TITUS
Avestan Corpus
Part No. 102
Previous part

Chapter: 8 
Paragraph: 1 
Verse: a    āat̰. yat̰. dāuru.1upa.darane. vā.
Verse: b       nimatō.2aiβi.varane.3 vā.4
Verse: c          spā. vā. nā. vā. iriϑiiāt̰.
Verse: d    kuϑa. tē. vərəziiąn.
Verse: e       aēte. yōi.5 mazdaiiasna.

Paragraph: 2 
Verse: a    āat̰. mraot̰. ahurō. mazdā̊.
Verse: b    upairi.1 daxma. aēṣ̌aiiąn.2
Verse: c    vī. daxma. caēṣ̌aiiąn:3
Verse: d    yezi. aētəm. iristəm. upa.bərəϑβōtarəm. auua.zanąm.
Verse: e       auua. aētəm. iristəm. baraiiən.
Verse: f       auuaϑa.4 nmānəm. hərəzaiiən.
Verse: g    upa. aētəm. nmānəm. baoδaiiąn.
Verse: h       uruuāsnaiiā̊. vā.
Verse: i       vohu.gaonahe. vā.
Verse: j       vohu.kərətōiš. vā.
Verse: k       haδānaēpataiiā̊. vā.
Verse: l       kąmcit̰. vā.5 hubaoiδitəmanąm. uruuaranąm.

Paragraph: 3 
Verse: a    yezi. aētəm. nmānəm. upa.bərəϑβōtarəm. auua.zanąm.
Verse: b       auua. aētəm. nmānəm. baraiiən.
Verse: c       auuaϑa. iristəm. hərəzaiiən.1
Verse: d    upa. aētəm. nmānəm. baoδaiiąn.
Verse: e       uruuāsnaiiā̊. vā.2
Verse: f       vohu.gaonahe. vā.
Verse: g       vohu.kərətōiš. vā.
Verse: h       haδānaēpataiiā̊. vā.
Verse: i       kąmcit̰. vā.5 hubaoiδitəmanąm. uruuaranąm.

Paragraph: 4 
Verse: a    dātarə. gaēϑanąm. astuuaitinąm. aṣ̌āum.
Verse: b    yat̰. ahmi. nmāne. yat̰. māzdaiiasnōiš.1
Verse: c       spā. vā. nā. vā. iriϑiiāt̰.
Verse: d          vārəṇti.2 vā.
Verse: e          snaēžiṇti.3 vā.
Verse: f          barəṇti.4 vā.
Verse: g          təmaŋhąm. vā. aiβi.gātō.5
Verse: h          aiiąn.6 vā. varətafṣ̌ō.7 varətō.vīre. jasəṇti.8
Verse: i    kuϑa. tē. vərəziiąn.
Verse: j       aēte. yōi. mazdaiiasna.

Paragraph: 5  {~ Vd. 5,46}
Verse: a    1āat̰. mraot̰. ahurō. mazdā̊:
Verse: b    yat̰. ahmi. nmāne. yat̰. māzdaiiasnōiš.2 fraēštəm.1
Verse: c       yaoždātō.zəmōtəməmca. huš́ō.zəmōtəməmca.
Verse: d       kambištəmca. aēte. paϑā̊. fraiiąn.
Verse: e          pasuuasca. staorāca.
Verse: f          ātrəmca. ahurahe. mazdā̊.
Verse: g          barəsmaca. aṣ̌aiia. frastarətəm.
Verse: h          narəmca. yim. aṣ̌auuanəm.

Paragraph: 6  {= Vd. 5,47}
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. drājō. haca. āϑrat̰.
Verse: c    cuuat̰. drājō. haca. apat̰.
Verse: d    cuuat̰. drājō. haca. barəsmən. frastairiiāt̰.
Verse: e    cuuat̰. drājō. haca. nərəbiiō. aṣ̌auuabiiō.

Paragraph: 7  {= Vd. 5,48}
Verse: a    āat̰. mraot̰. ahurō. mazdā̊:
Verse: b    ϑrisata.gāim. haca. āϑrat̰.
Verse: c    ϑrisata.gāim. haca. apat̰.
Verse: d    ϑrisata.gāim. haca. barəsmən.1 frastairiiāt̰.
Verse: e    ϑrigāim. haca. nərəbiiō. aṣ̌auuabiiō.

Paragraph: 8 
Verse: a    aētaδa. hē. aēte. mazdaiiasna.
Verse: b       aiŋ́hā̊.1 zəmō. auua.kanəm. auua.kanaiiən.
Verse: c          maiδiiōi. paitištāne. xrūždisme.2
Verse: d          maiδiiōi. narš. varədusme.
Verse: e    auua. hē. gātūm. baraiiən.
Verse: f       ātriiehe. vā.
Verse: g       sairiiehe.3 vā.
Verse: h    auua. hē. uparāt̰. naēmāt̰. baraiiən.
Verse: i       ištiiehe.4 vā.
Verse: j       zarštuuahe. vā.
Verse: k       huš́ō.zəmanąm.5 vā. pąsnūm.6

Paragraph: 9 
Verse: a    1aētaδa. hē. uzbaoδąm. tanūm. nidaiϑiiąn.
Verse: b       bixṣ̌aparəm. vā.
Verse: c       ϑrixṣ̌aparəm. vā.
Verse: d       māzdrājahīm. vā.
Verse: e          vīspəm. ā. ahmāt̰.
Verse: f             yat̰. frā. vaiiō. patąn.
Verse: g                frā. uruuara. uxṣ̌iiąn.
Verse: h                niiā̊ṇcō. apa.tacin.
Verse: i                us. vātō. ząm. haēcaiiāt̰.

Paragraph: 10 
Verse: a    āat. yat̰. hīš. frā. vaiiō. patąn.
Verse: b       frā. uruuara. uxṣ̌iiąn.
Verse: c       niiā̊ṇcō. apa.tacin.
Verse: d       us. vātō. ząm. haēcaiiāt̰.
Verse: e    aētaδa. hē. aēte. mazdaiiasna.
Verse: f       ahe. nmānahe. upa.ϑβərəsąn. upa.ϑβərəsaiiąn:1
Verse: g    duua. dim. nara. isōiϑe. vīzōištąm.2 vīzuuārəṇtąm.3
Verse: h       maγna. anaiβi.vastra.
Verse: i          zəmōištuue.4 vā.
Verse: j          zarštuue.5 vā.
Verse: k             upa.skaṇbəm.6
Verse: l    vīcicaēṣ̌uua.7 dim. paiti. aiŋ́hā̊.8 zəmō. nidaiϑiiąn.
Verse: m       yaδōit̰. dim. bāiδištəm. auuazanąm.
Verse: n          sūnō. vā. kərəfš.xvarō.
Verse: o          vaiiō. vā. kərəfš.xvarō.

