TITUS
Black Yajur-Veda: Taittiriya-Brahmana
Part No. 19
Previous part

Chapter: 3 
Paragraph: 1 
Verse: 1    {BS 3.3.1.1}
Sentence: 1  {a}   prátyuṣṭam̐ rákṣaḥ prátyuṣṭā árātaya íty āha /
Sentence: 2    rákṣasām ápahatyai /
Sentence: 3    agnér vas téjiṣṭhena téjasā níṣṭapāmī́ty āha medʰyatvā́ya /
Sentence: 4    srúcaḥ sáṃmārṣṭi /
Sentence: 5    sruvám ágre /
Sentence: 6    púmām̐sam evá_abʰyaḥ sám̐śyati mitʰunatvā́ya /
Sentence: 7    átʰa juhū́m /
Sentence: 8    átʰa_upabʰŕ̥tam /
Sentence: 9    átʰa dʰruvā́m /
Sentence: 10    asáu vái juhū́ḥ //

Verse: 2    {BS 3.3.1.2}
Sentence: 1    antárikṣam upabʰŕ̥t /
Sentence: 2    pr̥tʰivī́ dʰruvā́ /
Sentence: 3    imé vái lokā́ḥ srúcaḥ /
Sentence: 4    vŕ̥ṣṭiḥ saṃmā́rjanāni /
Sentence: 5    vŕ̥ṣṭir vā́ imā́n_ lokā́n anupūrváṃ kalpayati /
Sentence: 6    té tátaḥ kḷptā́ḥ sámedʰante /
Sentence: 7    sámedʰante 'smā imé lokā́ḥ prajáyā paśúbʰiḥ /
Sentence: 8    yá eváṃ véda /
Sentence: 9  {b}   yádi kāmáyeta várṣukaḥ parjányaḥ syād íti /
Sentence: 10    agratáḥ sáṃmr̥jyāt //

Verse: 3    {BS 3.3.1.3}
Sentence: 1    vŕ̥ṣṭim evá níyaccʰati /
Sentence: 2    arvācī́nāgrā {BS avācī́nāgrā} hí vŕ̥ṣṭiḥ /
Sentence: 3    yádi kāmáyetā́varṣukaḥ syād íti /
Sentence: 4    mūlatáḥ sáṃmr̥jyāt /
Sentence: 5    vŕ̥ṣṭim evá_udyaccʰati /
Sentence: 6    tád u vā́ āhuḥ /
Sentence: 7    agratá evá_upáriṣṭāt sáṃmr̥jyāt /
Sentence: 8    mūlatò 'dʰástāt /
Sentence: 9    tád anupūrváṃ kalpate /
Sentence: 10    várṣuko bʰavatī́ti //

Verse: 4    {BS 3.3.1.4}
Sentence: 1  {c}   prā́cīm abʰyākā́ram /
Sentence: 2    ágrair antaratáḥ /
Sentence: 3    evám iva hy ánnam adyáte /
Sentence: 4    átʰo ágrād vā́ óṣadʰīnām ū́rjaṃ prajā́ úpajīvanti /
Sentence: 5    ūrjá evá_annā́dyasyā́varudʰyai {AS _ā́varuddʰyai} /
Sentence: 6    adʰástāt pratī́cīm /
Sentence: 7    daṇḍám uttamatáḥ /
Sentence: 8    mū́lena mū́laṃ prátiṣṭhityai /
Sentence: 9    tásmād aratnáu prā́ñcy upáriṣṭāl lómāni /
Sentence: 10    pratyáñcy adʰástāt //

Verse: 5    {BS 3.3.1.5}
Sentence: 1    srúg gʰy èṣā́ /
Sentence: 2  {d}   prāṇó vái sruváḥ /
Sentence: 3    juhū́r dákṣiṇo hástaḥ /
Sentence: 4    upabʰŕ̥t savyáḥ /
Sentence: 5    ātmā́ dʰruvā́ /
Sentence: 6    ánnam̐ saṃmā́rjanāni /
Sentence: 7    mukʰató vái prāṇò 'pānó bʰūtvā́ /
Sentence: 8    ātmā́nam ánnaṃ pravíśya /
Sentence: 9    bāhyatás tanúvam̐ śubʰayati /
Sentence: 10    tásmāt sruvám evá_ágre sáṃmārṣṭi /
Sentence: 11    mukʰató hí prāṇò 'pānó bʰūtvā́ /
Sentence: 12    ātmā́nam ánnam āviśáti /
Sentence: 13    táu prāṇāpāṇáu /
Sentence: 14    ávyardʰukaḥ prāṇāpānā́bʰyāṃ bʰavati /
Sentence: 15    yá eváṃ véda //

Paragraph: 2 
Verse: 1    {BS 3.3.2.6}
Sentence: 1  {a}   diváḥ śílpam ávatatam /
Sentence: 2    pr̥tʰivyā́ḥ kakúbʰi śritám /
Sentence: 3    téna vayám̐ sahásravalśena /
Sentence: 4    sapátnaṃ nāśayāmasi svā́hā_íti sruksaṃmā́rjanāny agnáu práharati /
Sentence: 5    ā́po vái darbʰā́ḥ /
Sentence: 6    rūpám evá_eṣām etán mahimā́naṃ vyā́caṣṭe /
Sentence: 7    anuṣṭúbʰā_r̥cā́ /
Sentence: 8    ā́nuṣṭubʰaḥ prajā́patiḥ /
Sentence: 9    prājāpatyó vedáḥ /
Sentence: 10    vedásyā́gram̐ sruksaṃmā́rjanāni //

Verse: 2    {BS 3.3.2.7}
Sentence: 1    svéna_evá_enāni cʰándasā /
Sentence: 2    sváyā devátayā sámardʰayati /
Sentence: 3    átʰo ŕ̥g vā́vá yóṣā /
Sentence: 4    darbʰó vŕ̥ṣā /
Sentence: 5    tán mitʰunám /
Sentence: 6    mitʰunám evá_asya tád yajñé karoti prajánanāya /
Sentence: 7    prájāyate prajáyā paśúbʰir yájamānaḥ /
Sentence: 8  {b}   tā́ny éke vŕ̥tʰā_evā́pāsyanti /
Sentence: 9    tát tátʰā ná kāryàm /
Sentence: 10    ā́rabdʰasya yajñíyasya kármaṇaḥ sá vidoháḥ //

Verse: 3    {BS 3.3.2.8}
Sentence: 1    yády enāni paśávo 'bʰitíṣṭheyuḥ /
Sentence: 2    ná tát paśúbʰyaḥ kám /
Sentence: 3    adbʰír mārjayitvā́_utkaré nyàsyet /
Sentence: 4    yád vái yajñíyasya kármaṇo 'nyátra_ā́hutībʰyaḥ saṃtíṣṭhate /
Sentence: 5    utkaró vā́vá tásya pratiṣṭhā́ /
Sentence: 6    etā́m̐ hí tásmai pratiṣṭhā́ṃ devā́ḥ samábʰaran /
Sentence: 7    yád adbʰír mārjáyati /
Sentence: 8    téna śāntám /
Sentence: 9    yád utkaré nyasyáti /
Sentence: 10    pratiṣṭhā́m evá_enāni tád gamayati //

Verse: 4    {BS 3.3.2.9}
Sentence: 1    prátitiṣṭhati prajáyā paśúbʰir yájamānaḥ /
Sentence: 2  {c}   átʰo stambásya vā́ etád rūpám /
Sentence: 3    yát sruksaṃmā́rjanāni /
Sentence: 4    stambaśó vā́ óṣadʰayaḥ /
Sentence: 5    tā́sāṃ jaratkakṣé paśávo ná ramante /
Sentence: 6    ápriyo hy èṣā́ṃ jaratkakṣáḥ /
Sentence: 7    yā́vadapriyo ha vái jaratkakṣáḥ paśūnā́m /
Sentence: 8    tā́vadapriyaḥ paśūnā́ṃ bʰavati /
Sentence: 9    yásya_etā́ny anyátrāgnér dádʰati /
Sentence: 10    navadā́vyāsu vā́ óṣadʰīṣu paśávo ramante //

