TITUS Texts: Avestan Corpus

TITUS
Avestan Corpus
Part No. 92

Previous part

Chapter: 19

Paragraph: 0
Verse: Ca    pa. nąm.1 i. yazdą::
Verse: Cb    hōrmezd. i. x^vadāe. i. aβazūnī. gurz. x^varahe. aβazāiiāt̰::
Verse: Cd    zamiiāt̰. yazat̰. bə̄. rasāt̰::
Verse: Ce    əž. hamā. gunāh.1 patit. pašə̄mąnōm::
Verse: Cf    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cg       vaem. kard.
Verse: Ch       vaem. jast.
Verse: Ci       vaem. bun. būt̰. əstət̰.
Verse: Cj          əž. ą. gunāhihā.1 manišnī. gaβəšnī. kunišnī.
Verse: Ck             tanī. ruuąnī. gəϑī. mainiiąnī.
Verse: Cl             ōxš. aβāxš. pašə̄mą.
Verse: Cm             pa. sə. gaβəšnī. pa. patit. hōm .::

Verse: a    xṣ̌naoϑra. ahurahe. mazdā^̊.2
Verse: b       tarōidīti. aŋrahe. mainiiə̄uš.
Verse: c    haiϑiiāuuarštąm.
Verse: d       hiiat̰. vasnā. fəraṣ̌ōtəməm.:

Verse: Q1a    fərastuiiē. humatōibiiascā. hūxtōibiiascā. huuarštōibiiascā.
Verse: Q1b       mąϑβōibiiascā. vaxəδβōibiiascā. varštuuōibiiascā::
Verse: Q1c    aibigairiiā. daiϑē. vīspā. humatācā. hūxtācā. huuarštācā::
Verse: Q1d    paitiriciiā. daiϑē. vīspā. dušmatācā. dužūxtācā. dužuuarštācā.::

{= Y. 11,18 = Y. 0,5}
Verse: Q2a    fərā. və̄. rāhī. aməṣ̌ā. spəṇtā. yasnəmcā. vahməmcā.
Verse: Q2b       fərā. manaŋhā.
Verse: Q2c       fərā. vacaŋhā.
Verse: Q2d       fərā. š́iiaoϑanā.
Verse: Q2e       fərā. aŋhuiiā.
Verse: Q2f       fərā. tanuuascīt̰. x^vax́iiā^̊. uštanəm.::

{= Y. 11,19}
Verse: e    staomī. aṣ̌əm::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm. (si. bār .)::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

{= Y. 27,12}
Verse: Q4a    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: Q4b       hāuuanə̄e. aṣ̌aone. aṣ̌ahe. raϑβe.
Verse: Q4c          yasnāica. vahmāica. xṣ̌naoϑrāica. frasastaiiaēca::
Verse: Q4e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q4f          yasnāica. vahmāica. xṣ̌naoϑrāica. frasastaiiaēca::
Verse: Q4g       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q4h          yasnāica. vahmāica. xṣ̌naoϑrāica. frasastaiiaēca.::::

Verse: f       garōiš. uṣ̌i.darənahe.4 mazdaδātahe. aš.x^vāϑrahe.5
Verse: g       kāuuaiieheca. x^varənaŋhō. mazdaδātahe.
Verse: h       ax^varətaheca. x^varənaŋhō. mazdaδātahe.

Verse: i          xṣ̌naoϑra.3 yasnāica. vahmāica. xṣ̌naoϑrāica. frasastaiiaēca.

Verse: Q4a    yaϑā. ahū. vairiiō.
Verse: Q4b       zaotā. frā. mē. mrūtē::
Verse: Q4c    aϑā. ratuš. aṣ̌āt̰cīt̰. haca.
Verse: Q4d       frā. aṣ̌auua. vīδuuā^̊. mraotū.5::

(Karde 1)

Paragraph: 1
Verse: a    paoiriiō. gairiš. hąm.hištat̰.1
Verse: b          spitama. zaraϑuštra.
Verse: c       paiti. āiia. zəmā. haraiti. barš.
Verse: d    hā. haca. pāirisāite.2
Verse: e       frāpaiiā^̊.3 daŋ́huš.4 ā. upaoṣ̌aŋhuuā^̊sca:5
Verse: f    bitiiō. zərəδazō.6 gairiš.
Verse: g       pārəṇtarəm.7 arəδō. manuṣ̌ahe.
Verse: h    hāmō. hascit̰. pāirisāite.2
Verse: i       frāpaiiā^̊.3 daŋ́huš.4 ā. upaoṣ̌aŋhuuā^̊sca.5

Paragraph: 2
Verse: a    ahmat̰. haca. garaiiō. fraoxṣ̌iiąn.
Verse: b       uṣ̌iδā^̊.1 uṣ̌idarənō.
Verse: c       ərəzifiiasca. fraorəpō.
Verse: d       xštuuō. ərəzurō.2
Verse: e       haptaϑō. būmiiō.3
Verse: f       aštəmō. raoδitō.
Verse: g       naomō.4 maziṣ̌uuā^̊.5
Verse: h       dasəmō. aṇtarə.daŋ́huš.6
Verse: i       aēuuaṇdasō. ərəziṣ̌ō.7
Verse: j       duuadasō. vāiti.gaēsō:8

Paragraph: 3
Verse: a       ādaranasca.1 baiianasca.
Verse: b       iš́atāca.2 upāiri.saēna.3
Verse: c       kąsō.tafəδra.4 varafa.5
Verse: d       duua. hamaṇkuna. pauruuata.
Verse: e       ašta. vaṣ̌anō.6 pauruuata.
Verse: f       ašta. auruuaṇtō.7 fā^̊ṇkauuō.8
Verse: g       caϑβārō. viδβana.9 kaofō:

Paragraph: 4
Verse: a       aēzaxasca.1 maēnaxasca.1
Verse: b       vāxəδrikaēca.2 asaiiaēca.3
Verse: c       tuδaskaēca.4 viṣ̌auuaēca.5
Verse: d       draoṣ̌iṣ̌uuā^̊sca.6 sāiriuuā^̊sca.
Verse: e       naŋhušmā^̊sca.7 kakahiiušca.8
Verse: f          aṇtarə.kaŋhaca:9

Paragraph: 5
Verse: a       sicidauuasca.1 ahuranasca.2
Verse: b       raēmanasca. aṣ̌a.stəmbanasca.3
Verse: c       uruniiō.vāiδimiδkaēca.4
Verse: d       asnuuā^̊sca.5 uṣ̌aomasca.6
Verse: e       ušta.x^varənā^̊sca. siiāmakasca.7
Verse: f       vafraiiā^̊sca. vouruṣ̌asca:8

Paragraph: 6
Verse: a       yahmiia.jatarasca.1 aδutauuā^̊sca.2
Verse: b       spitauuarənā^̊sca.3 spəṇtō.dātasca.
Verse: c       kadruua.aspasca. kaoirisasca.4
Verse: d       taērasca. barō.sraiianō.
Verse: e       baranasca.5 frāpaiiā^̊sca. gairiš.
Verse: f       6udriiasca. raēuuā^̊sca. gairiš:6
Verse: g          yaēṣ̌ąmca. parō. maš́iiāka.
Verse: h             aiβitaēδaca.7 spaṣ̌itaēδaca.8
Verse: i                gairinąm. nāmąm.9 dāδarə:

Paragraph: 7
Verse: a    caϑβarasca. aϑa. garaiiō.
Verse: b          spitama. zaraϑuštra.
Verse: c       caϑβarəsatəmca. duuaēca.1 saite.
Verse: d          duuaēca.1 hazaŋre.

Paragraph: 8
Verse: a    yauuat̰. anu. aipi. āite.1
Verse: b       garaiiō. viṣ̌astarə.2 vīspəm.
Verse: c    auuat̰. aipi. draonō. bažat̰.3
Verse: d       aϑaurunaēca. raϑaēštāica.
Verse: e       vāstriiāica. fṣ̌uiieṇte.