Paragraph: 11 
Verse: a    aētaδa.1 aēte. nasukaṣ̌a. nišhiδaēta.2
Verse: b       auuauuat̰. haca. iristaēibiiō.3 yaϑa. ϑrigāim:
Verse: c    āat̰. vaocāt̰. ratuš. aṣ̌auua. mazdaiiasnaēibiiō:
Verse: d    mazdaiiasna.
Verse: e    hąm. aēte.4 maēsma. baraiiən.
Verse: f       yaēibiiō. aēte. nasukaṣ̌a. frasniiā̊ṇte.5
Verse: g          varəsā̊sca.6 tanūmca.

Paragraph: 12 
Verse: a    dātarə. gaēϑanąm. astuuaitinąm. aṣ̌āum.
Verse: b    caiiō. āat̰. aēte. maēsma. aŋhən.
Verse: c          aṣ̌āum. ahura. mazda.
Verse: d       yaēibiiō. aēte. nasukaṣ̌a. frasniiā̊ṇte.1
Verse: e          varəsā̊sca. tanūmca.
Verse: f       pasuuąm. vā. staorąm. vā.
Verse: g       narąm. vā. nāirinąm. vā.

Paragraph: 13 
Verse: a    āat̰. mraot̰. ahurō. mazdā̊:
Verse: b    pasuuąm. vā. staorąm. vā.
Verse: c    nōit̰. narąm. nōit̰. nāirinąm.
Verse: d       paragət̰.1 duuaēibiia.2
Verse: e          yōi.3 aŋhən.4 xvaētuuadaϑasca.5 xvaētuuadaiϑīšca.6
Verse: f    aēte. maēsma. maēzaiiaṇta.
Verse: g       yaēibiiō. aēte. nasukaṣ̌a. frasniiā̊ṇte.7
Verse: h          varəsā̊sca. tanūmca.

Paragraph: 14 
Verse: a    dātarə. gaēϑanąm. astuuaitinąm. aṣ̌āum.
Verse: b    yōi.1 paϑa. uzbarəṇte.
Verse: c       spānasca.2 irista.
Verse: d       naraēca.3 irista.
Verse: e    kat̰. tā̊. paϑā̊. fraiiąn.
Verse: f       pasuuąm. vā. staorąm. vā.
Verse: g       narąm. vā. nāiriṇąm. vā.
Verse: h       ātrəm.4 vā.5 ahurahe. mazdā̊. puϑrəm.
Verse: i       barəsma. vā. aṣ̌aiia. frastarətəm.

Paragraph: 15 
Verse: a    āat̰. mraot̰. ahurō. mazdā̊:
Verse: b    nōit̰. tā̊. paϑā̊. fraiiąn.
Verse: c       pasuuąm. nōit̰. staorąm.
Verse: d       nōit̰. narąm. nōit̰. nāirinąm.
Verse: e       nōit̰. ātrəm. ahurahe. mazdā̊. puϑrəm.
Verse: f       nōit̰. barəsma.1 aṣ̌aiia. frastarətəm.

Paragraph: 16 
Verse: a    spānəm. zairitəm. caϑru.caṣ̌məm.
Verse: b       spaētəm. zairi.gaōṣ̌əm.1
Verse: c          āϑritīm. taδa.2 aētā̊.3 paϑā̊. vīuuāδauuaṇtu:4
Verse: d    aiβi.niticit̰.5
Verse: e          spitama. zaraϑuštra.
Verse: f       spānəm. zairitəm.6 caϑru.caṣ̌məm.
Verse: g       spaētəm. zairi.gaoṣ̌əm.
Verse: h          aēṣ̌a. druxš. yā. nasuš. apa.duuąsaiti.
Verse: i             apāxəδraēibiiō.7 naēmaēibiiō.8

Paragraph: 17 
Verse: a    yezi. nōit̰. upa.1vī.
Verse: b          spitama. zaraϑuštra.
Verse: c       spānəm. zairitəm. caϑru.caṣ̌məm.
Verse: d       nōit̰.2 spaētəm. zairi.gaoṣ̌əm.
Verse: e          xṣ̌uuažaiiacit̰.3 taδa.4 aētā̊.5 paϑā̊. vīuuāδaiiaṇtu:6
Verse: f    aiβi.niticit̰.7
Verse: g          spitama. zaraϑuštra.
Verse: h       spānəm. zairitəm. caϑru.caṣ̌məm.
Verse: i       spaētəm. zairi.gaoṣ̌əm.
Verse: j          aēṣ̌a. druxš. yā. nasuš.8 apa.duuąsaiti.
Verse: k             apāxəδraēibiiō. naēmaēibiiō.

Paragraph: 18 
Verse: a    yezi. nōit̰. upa.vī.
Verse: b          spitama. zaraϑuštra.
Verse: c       spānəm. zairitəm. caϑru.caṣ̌məm.
Verse: d       nōit̰.1 spaētəm. zairi.gaoṣ̌əm.
Verse: e          nāumaiiācit̰.2 taδa. aētā̊. paϑā̊. vīuuāδaiiaṇtu:
Verse: f    aiβi.niticit̰.
Verse: g          spitama. zaraϑuštra.
Verse: h       spānəm. zairitəm. caϑru.caṣ̌məm.
Verse: i       spaētəm. zairi.gaoṣ̌əm.
Verse: j          aēṣ̌a. druxš. yā. nasuš. apa.duuąsaiti.3
Verse: k             apāxəδraēibiiō.4 naēmaēibiiō.

Paragraph: 19 
Verse: a    yezi. nōit̰.1 upa.vī.
Verse: b          spitama. zaraϑuštra.
Verse: c       spānəm. zairitəm. caϑru.caṣ̌məm.
Verse: d       nōit̰. spaētəm. zairi.gaoṣ̌əm.
Verse: e    āϑrauua. paoirīm.2 aētā̊. paϑā̊. fraiiaṇtu.
Verse: f       vārəϑraγnīš.3 vacō. framrū:4


Verse: Q1a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1c    xšaϑrəmcā. ahurāi.ā.   yim. drigubiiō. dadat̰. vāstārəm.::

Paragraph: 20  {= Y. 46,7}
Verse: Q1a    kə̄m.nā. mazdā.2   mauuaitē. pāiiūm. dadāt̰.
Verse: Q1b    hiiat̰. mā. drəguuā̊.   dīdarəṣ̌atā. aēnaŋhē.
Verse: Q1c    aniiə̄m. ϑβahmāt̰.   āϑrascā. manaŋhascā.
Verse: Q1d    yaiiā̊. š́iiaoϑanāiš.   aṣ̌əm. ϑraoštā. ahurā.
Verse: Q1e    tąm.mōi. dąstuuąm.   daēnaiiāi. frāuuaocā.

{~ Y. 44,16}
Verse: Q2b    kə̄. vərəϑrəm.jā.3   ϑβā. pōi. sə̄ṇghā. yōi. həṇtī.
Verse: Q2c    ciϑrā. mōi. dąm.   ahīmbiš. ratūm. cīždī.
Verse: Q2d    at̰. hōi. vohū.   səraoṣ̌ō. jaṇtū. manaŋhā.
Verse: Q2e    mazdā. ahmāi.   yahmāi. vaṣ̌ī. kahmāicīt̰.



