TITUS
Black Yajur-Veda: Taittiriya-Brahmana
Part No. 8
Previous part

Chapter: 8 
Paragraph: 1 
Verse: 1    {BS 1.8.1.1}
Sentence: 1    váruṇasya suṣuvāṇásya daśadʰā_índriyáṃ vīryàṃ párāpatat /
Sentence: 2    tát sám̐sr̥dbʰir ánusámasarpat /
Sentence: 3    tát sam̐sŕ̥pām̐ sám̐sr̥ttvám /
Sentence: 4    agnínā devéna pratʰamé 'hann ánuprā́yuṅkta /
Sentence: 5    sárasvatyā vācā́ dvitī́ye /
Sentence: 6    savitrā́ prasavéna tr̥tī́ye /
Sentence: 7    puṣṇā́ paśúbʰiś caturtʰé /
Sentence: 8    bŕ̥haspátinā bráhmaṇā pañcamé /
Sentence: 9    índreṇa devéna ṣaṣṭhé /
Sentence: 10    váruṇena sváyā devátayā saptamé //

Verse: 2    {BS 1.8.1.2}
Sentence: 1    sómena rā́jñā_aṣṭamé /
Sentence: 2    tváṣṭrā rūpéṇa navamé /
Sentence: 3    víṣṇunā yajñéna_āpnot /
Sentence: 4    yát sam̐sŕ̥po bʰávanti /
Sentence: 5    indriyám evá tád vīryàṃ yájamāna āpnoti /
Sentence: 6    pū́rvā_pūrvā védir bʰavati /
Sentence: 7    indriyásya vīryàsya_ávaruddʰyai /
Sentence: 8    purástād upasádām̐ saumyéna prácarati /
Sentence: 9    sómo vái retodʰā́ḥ /
Sentence: 10    réta evá tád dadʰāti /
Sentence: 11    antarā́ tvāṣṭréṇa /
Sentence: 12    réta evá hitáṃ tváṣṭā rūpā́ṇi víkaroti /
Sentence: 13    upáriṣṭād vaiṣṇavéna /
Sentence: 14    yajñó vái víṣṇuḥ /
Sentence: 15    yajñá evá_antatáḥ prátitiṣṭhati //

Paragraph: 2 
Verse: 1    {BS 1.8.2.3}
Sentence: 1    jāmí vā́ etát kurvanti /
Sentence: 2    yát sadyó dīkṣáyanti /
Sentence: 3    sadyáḥ sómaṃ krīṇánti /
Sentence: 4    puṇḍarisrajā́ṃ práyaccʰaty ájāmitvāya /
Sentence: 5    áṅgirasaḥ suvargáṃ lokáṃ yántaḥ /
Sentence: 6    apsú dīkṣātapásī prā́veśayan /
Sentence: 7    tát {AS yát} puṇḍarīkam abʰavat /
Sentence: 8    yát puṇḍarisrajā́ṃ prayáccʰati /
Sentence: 9    sākṣā́d evá dīkṣātapásī ávarundʰe /
Sentence: 10    daśábʰir vatsataráiḥ sómaṃ krīṇāti /
Sentence: 11    dáśa_akṣarā virā́ṭ //

Verse: 2    {BS 1.8.2.4}
Sentence: 1    ánnaṃ virā́ṭ /
Sentence: 2    virā́jā_evá_annā́dyam ávarundʰe /
Sentence: 3    muṣkarā́ bʰavanti sa_indratvā́ya /
Sentence: 4    daśapéyo bʰavati /
Sentence: 5    annā́dyasya_ávaruddʰyai /
Sentence: 6    śatáṃ brāhmaṇā́ḥ pibanti /
Sentence: 7    śatá_āyuḥ púruṣaḥ śatá_indriyaḥ /
Sentence: 8    ā́yuṣy evá_indriyé prátitiṣṭhati /
Sentence: 9    saptadaśám̐ stotráṃ bʰavati /
Sentence: 10    saptadaśáḥ prajā́patiḥ //

