TITUS
Avestan Corpus
Part No. 96
Previous part

Chapter: 2 
Paragraph: 1 
Verse: a    pərəsat̰. zaraϑuštrō. ahurəm. mazdąm:
Verse: b       ahura. mazda.
Verse: c       mainiiō.1 spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e    kahmāi. paoiriiō. maš́iiānąm. apərəsə. tūm.2
Verse: f          yō. ahurō. mazdā̊.
Verse: g       aniiō.3 mana. yat̰. zaraϑuštrāi:
Verse: h    kahmāi. fradaēsaiiō.4 daēnąm.
Verse: i          yąm. āhūirīm. zaraϑuštrīm.

Paragraph: 2 
Verse: a    āat̰. mraot̰. ahurō. mazdā̊:
Verse: b       yimāi. srīrāi. huuąϑβāi.
Verse: c          aṣ̌āum. zaraϑuštra.
Verse: d    ahmāi. paoiriiō. maš́iiānąm. apərəse. azəm.
Verse: e          yō. ahurō. mazdā̊.
Verse: f       aniiō. ϑβat̰.1 yat̰. zaraϑuštrāt̰:
Verse: g    ahmāi. fradaēsaēm.2 daēnąm.
Verse: h          yąm. āhūirīm. zaraϑuštrīm.

Paragraph: 3 
Verse: a    āat̰. hē. mraom.1 zaraϑuštra.2
Verse: b       azəm. yō. ahurō. mazdā̊:
Verse: c    vīsaŋha. mē.
Verse: d          yima. srīra. vīuuaŋhana.
Verse: e       mərətō. bərətaca. daēnaiiāi:3
Verse: f    āat̰. mē. aēm.4 paitiiaoxta.5
Verse: g          yimō. srīrō.
Verse: h             zaraϑuštra:
Verse: i    nōit̰. dātō. ahmi.
Verse: j       nōit̰. cistō.6
Verse: k       mərətō. bərətaca. daēnaiiāi.

Paragraph: 4 
Verse: a    āat̰. hē. mraom.1 zaraϑuštra.
Verse: b       azəm. yō. ahurō. mazdā̊:
Verse: c    yezi. mē. yima. nōit̰. vīuuīse.2
Verse: d       mərətō. bərətaca. daēnaiiāi.
Verse: e    āat̰. mē. gaēϑā̊. frāδaiia.
Verse: f    āat̰. mē. gaēϑā̊. varəδaiia.
Verse: g    āat̰. mē. vīsāi. gaēϑanąm.
Verse: h       ϑrātāca. harətāca. aiβiiāxštaca.

Paragraph: 5 
Verse: a    āat̰. mē. aēm.1 paitiiaoxta.2
Verse: b       yimō. srīrō. zaraϑuštra:
Verse: c    azəm. tē. gaēϑā̊. frāδaiieni.3
Verse: d    azəm. tē. gaēϑā̊. varəδaiieni.
Verse: e    azəm. tē. vīsāne. gaēϑanąm.
Verse: f       rātāca. harətāca. aiβiiāxštaca:
Verse: g    nōit̰. mana. xṣ̌aϑre.4 buuat̰.5 aotō. vātō.
Verse: h       nōit̰. garəmō.
Verse: i       nōit̰. axtiš.6
Verse: j       nōit̰. mahrkō.

Paragraph: 6 
Verse: a    āat̰. hē. zaiia. frabarəm.
Verse: b       azəm. yō. ahurō. mazdā̊.
Verse: c       suβrąm.1 zaranaēnīm.
Verse: d       aštrąmca. zaraniiō.paēsīm.

