TITUS
Avestan Corpus
Part No. 98
Previous part

Chapter: 4 
Paragraph: 1 
Verse: a    yō. naire. nəmaŋhəṇte.
Verse: b       nōit̰. nəmō. paiti.baraiti.1
Verse: c          tāiiuš. nəmaŋhō. bauuaiti.2
Verse: d          hazaŋha.3 nəmō.barahe.
Verse: e    aēṣ̌ąmcit̰.4 iϑra.5 vā. asni.6
Verse: f       iϑra. vā. xṣ̌afne.
Verse: g          maēϑanahe.7 xvāi.8 pairi.gəuruuaiieite.9

Paragraph: 2 
Verse: a    dātarə. gaēϑanąm. astuuaitinąm. aṣ̌āum.
Verse: b    caiti. aēte. miϑra. tauua.
Verse: c       yat̰. ahurahe. mazdā̊:
Verse: d    āat̰. mraot̰. ahurō. mazdā̊:
Verse: e    xṣ̌uuaš. aṣ̌āum. zaraϑuštra.
Verse: f       paoiriiō. vacahinō.1
Verse: g       bitiiō. zastā.marštō.
Verse: h       ϑritiiō. pasu.mazō.
Verse: i       tūiriiō. staorō.mazō.
Verse: j       puxδō. vīrō.mazō.
Verse: k       xštuuō. daiŋ́hu.mazō:2

Verse: l          [yō. daiŋ́hauue.3 hu.vaxṣ̌āi.4
Verse: m             fraδəmnahe. varəδəmnahe.
Verse: n             xraϑβəmnahe. suiiamnahe.]

Paragraph: 3 
Verse: a    vacō. paoirīm. miϑrəm. kərənaoiti.
Verse: b    zastō.masō.1 aδāt̰. framarəzaiti.2
Verse: c    zastō.masō.3 aδāt̰. aṇtarə. uruuaitiia. fradaϑaiti:4
Verse: d    +pasu.mazō. aδāt̰. framarəzaiti.
Verse: e    +pasu.mazō. aδāt̰. aṇtarə. uruuaitiia. fradaϑaiti.

Paragraph: 4 
Verse: a    staorō.mazō. aδāt̰. framarəzaiti.
Verse: b    staorō.mazō. aδāt̰. aṇtarə. uruuaitiia. fradaϑaiti:
Verse: c    vīrō.mazō. aδāt̰. framarəzaiti.
Verse: d    vīrō.mazō. aδāt̰. aṇtarə. uruuaitiia. fradaϑaiti:
Verse: e    daiŋ́hu.mazō.1 aδāt̰. framarəzaiti.
Verse: f    daiŋ́hu.mazō. aδāt̰. aṇtarə. uruuaitiia. fradaϑaiti.

Paragraph: 5 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. aēṣ̌ō. miϑrō. aiβi.druxtō. āstāraiti.1
Verse: c       yō. vacahinō:2
Verse: d    āat̰. mraot̰. ahurō. mazdā̊:
Verse: e    ϑriš.3 satāiš. haδa.ciϑanąm. narąm. nabānazdištanąm. para.baraiti.4

Paragraph: 6 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. aēṣ̌ō. miϑrō. aiβi.druxtō. āstāraiti.1
Verse: c       yō. zastā.marštō:2
Verse: d    āat̰. mraot̰. ahurō. mazdā̊:
Verse: e    xṣ̌uuaš. satāiš. haδa.ciϑanąm. narąm. nabānazdištanąm. para.baraiti.

Paragraph: 7 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. aēṣ̌ō. miϑrō. aiβi.druxtō. āstāraiti.1
Verse: c       yō. pasu.mazō:
Verse: d    āat̰. mraot̰. ahurō. mazdā̊:
Verse: e    hapta. satāiš. haδa.ciϑanąm. narąm. nabānazdištanąm. para.baraiti.

Paragraph: 8 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. aēṣ̌ō. miϑrō. aiβi.druxtō. āstāraiti.
Verse: c       yō. staorō.mazō:
Verse: d    āat̰. mraot̰. ahurō. mazdā̊:
Verse: e    ašta. satāiš. haδa.ciϑanąm. narąm. nabānazdištanąm. para.baraiti.

