TITUS
Avestan Corpus
Part No. 90
Previous part

Chapter: 17 


Paragraph: 0 
Verse: Ca    pa. nąm.1 i. yazdą::
Verse: Cb    hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cd    maniiō. aršasaṇg.2 bə̄. rasāt̰::
Verse: Ce    əž. hamā. gunāh.1 patit. pašə̄mąnōm::
Verse: Cf    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cg       vaem. kard.
Verse: Ch       vaem. jast.
Verse: Ci       vaem. bun. būt̰. əstət̰.
Verse: Cj          əž. ą. gunāhihā.1 manišnī. gaβəšnī. kunišnī.
Verse: Ck             tanī. ruuąnī. gəϑī. mainiiąnī.
Verse: Cl             ōxš. aβāxš. pašə̄mą.
Verse: Cm             pa. sə. gaβəšnī. pa. patit. hōm.::

Verse: a    xṣ̌naoϑra. ahurahe. mazdā̊.3
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē. humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. xvax́iiā̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.4 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f       vaŋhuiiā̊. cistōiš.
Verse: g       vaŋhuiiā̊. ərəϑə̄.5
Verse: h       vaŋhuiiā̊. rasąstātō.
Verse: i       vaŋhuiiā̊. xvarənaŋhō. sauuaŋhō. mazdaδātahe.

Verse: j          xṣ̌naoϑra.4 yasnāica. vahmāica. xṣ̌naoϑrāica. frasastaiiaēca.

Verse: Q4a    yaϑā. ahū. vairiiō.
Verse: Q4b       zaotā. frā. mē. mrūtē::
Verse: Q4c    aϑā. ratuš. aṣ̌āt̰cīt̰. haca.
Verse: Q4d       frā. aṣ̌auua. vīδuuā̊. mraotū.5::



Karde 1


Paragraph: 1 
Verse: a    aṣ̌īm. vaŋuhīm. yazamaide.
Verse: b       xṣ̌ōiϑnīm. bərəzaitīm.1 huraoδąm.
Verse: c       huiiazatąm. xvanat̰.caxrąm.2
Verse: d       amauuaitīm. dātō.saokąm.
Verse: e       baēṣ̌aziiąm. pərəϑuuīrąm.3 sūrąm:

Paragraph: 2 
Verse: a       duγδarəm.1 ahurahe. mazdā̊.
Verse: b       xvaŋharəm. aməṣ̌anąm. spəṇtanąm.
Verse: c          yā. vīspanąm. saoš́iiaṇtąm.
Verse: d             fraṣ̌a. xraϑβa. fraϑaṇjaiieiti.2
Verse: e          uta. hē.3 āsnəm. xratūm.
Verse: f             auua.baraiti. vārəma.4
Verse: g          uta. hē.3 āsnaēca.5 zbaiiaṇtāi.
Verse: h             6dūraēca. zbaiiaṇtāi.6
Verse: i                jasaiti. auuaŋhe:7
Verse: j    yō. aṣ̌īm. yazāite.8 zaoϑrābiiō.
Verse: k       hō.9 miϑrəm. yazāite.10 zaoϑrābiiō.9

Paragraph: 3 
Verse: a       ahe. raiia. xvarənaŋhaca.
Verse: b    tąm. yazāi. surunuuata. yasna.
Verse: c    tąm. yazāi. huiiašta. yasna.
Verse: d       aṣ̌īm. vaŋuhīm.1 zaoϑrābiiō:
Verse: e    aṣ̌īm. vaŋuhīm. yazamaide.
Verse: f       haomaiiō.2 gauua. barəsmana.
Verse: g       hizuuō. daŋhaŋha. mąϑraca. +vacaca. š́iiaoϑnaca.
Verse: h       zaoϑrābiiasca. aršuxδaēibiiasca. vāγžibiiō.:


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.



Karde 2


Paragraph: 4 
Verse: a    aṣ̌īm. vaŋuhīm. yazamaide.
Verse: b       ṣ̌ōiϑnīm.1 bərəzaitīm. huraoδąm.
Verse: c       huiiazatąm. xvanat̰.caϑrąm.
Verse: d       amauuaitīm. dātō.saokąm.
Verse: e       baēṣ̌aziiąm. pərəϑuuīrąm. sūrąm.

Paragraph: 5 
Verse: a    haomaheca. nəmō.
Verse: b       mąϑraheca. aṣ̌aonaēca.1 zaraϑuštrahe:
Verse: c    at̰cit̰. bā. nəmō. haomāi.
Verse: d       yat̰. vīspe. aniie. maδā̊ŋhō.
Verse: e          aēṣ̌ma. haciṇte.2 xruuidruuō.3
Verse: f    āat̰. hō. yō. haomahe. maδō.4
Verse: g       aṣ̌a. hacaite. xvaē.paiϑe.5

Paragraph: 6 
Verse: a    aṣ̌iš. vaŋuhi.1 aṣ̌i. srīre.2
Verse: b       aṣ̌i. bānumaiti.3 ṣ̌āiti.4
Verse: c          viiāuuaiti.5 bānubiiō.
Verse: d       aṣ̌i. dāϑre. vohūm.6 xvarənō.
Verse: e          aēṣ̌ąm. narąm. yōi.7 hacahi:8
Verse: f    hubaoiδiš.9 baoδaite. nmānəm.
Verse: g       yeŋ́he. nmāne. aṣ̌iš. vaŋuhi.
Verse: h          sūra.10 pāδa. nidaϑaite.
Verse: i          āgrəmaitiš.11 darəγāi. haxəδrāi.