Verse: 5    {BS 3.3.2.10}
Sentence: 1    navadāvó hy èṣā́ṃ priyáḥ /
Sentence: 2    yā́vatpriyó ha vái navadāváḥ paśūnā́m /
Sentence: 3    tā́vatpriyaḥ paśūnā́ṃ bʰavati /
Sentence: 4    yásya_etā́ny agnáu praháranti /
Sentence: 5    tásmād etā́ny agnā́v evá práharet /
Sentence: 6    yatarásmint saṃmr̥jyā́t /
Sentence: 7    paśūnā́ṃ dʰŕ̥tyai /
Sentence: 8  {d}   yó bʰūtā́nām ádʰipatiḥ /
Sentence: 9    rudrás tanticaró vŕ̥ṣā /
Sentence: 10    paśū́n asmā́kaṃ mā́ him̐sīḥ /
Sentence: 11    etád astu hutáṃ táva svā́hā_íty agnisaṃmā́rjanāny agnáu práharati /
Sentence: 12    eṣā́ vā́ etéṣāṃ yóniḥ /
Sentence: 13    eṣā́ pratiṣṭhā́ /
Sentence: 14    svā́m evá_enāni yónim /
Sentence: 15    svā́ṃ pratiṣṭhā́ṃ gamayati /
Sentence: 16    prátitiṣṭhati prajáyā paśúbʰir yájamānaḥ //

Paragraph: 3 
Verse: 1    {BS 3.3.3.11}
Sentence: 1    áyajño vā́ eṣáḥ /
Sentence: 2    yò 'patnī́kaḥ /
Sentence: 3    ná prajā́ḥ prájāyeran /
Sentence: 4    pátny ánvāste /
Sentence: 5    yajñám evá_akaḥ /
Sentence: 6    prajā́nāṃ prajánanāya /
Sentence: 7    yát tíṣṭhantī saṃnáhyeta /
Sentence: 8    priyáṃ jñātím̐ rundʰyāt /
Sentence: 9    ā́sīnā sáṃnahyate /
Sentence: 10    ā́sīnā hy èṣā́ vīryàṃ karóti //

Verse: 2    {BS 3.3.3.12}
Sentence: 1  {a}   yát paścā́t prā́cy anvā́sīta /
Sentence: 2    anáyā samádaṃ dadʰīta /
Sentence: 3    devā́nāṃ pátniyā samádaṃ dadʰīta /
Sentence: 4    déśād dakṣiṇatá údīcy ánvāste /
Sentence: 5    ātmáno gopītʰā́ya /
Sentence: 6  {b}   āśā́sānā saumanasám íty āha /
Sentence: 7    médʰyām evá_enāṃ kévalīṃ kr̥tvā́ /
Sentence: 8    āśíṣā sámardʰayati /
Sentence: 9    agnér ánuvratā bʰūtvā́ sáṃnahye sukr̥tā́ya kám íty āha /
Sentence: 10    etád vái pátniyai vráta_úpanáyanam //

Verse: 3    {BS 3.3.3.13}
Sentence: 1    téna_eváināṃ vratám úpanayati /
Sentence: 2    tásmād āhuḥ /
Sentence: 3    yáś ca_eváṃ véda yáś caná /
Sentence: 4    yóktram evá yute /
Sentence: 5    yám anvā́ste /
Sentence: 6    tásyāmúṣmin_loké bʰavatī́ti yóktreṇa /
Sentence: 7    yád yóktram /
Sentence: 8    sá yógaḥ /
Sentence: 9    yád ā́ste /
Sentence: 10    sá kṣémaḥ //

Verse: 4    {BS 3.3.3.14}
Sentence: 1    yogakṣemásya kŀ̥ptyai /
Sentence: 2    yuktáṃ kriyātā āśī́ḥ kā́me yujyātā íti /
Sentence: 3    āśíṣaḥ sámr̥ddʰyai /
Sentence: 4  {c}   grantʰíṃ gratʰnāti /
Sentence: 5    āśíṣa evá_asyāṃ párigr̥hṇāti /
Sentence: 6    púmān vái grantʰíḥ /
Sentence: 7    strī́ pátnī /
Sentence: 8    tán mitʰunám /
Sentence: 9    mitʰunám evá_asya tád yajñé karoti prajánanāya /
Sentence: 10    prájāyate prajáyā paśúbʰir yájamānaḥ //

Verse: 5    {BS 3.3.3.15}
Sentence: 1    átʰo ardʰó vā́ eṣá ātmánaḥ /
Sentence: 2    yát pátnī /
Sentence: 3    yajñásya dʰŕ̥tyā áśitʰilaṃbʰāvāya /
Sentence: 4    suprajásas tvā vayám̐ supátnīr úpasedima_íty āha /
Sentence: 5    yajñám evá tán mitʰunī́ karoti /
Sentence: 6    ūné 'tiriktaṃ dʰīyātā íti prájātyai /
Sentence: 7  {d}   mahīnā́ṃ páyo 'sy óṣadʰīnām̐ rása íty āha /
Sentence: 8    rūpám evā́syaitán mahimā́naṃ vyā́caṣṭe /
Sentence: 9    tásya té 'kṣīyamāṇasya nírvapāmi devayajyā́yā íty āha /
Sentence: 10    āśíṣam eváitā́m ā́śāste //

Paragraph: 4 
Verse: 1    {BS 3.3.4.16}
Sentence: 1  {a}   gʰr̥táṃ ca vái mádʰu ca prajā́patir āsīt /
Sentence: 2    yáto mádʰv ā́sīt {BS,AS āsīt} /
Sentence: 3    tátaḥ prajā́ asr̥jata /
Sentence: 4    tásmān mádʰuṣi prajánanam ivāsti /
Sentence: 5    tásmān mádʰuṣā ná prácaranti /
Sentence: 6    yātáyāma hí /
Sentence: 7    ā́jyena prácaranti /
Sentence: 8    yajñó vā́ ā́jyam /
Sentence: 9    yajñéna_evá yajñáṃ prácaranty áyātayāmatvāya /
Sentence: 10  {b}   pátny àvekṣate //

Verse: 2    {BS 3.3.4.17}
Sentence: 1    mitʰunatvā́ya prájātyai /
Sentence: 2    yád vái pátnī yajñásya karóti /
Sentence: 3    mitʰunáṃ tát /
Sentence: 4    átʰo pátniyā evá_eṣa yajñásyānvārambʰó 'navaccʰittyai /
Sentence: 5    amedʰyáṃ vā́ etát karoti /
Sentence: 6    yát pátny avékṣate /
Sentence: 7    gā́rhapatye 'dʰiśrayati medʰyatvā́ya /
Sentence: 8  {c}   āhavanī́yam abʰyúddravati /
Sentence: 9    yajñásya sáṃtatyai /
Sentence: 10    téjo 'si téjó 'nu préhī́ty āha //

Verse: 3    {BS 3.3.4.18}
Sentence: 1    téjo vā́ agníḥ /
Sentence: 2    téja ā́jyam /
Sentence: 3    téjasā_evá téjaḥ sámardʰayati /
Sentence: 4    agnís te téjo mā́ vínaid íty āha_áhim̐sāyai /
Sentence: 5    spʰyásya vártmant sādayati /
Sentence: 6    yajñásya sáṃtatyai /
Sentence: 7    agnér jihvā́_asi subʰū́r devā́nām íty āha /
Sentence: 8    yatʰāyajúr evá_etát /
Sentence: 9    dʰā́mne_dʰāmne devébʰyo yájuṣe_yajuṣe bʰava_íty āha /
Sentence: 10    āśíṣam evá_etā́m ā́śāste //

Verse: 4    {BS 3.3.4.19}
Sentence: 1  {d}   tád vā́ átaḥ pavítrābʰyām evá_utpunāti /
Sentence: 2    yájamāno vā́ ā́jyam /
Sentence: 3    prāṇāpānáu pavítre /
Sentence: 4    yájamāna evá prāṇāpānáu dadʰāti /
Sentence: 5    punarāhā́ram /
Sentence: 6    evám iva hí prāṇāpānáu saṃcárataḥ /
Sentence: 7    śukrám asi jyótir asi téjo 'sī́ty āha /
Sentence: 8    rūpám evá_asyaitán mahimā́naṃ vyā́caṣṭe /
Sentence: 9    trír yájuṣā /
Sentence: 10    tráya imé lokā́ḥ //

Verse: 5    {BS 3.3.4.20}
Sentence: 1    eṣā́ṃ lokā́nām ā́ptyai /
Sentence: 2    tríḥ /
Sentence: 3    tryā̀vr̥d dʰí yajñáḥ /
Sentence: 4    átʰo medʰyatvā́ya /
Sentence: 5  {e}   átʰa_ā́jyavatībʰyām apáḥ /
Sentence: 6    rūpám evā́sām etád várṇaṃ dadʰāti /
Sentence: 7    ápi vā́ utá_āhuḥ /
Sentence: 8    yátʰā ha vái yóṣā suvárṇam̐ híraṇyaṃ peśaláṃ bíbʰratī rūpā́ṇy ā́ste /
Sentence: 9    evám etā́ etárhī́ti /
Sentence: 10    ā́po vái sárvā devátāḥ //