Paragraph: 7 
Verse: a    yimō. asti. bərəϑe.1 xṣ̌aϑraiiā̊.2

Paragraph: 8 
Verse: a    āat̰. yimāi. xṣ̌aϑrāi. ϑrisatō.zima.1 haṇjasəṇti:2
Verse: b    āat̰. hē. īm. zā̊. buuat̰.3 pərəne.4
Verse: c       pasuuąmca. staoranąmca. maš́iiānąmca.
Verse: d       sūnąmca. vaiiąmca.
Verse: e       āϑrąmca. suxrąm.5 saociṇtąm.6
Verse: f    nōit̰. hīm. gātuuō.7 viṇdən.8
Verse: g       pasuuasca.9 staorāca. maš́iiāca.

Paragraph: 9 
Verse: a    āat̰. yimāi.1 paiti.vaēδaēm:
Verse: b       yima. srīra. vīuuaŋhana.
Verse: c    pərəne.2 īm. zā̊. haṇgata.
Verse: d       pasuuąmca. staoranąmca. maš́iiānąmca.
Verse: e       sūnąmca. vaiiąmca.
Verse: f       āϑrąmca. suxrąm. saociṇtąm.3
Verse: g    nōit̰. hīm. gātuuō. viṇdəṇti.4
Verse: h       pasuuasca.5 staorāca. maš́iiāca.

Paragraph: 10 
Verse: a    āat̰. yimō. fraṣ̌ūsat̰. raocā̊. ā.
Verse: b       upa. rapiϑβąm.1
Verse: c       hū. paiti. aδβanəm:
Verse: d    hō. imąm. ząm. aiβiṣ̌uuat̰.
Verse: e       suβriia.2 zaranaēniia.3
Verse: f    auui.4 dim. sifat̰. aštraiia.
Verse: g          uitiiaojanō:
Verse: h       friϑa.5 spəṇta. ārmaite.6
Verse: i    fraca. ṣ̌uua.7
Verse: j    vīca.8 nəmaŋha.9
Verse: k       barəϑre.10
Verse: l          pasuuąmca. staoranąmca. maš́iiānąmca.

Paragraph: 11 
Verse: a    āat̰. yimō. imąm. ząm. vīṣ̌āuuaiiat̰.1
Verse: b       aēuua. ϑriṣ̌uua. ahmāt̰. masiiehīm.2
Verse: c          yaϑa. para. ahmāt̰. as:
Verse: d    təm.3 iϑra.4 fracarəṇta.5
Verse: e       pasuuasca. staorāca.6 maš́iiāca.6
Verse: f          huuąm. anu. uštīm.7 zaoṣ̌əmca.
Verse: g             yaϑa. kaϑaca.8 hē. zaoṣ̌ō.

Paragraph: 12 
Verse: a    āat. yimāi. xṣ̌aϑrāi. xṣ̌uuaš.satō.zima.1 haṇjasəṇti:2
Verse: b    āat̰. hē. īm. zā̊. buuat̰. pərəne.3
Verse: c       pasuuąmca. staoranąmca. maš́iiānąmca.
Verse: d       sūnąmca. vaiiąmca.
Verse: e       āϑrąmca. suxrąm. saociṇtąm.
Verse: f    nōit̰. hīm. gātuuō. viṇdən.
Verse: g       pasuuasca. staorāca. maš́iiāca.

Paragraph: 9 
Verse: a    āat̰. yimāi. paiti.vaēδaēm:
Verse: b       yima. srīra. vīuuaŋhana.
Verse: c    pərəne. īm. zā̊. haṇgata.
Verse: d       pasuuąmca. staoranąmca. maš́iiānąmca.
Verse: e       sūnąmca. vaiiąmca.
Verse: f       āϑrąmca. suxrąm. saociṇtąm.
Verse: g    nōit̰. hīm. gātuuō. viṇdəṇti.
Verse: h       pasuuasca. staorāca. maš́iiāca.