Paragraph: 21 
Verse: a    pāta. nō. t̰biṣ̌iiaṇtat̰. pairi.
Verse: b       mazdā̊sca. ārmaitišca. spəṇtasca:1
Verse: c    nase.2 daēuuī.3 druxš.
Verse: d    nase. daēuuō.ciϑre.4
Verse: e    nase. daēuuō.frakaršte.5
Verse: f    nase. daēuuō.fradāiti.6
Verse: g    apa. druxš. nase.7
Verse: h    apa. druxš. duuāra.8
Verse: i    apa. druxš. vīnase.
Verse: j    apāxəδre.9 apa.nasiiehe.10
Verse: k       māmərəṇcainīš.11 gaēϑā̊. astuuaitīš. aṣ̌ahe.

Paragraph: 22 
Verse: a    vasō. pascaēta. mazdaiiasna. aētā̊. paϑā̊. fraiiąn.
Verse: b       pasuuąm. vā. staorąm. vā.
Verse: c       narąm. vā. nāirinąm. vā.
Verse: d       ātrəm. vā.1 ahurahe. mazdā̊. puϑrəm.
Verse: e       barəsma. vā. aṣ̌aiia. frastarətəm:2
Verse: f    vasō. pascaēta. mazdaiiasna. ahe. nmānahe. miiazdəm. daiϑiiārəš.3
Verse: g       gaoməṇtəm. maδumaṇtəm.
Verse: h       yaoždaiiąn. anāstərətəm.4
Verse: i          hamaϑa. yaϑa. paracit̰.

Paragraph: 23 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. vastrəm. upaŋharəzaiti.1
Verse: c       upairi. aētəm. iristəm.
Verse: d          ubdaēnəm. vā. izaēnəm.2 vā.
Verse: e             auuauuat̰.3 aipi.
Verse: f             yaϑa. narš. aoϑrauuana.4
Verse: g    kā. hē. asti. ciϑa:
Verse: h    āat̰. mraot̰. ahurō. mazdā̊:
Verse: i       caϑβārō. sata. upāzananąm. upāzōit̰. aspahe. aštraiia.
Verse: j       caϑβārō. sata. sraoṣ̌ō.caranaiia.

Paragraph: 24 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. vastrəm. upaŋharəzaiti.1
Verse: c       upairi. aētəm. iristəm.
Verse: d          ubdaēnəm. vā. īzaēnəm.2 vā.
Verse: e             auuauuat̰. aipi.
Verse: f             yaϑa. karanəm.3 uuaiiō.grauuanəm.4
Verse: g    kā. hē. asti. ciϑa:
Verse: h    āat̰. mraot̰. ahurō. mazdā̊:
Verse: i       xṣ̌uuaš. sata. upāzananąm. upāzōit̰. aspahe. aštraiia.
Verse: j       xṣ̌uuaš. sata. sraoṣ̌ō.caranaiia.

Paragraph: 25 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. vastrəm. upaŋharəzaiti.
Verse: c       1upairi. aētəm. iristəm.1
Verse: d          ubdaēnəm. vā. īzaēnəm.2 vā.
Verse: e             auuauuat̰. aipi.
Verse: f             yaϑa. ōiium.3 vīrō.vastrəm.
Verse: g    kā. hē. asti. ciϑa:
Verse: h    āat̰. mraot̰. ahurō. mazdā̊:
Verse: i       hazaŋrəm. upāzananąm. upāzōit̰. aspahe. aštraiia.
Verse: j       hazaŋrəm. sraoṣ̌ō.caranaiia.

Paragraph: 26 
Verse: a    dātarə. gaēϑanąm. astuuaitinąm. aṣ̌āum.
Verse: b    yat̰. anusō. vifiieiti.1 vifiieitica.2
Verse: c    kā. hē. asti. ciϑa:
Verse: d    āat̰. mraot̰. ahurō. mazdā̊:
Verse: e       ašta. sata. upāzananąm. 3upāzōit̰. aspahe. aštraiia.
Verse: f       ašta. sata. sraoṣ̌ō.caranaiia.

Paragraph: 27 
Verse: a    dātarə. gaēϑanąm. astuuaitinąm. aṣ̌āum.
Verse: b    yat̰. usō. vifiieiti.1 vifiieitica.1
Verse: c    2kā. hē. asti. ciϑa.
Verse: d       kā. hē. asti. āpərətiš.
Verse: e       kat̰. hē. asti. yaoždāϑrəm:
Verse: f    āat̰. mraot̰. ahurō. mazdā̊:
Verse: g       nauua. hē. asti. ciϑa.
Verse: h       nauua. hē. asti. āpərətiš.
Verse: i       nōit̰. hē. asti. yaoždāϑrəm.
Verse: j          anāpərəϑa.3 haca. š́iiaoϑna.
Verse: k             yauuaēca. yauuaētātaēca.

Paragraph: 28  {= Vd. 3,40}
Verse: a    kuua. aēuua.1
Verse: b       yezi. aŋhat̰. āstūtō. vā. aiβisrauuanō. vā. daēnąm. māzdaiiasnīm.
Verse: c    āat̰. yezi. aŋhat̰. anāstūtō. vā. anaiβi.srauuanō. vā. daēnąm. māzdaiiasnīm:
Verse: d       aētācit̰. aēibiiō. spā̊ŋhaite.
Verse: e          āstauuanaēibiiō. daēnąm. māzdaiiasnīm.
Verse: f          əuuərəzənbiiō. pascaēta. araϑβiia. š́iiaoϑna.

Paragraph: 29  {= Vd. 3,41}
Verse: a    spaiieite. zī.
Verse: b          spitama. zaraϑuštra.
Verse: c       daēna. māzdaiiasniš. narš. āstauuanahe. baṇdəm.
Verse: d       spaiieite. draoṣ̌əm.
Verse: e       spaiieite. aṣ̌auuaγnīm.
Verse: f       spaiieite. nasuspaēm.
Verse: g       spaiieite. anāpərəϑəm. š́iiaoϑnəm.
Verse: h       spaiieite. dərəzānō.pərətəm. pārəm.
Verse: i       spaiieite. vīspa. tā. š́iiaoϑna.
Verse: j          yā. cica. vərəziieiti.

Paragraph: 30  {= Vd. 3,42}
Verse: a    mąnaiiən. ahe.
Verse: b          spitama. zaraϑuštra.
Verse: c       daēna. māzdaiiasniš. narš. aṣ̌aonō. framərəzaiti.
Verse: d          vīspəm. dušmatəmca. dužūxtəmca. dužuuarštəmca.
Verse: e    yaϑa. vātō. dərəzi.takaϑrō. ϑβāṣ̌əm. daṣ̌ināt̰. pairi. framərəzōit̰:

Verse: f    [vohu. iδa. zaraϑuštra.
Verse: g       huuarštəm. š́iiaoϑnəm. vərəzimnəm.
Verse: h    vaŋuhi. daēna. māzdaiiasniš.
      pərənāiiuš. ciϑąm. ϑβərəsaiti.]


