TITUS
Avestan Corpus
Part No. 101
Previous part

Chapter: 7 
Paragraph: 1 
Verse: a    pərəsat̰. zaraϑuštrō. ahurəm. mazdąm:
Verse: b       ahura. mazda.
Verse: c       mainiiō.1 spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e    kat̰. tā. nara. irista.
Verse: f       aēṣ̌a. druxš.2 yā. nasuš. upa.duuąsaiti.

Paragraph: 2 
Verse: a    āat̰. mraot̰. ahurō. mazdā̊:
Verse: b    iṣ̌arə. pasca.1 para. iristīm.
Verse: c          spitama. zaraϑuštra.
Verse: d    us. haca. baoδō. aiiāt̰.2
Verse: e       aēṣ̌a. druxš. yā. nasuš. upa.duuąsaiti.
Verse: f          apāxəδraēibiiō.3 naēmaēibiiō.
Verse: g          maxṣ̌i.4 kəhrpa. ərəγaitiia. fraṣ̌naoš.
Verse: h          apazaδaŋhō.5 akaranəm.6 driβiiā̊.8
Verse: i             yaϑa. zōiždištāiš.8 xrafstrāiš.9

Paragraph: 3 
Verse: a    dātarə. gaēϑanąm. astuuaitinąm. aṣ̌āum.
Verse: b    āat̰. yat̰. aēte.
Verse: c       yā. spō.jataca. 1vəhrkō.jataca.
Verse: d       yātu.jataca.1 t̰baēṣ̌ō.jataca.
Verse: e       vaēmō.jataca. 1maš́iiō.jataca.1
Verse: f       zūrō.jataca.2 ązō.jataca.
Verse: g    cuuaṇtəm. pascaēta. zruuānəm.
Verse: h       aēṣ̌a. druxš. yā. nasuš. upa.duuąsaiti.

Paragraph: 4 
Verse: a    āat̰. mraot̰. ahurō. mazdā̊:
Verse: b    asniiehe. pascaēta. aniiehe. raϑβō.1
Verse: c       aēṣ̌a. druxš. yā. nasuš. upa.duuąsaiti.2

Paragraph: 5  {~ Vd. 5,27}
Verse: a    dātarə. gaēϑanąm. astuuaitinąm. aṣ̌āum.
Verse: b    yō. narō. hāmō.gātuuō.1 nipaiδiieiṇte.
Verse: c          hąm. vā. paiti. stairiš.
Verse: d          hąm. vā. paiti. barəziš.
Verse: e       paitica. hē. aniia. duua. vā. nara. aŋhən.
Verse: f          paṇca. vā.
Verse: g          paṇcāsatəm. vā.
Verse: h          satəm. vā. hąm. nāirinąm.
Verse: i    āat̰. aēṣ̌ąm. narąm. aēuuō. iriϑiiāt̰.
Verse: j    cuuat̰. aṇtarə. nərə̄š. aēṣ̌a. druxš. yā. nasuš.
Verse: k       axtica. piuuatica. āhitica. frāṣ̌naoiti.

Paragraph: 6  {= Vd. 5,28}
Verse: a    āat̰. mraot̰. ahurō. mazdā̊:
Verse: b    yezi. aŋhat̰. āϑrauua.
Verse: c       frā. zī. duuąsaiti.
Verse: d             spitama. zaraϑuštra.
Verse: e          aēṣ̌a. druxš. yā. nasuš.
Verse: f    yezi. aēuuaṇdasō. frāṣ̌naoiti.
Verse: g       dasəməm. paiti.raēϑβaiieiti:
Verse: h    āat̰. yezi. aŋhat̰. raϑaēštā̊.
Verse: i       frā. zī. duuąsaiti.
Verse: j             spitama. zaraϑuštra.
Verse: k          aēṣ̌a. druxš. yā. nasuš.
Verse: l    yezi. dasəməm. frāṣ̌naoiti.
Verse: m       nāuməm. paiti.raēϑβaiieiti:
Verse: n    āat̰. yezi. aŋhat̰. vāstriiō. fṣ̌uiiąs.
Verse: o       frā. zī. duuąsaiti.
Verse: p             spitama. zaraϑuštra.
Verse: q          aēṣ̌a. druxš. yā. nasuš.
Verse: r    yezi. nāuməm. frāṣ̌naoiti.
Verse: s       aštəməm. paiti.raēϑβaiieiti.

Paragraph: 7  {= Vd. 5,29}
Verse: a    āat̰. yezi. aŋhat̰. spā. pasuš.hauruuō.
Verse: b       frā. zī. duuąsaiti.
Verse: c             spitama. zaraϑuštra.
Verse: d          aēṣ̌a. druxš. yā. nasuš.
Verse: e    yezi. aštəməm. frāṣ̌naoiti.
Verse: f       haptaϑəm. paiti.raēϑβaiieiti:
Verse: g    āat̰. yezi. aŋhat̰. spā. viš.hauruuō.
Verse: h       frā. zī. duuąsaiti.
Verse: i             spitama. zaraϑuštra.
Verse: j          aēṣ̌a. druxš. yā. nasuš.
Verse: k    yezi. haptaϑəm. frāṣ̌naoiti.
Verse: l       xštūm. paiti.raēϑβaiieiti.

Paragraph: 8  {~ Vd. 5,30}
Verse: a    āat. yezi. aŋhat̰. spā. vohunazgō.
Verse: b       frā. zī. duuąsaiti.
Verse: c             spitama. zaraϑuštra.
Verse: d          aēṣ̌a. druxš. yā. nasuš.
Verse: e    yezi. xštūm. frāṣ̌naoiti.
Verse: f       puxδəm. paiti.raēϑβaiieiti:
Verse: g    āat̰. yezi. aŋhat̰. spā. taurunō.
Verse: h       frā. zī. duuąsaiti.
Verse: i             spitama. zaraϑuštra.
Verse: j          aēṣ̌a. druxš. yā. nasuš.
Verse: k    yezi. puxδəm. frāṣ̌naoiti.
Verse: l       tūirīm. paiti.raēϑβaiieiti:
Verse: m    aētaδa. aētahe. āste.2
Verse: n       stairišca. barəzišca. hąm.vərənā̊ṇte.3

Paragraph: 9 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. aēte. stairišca.1 barəzišca.
Verse: c       aēṣ̌a. druxš. yā. nasuš. axtica.2 piuuatica.3 āhitica. frāṣ̌naoiti.

