TITUS
Avestan Corpus
Part No. 100
Previous part

Chapter: 6 
Paragraph: 1 
Verse: a    cuuaṇtəm. drājō. zruuānəm. aiŋ́hā̊. zəmō. anaiδiia.1
Verse: b       yat̰. ahmi. spānasca.2 narasca. para.iriϑiṇti:3
Verse: c    āat̰. mraot̰. ahurō. mazdā̊:
Verse: d    yārə.drājō. aṣ̌āum. zaraϑuštra. aiŋ́hā̊. zəmō. anaiδiia.4
Verse: e       yat̰. ahmi. spānasca.2 narasca. para.iriϑiṇti:3

Paragraph: 2 
Verse: a    māca. pascaēta. mazdaiiasna. tąm. ząm. kāraiiən.
Verse: b    mā. āpō. hərəzaiiən.1
Verse: c       yat̰. ahmi. spānasca.2 narasca. para.iriϑiṇti.3
Verse: d          aṇtarāt̰. naēmāt̰. yārə.drājō.
Verse: e    vasō. pascaēta. mazdaiiasna. tąm. aniiąm. ząm. kāraiiən.
Verse: f    vasō. āpō. hərəzaiiən.1

Paragraph: 3 
Verse: a    yezi. mazdaiiasna. tąm. ząm. kāraiiən.
Verse: b    yezi. āpō. hərəzaiiən.1
Verse: c       yat̰. ahmi. spānasca. narasca. para.iriϑiṇti.2
Verse: d          aṇtarāt̰. naēmāt̰. yārə.drājō.
Verse: e    nasuspaēm. pascaēta. āstriiā̊ṇte.3
Verse: f       aēte. yōi. mazdaiiasna.
Verse: g          apasca. zəmasca. uruuaraiiā̊sca.4

Paragraph: 4 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. mazdaiiasna. tąm. ząm. kāraiiən.
Verse: c    yezi. āpō. hərəzaiiən.1
Verse: d       yat̰. ahmi. spānasca. narasca. para.iriϑiṇti.
Verse: e          aṇtarāt̰. naēmāt̰. yārə.drājō.
Verse: f    kā. hē. asti. ciϑa.

Paragraph: 5 
Verse: a    āat̰. mraot̰. ahurō. mazdā̊:
Verse: b    aētahe. paiti. pəṣ̌ō.tanuiie.1
Verse: c       duiie. saite. upāzananąm. upāzōit̰. aspahe. aštraiia.
Verse: d       duiie. saite. sraoṣ̌ō.caranaiia.

Paragraph: 6 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. vasən.1 mazdaiiasna. ząm. raoδaiiąm.2
Verse: c       hixtaiiaēca.3 karštaiiaēca. parakaṇtaiiaēca.
Verse: d    kuϑa. tē. vərəziiąn.
Verse: e       aēte. yōi.4 mazdaiiasna.

Paragraph: 7 
Verse: a    āat̰. mraot̰. ahurō. mazdā̊:
Verse: b    aētaδa. hē. aēte. mazdaiiasna. aiŋ́hā̊. zəmō. pairiṣ̌aiiaṇta.
Verse: c       aētaŋhąm. astąmca. varəsąmca.
Verse: d       spāmąmca. mūϑrąmca. vaŋhutātąmca.1

Paragraph: 8 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. nōit̰. pairiṣ̌ā̊ṇte.1
Verse: c       aētaŋhąm. astąmca. varəsąmca.
Verse: d       spāmąmca. mūϑrąmca. vaŋhutātąmca.2
Verse: e    kā. hē. asti. ciϑa.

Paragraph: 9 
Verse: a    āat. mraot̰. ahurō. mazdā̊:
Verse: b    aētahe. paiti. pəṣ̌ō.tanuiie.1
Verse: c       duiie. saite. upāzananąm. upāzōit̰. aspahe. aštraiia.
Verse: d       duiie. saite. sraoṣ̌ō.caranaiia.

