TITUS
Avestan Corpus
Part No. 104
Previous part

Chapter: 10 
Paragraph: 1 
Verse: a    pərəsat̰. zaraϑuštrō. ahurəm. mazdąm:
Verse: b    ahura. mazda.
Verse: c       mainiiō.1 spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e    kuϑa. aētat̰.2 druxš. pərənāne.
Verse: f       yā. haca. irista. upa. juuaṇtəm. 3upa.duuąsaiti.
Verse: g    kuϑa. aētat̰.2 nasuš.4 pərənāne.
Verse: h       yā. haca. irista. upa. juuaṇtəm.3 upa.raēϑβaiti.5

Paragraph: 2 
Verse: a    āat̰. mraot̰. ahurō. mazdā̊:
Verse: b    ime. vaca. framruua.1
Verse: c       yōi. həṇti. gāϑāhuua. bišāmrūta.
Verse: d    ime. vaca. framruua.
Verse: e       yōi. həṇti. gāϑāhuua. ϑrišāmrūta.
Verse: f    ime. vaca. framruua.
Verse: g       yōi. həṇti. gāϑāhuua. caϑrušāmrūta.
Verse: h    ime.2 vaca. framruua.
Verse: i       yōi. həṇti. gāϑāhuua.
Verse: j          bišāmrūtaca.3 ϑrišāmrūtaca.3 caϑrušāmrūtaca.3

Paragraph: 3 
Verse: a    dātarə. gaēϑanąm. astuuaitinąm. aṣ̌āum.
Verse: b    kaiia.1 aēte.2 vaca.
Verse: c       yōi. həṇti. gāϑāhuua. bišāmrūta:
Verse: d    āat̰. mraot̰. ahurō. mazdā̊:
Verse: e    ime. aēte. vaca.
Verse: f       yōi. həṇti. gāϑāhuua. bišāmrūta.
Verse: g    ime. vaca. āδbitīm.3 framruua:


Paragraph: 4  {= Y. 28,1}
Verse: Q1a    ahiiā. yāsā. nəmaŋhā.   ustānazastō. rafəδrahiiā.
Verse: Q1b    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1c    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.::


{= Y. 35,2}
Verse: Q2a       humatanąm. hūxtanąm. huuarštanąm.
Verse: Q2b          iiadacā. aniiadacā.
Verse: Q2c       vərəziiamnanąmcā. vāuuərəzananąmcā.
Verse: Q2d    mahī. aidī.jarətārō.
Verse: Q2e       +naē-naēstārō.
Verse: Q2f          +yaϑənā. vohunąm. mahī.::

{= Y. 35,8}
Verse: Q3a    aṣ̌ahiiā. āat̰.4 sairī.
Verse: Q3b    aṣ̌ahiiā. vərəzə̄nē.
Verse: Q3c       kahmāicīt̰. hātąm.
Verse: Q3d          jījiṣ̌ąm. vahištąm. ādā.
Verse: Q3e             ubōibiiā. ahubiiā.::

{= Y. 39,4}
Verse: Q4a    yaϑā. tū. ī. +ahurā. mazdā.
Verse: Q4b       mə̄ṇghācā. vaocascā. dā̊scā. varəšcā.
Verse: Q4c          yā. vohū.
Verse: Q4d       aϑā. tōi. dadəmahī.
Verse: Q4e       aϑā. cīṣ̌mahī.
Verse: Q4f       aϑā. ϑβā. āiš. yazamaidē.
Verse: Q4g       aϑā. nəmax́iiāmahī.
Verse: Q4h       aϑā. iṣ̌ūidiiāmahī. ϑβā. mazdā. ahurā.::

{= Y. 41,3}
Verse: Q5a    humāīm.8 ϑβā. īžīm.
Verse: Q5b       yazatəm. aṣ̌aŋhācim. dadəmaidē:
Verse: Q5c    aϑā. tū. nə̄. gaiiascā. astəṇtā̊scā. x́iiā̊.
Verse: Q5d       ubōiiō. aŋhuuō.
Verse: Q5e          hātąm. hudāstəmā.::

{= Y. 41,5}
Verse: Q6a    ϑβōi. staotarascā. mąϑranascā. +ahurā. mazdā.
Verse: Q6b       aogəmadaēcā. usmahicā. vīsāmadaēcā:
Verse: Q6c          hiiat̰. mīždəm. +mauuaiϑīm.
Verse: Q6d             fradadāϑā. daēnābiiō. mazdā. ahurā::