Paragraph: 9 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. aēṣ̌ō. miϑrō. aiβi.druxtō. āstāraiti.
Verse: c       yō. vīrō.mazō:
Verse: d    āat̰. mraot̰. ahurō. mazdā̊:
Verse: e    nauua. satāiš. haδa.ciϑanąm. narąm. nabānazdištanąm. para.baraiti.

Paragraph: 10 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. aēṣ̌ō. miϑrō. aiβi.druxtō. āstāraiti.
Verse: c       yō. daiŋ́hu.mazō:1
Verse: d    āat̰. mraot̰. ahurō. mazdā̊:
Verse: e    hazaŋrəm. haδa.ciϑanąm. narąm. nabānazdištanąm. para.baraiti.

Paragraph: 11 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. miϑrəm. aiβi.družaiti.1
Verse: c       yim. vacahinəm.2
Verse: d    kā. hē. asti. ciϑa:3
Verse: e    āat̰. mraot̰. ahurō. mazdā̊:
Verse: f    tiṣ̌rō.4 sata. upāzananąm. upāzōit̰. aspahe. aštraiia.
Verse: g       tiṣ̌rō.4 sata. sraoṣ̌ō.caranaiia.

Paragraph: 12 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. miϑrəm. aiβi.družaiti.
Verse: c       yim. zastā.marštəm.
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊:
Verse: f    xṣ̌uuaš. sata. upāzananąm. upāzōit̰. aspahe. aštraiia.
Verse: g       xṣ̌uuaš. sata. sraoṣ̌ō.caranaiia.

Paragraph: 13 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. miϑrəm. aiβi.družaiti.
Verse: c       yim. pasu.mazəm.
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊:
Verse: f    hapta. sata. upāzananąm. upāzōit̰. aspahe. aštraiia.
Verse: g       hapta. sata. sraoṣ̌ō.caranaiia.

Paragraph: 14 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. miϑrəm. aiβi.družaiti.
Verse: c       yim. staorō.mazəm.
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊:
Verse: f    ašta. sata. upāzananąm. upāzōit̰. aspahe. aštraiia.
Verse: g       ašta. sata. sraoṣ̌ō.caranaiia.

Paragraph: 15 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. miϑrəm. aiβi.družaiti.
Verse: c       yim. vīrō.mazəm.
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊:
Verse: f    nauua. sata. upāzananąm. upāzōit̰. aspahe. aštraiia.
Verse: g       nauua. sata. sraoṣ̌ō.caranaiia.

Paragraph: 16 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. miϑrəm. aiβi.družaiti.
Verse: c       yim. daiŋ́hu.mazəm.1
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊:
Verse: f    hazaŋrəm. upāzananąm. upāzōit̰. aspahe. aštraiia.
Verse: g       hazaŋrəm. sraoṣ̌ō.caranaiia.

Paragraph: 17 
Verse: a    yō. narš. snaϑəm. usəhištaiti.1
Verse: b       aētat̰. hē. āgərəptəm.2
Verse: c    yat̰. frāṣ̌usaiti.3
Verse: d       aētat̰. hē. auuaoirištəm.4
Verse: e    yat̰. dim. aēnō.manaŋha.5 paiti.aṣ̌naoiti.6
Verse: f       aētat̰. hē. arəduš:
Verse: g    puxδəmcit̰.7 nā. arəduṣ̌ąm. tanūm. piriieite.8

Paragraph: 18 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. narəm. āgərəptəm. āgəuruuaiieiti.1
Verse: c       kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e       paṇca. upāzana.2 aspahe. aštraiia.
Verse: f       paṇca. sraoṣ̌ō.caranaiia.
Verse: g    bitīm.
Verse: h       dasa. upāzana. aspahe. aštraiia.
Verse: i       dasa. sraoṣ̌ō.caranaiia.
Verse: j    ϑritīm.
Verse: k       paṇca.dasa. upāzana. aspahe. aštraiia.
Verse: l       paṇca.dasa. sraoṣ̌ō.caranaiia.