Paragraph: 7 
Verse: a    tē. narō. xṣ̌aϑra.1 xṣ̌aiieṇte.2
Verse: b       aš.baouruua.3 niδātō.pitu. hubaoiδi.4
Verse: c    yahmiia. starətasca.5 gātuš.
Verse: d       aniiā̊sca. bərəxδā̊. auuarətā̊.
Verse: e    yōi.6 hacahi. aṣ̌iš. vaŋuhi:7
Verse: f    ušta. bā. yim. hacahi.8
Verse: g       uta. mąm. upaŋhacahi.8
Verse: h       vouru.sarəδa. amauuaiti.9

Paragraph: 8 
Verse: a    aēṣ̌ąm. nmānā̊. huuiδātā̊.1
Verse: b       gaosūrā̊ŋhō.2 hištəṇte.3
Verse: c       aš.paouruuā̊.4 darəγō.upastə̄e.5
Verse: d    yōi. hacahi.6 aṣ̌iš. vaŋuhi:
Verse: e    ušta. bā. yim. hacahi.
Verse: f       uta. mąm. upaŋhacahi.
Verse: g       vouru.sarəδa. amauuaiti.

Paragraph: 9 
Verse: a    1aēṣ̌ąm. gātauua. hištəṇte.2
Verse: b       hustarəta. hupō.busta.3
Verse: c       hukərəta. barəziš.hauuaṇtō.4
Verse: d       zaraniiapaxšta.pāδā̊ŋhō.5
Verse: e    yōi. hacahi. aṣ̌iš. vaŋuhi:
Verse: f    ušta. bā. yim. hacahi.
Verse: g       uta. mąm. upaŋhacahi.
Verse: h       vouru.sarəδa. amauuaiti.

Paragraph: 10 
Verse: a    aēṣ̌ąm. vaṇtā̊ŋhō.1 bāt̰.2 mainiiā̊ŋhō.1
Verse: b       gātuš. paiti. ā̊ŋhəṇti.3
Verse: c    yōi. srīra.4 barəziš.hauuaṇtō.5
Verse: d       mərəziiumnā̊.6 aṇku.paēsəmnā̊.7
Verse: e       frā. gaoṣ̌āuuara. sispimna.8
Verse: f       caϑru.karana.9 minuca.10 zaraniiō.pisi:11
Verse: g    kaδa.12 nō. auui. ājasāt̰. nmānō.paitiš.
Verse: h    kaδa.12 ṣ̌āiti. paitiṣ̌ām.13
Verse: i       friiā. paiti. tanuui.14
Verse: j    yōi. hacahi. aṣ̌iš. vaŋuhi:
Verse: k    ušta. bā. yim. hacahi.
Verse: l       uta. mąm. upaŋhacahi.
Verse: m       vouru.sarəδa. amauuaiti.

Paragraph: 11 
Verse: a    aēṣ̌ąm. kaininō.1 ā̊ŋhəṇte.2
Verse: b       ąγmō.paiδiš.3 uruuizō.maiδiiā̊.4
Verse: c       sraotanuuō. darəγō.aṇguštā̊.5
Verse: d       kəhrpa. auuauuatąm.6 sraiia.
Verse: e          yaϑa. diδaiiatąm.7 zaoṣ̌ō.
Verse: f    yōi. hacahi. aṣ̌iš. vaŋuhi:
Verse: g    ušta. bā. yim. hacahi.
Verse: h       uta. mąm. upaŋhacahi.
Verse: i       vouru.sarəδa. amauuaiti.

Paragraph: 12 
Verse: a    aēṣ̌ąm. aspā̊ŋhō. baiieṇte.1
Verse: b          āsauuō. rauuō.fraoϑəmanō.
Verse: c       raom.2 vāṣ̌əm.3 vāṣ̌aiiaṇte.4
Verse: d       mrātəm. carəma.5 ϑaṇjaiieṇte.6
Verse: e       taxməm. staotārəm. vazəṇti.7
Verse: f          āsu.aspəm. dərəzi.raϑəm.
Verse: g          tiži.arštīm. darəγa.ārəštaēm.8
Verse: h          xṣ̌uuiβi.iṣ̌ūm. parō.kəuuīδəm.9
Verse: i          vītārəm. paskāt̰. hamərəϑəm.
Verse: j          jaṇtārəm. parō.10 dušmainiiūm.
Verse: k    yōi. hacahi. aṣ̌iš. vaŋuhi:
Verse: l    ušta. bā. yim. hacahi.
Verse: m       uta. mąm. upaŋhacahi.
Verse: n       vouru.sarəδa. amauuaiti.