Verse: 3    {BS 1.8.2.5}
Sentence: 1    prajā́pater ā́ptyai /
Sentence: 2    prakāśā́v adʰvaryáve dadāti {BS prāksāśā́vadʰvaryáve dadat} /
Sentence: 3    prakāśám eváinaṃ gamayati /
Sentence: 4    srájam udgātré /
Sentence: 5    vy èvā́smai vāsayati /
Sentence: 6    rukmám̐ hótre /
Sentence: 7    ādityám evā́smā únnayati /
Sentence: 8    áśvaṃ prastotr̥pratihartŕ̥bʰyām /
Sentence: 9    prājāpatyó vā́ áśvaḥ /
Sentence: 10    prajā́pater ā́ptyai //

Verse: 4    {BS 1.8.2.6}
Sentence: 1    dvā́daśa paṣṭhauhī́r brahmáṇe /
Sentence: 2    ā́yur evá_avarundʰe /
Sentence: 3    vaśā́ṃ maitrāvaruṇā́ya /
Sentence: 4    rāṣṭrám evá vaśy àkaḥ /
Sentence: 5    r̥ṣabʰáṃ brāhmaṇāccʰam̐síne /
Sentence: 6    rāṣṭrám evá_indriyāvy àkaḥ /
Sentence: 7    vā́sasī neṣṭāpotŕ̥bʰyāṃ /
Sentence: 8    pavítre evā́syaité /
Sentence: 9    stʰū́ri yavācitám accʰāvākā́ya /
Sentence: 10    antatá evá vváruṇam ávayajate //

Verse: 5    {BS 1.8.2.7}
Sentence: 1    anaḍvā́ham agnī́dʰe /
Sentence: 2    váhnir vā́ anaḍvā́n /
Sentence: 3    váhnir agnī́t /
Sentence: 4    váhninā_evá váhni yajñásya_ávarundʰe /
Sentence: 5    índrasya suṣuvāṇásya tredʰā́_indriyáṃ vīryàṃ párāpatat /
Sentence: 6    bʰŕ̥gus tŕ̥tīyam abʰavat /
Sentence: 7    śrāyantī́yaṃ tŕ̥tīyam /
Sentence: 8    sárasvatī tŕ̥tīyam /
Sentence: 9    bʰārgavó hótā bʰavati /
Sentence: 10    śrāyantī́yaṃ brahmasāmáṃ bʰavati /
Sentence: 11    vāravantī́yam agniṣṭomasāmám /
Sentence: 12    sārasvatī́r apó gr̥hṇāti /
Sentence: 13    indriyásya vīryàsya_ávaruddʰyai /
Sentence: 14    śrāyantī́yaṃ brahmasāmáṃ bʰavati /
Sentence: 15    indriyám evā́smin vīryàm̐ śrayati /
Sentence: 16    vāravantī́yam agniṣṭomasāmám /
Sentence: 17    indriyám evā́smin vīryàṃ vārayati //

Paragraph: 3 
Verse: 1    {BS 1.8.3.8}
Sentence: 1    īśvaró vā́ eṣá díśó 'nū́nmaditoḥ /
Sentence: 2    yáṃ díśó 'nu vyāstʰāpáyanti /
Sentence: 3    diśā́m áveṣṭayo bʰavanti /
Sentence: 4    dikṣv èvá prátitiṣṭhaty ánunmādāya /
Sentence: 5    páñca devátā yajati /
Sentence: 6    páñca díśaḥ /
Sentence: 7    dikṣv èvá prátitiṣṭhati /
Sentence: 8    havíṣo_haviṣa iṣṭvā́ bārhaspatyám abʰígʰārayayati /
Sentence: 9    yajamānadevatyò vái bŕ̥haspátiḥ /
Sentence: 10    yájamānam evá téjasā sámardʰayati //

Verse: 2    {BS 1.8.3.9}
Sentence: 1    ādityā́ṃ malhā́ṃ {AS ahlā́ṃ} garbʰíṇīm ā́labʰate /
Sentence: 2    mārutī́ṃ pŕ̥śniṃ paṣṭhauhī́m /
Sentence: 3    víśaṃ caivā́smai rāṣṭráṃ ca samī́cī dadʰāti /
Sentence: 4    ādityáyā pū́rvayā prácarati /
Sentence: 5    mārutyā_úttarayā /
Sentence: 6    rāṣṭrá evá víśam ánubadʰnāti /
Sentence: 7    uccáir ādityā́yā ā́śrāvayati /
Sentence: 8    upām̐śú mārutyai /
Sentence: 9    tásmād rāṣṭráṃ víśam átivadati /
Sentence: 10    garbʰíṇy ādityā́ bʰavati //