Paragraph: 9
Verse: a    uγrəm. kauuaēm. x^varənō. mazdaδātəm. yazamaide.
Verse: b       aš.vaṇdrəm.1 uparō.kairīm.
Verse: c       ϑamnaŋuhaṇtəm.2 varəcaŋuhaṇtəm.3
Verse: d       yaoxštiuuaṇtəm. taraδātəm.4 aniiāiš. dāmąn:

Paragraph: 10
Verse: a    yat̰. asti. ahurahe. mazdā^̊.
Verse: b       yaϑa. dāmąn. daϑat̰. ahurō. mazdā^̊.
Verse: c          pouruca. vohuca. pouruca. srīraca.
Verse: d          pouruca. abdaca.1 pouruca. fraṣ̌aca.
Verse: e             pouruca. bāmiiāca.

Paragraph: 11
Verse: a    yat̰. kərənauuąn. 1fraṣ̌əm. ahūm.
Verse: b       azarəṣ̌əṇtəm.2 amarəṣ̌əṇtəm.3
Verse: c       afriϑiiaṇtəm. apuiiaṇtəm.
Verse: d       yauuaējim.4 yauuaēsum.
Verse: e          vasō.xṣ̌aϑrəm.
Verse: f    yat̰. irista. paiti. usəhištąn.
Verse: g       jasāt̰. juuaiiō.5 amərəxtiš.
Verse: h       daϑaite.6 fraṣ̌əm. vasna.7 aŋhuš:

Paragraph: 12
Verse: a    bun.1 gaēϑā^̊. amarṣ̌aṇtīš.2
Verse: b       yā^̊. aṣ̌ahe. saŋuhaitīš:
Verse: c    ništat̰.3 paiti. druxš. nāṣ̌āite.4
Verse: d       yaδāt̰. aiβicit̰. jaγmat̰.
Verse: e          aṣ̌auuanəm. mahrkaϑāi.
Verse: f          aom. ciϑrəmca.5 stīmca.6
Verse: g       āϑat̰ca.7 mare. nāṣ̌ātaēca.8
Verse: h          mairiiō.9 aϑa.10 ratuš.

Paragraph: 13
Verse: a       ahe. raiia. x^varənaŋhaca.
Verse: b    təm. yazāi. surunuuata. yasna.1
Verse: c       uγrəm. kauuaēm. x^varənō. mazdaδātəm.
Verse: d          zaoϑrābiiō:
Verse: e    uγrəm. kauuaēm. x^varənō. mazdaδātəm. yazamaide.
Verse: f       haomaiiō.2 gauua.3 barəsmana.
Verse: g       hizuuō. daŋhaŋha. mąϑraca. +vacaca. š́iiaoϑnaca.
Verse: h       zaoϑrābiiasca. aršuxδaēibiiasca. vāγžibiiō.:

Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q1c    tąscā. tā^̊scā. yazamaide.

Karde 2

Paragraph: 14
Verse: a    uγrəm. kauuaēm. x^varənō. mazdaδātəm. yazamaide.
Verse: b       aš.vaṇdrəm.1 uparō.kairīm.
Verse: c       ϑamnaŋuhaṇtəm.2 varəcaŋuhaṇtəm.3
Verse: d       yaoxštiuuaṇtəm. taraδātəm.4 aniiāiš. dāmąn:

Paragraph: 15
Verse: a    yat̰. asti. 1aməṣ̌anąm. spəṇtanąm.
Verse: b       xṣ̌aētanąm. vərəzidōiϑranąm.
Verse: c       bərəzaṇtąm.2 aiβiiāmanąm.3
Verse: d       taxmanąm. āhūiriianąm.
Verse: e       yōi. aiϑiiejaŋhō.4 aṣ̌auuanō:

Paragraph: 16
Verse: a       yōi. hapta. hamō.manaŋhō.
Verse: b       yōi. hapta. hamō.vacaŋhō.
Verse: c       yōi. hapta. hamō.š́iiaoϑnā^̊ŋhō.
Verse: d       yaēṣ̌ąm. asti. haməm. manō.
Verse: e          haməm. vacō. haməm. š́iiaoϑnəm.
Verse: f          hamō. pataca.1 frasāstaca.
Verse: g             yō. daδuuā^̊. ahurō. mazdā^̊:2

Paragraph: 17
Verse: a       yaēṣ̌ąm. aniiō. aniiehe.
Verse: b          uruuānəm. aiβi.vaēnaiti.1
Verse: c             mərəϑβəṇtəm.2 humataēṣ̌u.
Verse: d             mərəϑβəṇtəm. hūxtaēṣ̌u.
Verse: e             mərəϑβəṇtəm. huuarštaēṣ̌u.
Verse: f             mərəϑβəṇtəm. garō.nmānəm.
Verse: g       yaēṣ̌ąm. raoxṣ̌nā^̊ŋhō. paṇtānō.
Verse: h          āuuaiiatąm. auui. zaoϑrā^̊:

Paragraph: 18
Verse: a       yōi. həṇti. ā^̊ŋhąm. dāmanąm.
Verse: b             yat̰. ahurahe. mazdā^̊.
Verse: c          dātarasca. marəxštarasca.
Verse: d          ϑβarəxštarasca. aiβiiāxštarasca.
Verse: e          nipātarasca. nišharətarasca.1

Paragraph: 19
Verse: a       taēcit̰. yōi. fraṣ̌əm. vasna. ahūm. daϑən.
Verse: b          azarəṣ̌əṇtəm.1 amarəṣ̌əṇtəm.2
Verse: c          afriϑiiaṇtəm. apuiiaṇtəm.3
Verse: d       yauuaējim. yauuaēsum.
Verse: e          vasō.xṣ̌aϑrəm.
Verse: f    yat̰. irista. paiti. usəhištąn.
Verse: g       jasāt̰. juuaiiō. amərəxtiš.
Verse: h       daϑaite. fraṣ̌əm. vasna. aŋhuš:

Paragraph: 20
Verse: a    bun. gaēϑā^̊. amarṣ̌aṇtīš.
Verse: b       yā^̊. aṣ̌ahe. saŋuhaitīš:
Verse: c    ništat̰. paiti. druxš. nāṣ̌āite.
Verse: d       yaδāt̰. aiβicit̰. jaγmat̰.
Verse: e          aṣ̌auuanəm. mahrkaϑāi.
Verse: f          aom. ciϑrəmca. stīmca.
Verse: g       āϑat̰ca. mare. nāṣ̌ātaēca.
Verse: h          mairiiō. aϑa.10 ratuš.

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 3

Paragraph: 21
Verse: a    uγrəm. kauuaēm.1 x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 22
Verse: a    yat̰. asti. mainiiauuanąm.
Verse: b       yazatanąm. gaēiϑiianąmca.
Verse: c       zātanąmca. azātanąmca.1
Verse: d       fraṣ̌ō.carəϑrąm. saoš́iiaṇtąmca.

Paragraph: 23
Verse: a    taēcit̰. yōi. fraṣ̌əm. vasna. ahūm. daϑən.
Verse: b       azarəṣ̌əṇtəm.1 amarəṣ̌əṇtəm.2
Verse: c       afriϑiiaṇtəm. apuiiaṇtəm.3
Verse: d       yauuaējim. yauuaēsum.
Verse: e          vasō.xṣ̌aϑrəm.
Verse: f    yat̰. irista. paiti. usəhištąn.
Verse: g       jasāt̰. juuaiiō. amərəxtiš.
Verse: h       daϑaite. fraṣ̌əm. vasna. aŋhuš:

Paragraph: 20
Verse: a    bun. gaēϑā^̊. amarṣ̌aṇtīš.
Verse: b       yā^̊. aṣ̌ahe. saŋuhaitīš:
Verse: c    ništat̰. paiti. druxš. nāṣ̌āite.
Verse: d       yaδāt̰. aiβicit̰. jaγmat̰.
Verse: e          aṣ̌auuanəm. mahrkaϑāi.
Verse: f          aom. ciϑrəmca. stīmca.
Verse: g       āϑat̰ca. mare. nāṣ̌ātaēca.
Verse: h          mairiiō. aϑa.10 ratuš.