Paragraph: 13 
Verse: a    aēṣ̌ąm. uštrā̊ŋhō. baiieṇte.1
Verse: b       saēni.kaofa.2 aš.manaŋha.
Verse: c       aojaiieni.4 zəmat̰. pərətamna.
Verse: d          vaδairiiauuō.5
Verse: e    yōi. hacahi. aṣ̌iš. vaŋuhi:
Verse: f    ušta. bā. yim. hacahi.
Verse: g       uta. mąm. upaŋhacahi.
Verse: h       vouru.sarəδa. amauuaiti.

Paragraph: 14 
Verse: a    aēṣ̌ąm. ərəzatəm. zaranim.1
Verse: b       nibərəϑi.2 ābərəta.3 baraiti.4
Verse: c          +aiβitarābiiō. haca. daŋhubiiō.
Verse: d          vastrā̊sca. kəṣ̌ā̊.5 bāmaniuuā̊.6
Verse: e    yōi. hacahi.7 aṣ̌iš. vaŋuhi:
Verse: f    ušta. bā. yim. hacahi.7
Verse: g       uta. mąm. upaŋhacahi.7
Verse: h       vouru.sarəδa. amauuaiti.

Paragraph: 15 
Verse: a    apa. mąm. apa.daiδiia.1
Verse: b    frā.mąm. aiβi.uruuaēsaiiaŋuha.
Verse: c       marždikəm.2 aṣ̌iš. bərəzaiti:
Verse: d    huδāta. ahi.3 huciϑra.
Verse: e    vasaϑa. ahi.3 xṣ̌aiiamna.
Verse: f    tanuiie.4 xvarənaŋhe.5 dāite.6

Paragraph: 16 
Verse: a    pita. tē.1 yō. ahurō. mazdā̊.
Verse: b       yō. mazištō. yazatanąm.
Verse: c       yō. vahištō. yazatanąm:
Verse: d    māta. ārmaitiš. spəṇta.
Verse: e    brāta. tē. yō. vaŋhuš. sraoṣ̌ō. aṣ̌iiō.
Verse: f       raṣ̌nušca. bərəzō. amauuā̊.
Verse: g       miϑrasca. vouru.gaoiiaoitiš.2
Verse: h          yō. baēuuarə.spasanō.3 hazaŋra.gaoṣ̌ō.
Verse: i    xvaŋha. daēna. māzdaiiesniš.

Paragraph: 17 
Verse: a       upa.staota.1 yazatanąm.
Verse: b       amuiiamna. razištanąm.
Verse: c       paiti.staiiata.2 raiϑiia.3
Verse: d    aṣ̌iš. vaŋuhi. yā. bərəzaiti.
Verse: e       uiti. vacə̄biš. aojana:
Verse: f    kō. ahi.4 yō. mąm. zbaiiehi.5
Verse: g       yeŋ́he. azəm. frāiiō. zbaiieṇtąm.6
Verse: h          sraēštəm. susruiie.7 vācim.

Paragraph: 18 
Verse: a    aδāt̰. uiti. frauuaṣ̌ata:1
Verse: b       yō. spitāmō. zaraϑuštrō.
Verse: c       yō. paoiriiō. maš́iiākō.
Verse: d    staota. aṣ̌əm. yat̰. vahištəm.
Verse: e       yazata. ahurəm. mazdąm.
Verse: f       yazata. aməṣ̌ə̄. spəṇtə̄.
Verse: g          2yeŋ́he. ząϑaēca. vaxṣ̌aēca.
Verse: h             uruuāsən.3 āpō. uruuarā̊sca.
Verse: i          yehe.4 ząϑaēca. vaxṣ̌aēca.
Verse: j             uxṣ̌in.5 āpō. uruuarā̊sca:

Paragraph: 19 
Verse: a          yehe.1 ząϑaēca. vaxṣ̌aēca.
Verse: b             apa.duuarat̰. aŋrō. mainiiuš.
Verse: c                haca. zəmat̰. yat̰. paϑanaiiā̊.
Verse: d                   skarənaiiā̊. dūraēpāraiiā̊:
Verse: e    uiti. dauuata. hō.
Verse: f       yō. duždā̊. aŋrō. mainiiuš. pouru.mahrkō:
Verse: g    nōit̰.2 mąm. vīspe. yazatā̊ŋhō.
Verse: h       anusəṇtəm. fraorəciṇta.3
Verse: i    āat̰. mąm. aēuuō.4 zaraϑuštrō.
Verse: j       anusəṇtəm.5 apaiieiti:

Paragraph: 20 
Verse: a    jaiṇti. mąm. ahuna. vairiiō.
Verse: b       auuauuata.1 snaiϑiṣ̌a.
Verse: c          yaϑa. asma.2 katō.masā̊:
Verse: d    tāpaiieiti. mąm. aṣ̌a. vahišta.
Verse: e       mąnaiiən. ahe.
Verse: f          yaϑa. aiiaoxṣ̌ustəm:3
Verse: g    raēkō.4 mē. haca. aŋhā̊.5 zəmat̰.
Verse: h       vaŋhō.5 kərənaoiti.6
Verse: i          yō. mąm. aēuuō. jāmaiieiti.7
Verse: j          yō. spitāmō. zaraϑuštrō.

