TITUS
Avestan Corpus
Part No. 91
Previous part

Chapter: 18 


Paragraph: 0 
Verse: Ca    pa. nąm.1 i. yazdą::
Verse: Cb    hōrmezd. i. xvadāe. i. aβazūnī. gurz. xvarahe. aβazāiiāt̰::
Verse: Cd    āštāt̰. yazat̰. bə̄. rasāt̰::
Verse: Ce    əž. hamā. gunāh.1 patit. pašə̄mąnōm::
Verse: Cf    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cg       vaem. kard.
Verse: Ch       vaem. jast.
Verse: Ci       vaem. bun. būt̰. əstət̰.
Verse: Cj          əž. ą. gunāhihā.1 manišnī. gaβəšnī. kunišnī.
Verse: Ck             tanī. ruuąnī. gəϑī. mainiiąnī.
Verse: Cl             ōxš. aβāxš. pašə̄mą.
Verse: Cm             pa. sə. gaβəšnī. pa. patit. hōm.::

Verse: a    xṣ̌naoϑra. ahurahe. mazdā̊.2
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē. humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. xvax́iiā̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f       airiianąm.4 xvarənō. mazdaδātanąm.
Verse: g          xṣ̌naoϑra.4 yasnāica. vahmāica. xṣ̌naoϑrāica. frasastaiiaēca.

Verse: Q4a    yaϑā. ahū. vairiiō.
Verse: Q4b       zaotā. frā. mē. mrūtē::
Verse: Q4c    aϑā. ratuš. aṣ̌āt̰cīt̰. haca.
Verse: Q4d       frā. aṣ̌auua. vīδuuā̊. mraotū.5::


Paragraph: 1 
Verse: a    mraot̰. ahurō. mazdā̊. spitamāi. zaraϑuštrāi:
Verse: b    azəm. daδąm. airiianəm.1 xvarənō.2
Verse: c       gaomauuaitīm. pouru.vąϑβəm.3
Verse: d       pouru.ištəm.4 pouru.xvarənaŋhəm.
Verse: e       huš.hąm.bərətəm.5 xraϑβəm.6
Verse: f       huš.hąm.bərətəm.5 ṣ̌aētəm.7
Verse: g       āzīm.8 hamaēstārəm.9
Verse: h       dušmainiiūm. hamaēstārəm.

Paragraph: 2 
Verse: a    tauruuaiieiti. aŋrəm.1 mainiiūm. pouru.mahrkəm:
Verse: b    tauruuaiieiti. aēṣ̌məm.2 xruuīdrūm:3
Verse: c    tauruuaiieiti. būṣ̌iiąstəm.4 zairinəm:5
Verse: d    tauruuaiieiti. hąm.stərətəm.6 aēxəm:7
Verse: e    tauruuaiieiti.8 daēum.9 apaoṣ̌əm:10
Verse: f    tauruuaiieiti. anairiiā̊. daiŋ́hāuuō.11

Paragraph: 3 
Verse: a    azəm. daδąm. aṣ̌īmca. vaŋuhīm. bərəzaitīm:
Verse: b       1fracaraiti. aṇtarə. arəδəm. nmānahe.
Verse: c          srīrahe. xṣ̌aϑrō.kərətahe.

Paragraph: 4 
Verse: a    təm. hacāt̰. aṣ̌iš. pouruš.xvāϑra.1
Verse: b       rāiti. aṣ̌auua.xṣ̌nuuaitiiāi.2 maš́iiāi:
Verse: c    3fracaraiti. aṇtarə. arəδəm. nmānahe.
Verse: d       srīrahe. xṣ̌aϑrō.kərətahe:
Verse: e          vīspō.vąϑβō. vīspō.vərəϑrō.4
Verse: f          vīspō.xraϑβō.5 vīspō.xvarənō:
Verse: g    aēuuō.pāδəm.6 nidaϑaite.7
Verse: h       aṣ̌iš. vaŋuhi. yā. bərəzaiti.8
Verse: i          9aṇtarə. arəδəm. nmānahe.
Verse: j             srīrahe. xṣ̌aϑrō.kərətahe.

Paragraph: 5 
Verse: a    1hazaŋrəm. aspā̊. bauuaiti.1
Verse: b    hazaŋrəm. vąϑβā̊. bauuaiti.
Verse: c       uta.2 āsnąmcit̰. frazaiṇtīm:
Verse: d    hāmō. yaozaiti.3 tištrīm. stārəm.4
Verse: e       hāmō. vātō. darṣ̌iš. mazdaδātō.
Verse: f       hāmō. airiianəm.5 xvarənō.