{= Y. 43,1}
Verse: Q7a    uštā. ahmāi.   yahmāi. uštā. kahmāicīt̰.
Verse: Q7b    vasə̄.xṣ̌aiiąs.   mazdā̊. dāiiāt̰. ahurō.
Verse: Q7c    utaiiūitī.   təuuīṣ̌īm. gat̰.tōi. vasəmī.
Verse: Q7d    aṣ̌əm. dərədiiāi.   tat̰. mōi. dā̊. ārmaitē.
Verse: Q7e    rāiiō. aṣ̌īš.   vaŋhə̄uš. gaēm. manaŋhō.::

{= Y. 47,1}
Verse: Q8a    spəṇtā. mainiiū.   vahištācā. manaŋhā.
Verse: Q8b    hacā. aṣ̌āt̰.   š́iiaoϑanācā. vacaŋhācā.
Verse: Q8c    ahmāi. dąn.   hauruuātā. amərətātā.
Verse: Q8d    mazdā̊. xṣ̌aϑrā.   ārmaitī. ahurō.::

{= Y. 51,1}
Verse: Q9a    vohū. xṣ̌aϑrəm. vairīm.   bāgəm. aibī.bairištəm.
Verse: Q9b    vīdīṣ̌əmnāiš. īžācīt̰.   aṣ̌ā. aṇtarə.caraitī.
Verse: Q9c    š́iiaoϑanāiš. mazdā. vahištəm.   tat̰. nə̄. nūcīt̰. varəṣ̌ānē.::

{= Y. 53,1}
Verse: Q10a    vahištā. īštiš. srāuuī.   zaraϑuštrahē.
Verse: Q10b    spitāmahiiā. yezī. hōi.   dāt̰. āiiaptā.
Verse: Q10c    aṣ̌āt̰. hacā. ahurō.   mazdā̊. yauuōi. vīspāi.ā.   huuaŋhəuuīm.
Verse: Q10d    yaēcā. hōi. dabən. saš́əṇcā.   daēnaiiā̊. vaŋhuiiā̊.   uxδā. š́iiaoϑanācā.::

Paragraph: 5 
Verse: a    āat̰. pasca. bišāmrūta. vaca.
Verse: b       ime. vaca. framruua.1
Verse: c          vārəϑraγne.2 baēṣ̌aziia:
Verse: d    paiti.pərəne. aŋrəm. mainiiūm.
Verse: e       haca. nmāna.3 haca. vīsa.
Verse: f       haca. zaṇtu. haca. daiŋ́hu.4
Verse: g       haca. hauuaiiā̊sə.tanuuō.5
Verse: h       haca. nā. paiti.iristō.
Verse: i       haca. nāirika.6 paiti.iriste.
Verse: j       haca. nmānahe. nmānō.patōiš.
Verse: k       haca. vīsō. vīspatōiš.
Verse: l       haca. zaṇtə̄uš. zaṇtupatōiš.
Verse: m       haca. daiŋ́hə̄uš.7 daiŋ́hupatōiš.7
Verse: n       haca. vīspaiiā̊. aṣ̌aonō. stōiš.

Paragraph: 6 
Verse: a    paiti.pərəne. nasūm.
Verse: b    paiti.pərəne. hąm.raēϑβəm.1
Verse: c    2paiti.pərəne. paiti.raēϑβəm.2
Verse: d       haca. nmāna.3 haca. vīsa.
Verse: e       haca. zaṇtu. haca. daiŋ́hu.4
Verse: f       haca. hauuaiiā̊sə.tanuuō.5
Verse: g       haca. nā. paiti.iristō.
Verse: h       haca. nāirika.6 paiti.iriste.7
Verse: i       haca. nmānahe. nmānō.patōiš.
Verse: j       haca. vīsō. vīspatōiš.
Verse: k       haca. zaṇtə̄uš. zaṇtupatōiš.
Verse: l       haca. daiŋ́hə̄uš.8 daiŋ́hupatōiš.8
Verse: m       haca. vīspaiiā̊. aṣ̌aonō. stōiš.