Verse: 3    {BS 1.8.3.10}
Sentence: 1    indriyáṃ vái gárbʰaḥ /
Sentence: 2    rāṣṭrám evá_indriyāvy àkaḥ /
Sentence: 3    agarbʰā́ mārutī́ /
Sentence: 4    víḍ vái marútaḥ /
Sentence: 5    víśam evá nírindriyām akaḥ /
Sentence: 6    deva_asurā́ḥ sáṃyattā āsan /
Sentence: 7    té devā́ aśvínoḥ pūṣán vācáḥ satyám̐ saṃnidʰā́ya /
Sentence: 8    ánr̥tena_ásurān abʰyàbʰavan /
Sentence: 9    tè 'śvibʰyā̀ṃ pūṣṇé puroḍā́śaṃ dvā́daśakapālaṃ níravapan /
Sentence: 10    táto vái té vācáḥ satyám ávārundʰata //

Verse: 4    {BS 1.8.3.11}
Sentence: 1    yád aśvibʰyāṃ pūṣṇé puroḍā́śaṃ dvā́daśakapālaṃ nírvapati /
Sentence: 2    ánr̥tena_evá bʰrā́tr̥vyān abʰibʰū́ya /
Sentence: 3    vācáḥ satyám ávarundʰe /
Sentence: 4    sárasvate satyavā́ce carúm /
Sentence: 5    pū́rvam evá_uditám /
Sentence: 6    úttareṇa_abʰígr̥ṇāti /
Sentence: 7    savitré satyáprasavāya puroḍā́śaṃ dvā́daśakapālaṃ prásūtyai /
Sentence: 8    dūtā́n práhiṇoti /
Sentence: 9    āvída etā́ bʰavanti /
Sentence: 10    āvídam eváinaṃ gamayanti /
Sentence: 11    átʰo dūtébʰya evá ná ccʰidyate /
Sentence: 12    tisr̥dʰanvám̐ śuṣkadr̥tír dákṣiṇā sámr̥ddʰyai //

Paragraph: 4 
Verse: 1    {BS 1.8.4.12}
Sentence: 1    āgneyám aṣṭā́kapālaṃ nírvapati /
Sentence: 2    tásmāt_śíśire kurupañcālā́ḥ prāñco yānti /
Sentence: 3    saumyáṃ carúm /
Sentence: 4    tásmād vasantáṃ vyavasā́ya_ādayanti /
Sentence: 5    sāvitráṃ dvā́daśakapālam /
Sentence: 6    tásmāt purástād yávānām̐ savitrā́ vírundʰate /
Sentence: 7    bārhaspatyáṃ carúm /
Sentence: 8    savitrā́_evá virúdʰya /
Sentence: 9    bráhmaṇā yávān ā́dadʰate /
Sentence: 10    tvāṣṭrám aṣṭā́kapālam //

Verse: 2    {BS 1.8.4.13}
Sentence: 1    rūpā́ṇy evá téna kurvate /
Sentence: 2    vaiśvānaráṃ dvā́daśakapālam /
Sentence: 3    tásmāj jagʰanyè náidāgʰe pratyáñcaḥ kurupañcālā́ yānti /
Sentence: 4    sārasvatáṃ carúṃ nírvapati /
Sentence: 5    tásmāt prāvŕ̥ṣi sárvā vā́co vadanti /
Sentence: 6    pauṣṇéna vyávasyanti /
Sentence: 7    maitréṇa kr̥ṣante /
Sentence: 8    vāruṇéna vídʰr̥tā āsate /
Sentence: 9    kṣaitrapatyéna pācayante /
Sentence: 10    ādityéna_ā́dadʰate //