Paragraph: 19 
Verse: a    tūirīm.
Verse: b       ϑrisatəm. upāzananąm. upāzōit̰.1 aspahe. aštraiia.
Verse: c       ϑrisatəm. sraoṣ̌ō.caranaiia.
Verse: d    puxδəm.
Verse: e       paṇcāsatəm.2 upāzananąm. upāzōit̰.1 aspahe. aštraiia.
Verse: f       paṇcāsatəm.2 sraoṣ̌ō.caranaiia.
Verse: g    xštūm.
Verse: h       haptāitīm. upāzananąm. upāzōit̰.1 aspahe. aštraiia.
Verse: i       haptāitīm. sraoṣ̌ō.caranaiia.
Verse: j    haptaϑəm.
Verse: k       nauuaitīm. upāzananąm. upāzōit̰.1 aspahe. aštraiia.
Verse: l       nauuaitīm. sraoṣ̌ō.caranaiia.

Paragraph: 20 
Verse: a    aštəməm. aētaēṣ̌ąm. š́iiaoϑənanąm.1 vərəzimnəm.2
Verse: b       anuzuuarštāt̰. paiti. pauruuāt̰.
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e    aētahe. paiti. pəṣ̌ō.tanuiie.3
Verse: f       duiie.4 saite.5 upāzananąm. upāzōit̰. aspahe. aštraiia.
Verse: g       duiie.4 saite.5 sraoṣ̌ō.caranaiia.

Paragraph: 21 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. nōit̰. uzuuarəziiāt̰.1
Verse: c       yō. narəm. āgərəptəm. āgəuruuaiieiti.2
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊:
Verse: f    aētahe. paiti. pəṣ̌ō.tanuiie.3
Verse: g       duiie. saite.4 upāzananąm. upāzōit̰. aspahe. aštraiia.
Verse: h       duiie. saite.4 sraoṣ̌ō.caranaiia.

Paragraph: 22 
Verse: a    dātarə. gaēϑanąm. astuuaitinąm. aṣ̌āum.
Verse: b       yō. narəm. auuaoirištəm.1 auuaouruuaēsaite.2
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e       dasa. upāzana. aspahe. aštraiia.
Verse: f       dasa. sraoṣ̌ō.caranaiia.
Verse: g    bitīm.
Verse: h       paṇca.dasa. upāzana. aspahe. aštraiia.
Verse: i       paṇca.dasa. sraoṣ̌ō.caranaiia.

Paragraph: 23 
Verse: a    ϑritīm.
Verse: b       ϑrisatəm. upāzananąm. upāzōit̰.1 aspahe. aštraiia.
Verse: c       ϑrisatəm. sraoṣ̌ō.caranaiia.
Verse: d    tūirīm.
Verse: e       paṇcāsatəm. upāzananąm. upāzōit̰.1 aspahe. aštraiia.
Verse: f       paṇcāsatəm. sraoṣ̌ō.caranaiia.
Verse: g    puxδəm.
Verse: h       haptāitīm. upāzananąm. upāzōit̰.1 aspahe. aštraiia.
Verse: i       haptāitīm. sraoṣ̌ō.caranaiia.
Verse: j    xštūm.
Verse: k       nauuaitīm.2 upāzananąm. upāzōit̰.1 aspahe. aštraiia.
Verse: l       nauuaitīm.2 sraoṣ̌ō.caranaiia.

Paragraph: 24 
Verse: a    haptaϑəm. aētaēṣ̌ąm. š́iiaoϑənanąm.1 vərəzimnəm.2
Verse: b       anuzuuarštāt̰. paiti. pauruuāt̰.
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e    aētahe. paiti. pəṣ̌ō.tanuiie.3
Verse: f       duiie. saite. upāzananąm. upāzōit̰. aspahe. aštraiia.
Verse: g       duiie. saite. sraoṣ̌ō.caranaiia.

Paragraph: 25 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. nōit̰. uzuuarəziiāt̰.
Verse: c       yō. narəm. auuaoirištəm. auuaouruuaēsaite.1
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊:
Verse: f    aētahe. paiti. pəṣ̌ō.tanuiie.2
Verse: g       duiie. saite. upāzananąm. upāzōit̰. aspahe. aštraiia.
Verse: h       duiie. saite. sraoṣ̌ō.caranaiia.