Paragraph: 6 
Verse: a    uta. barəṇti. fradaϑəm.
Verse: b       vīspā̊. barəṣ̌nauuō. gairinąm.
Verse: c       vīspā̊. jąfnauuō. raonąm.
Verse: d    uta. barəṇti. fradaϑəm.
Verse: e       vīspanąm. uruuaranąm. frāurustanąm.
Verse: f          srīranąm. zairi.gaonanąm.
Verse: g    uta. barəṇti.1 fradaϑəm.2
Verse: h       hąm.stərətəm.3 *aēxəm.4
Verse: i    uta. barəṇti.5 mahrkaϑəm.
Verse: j       daēum.6 apaoṣ̌əm.*

Paragraph: 7 
Verse: a    nəmō. tištrīm. stārəm. raēuuaṇtəm. xvarənaŋhuṇtəm.
Verse: b    nəmō. vātō. darṣ̌iš. mazdaδātō.
Verse: c    nəmō. airiianəm.1 xvarənō.:


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(cihār. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q1Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Cc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q1Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Dc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::


Verse: Q2Aa    aṣ̌əm. vohū. vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.::

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.::


Paragraph: 8 
Verse: a    ahunəm. vairīm. yazamaide:aṣ̌əm. vohū.
Verse: b    aṣ̌əm. vahištəm. sraēštəm. aməṣ̌əm. spəṇtəm. yazamaide:aṣ̌əm. vohū.
Verse: c    vaca. aršuxδa. vārəϑraγniš. baēṣ̌aziš.1 yazamaide:aṣ̌əm. vohū.
Verse: d    baēṣ̌aziš. vaca. aršuxδa. vārəϑraγniš. yazamaide:aṣ̌əm. vohū.
Verse: e    mąϑra. spəṇta.2 daēna.3 māzdaiiesne.4 haomacanəm.5 yazamaide:aṣ̌əm. vohū.
Verse: f    airiianəm.6 xvarənō. yazamaide:aṣ̌əm. vohū.


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.



Paragraph: 9 
Verse: Ca    1(vāž.::)
Verse: Cb    hōrməzd.2 i. aβazūnī. mardum.
Verse: Cc       mardum. sardagą. ham. bā. yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Ce       ə̄duṇ. bāt̰.::


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::


Verse: a    yasnəmca.3 vahməmca. aojasca. zauuarəca. āfrīnāmi.4
Verse: b       airiianąm.4 xvarənō. mazdaδātanąm.:

{~ Ny. 1,18; Y. 72,9 / 68,11 / SrB 5}
Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.

Verse: Q3a    ahmāi. raēšca.5 xvarənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.xvāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: Q4a    aϑa. jamiiāt̰. yaϑa. āfrīnāmi.:

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6Aa       hazaŋrəm. baēṣ̌azanąm.
Verse: Q6Ab       baēuuarə. baēṣ̌azanąm.::
Verse: Q6Ba       hazaŋrəm. baēṣ̌azanąm.
Verse: Q6Bb       baēuuarə. baēṣ̌azanąm.::
Verse: Q6Ca       hazaŋrəm. baēṣ̌azanąm.
Verse: Q6Cb       baēuuarə. baēṣ̌azanąm.::

Verse: Q7a    aṣ̌əm. vohū. vahištəm. astī::
Verse: Q7b    uštā. astī. uštā. ahmāi.
Verse: Q7c    hiiat̰. aṣ̌āi. vahištāi. aṣ̌əm.

Verse: Q8a    jasa. mē. auuaŋhe. mazda.
Verse: Q8b    jasa. mē. auuaŋhe. mazda.
Verse: Q8c    jasa. mē. auuaŋhe. mazda.

Verse: Q9b       amahe. hutāštahe. huraoδahe.
Verse: Q9c       vərəϑraγnahe. ahuraδātahe.
Verse: Q9d       vanaiṇtiiā̊sca. uparatātō.::

Verse: Q10a       rāmanasca. xvāstrahe.
Verse: Q10b       vaiiaoš. uparō.kairiiehe.
Verse: Q10c       taraδātō. aniiāiš. dāmąn::
Verse: Q10d    aētat̰. tē. vaiiō.
Verse: Q10e       yat̰. tē. asti. spəṇtō.mainiiaom::
Verse: Q10f          ϑβāṣ̌ahe. xvaδātahe.
Verse: Q10g          zruuānahe. akaranahe.
Verse: Q10h          zruuānahe. darəγō.xvaδātahe.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.

Verse: C2a    kərba. mažd. gunāh. guzārašni. rā. kunōm. ašahī. ruuą.
Verse: C2b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C2c    ašō. bə̄t̰. də̄r. zī.::

Verse: Q12a    aϑa. jamiiāt̰. yaϑa. āfrīnāmi.:

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.::::::




Zamiiād Yašt
Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.