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 4

Paragraph: 25
Verse: a    uγrəm. kauuaēm.1 x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 26
Verse: a    yat̰. upaŋhacat̰. haoš́iiaŋhəm.1 paraδātəm.
Verse: b       darəγəmcit̰. aipi.2 zruuānəm.
Verse: c    yat̰. xṣ̌aiiata. paiti. būmīm. haptaiϑiiąm.
Verse: d       daēuuanąm. maš́iiānąmca.
Verse: e       yāϑβąm. pairikanąmca.
Verse: f       sāϑrąm. kaoiiąm. karafnąmca.
Verse: g    yō. janat̰. duua. ϑriṣ̌uua.
Verse: h       māzainiianąm. daēuuanąm.
Verse: i       varəniianąmca. druuatąm.:

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 5

Paragraph: 27
Verse: a    uγrəm. kauuaēm. x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 28
Verse: a    yat̰. upaŋhacat̰. taxməm. urupi.1 azinauuaṇtəm.2
Verse: b    yat̰. xṣ̌aiiata. paiti. būmīm. haptaiϑiiąm.
Verse: c       daēuuanąm. maš́iiānąmca.
Verse: d       yāϑβąm. pairikanąmca.
Verse: e       sāϑrąm. kaoiiąm. karafnąmca.

Paragraph: 29
Verse: a    yat̰. bauuat̰. aiβi.vaniiā^̊.
Verse: b       vīspe. daēuua. maš́iiāca.
Verse: c       vīspe. yātauuō. pairikā^̊sca.
Verse: d    yat̰. barata. aŋrəm.1 mainiiūm.
Verse: e       framitəm. aspahe. kəhrpa.
Verse: f       ϑrisatəm. aiβi.gāmanąm.
Verse: g       uua.2 pairi. zəmō. karana.:

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 6

Paragraph: 30
Verse: a    uγrəm. kauuaēm.1 x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 31
Verse: a    yat̰. upaŋhacat̰.
Verse: b       yim. yiməm. xṣ̌aētəm. huuąϑβəm.
Verse: c          darəγəmcit̰. aipi. zruuānəm.
Verse: d    yat̰. xṣ̌aiiata. paiti. būmīm. haptaiϑiiąm.
Verse: e       daēuuanąm.1 maš́iiānąmca.
Verse: f       yāϑβąm. pairikanąmca.
Verse: g       sāϑrąm. kaoiiąm. karafnąmca.

Paragraph: 32
Verse: a    yō. uzbarat̰. haca.1 daēuuaēibiiō.2
Verse: b       uiie. ištišca.3 saokāca.
Verse: c       uiie. fṣ̌aonišca.4 vąϑβāca.
Verse: d       uiie. ϑrąfsca.5 frasastišca:6
Verse: e    yeŋ́he. xṣ̌aϑrāδa.7 x^vairiiaṇtu.8 +astu.9
Verse: f       uiie. x^varəϑe.10 ajiiamne.11
Verse: g          amarəṣ̌aṇta.12 pasu. vīra.
Verse: h          aŋhaoṣ̌əmne.13 āpa. uruuaire.

Paragraph: 33
Verse: a    yeŋ́he. xṣ̌aϑrāδa.1
Verse: b       nōit̰. aotəm. ā^̊ŋha. nōit̰. garəməm.
Verse: c       nōit̰. zauruua. ā^̊ŋha. nōit̰. mərəiϑiiuš.
Verse: d       nōit̰. araskō.2 daēuuō.dātō.
Verse: e          para. anādruxtōit̰:3
Verse: f          para. ahmāt̰. yat̰. hīm.4
Verse: g             aēm. draoγəm.5 vācim. aŋhaiϑīm.
Verse: h                cinmāne. paiti. barata.6

Paragraph: 34
Verse: a    āat̰. yat̰. hīm.1
Verse: b       aēm. draoγəm.2 vācim. aŋhaiϑīm.
Verse: c          cinmāne.3 paiti. barata.4
Verse: d    vaēnəmnəm. ahmat̰.5 haca. x^varənō.
Verse: e       mərəγahe. kəhrpa. fraṣ̌usat̰:
Verse: f    auuaēnō. x^varənō. fraēštō.6
Verse: g       yō. yimō. xṣ̌aētō. huuąϑβō.
Verse: h          brāsat̰.7 yimō. aṣ̌ātō.
Verse: i       də̄uš.manahiiāica.8 hō. stərətō.9
Verse: j          nidārat̰.10 upairi. ząm.

Paragraph: 35
Verse: a    paoirīm. x^varənō. apanəmata.
Verse: b       x^varənō. yimat̰.1 haca. xṣ̌aētāt̰.2
Verse: c    ṣ̌usat̰. x^varənō. yimat̰. haca. vīuuaŋhuṣ̌āt̰.
Verse: d       mərəγahe.3 kəhrpa. vārəγnahe:4
Verse: e    aom. x^varənō. haṇgə̄uruuaiiata.
Verse: f       miϑrō. yō. vouru.gaoiiaoitiš.
Verse: g          yō. srut̰.gaoṣ̌ō. hazaŋrā.yaoxštiš:
Verse: h    miϑrəm. vīspanąm. dax́iiunąm. daŋ́hupaitīm. yazamaide.
Verse: i       yim. fradaϑat̰. ahurō. mazdā^̊.
Verse: j          x^varənaŋuhastəməm. mainiiauuanąm. yazatanąm.

Paragraph: 36
Verse: a    yat̰. bitīm. x^varənō. apanəmata.
Verse: b       x^varənō. yimat̰. haca. xṣ̌aētāt̰.
Verse: c    ṣ̌usat̰. x^varənō. yimat̰. haca. vīuuaŋhuṣ̌āt̰.
Verse: d       mərəγahe. kəhrpa. vārəγnahe:
Verse: e    aom. x^varənō. haṇgə̄uruuaiiata.1
Verse: f       vīsō. puϑrō. āϑβiiānōiš.
Verse: g       vīsō. sūraiiā^̊. ϑraētaonō.
Verse: h          yat̰. ās. maš́iiānąm. vərəϑrauuanąm.
Verse: i             vərəϑrauuastəmō. ainiiō.2 zaraϑuštrāt̰.

Paragraph: 37 (~ Y. 9,8)
Verse: a          yō. janat̰. ažīm. dahākəm.1
Verse: b             ϑrizafanəm. ϑrikamərəδəm.
Verse: c             ašaojaŋhəm. daēuuīm. drujəm.
Verse: d             aγəm. gaēϑāuuiiō. druuaṇtəm.
Verse: e                yąm. ašaojastəmąm. drujəm.
Verse: f                   fraca. kərəṇtat̰. aŋrō. mainiiuš.
Verse: g                aoi. yąm. astuuaitīm. gaēϑąm.
Verse: h                   mahrkāi. aṣ̌ahe. gaēϑanąm.:

Paragraph: 38
Verse: a    yat̰. ϑritīm. x^varənō. apanəmata.
Verse: b       x^varənō. yimat̰. haca. xṣ̌aētāt̰.
Verse: c    ṣ̌usat̰. x^varənō. yimat̰. haca. vīuuaŋhuṣ̌āt̰.
Verse: d       mərəγahe. kəhrpa. vārəγnahe:
Verse: e    aom. x^varənō. haṇgə̄uruuaiiata.
Verse: f       naire.manā^̊.1 kərəsāspō.
Verse: g          yat̰. ās. maš́iiānąm. uγranąm.
Verse: h             aojištō. ainiiō. zaraϑuštrāt̰.
Verse: i                nairiiaiiāt̰.2 parō. hąm.vərətōit̰.3

Paragraph: 39
Verse: a    yat̰. dim. upaŋhacat̰.
Verse: b       yā. uγra. naire. hąm.varəitiš:1
Verse: c    nairiiąm. hąm.varəitīm.2 yazamaide.
Verse: d       ərəδβō.zəṇgąm.3 ax^vafniiąm.
Verse: e       āsitō.gātūm. jaγāurum.4
Verse: f       yā. upaŋhacat̰. kərəsāspəm.