Paragraph: 7 
Verse: a    dātarə. gaēϑanąm. astuuaitinąm. aṣ̌āum.
Verse: b    kaiia.1 aēte. vaca.
Verse: c       yōi. həṇti. gāϑāhuua. ϑrišāmrūta:
Verse: d    āat̰. mraot̰. ahurō. mazdā̊:
Verse: e    ime. aēte. vaca.
Verse: f       yōi. həṇti. gāϑāhuua. ϑrišāmrūta.
Verse: g    ime. vaca.2 āϑritīm. framruua:

Paragraph: 8  {= Y. 27,14}
Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::


{= Y. 33,11}
Verse: Q2a    yə̄. səuuištō. ahurō.   mazdā̊scā. ārmaitišcā.
Verse: Q2b    aṣ̌əmcā. frādat̰.gaēϑəm.   manascā. vohū. xṣ̌aϑrəmcā.
Verse: Q2c    sraotā.mōi. mərəždātā.mōi.   ādāi. kahiiāicīt̰. paitī.::


{= Y. 35,5}
Verse: Q3a       huxṣ̌aϑrōtəmāi. +bā. +āt̰. xṣ̌aϑrəm.
Verse: Q3b          ahmat̰. hiiat̰. aibī.
Verse: Q3c    dadəmahicā. cīṣ̌mahicā. +huuąnmahicā.
Verse: Q3d       hiiat̰. mazdāi. ahurāi.
Verse: Q3e          aṣ̌āicā. vahištāi.::


{= Y. 53,9}
Verse: Q4a    dužuuarənāiš. vaēṣ̌ō. rāstī.   tōi. narəpīš. rajīš.
Verse: Q4b    aēṣ̌asā. də̄jīt̰.arətā.   pəṣ̌ō.tanuuō:
Verse: Q4c    kū. aṣ̌auuā. ahurō.   yə̄. īš. jiiātə̄uš. hə̄miϑiiāt̰.   vasə̄.itōišcā.
Verse: Q4d    tat̰. mazdā. tauuā. xṣ̌aϑrəm.   yā. ərəžəjiiōi. dāhī.   drigauuē. vahiiō.::


Paragraph: 9 
Verse: a    āat̰. pasca. ϑrišāmrūta. vaca.
Verse: b       ime. vaca. framruua.
Verse: c          vārəϑraγne.1 baēṣ̌aziia:
Verse: d    paiti.pərəne. iṇdrəm.2
Verse: e    paiti.pərəne. saurum.3
Verse: f    paiti.pərəne. nā̊ŋhaiϑīm.4 daēum.
Verse: g       haca. nmāna. haca. vīsa.
Verse: h       haca. zaṇtu. haca. daiŋ́hu.5
Verse: i       haca. hauuaiiā̊sə.tanuuō.
Verse: j       haca. nā. paiti.iristō.
Verse: k       haca. nāirika. paiti.iriste.
Verse: l       haca. nmānahe. nmānō.patōiš.
Verse: m       haca. vīsō. vīspatōiš.
Verse: n       haca. zaṇtə̄uš. zaṇtupatōiš.
Verse: o       haca. daiŋ́hə̄uš. daiŋ́hupatōiš.
Verse: p       haca. vīspaiiā̊. aṣ̌aonō. stōiš.

Paragraph: 10 
Verse: a    paiti.pərəne. tauru.1
Verse: b    paiti.pərəne. zairica.2
Verse: c       haca. nmāna. haca. vīsa.
Verse: d       haca. zaṇtu. haca. daiŋ́hu.
Verse: e       haca. hauuaiiā̊sə.tanuuō.
Verse: f       haca. nā. paiti.iristō.
Verse: g       haca. nāirika. paiti.iriste.
Verse: h       haca. nmānahe. nmānō.patōiš.
Verse: i       haca. vīsō. vīspatōiš.
Verse: j       haca. zaṇtə̄uš. zaṇtupatōiš.
Verse: k       haca. daiŋ́hə̄uš. daiŋ́hupatōiš.
Verse: l       haca. vīspaiiā̊. aṣ̌aonō. stōiš.