Paragraph: 21 
Verse: a    aδāt̰. uiti. frauuaṣ̌ata.1
Verse: b       aṣ̌iš. vaŋuhi. yā. bərəzaiti:
Verse: c    nazdiiō.2 mąm. upa.hišta.
Verse: d       ərəzuuō. aṣ̌āum. spitama.
Verse: e    upa. mē.3 sraiiaŋuha. vāṣ̌ahe:4
Verse: f       nazdiiō.2 tąm. upa.hištat̰.5
Verse: g          yō. spitāmō. zaraϑuštrō.
Verse: h       upa. hē. sraiiata. vāṣ̌ahe.4

Paragraph: 22 
Verse: a    ā. dim. usca. pairi.marəzat̰.
Verse: b       hāuuōiia. bāzuuō. daṣ̌inaca.
Verse: c       daṣ̌ina. bāzuuō. hāuuaiiaca.1
Verse: d          uiti. vacə̄biš. aojana:
Verse: e    srīrō. ahi.2 zaraϑuštra.
Verse: f    hukərətō. ahi.2 spitama.
Verse: g       huuascuuō.3 darəγō.bāzāuš.4
Verse: h    dātəm. tē. tanuiie. xvarənō.
Verse: i       urunaēca. darəγəm. hauuaŋhəm.5
Verse: j          yaϑa. imat̰. yat̰. tē. frāuuaocim.6:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 3


Paragraph: 23 
Verse: a    aṣ̌īm.1 vaŋuhīm. yazamaide.
Verse: b       ṣ̌ōiϑnīm.bərəzaitīm. huraoδąm.
Verse: c       huiiazatąm. xvanat̰.caϑrąm.
Verse: d       amauuaitīm. dātō.saokąm.
Verse: e       baēṣ̌aziiąm. pərəϑuuīrąm.2 sūrąm.

Paragraph: 24 
Verse: a    1tąm. yazata. haoš́iiaŋhō.2 paraδātō.
Verse: b       +upa. upabdi.3 haraiiā̊. bərəzō.4
Verse: c          srīraiiā̊. mazdaδātaiiā̊.5

Paragraph: 25 
Verse: a    āat̰. hīm. jaiδiiat̰:
Verse: b    auuat̰. āiiaptəm. dazdi. mē.
Verse: c          aṣ̌iš. vaŋuhi. yā. bərəzaiti.
Verse: d       yat̰. bauuāni. aiβi.vaniiā̊.
Verse: e          vīspe. daēuua. māzaniia:
Verse: f       +yaϑa. azəm. nōit̰. tarštō. frānmāne.1
Verse: g          ϑβaēṣ̌āt̰. parō. daēuuaēibiiō.
Verse: h       frā. ahmāt̰.2 parō. vīspe. daēuua.
Verse: i          anusō. taršta. nəmā̊ṇte.
Verse: j          taršta. təmaŋhō.3 duuarā̊ṇti.4

Paragraph: 26 
Verse: a    pairi.tacat̰.1 pairi.jasat̰.
Verse: b       aṣ̌iš. vaŋuhi. yā. bərəzaiti:
Verse: c    viṇdāt̰.2 təm. yānəm. haoš́iiaŋhō.3 paraδātō.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 4


Paragraph: 27 
Verse: a    aṣ̌īm. vaŋuhīm.1 yazamaide.
Verse: b       ṣ̌ōiϑnīm.bərəzaitīm. huraoδąm.
Verse: c       huiiazatąm. xvanat̰.caϑrąm.
Verse: d       amauuaitīm. dātō.saokąm.
Verse: e       baēṣ̌aziiąm. pərəϑuuīrąm. sūrąm.

Paragraph: 28 
Verse: a    1tąm. yazata.
Verse: b       yō. yimō. xṣ̌aētō. huuąϑβō.2
Verse: c          hukairiiāt̰. haca. barəzaŋhat̰.

Paragraph: 29 
Verse: a    āat̰. hīm.1 jaiδiiat̰:
Verse: b    auuat̰. āiiaptəm. dazdi. mē.
Verse: c          aṣ̌iš. vaŋuhi. yā. bərəzaiti.
Verse: d       yaϑa. azəm.2 fṣ̌aoni. vąϑβa. auua.barāni.(~ Yt. 9,9)
Verse: e             auui. mazdā̊. dāmabiiō.
Verse: f          yaϑa. azəm. amərəxtīm. auua.barāni.
Verse: g             auui.10 mazdā̊. dāmabiiō:

Paragraph: 10  {= Yt. 9,10}
Verse: a       uta. azəm. apa.barāni.
Verse: b          uua. ṣ̌uδəmca. tarṣ̌nəmca.
Verse: c             haca. mazdā̊. dāmabiiō.
Verse: d       uta. azəm. apa.barāni.
Verse: e          uua. zaouruuąmca. mərəϑiiūmca.
Verse: f             haca. mazdā̊. dāmabiiō.
Verse: g       uta. azəm. apa.barāni.
Verse: h          +uua. garəməmca. vātəm. aotəmca.
Verse: i             haca. mazdā̊. dāmabiiō.
Verse: j                hazaŋrəm. aiβigāmanąm.