Paragraph: 14 
Verse: a    āat̰. yimō. fraṣ̌ūsat̰. raocā̊. ā.
Verse: b       upa. rapiϑβąm.
Verse: c       hū. paiti. aδβanəm:
Verse: d    hō. imąm. ząm. aiβiṣ̌uuat̰.
Verse: e       suβriia. zaranaēniia.
Verse: f    auui. dim. sifat̰. aštraiia.
Verse: g          uitiiaojanō:
Verse: h       friϑa. spəṇta. ārmaite.
Verse: i    fraca. ṣ̌uua.
Verse: j    vīca. nəmaŋha. barəϑre.
Verse: k          pasuuąmca. staoranąmca. maš́iiānąmca.

Paragraph: 15 
Verse: a    āat̰. yimō. imąm. ząm. vīṣ̌āuuaiiat̰.
Verse: b       duua. ϑriṣ̌uua. ahmāt̰. masiiehīm.
Verse: c          yaϑa. para. ahmāt̰. as:
Verse: d    təm.1 iϑra. fracarəṇta.2
Verse: e       pasuuasca. staorāca.3 maš́iiāca.3
Verse: f          huuąm. anu. uštīm.4 zaoṣ̌əmca.
Verse: g             yaϑa. kaϑaca.5 hē. zaoṣ̌ō.

Paragraph: 16 
Verse: a    āat. yimāi. xṣ̌aϑrāi. nauua.satō.zima.1 haṇjasəṇti:2
Verse: b    āat̰. hē. īm. zā̊. buuat̰. pərəne.3
Verse: c       pasuuąmca. staoranąmca. maš́iiānąmca.
Verse: d       sūnąmca. vaiiąmca.
Verse: e       āϑrąmca. suxrąm. saociṇtąm:
Verse: f    nōit̰. hīm. gātuuō. viṇdən.4
Verse: g       pasuuasca. staorāca. maš́iiāca.

Paragraph: 17 
Verse: a    āat̰. yimāi. paiti.vaēδaēm:
Verse: b       yima. srīra. vīuuaŋhana.
Verse: c    pərəne. īm. zā̊. haṇgata.
Verse: d       pasuuąmca. staoranąmca. maš́iiānąmca.
Verse: e       sūnąmca. vaiiąmca.
Verse: f       āϑrąmca. suxrąm. saociṇtąm:
Verse: g    nōit̰. hīm. gātuuō. viṇdəṇti.1
Verse: h       pasuuasca. staorāca. maš́iiāca.

Paragraph: 18 
Verse: a    āat̰. yimō. fraṣ̌ūsat̰. raocā̊. ā.
Verse: b       upa. rapiϑβąm.
Verse: c       hū. paiti. aδβanəm:
Verse: d    hō. imąm. ząm. aiβiṣ̌uuat̰.
Verse: e       suβriia. zaranaēniia.1
Verse: f    auui.2 dim. sifat̰.3 aštraiia.
Verse: g          uitiiaojanō:
Verse: h       friϑa.4 spəṇta. ārmaite.5
Verse: i    fraca. ṣ̌uua.6
Verse: j    vīca.7 nəmaŋha.
Verse: k       barəϑre.8
Verse: l          pasuuąmca. staoranąmca. maš́iiānąmca.

Paragraph: 19 
Verse: a    āat̰. yimō. imąm. ząm. vīṣ̌āuuaiiat̰.1
Verse: b       ϑribiiō. ϑriṣ̌uuaēibiiō. ahmāt̰. masiiehīm.
Verse: c          yaϑa. para. ahmāt̰. as:
Verse: d    təm.2 iϑra. fracarəṇta.3
Verse: e       pasuuasca. staorāca.4 maš́iiāca.
Verse: f          huuąm. anu. uštīm.5 zaoṣ̌əmca.
Verse: g             yaϑa. kaϑaca. hē. zaoṣ̌ō.

Paragraph: 20 
Verse: a    haṇjamanəm. frabarata.1
Verse: b          yō. daδuuā̊. ahurō. mazdā̊.
Verse: c       haϑra. mainiiaoibiiō. yazataēibiiō.
Verse: d          srūtō. airiiene. vaējahi.2 vaŋhuiiā̊. dāitiiaiiā̊:
Verse: e    3haṇjamanəm. frabarata.4
Verse: f          yō. yimō. xṣ̌aētō. huuąϑβō.
Verse: g       haϑra. vahištaēibiiō. maš́iiākaēibiiō.
Verse: h          srūtō. airiiene. vaējahi.2 vaŋhuiiā̊. dāitiiaiiā̊.