Paragraph: 11 
Verse: a    dātarə. gaēϑanąm. astuuaitinąm. aṣ̌āum.
Verse: b    kaiia.1 aēte. vaca.
Verse: c       yōi. həṇti. gāϑāhuua. caϑrušāmrūta:
Verse: d    āat̰. mraot̰. ahurō. mazdā̊:
Verse: e    ime. aēte. vaca.
Verse: f       yōi. həṇti. gāϑāhuua. caϑrušāmrūta.
Verse: g    2ime. vaca. āxtūirīm. framruua:2



Paragraph: 12  {= Y. 27,13}
Verse: Q1a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1c    xšaϑrəmcā. ahurāi.ā.   yim. drigubiiō. dadat̰. vāstārəm.::

{= Y. 34,15}
Verse: Q2a    mazdā. at̰. mōi. vahištā.   srauuā̊scā. š́iiaoϑanācā. vaocā.
Verse: Q2b    tā. tū. vohū. manaŋhā.   aṣ̌ācā. iṣ̌udəm. stūtō.
Verse: Q2c    xṣ̌mākā. xṣ̌aϑrā. ahurā.   fəraṣ̌ə̄m. vasnā. haiϑiiə̄m. dā̊. ahūm.::


{= Y. 54,1}
Verse: Q3a    ā. airiiə̄mā.5 iš́iiō. rafəδrāi. jaṇtū.
Verse: Q3b       nərəbiiascā. nāiribiiascā.
Verse: Q3c          zaraϑuštrahe.
Verse: Q3d          vaŋhə̄uš. rafəδrāi. manaŋhō.
Verse: Q3e    yā. daēnā. vairīm. hanāt̰. mīždəm.
Verse: Q3f       aṣ̌ahiiā. yāsā. aṣ̌īm.
Verse: Q3g          yąm. iš́iiąm. ahurō. masatā. mazdā̊.

Paragraph: 13 
Verse: a    āat̰. pasca. caϑrušāmrūta. vaca.
Verse: b       ime. vaca. framruua.
Verse: c          vārəϑraγne.1 baēṣ̌aziia:
Verse: d    paiti.pərəne. aēṣ̌məm.2 xruuīm.drūm.3
Verse: e    paiti.pərəne. akataṣ̌əm.4 daēum.5
Verse: f       haca. nmāna. haca. vīsa.
Verse: g       haca. zaṇtu. haca. daiŋ́hu.
Verse: h       haca. hauuaiiā̊sə.tanuuō.
Verse: i       haca. nā. paiti.iristō.
Verse: j       haca. nāirika. paiti.iriste.
Verse: k       haca. nmānahe. nmānō.patōiš.
Verse: l       haca. vīsō. vīspatōiš.
Verse: m       haca. zaṇtə̄uš. zaṇtupatōiš.
Verse: n       haca. daiŋ́hə̄uš. daiŋ́hupatōiš.
Verse: o       haca. vīspaiiā̊. aṣ̌aonō. stōiš.

Paragraph: 14 
Verse: a    paiti.pərəne. varəniia. daēuuō.
Verse: b    1paiti.pərəne. vātīm.2 daēuuō.1
Verse: c       haca. nmāna. haca. vīsa.
Verse: d       haca. zaṇtu. haca. daiŋ́hu.
Verse: e       haca. hauuaiiā̊sə.tanuuō.
Verse: f       haca. nā. paiti.iristō.
Verse: g       haca. nāirika. paiti.iriste.
Verse: h       haca. nmānahe. nmānō.patōiš.
Verse: i       haca. vīsō. vīspatōiš.
Verse: j       haca. zaṇtə̄uš. zaṇtupatōiš.
Verse: k       haca. daiŋ́hə̄uš. daiŋ́hupatōiš.
Verse: l       haca. vīspaiiā̊. aṣ̌aonō. stōiš.

Paragraph: 15 
Verse: a    ime. aēte. vaca.
Verse: b       yōi. həṇti. gāϑāhuua. bišāmrūta.
Verse: c    ime. aēte. vaca.
Verse: d       yōi. həṇti. gāϑāhuua. ϑrišāmrūta.
Verse: e    ime. aēte. vaca.
Verse: f       yōi. həṇti. gāϑāhuua. caϑrušāmrūta.