Paragraph: 10 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. astəm. upaŋharəzaiti.1
Verse: c       sūnō.2 vā. para.iristahe.
Verse: d       maš́iiehe. vā.
Verse: e    auuauuat̰.3 aipi.
Verse: f       yaϑa. kasištahe. ərəzuuō. fratəməm. t̰biṣ̌iš.4
Verse: g          yezi. ahmiia. iriϑiieiti.5 ūϑəm.6 vā. ūϑō.tās.6 vā.
Verse: h    kā. hē. asti. ciϑa.

Paragraph: 11 
Verse: a    āat̰. mraot̰. ahurō. mazdā̊:
Verse: b       ϑrisatəm. upāzananąm. upāzōit̰. aspahe. aštraiia.
Verse: c       ϑrisatəm. sraoṣ̌ō.caranaiia.

Paragraph: 12 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. astəm. upaŋharəzaiti.1
Verse: c       sūnō. vā. para.iristahe.
Verse: d       maš́iiehe. vā.
Verse: e    auuauuat̰.2 aipi.3
Verse: f       yaϑa. maδəmahe. ərəzuuō. fratəməm. t̰biṣ̌iš.
Verse: g          yezi. ahmiia. iriϑiieiti. ūϑəm. vā. ūϑō.tās. vā.
Verse: h    kā. hē. asti. ciϑa.

Paragraph: 13 
Verse: a    āat̰. mraot̰. ahurō. mazdā̊:
Verse: b       paṇcāsatəm. upāzananąm. upāzōit̰. aspahe. aštraiia.
Verse: c       paṇcāsatəm. sraoṣ̌ō.caranaiia.

Paragraph: 14 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. astəm. upaŋharəzaiti.
Verse: c       sūnō. vā. para.iristahe.
Verse: d       maš́iiehe. vā.
Verse: e    auuauuat̰.1 aipi.
Verse: f       yaϑa. masištahe.2 ərəzuuō. fratəməm. t̰biṣ̌iš.
Verse: g          yezi. ahmiia. iriϑiieiti. ūϑəm. vā. ūϑō.tās. vā.
Verse: h    kā. hē. asti. ciϑa.

Paragraph: 15 
Verse: a    āat̰. mraot̰. ahurō. mazdā̊:
Verse: b       haptāitīm. upāzananąm. upāzōit̰. aspahe. aštraiia.
Verse: c       haptāitīm. sraoṣ̌ō.caranaiia.

Paragraph: 16 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. astəm. upaŋharəzaiti.
Verse: c       sūnō. vā. para.iristahe.
Verse: d       maš́iiehe. vā.
Verse: e          ərəzu.stauuaŋhəm.1 vā.
Verse: f          pərəsu.masaŋhəm. vā.
Verse: g             yezi. ahmiia. iriϑiieiti. ūϑəm. vā. ūϑō.tās. vā.
Verse: h    kā. hē. asti. ciϑa.

Paragraph: 17 
Verse: a    āat. mraot̰. ahurō. mazdā̊:
Verse: b       nauuaitīm. upāzananąm. upāzōit̰. aspahe. aštraiia.
Verse: c       nauuaitīm. sraoṣ̌ō.caranaiia.

Paragraph: 18 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. astəm. upaŋharəzaiti.
Verse: c       sūnō. vā. para.iristahe.
Verse: d       maš́iiehe. vā.
Verse: e          baēərəzu.stauuaŋhəm. vā.
Verse: f          bipərəsu.masaŋhəm.1 vā.
Verse: g             yezi. ahmiia. iriϑiieiti. ūϑəm. vā. ūϑō.tās. vā.
Verse: h    kā. hē. asti. ciϑa.

Paragraph: 19 
Verse: a    āat̰. mraot̰. ahurō. mazdā̊:
Verse: b    aētahe. paiti. pəṣ̌ō.tanuiie.
Verse: c       duiie. saite. upāzananąm. upāzōit̰. aspahe. aštraiia.
Verse: d       duiie. saite. sraoṣ̌ō.caranaiia.