Verse: 6    {BS 3.3.4.21}
Sentence: 1    eṣā́ hí víśveṣāṃ devā́nāṃ tanū́ḥ /
Sentence: 2    yád ā́jyam /
Sentence: 3    tátra_ubʰáyor mīmām̐sā́ /
Sentence: 4    jāmíḥ {BS jā́mi} syā́t /
Sentence: 5    yád yájuṣā_ā́jyaṃ yájuṣā_apá utpunīyā́t /
Sentence: 6    cʰándasā_apá útpunāty ájāmitvāya /
Sentence: 7    átʰo mitʰunatvā́ya /
Sentence: 8    sāvitriyā́_r̥cā́ /
Sentence: 9    savitŕ̥prasūtaṃ me kármāsad íti /
Sentence: 10    savitŕ̥prasūtam evā́sya kárma bʰavati /
Sentence: 11    paccʰó gāyatriyā́ triḥṣamr̥ddʰatvā́ya /
Sentence: 12    adbʰír evá_oṣadʰīḥ sáṃnayati /
Sentence: 13    óṣadʰībʰiḥ paśū́n /
Sentence: 14    paśúbʰir yájamānam /
Sentence: 15  {f}   śukráṃ tvā śukrā́yāṃ jyótis tvā jyótiṣy arcís tvā_arcíṣīty āha sarvatvā́ya /
Sentence: 16    páryānptyā ánantarāyāya //

Paragraph: 5 
Verse: 1    {BS 3.3.5.22}
Sentence: 1    devāsurā́ḥ sáṃyāttā āsan /
Sentence: 2    sá etám índra ā́jyasyāvakāśám apaśyat /
Sentence: 3    ténā́vaikṣata /
Sentence: 4    táto devā́ ábʰavan /
Sentence: 5    párā_ásurāḥ /
Sentence: 6    yá eváṃ vidvā́n ā́jyam avékṣate /
Sentence: 7    bʰávaty ātmánā /
Sentence: 8    párā_asya bʰrā́tr̥vyo bʰavati /
Sentence: 9    brahmavādíno vadanti /
Sentence: 10    yádā́jyenānyā́ni havī́m̐ṣy abʰigʰāráyati //

Verse: 2    {BS 3.3.5.23}
Sentence: 1    átʰa kéna_ā́jyam íti /
Sentence: 2    satyéna_íti brūyāt /
Sentence: 3    cákṣur vái satyám /
Sentence: 4    satyénaiváinad abʰígʰārayati /
Sentence: 5  {b}   īśvaró vā́ eṣò 'ndʰó bʰávitoḥ /
Sentence: 6    yáś cákṣuṣā_ā́jyam avékṣate /
Sentence: 7    nimī́lyā́vekṣeta /
Sentence: 8    dādʰā́ra_ātmán cákṣuḥ /
Sentence: 9    abʰy ā́jyaṃ gʰārayati /
Sentence: 10  {c}   ā́jyaṃ gr̥hṇāti //

Verse: 3    {BS 3.3.5.24}
Sentence: 1    cʰándām̐si vā́ ā́jyam /
Sentence: 2    cʰándām̐sy evá prīṇāti /
Sentence: 3    catúr juhvāṃ gr̥hṇāti /
Sentence: 4    cátuṣpādaḥ paśávaḥ /
Sentence: 5    paśū́n evá_avarundʰe /
Sentence: 6    aṣṭā́v upabʰŕ̥ti /
Sentence: 7    aṣṭā́kṣarā gāyatrī́ /
Sentence: 8    gāyatráḥ prāṇáḥ /
Sentence: 9    prāṇám evá paśúṣu dadʰāti /
Sentence: 10    catúr dʰruvā́yām //

Verse: 4    {BS 3.3.5.25}
Sentence: 1    cátuṣpādaḥ paśávaḥ /
Sentence: 2    paśúṣv evá_upáriṣṭāt prátitiṣṭhati /
Sentence: 3    yajamānadevatyā̀ vái juhū́ḥ /
Sentence: 4    bʰrātr̥vyadevatyā̀_upabʰŕ̥t /
Sentence: 5    catúr juhvā́ṃ gr̥hṇán bʰū́yo gr̥hṇīyāt /
Sentence: 6    aṣṭā́v upabʰŕ̥ti gr̥hṇán kánīyaḥ /
Sentence: 7    yájamānāya_evá bʰrā́tr̥vyam úpastiṃ karoti /
Sentence: 8    gáur vái srúvaḥ /
Sentence: 9    catúr juhvā́ṃ gr̥hṇāti /
Sentence: 10    tásmāc cátuṣpadī //

Verse: 5    {BS 3.3.5.26}
Sentence: 1    aṣṭā́v upabʰŕ̥ti /
Sentence: 2    tásmād aṣṭā́śapʰā /
Sentence: 3    catúr dʰruvā́yām /
Sentence: 4    tásmāc cátustanā /
Sentence: 5    gā́m evá tát sám̐skaroti /
Sentence: 6    sā́_asmai sám̐skr̥tā_íṣam ū́rjaṃ duhe /
Sentence: 7    yáj juhvā́ṃ gr̥hṇā́ti /
Sentence: 8    prayājébʰyas tát /
Sentence: 9    yád upabʰŕ̥ti /
Sentence: 10    prayājānūyājébʰyas tát /
Sentence: 11    sárvasmai vā́ etád yajñā́ya gr̥hyate /
Sentence: 12    yád dʰruvā́yām ā́jyam //

Paragraph: 6 
Verse: 1    {BS 3.3.6.27}
Sentence: 1    ā́po devīr agrepuvo agreguva íty āha /
Sentence: 2    rūpám evá_āsām etán mahimā́naṃ vyā́caṣṭe /
Sentence: 3    ágra imáṃ yajñáṃ nayatā́gre yajñápatim íty āha /
Sentence: 4    ágra evá yajñáṃ nayanti /
Sentence: 5    ágre yajñápatim /
Sentence: 6    yuṣmā́n índro 'vr̥ṇīta vr̥tratū́rye yūyám índram avr̥ṇīdʰvaṃ vr̥tratū́rya íty āha /
Sentence: 7    vr̥trám̐ ha haniṣyánn índra ā́po vavre /
Sentence: 8    ā́po ha_índraṃ vavrire /
Sentence: 9    saṃjñā́m evá_āsām etát sā́mānaṃ vyā́caṣṭe /
Sentence: 10    prókṣitāḥ stʰa_íty āha //

Verse: 2    {BS 3.3.6.28}
Sentence: 1    téna_ā́paḥ prókṣitāḥ /
Sentence: 2    agnír devébʰyo nílāyata /
Sentence: 3    kŕ̥ṣṇo rūpáṃ kr̥tvā́ /
Sentence: 4    sá vánaspátīn prā́viśat /
Sentence: 5    kŕ̥ṣṇo 'sy ākʰareṣṭhò 'gnáye tvā svā́hā_íty āha /
Sentence: 6    agnáya evá_enaṃ júṣṭaṃ karoti /
Sentence: 7    átʰo agnér evá médʰam ávarundʰe /
Sentence: 8    védir asi barhíṣe tvā sváhā_íty āha /
Sentence: 9    prajā́ vái barhíḥ /
Sentence: 10    prtʰivī́ védiḥ //

Verse: 3    {BS 3.3.6.29}
Sentence: 1    prajā́ evá pr̥tʰivyā́ṃ prátiṣṭhāpayati /
Sentence: 2    barhír asi srugbʰyás tvā svā́hā_íty āha /
Sentence: 3    prajā́ vái barhíḥ /
Sentence: 4    yájamānaḥ srúcaḥ /
Sentence: 5    yájamānam evá prajā́su prátiṣṭhāpayati /
Sentence: 6  {c}   divé tvā_antárikṣāya tvā pr̥tʰivyái tvā_íti barhír āsā́dya prókṣati /
Sentence: 7    ebʰyá eváinaṃ_lokébʰyaḥ prókṣati /
Sentence: 8    átʰa tátaḥ sahá srucā́ purástāt pratyáñcaṃ grantʰíṃ prátyukṣati /
Sentence: 9    prajā́ vái barhíḥ /
Sentence: 10    yátʰā sū́tyai kālá ā́paḥ purástād yánti //