Paragraph: 16 
Verse: a    ime. aēte. vaca.
Verse: b       yōi. həṇti. aŋrahe. mainiiə̄uš.1 snaϑəm.
Verse: c    ime. aēte. vaca.
Verse: d       yōi. həṇti. aēṣ̌mahe. xruuīm.draoš.2 snaϑəm.
Verse: e    ime. aēte. vaca.
Verse: f       yōi. həṇti. māzainiianąm. daēuuanąm. snaϑəm.
Verse: g    3ime. aēte. vaca.
Verse: h       yōi. həṇti. vīspanąm. daēuuanąm. snaϑəm.3

Paragraph: 17 
Verse: a    ime. aēte. vaca.
Verse: b       yōi. həṇti. auuaiŋ́hā̊.1 drujō. auuaiŋ́hā̊.2 nasāuuō. hamaēstārəm.3
Verse: c          yā. haca. irista. upa. juuaṇtəm. upa.duuąsaiti.
Verse: d    ime. aēte. vaca.
Verse: e       yōi. həṇti. auuaiŋ́hā̊.4 drujō. auuaiŋ́hā̊.4 nasāuuō. hamaēstārəm.3
Verse: f          yā. haca. irista. upa. juuaṇtəm. upa.raēϑβaiti.5

Paragraph: 18 
Verse: a    āat̰.1 tūm. zaraϑuštra. nauua. maγa. niϑβərəsōiš.
Verse: b       yat̰. aŋhat̰. aiŋ́hā̊.2 zəmō.
Verse: c          vī.āpōtəməmca. vī.uruuarō.təməmca.3
Verse: d             ana.xvarəϑa. pasu.vīra:


Verse: Q1a    yaoždā̊. maš́iiāi.4    aipi.5 ząϑəm. vahišta.6 {= Y. 48,5c}


Verse: e    hā.7 yaoždā̊. zaraϑuštra.
Verse: f       yā. daēna. māzdaiiasniš.8
Verse: g          yō. huuąm.9 daēnąm. yaoždāite.10       
Verse: h             humatāišca. hūxtāišca. huuarštāišca.

Paragraph: 19 
Verse: a    daēnąm. ərəzuuō. yaoždaiϑīša.1
Verse: b    aϑa. zī. aiŋ́hā̊.2 asti. yaoždāitiš.3
Verse: c       kahmāicit̰. aŋhə̄uš. astuuatō.
Verse: d          hauuaiiā̊.4 ərəzuuō. daēnaiiā̊.
Verse: e       yō.5 huuąm. daēnąm. yaoždāite.6
Verse: f          humatāišca. hūxtāišca. huuarštāišca.


Paragraph: 20  {= Vd. 8,19-21}
Verse: Q1a    1yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1c    xšaϑrəmcā. ahurāi.ā.   yim. drigubiiō. dadat̰. vāstārəm.::

{= Y. 46,7}
Verse: Q2a    kə̄m.nā. mazdā.   mauuaitē. pāiiūm. dadāt̰.
Verse: Q2b    hiiat̰. mā. drəguuā̊.   dīdarəṣ̌atā. aēnaŋhē.
Verse: Q2c    aniiə̄m. ϑβahmāt̰.   āϑrascā. manaŋhascā.
Verse: Q2d    yaiiā̊. š́iiaoϑanāiš.   aṣ̌əm. ϑraoštā. ahurā.
Verse: Q2e    tąm.mōi. dąstuuąm.   daēnaiiāi. frāuuaocā.

{~ Y. 44,16}
Verse: Q3b    kə̄. vərəϑrəm.jā.   ϑβā. pōi. sə̄ṇghā. yōi. həṇtī.
Verse: Q3c    ciϑrā. mōi. dąm.   ahīmbiš. ratūm. cīždī.
Verse: Q3d    at̰. hōi. vohū.   səraoṣ̌ō. jaṇtū. manaŋhā.
Verse: Q3e    mazdā. ahmāi.   yahmāi. vaṣ̌ī. kahmāicīt̰.


{= Vd. 8,21}
Verse: Q4a    pāta. nō. t̰biṣ̌iiaṇtat̰. pairi.
Verse: Q4d       mazdā̊sca. ārmaitišca. spəṇtasca:
Verse: Q4b    nase. daēuuī. druxš.
Verse: Q4c    nase. daēuuō.ciϑre.
Verse: Q4c    nase. daēuuō.frakaršte.
Verse: Q4d    nase. daēuuō.fradāiti.
Verse: Q4e    apa. druxš. nase.
Verse: Q4d    apa. druxš. duuāra.
Verse: Q4d    apa. druxš. vīnase.
Verse: Q4f    apāxəδre. apa.nasiiehe.
Verse: Q4g       māmərəṇcainīš.2 gaēϑā̊. astuuaitīš. aṣ̌ahe.

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.