Paragraph: 20 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. astəm. upaŋharəzaiti.
Verse: c       sūnō. vā. para.iristahe.
Verse: d       maš́iiehe. vā.
Verse: e          bāzu.stauuaŋhəm. vā.
Verse: f          sraoni.masaŋhəm.1 vā.
Verse: g             yezi. ahmiia. iriϑiieiti. ūϑəm. vā. ūϑō.tās. vā.
Verse: h    kā. hē. asti. ciϑa.

Paragraph: 21 
Verse: a    āat̰. mraot̰. ahurō. mazdā̊:
Verse: b       caϑβārō. sata. upāzananąm. upāzōit̰. aspahe. aštraiia.
Verse: c       caϑβārō. sata. sraoṣ̌ō.caranaiia.

Paragraph: 22 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. astəm.1 upaŋharəzaiti.
Verse: c       sūnō. vā. para.iristahe.
Verse: d       maš́iiehe. vā.
Verse: e    auuauuat̰.2 aipi.
Verse: f       yaϑa. narš. vaγδanəm.3
Verse: g          yezi. ahmiia. iriϑiieiti.4 ūϑəm. vā. ūϑō.tās. vā.
Verse: h    kā. hē. asti. ciϑa.

Paragraph: 23 
Verse: a    āat̰. mraot̰. ahurō. mazdā̊:
Verse: b       xṣ̌uuaš. sata. upāzananąm. upāzōit̰. aspahe. aštraiia.
Verse: c       xṣ̌uuaš. sata. sraoṣ̌ō.caranaiia.

Paragraph: 24 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. vīspąm.1 hauruuąm. tanūm. upaŋharəzaiti.
Verse: c       sūnō. vā. para.iristahe.
Verse: d       maš́iiehe. vā.
Verse: e          yezi. ahmiia. iriϑiieiti. ūϑəm. vā. ūϑō.tās. vā.
Verse: f    kā. hē. asti. ciϑa.

Paragraph: 25 
Verse: a    āat. mraot̰. ahurō. mazdā̊:
Verse: b       hazaŋrəm. upāzananąm. upāzōit̰. aspahe. aštraiia.
Verse: c       hazaŋrəm. sraoṣ̌ō.caranaiia.

Paragraph: 26 
Verse: a    dātarə. gaēϑanąm. astuuaitinąm. aṣ̌āum.
Verse: b    yat̰. aēte. yōi.1 mazdaiiasna.
Verse: c       pāδa. aiiaṇtəm.2 vā. taciṇtəm.3 vā.
Verse: d       barəmnəm. vā. vazəmnəm. vā.
Verse: e          taci.apaiia.4 nasāum. frajasąn.
Verse: f    kuϑa. tē. vərəziiąn.
Verse: g       aēte. yōi.1 mazdaiiasna.

Paragraph: 27 
Verse: a    āat. mraot̰. ahurō. mazdā̊:
Verse: b    mat̰. aoϑranąm. framuxti.1
Verse: c    mat̰. vastranąm. niδāiti.2
Verse: d       upa.mąnaiiən.3 zaraϑuštra.
Verse: e    fraṣ̌a. fraiiōit̰.
Verse: f    iristəm. uzbarōit̰. āpō. zaraϑuštra.
Verse: g       ā.zaṇgaēibiiascit̰.4 āpō.
Verse: h       ā.žnubiiascit̰.5 āpō.
Verse: i       ā.maiδiiąnascit̰. āpō.
Verse: j       ā.nərəbərəzascit̰.6 āpō.
Verse: k          vīspəm. ā. ahmāt̰.
Verse: l             yaδōit̰. upa.jasōit̰. iristąm.7 tanūm.

Paragraph: 28 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. aēte. nasāuuō. friϑiieitica.1 puiietica.1
Verse: c    kuϑa. tē. vərəziiąn.
Verse: d       aēte. yōi. mazdaiiasna.