Paragraph: 21 
Verse: a    ā. tat̰.1 haṇjamanəm. paiti.jasat̰.
Verse: b          yō. daδuuā̊. ahurō. mazdā̊.
Verse: c       haϑra. mainiiaoibiiō.2 yazataēibiiō.
Verse: d          srūtō. airiiene. vaējahi.3 vaŋhuiiā̊. dāitiiaiiā̊:
Verse: e    ā. tat̰.4 haṇjamanəm. paiti.jasāt̰.5
Verse: f          yō. yimō. xṣ̌aētō. huuąϑβō.
Verse: g       haϑra. vahištaēibiiō. maš́iiākaēibiiō.
Verse: h          srūtō. airiiene. vaējahi.3 vaŋhuiiā̊. dāitiiaiiā̊.

Paragraph: 22 
Verse: a    āat̰. aoxta. ahurō. mazdā̊. yimāi:
Verse: b       yima. srīra. vīuuaŋhana.
Verse: c    auui. ahūm. astuuaṇtəm. aγəm.1 zimō.2 jaŋhəṇtu.3
Verse: d       yahmat̰. haca. staxrō.4 mrūrō.5 ziiā̊:
Verse: e    auui.6 ahūm. astuuaṇtəm. aγəm. zimō.7 jaŋhəṇtu.
Verse: f       yahmat̰. haca. pauruuō.8 snaoδō. vafra.9 snaēžāt̰.10
Verse: g          barəzištaēibiiō. gairibiiō.
Verse: h          bąṣ̌nubiiō. arəduiiā̊.11

Paragraph: 23 
Verse: a    ϑrižat̰ca.1 iδa.2 yima. gə̄uš. apa.jasat̰.3
Verse: b       yat̰ca. aŋhat̰. ϑβiiąstəmaēṣ̌u.4 asaŋhąm.5
Verse: c       yat̰ca. aŋhat̰. barəṣ̌nuš. paiti. gairinąm.6
Verse: d       yat̰ca.7 jąfnuṣ̌uua. raonąm.8 paxrumaēṣ̌u.9 nmānaēṣ̌u.

Paragraph: 24 
Verse: a    parō. zimō.1 aētaŋhā̊. daŋ́huš.2 aŋhat̰. bərətō. vāstrəm.
Verse: b    təm. āfš. pauruua. vazaiδiiāi.
Verse: c          pasca. vītaxti.3 vafrahe.
Verse: d       abdaca. iδa. yima.4 aŋuhe.5 astuuaite. sadaiiāt̰.6
Verse: e          yat̰. iδa. pasə̄uš. anumaiiehe. paδəm. vaēnāite.7

Paragraph: 25 
Verse: a    āat̰. təm. varəm.1 kərənauua. carətu.drājō.2
Verse: b       kəmcit̰. paiti. caϑruṣ̌anąm.
Verse: c    haϑra. taoxma. upa.bara.
Verse: d       pasuuąmca. staoranąmca. maš́iiānąmca.
Verse: e       sūnąmca. vaiiąmca.
Verse: f       āϑrąmca. suxrąm.3 saociṇtąm:
Verse: g    āat̰. təm. varəm. kərənauua. carətu.drājō.
Verse: h       kəmcit̰. paiti. caϑruṣ̌anąm.
Verse: i          narąm. aiβi.xṣ̌ōiϑne.4
Verse: j       carətu.drājō.
Verse: k       kəmcit̰. paiti. caϑruṣ̌anąm.
Verse: l          gauuąm. gāuuaiianəm.5

Paragraph: 26 
Verse: a    haϑra. āpəm. frātat̰.caiia.1
Verse: b       hāϑrō.masaŋhəm. aδβanəm.2
Verse: c    haϑra. marəγā̊. auuastaiia:
Verse: d    auui.3 mat̰.4 zairi.gaonəm.
Verse: e       mat̰.4 xvairiieite.5 ajiiamnəm:6
Verse: f    haϑra. nmānā̊. auuastaiia.
Verse: g       katəmca. fraskəmbəmca.
Verse: h       frauuārəmca. pairi.vārəmca.