Paragraph: 40
Verse: a          yō. janat̰. ažīm. sruuarəm.
Verse: b             yim. aspō.garəm. nərə.garəm.1
Verse: c             yim. vīṣ̌auuaṇtəm. zairitəm.
Verse: d             yim. upairi. viš. raoδat̰.2
Verse: e                xṣ̌uuaēpaiia.3 vaēnaiia.4 barəṣ̌na:
Verse: f             yim. upairi. viš. raoδat̰.
Verse: g                ārštiiō.barəza. zairitəm.5
Verse: h             yim. upairi. kərəsāspō.
Verse: i                aiiaŋha. pitūm. pacata.
Verse: j                   ā. rapiϑβinəm. zruuānəm.
Verse: k             tafsat̰ca.6 hō. mairiiō.7 x^vīsat̰ca::
Verse: l                frąš. aiiaŋhō. frasparat̰.
Verse: m                yaeš́iiaṇtīm. āpəm. parā^̊ŋhāt̰::
Verse: n                parąš. tarštō. apatacat̰.
Verse: o                   naire.manā^̊. kərəsāspō.

Paragraph: 41
Verse: a          yō. janat̰. gaṇdarəβəm.1
Verse: b             yim. zairi.pāṣ̌nəm.
Verse: c          yō. apatat̰. vīzafārō.2
Verse: d             mərəxṣ̌ānō. gaēϑā^̊. astuuaitīš. aṣ̌ahe:
Verse: e          yō. janat̰. hunauuō.
Verse: f                yat̰. paϑanaiia.3 nauua.4
Verse: g             hunauuasca. niuuikahe.5
Verse: h             hunauuasca. dāštaiiānōiš:
Verse: i          yō. janat̰. zaraniiō.pusəm.6 hitāspəm.7
Verse: j             varəṣ̌aomca. dānaiianəm.
Verse: k             pitaonəmca.8 aš.pairikəm.9

Paragraph: 42
Verse: a          yō. janat̰. arəzō.ṣ̌amanəm.1
Verse: b             nairiiąm.hąm.vārətiuuaṇtəm.2
Verse: c             taxməm. frāzuštəm. .. uštəm.3
Verse: d             jirəm.4 zbarəmnəm. jiγāurum.5
Verse: e             afrakatacim.6 barōzuṣ̌əm.7
Verse: f             apa.disəm.8 niiāidāuru.9
Verse: g             +apastanaŋhō. gatō.10 arəzahe.11

Paragraph: 43
Verse: a          yō. janat̰. snāuuiδkəm.1
Verse: b             yim. sruuō.zanəm.2 asəṇgō.gāum:3
Verse: c          hō. auuaϑa. viiāxmaniiata:
Verse: d             apərənāiiu.4 ahmi. nōit̰. pərənāiiu.4
Verse: e             yezi. bauuāni. pərənāiiu.4
Verse: f                ząm. caxrəm. kərənauuāne.
Verse: g                asmanəm. raϑəm. kərənauuāne:

Paragraph: 44
Verse: a             auuanaiieni. spəṇtəm. mainiiūm.
Verse: b                haca. raoxṣ̌na.1 garō.nmāna.1
Verse: c             uspataiieni.2 aŋrəm. mainiiūm.
Verse: d                ərəγata. haca. dužaŋha:
Verse: e             tē. mē. vāṣ̌əm. ϑaṇjaiiā^̊ṇte.3
Verse: f                spəṇtasca. mainiiuš. aŋrasca.
Verse: g             yezi. mąm. nōit̰. janāt̰.
Verse: h                naire.manā^̊.4 kərəsāspō:
Verse: i             5təm. janāt̰. naire.manā^̊.4 kərəsāspō.5
Verse: j                auua. apanəm. gaiiehe.
Verse: k                .. sānəm.6 uštānahe.7

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 7

Paragraph: 45
Verse: a    uγrəm. ax^varətəm.1 x^varənō. mazdaδātəm. yazamaide.
Verse: b       aš.vaṇdrəm.2 uparō.kairīm.
Verse: c       ϑamnaŋuhaṇtəm.3 varəcaŋuhaṇtəm.3
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 46
Verse: a       yahmi. paiti. parəx^vāiϑe.1
Verse: b          spəṇtasca. mainiiuš. aŋrasca.
Verse: c       aētahmi. paiti. at̰.2 ax^varəte:3
Verse: d    aδāt̰. ašte.4 fraŋharəcaiiat̰.
Verse: e       āsište.5 katarascit̰:
Verse: f    spəṇtō. mainiiuš. aštəm.6 fraŋharəcaiiat̰.
Verse: g       7vohuca. manō. aṣ̌əmca. vahištəm.
Verse: h       ātrəmca.8 ahurahe. mazdā^̊. puϑrəm:
Verse: i    aŋrō. mainiiuš. aštəm. fraŋharəcaiiat̰.7
Verse: j       akəmca. manō. aēṣ̌əməmca. xruuī.drūm.9
Verse: k       ažīmca. dahākəm.
Verse: l       spitiiurəmca.10 yimō.kərəṇtəm.

Paragraph: 47
Verse: a    aδāt̰. fraṣ̌a. hąm.rāzaiiata.1
Verse: b       ātarš. mazdā^̊. ahurahe.
Verse: c          uiti. auuaϑa. maŋhānō:2
Verse: d    aētat̰. x^varənō. haṇgərəfṣ̌āne.3
Verse: e       yat̰. ax^varətəm:4
Verse: f    āat̰. hē. paskāt̰. fraduuarat̰.
Verse: g       ažiš. ϑrizafā^̊. duždaēnō.
Verse: h       uta. zaxṣ̌aϑrəm.5 daomnō:

Paragraph: 48
Verse: a    inja.1 auuat̰. haṇdaēsaiiaŋuha.2
Verse: b       ātarš. mazdā^̊. ahurahe:
Verse: c    yezi. aētat̰. niiāsā^̊ŋhe.
Verse: d       yat̰. ax^varətəm.
Verse: e    frā. ϑβąm. paiti. apāϑa.
Verse: f       nōit̰. apaiia. uzraocaiiāi.
Verse: g          ząm. paiti. ahuraδātąm.
Verse: h          ϑrāϑrāi. aṣ̌ahe. gaēϑanąm:
Verse: i    aδa.3 ātarš. zasta. paiti.
Verse: j       apa.gəuruuaiiat̰.4
Verse: k          fraxṣ̌ni.5 uštānō.cinahiia.6
Verse: l             yaϑa. ažiš.7 biβiuuā^̊ŋha.7

Paragraph: 49
Verse: a    aδāt̰.1 fraṣ̌a. hąm.duuarat̰.2
Verse: b       ažiš. ϑrizafā^̊.3 duždaēnō.
Verse: c          uiti. auuaϑa. maŋhānō:4
Verse: d    aētat̰. x^varənō. haṇgrəfṣ̌āne.5
Verse: e       yat̰. ax^varətəm:
Verse: f    āat̰. hē. paskāt̰. hąm.rāzaiiata.
Verse: g       ātarš. mazdā^̊. ahurahe.
Verse: h          uiti. vacə̄biš.6 aojanō:

Paragraph: 50
Verse: a    tinja.1 auuat̰. haṇdaēsaiiaŋuha.2
Verse: b       aže.3 ϑrizafəm. dahāka.
Verse: c    yezi. aētat̰. niiāsā^̊ŋhe.
Verse: d       yat̰. ax^varətəm.
Verse: e    frā. ϑβąm. zadaŋha.4 paiti. uzuxṣ̌āne.
Verse: f       zafarə.5 paiti. uzraocaiieni.
Verse: g    nōit̰. apaiia. afrapatāi.6
Verse: h       ząm. paiti. ahuraδātąm.
Verse: i       mahrkāi. aṣ̌ahe. gaēϑanąm:
Verse: j    aδa.7 ažiš. gauua. paiti.
Verse: k       apa.gəuruuaiiat̰.
Verse: l          fraxṣ̌ni.8 uštānō.cinahiia.
Verse: m          yaϑa. ātarš. biβiuuā^̊ŋha.9

Paragraph: 51
Verse: a    aētat̰.1 x^varənō. frapinuuata.2
Verse: b       auui.3 zraiiō. vouru.kaṣ̌əm:
Verse: c    ā.dim. haϑra. haṇgəuruuaiiat̰.
Verse: d       apąm. napā^̊. auruuat̰.aspō:
Verse: e    tat̰ca.4 iziieiti.5
Verse: f       apąm. napā^̊. auruuat̰.aspō:
Verse: g    aētat̰. x^varənō. haṇgrəfṣ̌āne.
Verse: h       yat̰. ax^varətəm.
Verse: i          bunəm. zraiiaŋhō. gufrahe.
Verse: j          bune. jafranąm. vairiianąm.