Paragraph: 10 
Verse: a    āat̰. mraot̰. ahurō. mazdā̊:
Verse: b    upəma.1 aēte.2 stairišca. aṇtəma. aiβi.varəna.
Verse: c       aēṣ̌a. druxš. yā. nasuš. axtica. piuuatica.3 āhitica. frāṣ̌naoiti.

Paragraph: 11 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. vastra. yaoždaiiąn.1 aŋhən.
Verse: c          aṣ̌āum. ahura. mazda.
Verse: d       yā. nasāum. auua.bərəta.
Verse: e          sūnō. vā. para.iristahe.
Verse: f          maš́iiehe. vā.

Paragraph: 12 
Verse: a    āat̰. mraot̰. ahurō. mazdā̊:
Verse: b    yaoždaiiąn. aŋhən.
Verse: c          aṣ̌āum. zaraϑuštra:
Verse: d    kuua. aēuua:
Verse: e    yezi. aŋhat̰.1 upaētəm.2 vā.
Verse: f       aiβi.naptīm.3 vā.
Verse: g       aiβi.iritīm.4 vā.
Verse: h       aiβi.vaṇtīm. vā.
Verse: i    aētaδa. hē. aēte. mazdaiiasna. aētā̊. vastrā̊.
Verse: j       fraca. kərəṇtən.5
Verse: k       nica.6 kanaiiən.

Paragraph: 13 
Verse: a    āat̰. yezi. nōit̰. aŋhat̰. upaētəm.1 vā.
Verse: b       aiβi.naptīm.2 vā.
Verse: c       aiβi.iritīm.3 vā.
Verse: d       aiβi.vaṇtīm.4 vā.
Verse: e    aētaδa. hē. aēte. mazdaiiasna.
Verse: f       aētā̊. vastrā̊. frasnāδaiiən. maēsmana. gə̄uš.

Paragraph: 14 
Verse: a    yezi. aŋhat̰. izaēniš.1
Verse: b       ϑriš. frasnāδaiiən. maēsmana. gə̄uš.
Verse: c       ϑriš. zəmō. haṇkanaiiən.
Verse: d       ϑriš. āpō. frasnāδaiiən.
Verse: e       ϑriš. mā̊ŋhō. upa.baoδaiiąn.
Verse: f          raocanəm. paiti. nmānahe.

Paragraph: 15 
Verse: a    āat̰. yezi. aŋhat̰. ubdaēniš.1
Verse: b       xṣ̌uuaš. frasnāδaiiən. maēsmana. gə̄uš.
Verse: c       xṣ̌uuaš. zəmō. haṇkanaiiən.2
Verse: d       xṣ̌uuaš. āpō. frasnāδaiiən.
Verse: e       xṣ̌uuaš. mā̊ŋhō. upa.baoδaiiąn.
Verse: f          raocanəm. paiti. nmānahe.

Paragraph: 16 
Verse: a    arəduuī.1 nąma. āpa.2
Verse: b          spitama. zaraϑuštra.
Verse: c       hā. mē. āpō. yaoždaδāiti.3
Verse: d       hā. arṣ̌nąm. xṣ̌udrā̊.
Verse: e       hā. xṣ̌aϑrinąm.4 garəβą.5
Verse: f       hā. xṣ̌aϑrinąm.4 paēma.

Paragraph: 17  {~ Vd. 5,57}
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. vastra. hąm.yūta.1
Verse: c       pasca. yaoždāiti. frasnāiti.
Verse: d          zaoϑre. vā. hāuuanāne. vā.
Verse: e          ātrauuaxṣ̌e. vā. frabərəϑre. vā.
Verse: f          ābərəte. vā. āsnāϑre. vā.
Verse: g          raēϑβiškare. vā. sraoṣ̌āuuarəze. vā.
Verse: h          aϑaurune. vā. maš́iiāi. raϑaēštāi. vā.
Verse: i          vāstriiāi. vā. fṣ̌uiiaṇte.

Paragraph: 18  {= Vd. 5,58}
Verse: a    āat̰. mraot̰. ahurō. mazdā̊:
Verse: b    nōit̰. tā. vastra. hąm.yūta.
Verse: c       pasca. yaoždāiti. frasnāiti.
Verse: d          zaoϑre. nōit̰. hāuuanāne.
Verse: e          nōit̰. ātrauuaxṣ̌e. nōit̰. frabərəϑre.
Verse: f          nōit̰. ābərəte. nōit̰. āsnāϑre.
Verse: g          nōit̰. raēϑβiškare. nōit̰. sraoṣ̌āuuarəze.
Verse: h          nōit̰. aϑaurune. maš́iiāi. nōit̰. raϑaēštāi.
Verse: i          nōit̰. vāstriiāi. fṣ̌uiiaṇte.

Paragraph: 19  {= Vd. 5,59}
Verse: a    yat̰. ahmi. nmāne. yat̰. māzdaiiasnōiš.
Verse: b       nāirika. daxštauuaiti. aŋhat̰.
Verse: c    yat̰. vā. skəṇdō. aipi.jatō.
Verse: d       pištrō. aipi.iritō. gātuš.
Verse: e    aētaδa. aētahe. *āste.
Verse: f       stairišca. barəzišca. hąm.vərənā̊ṇte.
Verse: g          vīspəm. ā. ahmāt̰.
Verse: h             yat̰. hąm. ci. zastō. frīne. niždarāt̰.