Paragraph: 27 
Verse: a    haϑra. vīspanąm. narąm. nāirinąmca. taoxma. upa.bara.
Verse: b       yōi. həṇti. aiŋ́hā̊.1 zəmō.
Verse: c          mazištaca. vahištaca. sraēstaca:
Verse: d    haϑra. vīspanąm. gə̄uš. sarəδanąm. taoxma. upa.bara.
Verse: e       yōi. həṇti. aiŋ́hā̊.2 zəmō.
Verse: f          mazištaca. vahištaca. sraēštaca.

Paragraph: 28 
Verse: a    haϑra. vīspanąm. uruuaranąm. taoxma. upa.bara.
Verse: b       yōi. həṇti. aiŋ́hā̊. zəmō.
Verse: c          barəzištaca. hubaoiδitəmaca:
Verse: d    haϑra. vīspanąm. xvarəϑanąm. taoxma. upa.bara.
Verse: e       yōi. həṇti. aiŋ́hā̊. zəmō.
Verse: f          xvarəzištaca. hubaoiδitəmaca:
Verse: g    tē. kərənauua. miϑβaire.1 ajiiamnəm. vīspəm. ā. ahmāt̰.
Verse: h       yat̰. aēte.2 narō. varəfṣ̌uua.3 aŋhən.

Paragraph: 29 
Verse: a    mā. aϑra. frakauuō.1 mā. apakauuō.
Verse: b       mā. apāuuaiiō. mā. harəδiš.2
Verse: c       mā. driβiš. mā. daiβiš.
Verse: d       mā. kasuuīš.3 mā. vīzbāriš.4
Verse: e       mā. vīmītō.daṇtārō.5 mā. paēsō.
Verse: f          yō. vītərətō.tanuš.6
Verse: g       māδa. cim.7 aniiąm. daxštanąm.
Verse: h          yōi. həṇti. aŋrahe. mainiiə̄uš. daxštəm.
Verse: i             maš́āišca.8 paiti.niδātəm.

Paragraph: 30 
Verse: a    fratəməm.1 daiŋ́hə̄uš.2 nauua. pərəϑβō. kərənauua.
Verse: b          maδəmō. xṣ̌uuaš.3
Verse: c          nitəmō. tiṣ̌rō:4
Verse: d    fratəməm. pərəϑβō. hazaŋrəm. narąm. nāirinąmca. taoxma. upa.bara.
Verse: e          maδəmō. xṣ̌uuaš. sata.
Verse: f          nitəmō. tiṣ̌rō.4 sata:
Verse: g       aiβica. tē.5 varəfṣ̌uua.6
Verse: h          suβriia.7 zaranaēniia.
Verse: i       apica.8 təm. varəm. marəza.9 duuarəm.
Verse: j          raocanəm. xvāraoxṣ̌nəm.
Verse: k             aṇtarə.naēmāt̰.