Verse: 4    {BS 3.3.6.30}
Sentence: 1    tādŕ̥g evá tát /
Sentence: 2  {d}   svadʰā́ pitŕ̥bʰya íty āha /
Sentence: 3    svadʰākāró hí pitr̥ṇā́m /
Sentence: 4    ū́rgbʰava barhiṣádbʰya íti dákṣiṇāyai śróṇer ā́_úttarasyai nínayati sáṃtatyai /
Sentence: 5    mā́sā vái pitáro barhiṣádaḥ /
Sentence: 6    mā́sān evá prīṇāti /
Sentence: 7    mā́sā vā́ óṣadʰīr vardʰáyanti /
Sentence: 8    mā́sāḥ pacanti sámr̥ddʰyai /
Sentence: 9    ánatiskandan ha parjányo varṣati /
Sentence: 10    yátra_etád evaṃ kriyáte //

Verse: 5    {BS 3.3.6.31}
Sentence: 1    ūrjā́ pr̥tʰivī́ṃ gaccʰata_íty āha /
Sentence: 2    pr̥tʰivyā́m evá_ūrjaṃ dadʰāti /
Sentence: 3    tásmāt pr̥tʰivyā́ ūrjā́ bʰuñjate /
Sentence: 4  {e}   grantʰíṃ vísram̐sayati /
Sentence: 5    prájanayaty evá tát /
Sentence: 6    ūrdʰváṃ prā́ñcam údgūḍhaṃ pratyáñcam ā́yaccʰati /
Sentence: 7    tásmāt prācī́nam̐ réto dʰīyate /
Sentence: 8    pratī́cīḥ prajā́ jāyante /
Sentence: 9    víṣṇoḥ stū́po 'sī́ty āha /
Sentence: 10    yajñó vái víṣṇuḥ //

Verse: 6    {BS 3.3.6.32}
Sentence: 1    yajñásya dʰŕ̥tyai /
Sentence: 2  {f}   purástāt prastaráṃ gr̥hṇāti /
Sentence: 3    múkʰyam eváinaṃ karoti /
Sentence: 4    íyantaṃ gr̥hṇāti /
Sentence: 5    prajā́patinā yajñamukʰéna sáṃmitam /
Sentence: 6    íyantaṃ gr̥hṇāti /
Sentence: 7    yajñaparúṣā sáṃmitam /
Sentence: 8    íyantaṃ gr̥hṇāti /
Sentence: 9    etā́vad vái púruṣe vīryàm /
Sentence: 10    vīryàsaṃmitam //

Verse: 7    {BS 3.3.6.33}
Sentence: 1    áparimitaṃ gr̥hṇāti /
Sentence: 2    áparimitasyā́varuddʰyai /
Sentence: 3    tásmin pavítre ápisr̥jati /
Sentence: 4    yájamāno vái prastaráḥ /
Sentence: 5    prāṇāpānáu pavítre /
Sentence: 6    yájamāna evá prāṇāpānáu dadʰāti /
Sentence: 7  {g}   ū́rṇāmradasaṃ tvā str̥ṇāmī́ty āha /
Sentence: 8    yatʰāyajúr eváitát /
Sentence: 9    svāsastʰáṃ devébʰya íty āha /
Sentence: 10    devébʰya eváinat svāsastʰáṃ karoti //

Verse: 8    {BS 3.3.6.34}
Sentence: 1    barhíḥ str̥ṇāti /
Sentence: 2    prajā́ vái barhíḥ /
Sentence: 3    pr̥tʰivī́ védiḥ /
Sentence: 4    prajā́ evá pr̥tʰivyā́ṃ prátiṣṭhāpayati /
Sentence: 5    ánatidr̥śnam̐ str̥ṇāti /
Sentence: 6    prajáya_eváinaṃ paśúbʰir ánatidr̥śnaṃ karoti /
Sentence: 7  {h}   dʰāráyan prastaráṃ paridʰī́n páridadʰāti /
Sentence: 8    yájamāno vái prastaráḥ /
Sentence: 9    yájamāna evá tát svayáṃ paridʰī́n páridadʰāti /
Sentence: 10    gandʰarvó 'si viśvā́vasur íty āha //

Verse: 9    {BS 3.3.6.35}
Sentence: 1    víśvam evá_ā́yur yájamāne dadʰāti /
Sentence: 2    índrasya bāhúrasi dákṣiṇa íty āha /
Sentence: 3    indriyám evá yájamāne dadʰāti /
Sentence: 4    mitrā́varuṇau tvā_uttaratáḥ páridʰattām íty āha /
Sentence: 5    prāṇāpānáu mitrā́váruṇau /
Sentence: 6    prāṇāpānā́v evā́smin dadʰāti /
Sentence: 7    sū́ryas tvā purástāt pātv íty āha /
Sentence: 8    rákṣasām ápahatyai /
Sentence: 9    kásyāś cid abʰíśas tyā íty āha /
Sentence: 10    áparimitād eváinaṃ pāti //

Verse: 10    {BS 3.3.6.36}
Sentence: 1  {i}   vītíhotraṃ tvā kava íty āha /
Sentence: 2    agním evá hotréṇa sámardʰayati /
Sentence: 3    dyumántam̐ sámidʰīmahī́ty āha sámiddʰyai /
Sentence: 4    ágne br̥hántam adʰvará íty āha vŕ̥ddʰyai /
Sentence: 5  {j}   viśó yantré stʰa íty āha /
Sentence: 6    viśā́ṃ yátyai /
Sentence: 7    udīcī́nāgre nídadʰāti prátiṣṭhityai /
Sentence: 8    vásūnām̐ rudrā́ṇām ādityā́nām̐ sádasi sīda_íty āha /
Sentence: 9    devátānām evá sádane prastarám̐ sādayati /
Sentence: 10  {k}   juhū́r asi gʰr̥tā́cī nā́mnā_íty āha //

Verse: 11    {BS 3.3.6.37}
Sentence: 1    asáu vái juhū́ḥ /
Sentence: 2    antárikṣam upabʰŕ̥t /
Sentence: 3    pr̥tʰivī́ dʰruvā́ /
Sentence: 4    tā́sām etád evá priyáṃ nā́ma /
Sentence: 5    yád gʰr̥tā́cī́ti /
Sentence: 6    yád gʰr̥tā́cī́ty āha /
Sentence: 7    priyéṇaiváinā nā́mnā sādayati /
Sentence: 8    etā́ asadant sukr̥tásya loká íty āha /
Sentence: 9    satyáṃ vái sukr̥tásya lokáḥ /
Sentence: 10    satyá eváināḥ sukr̥tásya loké sādayati /
Sentence: 11    tā́ viṣṇo pāhī́ty āha /
Sentence: 12    yajñó vái víṣṇuḥ /
Sentence: 13    yajñasya dʰŕ̥tyai /
Sentence: 14    pāhí yajñáṃ pāhí yajñápatiṃ pāhí mā́ṃ yajñaníyam íty āha /
Sentence: 15    yajñā́ya yájamānāya_ātmáne /
Sentence: 16    tébʰya evá_āśíṣam ā́śāsté 'nārtyai //

Paragraph: 7 
Verse: 1    {BS 3.3.7.38}
Sentence: 1  {a}   agnínā vái hótrā /
Sentence: 2    devā́ ásurān abʰyàbʰavan /
Sentence: 3    agnáye samidʰyámānāyā́nubrūhī́ty āha bʰrā́tr̥vyābʰibʰūtyai /
Sentence: 4    ékavim̐śatim idʰmadārū́ṇi bʰavanti /
Sentence: 5    ekavim̐śó vái púruṣaḥ /
Sentence: 6    púruṣasya_ā́ptyai /
Sentence: 7    páñcadaśa_idʰmadārū́ṇy abʰyā́dadʰāti /
Sentence: 8    pañcadaśa vā́ ardʰamāsásya rā́trayaḥ /
Sentence: 9    ardʰamāsaśáḥ saṃvatsará āpyate /
Sentence: 10    trī́n paridʰī́n páridadʰāti //

Verse: 2    {BS 3.3.7.39}
Sentence: 1    ūrdʰvé samídʰāv ā́dadʰāti /
Sentence: 2    anūyā́jébʰyaḥ samídʰamátiśinaṣṭi /
Sentence: 3    ṣáṭ sáṃpadyante /
Sentence: 4    ṣáḍ vā́ r̥távaḥ /
Sentence: 5    r̥tū́n evá prīṇāti /
Sentence: 6  {b}   vedéna_úpavājayati /
Sentence: 7    prājāpatyó vái vedáḥ /
Sentence: 8    prājāpatyáḥ prāṇáḥ /
Sentence: 9    yájamāna āhavanī́yaḥ /
Sentence: 10    yájamāna evá prāṇáṃ dadʰāti //