Paragraph: 26 
Verse: a    dātarə. gaēϑanąm. astuuaitinąm. aṣ̌āum.
Verse: b       yō. narəm. arəduṣ̌a.1 snaϑa.2 jaiṇti.
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e       paṇca.dasa. upāzana.3 aspahe. aštraiia.
Verse: f       paṇca.dasa. sraoṣ̌ō.caranaiia.

Paragraph: 27 
Verse: a    bitīm.
Verse: b       ϑrisatəm. upāzananąm. upāzōit̰. aspahe. aštraiia.
Verse: c       ϑrisatəm. sraoṣ̌ō.caranaiia.
Verse: d    ϑritīm.
Verse: e       paṇcāsatəm. upāzananąm. upāzōit̰. aspahe. aštraiia.
Verse: f       paṇcāsatəm. sraoṣ̌ō.caranaiia.
Verse: g    tūirīm.
Verse: h       haptāitīm. upāzananąm. upāzōit̰. aspahe. aštraiia.
Verse: i       haptāitīm. sraoṣ̌ō.caranaiia.
Verse: j    puxδəm.
Verse: k       nauuaitīm.1 upāzananąm. upāzōit̰. aspahe. aštraiia.
Verse: l       nauuaitīm. sraoṣ̌ō.caranaiia.

Paragraph: 28 
Verse: a    xštūm.
Verse: b       aētaēṣ̌ąm. š́iiaoϑənanąm.1 vərəzimnəm.
Verse: c       anuzuuarštāt̰. paiti. pauruuāt̰.
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊:
Verse: f    aētahe. paiti. pəṣ̌ō.tanuiie.
Verse: g       duiie. saite. upāzananąm. upāzōit̰. aspahe. aštraiia.
Verse: h       duiie. saite. sraoṣ̌ō.caranaiia.

Paragraph: 29 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. nōit̰. uzuuarəziiāt̰.
Verse: c       yō. narəm. arəduṣ̌a.1 snaϑa.2 jaiṇti.3
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊.4
Verse: f    aētahe. paiti. pəṣ̌ō.tanuiie.
Verse: g       duiie. saite. upāzananąm. upāzōit̰. aspahe. aštraiia.
Verse: h       duiie. saite. sraoṣ̌ō.caranaiia.

Paragraph: 30 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. narəm. vīxrūməṇtəm. xvarəm. jaiṇti.
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:

Paragraph: 31 
Verse: a       ϑrisatəm. upāzananąm. upāzōit̰. aspahe. aṣ̌traiia.
Verse: b       ϑrisatəm. sraoṣ̌ō.caranaiia.
Verse: c    bitīm.
Verse: d       paṇcāsatəm. upāzananąm. upāzōit̰. aspahe. aštraiia.
Verse: e       paṇcāsatəm. sraoṣ̌ō.caranaiia.
Verse: f    ϑritīm.
Verse: g       haptāitīm. upāzananąm. upāzōit̰. aspahe. aštraiia.
Verse: h       haptāitīm. sraoṣ̌ō.caranaiia.
Verse: i    tūirīm.
Verse: j       nauuaitīm. upāzananąm. upāzōit̰. aspahe. aštraiia.
Verse: k       nauuaitīm. sraoṣ̌ō.caranaiia.

Paragraph: 32 
Verse: a    puxδəm. aētaēṣ̌ąm. š́iiaoϑənanąm. vərəzimnəm.
Verse: b       anuzuuarštāt̰. paiti. pauruuāt̰.
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e    aētahe. paiti. pəṣ̌ō.tanuiie.
Verse: f       duiie. saite. upāzananąm. upāzōit̰. aspahe. aštraiia.
Verse: g       duiie. saite. sraoṣ̌ō.caranaiia.

Paragraph: 33 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. nōit̰. uzuuarəziiāt̰.
Verse: c       yō. narəm. vīxrūməṇtəm. xvarəm. jaiṇti.
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊.
Verse: f    aētahe. paiti. pəṣ̌ō.tanuiie.
Verse: g       duiie. saite. upāzananąm. upāzōit̰. aspahe. aštraiia.
Verse: h       duiie. saite. sraoṣ̌ō.caranaiia.