Paragraph: 20  {= Vd. 5,60}
Verse: a    nōit̰. zī. ahurō. mazdā̊.
Verse: b       yā̊ŋhuiianąm. auuarətanąm. paiti.riciia. daiϑe.
Verse: c    nōit̰. aspərənō.mazō.
Verse: d    nōit̰. auuacinō.mazō.
Verse: e       yauuat̰. aēṣ̌a. carāitika.
Verse: f          auui. mąm. harəkə̄. harəcaiiāt̰.

Paragraph: 21  {= Vd. 5,61}
Verse: a    yezica. aēte. mazdaiiasna. upairi. aētəm. iristəm.
Verse: b       auui. mąm. *harəkə̄. hərəziiāt̰.
Verse: c    yauuat̰. aēṣ̌a. carāitika.
Verse: d       auui. mąm. harəkə̄. harəcaiiāt̰.
Verse: e    juuascit̰. nōit̰. buuat̰. aṣ̌auua.
Verse: f    məṣ̌ascit̰. nōit̰. baxṣ̌aiti. vahištahe. aŋhə̄uš:

Paragraph: 22  {= Vd. 5,62}
Verse: a    təm. ahūm. paiϑiiāiti.
Verse: b          yim. druuatąm. təmaŋhaēnəm.
Verse: c          təmasciϑrəm. təmaŋhəm.
Verse: d    təm. vā̊. ahūm. druuaṇtō.
Verse: e       š́iiaoϑnāiš. xvāiš. xvā.daēna.
Verse: f          nisirinuiiāt̰. acištāi. aŋuhe.2

Paragraph: 23 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. nara. yaoždaiiąn. aŋhən.
Verse: c          aṣ̌āum. ahura. mazda.
Verse: d       yā. nasāum. fraŋuharāt̰.1
Verse: e          sūnō. vā. para.iristahe.
Verse: f          maš́iiehe. vā.

Paragraph: 24 
Verse: a    āat̰. mraot̰. ahurō. mazdā̊:
Verse: b    aiiaoždaiiąn.1 aŋhən.
Verse: c          aṣ̌āum. zaraϑuštra:
Verse: d    taēca. narō. gərəδō.kərətā̊sca. zərəδō.kərətā̊sca.2
Verse: e    taēca. narō. spiti.dōiϑra.3 caṣ̌manat̰. haca. nižbarəṇti.4
Verse: f    tē. aēṣ̌ąm. paiti. sruiiē.5
Verse: g       aēṣ̌a. druxš. yā. nasuš. upa.duuąsaiti:
Verse: h    aiiaoždiia. pascaēta. bauuaiṇti.6
Verse: i       yauuaēca. yauuaētātaēca.

Paragraph: 25 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. nara. yaoždaiiąn. aŋhən.
Verse: c          aṣ̌āum. ahura. mazda.
Verse: d       yā. nasāum. mat̰.gūϑąm.1
Verse: e          āpəm. ā. vā.
Verse: f          ātrəm.2 ā. vā.
Verse: g             aiiaoždiia.3 frabarəṇti.

Paragraph: 26 
Verse: a    āat̰. mraot̰. ahurō. mazdā̊:
Verse: b    aiiaoždaiiąn.1 aŋhən.
Verse: c          aṣ̌āum. zaraϑuštra:
Verse: d    tē. sūnō.2 maδaxaiiā̊sca.3
Verse: e          aogazdastəma.4 bauuaiṇti.
Verse: f       yōi.5 nasu.kərəta. druuaṇtō.
Verse: g    tē. haēcaŋhō. auuāstrahe.
Verse: h          aogazdastəma.4 bauuaiṇti.
Verse: i       yōi.5 nasu.kərəta. druuaṇtō.

Paragraph: 27 
Verse: a    tē. zəmō.1 daēuuō.dātahe.
Verse: b       gaojanō.2 jaiβi.vafrahe.
Verse: c       upa.sruuatō.3 xrūtahe.4
Verse: d       aγauuatō. duždā̊ŋhahe.
Verse: e          aogazdastəma. bauuaiṇti.
Verse: f             yōi. nasu.kərəta.5 druuaṇtō:
Verse: g    tē. aēṣ̌ąm. paiti. sruuē.6
Verse: h       aēṣ̌a. druxš. yā. nasuš. upa.duuąsaiti:
Verse: i    aiiaoždiia. pascaēta. bauuaiṇti.
Verse: j       yauuaēca. yauuaētātaēca.

Paragraph: 28 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. aēsma. yaoždaiiąn.1 aŋhən.
Verse: c          aṣ̌āum. ahura. mazda.
Verse: d       yā. nasāum. auua.bərəta.
Verse: e          sūnō.2 vā. para.iristahe.
Verse: f          maš́iiehe. vā.

Paragraph: 29 
Verse: a    āat̰. mraot̰. ahurō. mazdā̊:
Verse: b    yaoždaiiąn. aŋhən.
Verse: c          aṣ̌āum. zaraϑuštra:
Verse: d    kuua. aēuua:
Verse: e    yezi. aēṣ̌a. nasuš. anaiβi.γnixta.
Verse: f       sūnō.1 vā. kərəfš.xvarō.
Verse: g       vaiiō. vā. kərəfš.xvarō.
Verse: h          vītasti.drājō.2 yat̰. huš́anąm.3
Verse: i          frārāϑni.drājō.4 yat̰. naptanąm.5
Verse: j             aiŋ́hā̊.6 zəmō. nidaiϑiiąn.
Verse: k                kəmcit̰. paiti. caϑruṣ̌anąm.
Verse: l             hakərət̰. āpō. vīsrascaiiən.7
Verse: m    aϑa. yaoždaiiąn.

Paragraph: 30 
Verse: a    āat̰. yezi. nasuš. aiβi.γnixta.
Verse: b       sūnō. vā. kərəfš.xvarō.
Verse: c       vaiiō. vā. kərəfš.xvarō.
Verse: d          frārāϑni.drājō.1 yat̰. huš́anąm.
Verse: e          frabāzu.drājō.2 yat̰. naptanąm.
Verse: f             aiŋ́hā̊. zəmō. nidaiϑiiąn.
Verse: g                kəmcit̰.3 paiti. caϑruṣ̌anąm.
Verse: h             hakərət̰.3 āpō. vīsrascaiiən.4
Verse: i    aϑa. yaoždaiiąn.