Paragraph: 52
Verse: a    bərəzaṇtəm. ahurəm. xṣ̌aϑrīm.1
Verse: b       xṣ̌aētəm. apąm. napātəm. auruuat̰.aspəm. yazamaide.
Verse: c    arṣ̌ānəm. zauuanō.sum.2
Verse: d       yō. nərə̄uš. daδa.
Verse: e       yō. nərə̄uš. tataṣ̌a.3
Verse: f       yō. upāpō. yazatō.
Verse: g          +srut̰.gaoṣ̌ōtəmō. asti. yezimnō.4

Paragraph: 53
Verse: a    āat̰.1 vō. kascit̰. maš́iiānąm.
Verse: b       uiti. mraot̰. ahurō. mazdā^̊.
Verse: c    āi. aṣ̌āum. zaraϑuštra.
Verse: d       x^varənō. ax^varətəm. isaēta:2
Verse: e    aϑaurunō.3 hō.4 rātanąm.
Verse: f       raoxṣ̌ni.xṣ̌nūtəm.5 iṣ̌ā^̊ŋhaēta.6
Verse: g    aϑaurunō. hō.7 rātanąm.
Verse: h       pouru.xṣ̌nūtəm.8 iṣ̌ā^̊ŋhaēta.6
Verse: i    aϑaurunō.9 hō.10 rātanąm.11

Paragraph: 54
Verse: a    təm.1 hacāt̰. aṣ̌iš.
Verse: b       pouruš.x^vāϑra.2 spāra.dāšta.3
Verse: c       sūra. gə̄ušca. vāstraheca.
Verse: d    təm. hacāt̰. vərəϑrəm. vīspō.aiiārəm.4
Verse: e       amaēniγnəm. tarō.yārəm:5
Verse: f    āat̰. ana. vərəϑra. hacimnō.
Verse: g       vanāt̰. haēnaiiā^̊. xruuiṣ̌iieitiš.6
Verse: h    āat̰. ana. vərəϑra. hacimnō.
Verse: i       vanāt̰. vīspe. t̰biṣ̌iiaṇtō.7

Verse: j       ahe. raiia. x^varənaŋhaca.
Verse: k    təm. yazāī. surunuuata. yasna.
Verse: l       uγrəm. ax^varətəm. x^varənō. mazdaδātəm.
Verse: m          zaoϑrābiiō:
Verse: n    uγrəm. ax^varətəm. x^varənō. mazdaδātəm. yazamaide.
Verse: o       haomaiiō. gauua.8 barəsmana.
Verse: p       hizuuō. daŋhaŋha. mąϑraca. +vacaca. š́iiaoϑnaca.
Verse: q       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 8

Paragraph: 55
Verse: a    uγrəm. ax^varətəm.1 x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 56
Verse: a       yat̰. isat̰.1 mairiiō. tūiriiō. fraŋrase.2
Verse: b          zraiiaŋhō.3 vouru.kaṣ̌ahe:
Verse: c    maγnō. apa.spaiiat̰.4 vastrā^̊.
Verse: d       tat̰. x^varənō. isō.1 yat̰. asti.
Verse: e          airiianąm. dax́iiunąm.
Verse: f          zātanąm.5 azātanąmca.
Verse: g          yat̰ca. aṣ̌aonō. zaraϑuštrahe:
Verse: h    ā. tat̰.6 x^varənō. frazgaδata.
Verse: i       7tat̰. x^varənō. apatacat̰.7
Verse: j       tat̰. x^varənō. apa.hiδat̰:8
Verse: k    aδa. hāu.9 apaγžārō. buuat̰.10
Verse: l       zraiiaŋhō. vouru.kaṣ̌ahe.
Verse: m          vairiš. yō. haosrauuā^̊.11 nąma.

Paragraph: 57
Verse: a    āat̰. us.patat̰.
Verse: b       fraŋrase. tūrō. aš.varəcā^̊.
Verse: c             spitama. zaraϑuštra.
Verse: d          zraiiaŋhat̰. haca. vourukaṣ̌āt̰.
Verse: e          aγąm. daoiϑrīm.1 daomnō:
Verse: f    iϑe.2 iϑa.3 yaϑna.4 ahmāi.
Verse: g    nōit̰. tat̰. x^varənō. pairi.abaom.
Verse: h       yat̰. asti. airiianąm. dax́iiunąm.
Verse: i          zātanąm. azātanąmca.
Verse: j       yat̰ca.5 aṣ̌aonō. zaraϑuštrahe.

Paragraph: 58
Verse: a    vaēm.1 hąm.raēϑβaiieni.
Verse: b       vīspa. tarṣ̌uca.2 xṣ̌uδraca.3
Verse: c       masanaca. vaŋhanaca. sraiianaca:
Verse: d    ϑβąm.zjaiti.4 ahurō. mazdā^̊.
Verse: e       paitiṣ̌ā^̊.5 dāmąn. daϑānō:
Verse: f    āat̰. auua.patat̰.
Verse: g       fraŋrase. tūrō. aš.varəcā^̊.
Verse: h             spitama. zaraϑuštra.
Verse: i          auui. zraiiō. vourukaṣ̌əm.

Paragraph: 59
Verse: a       āt̰bitīm.1
Verse: b    maγnō. apa.spaiiat̰. vastrā^̊.
Verse: c       tat̰. x^varənō. isō. yat̰. asti.
Verse: d          airiianąm. dax́iiunąm.2
Verse: e          zātanąm. azātanąmca.
Verse: f          yat̰ca. aṣ̌aonō. zaraϑuštrahe:
Verse: g    ā. tat̰. x^varənō. frazgaδata.
Verse: h       tat̰. x^varənō. apatacat̰.
Verse: i       tat̰. x^varənō. apa.hiδat̰:
Verse: j    aδa. hāu. apaγžārō. buuat̰.10
Verse: k       zraiiaŋhō. vouru.kaṣ̌ahe.
Verse: l          vairiš. yō. vaŋhazdā^̊.3 nąma.

Paragraph: 60
Verse: a    āat̰. us.patat̰.
Verse: b       fraŋrase. tūrō. aš.varəcā^̊.
Verse: c             spitama. zaraϑuštra.
Verse: d          zraiiaŋhat̰. haca. vourukaṣ̌āt̰.
Verse: e          aγąm. daoiϑrīm. daomnō:
Verse: f    iϑe.1 iϑa.2 yaϑna.3 ahmāi.4
Verse: g       auuaeϑa.5 iϑa.6 yaϑna.7 kahmāi:
Verse: h    nōit̰. tat̰. x^varənō. pairi.abaom.
Verse: i       yat̰. asti. airiianąm. dax́iiunąm.8
Verse: j          zātanąm. azātanąmca.
Verse: k       yat̰ca. aṣ̌aonō. zaraϑuštrahe.