Verse: 3    {BS 1.8.4.14}
Sentence: 1    māsí_māsy etā́ni havī́m̐ṣi nirúpyāṇi_íty āhuḥ /
Sentence: 2    ténaivá_r̥tū́n práyuṅkta íti /
Sentence: 3    átʰo kʰálv āhuḥ /
Sentence: 4    káḥ saṃvatsaráṃ jīviṣyati_íti /
Sentence: 5    ṣáḍ evá pūrvedyúr nirúpyāṇi /
Sentence: 6    ṣáḍ uttaredyúḥ /
Sentence: 7    ténaivá_r̥tū́n práyuṅkte /
Sentence: 8    dákṣiṇo ratʰavāhanavāháḥ pū́rveṣāṃ dákṣiṇā /
Sentence: 9    úttara úttareṣām /
Sentence: 10    saṃvatsarásya_evá_ántau yunakti /
Sentence: 11    suvargásya lokásya sámaṣṭyai //

Paragraph: 5 
Verse: 1    {BS 1.8.5.15}
Sentence: 1    índrasya suṣuvāṇásya daśadʰā́_indriyáṃ vīryàṃ párāpatat /
Sentence: 2    sá yát pratʰamáṃ niráṣṭhīvat /
Sentence: 3    tát kvalam abʰavat /
Sentence: 4    yád dvitī́yam /
Sentence: 5    tád bádaram /
Sentence: 6    yát tr̥tī́yam /
Sentence: 7    tát karkándʰu /
Sentence: 8    yán nastáḥ /
Sentence: 9    sá sim̐háḥ /
Sentence: 10    yád ákṣyoḥ //

Verse: 2    {BS 1.8.5.16}
Sentence: 1    sá śārdūláḥ /
Sentence: 2    yát kárṇayoḥ /
Sentence: 3    sá vŕ̥kaḥ /
Sentence: 4    yá ūrdʰváḥ /
Sentence: 5    sá sómaḥ /
Sentence: 6    yā́_avācī /
Sentence: 7    sā́ súrā /
Sentence: 8    trayā́ḥ sáktavo bʰavanti /
Sentence: 9    indriyásya_ávaruddʰyai /
Sentence: 10    trayā́ṇi lómāni //

Verse: 3    {BS 1.8.5.17}
Sentence: 1    tvíṣim evá_avarundʰe /
Sentence: 2    tráyo gráhāḥ /
Sentence: 3    vīryàm evá_avarundʰe /
Sentence: 4    nā́mnā daśamī́ /
Sentence: 5    náva vái púruṣe prāṇā́ḥ /
Sentence: 6    nā́bʰir daśamī́ /
Sentence: 7    prāṇā́ indriyáṃ vīryàm /
Sentence: 8    prāṇā́n evá_indriyáṃ vīryàṃ yájamāna ātmán dʰatte /
Sentence: 9    sī́sena klībā́t_śáṣpāṇi krīṇāti /
Sentence: 10    ná vā́ etád áyo ná híraṇyam //

Verse: 4    {BS 1.8.5.18}
Sentence: 1    yát sī́sam /
Sentence: 2    ná strī́ ná púmān /
Sentence: 3    yát klībáḥ /
Sentence: 4    ná sómo ná súrā /
Sentence: 5    yát sautrāmaṇī́ sámr̥ddʰyai /
Sentence: 6    svādvī́ṃ tvā svādúnā_íty āha /
Sentence: 7    sómam eváināṃ karoti /
Sentence: 8    sómo 'sy aśvíbʰyāṃ pacyasva sárasvatyai pacyasva_índrāya sutrā́mṇe pacyasva_íty āha /
Sentence: 9    etā́bʰyo hy èṣā́ devátābʰyaḥ pácyate /
Sentence: 10    tisráḥ sám̐sr̥ṣṭā vasati //

Verse: 5    {BS 1.8.5.19}
Sentence: 1    tisró hí rā́trīḥ krītáḥ sómo vásati /
Sentence: 2    punā́tu te parisrutam íti yájuṣā punāti vyā́vr̥ttyai {AS vyā́vr̥tyai} /
Sentence: 3    pavítreṇa punāti /
Sentence: 4    pavítreṇa hí sómaṃ punánti /
Sentence: 5    vā́reṇa śáśvatā tánā_íty āha /
Sentence: 6    vā́reṇa hí sómaṃ punánti /
Sentence: 7    vāyúḥ pūtáḥ pavítreṇa_íti ná_etáyā punīyāt /
Sentence: 8    vyr̥̀ddʰā hy èṣā́ /
Sentence: 9    atipavitásya_etáyā punīyāt /
Sentence: 10    kuvíd aṅga_íty ániruktayā prājāpatyáyā gr̥hṇāti //