Paragraph: 31 
Verse: a    aētauuat̰. huš́anąm. aēsmanąm.
Verse: b       aētauuat̰. naptanąm.
Verse: c       aētauuat̰. xraožduuanąm.
Verse: d       aētauuat̰. varəduuanąm.
Verse: e          aiŋ́hā̊. zəmō. nidaiϑiiąn.
Verse: f             kəmcit̰. paiti. caϑruṣ̌anąm.
Verse: g          hakərət̰. āpō. vīsrascaiiən.1
Verse: h    aϑa. yaoždaiiąn.

Paragraph: 32 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. yauuaca. vāstraca. yaoždaiiąn. aŋhən.
Verse: c          aṣ̌āum. ahura. mazda.
Verse: d       yā. nasāum. auua.bərəta.
Verse: e          sūnō. vā. para.iristahe.
Verse: f          maš́iiehe. vā.

Paragraph: 33 
Verse: a    āat̰. mraot̰. ahurō. mazdā̊:
Verse: b    yaoždaiiąn. aŋhən.
Verse: c          aṣ̌āum. zaraϑuštra:
Verse: d    kuua. aēuua:
Verse: e    yezi. aēṣ̌a. nasuš. anaiβi.γnixta.
Verse: f       sūnō. vā. kərəfš.xvarō.
Verse: g       vaiiō. vā. kərəfš.xvarō.
Verse: h          frārāϑni.drājō. yat̰. huš́anąm.
Verse: i          frabāzu.drājō.1 yat̰. naptanąm.
Verse: j             aiŋ́hā̊. zəmō. nidaiϑiiąn.
Verse: k                kəmcit̰. paiti. caϑruṣ̌anąm.
Verse: l             hakərət̰. āpō. vīsrascaiiən.2
Verse: m    aϑa. yaoždaiiąn.

Paragraph: 34 
Verse: a    āat̰. yezi. nasuš. aiβi.γnixta.
Verse: b       sūnō. vā. kərəfš.xvarō.
Verse: c       vaiiō. vā. kərəfš.xvarō.
Verse: d          frabāzu.drājō.1 yat̰. huš́anąm.
Verse: e          vībāzu.drājō. yat̰. naptanąm.
Verse: f             aiŋ́hā̊. zəmō. nidaiϑiiąn.
Verse: g                kəmcit̰. paiti. caϑruṣ̌anąm.
Verse: h             hakərət̰. āpō. vīsrascaiiən.2
Verse: i    aϑa. yaoždaiiąn.

Paragraph: 35 
Verse: a    aētauuat̰. huš́anąm. yauuanąm.
Verse: b       aētauuat̰. naptanąm.
Verse: c    aētauuat̰. karštanąm.
Verse: d       aētauuat̰. akarštanam.
Verse: e    aētauuat̰. dərətanąm.1
Verse: f       aētauuat̰. adərətanąm.1
Verse: g    aētauuat̰. xvastanąm.2
Verse: h       aētauuat̰. axvastanąm.2
Verse: i    aētauuat̰. batanam.3
Verse: j       aētauuat̰. abatanam.3
Verse: k    aētauuat̰. aṣ̌anąm.4
Verse: l       aētauuat̰. anaṣ̌anąm.4
Verse: m    aētauuat̰. aϑrəṇtąm.5 yauuanąm.
Verse: n          aiŋ́hā̊. zəmō. nidaiϑiiąn.
Verse: o             kəmcit̰. paiti. caϑruṣ̌anąm.
Verse: p          hakərət̰. āpō. vīsrascaiiən.
Verse: q    aϑa. yaoždaiiąn.6

Paragraph: 36 
Verse: a    dātarə. gaēϑanąm. astuuaitinąm. aṣ̌āum.
Verse: b    yat̰. aēte. yōi.1 mazdaiiasna. baēṣ̌azāi. frauuazā̊ṇte.
Verse: c       katārō. pauruuō.2 āmaiiā̊ṇte.3
Verse: d          mazdaiiasnaēibiiō. vā.
Verse: e          daēuuaiiasnaēibiiō. vā.

Paragraph: 37 
Verse: a    yat̰. mraot̰. ahurō. mazdā̊:
Verse: b    daēuuaiiasnaēibiiō. pauruuō.1 āmaiiaiiaṇta.2
Verse: c       yaϑa. mazdaiiasnaēibiiascit̰:
Verse: d    yat̰. paoirīm. daēuuaiiasnō. kərəṇtāt̰.
Verse: e       auua.3 hō. miriiāite.4
Verse: f    yat̰. bitīm. daēuuaiiasnō. kərəṇtāt̰.
Verse: g       auua.3 hō. miriiāite.4
Verse: h    yat̰. ϑritīm. daēuuaiiasnō. kərəṇtāt̰.
Verse: i       auua. hō. miriiāitē.4
Verse: j          anāmātō. zī. aēṣ̌ō.5
Verse: k             yauuaēca. yauuaētātaēca.

Paragraph: 38 
Verse: a    māca. pascaēta. mazdaiiasna. 1vīmāδascit̰. vīmāδaiiaṇta.
Verse: b       māca. kərəṇtu.2 mazdaiiasna.1
Verse: c       māca. kərətu.3 iriš́iiāt̰:
Verse: d    yezi. pascaēta. mazdaiiasna. 1vīmāδascit̰. vīmāδaiiā̊ṇte.4
Verse: e       yezi. kərəṇte.5 mazdaiiasna.1
Verse: f       yezi. kərətu.3 iriš́iiāt̰.
Verse: g    para. hē. iriṣ̌əṇtō.6 raēṣ̌əm. cikaiiat̰.
Verse: h       baoδō.varštahe. ciϑaiia.