Paragraph: 31 
Verse: a    pairi.tacat̰. pairi.jasat̰.
Verse: b       aṣ̌iš. vaŋuhi. yā. bərəzaiti:
Verse: c    viṇdāt̰.1 təm. yānəm.
Verse: d       yō. yimō. xṣ̌aētō. huuąϑβō.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 5


Paragraph: 32 
Verse: a    aṣ̌īm. vaŋuhīm. yazamaide.
Verse: b       ṣ̌ōiϑnīm.bərəzaitīm. huraoδąm.
Verse: c       huiiazatąm. xvanat̰.caϑrąm.
Verse: d       amauuaitīm. dātō.saokąm.
Verse: e       baēṣ̌aziiąm. pərəϑuuīrąm. sūrąm.

Paragraph: 33 
Verse: a    1tąm. yazata.
Verse: b       vīsō. puϑrō. āϑβiiānōiš.
Verse: c       vīsō. sūraiiā̊. ϑraētaonō.
Verse: d          upa. varənəm. caϑru.gaoṣ̌əm.

Paragraph: 34 
Verse: a    āat̰. hīm.1 jaiδiiat̰:
Verse: b    auuat̰. āiiaptəm. dazdi. mē.
Verse: c          aṣ̌iš. vaŋuhi. yā. bərəzaiti.
Verse: d       yat̰. bauuāni.2 aiβi.vaniiā̊. (~ Yt. 9,14)
Verse: e             ažīm. dahākəm.
Verse: f             ϑrizafanəm. ϑrikamərəδəm.
Verse: g                   xṣ̌uuaš.aṣ̌īm. hazaŋrā.yaoxštīm.
Verse: h                   ašaojaŋhəm. daēuuīm. drujəm.
Verse: i                   aγəm. gaēϑāuuiiō. druuaṇtəm.
Verse: j                   yąm. ašaojastəmąm. drujəm.
Verse: k                      fraca. kərəṇtat̰. aŋrō. mainiiuš.
Verse: l                      aoi. yąm. astuuaitīm. gaēϑąm.
Verse: m                      mahrkāi. aṣ̌ahe. gaēϑanąm:
Verse: n          uta. hē. vaṇta. azāni.
Verse: o                saŋhauuāci. arənauuāci.
Verse: p             yōi. hən.10 kəhrpa. sraēšta.
Verse: q                zazātə̄e.11 gaēϑiiāi. tē.12
Verse: r                   yōi. abdōtəme.3

Paragraph: 35 
Verse: a    pairi.tacat̰. pairi.jasat̰.
Verse: b       aṣ̌iš. vaŋuhi. yā. bərəzaiti:
Verse: c    viṇdāt̰.1 təm. yānəm.
Verse: d       vīsō. puϑrō. āϑβiiānōiš.
Verse: e       vīsō. sūraiiā̊. ϑraētaonō.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 6


Paragraph: 36 
Verse: a    aṣ̌īm. vaŋuhīm. yazamaide.
Verse: b       ṣ̌ōiϑnīm.bərəzaitīm. huraoδąm.
Verse: c       huiiazatąm. xvanat̰.caϑrąm.
Verse: d       amauuaitīm. dātō.saokąm.
Verse: e       baēṣ̌aziiąm. pərəϑuuīrąm. sūrąm.

Paragraph: 37 
Verse: a    1tąm. yazata.
Verse: b       haomō. frāṣ̌miš.2 baēṣ̌aziiō.
Verse: c          srīrō. xṣ̌aϑriiō. zairi.dōiϑrō.
Verse: d             barəzište.3 paiti. barəzahi.3
Verse: e             haraiϑiiō. paiti. barəzaiiā̊.

Paragraph: 38 
Verse: a    āat̰. hīm.1 jaiδiiat̰:
Verse: b    auuat̰. āiiaptəm. dazdi. mē.
Verse: c          aṣ̌iš. vaŋuhi. yā. bərəzaiti.
Verse: d       yaϑa. azəm.2 baṇdaiieni. (~ Yt. 9,18)
Verse: e             mairīm. tūirīm. fraŋrasiiānəm.
Verse: f          uta. bastəm. vāδaiieni.
Verse: g          +uta. bastəm. upanaiieni.
Verse: h             bastəm. kauuōiš. haosrauuaŋhahe.
Verse: i    janāt̰. təm. kauua. haosrauua.
Verse: j          pasne. varōiš. ^caēcastahe.
Verse: k             jafrahe. uruiiāpahe.
Verse: l       puϑrō. kaēna. siiāuuarṣ̌ānāi.
Verse: m          zūrō.jatahe. narahe.
Verse: n          aγraēraϑaheca. narauuahe.

Paragraph: 39 
Verse: a    pairi.tacat̰. pairi.jasat̰.
Verse: b       aṣ̌iš. vaŋuhi. yā. bərəzaiti:
Verse: c    viṇdāt̰.1 təm. yānəm.
Verse: d       haomō. frāṣ̌miš. baēṣ̌aziiō.
Verse: e          srīrō. xṣ̌aϑriiō. zairi.dōiϑrō.

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 7


Paragraph: 40 
Verse: a    aṣ̌īm. vaŋuhīm. yazamaide.
Verse: b       ṣ̌ōiϑnīm.bərəzaitīm. huraoδąm.
Verse: c       huiiazatąm. xvanat̰.caϑrąm.
Verse: d       amauuaitīm. dātō.saokąm.
Verse: e       baēṣ̌aziiąm. pərəϑuuīrąm. sūrąm.