Paragraph: 61
Verse: a    vaēm. hąm.raēϑβaiieni.
Verse: b       vīspa. tarṣ̌uca. xṣ̌uδraca.
Verse: c       masanaca. vaŋhanaca. sraiianaca:
Verse: d    ϑβąm.zjaiti. ahurō. mazdā^̊.
Verse: e       paitiṣ̌ā^̊. dāmąn. daϑānō:
Verse: f    āat̰. auua.patat̰.
Verse: g       fraŋrase. tūrō. aš.varəcā^̊.
Verse: h             spitama. zaraϑuštra.
Verse: i             auui.9 zraiiō. vourukaṣ̌əm.

Paragraph: 62
Verse: a    āϑritīm. apa.spaiiat̰. vastrā^̊.
Verse: b       tat̰. x^varənō. isō. yat̰. asti.
Verse: c          airiianąm. dax́iiunąm.
Verse: d          zātanąm. azātanąmca.
Verse: e          yat̰ca. aṣ̌aonō. zaraϑuštrahe:
Verse: f    ā. tat̰. x^varənō. frazgaδata.
Verse: g       tat̰. x^varənō. apatacat̰.
Verse: h       tat̰. x^varənō. apa.hiδat̰:
Verse: i    aδa. hāu. apaγžārō. buuat̰.10
Verse: j       zraiiaŋhō. vouru.kaṣ̌ahe.
Verse: k          āfš. yā. aβždānuua.1 nąma.

Paragraph: 63
Verse: a    āat̰. us.patat̰.
Verse: b       fraŋrase. tūrō. aš.varəcā^̊.
Verse: c             spitama. zaraϑuštra.
Verse: d          zraiiaŋhat̰. haca. vourukaṣ̌āt̰.
Verse: e          aγąm. daoiϑrīm. daomnō:
Verse: f    iϑe.1 iϑa.2 yaϑna.3 ahmāi.
Verse: g       auuaϑe.4 iϑa. yaϑna.3 ahmāi.
Verse: h       5āuuōiia. iϑa. yaϑna.3 ahmāi:5
Verse: i    nōit̰. tat̰. x^varənō. pairi.abaom.
Verse: j       yat̰. asti. airiianąm. dax́iiunąm.
Verse: k          zātanąm. azātanąmca.
Verse: l       yat̰ca. aṣ̌aonō. zaraϑuštrahe.

Paragraph: 64
Verse: a    nōit̰. tat̰. x^varənō. pairi.abauuat̰.
Verse: b       yat̰. asti. airiianąm. dax́iiunąm.
Verse: c          zātanąm. azātanąm.
Verse: d       yat̰ca. aṣ̌aonō. zaraϑuštrahe.:

Verse: Q1a       ahe. raiia.1 x^varənaŋhaca.
Verse: Q1k    təm. yazāī. surunuuata. yasna.
Verse: Q1l       uγrəm. ax^varətəm. x^varənō. mazdaδātəm.
Verse: Q1l          zaoϑrābiiō:
Verse: Q1l    uγrəm. ax^varətəm. x^varənō. mazdaδātəm. yazamaide.
Verse: Q1l       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 9

Paragraph: 65
Verse: a    uγrəm. ax^varətəm.1 x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 66
Verse: a    yat̰. upaŋhacaiti.1
Verse: b       yō. auuaδāt̰. fraxṣ̌aiieite.2
Verse: c          yaϑa. zraiiō. yat̰. kąsaēm.3 haētumatəm.4
Verse: d          yaϑa. gairiš. yō. uṣ̌iδā^̊.5
Verse: e             yim. aiβitō.6 paoiriš. āpō.
Verse: f                hąm. gairiṣ̌ācō.7 jasəṇtō.8

Paragraph: 67
Verse: a    auui. təm. auui.haṇtacaiti.1
Verse: b    auui.2 təm. auui. hąm.vazaite.3
Verse: c       x^vāstraca.4 huuaspaca. fradaϑa.
Verse: d       x^varənaŋuhaitica.5 yā. srīra.6
Verse: e       uštauuaitica.7 yā. sūra.
Verse: f       uruuaδca.8 pouru.vāstra.
Verse: g       ərəzica.9 zarənumatica:10
Verse: h    auui. təm. auui. haṇtacaiti.
Verse: i    auui. təm.11 auui. hąm.vazaite.2
Verse: j       haē. ..12 raēuuā^̊. x^varənaŋuhā^̊.13
Verse: k          spaētiniš.14 varəmiš. sispimnō.15
Verse: l          ..əmnō.16 paoiriš.17 vōiγnā^̊.

Paragraph: 68
Verse: a    hacaiti. dim. aspahe. aojō.
Verse: b       1hacaiti. uštrahe. aojō.1
Verse: c       hacaiti. vīrahe. aojō.
Verse: d       hacaiti. kauuaēm. x^varənō.
Verse: e    1astica. ahmi. aṣ̌āum. zaraϑuštra.
Verse: f       auuauuat̰. kauuaēm. x^varənō.1
Verse: g    +yaϑa. yat̰. iδa. anairiiā^̊. daŋ́huš.2
Verse: h       hakat̰. usca. us.frāuuaiiōit̰.3

Paragraph: 69
Verse: a    aϑra.1 pascaēta. vaozirəm.2
Verse: b       baoδəṇtō. ṣ̌uδəm. tarṣ̌nəmca.
Verse: c       baoδəṇtō. aotəm. uruuāxrəmca:3
Verse: d    tat̰. asti. kauuaēm. x^varənō.
Verse: e       ϑrāϑrəm. airiianąm. dax́iiunąm.
Verse: f          gə̄ušca. paṇcō.hiiaiiāi.4
Verse: g       auuaŋhe. narąm. aṣ̌aonąm.
Verse: h          daēnaiiā^̊sca. māzdaiiasnōiš.:

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 10

Paragraph: 70
Verse: a    uγrəm. kauuaēm. x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 71
Verse: a    yat̰. upaŋhacat̰. kauuaēm. kauuātəm.1
Verse: b       yimca. kauuaēm. aipi.vohum.2
Verse: c       yimca. kauuaēm. usaδanəm.
Verse: d       3yimca. kauuaēm. arṣ̌nəm.3
Verse: e       yimca. kauuaēm. pisinəm.4
Verse: f       yimca. kauuaēm. biiarṣ̌ānəm.
Verse: g       yimca. kauuaēm. siiāuuarṣ̌ānəm.

Paragraph: 72
Verse: a       yat̰.1 bāun.2
Verse: b          vīspe. auruua. vīspe. taxma.
Verse: c          vīspe. ϑamnaŋhuṇta.3 vīspe. varəcaŋhuṇta.4
Verse: d          vīspe. yaoxštiuuaṇta.
Verse: e          vīspe. darṣ̌i.kairi.5 kauue.6:

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 11

Paragraph: 73
Verse: a    uγrəm. kauuaēm.1 x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 74
Verse: a    yat̰. upaŋhacat̰. kauuaēm. haosrauuaŋhəm.1
Verse: b       amaheca. paiti. hutāštahe.
Verse: c       vərəϑraγnaheca.2 paiti. ahuraδātahe.(~ Yt. 13,133)
Verse: d       vanaiṇtiiā^̊sca. paiti. uparatātō.
Verse: e       saŋuhasca. paiti. husastaiiā^̊.
Verse: f       saŋuhasca. paiti. amuiiamnaiiā^̊.
Verse: g       saŋuhasca. paiti. auuanəmnaiiā^̊.
Verse: h       haϑrauuataheca. paiti. hamərəϑanąm.

Paragraph: 75 {= Yt. 13,134}
Verse: a       druuaheca. paiti. aojaŋhō.
Verse: b       x^varənaŋhasca. paiti. mazdaδātahe.
Verse: c       tanuiiā^̊sca. paiti. druuatātō.
Verse: d       āsnaiiā^̊sca. paiti. vaŋhuiiā^̊.
Verse: e          frazaṇtōiš. daŋraiiā^̊. viiāxanaiiā^̊.
Verse: f          xṣ̌ōiϑniiō. spitidōiϑraiiā^̊.
Verse: g          ązō.būjō. huuīraiiā^̊.
Verse: h       huzaṇtə̄uš. paiti. aparaiiā^̊.
Verse: i          viiarəϑiiaiiā^̊. vahištahe. aŋhə̄uš.