Paragraph: 29 
Verse: a    āat̰. mraot̰. ahurō. mazdā̊:
Verse: b    yauuat̰. cuuat̰ca. hē.1 zastaēibiia. haṇgəuruuaiiąn.2
Verse: c       aētauuat̰. apat̰. haca. nižbāraiiən.
Verse: d          huš́e.3 zəme.4 nidaiϑiiąn.
Verse: e    nōit̰. astąm. nōit̰. varsąm.5
Verse: f    nōit̰. spāmąm. nōit̰. mūϑrąm.6 nōit̰. vaŋhutātąm.
Verse: g       pairi.spāiti.7 apąm. āstriiā̊ṇte.8

Paragraph: 30 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. aētaŋhā̊. āpō. yat̰. armaēštaiiā̊.1
Verse: c       aēṣ̌a. druxš. yā. nasuš.
Verse: d          axtica.2 piuuaica.3 āhitica. frāṣ̌naoiti.

Paragraph: 31 
Verse: a    1āat. mraot̰. ahurō. mazdā̊:
Verse: b    xṣ̌uuaš.gāim. kəmcit̰. paiti. caϑruṣ̌anąm.
Verse: c       vīspəm. ā. ahmāt̰. aēṣ̌a. āfš. aiiaoždiia. anaiβiš.xvarəϑa.
Verse: d          yauuat̰. aēṣ̌a. nasuš. nižbərəta:2
Verse: e    us. haca. nasāuuō. aētauuat̰. apat̰.3 haca. nižbāraiiən.
Verse: f       huš́e. zəme. nidaiϑiiąn.

Paragraph: 32 
Verse: a    aiŋ́hā̊.1 āpō. para.hiṇcaiiən.2
Verse: b       yat̰. vā. naēməm.
Verse: c       yat̰. vā. ϑriṣ̌um.3
Verse: d       yat̰. vā. caϑruṣ̌um.4
Verse: e       yat̰. vā. paŋtaŋhum.5
Verse: f          yezi. tūtauua.
Verse: g          nauuāt̰. tūtauua:
Verse: h    pasca. nasāuuō. nižbərəϑi.6
Verse: i    pasca. āpō. para.hixti.7
Verse: j       aēṣ̌a. āfš. yaoždiia. bauuaiti. vasō. aiβiš.xvarəϑa.
Verse: k          pasubiia. vīraēibiia.
Verse: l             hamaϑa. yaϑa. paracit̰.

Paragraph: 33 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. aētaŋhā̊. āpō. yat̰. cātaiiā̊. uzuitiiā̊sca.1
Verse: c       aēṣ̌a. druxš. yā. nasuš.
Verse: d          axtica. piuuatica.2 āhitica. frāṣ̌naoiti.

Paragraph: 34 
Verse: a    āat. mraot̰. ahurō. mazdā̊:
Verse: b    vīspəm. ā. ahmāt̰. aēṣ̌a. āfš. aiiaoždiia. anaiβiš.xvarəϑa.
Verse: c       yauuat̰.1 aēṣ̌a. nasuš. nižbərəta:2
Verse: d    us. haca.3 nasāuuō. aētauuat̰. apat̰. haca. nižbāraiiən.
Verse: e       huš́e. zəme. nidaiϑiiąn.

Paragraph: 35 
Verse: a    aiŋ́hā̊. āpō. para.hiṇcaiiən.
Verse: b       yat̰. vā. naēməm.
Verse: c       yat̰. vā. ϑriṣ̌um.
Verse: d       yat̰. vā. caϑruṣ̌um.
Verse: e       yat̰. vā. paŋtaŋhum.
Verse: f          yezi. tūtauua.
Verse: g          nauuāt̰. tūtauua:
Verse: h    pasca. nasāuuō. nižbərəϑi.
Verse: i    pasca. āpō. para.hixti.
Verse: j       aēṣ̌a. āfš. yaoždiia. bauuaiti. vasō. aiβiš.xvarəϑa.
Verse: k          pasubiia. vīraēibiia.
Verse: l             hamaϑa. yaϑa. paracit̰.