Paragraph: 41 
Verse: a    1tąm. yazata.
Verse: b       arṣ̌a. airiianąm. dax́iiunąm.
Verse: c          xṣ̌aϑrāi. haṇkərəmō. haosrauua.2

Paragraph: 42 
Verse: a    āat̰. hīm.1 jaiδiiat̰:
Verse: b    auuat̰. āiiaptəm. dazdi. mē.
Verse: c          aṣ̌iš. vaŋuhi. yā. bərəzaiti.
Verse: d       yaϑa. azəm.2 nijanāni.
Verse: e             mairīm. tūirīm. fraŋrasiiānəm.
Verse: f                   pasne. varōiš. ^caēcastahe.
Verse: g                      jafrahe. uruuiiāpahe.
Verse: h          puϑrō. kaēna. siiāuuarṣ̌ānāi.
Verse: i             zūrō.jatahe. narahe.
Verse: j             aγraēraϑaheca. narauuahe.

Paragraph: 43 
Verse: a    pairi.tacat̰. pairi.jasat̰.
Verse: b       aṣ̌iš. vaŋuhi. yā. bərəzaiti:
Verse: c    viṇdāt̰.1 təm. yānəm.
Verse: d       arṣ̌a. airiianąm. dax́iiunąm.
Verse: e          xṣ̌aϑrāi. haṇkərəmō. haosrauua.

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 8


Paragraph: 44 
Verse: a    aṣ̌īm. vaŋuhīm. yazamaide.
Verse: b       ṣ̌ōiϑnīm.bərəzaitīm. huraoδąm.
Verse: c       huiiazatąm. xvanat̰.caϑrąm.
Verse: d       amauuaitīm. dātō.saokąm.
Verse: e       baēṣ̌aziiąm. pərəϑuuīrąm. sūrąm.

Paragraph: 45 
Verse: a    1tąm. yazata.
Verse: b       yō. aṣ̌auua. zaraϑuštrō.2
Verse: c          airiiene. vaējahi.
Verse: d          vaŋhuiiā̊. dāitiiaiiā̊.3

Paragraph: 46 
Verse: a    āat̰. hīm.1 jaiδiiat̰:
Verse: b    auuat̰. āiiaptəm. dazdi. mē.
Verse: c          aṣ̌iš. vaŋuhi. yā. bərəzaiti.
Verse: d       yaϑa. azəm.2 hācaiiene. (~ Yt. 9,26)
Verse: e             vaŋuhīm. āzātąm. hutaosąm.
Verse: f                anumatə̄e. daēnaiiāi.
Verse: g                anūxtə̄e. daēnaiiāi.
Verse: h                anu.varštə̄e. daēnaiiāi.
Verse: i          yā. mē. daēnąm. māzdaiiasnīm.
Verse: j             zrasca. dāt̰. apica. aotāt̰.
Verse: k          yā. mē. varəzānāi.
Verse: l             vaŋuhīm. dāt̰. frasastīm.

Paragraph: 47 
Verse: a    pairi.tacat̰. pairi.jasat̰.
Verse: b       aṣ̌iš. vaŋuhi. yā. bərəzaiti:
Verse: c    vīṇdāt̰.1 təm. yānəm.
Verse: d       yō. aṣ̌auua. zaraϑuštrō.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 5


Paragraph: 48 
Verse: a    aṣ̌īm. vaŋuhīm. yazamaide.
Verse: b       ṣ̌ōiϑnīm.bərəzaitīm. huraoδąm.
Verse: c       huiiazatąm. xvanat̰.caϑrąm.
Verse: d       amauuaitīm. dātō.saokąm.
Verse: e       baēṣ̌aziiąm. pərəϑuuīrąm. sūrąm.

Paragraph: 49 
Verse: a    1tąm. yazata.
Verse: b       bərəzaiδiš.2 kauua. vīštāspō.
Verse: c          pasne.3 āpō. dāitiiaiiā̊.4

Paragraph: 50 
Verse: a    āat̰. hīm. jaiδiiat̰:
Verse: b       auuat̰. āiiaptəm. dazdi. mē.
Verse: c          aṣ̌iš. vaŋuhi. yā. bərəzaiti.
Verse: d       yaϑa. azāni.1 pəṣ̌ana.2 (~ Yt. 9,30)
Verse: e             ašta. auruuaṇtō. vīspa.ϑauruuō.
Verse: f             aštōiš. puϑrō. vīspa.ϑauruuō.
Verse: g             uruui.xaoδō. uruui.vərəϑrō.
Verse: h                stuuī.manaoϑriš.
Verse: i             yeŋ́he. hapta. sata. uštranąm.
Verse: j                jainiiāuuarat̰. pasca. xvīδahe:
Verse: k          yaϑa. azāni. pəṣ̌ana.
Verse: l             mairiiehe. x́iiaonahe.
Verse: m                arəjat̰.aspahe:
Verse: n          yaϑa. azāni. pəṣ̌ana.
Verse: o             darṣ̌inikahe. daēuuaiiasnahe.