Verse: 3    {BS 3.3.7.40}
Sentence: 1    trír úpavājayati /
Sentence: 2    tráyo vái prāṇā́ḥ /
Sentence: 3    prāṇā́n evá_asmin dadʰāti /
Sentence: 4  {c}   vedéna_upayátya sruvéṇa prājāpatyám āgʰārám āgʰārayati /
Sentence: 5    yajñó vái prajā́patiḥ /
Sentence: 6    yajñám evá prajā́ptiṃ mukʰatá ā́rabʰate /
Sentence: 7    átʰo prajā́patiḥ sárvā devátāḥ /
Sentence: 8    sarvā́ evá devátāḥ prīṇāti /
Sentence: 9  {d}   agním agnīt trís_triḥ sáṃmr̥ḍḍhī́ty {BS sáṃmr̥ḍhḍhī́ty} āha /
Sentence: 10    tryā̀vr̥d dʰí yajñáḥ //

Verse: 4    {BS 3.3.7.41}
Sentence: 1    átʰo rákṣasām ápahatyai /
Sentence: 2    paridʰī́nt sáṃmārṣṭi /
Sentence: 3    punā́ty eváinān /
Sentence: 4    trís_triḥ sáṃmārṣṭi /
Sentence: 5    tryā̀vr̥d dʰí yajñáḥ /
Sentence: 6    átʰo medʰyatvā́ya /
Sentence: 7    átʰo eté vái devāśvā́ḥ /
Sentence: 8    devāśvā́n evá tát sáṃmārṣṭi /
Sentence: 9    suvargásya lokásya sámaṣṭyai /
Sentence: 10    ā́sīno 'nyám āgʰārám ā́gʰārayati //

Verse: 5    {BS 3.3.7.42}
Sentence: 1    tíṣṭhann anyám /
Sentence: 2    yátʰā_áno vā rátʰaṃ vā yuñjyā́t /
Sentence: 3    evám evá tád adʰvaryúr yajñáṃ yunakti /
Sentence: 4    suvargásya lokásyābʰyū̀ḍhyai /
Sentence: 5    váhanty enaṃ grāmyā́ḥ paśávaḥ /
Sentence: 6    yá eváṃ véda /
Sentence: 7  {e}   bʰúvanam asi vípratʰasva_íty āha /
Sentence: 8    yajñó vái bʰúvanam /
Sentence: 9    yajñá evá yájamānaṃ prajáyā paśúbʰiḥ pratʰayati /
Sentence: 10    ágne yáṣṭar idáṃ náma íty āha //

Verse: 6    {BS 3.3.7.43}
Sentence: 1    agnír vái devā́nāṃ yáṣṭā /
Sentence: 2    yá evá devā́nāṃ yáṣṭā /
Sentence: 3    tásmā evá námaskaroti /
Sentence: 4    júhv éhy agnís tvā hvayati devayajyā́yā úpabʰr̥d éhi devás tvā savitā́ hvayati devayajyā́yā íty āha /
Sentence: 5    āgneyī́ vái juhū́ḥ /
Sentence: 6    sāvitry ùpabʰŕ̥t /
Sentence: 7    tā́bʰyām eváine prásūta ā́datte /
Sentence: 8    ágnāviṣṇū mā́_āvām ávakramiṣam íty āha /
Sentence: 9    agníḥ purástāt /
Sentence: 10    víṣṇur yajñáḥ paścā́t //

Verse: 7    {BS 3.3.7.44}
Sentence: 1    tā́bʰyām evá pratiprócyātyā́krāmati /
Sentence: 2    víjihātʰāṃ mā́ mā sáṃtāptam íty āhā́him̐sāyai /
Sentence: 3    lokáṃ me lokakr̥tau kr̥ṇutam íty āha /
Sentence: 4    āśíṣam eváitā́m ā́śāste /
Sentence: 5  {f}   víṣṇoḥ stʰā́nam asī́ty āha /
Sentence: 6    yajñó vái víṣṇuḥ /
Sentence: 7    etát kʰálu vái devā́nām áparājitam āyátanam /
Sentence: 8    yád yajñáḥ /
Sentence: 9    devā́nām evá_aparājita āyátane tiṣṭhati /
Sentence: 10    itá índro akr̥ṇod vīryā̀ṇī́ty āha //

Verse: 8    {BS 3.3.7.45}
Sentence: 1    indriyám evá yájamāne dadʰāti /
Sentence: 2    samārábʰya_ūrdʰvó adʰvaró divispŕ̥śam íty āha vŕ̥ddʰyai /
Sentence: 3    āgʰārám āgʰāryámāṇam ánu samārábʰya /
Sentence: 4    etásmin kālé devā́ḥ suvargáṃ lokám āyan /
Sentence: 5    sākṣā́d evá yájamānaḥ suvargáṃ lokám eti /
Sentence: 6    átʰo sámr̥ddʰenaivá yajñéna yájamānaḥ suvargáṃ lokám eti /
Sentence: 7    áhruto {BI áhnuto} yajñó yajñápater íty āhā́nārtyai /
Sentence: 8    índrāvānt svā́hā_íty āha /
Sentence: 9    indriyám evá yájamāne dadʰāti /
Sentence: 10    br̥hád bʰā́ íty āha //

Verse: 9    {BS 3.3.7.46}
Sentence: 1    suvargó vái lokó br̥hád bʰā́ḥ /
Sentence: 2    suvargásya lokásya sámaṣṭyai {g} yajamānadevatyā̀ vái juhū́ḥ /
Sentence: 3    bʰrā́tr̥vyadevatyā̀_upabʰŕ̥t /
Sentence: 4    prāṇá āgʰāráḥ /
Sentence: 5    yát sam̐sparśáyet /
Sentence: 6    bʰrā́tr̥vye 'sya prāṇáṃ dadʰyāt /
Sentence: 7    ásam̐sparśayann atyā́krāmati /
Sentence: 8    yájamāna evá prāṇáṃ dadʰāti /
Sentence: 9    pāhí mā_agne dúścaritād ā́ mā súcarite bʰaja_íty āha //

Verse: 10    {BS 3.3.7.47}
Sentence: 1    agnír vā́vá pavítram /
Sentence: 2    vr̥jinám ánr̥taṃ dúścaritam /
Sentence: 3    r̥jukarmám̐ satyám̐ súcaritam /
Sentence: 4    agnír eváinaṃ vr̥jinā́d ánr̥tād dúścaritāt pāti /
Sentence: 5    r̥jukarmé satyé súcarite bʰajati tásmād evám ā́śāste /
Sentence: 6    ātmáno gopītʰā́ya /
Sentence: 7  {h}   śíro vā́ etád yajñásya /
Sentence: 8    yád āgʰāráḥ /
Sentence: 9    ātmā́ dʰruvā́ //

Verse: 11    {BS 3.3.7.48}
Sentence: 1    āgʰārám āgʰā́rya dʰruvā́m̐ sámanakti /
Sentence: 2    ātmánn evá yajñásya śíraḥ prátidadʰāti /
Sentence: 3    dvíḥ sámanakti /
Sentence: 4    dváu hí prāṇāpānáu /
Sentence: 5    tád āhuḥ /
Sentence: 6    trír evá sámañjyāt /
Sentence: 7    trídʰātu hí śíra íti /
Sentence: 8    śíra iva_etád yajñásya /
Sentence: 9    átʰo tráyo vái prāṇā́ḥ /
Sentence: 10    prāṇā́n evā́smin dadʰāti /
Sentence: 11    makʰásya śíro 'si sáṃ jyótiṣā jyótir aṅktām íty āha /
Sentence: 12    jyótir evā́smā upáriṣṭād dadʰāti /
Sentence: 13    suvargásya lokásyā́nukʰyātyai //

Paragraph: 8 
Verse: 1    {BS 3.3.8.49}
Sentence: 1  {a}   dʰíṣṇiyā vā́ eté nyùpyante /
Sentence: 2    yád brahmā́ /
Sentence: 3    yád dʰótā /
Sentence: 4    yád adʰvaryúḥ /
Sentence: 5    yád agnī́t /
Sentence: 6    yád yájamānaḥ /
Sentence: 7    tā́n yád antareyā́t /
Sentence: 8    yájamānasya prāṇā́nt sáṃkarṣet /
Sentence: 9    pramā́yukaḥ syāt /
Sentence: 10    puroḍā́śam apagŕ̥hya sáṃcaraty adʰvaryúḥ //