Verse: 6    {BS 1.8.5.20}
Sentence: 1    ániruktaḥ prajā́patiḥ /
Sentence: 2    prajā́pater ā́ptyai /
Sentence: 3    ékayā_r̥cā́ gr̥hṇāti /
Sentence: 4    ekadʰā́_evá yájamāne vīryàṃ dadʰāti /
Sentence: 5    āśvináṃ dʰūmrám ā́labʰate /
Sentence: 6    aśvínau vái devā́nāṃ bʰiṣájau /
Sentence: 7    tā́bʰyām evā́smai bʰeṣajáṃ karoti /
Sentence: 8    sārasvatáṃ meṣám /
Sentence: 9    vā́g vái sárasvatī /
Sentence: 10    vācā́_éváinaṃ bʰiṣajyati /
Sentence: 11    aindrám r̥ṣabʰám̐ sa_indratvā́ya //

Paragraph: 6 
Verse: 1    {BS 1.8.6.21}
Sentence: 1    yát triṣú yū́peṣv ālábʰeta /
Sentence: 2    bahirdʰā́_asmād indriyáṃ vīryàṃ dadʰyāt /
Sentence: 3    bʰrā́tr̥vyam asmai janayet /
Sentence: 4    ekayūpá ā́labʰate /
Sentence: 5    ekadʰā́_evā́sminn indriyáṃ vīryàṃ dadʰāti /
Sentence: 6    ná_asmai bʰrā́tr̥vyaṃ janayati /
Sentence: 7    ná_etéṣāṃ paśūnā́ṃ puroḍā́śā bʰavanti /
Sentence: 8    gráhapuroḍāśā hy èté /
Sentence: 9    yuvám̐ surā́mam aśvinā_íti sarvadevatyè yājyānuvākyè bʰavataḥ /
Sentence: 10    sárvā evá devátāḥ prīṇāti //

Verse: 2    {BS 1.8.6.22}
Sentence: 1    brāhmaṇáṃ párikrīṇīyād uccʰéṣaṇasya pātā́ram /
Sentence: 2    brāhmaṇó hy ā́hutyā uccʰéṣaṇasya pātā́ /
Sentence: 3    yádi brāhmaṇáṃ ná vindét /
Sentence: 4    valmīkavapā́yām ávanayet /
Sentence: 5    sā́_evá tátaḥ prā́yaścittiḥ /
Sentence: 6    yád vái sautrāmaṇyái vyr̥ddʰam /
Sentence: 7    tád asyai sámr̥ddʰam /
Sentence: 8    nānādevatyā̀ḥ paśávaś ca puroḍā́śāś ca bʰavanti sámr̥ddʰyai /
Sentence: 9    aindráḥ paśūnā́m uttamó bʰavati /
Sentence: 10    aindráḥ puroḍā́śānāṃ pratʰamáḥ //

Verse: 3    {BS 1.8.6.23}
Sentence: 1    indriyé evā́smai samī́cī dadʰāti /
Sentence: 2    purástād anūyājā́nāṃ puroḍā́śaiḥ prácarati /
Sentence: 3    paśávo vái puroḍā́śāḥ /
Sentence: 4    paśū́n evá_avarundʰe /
Sentence: 5    aindrám ékādaśakapālaṃ nírvapati /
Sentence: 6    indriyám evá_avarundʰe /
Sentence: 7    sāvitráṃ dvā́daśakapālaṃ prásūtyai /
Sentence: 8    vāruṇáṃ dáśakapālam /
Sentence: 9    antatá evá váruṇam ávayajate /
Sentence: 10    váḍabā dákṣiṇā //

Verse: 4    {BS 1.8.6.24}
Sentence: 1    utá vā́ eṣā́_áśvam̐ sūté /
Sentence: 2    utá_áśvatarám /
Sentence: 3    utá sóma utá súrā /
Sentence: 4    yát sautrāmaṇī́ sámr̥ddʰyai /
Sentence: 5    bārhaspatyáṃ paśúṃ caturtʰámatipavitásya_ā́labʰate /
Sentence: 6    bráhma vái devā́nāṃ bŕ̥haspátiḥ /
Sentence: 7    bráhmaṇā_evá yajñásya vyr̥̀ddʰam ápivapati /
Sentence: 8    puroḍā́śavān eṣá paśúr bʰavati /
Sentence: 9    ná hy étasya gráhaṃ gr̥hṇánti /
Sentence: 10    sómapratīkāḥ pitaras tr̥pṇuta_íti śata_ātr̥ṇṇā́yām̐ samávanayati //