Paragraph: 76 {= Yt. 13,135}
Verse: a       xṣ̌aϑraheca. paiti. bānumatō.
Verse: b       darəγaiiā^̊sca. paiti. darəγō.jītōiš.
Verse: c       vīspanąmca. paiti. aiiaptanąm.
Verse: d       vīspanąmca. paiti. baēṣ̌azanąm.

Paragraph: 77
Verse: a       yat̰. ..1
Verse: b          kauua. haosrauua. tąm. kərəsəm.2
Verse: c             upa. tąm.3 carətąm.4 yąm. darəγąm.
Verse: d             nauua.frāϑβərəsąm.5 razurəm.
Verse: e       yat̰. dim. mairiiō. nurəm.
Verse: f          aspaēṣ̌u. paiti. parətata:6
Verse: g       vīspe. bauuat̰. aiβi.vaniiā^̊.
Verse: h          ahurō. kauua. haosrauua.
Verse: i       mairīm. tūirīm. fraŋrasiiānəm.
Verse: j          baṇdaiiat̰. kərəsauuazdəm.7
Verse: k             puϑrō.8 kaēna.9 siiāuuarṣ̌ānāi.10
Verse: l                zurō.jatahe. narahe.11
Verse: m                aγraēraϑaheca. narauuahe.12

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 12

Paragraph: 78
Verse: a    uγrəm. kauuaēm. x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 79
Verse: a    yat̰. upaŋhacat̰. aṣ̌auuanəm. zaraϑuštrəm.
Verse: b       anumatə̄e. daēnaiiāi.1
Verse: c       anuxtə̄e. daēnaiiāi.
Verse: d       anuuarštə̄e. daēnaiiāi.1
Verse: e    yat̰. as. vīspahe. aŋhə̄uš. astuuatō.
Verse: f       aṣ̌əm. aṣ̌auuastəmō.
Verse: g       xṣ̌aϑrəm. huxṣ̌aϑrōtəmō.2
Verse: h       raēm. raēuuastəmō.
Verse: i       x^varənō. x^varənaŋuhastəmō.3
Verse: j       vərəϑra. vərəϑrauuastəmō.4

Paragraph: 80
Verse: a    vaēnəmnəm. ahmat̰. para. daēuua. pataiiən.
Verse: b    vaēnəmnəm. maiiā^̊. frāuuōit̰.1
Verse: c    +vaēnəmnəm. apara. karṣ̌aiiən.
Verse: d       jainiš. haca. maš́iiākaēibiiō:
Verse: e    āat̰. tā^̊. snaoδəṇtiš. gərəzānā^̊.
Verse: f       hazō. niuuarəzaiiən.2 daēuua.

Paragraph: 81
Verse: a    āat̰. tē. aēuuō. ahunō. vairiiō.
Verse: b       yim. aṣ̌auuanəm. zaraϑuštrəm. frasrāuuaiiat̰.
Verse: c          vī.bərəϑβəṇtəm. āxtūirīm.
Verse: d          aparəm. xraoždiiehiia.1 frasrūiti.
Verse: e       zəmarəgūza.2 auuazat̰. vīspe. daēuua.
Verse: f          aiiesniia. auuahmiia.

Paragraph: 82
Verse: a    yeŋ́he. tat̰. x^varənō. isat̰.1
Verse: b       mairiiō. tūiriiō. fraŋrase.
Verse: c          vīspāiš. auui.2 karṣ̌uuąn. 3yāiš. hapta:3
Verse: d    pairi. yāiš. hapta. karṣ̌uuąn.
Verse: e       mairiiō. apatat̰.4 fraŋrase.
Verse: f          isō. x^varənō. zaraϑuštrāi:
Verse: g    ā. tat̰. x^varənō. frazgaδata.5
Verse: h       auui. vaiiąn.6 vītāpəm:7
Verse: i    inja. mē. uruuisiiatəm.8
Verse: j    aēzō. jasatəm.9 aēzahe.
Verse: k       yaϑa. kaϑaca. tē.10 ās. zaoṣ̌ō.
Verse: l          mana. yat̰. ahurahe. mazdā^̊.
Verse: m          daēnaiiā^̊sca. māzdaiiasnōiš.:

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 13

Paragraph: 83
Verse: a    uγrəm. kauuaēm. x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 84
Verse: a    yat̰. upaŋhacat̰. kauuaēm. vīštāspəm.
Verse: b       anumatə̄e. daēnaiiāi.
Verse: c       anuxtə̄e. daēnaiiāi.
Verse: d       anuuarštə̄e. daēnaiiāi.
Verse: e          yat̰. imąm.1 daēnąm. āstaota.
Verse: f             dušmainiiūm.2 siždiiō.3 daēuuąn.
Verse: g                apa. aṣ̌auuąn.3

Paragraph: 85
Verse: a       yō. druca.1 pauruuąnca.2
Verse: b          aṣ̌āi.3 rauuō.3 yaēṣ̌a.4
Verse: c       yō. druca.5 pauruuąnca.
Verse: d          aṣ̌āi. rauuō. vīuuaēδa.
Verse: e       yō. bāzušca. upastaca.
Verse: f          vīsata. aiŋ́hā^̊. daēnaiiā^̊.
Verse: g             yat̰. ahurōiš. zaraϑuštrōiš:

Paragraph: 86
Verse: a       yō. hīm. stātąm. hitąm. haitīm.
Verse: b          uzuuažat̰. haca. hinūiβiiō.
Verse: c          nī. hīm. dasta. maiδiiōiṣ̌āδəm.
Verse: d             +bərəzi.rāzəm. afrakaδauuaitīm. aṣ̌aonīm.
Verse: e             ϑrąfδąm. gə̄ušca. vāstraheca.
Verse: f             friϑąm. gə̄ušca. vāstraheca.6

Paragraph: 87
Verse: a    bauuat̰. aiβi.vaniiā^̊.
Verse: b       yasə.1 taxmō. kauua. vīštāspō.
Verse: c          tąϑriiāuuaṇtəm.2 duždaēnəm.
Verse: d          pəṣ̌anəmca.3 daēuuaiiasnəm.
Verse: e          druuaṇtəmca. arəjat̰.aspəm.
Verse: f          uta. aniiā^̊scit̰. aγa.
Verse: g             dužuuaṇdrauuō. x́iiaonā^̊ŋhō.:

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 14

Paragraph: 88
Verse: a    uγrəm. kauuaēm. x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 89
Verse: a    yat̰. upaŋhacat̰. saoš́iiaṇtąm.1 vərəϑrājanəm.
Verse: b       uta. aniiā^̊scit̰. haxaiiō:
Verse: c    2yat̰. kərənauuāt̰. fraṣ̌əm. ahūm.
Verse: d       azarṣ̌əṇtəm.3 amarəṣ̌əṇtəm.4
Verse: e       afriϑiiaṇtəm.5 apuiiaṇtəm.
Verse: f       yauuaējim. yauuaēsum.
Verse: g          vasō.xṣ̌aϑrəm.
Verse: h    yat̰. irista. paiti. usəhištāt̰.6
Verse: i       jasāt̰. juuaiiō.7 amərəxtiš.
Verse: j       daϑaite.8 fraṣ̌əm. vasna.9 aŋhuš:

Paragraph: 90
Verse: a    bun.1 gaēϑā^̊. amarṣ̌aṇtīš.
Verse: b       yā^̊. aṣ̌ahe. saŋuhaitīš:
Verse: c    ništat̰. paiti. druxš. nāṣ̌āite.
Verse: d       yaδāt̰. aiβicit̰. jaγmat̰.
Verse: e          aṣ̌auuanəm. mahrkaϑāi.
Verse: f          aom. ciϑrəmca. stīmca.
Verse: g       āϑat̰ca. mare. nāṣ̌ātaēca.2
Verse: h          mairiiō.3 aϑa.4 ratuš.:

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Karde 15

Paragraph: 91
Verse: a    uγrəm. kauuaēm. x^varənō. mazdaδātəm. yazamaide.
Verse: b       aš.vaṇdrəm. uparō.kairīm.
Verse: c       ϑamnaŋuhaṇtəm. varəcaŋuhaṇtəm.
Verse: d       yaoxštiuuaṇtəm. taraδātəm. aniiāiš. dāmąn:

Paragraph: 92
Verse: a    āat̰. astuuat̰.ərətō. fraxštāite.1
Verse: b       haca. apat̰. kąsaoiiāt̰.2
Verse: c          aštō.3 mazdā^̊. ahurahe.
Verse: d          vīspa.tauruuaiiā^̊.4 puϑrō.
Verse: e          vaēδəm.5 vaējō.6 yim. vārəϑraγnəm.7
Verse: f             yim. barat̰. taxmō. ϑraētaonō.
Verse: g                yat̰. ažiš. dahākō. jaini:8

Paragraph: 93
Verse: a             yim. barat̰. fraŋrase. tūrō.
Verse: b                yat̰. druuā^̊. zainigāuš.1 jaini.
Verse: c             yim. barat̰. kauua. haosrauua.
Verse: d                yat̰. tūrō. jaini. fraŋrase.
Verse: e             yim. barat̰. kauua. vīštāspō.
Verse: f                aṣ̌ahe. haēnaiiā^̊.2 caēṣ̌əmnō:3
Verse: g          tā^̊.4 auuaδa.5 drujəm. nižbarāt̰.6
Verse: h             aṣ̌ahe. haca. gaēϑābiiō.

Paragraph: 94
Verse: a    hō.1 diδāt̰.2 xratə̄uš.3 dōiϑrābiiō.4
Verse: b       vīspa.5 dāmąn. paiti. vaēnāt̰.6
Verse: c          ..šō.7 dušciϑraiiaiiā^̊.8
Verse: d    hō. vīspəm. ahūm. astuuaṇtəm.
Verse: e       ižaiiā^̊.9 vaēnāt̰.10 dōiϑrābiia.11
Verse: f    darəsca.12 daϑat̰. amərəxṣ̌iiaṇtīm.13
Verse: g       vīspąm. yąm. astuuaitīm. gaēϑąm.

Paragraph: 95
Verse: a    aŋ́he.1 haxaiiō.2 frāiieṇte.3
Verse: b          astuuat̰.ərətahe. vərəϑraγnō.
Verse: c       humanaŋhō.4 huuacaŋhō.
Verse: d       huš́iiaoϑnā^̊ŋhō. huδaēna.5
Verse: e    naēδa.cit̰.6 miϑō.aojā^̊ŋhō.7
Verse: f       aēṣ̌ąm. xvaēpaiϑiia.8 hizuuō:9
Verse: g    aēṣ̌u.10 parō.11 frānāmāite.12
Verse: h       aēṣ̌mō. xruuidruxš.13 dušx^varənā^̊:
Verse: i    vanāt̰.14 aṣ̌a.15 akąm. drujim.
Verse: j       yąm. dušciϑrąm. təmaŋhaēnīm.

Paragraph: 96
Verse: a    vanaiti. akəmcit̰. manō.
Verse: b       vohu. manō. tat̰. vanaiti:1
Verse: c    vanaiti. miϑaoxtō.2 ...3
Verse: d       ərəžuxδō. vāxš. təm. vanaiti:
Verse: e    vanāt̰.4 hauruuā^̊sca.5 amərətā^̊sca.
Verse: f       uua.6 ṣ̌uδəmca.7 tarṣ̌nəmca.8
Verse: g    vanāt̰. hauruuā^̊sca. amərətā^̊sca.
Verse: h       aγəm. ṣ̌uδəmca.9 tarṣ̌nəmca:10
Verse: i    frānāmāiti.11 dužuuarštāuuarš.12
Verse: j       aŋrō. mainiiuš. axṣ̌iiamanō.13:

Verse: Q1a       ahe. raiia. x^varənaŋhaca.
Verse: Q1b    təm. yazāi. surunuuata. yasna.
Verse: Q1c       uγrəm. kauuaēm. x^varənō. mazdaδātəm.
Verse: Q1d          zaoϑrābiiō:
Verse: Q1d    uγrəm. kauuaēm. x^varənō. mazdaδātəm. yazamaide.
Verse: Q1d       haomaiiō. gauua. barəsmana.
Verse: Q1g       hizuuō. daŋhaŋha. mąϑraca. +vacaca. š́iiaoϑnaca.
Verse: Q1h       zaoϑrābiiasca. aršuxδaēibiiasca. vāγžibiiō.:

Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā^̊. ahurō. vaēϑā.   aṣ̌āt̰. hacā. yā^̊ŋhąmcā.
Verse: Q2c    tąscā. tā^̊scā. yazamaide.

Paragraph: 97
Verse: Ca    1(vāž .::)
Verse: Cb    hōrməzd.2 i. aβazūnī. mardum.
Verse: Cc       mardum. sardagą. ham. bā. yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Ce       ə̄duṇ. bāt̰.::

Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: a    yasnəmca.2 vahməmca. aojasca. zauuarəca. āfrīnāmi.4
Verse: b       garōiš. uṣ̌i.darənahe.3 mazdaδātahe. aš.x^vāϑrahe.
Verse: c       kāuuaiieheca. x^varənaŋhō. mazdaδātahe.
Verse: d       ax^varətaheca. x^varənaŋhō. mazdaδātahe.

{~ Ny. 1,18; Y. 72,9 / 68,11 / SrB 5}
Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.

Verse: Q3a    ahmāi. raēšca.4 x^varənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.x^vāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.x^vāϑrəm:

Verse: Q4a    aϑa. jamiiāt̰. yaϑa. āfrīnāmi.:

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.

Verse: Q6Aa       hazaŋrəm. baēṣ̌azanąm.
Verse: Q6Ab       baēuuarə. baēṣ̌azanąm.::
Verse: Q6Ba       hazaŋrəm. baēṣ̌azanąm.
Verse: Q6Bb       baēuuarə. baēṣ̌azanąm.::
Verse: Q6Ca       hazaŋrəm. baēṣ̌azanąm.
Verse: Q6Cb       baēuuarə. baēṣ̌azanąm.::

Verse: Q7a    aṣ̌əm. vohū. vahištəm. astī::
Verse: Q7b    uštā. astī. uštā. ahmāi.
Verse: Q7c    hiiat̰. aṣ̌āi. vahištāi. aṣ̌əm.

Verse: Q8a    jasa. mē. auuaŋhe. mazda.
Verse: Q8b    jasa. mē. auuaŋhe. mazda.
Verse: Q8c    jasa. mē. auuaŋhe. mazda.

Verse: Q9b       amahe. hutāštahe. huraoδahe.
Verse: Q9c       vərəϑraγnahe. ahuraδātahe.
Verse: Q9d       vanaiṇtiiā^̊sca. uparatātō.::

Verse: Q10a       rāmanasca. x^vāstrahe.
Verse: Q10b       vaiiaoš. uparō.kairiiehe.
Verse: Q10c       taraδātō. aniiāiš. dāmąn::
Verse: Q10d    aētat̰. tē. vaiiō.
Verse: Q10e       yat̰. tē. asti. spəṇtō.mainiiaom::
Verse: Q10f          ϑβāṣ̌ahe. x^vaδātahe.
Verse: Q10g          zruuānahe. akaranahe.
Verse: Q10h          zruuānahe. darəγō.x^vaδātahe.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.

Verse: C2a    kərba. mažd. gunāh. guzārašni. rā. kunōm. ašahī. ruuą.
Verse: C2b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C2c    ašō. bə̄t̰. də̄r. zī .::

Verse: Q12a    aϑa. jamiiāt̰. yaϑa. āfrīnāmi.:

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.::::::

Next part

This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.