Verse: 2    {BS 3.3.8.50}
Sentence: 1    yájamānāya_evá tál lokám̐ śim̐ṣati /
Sentence: 2    ná_asya prāṇā́nt sáṃkarṣati /
Sentence: 3    ná pramā́yuko bʰavati /
Sentence: 4  {b}   purástāt pratyáṅṅ ā́sīnaḥ /
Sentence: 5    íḍāyā íḍām ā́dadʰāti /
Sentence: 6    hástyām̐ hótre /
Sentence: 7    paśávo vā́ íḍā /
Sentence: 8    paśávaḥ púruṣaḥ /
Sentence: 9    paśúṣv evá paśū́n prátiṣṭhāpayati /
Sentence: 10    íḍāyai vā́ eṣā́ prájātiḥ //

Verse: 3    {BS 3.3.8.51}
Sentence: 1    tā́ṃ prájātiṃ yájamāno 'nu prájāyate /
Sentence: 2    dvír aṅgúlāv anakti párvaṇoḥ /
Sentence: 3    dvipā́d yájamānaḥ prátiṣṭhityai /
Sentence: 4    sakŕ̥d úpastr̥ṇāti /
Sentence: 5    dvír ā́dadʰāti /
Sentence: 6    sakŕ̥d abʰígʰārayati /
Sentence: 7    catúḥ sáṃpadyate /
Sentence: 8    catvā́ri vái paśóḥ pratiṣṭhā́nāni /
Sentence: 9    yā́vān evá paśúḥ /
Sentence: 10    tám úpahvayate //

Verse: 4    {BS 3.3.8.52}
Sentence: 1    múkʰam iva práty úpahvayeta /
Sentence: 2    saṃmukʰā́n evá paśū́núpahvayate /
Sentence: 3  {c}   paśávo vā́ íḍā /
Sentence: 4    tásmāt sā́_anvārábʰyā /
Sentence: 5    adʰvaryúṇā ca yájamānena ca /
Sentence: 6    úpahūtaḥ paśumā́n asānī́ty āha /
Sentence: 7    úpa hy ènau hváyate hótā /
Sentence: 8    íḍāyai devátānām upahavé /
Sentence: 9    úpahūtaḥ paśumā́n bʰavati /
Sentence: 10    yá eváṃ véda //

Verse: 5    {BS 3.3.8.53}
Sentence: 1    yā́ṃ vái hástyām íḍām ādádʰāti /
Sentence: 2    vācáḥ sā́ bʰāgadʰéyam /
Sentence: 3    yā́m upahváyate /
Sentence: 4    prāṇā́nām̐ sā́ /
Sentence: 5    vā́caṃ caivá prāṇā́m̐ś cā́varundʰe /
Sentence: 6  {d}   átʰa vā́ etárhy úpahūtāyām íḍāyām /
Sentence: 7    puroḍā́śasyaivá barhiṣádo mīmām̐sā́ /
Sentence: 8    yájamānaṃ devā́ abruvan /
Sentence: 9    havír no nírvapa_íti /
Sentence: 10    ná_ahám abʰāgó nírvapsyāmī́ty abravīt //

Verse: 6    {BS 3.3.8.54}
Sentence: 1    ná máyā_abʰāgáyā_ánuvakṣyatʰa_íti vā́g abravīt /
Sentence: 2    ná_ahám abʰāgā́ puro'nuvākyā̀ bʰaviṣyāmī́ti puro'nuvākyā̀ /
Sentence: 3    ná_ahám abʰāgā́ yājyā̀ bʰaviṣyāmī́ti yājyā̀ /
Sentence: 4    ná máyā_abʰāgéna váṣaṭkariṣyatʰa_íti vaṣaṭkāráḥ /
Sentence: 5    yád yajamānabʰāgáṃ nidʰā́ya puroḍā́śaṃ barhiṣádaṃ karóti /
Sentence: 6    tā́n evá tád bʰā́ginaḥ karoti /
Sentence: 7  {e}   caturdʰā́ karoti /
Sentence: 8    cátasro díśaḥ /
Sentence: 9    dikṣv èvá prátitiṣṭhati /
Sentence: 10    barhiṣádaṃ karoti //

Verse: 7    {BS 3.3.8.55}
Sentence: 1    yájamāno vái puroḍā́śaḥ /
Sentence: 2    prajā́ barhíḥ /
Sentence: 3    yájamānamevá prajā́su prátiṣṭhāpayati /
Sentence: 4    tásmād astʰnā́_anyā́ḥ prajā́ḥ pratitíṣṭhanti /
Sentence: 5    mām̐sénānyā́ḥ /
Sentence: 6    átʰo kʰálv āhuḥ /
Sentence: 7    dákṣiṇā vā́ etā́ havíryajñásyāntarvedy ávarudʰyante /
Sentence: 8    yát puroḍā́śaṃ barhiṣádaṃ karótī́ti /
Sentence: 9    caturdʰā́ karoti /
Sentence: 10    catvā́ro hy èté haviryajñásya_r̥tvíjaḥ //

Verse: 8    {BS 3.3.8.56}
Sentence: 1    brahmā́ hótā_adʰvaryúr agnī́t /
Sentence: 2    tám abʰímr̥śet /
Sentence: 3    idáṃ brahmáṇaḥ /
Sentence: 4    idám̐ hótuḥ /
Sentence: 5    idám adʰvaryóḥ /
Sentence: 6    idám agnī́dʰa íti /
Sentence: 7    yátʰā_evā́dáḥ saumyè 'dʰvaré /
Sentence: 8    ādéśam r̥tvígbʰyo dákṣiṇā nīyánte /
Sentence: 9    tādŕ̥g evá tát /
Sentence: 10  {f}   agnī́dʰe pratʰamā́yā_ā́dadʰāti //

Verse: 9    {BS 3.3.8.57}
Sentence: 1    agnímukʰā hy ŕ̥ddʰiḥ /
Sentence: 2    agnímukʰām evá_r̥ddʰiṃ yájamāna r̥dʰnoti /
Sentence: 3    sakŕ̥d upastī́rya dvír ādádʰat /
Sentence: 4    upastī́rya dvír abʰígʰārayati /
Sentence: 5    ṣáṭ sáṃpadyante /
Sentence: 6    ṣáḍ vā́ r̥távaḥ /
Sentence: 7    r̥tū́n evá prīṇāti /
Sentence: 8  {g}   vedéna brahmáṇe brahmabʰāgáṃ páriharati /
Sentence: 9    prājāpatyó vái vedáḥ /
Sentence: 10    prājāpatyó brahmā́ //

Verse: 10    {BS 3.3.8.58}
Sentence: 1    savitā́ yajñásya prásr̥tyai /
Sentence: 2    átʰa kā́mam anyéna /
Sentence: 3    táto hótre /
Sentence: 4    mádʰyaṃ vā́ etád yajñásya /
Sentence: 5    yád dʰótā /
Sentence: 6    madʰyatá evá yajñáṃ prīṇāti /
Sentence: 7    átʰādʰvaryáve /
Sentence: 8    pratiṣṭhā́ vā́ eṣā́ yajñásya /
Sentence: 9    yád adʰvaryúḥ /
Sentence: 10    tásmād dʰaviryajñásya_etā́m evá_āvŕ̥tam ánu //

Verse: 11    {BS 3.3.8.59}
Sentence: 1    anyā́ dákṣiṇā nīyante /
Sentence: 2    yajñásya prátiṣṭhityai /
Sentence: 3  {h}   agním agnīt sakŕ̥t_sakr̥t sáṃmr̥ḍḍhī́ty āha /
Sentence: 4    párāṅ iva hy ètárhi yajñáḥ /
Sentence: 5    iṣitā́ dáivyā hótāra íty āha /
Sentence: 6    iṣitám̐ hí kárma kriyáte /
Sentence: 7    bʰadravā́cyāya préṣito mā́nuṣaḥ sūktavākā́ya sūktā́ brūhī́ty āha /
Sentence: 8    āśíṣam eváitā́m ā́śāste /
Sentence: 9  {i}   svagā́ dáivyā hótr̥bʰya íty āha /
Sentence: 10    yajñám evá tát svagā́ karoti /
Sentence: 11    svastír mā́nuṣebʰya íty āha /
Sentence: 12    āśíṣam eváitā́m ā́śāste /
Sentence: 13    śaṃyór brūhī́ty āha /
Sentence: 14    śaṃyúm evá bārhaspatyáṃ bʰāgadʰéyena sámardʰayati //