Paragraph: 36 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. aētaŋhā̊. āpō. yat̰. snaēžiṇtiiāica.1 srasciṇtiiāica.2
Verse: c       aēṣ̌a. druxš. yā. nasuš.
Verse: d          axtica. piuuatica.3 āhitica. frāṣ̌naoiti.

Paragraph: 37 
Verse: a    āat̰. mraot̰. ahurō. mazdā̊:
Verse: b    ϑrigāim. kəmcit̰. paiti. caϑruṣ̌anąm.
Verse: c       vīspəm. ā. ahmāt̰. aēṣ̌a. āfš. aiiaoždiia. anaiβiš.xvarəϑa.
Verse: d       1yauuat̰. aēṣ̌a. nasuš. nižbərəta:1
Verse: e    us. haca. nasāuuō. aētauuat̰. apat̰. haca. nižbāraiiən.
Verse: f       huš́e. zəme. nidaiϑiiąn.

Paragraph: 38 
Verse: a    pasca. nasāuuō. nižbərəϑi.1
Verse: b    pasca. āpō. vītaxti.2
Verse: c       aēṣ̌a. āfš. yaoždiia. bauuaiti. vasō. aiβiš.xvarəϑa.3
Verse: d          pasubiia. vīraēibiia.
Verse: e             hamaϑa. yaϑa. paracit̰.

Paragraph: 39 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. aētaŋhā̊. āpō. yat̰. frātat̰.carətaiiā̊.
Verse: c       aēṣ̌a. druxš. yā. nasuš.
Verse: d          axtica. piuuatica. āhitica. frāṣ̌naoiti.

Paragraph: 40 
Verse: a    āat̰. mraot̰. ahurō. mazdā̊:
Verse: b    ϑrigāim. niiāpəm.
Verse: c    nauua.gāim.1 paitiiāpəm.
Verse: d    xṣ̌uuaš.gāim.1 anaiδim.2
Verse: e       vīspəm. ā. ahmāt̰.3 aēṣ̌a. āfš. aiiaoždiia. anaiβiš.xvarəϑa.
Verse: f       yauuat̰. aēṣ̌a. nasuš. nižbərəta:
Verse: g    us. haca. nasāuuō. aētauuat̰. apat̰. haca. nižbāraiiən.
Verse: h       huš́e. zəme. nidaiϑiiąn.

Paragraph: 41 
Verse: a    pasca. nasāuuō. nižbərəϑi.1
Verse: b    pasca. āϑritīm. aiβi.varaiti.2
Verse: c       aēṣ̌a. āfš. yaoždiia. bauuaiti. vasō. aiβiš.xvarəϑa.
Verse: d          pasubiia. vīraēibiia.
Verse: e             hamaϑa. yaϑa. paracit̰.

Paragraph: 42 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. haoma.1 yaoždiiąn.2 aŋhən.
Verse: c          aṣ̌āum. ahura. mazda.
Verse: d       yā. nasāum. auua.bərəta.
Verse: e          sūnō. vā. para.iristahe.
Verse: f          maš́iiehe. vā.

Paragraph: 43 
Verse: a    āat̰. mraot̰. ahurō. mazdā̊:
Verse: b    yaoždaiiąn.1 aŋhən.
Verse: c       aṣ̌āum. zaraϑuštra.
Verse: d    nōit̰. haomō.2 hutō. axtiš.
Verse: e       nōit̰. mahrkō.
Verse: f       nōit̰. nasuš. auua.bərətō.3
Verse: g    auua. aēte.4 ahuta.
Verse: h       yaϑa. caϑβārō. ərəzuuō.5
Verse: i    aētaēṣ̌ąmca. zəmō. nidaiϑiiąn.
Verse: j       aṇtarəm.6 arəδəm. nmānahe.
Verse: k          vīspəm. ā. ahmāt̰.
Verse: l             yat̰. hē.7 yārə.drājō. sacāite:8
Verse: m    āat̰. pasca. yārə.drājō. vasō. xvarəϑā̊. aŋhən.
Verse: n       nərəbiiō. aṣ̌auuabiiō.
Verse: o          hamaϑa. yaϑa. paracit̰.