Paragraph: 31 
Verse: a    dātarə. gaēϑanąm. astuuaitinąm. aṣ̌āum.
Verse: b    kō. asti. daēuuō.
Verse: c       kō. daēuuaiiāzō.
Verse: d       kō. daēuuanąm. xaβzō.1
Verse: e       kō. daēuuanąm. xumbō.
Verse: f       kō. daēuuanąm. kū.nāirīš.2
Verse: g       kō. hauuąs.3 daēuuō.
Verse: h       kō. vīspō. daēuuō.
Verse: i       kō. para.4 mərətō. daēuuō.
Verse: j    kō. pasca. mərətō.5 mainiiauua. daēuuō. frabauuaiṇti.6

Paragraph: 32 
Verse: a    āat̰. mraot̰. ahurō. mazdā̊:
Verse: b    arṣ̌aca.1 vīptō.2
Verse: c    arṣ̌aca.1 vaēpaiiō.
Verse: d          spitama. zaraϑuštra.
Verse: e    hāu. asti. daēuuō.
Verse: f       hāu. daēuuaiiāzō.
Verse: g       3hāu. daēuuanąm. xaβzō.3
Verse: h       hāu. daēuuanąm. xumbō.
Verse: i       hāu. daēuuanąm. kū.nāirīš.4
Verse: j       hāu.5 hauuąs.6 daēuuō.
Verse: k       hāu.5 vīspō. daēuuō.
Verse: l       hō. para. mərətō. daēuuō.
Verse: m    hō. pasca. mərətō. mainiiauua. daēuuō. frabauuaiṇti.7
Verse: n       yat̰. maš́iiō. maṣ̌īm. xṣ̌udrā̊. auui.8 fraŋhərəzaiti.9
Verse: o       yat̰. vā. maš́iiō. maš́iiānąm. xṣ̌udranąm. para.gəuruuaiieiti.10

Paragraph: 33 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. nara. yaoždaiiąn. aŋhən.
Verse: c          aṣ̌āum. ahura. mazda.
Verse: d       yā. nasāum. auua.hištāt̰.1 hiš́unąm.2
Verse: e          tarō.3 yārə. mərətanąm.

Paragraph: 34 
Verse: a    āat̰. mraot̰. ahurō. mazdā̊:
Verse: b    yaoždaiiąn. aŋhən.
Verse: c          aṣ̌āum. zaraϑuštra:
Verse: d    nōit̰. huš́ō.1 hiš́uuāi.2 sraēš́iieiti:3
Verse: e    yezi. huš́ō.1 hiš́uuāi.2 sraēš́iieiṇtīm.4 ā̊ŋhāt̰.
Verse: f       iṣ̌arəštāitiia.5 mē. vīspō. aŋhuš. astuuā̊.
Verse: g          iṣ̌asəm. 6jit̰.aṣ̌əm.
Verse: h          xraodat̰.uruua.7 pəṣ̌ō.tanuš.
Verse: i       frə̄na.8 ā̊ŋhąm. nasunąm.
Verse: j          yā̊.9 paiti. āiia. zəmā. irīriϑarə.10

Paragraph: 35 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. nara. yaoždaiiąn. aŋhən.
Verse: c          aṣ̌āum. ahura. mazda.
Verse: d    yā. nasāum. auua.bərəta.
Verse: e       sūnō. vā. para.iristahe.
Verse: f       maš́iiehe. vā.

Paragraph: 36 
Verse: a    āat̰. mraot̰. ahurō. mazdā̊:
Verse: b    yaoždaiiąn. aŋhən.
Verse: c          aṣ̌āum. zaraϑuštra:
Verse: d    kuua. aēuua:
Verse: e    yezi. aēṣ̌a. nasuš. aiβi.γnixta.
Verse: f       sūnō. vā. kərəfš.xvarō.
Verse: g       vaiiō. vā. kərəfš.xvarō.
Verse: h    āat̰. huuąm.1 tanūm. pairi.yaoždaiϑīta.
Verse: i       gə̄uš. maēsmana.
Verse: j       apāca. paiti.
Verse: k    auuaϑa. yaoždaiiąn.

Paragraph: 37 
Verse: a    āat̰. yezi. nasuš. anaiβi.gnixta.
Verse: b       sūnō. vā. kərəfš.xvarō.
Verse: c       vaiiō. vā. kərəfš.xvarō.
Verse: d    paoirīm. taδa.1 dim. mazdaiiasna.
Verse: e       aiŋ́hā̊.2 zəmō. ϑriš. maγəm. auua.kanaiiən.
Verse: f    āat̰. huuąm. tanūm. pairi.yaoždaiϑīta.
Verse: g       gə̄uš. maēsmana.
Verse: h       nōit̰. āpō:
Verse: i    frā. mē. gaδβa. zazaiiąn.
Verse: j       nižbərəta. nōit̰. ainižbərəta.4
Verse: k       nižbərətāt̰. haca. paouruuaēibiia.5

Paragraph: 38 
Verse: a    bitīm. taδa.1 dim. mazdaiiasna.
Verse: b       aiŋ́hā̊. zəmō. ϑriš.2 maγəm. auua.kanaiiən.
Verse: c    āat̰. huuąm. tanūm. pairi.yaoždaiϑīta.
Verse: d       gə̄uš. maēsmana.
Verse: e       nōit̰. āpō:
Verse: f    frā. mē. gaδβa. zazaiiąn.
Verse: g       nižbərəta. nōit̰. ainižbərəta.3
Verse: h       nižbərətāt̰.4 haca. paouruuaēibiia:5
Verse: i    vīspəm. ā. ahmāt̰. upa.mąnaiiən.6
Verse: j       yat̰. hē. upəməm.7 paiti. vaγδanahe. upəmāt̰.8
Verse: k          varsa.9 hiku.10 bauuāt̰.11

Paragraph: 39 
Verse: a    ϑritīm. taδa.1 dim. mazdaiiasna.
Verse: b       aiŋ́hā̊.2 zəmō. ϑriš. maγəm. auua.kanaiiən.
Verse: c          auuauuat̰. haca. paouruuaēibiia.
Verse: d             yaϑa. ϑrigāim:
Verse: e    āat̰. huuąm. tanūm. pairi.yaoždaiϑīta.
Verse: f       āpō.3
Verse: g       ṇōit̰. maēsmana.