Paragraph: 31 
Verse: a    āat̰. mąsta. yimō:
Verse: b    kuϑa. tē. azəm. varəm. kərənauuāne.1
Verse: c       yā. mē. aoxta. ahurō. mazdā̊:
Verse: d    āat̰. aoxta. ahurō. mazdā̊. yimāi:
Verse: e       yima. srīra. vīuuaŋhana.
Verse: f    aiŋ́hā̊.2 zəmō. pāṣ̌nābiia.3 vīspara.
Verse: g       zastaēibiia. vīxaδa.
Verse: h          mąnaiiən. ahe.
Verse: i          yaϑa.4 nū. maš́iiāka. xṣ̌iuuisti.5 zəmē.6 vīṣ̌āuuaiieiṇte.7

Paragraph: 32 
Verse: a    1āat̰. yimō. auuaϑa.2 kərənaot̰.
Verse: b       yaϑa. dim. iṣ̌at̰.3 ahurō. mazdā̊.
Verse: c    aiŋ́hā̊. zəmō. pāṣ̌nābiia.4 vīsparat̰.
Verse: d       zastaēibiia. vīxaδat̰.
Verse: e          mąnaiiən. ahe.
Verse: f          yaϑa. nū. maš́iiāka. xṣ̌iuuisti.5 zəmē.6 vīṣ̌āuuaiieiṇte.7

Paragraph: 33 
Verse: a    āat̰. yimō. varəm.1 kərənaot̰. carətu.drājō.
Verse: b       kəmcit̰. paiti. caϑruṣ̌anąm:
Verse: c    haϑra. taoxma. upa.barat̰.
Verse: d       pasuuąmca. staoranąmca. maš́iiānąmca.
Verse: e       sūnąmca. vaiiąmca.
Verse: f       āϑrąmca. suxrąm.2 saociṇtąm:
Verse: g    āat̰. yimō. varəm. kərənaot̰. carətu.drājō.
Verse: h       kəmcit̰. paiti. caϑruṣ̌anąm.
Verse: i          narąm. aiβi.xṣ̌ōiϑne.3
Verse: j       carətu.drājō.
Verse: k       kəmcit̰. paiti. caϑruṣ̌anąm.
Verse: l          gauuąm. gāuuaiianəm.4

Paragraph: 34 
Verse: a    haϑra. āpəm. frātat̰.caiiat̰.1
Verse: b       hāϑrō.masaŋhəm. aδβanəm.
Verse: c    haϑra. marəγā̊. aiiastaiiat̰.
Verse: d       auui. mat̰.2 zairi.gaonəm.3
Verse: e          mat̰.2 xvairiieite.4 ajiiamnəm:
Verse: f    haϑra. nmānā̊. auuastaiiat̰.
Verse: g       katəmca. fraskəmbəmca.
Verse: h       frauuārəmca. pairi.vārəmca.

Paragraph: 35 
Verse: a    haϑra. vīspanąm. narąm. nāirinąmca. taoxma. upa.barat̰.
Verse: b       yōi. həṇti. aiŋ́hā̊. zəmō.
Verse: c          mazištaca. vahištaca. sraēštaca:
Verse: d    haϑra. vīspanąm. gə̄uš. sarəδanąm. taoxma. upa.barat̰.
Verse: e       yōi. həṇti. aiŋ́hā̊. zəmō.
Verse: f          mazištaca. vahištaca. sraēštaca.

Paragraph: 36 
Verse: a    haϑra. vīspanąm. uruuaranąm. taoxma. upa.barat̰.
Verse: b       yōi. həṇti. aiŋ́hā̊. zəmō.
Verse: c          barəzištaca. hubaoiδitəmaca:
Verse: d    haϑra. vīspanąm. xvarəϑanąm. taoxma. upa.barat̰.
Verse: e       yōi. həṇti. aiŋ́hā̊. zəmō.
Verse: f          xvarəzištaca. hubaoiδitəmaca:
Verse: g    tē. kərənaot̰. miϑβaire.1 ajiiamnəm.2 vīspəm. ā. ahmāt̰.
Verse: h       yat̰. aēte. narō. varəfṣ̌uua. aŋhən.