Verse: 5    {BS 1.8.6.25}
Sentence: 1    śatá_āyuḥ púruṣaḥ śatá_indriyaḥ /
Sentence: 2    ā́yuṣy evá_indriyé prátitiṣṭhati /
Sentence: 3    dákṣiṇe 'ganú juhoti /
Sentence: 4    pāpavasyasásya vyā́vr̥ttyai /
Sentence: 5    híraṇyam antarā́ dʰārayati /
Sentence: 6    pūtā́m eváināṃ juhoti /
Sentence: 7    śatámānaṃ bʰavati /
Sentence: 8    śatá_āyuḥ púruṣaḥ śatá_indriyaḥ /
Sentence: 9    ā́yuṣy evá_indriyé prátitiṣṭhati /
Sentence: 10    yátra_evá śata_ātr̥ṇṇā́ṃ dʰāráyati //

Verse: 6    {BS 1.8.6.26}
Sentence: 1    tán nídadʰāti prátiṣṭhityai /
Sentence: 2    pitŕ̥̄n vā́ etásya_indriyáṃ vīryàṃ gaccʰati /
Sentence: 3    yám̐ sómo 'tipavate /
Sentence: 4    pitr̥ṇā́ṃ yājyānuvākyā̀bʰir úpa tiṣṭhate /
Sentence: 5    yád evā́sya pitŕ̥̄n indriyáṃ vīryàṃ gáccʰati /
Sentence: 6    tád evá_avarundʰe /
Sentence: 7    tisŕ̥bʰir úpatiṣṭhate /
Sentence: 8    tr̥tī́ye vā́ itó loké pitáraḥ /
Sentence: 9    tā́n evá prīṇāti /
Sentence: 10    átʰo trī́ṇi vái yajñásya_indriyā́ṇi /
Sentence: 11    adʰvaryúr hótā brahmā́ /
Sentence: 12    tá úpatiṣṭhante /
Sentence: 13    yā́ny evá yajñásya_indriyā́ṇi /
Sentence: 14    táir evā́smai bʰeṣajáṃ karoti //

Paragraph: 7 
Verse: 1    {BS 1.8.7.27}
Sentence: 1    agniṣṭomám ágra ā́harati /
Sentence: 2    yajñamukʰáṃ vā́ agniṣṭomáḥ /
Sentence: 3    yajñamukʰám evá_ā́rabʰya savám ā́kramate /
Sentence: 4    átʰa_eṣò 'bʰiṣecanī́yaś catustriṃśáḥ pavamāno bʰavati /
Sentence: 5    tráyastrim̐śad vái devátāḥ /
Sentence: 6    tā́ evá_āpnoti /
Sentence: 7    prajā́patiś catustrim̐śáḥ /
Sentence: 8    tám evá_āpnoti /
Sentence: 9    sam̐śará eṣá stómānām áyatʰāpūrvam /
Sentence: 10    yád víṣamāḥ stómāḥ //

Verse: 2    {BS 1.8.7.28}
Sentence: 1    etā́vān vái yajñáḥ /
Sentence: 2    yā́vān pávamānāḥ /
Sentence: 3    antaḥśléṣaṇaṃ tvā́ anyát /
Sentence: 4    yát samā́ḥ pávamānāḥ /
Sentence: 5    téna_ásam̐śaraḥ /
Sentence: 6    téna yatʰāpūrvám /
Sentence: 7    ātmánā_evá_agniṣṭoména_r̥dʰnóti /
Sentence: 8    ātmánā púṇyo bʰavati /
Sentence: 9    prajā́ vā́ uktʰā́ni /
Sentence: 10    paśáva uktʰā́ni {according to AS note, this phrase comes before the preceding one} /
Sentence: 11    yád uktʰyò bʰávaty ánusáṃtatyai //