Paragraph: 39 
Verse: a    yat̰. paoirīm. daēuuaiiasnō. kərəṇtāt̰.1
Verse: b       apa. hō. jasāt̰.2
Verse: c    yat̰. bitīm. daēuuaiiasnō. kərəṇtāt̰.
Verse: d       apa. hō. jasāt̰.
Verse: e    yat̰. ϑritīm. daēuuaiiasnō. kərəṇtāt̰.
Verse: f       apa. hō. jasāt̰.
Verse: g          āmātō. zī. aēṣ̌ō.3
Verse: h             yauuaēca. yauuaētātaēca.

Paragraph: 40 
Verse: a    vasō. pascaēta. mazdaiiasna. vīmāδascit̰. vīmāδaiiaṇta.1
Verse: b       vasō. kərəṇtu.2 mazdaiiasna.
Verse: c       vasō. kərətu.2 biṣ̌aziiāt̰.3

Paragraph: 41 
Verse: a    āϑrauuanəm. biṣ̌aziiāt̰.1
Verse: b       dahmaiiāt̰. parō. āfritōit̰.2
Verse: c    nmānahe. nmānō.paitīm. biṣ̌aziiāt̰.
Verse: d       nitəməm. staorəm. arəjō.
Verse: e    3vīsō. vīspaitīm. biṣ̌aziiāt̰.
Verse: f       maδəməm. staorəm. arəjō.3
Verse: g    zaṇtə̄uš. zaṇtupaitīm. biṣ̌aziiāt̰.
Verse: h       aγrīm. staorəm. arəjō.
Verse: i    daiŋ́hə̄uš.4 daiŋ́hupaitīm. biṣ̌aziiāt̰.
Verse: j       vāṣ̌əm.5 caϑru.yuxtəm.6 arəjō.

Paragraph: 42 
Verse: a    yat̰. paoirīm. nmānahe. nmānō.paitīm. nāirikąm. biṣ̌aziiāt̰.
Verse: b       kaϑβa. daēnu.1 arəjō.
Verse: c    vīsō. vīspaitīm. nāirikąm.2 biṣ̌aziiāt̰.
Verse: d       gauua.3 daēnu. arəjō.
Verse: e    zaṇtə̄uš. zaṇtupaitīm. nāirikąm. biṣ̌aziiāt̰.
Verse: f       aspa. daēnu. arəjō.
Verse: g    daiŋ́hə̄uš. daiŋ́hupaitīm. nāirikąm. biṣ̌aziiāt̰.
Verse: h       uštra. daēnu. arəjō.

Paragraph: 43 
Verse: a    vīsō.1 puϑrəm.2 biṣ̌aziiāt̰.
Verse: b       aγrīm. staorəm. arəjō.
Verse: c    aγrīm. staorəm. biṣ̌aziiāt̰.
Verse: d       maδəməm. staorəm. arəjō.
Verse: e    maδəməm.3 staorəm. biṣ̌aziiāt̰.
Verse: f       4nitəməm. staorəm. arəjō.4
Verse: g    nitəməm. staorəm. biṣ̌aziiāt̰.
Verse: h       anumaēm. arəjō.
Verse: i    anumaēm. biṣ̌aziiāt̰.
Verse: j       gə̄uš. xvarəϑahe. arəjō.

Paragraph: 44 
Verse: a    yat̰. pouru.baēṣ̌aza.1 haṇjasā̊ṇte.
Verse: b          spitama. zaraϑuštra.
Verse: c       karətō.baēṣ̌azə̄sca.2
Verse: d       uruuarō.baēṣ̌azə̄sca.
Verse: e       mąϑrō.baēṣ̌azə̄sca.
Verse: f    təm. iϑra.3 haṇjasā̊ṇte.
Verse: g       yat̰. mąϑrəm. spəṇtəm.4 baēṣ̌azəm:5
Verse: h    aēṣ̌ō. zī. asti. 6baēṣ̌azanąm. baēṣ̌aziiōtəmō.
Verse: i       yat̰. mąϑrəm. spəṇtəm. baēṣ̌aziiō.7
Verse: j          yō. narš. aṣ̌aonō. haca. uruϑβąn.8 biṣ̌aziiāt̰.

Paragraph: 45 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuaṇtəm. drājō. zruuānəm.
Verse: c       sairi.1 maš́iia. iriste.2
Verse: d          zəmē. niδāite.3
Verse: e          raocā̊. aiβi.varəna. huuarə.darəsiia.4
Verse: f             zəmō.5 bauuaiṇti.6

Paragraph: 46 
Verse: a    āat̰. mraot̰. ahurō. mazdā̊:
Verse: b    yārə.drājō.
Verse: c          aṣ̌āum. zaraϑuštra.
Verse: d       sairi.1 maš́iia. iriste.2
Verse: e          zəmē. niδāite.3
Verse: f          raocā̊. aiβi.varəna. huuarə.darəsiia.
Verse: g             zəmō. bauuaiṇti.

Paragraph: 47 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuaṇtəm. drājō. zruuānəm.
Verse: c       sairi.1 maš́iia. iriste.2
Verse: d          zəmē. nikaṇte.3
Verse: e             hauuat̰.zəmō.4 bauuaiṇti.

Paragraph: 48 
Verse: a    āat̰. mraot̰. ahurō. mazdā̊:
Verse: b    pasca. paṇcāsatəm. sarəδąm.
Verse: c          spitama. zaraϑuštra.
Verse: d       sairi.1 maš́iia. iriste.2
Verse: e          zəmē. nikaṇte.3
Verse: f             hauuat̰.zəmō.4 bauuaiṇti.

Paragraph: 49 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuaṇtəm. drājō. zruuānəm.
Verse: c       sairi.1 maš́iia. iriste.
Verse: d          daxme.2 niδāite.3
Verse: e             hauuat̰.zəmō.4 bauuaiṇti.