Paragraph: 9 
Verse: 1    {BS 3.3.9.60}
Sentence: 1  {a}   átʰa srúcāv anuṣṭúgbʰyāṃ vā́javatībʰyāṃ vyū̀hati /
Sentence: 2    pratiṣṭhā́ vā́ anuṣṭúk /
Sentence: 3    ánnaṃ vā́jaḥ prátiṣṭhityai /
Sentence: 4    annā́dyasyā́varudʰyai /
Sentence: 5    prā́cīṃ juhū́m ūhati /
Sentence: 6    jātā́n evá bʰrā́tr̥vyān práṇudate /
Sentence: 7    pratī́cīm upabʰŕ̥tam /
Sentence: 8    janiṣyámāṇān evá prátinudate /
Sentence: 9    sá víṣūca evá_apóhya sapátnān yájamānaḥ /
Sentence: 10    asmín loké prátitiṣṭhati //

Verse: 2    {BS 3.3.9.61}
Sentence: 1    dvā́bʰyām /
Sentence: 2    dvípratiṣṭho hí /
Sentence: 3  {b}   vásubʰyas tvā rudrébʰyas tvā_ādityébʰyas tvā_íty āha /
Sentence: 4    yatʰāyajúr eváitát /
Sentence: 5    srukṣú prastarám anakti /
Sentence: 6    imé vái lokā́ḥ srúcaḥ /
Sentence: 7    yájamānaḥ prastaráḥ /
Sentence: 8    yájamānam evá téjasā_anakti /
Sentence: 9    tredʰā́_anakti /
Sentence: 10    tráya imé lokā́ḥ //

Verse: 3    {BS 3.3.9.62}
Sentence: 1    ebʰyá eváinaṃ lokébʰyo 'nakti /
Sentence: 2    abʰipūrvám anakti /
Sentence: 3    abʰipūrvám evá yájamānaṃ téjasā_anakti /
Sentence: 4    aktám̐ ríhāṇā íty āha /
Sentence: 5    téjo vā́ ā́jyam /
Sentence: 6    yájamānaḥ prastaráḥ /
Sentence: 7    yájamānam evá téjasā_anakti /
Sentence: 8    viyántu váya íty āha /
Sentence: 9    váya eváinaṃ kr̥tvā́ /
Sentence: 10    suvargáṃ lokáṃ gamayati //

Verse: 4    {BS 3.3.9.63}
Sentence: 1    prajā́ṃ yóniṃ mā́ nírmr̥kṣam íty āha /
Sentence: 2    prajā́yai gopītʰā́ya /
Sentence: 3    ā́pyāyantām ā́pa óṣadʰaya íty āha /
Sentence: 4    ā́pa evá_oṣadʰīr ā́pyāyayati /
Sentence: 5  {c}   marútāṃ pŕ̥ṣatayaḥ stʰa_íty āha /
Sentence: 6    marúto vái vŕ̥ṣṭyā īśate /
Sentence: 7    vŕ̥ṣṭim eva_ávarundʰe /
Sentence: 8    dívaṃ gaccʰa táto no vŕ̥ṣṭim éraya_íty āha /
Sentence: 9    vŕ̥ṣṭir vái dyáuḥ /
Sentence: 10    vŕ̥ṣṭim evá_avarundʰe //

Verse: 5    {BS 3.3.9.64}
Sentence: 1    yā́vad vā́ adʰvaryúḥ prastaráṃ prahárati /
Sentence: 2    tā́vad asya_ā́yur mīyate /
Sentence: 3    āyuṣpā́ agne 'sya_ā́yur me pāhī́ty āha /
Sentence: 4    ā́yur evá_ātmán dʰatte /
Sentence: 5    yā́vad vā́ adʰvaryúḥ prastaráṃ prahárati /
Sentence: 6    tā́vad asya cákṣur mīyate /
Sentence: 7    cakṣuṣpā́ agne 'si cákṣur me pāhī́ty āha /
Sentence: 8    cákṣur evá_ātmán dʰatte /
Sentence: 9  {d}   dʰruvā́_asī́ty āha prátiṣṭhityai /
Sentence: 10    yáṃ paridʰíṃ paryádʰattʰā íty āha //

Verse: 6    {BS 3.3.9.65}
Sentence: 1    yatʰāyajúr eváitát /
Sentence: 2    ágne deva paṇíbʰir vīryámāṇa íty āha /
Sentence: 3    agnáya eváinaṃ júṣṭaṃ karoti /
Sentence: 4    táṃ ta etám ánu jóṣaṃ bʰarāmī́ty āha /
Sentence: 5    sajātā́n evā́smā ánukān karoti /
Sentence: 6    ná_id eṣá tvád apacetáyātā íty āhā́nukʰyātyai /
Sentence: 7    yajñásya pā́tʰa úpa sámitam íty āha /
Sentence: 8    bʰūmā́nam evá_upaiti /
Sentence: 9    paridʰī́n práharati /
Sentence: 10    yajñásya sámiṣṭyai //

Verse: 7    {BS 3.3.9.66}
Sentence: 1  {e}   srúcau sáṃprásrāvayati /
Sentence: 2    yád evá tátra krūrám /
Sentence: 3    tát téna śamayati /
Sentence: 4    juhvā́m upabʰŕ̥tam /
Sentence: 5    yajamānadevatyā̀ vái juhū́ḥ /
Sentence: 6    bʰrātr̥vyadevatyā́_upabʰŕ̥t /
Sentence: 7    yájamānāya_evá bʰrā́tr̥vyam úpastiṃ karoti /
Sentence: 8    sam̐srāvábʰāgāḥ stʰa_íty āha /
Sentence: 9    vásavo vái rudrā́ ādityā́ḥ sam̐srāvábʰāgāḥ /
Sentence: 10    téṣāṃ tád bʰāgadʰéyam //

Verse: 8    {BS 3.3.9.67}
Sentence: 1    tā́n evá téna prīṇāti /
Sentence: 2    vaiśvadevyā́_r̥cā́ /
Sentence: 3    eté hí víśve devā́ḥ /
Sentence: 4    triṣṭúg bʰavati /
Sentence: 5    indriyáṃ vái triṣṭúk /
Sentence: 6    indriyám evá yájamāne dadʰāti /
Sentence: 7  {f}   agnér vām ápannagr̥hasya sádasi sādayāmī́ty āha /
Sentence: 8    iyáṃ vā́ agnír ápannagr̥haḥ /
Sentence: 9    asyā́ eváine sádane sādayati /
Sentence: 10    sumnā́ya sumninī sumné mā dʰattam íty āha //

Verse: 9    {BS 3.3.9.68}
Sentence: 1    prajā́ vái paśávaḥ sumnám /
Sentence: 2    prajā́m evá paśū́n ātmán dʰatte /
Sentence: 3    dʰurí dʰuryàu pā́tam íty āha /
Sentence: 4    jāyāpatyór gopītʰā́ya /
Sentence: 5  {g}   ágne 'dabdʰāyo 'śītatano íty āha /
Sentence: 6    yatʰāyajúr eváitát /
Sentence: 7    pāhí mā_adyá diváḥ pāhí prásityai pāhí dúriṣṭyai pāhí duradmanyái pāhí dúścaritād íty āha /
Sentence: 8    āśíṣam eváitā́m ā́śāste /
Sentence: 9    áviṣaṃ naḥ pitúṃ kr̥ṇu suṣádā yónim̐ svā́hā_ítīdʰmasaṃvŕ̥ścanāny anvāhāryapácane 'bʰyādʰā́ya pʰalīkaraṇahomáṃ juhoti /
Sentence: 10    átiriktāni vā́ idʰmasaṃvŕ̥ścanāni //

Verse: 10    {BS 3.3.9.69}
Sentence: 1    átiriktāḥ pʰalīkáraṇāḥ /
Sentence: 2    átiriktam ājya_uccʰeṣaṇám /
Sentence: 3    átirkita evá_átiriktaṃ dadʰāti /
Sentence: 4    átʰo átiriktenaivá_átiriktam āptvā́_ávarundʰe /
Sentence: 5  {h}   védir devébʰyo nílāyata /
Sentence: 6    tā́ṃ vedénā́nvavindan /
Sentence: 7    vedéna védiṃ vividuḥ pr̥tʰivī́m /
Sentence: 8    sā́ papratʰe pr̥tʰivī́ pā́rtʰivāni /
Sentence: 9    gárbʰaṃ bibʰarti bʰúvaneṣv antáḥ /
Sentence: 10    táto yajñó jāyate viśvadā́nir íti purástāt stambayajúṣo vedéna védim̐ sáṃmārṣṭy ánuvittyai //