Paragraph: 34 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. narəm. tacat̰.vohunīm.1 xvarəm. jaiṇti.
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e       paṇcāsatəm.2 upāzananąm. upāzōit̰. aspahe. aštraiia.
Verse: f       paṇcāsatəm.2 sraoṣ̌ō.caranaiia.
Verse: g    bitīm.
Verse: h       haptāitīm. upāzananąm. upāzōit̰. aspahe. aštraiia.
Verse: i       haptāitīm. sraoṣ̌ō.caranaiia.
Verse: j    ϑritīm.
Verse: k       nauuaitīm. upāzananąm. upāzōit̰. aspahe. aštraiia.
Verse: l       nauuaitīm. sraoṣ̌ō.caranaiia.

Paragraph: 35 
Verse: a    tūirīm. aētaēṣ̌ąm. š́iiaoϑənanąm.1 vərəzimnəm.
Verse: b       anuzuuarštāt̰. paiti. pauruuāt̰.
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e    aētahe. paiti. pəṣ̌ō.tanuiie.
Verse: f       duiie. saite. upāzananąm. upāzōit̰. aspahe. aštraiia.
Verse: g       duiie. saite. sraoṣ̌ō.caranaiia.

Paragraph: 36 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. nōit̰. uzuuarəziiāt̰.
Verse: c       yō. narəm. tacat̰.vohunīm. xvarəm. jaiṇti.
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊.1
Verse: f    aētahe. paiti. pəṣ̌ō.tanuiie.
Verse: g       duiie. saite. upāzananąm. upāzōit̰. aspahe. aštraiia.
Verse: h       duiie. saite. sraoṣ̌ō.caranaiia:

Paragraph: 37 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. narəm. astō.biδəm. xvarəm. jaiṇti.
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e       haptāitīm. upāzananąm. upāzōit̰. aspahe. aštraiia.
Verse: f       haptāitīm. sraoṣ̌ō.caranaiia.
Verse: g    bitīm.
Verse: h       nauuaitīm. upāzananąm. upāzōit̰. aspahe. aštraiia.
Verse: i       nauuaitīm. sraoṣ̌ō.caranaiia.

Paragraph: 38 
Verse: a    ϑritīm. aētaēṣ̌ąm. š́iiaoϑənanąm. vərəzimnəm.
Verse: b       anuzuuarštāt̰. paiti. pauruuāt̰.
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e    aētahe. paiti. pəṣ̌ō.tanuiie.
Verse: f       duiie. saite. upāzananąm. upāzōit̰. aspahe. aštraiia.
Verse: g       duiie. saite. sraoṣ̌ō.caranaiia.

Paragraph: 39 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. nōit̰. uzuuarəziiāt̰.
Verse: c       yō. narəm. astō.biδəm. xvarəm. jaiṇti.
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊.
Verse: f    aētahe. paiti. pəṣ̌ō.tanuiie.
Verse: g       duiie. saite. upāzananąm. upāzōit̰. aspahe. aštraiia.
Verse: h       duiie. saite. sraoṣ̌ō.caranaiia.

Paragraph: 40 
Verse: a    dātarə. gaēϑanąm. astuuaitinąm. aṣ̌āum.
Verse: b       yō. narəm. frazābaoδaŋhəm. snaϑəm. jaiṇti.
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e       nauuaitīm. upāzananąm. upāzōit̰. aspahe. aštraiia.
Verse: f       nauuaitīm. sraoṣ̌ō.caranaiia.

Paragraph: 41 
Verse: a    bitīm.
Verse: b       aētaēṣ̌ąm. š́iiaoϑənanąm. vərəzimnəm.
Verse: c       anuzuuarštāt̰. paiti. pauruuāt̰.
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊:
Verse: f    aētahe. paiti. pəṣ̌ō.tanuiie.
Verse: g       duiie. saite. upāzananąm. upāzōit̰. aspahe. aštraiia.
Verse: h       duiie. saite. sraoṣ̌ō.caranaiia.