Paragraph: 37 
Verse: a    nōit̰. aϑra. frakauuō. nōit̰. apakauuō.
Verse: b       nōit̰. apāuuaiiō. nōit̰. harəδiš.
Verse: c       nōit̰. driβiš.1 nōit̰. daiβiš.2
Verse: d       nōit̰. kasuuīš.3 nōit̰. vīzbāriš.4
Verse: e       nōit̰. vīmītō.daṇtānō.5 nōit̰. paēsō.
Verse: f          yō. vītərətō.tanuš.5
Verse: g       naēδa. cim.6 aniiąm. daxštanąm.
Verse: h          yōi. həṇti. aŋrahe. mainiiə̄uš. daxštəm.
Verse: i          maš́iiāišca.7 paiti.niδātəm.

Paragraph: 38 
Verse: a    fratəməm.1 daiŋ́hə̄uš. nauua. pərəϑβō. kərənaot̰.
Verse: b          maδəmō. xṣ̌uuaš.
Verse: c          nitəmō. tiṣ̌rō.2
Verse: d    fratəməm. pərəϑβō. hazaŋrəm. narąm. nāirinąmca. taoxma. upa.barat̰.
Verse: e          maδəmō. xṣ̌uuaš. sata.
Verse: f          nitəmō. tiṣ̌rō. sata:
Verse: g       aiβica. hō.3 varəfṣ̌uua.4
Verse: h          suβriia.5 zaranaēniia.6
Verse: i       apica.7 hō. varəm. marəzat̰.8 duuarəm.
Verse: j          raocanəm. xvāraoxṣ̌nəm.
Verse: k             aṇtarə.naēmāt̰.9

Paragraph: 39 
Verse: a    dātarə. gaēϑanąm. astuuaitinąm. aṣ̌āum.
Verse: b    caiiō. āat. aēte. raocā̊. aŋhən.
Verse: c          aṣ̌āum. ahura. mazda.
Verse: d       yō. auuaϑa. ā.raocaiieite.1 aētaēṣ̌uua. varəfṣ̌uua.2
Verse: e          yō. yimō. kərənaot̰.

Paragraph: 40 
Verse: a    āat̰. aoxta.1 ahurō. mazdā̊:
Verse: b    xvaδātaca. raocā̊. stiδātaca:2
Verse: c    hakərət̰. zī. irixtahe.3 saδaiiaca.4 vaēnaite.5
Verse: d       starasca. mā̊sca.6 huuarəca.

Paragraph: 41 
Verse: a    taēca. aiiarə. mainiieṇte.1
Verse: b       yat̰. yārə:
Verse: c    caϑβarəsatəm.2 aiβi.gāmanąm. duuaēibiia. haca. nərəbiia.3 duua. nara. us.zaiieiṇte.4
Verse: d          miϑβana.5 strica. nairiiasca.
Verse: e       aϑa.6 aētaēṣ̌ąm.
Verse: f          yōi. gə̄uš. sarəδanąm:
Verse: g    taēca. narō. sraēšta. gaiia. juuaiṇti.7
Verse: h       aētaēṣ̌uua. varəfṣ̌uua.8
Verse: i          yō. yimō. kərənaot̰.

Paragraph: 42 
Verse: a    dātarə. gaēϑanąm. astuuaitinąm. aṣ̌āum:
Verse: b    kō. auuaϑa.1 daēnąm. māzdaiiasnīm. vī.barat̰.
Verse: c       aētaēṣ̌uua. varəfṣ̌uua.
Verse: d          yō. yimō. kərənaot̰:
Verse: e    āat̰. aoxta.2 ahurō. mazdā̊:
Verse: f    vīš. karšipta.3
Verse: g       spitama. zaraϑuštra.

Paragraph: 43 
Verse: a    dātarə. gaēϑanąm. astuuaitinąm. aṣ̌āum:
Verse: b    kō. aēṣ̌ąm. asti. aŋhuca.1 ratušca:2
Verse: c    āat̰. mraot̰.3 ahurō. mazdā̊:
Verse: d    uruuatat̰.narō. zaraϑuštra.
Verse: e       tūmca. yō. zaraϑuštra.

Verse: Q1a    aṣ̌əm. vohū.4 vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.