Paragraph: 50 
Verse: a    āat̰. mraot̰. ahurō. mazdā̊:
Verse: b    nōit̰. nū.1 para. ahmāt̰.
Verse: c          spitama. zaraϑuštra.
Verse: d       yat̰. aēṣ̌a. pąsnu.2 raēϑβāt̰:
Verse: e    haxṣ̌aēša.3
Verse: f          spitama. zaraϑuštra.
Verse: g       kəmcit̰. aŋhə̄uš. astuuatō.
Verse: h          aētaēṣ̌uua. daxmaēṣ̌uua. vī.kaṇtə̄e.4

Paragraph: 51 
Verse: a    yasca.1 mē. aētaēṣ̌ąm. yat̰. daxmanąm.
Verse: b       auuauuaṇtəm. mazō. vīkānaiiāt̰.
Verse: c          yaϑa. hē. tanuš. aŋhat̰.
Verse: d    patitəm.2 hē. manō. aŋhat̰.
Verse: e       patitəm.2 vacō.
Verse: f       patitəm. š́iiaoϑnəm.
Verse: g    uzuuarštəm. hē. manō. aŋhat̰.
Verse: h       uzuuarštəm. vacō.
Verse: i       uzuuarštəm. š́iiaoϑnəm.

Paragraph: 52 
Verse: a    nōit̰. zī. ahmi. paiti. nairi.1 duua. mainiiū.2 rə̄na.3 auua.stā̊ŋhat̰:
Verse: b       fraṣ̌a. fraiia.4 vahištəm. ā. ahūm:5
Verse: c    bərəjaiiā̊ṇti. ṣ̌ē.6 zaraϑuštra.
Verse: d       strə̄šca.7 mā̊ŋhəmca. huuarəca.
Verse: e    azəmca. hē. bərəjaēm.8
Verse: f       yō. daδuuā̊. ahurō. mazdā̊:
Verse: g    ušta.9 iϑa. tē. narə.10
Verse: h       yō.11 iϑiiejaŋhatat̰. haca. aŋhaot̰.
Verse: i          aiϑiiejaŋhəm.12 ahūm.13 ā. frafrā̊.

Paragraph: 53 
Verse: a    dātarə. gaēϑanąm. astuuaitinąm. aṣ̌āum.
Verse: b    kuua. asti. daēuuō.
Verse: c       kuua. daēuuaiiāzō.
Verse: d       kuua. daēuuanąm. haṇduuarənō.1
Verse: e       kuua. daēuuanąm. hąm.patanō.2
Verse: f    kuua. daēuua.3 haṇduuarəṇti.4
Verse: g       paṇcasaγnāi.5 sataγnāišca.6
Verse: h       sataγnāi. hazaŋraγnāišca.
Verse: i       hazaŋraγnāi. baēuuarəγnāišca.
Verse: j       baēuuarəγnāi. ahąštaγnāišca.7

Paragraph: 54 
Verse: a    āat̰. mraot̰. ahurō. mazdā̊:
Verse: b    1aētaēṣ̌uua. daxmaēṣ̌uua.
Verse: c          spitama. zaraϑuštra.
Verse: d       yōi. paiti. āiia. zəmā.2 bauuaiṇti. uzdaēza. uzdišta.3
Verse: e       yahmiia. narō. irista. niδaiieiṇte.4
Verse: f    hāu.5 asti. daēuuō.
Verse: g       hāu. daēuuaiiāzō.
Verse: h       hāu. daēuuanąm. haṇduuarənō.6
Verse: i       hāu. daēuuanąm. hąm.patanō.
Verse: j    auuat̰.7 daēuua. haṇduuarəṇti.8
Verse: k       paṇcasaγnāi.9 sataγnāišca.
Verse: l       sataγnāi.10 hazaŋraγnāišca.
Verse: m       hazaŋraγnāi.9 baēuuarəγnāišca.
Verse: n       baēuuarəγnāi.11 ahąštaγnāišca.12

Paragraph: 55 
Verse: a    mąnaiiən. bā.
Verse: b          spitama. zaraϑuštra.
Verse: c    aēte. yōi.1 daēuua. aētaēṣ̌uua. daxmaēṣ̌uua. gaŋhəṇti.2
Verse: d       apāca. vaēpəṇti.
Verse: e          yaϑa. aētahmi. aŋhuuō. yat̰. astuuaiṇti.
Verse: f             yūžəm. yōi.1 maš́iiāka.
Verse: g                xvarəϑa. xvāsta. huiiārəš.3
Verse: h                gąmca. xvāstəm. xvaraiti.4
Verse: i                   nāuiti.5
Verse: j    hā. aēte.6 yōi.1 maš́iiāka. xvarəṇti.7 framaniiete.8

Paragraph: 56 
Verse: a    aēṣ̌ō. zī. asti. daēuuanąm. rapakō.
Verse: b       vīspəm. ā. ahmāt̰.
Verse: c          yat̰. aēṣ̌a. gaṇtiš.1 upaŋhacaiti.2

Paragraph: 57 
Verse: a    aētaēṣ̌uua. daxmaēṣ̌uua.1 hąm.bauuaiṇti.
Verse: b       axtišca. garənušca.
Verse: c       tafnušca. naēzasca.2
Verse: d       3sārastišca. aγōstišca.3
Verse: e    pouruṣ̌u.4 asti. varsō.5

Paragraph: 58 
Verse: a    aētaēṣ̌uua. daxmaēṣ̌uua. maš́iia. hąm. mərəṇciiąstəma.1 bauuaiṇti.
Verse: b       pasca. hū.2 frāṣ̌mō.dāitīm.3

Paragraph: 59 
Verse: a    taēca.
Verse: b          yā. kasu.xratuš. masiiō.xraϑβąm. nōit̰. paitiṣ̌aiti.1
Verse: c       ϑriṣ̌um.2 aētaēṣ̌ąm.3 axtinąm. jąnaiiō.4 drəṇjaiti.5
Verse: d    aoštaca. paiti. dumnaca.6 ϑriuuataca.7 gaēsuš.

