābʰyām \

Pada: g     javáṃ jáṅgʰābʰis \

Pada: h     ádʰvānaṃ bāhúbʰyām \

Line : 10  Pada: i     jā́mbilenā́raṇyam

Pada: j     agním atīrúgbʰyām \

Pada: k     rudrám̐ rórābʰyām \

Pada: l     pūṣáṇaṃ dorbʰyā́m

Pada: m     aśvínā ám̐sābʰyām //


Anuvaka: 4  
Line : 12  Pada: a     agnéḥ pakṣatís \

Pada: b     vāyór nípakṣatiḥ

Pada: c     sómasya tr̥tī́yā \

Pada: d     apā́ṃ caturtʰī́ \

Pada: e     ádityāḥ pañcamī́ \

Page: 179  
Line : 1  Pada: f     agnī́ṣómayoḥ ṣaṣṭʰī́

Pada: g     marútām̐ saptamī́

Pada: h     bŕ̥haspáter aṣṭamī́

Pada: i     pūṣṇó navamī́

Line : 2  Pada: j     tváṣṭur daśamī́ \

Pada: k     índrasyaikādaśī

Pada: l     váruṇasya dvādaśī

Pada: m     yamásya trayodaśī́ //


Anuvaka: 5  
Line : 3  Pada: a     indrāgnyóḥ pakṣatíḥ

Pada: b     sárasvatyā nípakṣatis \

Pada: c     índrasya tr̥tī́yā

Pada: d     bŕ̥haspáteś caturtʰī́

Line : 4  Pada: e     nírr̥tyāḥ pañcamī́ \

Pada: f     indrāṇyā́ḥ ṣaṣṭʰī́

Pada: g     sarpā́ṇām̐ saptamī́

Pada: h     víṣṇor aṣṭamī́ \

Line : 5  Pada: i     aryamṇó navamī́

Pada: j     dʰātúr daśamī́ \

Pada: k     índrasyaikādaśī́

Pada: l     váruṇasya dvādaśī́

Pada: m     yamyā́s trayodaśī́

Line : 6  Pada: n     dyā́vāpr̥tʰivyór dákṣiṇaṃ pārśvám \

Pada: o     víśveṣāṃ devā́nām úttaram //


Anuvaka: 6  
Line : 7  Pada: a     marútām̐ skandʰā́s \

Pada: b     víśveṣāṃ devā́nāṃ mpratʰamā́ kī́kasā

Pada: c     rudrā́ṇāṃ dvitī́yā \

Pada: d     ādityā́nāṃ tr̥tī́yā

Line : 8  Pada: e     vāyóḥ púcʰam

Pada: f     agnī́ṣómayor bʰā́sadau

Pada: g     krúñcau śróṇibʰyām \

Pada: h     mitrā́váruṇā ūrúbʰyām

Line : 9  Pada: i     índrāváruṇā algā́bʰyām

Pada: j     ākrámaṇaṃ kuṣṭʰā́bʰyām

Pada: k     atsárābʰiḥ kapíñjalān //


Anuvaka: 7  
Line : 11  Pada: a     índrasya kroḍás \

Pada: b     ádityāḥ pājásyam \

Pada: c     diśā́ṃ jatrávas \

Pada: d     ádityā bʰasát \

Pada: e     jīmū́tān hr̥dayaupaśābʰyām

Line : 12  Pada: f     antárikṣaṃ pulītátā

Pada: g     nábʰa udaryèṇa

Pada: h     valmī́kān klomnā́

Line : 13  Pada: i     glaubʰír gúlmān \

Pada: j     cakravākaú mátasnābʰyām \

Pada: k     dívam̐ vr̥kkā́bʰyām \

Pada: l     hirā́bʰiḥ srávantīs \

Line : 14  Pada: m     girī́n plāśibʰyām

Pada: n     úpalān plīhnā́

Pada: o     hradā́n kukṣíbʰyām \

Pada: p     samudrám udáreṇa

Line : 15  Pada: q     vaiśvānaráṃ bʰásmanā //


Anuvaka: 8  
Page: 180  