Paragraph: 42 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. nōit̰. uzuuarəziiāt̰.
Verse: c       yō. narəm. frazābaoδaŋhəm. snaϑəm. jaiṇti.
Verse: d    kā. hē. asti. ciϑa:
Verse: e    āat̰. mraot̰. ahurō. mazdā̊.
Verse: f    aētahe. paiti. pəṣ̌ō.tanuiie.
Verse: g       duiie. saite. upāzananąm. upāzōit̰. aspahe. aštraiia.
Verse: h       duiie. saite. sraoṣ̌ō.caranaiia.

Paragraph: 43 
Verse: a    hāmō.š́iiaoϑna. tē. pascaēta. bauuaiṇti.
Verse: b       aṣ̌ahe. paiti. paṇtąm.
Verse: c       aṣ̌ahe. paiti. mąϑrəm.1
Verse: d       aṣ̌ahe. paiti. frasastīm.

Paragraph: 44 
Verse: a    yaēca. iδa.1 narō. hāmō.daēna. jasąn.2
Verse: b       brāϑra. vā. haxaiia. vā.
Verse: c       ṣ̌aētō.cinaŋhō. vā. nāiri.cinaŋhō. vā. xratu.cinaŋhō. vā.
Verse: d    yezi. ṣ̌aētō.cinaŋhō. jasąn.
Verse: e       hąm. iδa. ṣ̌aētəm.3 hąm.bāraiiən.
Verse: f    yezi. nāiri.cinaŋhō. jasąn.
Verse: g       upa. vā. nāirikąm. vāδaiiaēta.

Paragraph: 45 
Verse: a    yezi. xratu.cinaŋhō. jasąn.
Verse: b       upa. vā. mąϑrəm. spəṇtəm. maraēta.1
Verse: c          pourumca. naēme. asne. aparəmca.
Verse: d          pourumca. naēme. xṣ̌afne. aparəmca.
Verse: e             uxṣ̌ne. xraϑβe.2 vīdruuānahe. aṣ̌āt̰.
Verse: f       aṣ̌ica.3 nəmaŋhāna.4
Verse: g             uxṣ̌ne. xraϑβe.2 yaonəm.5 āste:6
Verse: h    maiδiiāi. asnąmca. xṣ̌afnąmca. auuaŋhabdaēta.7
Verse: i       paiti. asne.
Verse: j       paiti. xṣ̌afne.
Verse: k       vīspəm. ā. ahmāt̰. yat̰. tā̊. srauuā̊. drəṇjaiiąn.8
Verse: l          9yā̊. paouruua. aēϑrapataiiō. drəṇjaiiąn.9

Paragraph: 46 
Verse: a    hąm.taptibiiō.1 aiβiiō. cāxrare.2 nərəbiiō.
Verse: b          zaraϑuštra:
Verse: c    mā. gə̄uš. mā. vastrahe.3 hatō. aδāitīm. vaocōit̰.

Paragraph: 47 
Verse: a    aδaēca.1 uiti.2 nāiriuuaite.3 zī. tē. ahmāt̰. pourum.4 framraomi.5
Verse: b             spitama. zaraϑuštra.
Verse: c          yaϑa. maγauuō.6 frauuāxṣ̌ōit̰.
Verse: d       vīsāne. ahmāt̰. yaϑa. əuuīsāi.
Verse: e       puϑrāne. ahmāt̰. yaϑa. apuϑrāi.
Verse: f       ṣ̌aētauuatō. ahmāt̰. yaϑa. aṣ̌aētāi.

Paragraph: 48 
Verse: a    hāuca. aiiā̊.1 narā̊.2 vohu. marō. jāgərəbuštarō.3 aŋhat̰.
Verse: b       yō. gə̄uš. uruϑβarə. hąm.pāfrāiti.4
Verse: c    yaϑa. hāu.
Verse: d       yō. nōit̰. iϑa.5
Verse: e    hō. upa.mərətō.
Verse: f    hāu. aspərənō.mazō.
Verse: g    6hāu. anumaiiō.mazō.6
Verse: h    hāu. staorō.mazō.
Verse: i    hāu. vīrō.mazō.