Paragraph: 60  {~ Vd. 5,45}
Verse: a    dātarə. gaēϑanąm. astuuaitinąm. aṣ̌āum.
Verse: b    yat̰. ahmi. nmāne. yat̰. māzdaiiasnōiš.
Verse: c       nāirika. upas.puϑrīm. jasāt̰.1
Verse: d          aēuuō.māhīm. vā. bimāhīm. vā.
Verse: e          ϑrimāhīm. vā. caϑru.māhīm. vā.
Verse: f          paṇca.māhīm. vā. xṣ̌uuaš.māhīm. vā.
Verse: g          hapta.māhīm. vā. ašta.māhīm. vā.
Verse: h          nauua.māhīm. vā. dasa.māhīm. vā.
Verse: i    aētaδa. aēṣ̌a. nāirika. taδa.
Verse: j       apuϑrīm. nijasāt̰. uzuštana.
Verse: k    kuϑa. tē. vərəziiąn.
Verse: l       aēte. yōi. mazdaiiasna.

Paragraph: 61  {= Vd. 5,46}
Verse: a    āat̰. mraot̰. ahurō. mazdā̊:
Verse: b    yat̰. ahmi. nmāne. yat̰. māzdaiiasnōiš. fraēštəm.
Verse: c       yaoždātō.zəmōtəməmca. huš́ō.zəmōtəməmca.
Verse: d       kambištəmca. aēte. paϑā̊. fraiiąn.
Verse: e          pasuuasca. staorāca.
Verse: f          ātrəmca. ahurahe. mazdā̊.
Verse: g          barəsmaca. aṣ̌aiia. frastarətəm.
Verse: h          narəmca. yim. aṣ̌auuanəm.

Paragraph: 62  {= Vd. 5,47}
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. drājō. haca. āϑrat̰.
Verse: c    cuuat̰. drājō. haca. apat̰.
Verse: d    cuuat̰. drājō. haca. barəsmən. frastairiiāt̰.
Verse: e    cuuat̰. drājō. haca. nərəbiiō. aṣ̌auuabiiō.

Paragraph: 63  {= Vd. 5,48}
Verse: a    āat̰. mraot̰. ahurō. mazdā̊:
Verse: b    ϑrisata.gāim. haca. āϑrat̰.
Verse: c    ϑrisata.gāim. haca. apat̰.
Verse: d    ϑrisata.gāim. haca. barəsmən. frastairiiāt̰.
Verse: e    ϑrigāim. haca. nərəbiiō. aṣ̌auuabiiō.

Paragraph: 64  {= Vd. 5,49}
Verse: a    aētaδa. hē. aēte. mazdaiiasna.
Verse: b       aiŋ́hā̊. zəmō. pairi.daēząn. pairi.daēzaiiąn.
Verse: c          xvarəϑaēibiiō. pascaēta. āstaiiaṇta.
Verse: d             aēte. yōi. mazdaiiasna.
Verse: e          vastraēibiiō. pascaēta. āstaiiaṇta.
Verse: f             aēte. yōi. mazdaiiasna.

Paragraph: 65  {= Vd. 5,50}
Verse: a    dātarə. gaēϑanąm. astuuaitinąm. aṣ̌āum.
Verse: b    ciš. aēṣ̌a. nāirika.
Verse: c       paoirīm. xvarəϑanąm. xvarāt̰.

Paragraph: 66  {= Vd. 5,51}
Verse: a    āat̰. mraot̰. ahurō. mazdā̊:
Verse: b    gə̄uš. maēsmana. ātriiō.paiti.iristəm.
Verse: c       ϑriš. vā. ṣ̌āmąn.
Verse: d       yat̰. vā. xṣ̌uuaš.
Verse: e       yat̰. vā. nauua.
Verse: f    aēte. baxma. upaŋharəzaēta.
Verse: g       aṇtarāt̰. naēmāt̰. barəϑriṣ̌uua. uruϑβō.huua:

Paragraph: 67  {= Vd. 5,52}
Verse: a    āat̰. pascaēta. aipi.γžauruuatąm.
Verse: b       aspaiianąmca. paiiaŋhąm.
Verse: c       gāuuaiianąmca. maēṣ̌inanąmca. buziianąmca.
Verse: d       hąm.vaoirinąm. us.vaoirinąm.
Verse: e       gąmca. xvāstəm. anāpəm.
Verse: f       yaomca. aṣ̌əm. anāpəm.
Verse: g       maδuca. anāpəm.

Paragraph: 68  {= Vd. 5,53}
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. drājō. upa.mąnaiiən.
Verse: c    cuuat̰. drājō. upa.maitīm. āste. xvarəṇti.
Verse: d       gąmca. yaomca. maδuca.

Paragraph: 694  {= Vd. 5,54}
Verse: a    āat̰. mraot̰. ahurō. mazdā̊:
Verse: b    ϑrixṣ̌aparəm. upa.mąnaiiən.
Verse: c    ϑrixṣ̌aparəm. upa.maitīm. āste. xvarəṇti.
Verse: d       gąmca. yaomca. maδuca:
Verse: e    āat̰. pasca. ϑrixṣ̌aparāt̰.
Verse: f       us. tanūm. snaiiaēta.
Verse: g       us. vastrāt̰.
Verse: h          gə̄uš. maēsmana.
Verse: i          apāca. nauua. upa. maγəm. paiti.
Verse: j    auuaϑa. yaoždaiiąn.

Paragraph: 70 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica.1 hē. hąm. tafnō. jasāt̰.
Verse: c          auui. tanuiie. zōiṣ̌nuiie.2
Verse: d    yezica. hē. duua. yaska.
Verse: e          auui. acištō. ājasāt̰.
Verse: f       yasca. ṣ̌uδō. yasca. tarṣ̌nō.
Verse: g    xvarāt̰. aēṣ̌a. nāirika. āpəm.