Paragraph: 44 
Verse: a    dātarə. gaēϑanąm. astuuaitinąm. aṣ̌āum.
Verse: b    kuua. narąm. iristanąm. tanūm.1 barāma.
Verse: c          ahura. mazda.
Verse: d       kuua. nidaϑāma.

Paragraph: 45 
Verse: a    āat̰. mraot̰. ahurō. mazdā̊:
Verse: b    barəzištaēṣ̌uuaca. paiti. gātuṣ̌uua.1
Verse: c          spitama. zaraϑuštra.
Verse: d       yaδōit̰. dim. bāiδištəm. auuazanąn.
Verse: e          sūnō. vā. kərəfš.xvarō.
Verse: f          vaiiō. vā. kərəfš.xvarō.

Paragraph: 46 
Verse: a    aētaδa. hē. aēte. mazdaiiasna.
Verse: b       aētəm. iristəm. nidarəzaiiən.1
Verse: c          hauuaēibiia. pāδaēibiia.
Verse: d          xvaēpaϑiiāca.2 varsa.3
Verse: e             aiiaŋhaēnəm. vā.
Verse: f             zarštuuaēnəm.4 vā.
Verse: g             frauuāxṣ̌aēnəm.5 vā.
Verse: h    yezi. nōit̰.6 sūnō. vā. kərəfš.xvarō.
Verse: i       vaiiō. vā. kərəfš.xvarō.
Verse: j          aētaŋhąm. astąm.7
Verse: k             auui. apąmca. uruuaranąmca. barəṇtəm. frajasąn.

Paragraph: 47 
Verse: a    dātarə. gaēϑanąm. astuuaitinąm. aṣ̌āum.
Verse: b    yezi. nōit̰. nidarəziiā̊ṇte.1
Verse: c       aētaδa. hē. aēte.
Verse: d          sūnō. vā. kərəfš.xvarō.
Verse: e          vaiiō. vā. kərəfš.xvarō.
Verse: f             aētaŋhąm. astąm.2
Verse: g                auui. apąmca. uruuaranąmca.3 barəṇtəm. frajasāt̰.4
Verse: h    kā. hē. asti. ciϑa.

Paragraph: 48 
Verse: a    āat̰. mraot̰. ahurō. mazdā̊:
Verse: b    aētahe. paiti. pəṣ̌ō.tanuiie.
Verse: c       duiie. saite. upāzananąm. upāzōit̰. aspahe. aštraiia.
Verse: d       duiie. saite. sraoṣ̌ō.caranaiia.

Paragraph: 49 
Verse: a    dātarə. gaēϑanąm. astuuaitinąm. aṣ̌āum.
Verse: b    kuua. narąm. iristanąm. azdibīš.1 barāma.
Verse: c          ahura. mazda.
Verse: d       kuua. nidaϑāma.

Paragraph: 50 
Verse: a    āat̰. mraot̰. ahurō. mazdā̊:
Verse: b    uždānəm.1 hē. aδāt̰. kərənaot̰.
Verse: c       upairi. spānəm.
Verse: d       upairi. raožəm.
Verse: e       upairi. vəhrkəm.
Verse: f          anaiβi.varəṇtīm.2 upara.naēmāt̰.3 apō.4 yat̰.5 vairiiaiiā̊.6

Paragraph: 51 
Verse: a    yezi. tauuąn. aēte.1 mazdaiiasna.
Verse: b       yezi. asānaēṣ̌uua.2
Verse: c       yezi. vīcicaēṣ̌uua.3
Verse: d       yezi. tūtuxṣ̌uua:4
Verse: e    yezi. nōit̰. tauuąn. aēte.5 mazdaiiasna.
Verse: f       xvā.stairiš. xvā.barəziš.
Verse: g       raocā̊. aiβi.varəna.6
Verse: h       huuarə.darəsiia. hē.
Verse: i          zəme. paiti. nidaiϑīta.7

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.