Line : 1  Pada: a     vídʰr̥tiṃ nā́bʰyā

Pada: b     gʰr̥tám̐ rásena \

Pada: c     apó yūṣṇā́

Pada: d     márīcīr viprúṣā

Pada: e     nīhārám ūṣmáṇā

Line : 2  Pada: f     śīnám̐ vásayā

Pada: g     hrādúnīr dūṣī́kābʰiḥ

Pada: h     prúṣvā áśrubʰis \

Pada: i     asnā́ rákṣām̐si

Line : 3  Pada: j     citrā́ṇy áṅgais \

Pada: k     nákṣatrāṇi rūpaíḥ

Pada: l     pr̥tʰivī́ṃ tvacā́

Pada: m     jumbakā́ya svā́hā //


Anuvaka: 9  
Line : 4  Pada: a     pūṣáṇam̐ vaniṣṭʰúnā \

Pada: b     andʰāhī́nt stʰūragudáyā

Pada: c     sarpā́n gúdābʰis \

Pada: d     vihrúta āntraís \

Pada: e     apá āsyèna

Line : 5  Pada: f     vr̥ṣaṇā āṇḍā́bʰyām \

Pada: g     śéṣo vā́jinena

Pada: h     prajā́m̐ rétasā

Pada: i     cā́ṣān pitténa

Line : 6  Pada: j     pradarā́n pāyúnā

Pada: k     kūṣmā́ñ śakapiṇḍaíḥ //


Anuvaka: 10  
Line : 7  Pada: a     agnáye gāyatrā́ya trivŕ̥te rā́tʰantarāya vā́santikāya puroḍā́śam aṣṭā́kapālaṃ nirvapati \

Line : 8  Pada: b     índrāya traíṣṭubʰāya pañcadaśā́ya bā́rhatāya graíṣmāya puroḍā́śam ékādaśakapālam \

Line : 9  Pada: c     víśvebʰyo devébʰyo jā́gatebʰyaḥ saptadaśébʰyo vairūpébʰyo vā́rṣikebʰyaḥ puroḍā́śaṃ dvā́daśakapālam \

Line : 10  Pada: d     mitrā́váruṇābʰyām ā́nuṣṭubʰābʰyām ekavim̐śā́bʰyām̐ vairājā́bʰyām̐ śāradā́bʰyāṃ payasyā̀m \

Line : 11  Pada: e     bŕ̥haspátaye pā́ṅktāya triṇavā́ya śākvarā́ya haimantikāya carúm \

Line : 12  Pada: f     savitrá āticʰandasā́ya trayastrim̐śā́ya raivatā́ya śaiśirā́ya puroḍā́śaṃ dvā́daśakapālam

Line : 13  Pada: g     ánumatyai carúm \

Line : 14  Pada: h     vaiśvānaráṃ dvā́daśakapālam

Pada: i     ádityai víṣṇupatnyai carúm \

Pada: j     kāyám ékakapālam //


Anuvaka: 11  
Page: 181  
Line : 1  Pada: a     agnáye 'm̐homúce puroḍā́śam aṣṭā́kapālaṃ nírvapati \

Pada: b     índrāyām̐homúce puroḍā́śam ékādaśakapālam \

Line : 2  Pada: c     mitrā́váruṇābʰyām āgomúgbʰyāṃ payasyā̀m \

Pada: d     vāyusavitŕ̥bʰyām āgomúgbʰyāṃ páyas \

Line : 3  Pada: e     áśvíbʰyām āgomúgbʰyāṃ dʰānā́s \

Pada: f     marúdbʰya enomúgbʰyaḥ puroḍā́śam̐ saptákapālam \

Line : 4  Pada: g     víśvebʰyo devébʰya enomúgbʰyaḥ puroḍā́śaṃ dvā́daśakapālam

Line : 5  Pada: h     anumatyai carúm̐ vaiśvānaráṃ dvā́daśakapālam \

Pada: i     dyā́vāpr̥tʰivī́bʰyām am̐homúgbʰyāṃ puroḍā́śaṃ dvíkapālam //

Line : 7  Pada: j     iti tr̥tīyakāṇḍe pañcadaśamaḥ prapāṭʰakaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.