Paragraph: 51  (~ Yt. 9,31)
Verse: a          uta. azəm. nijanāni.
Verse: b             tąϑriiauuaṇtəm. duždaēnəm.
Verse: c          uta. azəm. nijanāni.
Verse: d             spinjauruš́əm. daēuuaiiasnəm:
Verse: e          uta. azəm. fraouruuaēsaiieni.
Verse: f             humaiia. varəδakanąmca.
Verse: g                *x́iiaoniia. haca. daiŋ́hāuuō:
Verse: h          uta. azəm. nijanāni.
Verse: i             x́iiaonīnąm. dax́iiunąm.
Verse: j                paṇcasaγnāi. sataγnāišca.
Verse: k                sataγnāi. hazaŋraγnāišca.
Verse: l                hazaŋraγnāī. baēuuarəγnāišca.
Verse: m                baēuuarəγnāi. ahąxštaγnāišca.

Paragraph: 52 
Verse: a    pairi.tacat̰.1 pairi.jasat̰.
Verse: b       aṣ̌iš. vaŋuhi. yā. bərəzaiti:
Verse: c    viṇdāt̰.2 təm. yānəm.
Verse: d       bərəzaiδiš. kauua. vīštāspō.:

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Karde 5


Paragraph: 53 
Verse: a    aṣ̌īm. vaŋuhīm. yazamaide.
Verse: b       ṣ̌ōiϑnīm.bərəzaitīm. huraoδąm.
Verse: c       huiiazatąm. xvanat̰.caϑrąm.
Verse: d       amauuaitīm. dātō.saokąm.
Verse: e       baēṣ̌aziiąm. pərəϑuuīrąm. sūrąm.

Paragraph: 54 
Verse: a    āat̰. aoxta.
Verse: b       aṣ̌iš. vaŋuhi. yā. bərəzaiti:
Verse: c    mā. ciš. mē. ā̊ŋhąm. zaoϑranąm.1 viṇdita.2
Verse: d          yā.3 māuuōiia. nipāraiieiṇti.
Verse: e       mā. narō. pairištā.xṣ̌uδrō.4
Verse: f       mā. jahika. para.daxšta.
Verse: g       mā. apərənāiiu.5 tauruna.
Verse: h       mā. kainina.6 anupaēta. maš́iiānąm.

Paragraph: 55 
Verse: a    yat̰. mąm. tura. pazdaiiaṇta.1
Verse: b       āsu.aspa.2 naotaraca.
Verse: c    āat̰. azəm. tanūm. aguze.
Verse: d       +aδairi. pāδəm. gə̄uš. arṣ̌nō.
Verse: e          barəmāiiaonahe.3
Verse: f    āat̰. mąm. fraguzaiiaṇta.4
Verse: g       yōi.5 apərənāiiu.6 tauruna.
Verse: h       yōi.5 kainina.7 anupaēta. maš́iiānąm.

Paragraph: 56 
Verse: a    yat̰cit̰.1 mąm. tura. pazdaiianta.2
Verse: b       āsu.aspa.3 naotaraca.
Verse: c    at̰cit̰.4 azəm. tanūm. aguze.
Verse: d       aδairi.5 maēṣ̌ahe. garō.
Verse: e          yat̰. varṣ̌nōiš. satō.karahe.6
Verse: f    at̰cit̰.7 mąm. fraguzaiiaṇta.
Verse: g       yōi. apərənāiiu. tauruna.
Verse: h       yōi.8 kainina.9 anupaēta.10 maš́iiānąm.
Verse: i    yat̰cit̰. mąm. tura. pazdaiiaṇta.
Verse: j       āsu.aspaēm.11 naotaraca.

Paragraph: 57 
Verse: a    paoiriiąm.1 gərəząm. gərəzaēta.2
Verse: b       aṣ̌iš. vaŋuhi. yā. bərəzaiti.
Verse: c          haca. apuϑrō.zaniiāi.3 jahikaiiāi:
Verse: d    mā. hē. auui.4 pāδəm. auua.hišta.
Verse: e    mā. gātūm. nipaiδiiaŋuha:5
Verse: f    kuϑa. hīš. azəm. kərənauuāni.6
Verse: g       asmanəm. auui.4 fraṣ̌usāni.
Verse: h       ząm. auui.4 ni.uruuisiiāni.7

Paragraph: 58 
Verse: a    bitiiąm. gərəząm. gərəzaēta.1
Verse: b       aṣ̌iš. vaŋuhi. yā. bərəzaiti.
Verse: c          haca. auuaŋhāi.2 jahikaiiāi.3
Verse: d             yā. aom. puϑrəm. baraiti.
Verse: e                   aniiahmāi. arṣ̌ānāi.4 varštəm.
Verse: f                paiϑe.5 upa.baraiti:
Verse: g    kuϑa. hīš. azəm. kərənauuāni.
Verse: h       asmanəm. auui. fraṣ̌usāni.6
Verse: i       ząm. auui. ni.uruuisiiāni.