Paragraph: 40 
Verse: a    1zasta. hē. paoirīm. frasnāδaiiən:
Verse: b    āat̰.
Verse: c       yat̰. hē. zasta. nōit̰. frasnāta.
Verse: d    āat̰. vīspąm.2 huuąm. tanūm.2 aiiaoždāta.3 kərənaoiti:4
Verse: e    āat̰.
Verse: f       yat̰. hē. zasta. frasnāta.
Verse: g    āϑritīm. pasca. frasnātaēibiia. zastaēibiia.
Verse: h       barəṣ̌nūm.5 hē. vaγδanəm. pourum.6 paiti.hiṇcōiš.7

Paragraph: 41 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.1
Verse: c       barəṣ̌nūm.2 vaγδanəm. pourum.3 paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    paitiša.4 hē. hō.nā.5 aṇtarāt̰. naēmāt̰. bruuat̰.biiąm.6 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 42 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       paitiša.1 hē. hō.nā. aṇtarāt̰. naēmāt̰. bruuat̰.biiąm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    pasca. hē. vaγδanəm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 43 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       pasca. vaγδanəm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    paitiša. hē.1 paitiš.xvarənəm.2 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 44 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       paitiša.1 paitiš.xvarənəm.2 paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat. mraot̰. ahurō. mazdā̊:
Verse: g    daṣ̌inəm. hē. gaoṣ̌əm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 45 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       daṣ̌inəm. gaoṣ̌əm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    hōiium.1 hē. gaoṣ̌əm.2 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 46 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       hōiium. gaoṣ̌əm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    daṣ̌inəm.1 hē. suptīm.2 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 47 
Verse: a    dātarə. gaēϑanąm. astuuaitinąm. aṣ̌āum.
Verse: b    yezicā. āpō. vaŋuhīš.
Verse: c       daṣ̌inəm.1 suptīm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa. duuąsaiti:
Verse: f    āat̰. mraot̰. ahurō. mazdā̊:
Verse: g    haoiiąm.2 hē. suptīm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 48 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       haoiiąm. suptīm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    daṣ̌inəm. hē. kaṣ̌əm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 49 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       daṣ̌inəm. kaṣ̌əm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti.
Verse: f    āat̰. mraot̰. ahurō. mazdā̊:
Verse: g    hōiium.1 hē. kaṣ̌əm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 50 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       hōiium. kaṣ̌əm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    paitiša. hē.1 paitiuuarəm.2 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 51 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       paitiša. paitiuuarəm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    paršti.1 hē.2 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 52 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       paršti. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    daṣ̌inəm. hē. fštānəm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 53 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       daṣ̌inəm. fštānəm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    hōiium.1 hē. fštānəm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 54 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       hōiium. fštānəm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    daṣ̌inəm. hē. pərəsāum. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 55 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       daṣ̌inəm. pərəsāum. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    hōiium. hē. pərəsāum. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 56 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       hōiium. pərəsāum. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    daṣ̌inəm.1 hē. sraonīm.2 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 57 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       daṣ̌inəm.1 sraonīm.2 paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    haoiiąm.3 hē. sraonīm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 58 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       haoiiąm.1 sraonīm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    haxti.2 hē. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti:
Verse: i    yezi. nairiiō. aŋhat̰.
Verse: j       pasca. hē. pourum.3 paiti.hiṇcōiš.4
Verse: k          paitiša.5 aparəm.
Verse: l    yezi. strī.6 aŋhat̰.
Verse: m       paitiša. hē.7 pourum.3 paiti.hiṇcōiš.4
Verse: n          pasca. aparəm.

Paragraph: 59 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       haxti.1 paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    daṣ̌inəm. hē.2 rānəm.3 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 60 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       daṣ̌inəm. rānəm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    hōiium. hē. rānəm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 61 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       hōiium. rānəm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    daṣ̌inəm. hē. žnūm.1 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 62 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       daṣ̌inəm. žnūm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    hōiium. hē. žnūm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 63 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       hōiium. žnūm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    daṣ̌inəm. hē. ascūm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 64 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       daṣ̌inəm. ascūm.1 paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    hōiium. hē. ascūm.1 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 65 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c    hōiium. ascūm. paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    daṣ̌inəm. hē. zaṇgəm.1 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 66 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       daṣ̌inəm. zaṇgəm.1 paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    hōiium. hē. zaṇgəm.1 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 67 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       hōiium. zaṇgəm.1 paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    daṣ̌inəm. hē. frabdəm.2 aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 68 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       daṣ̌inəm. frabdəm.1 paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    hōiium. hē.2 frabdəm. aēṣ̌ąm.
Verse: h       aēṣ̌a. druxš. yā. nasuš. upa.duuąsaiti.

Paragraph: 69 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. āpō. vaŋuhīš.
Verse: c       hōiium. frabdəm.1 paiti.jasaiti.
Verse: d    kuua. aēṣ̌ąm.
Verse: e       aēṣ̌a. druxš. yā. nasuš. upa.duuąsaiti:
Verse: f    āat̰. mraot̰. ahurō. mazdā̊:
Verse: g    aδairi.2 haxəm. niuuōiriiete.3
Verse: h       mąnaiiən. ahe.
Verse: i          yaϑa. maxṣ̌iiā̊.4 parənəm.5

Paragraph: 70 
Verse: a    hakat̰. nigərəptaēibiia. aṇguštaēibiia.1
Verse: b       uzgərəptaēibiia. pāṣ̌naēibiia.
Verse: c          daṣ̌inəm. hē. haxəm. paiti.hiṇcōiš.2
Verse: d    āat̰. hā. druxš. yā. nasuš.
Verse: e       hōiium. haxəm. upa.duuąsaiti:
Verse: f    hōiium. hē. haxəm. paiti.hiṇcōiš.2
Verse: g    āat̰. hā. druxš. yā. nasuš.
Verse: h       aδairi.3 aṇgušta. niuuōiriiete.
Verse: i          mąnaiiən. ahe.
Verse: j             yaϑa. maxṣ̌iiā̊. parənəm.4

Paragraph: 71 
Verse: a    hakat̰. nigərəptaēibiia. pāṣ̌naēibiia.
Verse: b       uzgərəptaēibiia. aṇguštaēibiia.1
Verse: c          daṣ̌inąm.2 hē. aṇguštąm.3 paiti.hiṇcōiš:4
Verse: d    āat̰. hā. druxš. yā. nasuš.
Verse: e       haoiiąm.5 aṇguštąm.3 6upa.duuąsaiti:
Verse: f    haoiiąm.5 hē. aṇguštąm.6 paiti.hiṇcōiš.4

Paragraph: 72  {~ Vd. 9,26-27}
Verse: a    āat̰. hā. druxš. yā. nasuš. niuuōiriiete.1
Verse: b       apāxəδraēibiiō. naēmaēibiiō.
Verse: c       maxṣ̌i. kəhrpa. ərəγaitiia. fraṣ̌naoš.
Verse: d       apa.zaδaŋhō. akaranəm. driβiiā̊.
Verse: e          yaϑa. zōiždištāiš. xrafstrāiš.
Verse: f    aϑa. imą. vacō. drəṇjaiiōiš.
Verse: g       yōi. aŋhən. vārəϑraγniiōtəməmca. baēṣ̌aziiōtəməmca:


Verse: Q1a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1c    xšaϑrəmcā. ahurāi.ā.   yim. drigubiiō. dadat̰. vāstārəm.::

{= Y. 46,7}
Verse: Q2a    kə̄m.nā. mazdā.2   mauuaitē. pāiiūm. dadāt̰.
Verse: Q2b    hiiat̰. mā. drəguuā̊.   dīdarəṣ̌atā. aēnaŋhē.
Verse: Q2c    aniiə̄m. ϑβahmāt̰.   āϑrascā. manaŋhascā.
Verse: Q2d    yaiiā̊. š́iiaoϑanāiš.   aṣ̌əm. ϑraoštā. ahurā.
Verse: Q2e    tąm.mōi. dąstuuąm.   daēnaiiāi. frāuuaocā.