Paragraph: 49 
Verse: a    aēṣ̌ō. zī. narō. paitiieiṇti.1
Verse: b          astō.2 vīδōtuš.3 pəṣ̌anaiti.4
Verse: c       yasca. iṣ̌uš. xvāϑaxtō.5 pəṣ̌anaiti.
Verse: d       yasca.6 zəmakō. pəṣ̌anaiti.
Verse: e          kamnəm. vaste.7 vaŋhanəm.
Verse: f       yasca. maṣ̌īm. druuaṇtəm. sāstārəm.8 kamərəδaja.9 pəṣ̌anaiti.10
Verse: g       yasca. aṣ̌əmaoγəm. anaṣ̌auuanəm. aŋuharəstātəm.11 pəṣ̌anaiti.

Paragraph: 50 
Verse: a    paoirīm. aētaēṣ̌am. š́iiaoϑənanąm. vərəzimnəm.
Verse: b       nōit̰. bitīm:1
Verse: c    auuaδa. aētaδa. aētahe. š́iiaoϑnahe. yaϑa. vaēϑəṇti.2
Verse: d       yaϑa. aētahmi. aŋhuuō. yat̰. astuuaiṇti.
Verse: e    aiiaŋhaēnāiš. karətāiš.3 azdibīš.4 paiti. auua.kərəϑiiāt̰.
Verse: f          aoṣ̌aŋhaiϑiiā̊sə. tanuuō.5
Verse: g       masiiō. vā. ahmāt̰cit̰.

Paragraph: 51 
Verse: a    auuaδa. aētaδa.1 aētahe. š́iiaoϑnahe. yaϑa. vaēϑəṇti.
Verse: b       yaϑa. aētahmi. aŋhuuō. yat̰. astuuaiṇti.
Verse: c    aiiaŋhaēnāiš. fṣ̌ə̄bīš.2 azdibīš.3 paiti. auua.paṣ̌āt̰.4
Verse: d          aoṣ̌aŋhaiϑiiā̊sə. tanuuō.
Verse: e       masiiō. vā. ahmāt̰cit̰.

Paragraph: 52 
Verse: a    auuaδa. aētaδa. aētahe. š́iiaoϑnahe. yaϑa. vaēϑəṇti.
Verse: b       yaϑa. aētahmi. aŋhuuō. yat̰. astuuaiṇti.
Verse: c    satō.vīrəm.1 vaēməm. anusō. paiδiiāite.2
Verse: d          aoṣ̌aŋhaiϑiiā̊sə. tanuuō.
Verse: e       masiiō. vā. ahmāt̰cit̰.

Paragraph: 53 
Verse: a    auuaδa. aētaδa. aētahe. š́iiaoϑnahe. yaϑa. vaēϑəṇti.
Verse: b       yaϑa. aētahmi. aŋhuuō. yat̰. astuuaiṇti.
Verse: c    anusō. pārəm. marəzəm.1 auua.hištāt̰.

Paragraph: 54 
Verse: a    auuaδa. aētaδa. aētahe. š́iiaoϑnahe. 1yaϑa. vaēϑəṇti.1
Verse: b       yaϑa. aētahmi. aŋhuuō. yat̰. astuuaiṇti.
Verse: c    āpəm. saokəṇtauuaitīm.2 zaraniiāuuaitīm.3 vīϑušauuaitīm.4
Verse: d          draogəm.5 vīϑuš.6
Verse: e       apāiϑiš.7
Verse: f          raṣ̌naošca.8 paiti.saŋhəm.
Verse: g          miϑraheca. aiβi.druxtəm.9

Paragraph: 55 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. āpəm. saokəṇtauuaitīm. zaraniiāuuaitīm. vīϑuṣ̌auuaitīm.1
Verse: c          draogəm.2 vīϑuš.3
Verse: d       apāiϑiš.4
Verse: e          raṣ̌naošca.5 paiti.saŋhəm.
Verse: f          miϑraheca. aiβi.druxtəm.2
Verse: g    kā. hē. asti. ciϑa:
Verse: h    āat̰. mraot̰. ahurō. mazdā̊:
Verse: i       hapta. sata. upāzananąm. upāzōit̰. aspahe. aštraiia.
Verse: j       hapta. sata. sraoṣ̌ō.caranaiia.

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.