Paragraph: 71 
Verse: a    āat̰. mraot̰. ahurō. mazdā̊:
Verse: b    xvarāt̰.
Verse: c    auuat̰.1 hē. asti. masiiō. arəϑəm.2
Verse: d    yat̰. uštānəm. buṇjaiiāt̰.3
Verse: e       para.4 kahmāicit̰.5 dahmanąm.
Verse: f          dahmāhu. vaēϑāhu.6
Verse: g          dahmaca.7 aṣ̌auuanasca:8
Verse: h    aδa.9 aēṣ̌a. nāirika. zastō.maiti.10 āpəm. fraŋuharāt̰:
Verse: i    āat̰. vō. yūžəm. yōi. mazdaiiasna. ciϑąm. frāϑβərəsaēta.11
Verse: j       aoxtō. ratuš.
Verse: k       aoxtō. sraoṣ̌āuuarəzō.
Verse: l          ciϑąm. frāϑβərəsaiti.12

Paragraph: 72 
Verse: a    kā. hē. asti. ciϑa:
Verse: b    āat̰. mraot̰. ahurō. mazdā̊:
Verse: c    aētahe. paiti. pəṣ̌ō.tanuiie.1
Verse: d       duiie. saite. upāzananąm. upāzōit̰. aspahe. aštraiia.
Verse: e       duiie. saite. sraoṣ̌ō.caranaiia.

Paragraph: 73 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. tašta. ā̊ŋuharəna.1 yaoždaiiąn. aŋhən.
Verse: c          aṣ̌āum. ahura. mazda.
Verse: d       yā. nasāum. auua.bərəta.
Verse: e          sūnō. vā. para.iristahe.
Verse: f          maš́iiehe. vā.

Paragraph: 74 
Verse: a    āat̰. mraot̰. ahurō. mazdā̊:
Verse: b    yaoždaiiąn. aŋhən.
Verse: c          aṣ̌āum. zaraϑuštra:
Verse: d    kuua. aēuua:
Verse: e    yezi. aŋhat̰. zarənaēniš.1
Verse: f       hakərət̰.2 frasnāδaiiən. maēsmana. gə̄uš.
Verse: g       hakərət̰.2 zəmō. uzdāϑaiiən.
Verse: h       3hakərət̰. āpō. frasnāδaiiən.3
Verse: i    aϑa. yaoždaiiąn.

Paragraph: 75 
Verse: a    āat̰. yezi. aŋhat̰. ərəzataēniš.1
Verse: b       2biš. frasnāδaiiən. maēsmana. gə̄uš.
Verse: c       biš. zəmō. uzdāϑaiiən.
Verse: d       biš. āpō. frasnāδaiiən.
Verse: e    aϑa. yaoždaiiąn:
Verse: f    āat̰. yezi. aŋhat̰. aiiaŋhaēniš.3
Verse: g       ϑriš. frasnāδaiiən. maēsmana. gə̄uš.
Verse: h       ϑriš. zəmō. uzdāϑaiiən.
Verse: i       ϑriš. āpō. frasnāδaiiən.
Verse: j    aϑa. yaoždaiiąn:
Verse: k    āat̰. yezi. aŋhat̰. haosafnaēniš.4
Verse: l       caϑruš. frasnāδaiiən. maēsmana. gə̄uš.
Verse: m       caϑruš. zəmō. uzdāϑaiiən.
Verse: n       caϑruš. āpō. frasnāδaiiən.
Verse: o    aϑa. yaoždaiiąn:
Verse: p    āat̰. yezi. aŋhat̰. zarštuuaēniš.5
Verse: q       xṣ̌uuaš. frasnāδaiiən. 6maēsmana. gə̄uš.6
Verse: r       xṣ̌uuaš. zəmō. uzdāϑaiiən.
Verse: s       xṣ̌uuaš. āpō. frasnāδaiiən.
Verse: t    aϑa. yaoždaiiąn:
Verse: u    āat̰. yezi. aŋhat̰. zəmaēniš.7 druuaēniš.7 frauuāxṣ̌aēniš.8
Verse: v       yauuaētāite. aiiaoždiia.9

Paragraph: 76 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. gə̄uš. yaoždaiiąn. aŋhən.
Verse: c          aṣ̌āum. ahura. mazda.
Verse: d       yā. nasāum. fraŋuharāt̰.
Verse: e          sūnō. vā. para.iristahe.
Verse: f          maš́iiehe. vā.

Paragraph: 77 
Verse: a    āat̰. mraot̰. ahurō. mazdā̊:
Verse: b    yaoždaiiąn. aŋhən.
Verse: c          aṣ̌āum. zaraϑuštra:
Verse: d    nōit̰. paiiō. fṣ̌uta.1 zaoϑre.
Verse: e    nōit̰. gə̄uš. zaoϑre.
Verse: f       barəsmaine. paiti.baire.2
Verse: g          aṇtarāt̰. naēmāt̰. yārə.drājō.
Verse: h    āat̰. pasca. yārə.drājō.
Verse: i       vasō. xvarəϑā̊.3 aŋhən.
Verse: j          nərəbiiō. aṣ̌auuabiiō.
Verse: k             hamaϑa. yaϑa. paracit̰.

Paragraph: 78 
Verse: a    kō. hō. aŋhat̰.1 ahura. mazda.
Verse: b       2yō. aṣ̌əm. mainimnō.2
Verse: c          aṣ̌əm. isəmnō.3
Verse: d             aṣ̌əm. 4aparaoδaiieite.5
Verse: e          aṣ̌əmca. mainimnō.4
Verse: f             drujimca.6 vīnasti.

Paragraph: 79 
Verse: a    āat̰. mraot̰. ahurō. mazdā̊:
Verse: b    hō. bā.1 aŋhat̰.
Verse: c          aṣ̌āum. zaraϑuštra.
Verse: d       yō. aṣ̌əm. mainimnō.
Verse: e          aṣ̌əm. isəmnō.2
Verse: f             aṣ̌əm. aparaoδaiieite.3
Verse: g          aṣ̌əmca. mainimnō.
Verse: h             drujimca.4 vīnasti.5
Verse: i    yō. nasumaitīm. āpəm. vīzaoϑrąm. frabaraiti.6
Verse: j    yō. upa.naxturuṣ̌u.7 tąϑraēṣ̌u. vīzaoϑrąm. frabaraiti.6

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.