Paragraph: 8 
Verse: 1    {BS 1.8.8.29}
Sentence: 1    úpa tvā jāmáyo gíra íti pratipád bʰavati /
Sentence: 2    vā́g vái vāyúḥ /
Sentence: 3    vācá eváiṣo 'bʰiṣekáḥ /
Sentence: 4    sárvāsām evá prajā́nām̐ sūyate /
Sentence: 5    sárvā enaṃ prajā́ rā́jā_íti vadanti /
Sentence: 6    etám u tyáṃ dáśakṣípa íty āha /
Sentence: 7    ādityā́ vái prajā́ḥ /
Sentence: 8    prajā́nām eváiténa sūyate /
Sentence: 9    yánti vā́ eté yajñamukʰā́t /
Sentence: 10    yé sambʰāryā̀ akran //

Verse: 2    {BS 1.8.8.30}
Sentence: 1    yád ā́ha pávasva vācó agriya íti /
Sentence: 2    ténaivá yajñamukʰā́n ná yanti /
Sentence: 3    anuṣṭúk pratʰamā́ bʰavati /
Sentence: 4    anuṣṭúg uttamā́ /
Sentence: 5    vā́g vā́ anuṣṭúk /
Sentence: 6    vācā́_evá prayánti /
Sentence: 7    vācā́_udyanti /
Sentence: 8    údvatīr bʰavanti /
Sentence: 9    údvad vā́ anuṣṭúbʰo rūpám /
Sentence: 10    ā́nuṣṭubʰo rājanyàḥ //

Verse: 3    {BS 1.8.8.31}
Sentence: 1    tásmād údvatīr bʰavanti /
Sentence: 2    saury ànuṣṭúg uttamā́ bʰavati /
Sentence: 3    suvargásya lokásya sáṃtatyai /
Sentence: 4    yó vái savā́d éti /
Sentence: 5    ná_enam̐ savá úpanamati /
Sentence: 6    yáḥ sā́mabʰya éti /
Sentence: 7    pā́pīyān suṣuvāṇó bʰavati /
Sentence: 8    etā́ni kʰálu vái sā́māni /
Sentence: 9    yát pr̥ṣṭhā́ni /
Sentence: 10    yát pr̥ṣṭhā́ni bʰávanti //

Verse: 4    {BS 1.8.8.32}
Sentence: 1    táir evá savā́n ná_eti /
Sentence: 2    yā́ni devarājā́nām̐ sā́māni /
Sentence: 3    táir amúṣmim̐l loká r̥dʰnoti /
Sentence: 4    yā́ni manuṣyarājā́nām̐ sā́māni /
Sentence: 5    táir asmim̐l loká r̥dʰnoti /
Sentence: 6    ubʰáyor evá lokáyor r̥dʰnoti /
Sentence: 7    devaloké ca manuṣyaloké ca /
Sentence: 8    ekavim̐śò 'bʰiṣecanī́yasya_uttamó bʰavati /
Sentence: 9    ekavim̐śáḥ keśavapanī́yasya pratʰamáḥ /
Sentence: 10    saptadaśó daśapéyaḥ //

Verse: 5    {BS 1.8.8.33}
Sentence: 1    víḍ vā́ ekavim̐śáḥ /
Sentence: 2    rāṣṭrám̐ saptadaśáḥ /
Sentence: 3    víśa eváitán madʰyatò 'bʰíṣicyate /
Sentence: 4    tásmād vā́ eṣá viśā́ṃ priyáḥ /
Sentence: 5    viśó hí madʰyatò 'bʰiṣicyáte /
Sentence: 6    yád vā́ enam adó díśó 'nu vyāstʰāpáyanti /
Sentence: 7    tát suvargáṃ lokám abʰyā́rohati /
Sentence: 8    yád imáṃ lokáṃ ná pratyavaróhet /
Sentence: 9    atijanáṃ vā_iyā́t /
Sentence: 10    úd vā mādyet /
Sentence: 11    yád eṣá pratīcī́nastomo bʰávati /
Sentence: 12    imám evá téna lokáṃ pratyávarohati /
Sentence: 13    átʰo asmínn evá loké prátitiṣṭhaty ánunmādāya //