Verse: 11    {BS 3.3.9.70}
Sentence: 1    átʰo yád vedáś ca védiś ca bʰávataḥ /
Sentence: 2    mitʰunatvā́ya prájātyai /
Sentence: 3    prajā́pater vā́ etā́ni śmáśrūṇi /
Sentence: 4    yád vedáḥ /
Sentence: 5    pátniyā upástʰa ā́syati /
Sentence: 6    mitʰunám evá karoti /
Sentence: 7    vindáte prajā́m /
Sentence: 8  {i}   vedám̐ hótā_ā́havanī́yāt str̥ṇánn eti /
Sentence: 9    yajñám evá tát sáṃtanoty ā́_úttarasmād ardʰamāsā́t /
Sentence: 10    tám̐ sáṃtatam úttare 'rdʰamāsá ā́labʰate //

Verse: 12    {BS 3.3.9.71}
Sentence: 1    táṃ kālé_kāla ā́gate yajate /
Sentence: 2  {j}   brahmavādíno vadanti /
Sentence: 3    sá tvā́ adʰvaryúḥ syāt /
Sentence: 4    yó yáto yajñáṃ prayuṅkté /
Sentence: 5    tád enaṃ pratiṣṭhāpáyatī́ti /
Sentence: 6    vā́tād vā́ adʰvaryúr yajñáṃ práyuṅkte /
Sentence: 7    dévā gātuvido gātúṃ vittvā́ {BS vitvā́} gātúm ita_íty āha /
Sentence: 8    yáta evá yajñáṃ prayuṅkté /
Sentence: 9    tád enaṃ prátiṣṭhāpayati /
Sentence: 10    prátitiṣṭhati prajáyā paśúbʰir yájamānaḥ //

Paragraph: 10 
Verse: 1    {BS 3.3.10.72}
Sentence: 1  {a}   yó vā́ áyatʰādevataṃ yajñám upacárati /
Sentence: 2    ā́ devátābʰyo vr̥ścyate /
Sentence: 3    pā́pīyān bʰavati /
Sentence: 4    yó yatʰādevatám /
Sentence: 5    ná devátābʰya ā́vr̥ścyate /
Sentence: 6    vásīyān bʰavati /
Sentence: 7    vāruṇó vái pā́śaḥ /
Sentence: 8    imáṃ víṣyāmi váruṇasya pā́śam íty āha /
Sentence: 9    varuṇapāśā́d eváināṃ muñcati /
Sentence: 10    savitŕ̥prasūto yatʰādevatám //

Verse: 2    {BS 3.3.10.73}
Sentence: 1    ná devátābʰya ā́vr̥ścyate /
Sentence: 2    vásīyān bʰavati /
Sentence: 3  {b}   dʰātúś ca yónau sukr̥tásya loká íty āha /
Sentence: 4    agnír vái dʰātā́ /
Sentence: 5    púṇyaṃ kárma sukr̥tásya lokáḥ /
Sentence: 6    agnír eváināṃ dʰātā /
Sentence: 7    púṇye kármaṇi sukr̥tásya loké dadʰāti /
Sentence: 8    syonáṃ me sahá patyā́ karomī́ty āha /
Sentence: 9    ātmánaś ca yájamānasya cā́nātyai {Dumont cā́nattyai?} saṃtvā́ya /
Sentence: 10    sám āyuṣā saṃprajáyā_íty āha //

Verse: 3    {BS 3.3.10.74}
Sentence: 1    āśíṣam eváitā́m ā́śāste pūrṇapātré /
Sentence: 2    antatò 'nuṣṭúbʰā /
Sentence: 3    cátuṣpad vā́ etác cʰándaḥ prátiṣṭhitaṃ pátniyai pūrṇapātré bʰavati /
Sentence: 4    asmín_loké prátitiṣṭhānī́ti /
Sentence: 5    asmínn evá loké prátitiṣṭhati /
Sentence: 6    átʰo vā́g vā́ anuṣṭúk /
Sentence: 7    vā́ṅ mitʰunám /
Sentence: 8    ā́po rétaḥ prajánanam /
Sentence: 9    etásmād vái mitʰunā́d vidyótamānaḥ stanáyan {AS vidyótamānastanáyan, vidyótamānas tanáyan} varṣati /
Sentence: 10    rétaḥ siñcán //

Verse: 4    {BS 3.3.10.75}
Sentence: 1    prajā́ḥ prajanáyan /
Sentence: 2  {c}   yád vái yajñásya bráhmaṇā yujyáte /
Sentence: 3    bráhmaṇā vái tásya vimokáḥ /
Sentence: 4    adbʰíḥ śā́ntiḥ /
Sentence: 5    vímuktaṃ vā́ etárhi yóktraṃ bráhmaṇā /
Sentence: 6    ādā́ya_enat pátnī sahá_apá úpagr̥hṇīte śā́ntyai /
Sentence: 7    añjaláu pūrṇapātrám ā́nayati /
Sentence: 8    réta evá_asyāṃ prajā́ṃ dadʰāti /
Sentence: 9    prajáyā hí manuṣyàḥ pūrṇáḥ /
Sentence: 10    múkʰaṃ vímr̥ṣṭe /
Sentence: 11    avabʰr̥tʰásya_evá rūpáṃ kr̥tvā́_uttiṣṭhati //

Paragraph: 11 
Verse: 1    {BS 3.3.11.76}
Sentence: 1  {a}   pariveṣó vā́ eṣá vánaspátīnām /
Sentence: 2    yád upaveṣáḥ /
Sentence: 3    yá eváṃ véda /
Sentence: 4    vindáte pariveṣṭā́ram /
Sentence: 5    tám utkaré /
Sentence: 6    yáṃ devā́ manuṣyèṣu /
Sentence: 7    upaveṣám ádʰārayan /
Sentence: 8    yé asmád ápacetasaḥ /
Sentence: 9    tā́n asmábʰyam iha_ā́kuru /
Sentence: 10    úpaveṣa_úpaviḍḍhi naḥ //

Verse: 2    {BS 3.3.11.77}
Sentence: 1    prajā́ṃ púṣṭim átʰo dʰánam /
Sentence: 2    dvipádo naś cátuṣpadaḥ /
Sentence: 3    dʰruvā́n ánapagān kurv íti purástāt pratyáñcam úpagūhati /
Sentence: 4    tásmāt purástāt pratyáñcaḥ śūdrā́ ávasyanti /
Sentence: 5    stʰavimatá úpagūhati /
Sentence: 6    áprativādina eváinān kurute /
Sentence: 7  {b}   dʰŕ̥ṣṭir vā́ upaveṣáḥ /
Sentence: 8    śucā́_r̥tó vájro bráhmaṇā sám̐śitaḥ /
Sentence: 9    yā́_upaveṣé śúk /
Sentence: 10    sā́múm r̥ccʰatu yáṃ dviṣma íti //

Verse: 3    {BS 3.3.11.78}
Sentence: 1    átʰāsmai nāmagŕ̥hya práharati /
Sentence: 2    nír amúṃ nuda ókasaḥ /
Sentence: 3    sapátno yáḥ pr̥tanyáti /
Sentence: 4    nirbādʰyèna havíṣā /
Sentence: 5    índra éṇaṃ párāśarīt /
Sentence: 6    ihí tisráḥ parāvátaḥ /
Sentence: 7    ihí páñca jánām̐ áti /
Sentence: 8    ihí tisró 'ti rocanā́, yā́vat /
Sentence: 9    sū́ryo ásad diví /
Sentence: 10    paramā́ṃ tvā parāvátam //

Verse: 4    {BS 3.3.11.79}
Sentence: 1    índro nayatu vr̥trahā́ /
Sentence: 2    yáto ná púnar ā́yasi /
Sentence: 3    śaśvatī́bʰyaḥ sámābʰya íti /
Sentence: 4  {c}   trivŕ̥d vā́ eṣá vájro bráhmaṇā sám̐śitaḥ /
Sentence: 5    śucā́_eváinaṃ viddʰvā́ /
Sentence: 6    ebʰyó lokébʰyo nirṇúdya /
Sentence: 7    vájreṇa bráhmaṇā str̥ṇute /
Sentence: 8    hatò 'sā́v ávadʰiṣmāmúm ity āha stŕ̥tyai /
Sentence: 9    yáṃ dviṣyā́t táṃ dʰyāyet /
Sentence: 10    śucā́_eváinam arpayati //

Next part


This text is part of the TITUS edition of Black Yajur-Veda: Taittiriya-Brahmana.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.