Paragraph: 59 
Verse: a    ϑritiiąm. gərəząm. gərəzaēta.1
Verse: b       aṣ̌iš. vaŋuhi. yā. bərəzaiti:
Verse: c    imat̰. mē. stāuuištəm.2 š́iiaoϑnəm.
Verse: d       maš́iia. vərəziṇti.3 sāsta.
Verse: e          yat̰. kainiiō. uzuuāδaiieiṇti.
Verse: f             darəγəm. aγruuō.4 nijāmaiieiṇti:5
Verse: g    kuϑa. hīš. azəm. kərənauuāni.
Verse: h       asmanəm. auui. fraṣ̌usāni.
Verse: i       ząm. auui. ni.uruuisiiāni.

Paragraph: 60 
Verse: a    āat̰. mraot̰. ahurō. mazdā̊:
Verse: b       aṣ̌i.1 srīre.2 dāmiδāite.3
Verse: c    mā. auui. asmanəm. fraṣ̌usa.4
Verse: d    mā. auui. ząm. ni.uruuise.5
Verse: e    iϑa. mē. tūm. hąm.caraŋuha.
Verse: f       aṇtarə. arəδəm. nmānahe.
Verse: g          srīrahe. xṣ̌aϑrō.kərətahe:

Paragraph: 61 
Verse: a    ana. ϑβā. yasna. yazāne.1
Verse: b    ana. yasna.2 frāiiazāne.
Verse: c    yasə.ϑβā. yazata. vīštāspō.
Verse: d       pasne.3 āpō. dāitiiaiiā̊:
Verse: e    bərəzəm.4 barāt̰. zaota. vācim.
Verse: f       hištəmnō. pasca. barəsma:
Verse: g    ana. ϑβā. yasna.5 yazāne.
Verse: h    ana. yasna. frāiiazāne.
Verse: i       aṣ̌i. srīre. dāmiδāite.6

Verse: Q1a       ahe. raiia. xvarənaŋhaca.
Verse: Q1b    tąm. yazāi. surunuuata. yasna.
Verse: Q1c    tąm. yazāi. huiiašta. yasna.
Verse: Q1d       razištąm. cistąm. mazdaδātąm. aṣ̌aonīm.
Verse: Q1e          zaoϑrābiiō:
Verse: Q1e    razištąm. cistąm. mazdaδātąm. aṣ̌aonīm. yazamaide.
Verse: Q1e       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.


Paragraph: 62 
Verse: Ca    1(vāž.::)
Verse: Cb    hōrməzd.2 i. aβazūnī. mardum.
Verse: Cc       mardum. sardagą. ham. bā. yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Ce       ə̄duṇ. bāt̰.::


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::


Verse: a    yasnəmca.3 vahməmca. aojasca. zauuarəca. āfrīnāmi.4
Verse: b       aṣ̌ōiš. vaŋhuiiā̊. cistōiš.
Verse: c       vaŋhuiiā̊. ərəϑə̄.4
Verse: d       vaŋhuiiā̊. rasąstātō.
Verse: e       vaŋhuiiā̊. xvarənaŋhō. sauuaŋhō. mazdaδātahe.:

{~ Ny. 1,18; Y. 72,9 / 68,11 / SrB 5}
Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.

Verse: Q3a    ahmāi. raēšca.5 xvarənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.xvāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: Q4a    aϑa. jamiiāt̰. yaϑa. āfrīnāmi.:

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6Aa       hazaŋrəm. baēṣ̌azanąm.
Verse: Q6Ab       baēuuarə. baēṣ̌azanąm.::
Verse: Q6Ba       hazaŋrəm. baēṣ̌azanąm.
Verse: Q6Bb       baēuuarə. baēṣ̌azanąm.::
Verse: Q6Ca       hazaŋrəm. baēṣ̌azanąm.
Verse: Q6Cb       baēuuarə. baēṣ̌azanąm.::

Verse: Q7a    aṣ̌əm. vohū. vahištəm. astī::
Verse: Q7b    uštā. astī. uštā. ahmāi.
Verse: Q7c    hiiat̰. aṣ̌āi. vahištāi. aṣ̌əm.

Verse: Q8a    jasa. mē. auuaŋhe. mazda.
Verse: Q8b    jasa. mē. auuaŋhe. mazda.
Verse: Q8c    jasa. mē. auuaŋhe. mazda.

Verse: Q9b       amahe. hutāštahe. huraoδahe.
Verse: Q9c       vərəϑraγnahe. ahuraδātahe.
Verse: Q9d       vanaiṇtiiā̊sca. uparatātō.::

Verse: Q10a       rāmanasca. xvāstrahe.
Verse: Q10b       vaiiaoš. uparō.kairiiehe.
Verse: Q10c       taraδātō. aniiāiš. dāmąn::
Verse: Q10d    aētat̰. tē. vaiiō.
Verse: Q10e       yat̰. tē. asti. spəṇtō.mainiiaom::
Verse: Q10f          ϑβāṣ̌ahe. xvaδātahe.
Verse: Q10g          zruuānahe. akaranahe.
Verse: Q10h          zruuānahe. darəγō.xvaδātahe.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.

Verse: C2a    kərba. mažd. gunāh. guzārašni. rā. kunōm. ašahī. ruuą.
Verse: C2b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C2c    ašō. bə̄t̰. də̄r. zī.::

Verse: Q12a    aϑa. jamiiāt̰. yaϑa. āfrīnāmi.:

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.::::::




Aštād Yašt
Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.