{~ Y. 44,16}
Verse: Q3b    kə̄. vərəϑrəm.jā.3   ϑβā. pōi. sə̄ṇghā. yōi. həṇtī.
Verse: Q3c    ciϑrā. mōi. dąm.   ahīmbiš. ratūm. cīždī.
Verse: Q3d    at̰. hōi. vohū.   səraoṣ̌ō. jaṇtū. manaŋhā.
Verse: Q3e    mazdā. ahmāi.   yahmāi. vaṣ̌ī. kahmāicīt̰.


Paragraph: 73 
Verse: a    dātarə. gaēϑanąm. astuuaitinąm. aṣ̌āum.
Verse: b    aṣ̌āum. yat̰. aēte. yōi.1 mazdaiiasna.
Verse: c       pāδa.2 aiiaṇtəm. vā. taciṇtəm.3 vā.
Verse: d       barəmnəm. vā. vazəmnəm. vā.
Verse: e          ātrəm. nasupākəm. frajasąn.
Verse: f             nasūm. hąm.pacąn.
Verse: g             nasūm. hāuuaiiąn.
Verse: h    kuϑa. tē. vərəziiąn.
Verse: i       aēte. yōi.1 mazdaiiasna.

Paragraph: 74 
Verse: a    1āat̰. mraot̰. ahurō. mazdā̊:
Verse: b    auua. aētəm. nasupākəm. janaēta.2
Verse: c    auua. hē. janaiiən.
Verse: d    apa.3 aētąm. dištąm. baraiiən.
Verse: e    apa.3 aētəm. uzdānəm. baraiiən.

Paragraph: 75 
Verse: a    āϑrat̰. haca. bānuβe.1 aēsmą.2 frasaocaiiāhi.3
Verse: b    yat̰. vā. aētaŋhąm. uruuaranąm.
Verse: c       yat̰. ātrə.ciϑranąm.4
Verse: d    yat̰. vā.5 aētəm.6 ātrəm. uzdarəza. aētaiiā̊. uruuaraiiā̊. ātarəcarəš.
Verse: e       vīca. barōit̰.
Verse: f       vīca. ṣ̌āuuaiiōit̰.
Verse: g          yaϑa.7 āsištəm. frāuuaiiōit̰.

Paragraph: 76 
Verse: a    yaϑa.1 taδa. paoirīm. haṇdarəza.
Verse: b       zəmē. aētat̰. paiti. nidaiϑīta.2
Verse: c          auuauuat̰. haca. āϑrat̰. nasupakāt̰.
Verse: d             yaϑa. fratarə.vītastiš.3
Verse: e       vīca. barōit̰.
Verse: f       vīca. ṣ̌āuuaiiōit̰.
Verse: g          yaϑa. āsištəm. frāuuaiiōit̰.

Paragraph: 77 
Verse: a    yaϑa. taδa. bitīm. haṇdarəza.1
Verse: b       zəmē. aētat̰. paiti. nidaiϑīta.
Verse: c          auuauuat̰. haca. āϑrat̰. nasupakāt̰.
Verse: d             yaϑa. fratarə.vītastiš.
Verse: e       vīca. barōit̰.
Verse: f       vīca. ṣ̌āuuaiiōit̰.
Verse: g          yaϑa. āsištəm. frāuuaiiōit̰.
Verse: h    yaϑa. taδa. ϑritīm. haṇdarəza.
Verse: i       zəmē. aētat̰. paiti. nidaiϑīta.
Verse: j          auuauuat̰. haca. āϑrat̰. nasupakāt̰.
Verse: k             yaϑa. fratarə.vītastiš.
Verse: l       vīca. barōit̰.
Verse: m       vīca. ṣ̌āuuaiiōit̰.
Verse: n          yaϑa. āsištəm. frāuuaiiōit̰.
Verse: o    yaϑa. taδa. tūirīm. haṇdarəza.
Verse: p       zəmē. aētat̰. paiti. nidaiϑīta.
Verse: q          auuauuat̰. haca. āϑrat̰. nasupakāt̰.
Verse: r             yaϑa. fratarə.vītastiš.
Verse: s       vīca. barōit̰.
Verse: t       vīca. ṣ̌āuuaiiōit̰.
Verse: u          yaϑa. āsištəm. frāuuaiiōit̰.
Verse: v    yaϑa. taδa. puxδəm. haṇdarəza.
Verse: w       zəmē. aētat̰. paiti. nidaiϑīta.
Verse: x          auuauuat̰. haca. āϑrat̰. nasupakāt̰.
Verse: y             yaϑa. fratarə.vītastiš.
Verse: z       vīca. barōit̰.
Verse: aa       vīca. ṣ̌āuuaiiōit̰.
Verse: ab          yaϑa. āsištəm. frāuuaiiōit̰.
Verse: ac    yaϑa. taδa. xštūm. haṇdarəza.
Verse: ad       zəmē. aētat̰. paiti. nidaiϑīta.
Verse: ae          auuauuat̰. haca. āϑrat̰. nasupakāt̰.
Verse: af             yaϑa. fratarə.vītastiš.
Verse: ag       vīca. barōit̰.
Verse: ah       vīca. ṣ̌āuuaiiōit̰.
Verse: ai          yaϑa. āsištəm. frāuuaiiōit̰.
Verse: aj    yaϑa. taδa. haptaϑəm. haṇdarəza.
Verse: ak       zəmē. aētat̰. paiti. nidaiϑīta.
Verse: al          auuauuat̰. haca. āϑrat̰. nasupakāt̰.
Verse: am             yaϑa. fratarə.vītastiš.
Verse: an       vīca. barōit̰.
Verse: ao       vīca. ṣ̌āuuaiiōit̰.
Verse: ap          yaϑa. āsištəm. frāuuaiiōit̰.
Verse: aq    yaϑa. taδa. aštəməm. haṇdarəza.
Verse: ar       zəmē. aētat̰. paiti. nidaiϑīta.
Verse: as          auuauuat̰. haca. āϑrat̰. nasupakāt̰.
Verse: at             yaϑa. fratarə.vītastiš.
Verse: au       vīca. barōit̰.
Verse: av       vīca. ṣ̌āuuaiiōit̰.
Verse: aw          yaϑa. āsištəm. frāuuaiiōit̰.