Paragraph: 9 
Verse: 1    {BS 1.8.9.34}
Sentence: 1    iyáṃ vái rajatā́ /
Sentence: 2    asáu háriṇī /
Sentence: 3    yád rukmáu bʰávataḥ /
Sentence: 4    ābʰyā́m eváinam ubʰayátaḥ párigr̥hṇāti /
Sentence: 5    váruṇasya vā́ abʰiṣicyámānasya_ā́paḥ /
Sentence: 6    indriyáṃ vīryàṃ níragʰnan /
Sentence: 7    tát suvárṇam̐ híraṇyam abʰavat /
Sentence: 8    yád rukkmám antardádʰāti /
Sentence: 9    indriyásya vīryàsya_ánirgʰātāya /
Sentence: 10    śatámāno bʰavati śatákṣaraḥ /
Sentence: 11    śatá_āyuḥ púruṣaḥ śatá_indriyaḥ /
Sentence: 12    ā́yuṣy evá_indriyé prátitiṣṭhati /
Sentence: 13    ā́yur vái híraṇyam /
Sentence: 14    āyuṣyā̀ eváinam abʰyátikṣaranti /
Sentence: 15    téjo vái híraṇyam /
Sentence: 16    tejasyā̀ eváinam abʰyátikṣaranti /
Sentence: 17    várco vái híraṇyam /
Sentence: 18    varcasyā̀ eváinam abʰyátikṣaranti //

Paragraph: 10 
Verse: 1    {BS 1.8.10.35}
Sentence: 1    ápratiṣṭhito vā́ eṣá íty āhuḥ /
Sentence: 2    yó rājasúyena yájata íti /
Sentence: 3    yadā́ vā́ eṣá eténa dvirātréṇa yájate /
Sentence: 4    átʰa pratiṣṭhā́ /
Sentence: 5    átʰa saṃvatsarám āpnoti /
Sentence: 6    yā́vanti saṃvatsarásya_ahorātrā́ṇi /
Sentence: 7    tā́vatīr etásya stotrī́yāḥ /
Sentence: 8    ahorātréṣv evá prátitiṣṭhati /
Sentence: 9    agniṣṭomáḥ pū́rvam áhar bʰavati /
Sentence: 10    atirātrá úttaram //

Verse: 2    {BS 1.8.10.36}
Sentence: 1    nā́nā_evá_ahorātráyoḥ prátitiṣṭhati /
Sentence: 2    paurṇamāsyā́ṃ pū́rvam áhar bʰavati /
Sentence: 3    vyàṣṭakāyām úttaram /
Sentence: 4    nā́nā_evá_ardʰamāsáyoḥ prátitiṣṭhai /
Sentence: 5    amāvāsyā̀yāṃ pū́rvam áhar bʰavati /
Sentence: 6    úddr̥ṣṭa úttaram /
Sentence: 7    nā́nā_evá mā́sayoḥ prátitiṣṭhati /
Sentence: 8    átʰo kʰálu /
Sentence: 9    yé evá samānapakṣé puṇyāhé syā́tām /
Sentence: 10    táyoḥ kāryàṃ prátiṣṭhityai //

Verse: 3    {BS 1.8.10.37}
Sentence: 1    apaśavyó dvirātrá íty āhuḥ /
Sentence: 2    dvé hy èté cʰándasī /
Sentence: 3    gāyatráṃ ca tráiṣṭubʰaṃ ca /
Sentence: 4    jágatīm antáryanti /
Sentence: 5    ná téna jágatī kr̥tā́_íty āhuḥ /
Sentence: 6    yád enāṃ tr̥tīyasavané kurvánti_íti /
Sentence: 7    yadā́ vā́ eṣā́_ahī́nasya_áhar bʰájate /
Sentence: 8    sa_ahnásya vā sávanam /
Sentence: 9    átʰaivá jágatī kr̥tā́ /
Sentence: 10    átʰa paśavyàḥ /
Sentence: 11    vyùṣṭir vā́ eṣá dvirātráḥ /
Sentence: 12    yá eváṃ vidvā́n dvirātréṇa yájate /
Sentence: 13    vy èvā́smā uccʰati /
Sentence: 14    átʰo táma evá_apahate /
Sentence: 15    agniṣṭomám antatá ā́harati /
Sentence: 16    agníḥ sárvā devátāḥ /
Sentence: 17    devátāsv evá prátitiṣṭhati //

Next part


This text is part of the TITUS edition of Black Yajur-Veda: Taittiriya-Brahmana.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.