Paragraph: 78 
Verse: a    yaϑa. taδa. nāuməm.1 haṇdarəza.
Verse: b       zəmē. aētat̰. paiti. nidaiϑīta.2
Verse: c          3auuauuat̰. haca. āϑrat̰. nasupakāt̰.
Verse: d             yaϑa. fratarə.vītastiš:

Paragraph: 79 
Verse: a    yō. aēsmō. aṣ̌aiia. barat̰.
Verse: b          spitama. zaraϑuštra.
Verse: c       uruuāsnaiiā̊.1 vā. vohu.gaonahe.2 vā.
Verse: d       vohu.kərətōiš.2 vā. haδānaēpataiiā̊. vā.
Verse: e       kąmcit̰. vā. hubaoiδitəmanąm. uruuaranąm.

Paragraph: 80 
Verse: a       yahmāt̰. kahmāicit̰.1 naēmanąm. vātō. āϑrō. baoiδīm. vībaraiti.
Verse: b    ahmāt̰. kahmāicit̰.1 naēmanąm. hazaŋraγna. paiti.jasaiti.
Verse: c       ātarš. mazdā̊. ahurahe.
Verse: d          daēuuanąm. mainiiauuanąm. təmasciϑranąm. druuatąm.
Verse: e          bižuuat̰.2 yātunąmca. pairikanąmca.

Paragraph: 81 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm.1 nasupākəm. dāitīm. gātūm. auui. auua.baraiti.
Verse: c    cuuat̰. ahmāi. naire. miždəm:2 aŋhat̰.
Verse: d       pasca. astasca. baoδaŋhasca. vī.uruuīštīm:3
Verse: e    āat̰. mraot̰. ahurō. mazdā̊:
Verse: f    yaϑa. aētahmi. aŋhuuō. yat̰. astuuaiṇti.4
Verse: g       baēuuarə. ātrə.saokanąm.5 dāitīm. gātūm. auui. auua.baraiti.6

Paragraph: 82 
Verse: a    1dātarə. gaēϑanąm. astuuaitinąm. aṣ̌āum.
Verse: b    yō. ātrəm. uruzdipākəm.2 dāitīm. gātūm. auui. auua.baraiti.
Verse: c    cuuat̰. ahmāi. naire. miždəm.3 aŋhat̰.
Verse: d       pasca. astasca. baoδaŋhasca. vī.uruuīštīm:
Verse: e    āat̰. mraot̰. ahurō. mazdā̊:
Verse: f    yaϑa. aētahmi. aŋhuuō. yat̰. astuuaiṇti.
Verse: g       hazaŋrəm. ātrə.saokanąm.4 dāitīm. gātūm. auui. auua.baraiti.

Paragraph: 83 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. saire.hiiat̰.1 haca.
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h       paṇca. sata. ātrə.saokanąm.
Verse: i          dāitīm. gātūm. auui. auua.baraiti.

Paragraph: 84 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. xumbat̰.3 haca. yāmō.pacikāt̰.2
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h       caϑβārō. sata. ātrə.saokanąm.
Verse: i          dāitīm. gātūm. auui. auua.baraiti.

Paragraph: 85 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. xumbat̰. haca. yāmō.pacikāt̰.
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yauuat̰. ahmāi. yamanąm.1 paitinąm. sairinąm.2
Verse: h       aētauuat̰.3 ātrə.saokanąm. hąm.bərəta.
Verse: i          dāitīm. gātūm. auui. auua.baraiti.

Paragraph: 86 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. aoniiat̰.1 haca.2 parō.bərəjiiāt̰.3
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yauuat̰. ahmāi.4 paitinąm. uruuaranąm.
Verse: h       aētauuat̰. ātrə.saokanąm. hąm.bərəta.5
Verse: i          dāitīm. gātūm. auui. auua.baraiti.

Paragraph: 87 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. pisrat̰.1 haca. zaraniiō.saēpāt̰.2
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h       satəm. ātrə.saokanąm.
Verse: i          dāitīm. gātūm. auui. auua.baraiti.

Paragraph: 88 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. pisrat̰. haca. ərəzatō.saēpāt̰.
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h       nauuaitīm. ātrə.saokanąm.
Verse: i          dāitīm. gātūm. auui. auua.baraiti.

Paragraph: 89 
Verse: a    dātarə. gaēϑanąm. astuuaitinąm. aṣ̌āum.
Verse: b    3yō. ātrəm. pisrat̰.4 haca. aiiō.saēpāt̰.3
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h       aštāitīm. ātrə.saokanąm.
Verse: i          dāitīm. gātūm. auui. auua.baraiti.

Paragraph: 90 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. pisrat̰.5 haca. haosafnaēnō.saēpāt̰.
Verse: c        dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h       haptāitīm. ātrə.saokanąm.
Verse: i          dāitīm. gātūm. auui. auua.baraiti.

Paragraph: 91 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. tanurat̰.1 haca.
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h       xṣ̌uuaštīm. ātrə.saokanąm.
Verse: i          dāitīm. gātūm. auui. auua.baraiti.

Paragraph: 92 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. dištat̰. haca.
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h    paṇcāsatəm. ātrə.saokanąm.
Verse: i       dāitīm. gātūm. auui. auua.baraiti.

Paragraph: 93 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. aoniiat̰.2 haca. taxairiiāt̰.3
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h       caϑβarəsatəm. ātrə.saokanąm.
Verse: i          dāitīm. gātūm. auui. auua.baraiti.

Paragraph: 94 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. paṇtat̰.4 haca. staorō.paiiāt̰.5
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h       ϑrisatəm. ātrə.saokanąm.
Verse: i          dāitīm. gātūm. auui. auua.baraiti.

Paragraph: 95 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. skairiiat̰.1 haca.
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h       vīsaiti. ātrə.saokanąm.
Verse: i          dāitīm. gātūm. auui. auua.baraiti.

Paragraph: 96 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. ātrəm. nazdištat̰.2 haca.
Verse: c       dāitīm. gātūm. auui. auua.baraiti.
Verse: d    cuuat̰. ahmāi. naire. miždəm. aŋhat̰.
Verse: e       pasca. astasca. baoδaŋhasca. vī.uruuīštīm:
Verse: f    āat̰. mraot̰. ahurō. mazdā̊:
Verse: g    yaϑa. aētahmi. aŋhuuō. yat̰. astuuaiṇti.
Verse: h       dasa. ātrə.saokanąm.
Verse: i          dāitīm. gātūm. auui. auua.baraiti.

Paragraph: 97 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. nara. yaoždaiiąn. aŋhən.
Verse: c          aṣ̌āum. ahura. mazda.
Verse: d       yā. nasāum. auua.hišta.1
Verse: e          dūire. asahi.2 razaŋhąm.

Paragraph: 98 
Verse: a    āat̰. mraot̰. ahurō. mazdā̊:
Verse: b    yaoždaiiąn.1 aŋhən.
Verse: c          aṣ̌āum. zaraϑuštra:
Verse: d    kuua. aēuua:
Verse: e    yezi. aēṣ̌a. nasuš. aiβi.γnixta.
Verse: f       sūnō. vā. kərəfš.xvarō.
Verse: g       vaiiō. vā. kərəfš.xvarō.
Verse: h    āat̰. huuąm.2 tanūm. pairi.yaoždaiϑīta.3
Verse: i       gə̄uš. maēsmana.
Verse: j       ϑrisataϑβəm.4 frasnātə̄e.5
Verse: k       ϑrisataϑβəm.4 upa.snātə̄e.5
Verse: l          aγriiąm.6 paiti. usnāitīm.7

Paragraph: 99 
Verse: a    āat. yezi. nasuš. anaiβi.γnixta.1
Verse: b       sūnō. vā. kərəfš.xvarō.
Verse: c       vaiiō. vā. kərəfš.xvarō.2
Verse: d          paṇca.dasa. frasnātə̄e.
Verse: e          paṇca.dasa. upasnātə̄e.

Paragraph: 100 
Verse: a    tacat̰. paoirīm. hāϑrəm.
Verse: b    fraṣ̌a. aδāt̰. tacōit̰.1
Verse: c    yat̰. dim. kascit̰. aŋhə̄uš. astuuatō. aētaδa. paiti. auua.hištə̄e.2
Verse: d       bərəziiaogət̰.3 vacō. rāzaiiąn:4
Verse: e          iδa. iristahe. tanūm. auua.hišta.5
Verse: f             anaēṣ̌əm. manō.
Verse: g             anaēṣ̌əm. vacō.
Verse: h             anaēṣ̌əm. š́iiaoϑnəm.
Verse: i          isaēta.6 mē. yaoždāitīm:7
Verse: j    tacat̰.
Verse: k    paoirīm. upāiti.
Verse: l    yezi. dim. nōit̰. yaoždaϑəṇte.8
Verse: m       ϑriṣ̌ūm.9 aētahe. š́iiaoϑnahe. baxṣ̌əṇti.10

Paragraph: 101 
Verse: a    tacat̰. bitīm. hāϑrəm.1
Verse: b    fraṣ̌a. aδāt̰. tacōit̰.
Verse: c    yat̰. dim. kascit̰. aŋhə̄uš. astuuatō. aētaδa. paiti. auua.hištə̄e.
Verse: d       bərəziiaogət̰. vacō. rāzaiiąn:
Verse: e          iδa. iristahe. tanūm. auua.hišta.
Verse: f             anaēṣ̌əm. manō.
Verse: g             anaēṣ̌əm. vacō.
Verse: h             anaēṣ̌əm. š́iiaoϑnəm.
Verse: i          isaēta. mē. yaoždāitīm:
Verse: j    tacat̰.
Verse: k    bitīm. upāiti:
Verse: l    yezi. dim. nōit̰. yaoždaϑəṇte.2
Verse: m       naēməm. aētahe. š́iiaoϑnahe. baxṣ̌əṇti.3

Paragraph: 102 
Verse: a    tacat̰. ϑritīm. hāϑrəm.
Verse: b    fraṣ̌a. aδāt̰. tacōit̰.
Verse: c    yat̰. dim. kascit̰. aŋhə̄uš. astuuatō. aētaδa. paiti. auua.hištə̄e.
Verse: d       bərəziiaogət̰. vacō. rāzaiiąn:
Verse: e          iδa. iristahe. tanūm. auua.hišta.
Verse: f             anaēṣ̌əm. manō.
Verse: g             anaēṣ̌əm. vacō.
Verse: h             anaēṣ̌əm. š́iiaoϑnəm.
Verse: i          isaēta. mē. yaoždāitīm:
Verse: j    tacat̰.
Verse: k    ϑritīm. upāiti:
Verse: l    yezi. dim. nōit̰. yaoždaϑəṇte.1
Verse: m       vīspəm. aētahe. š́iiaoϑnahe. baxṣ̌əṇti.2

Paragraph: 103 
Verse: a    fraṣ̌a. aδāt̰. tacōit̰.
Verse: b    yat̰. dim. nazdištəm. auui.1
Verse: c       nmānəmca. vīsəmca. zaṇtūmca. dax́iiūmca.
Verse: d          aētaδa. paiti. auua.hištə̄e.
Verse: e       bərəziiaogət̰.2 vacō. rāzaiiąn:3
Verse: f          iδa. iristahe. tanūm. 4auua.hišta.4
Verse: g             anaēṣ̌əm. manō.
Verse: h             anaēṣ̌əm. vacō.
Verse: i             anaēṣ̌əm. š́iiaoϑnəm.
Verse: j       isaēta.5 mē. yaoždāitīm:6
Verse: k    yezi. dim. nōit̰. yaoždaϑəṇte.7
Verse: l    āat̰. huuąm.8 tanūm. pairi.yaoždaiϑīta.9
Verse: m       gə̄uš. maēsmana.
Verse: n       apāca. paiti.
Verse: o    auuaϑa. yaoždaiiąn.

Paragraph: 104 
Verse: a    dātarə. gaēϑanąm. astuuaitinąm. aṣ̌āum.
Verse: b    āat̰. yezi. aŋhat̰. āfš. aṇtarāt̰. naēmāt̰. aēte.1 paϑa.
Verse: c       āfš. ciϑąm.2 fraorisaiti.3
Verse: d    kā. hē. asti. ciϑa.

Paragraph: 105 
Verse: a    āat̰. mraot̰. ahurō. mazdā̊:
Verse: b       caϑβārō. sata. upāzananąm. upāzōit̰. aspahe. aštraiia.
Verse: c       caϑβārō. sata. sraoṣ̌ō.caranaiia.

Paragraph: 106 
Verse: a    dātarə. gaēϑanąm. astuuaitinąm. aṣ̌āum.
Verse: b    āat̰. yezi. aŋhat̰. uruuara. aṇtarāt̰. naēmāt̰. aēte.1 paϑa.2
Verse: c       ātarš. ciϑąm. fraorisaiti.3
Verse: d    kā. hē. asti. ciϑa.

Paragraph: 107 
Verse: a    āat̰. mraot̰. ahurō. mazdā̊:
Verse: b       caϑβārō.1 sata. upāzananąm. upāzōit̰. aspahe. aštraiia.
Verse: c       caϑβārō. sata. sraoṣ̌ō.caranaiia:
Verse: d    2hā. hē. asti. ciϑa.
Verse: e    hā. hē. asti. āpərətiš.
Verse: f       aipi.pārəmnāi. iδa. aṣ̌aone.
Verse: g       nōit̰. anaipi.pārəmnāi.


{= Y. 49,11d}
Verse: Q1a    3drujō. nmāne.   haiϑiiā. aŋhən. astaiiō.


Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.