TITUS
Avestan Corpus
Part No. 105
Previous part

Chapter: 11 
Paragraph: 1 
Verse: a    pərəsat̰. zaraϑuštrō. ahurəm. mazdąm:
Verse: b    ahura. mazda.
Verse: c       mainiiō.1 spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e    kuϑa. nmānəm. yaoždaϑāni.1
Verse: f       kuϑa. ātrəm. kuϑa. āpəm.
Verse: g       kuϑa. ząm. kuϑa. gąm. 2kuϑa. uruuarąm.2
Verse: h       kuϑa. narəm. aṣ̌auuanəm. kuϑa. nāirikąm. aṣ̌aonīm.
Verse: i       kuϑa. strə̄š.3 kuϑa. mā̊ŋhəm.
Verse: j       kuϑa. huuarə. kuϑa. anaγra. raocā̊.
Verse: k       kuϑa. vīspa. vohu.4 mazdaδāta. aṣ̌aciϑra.

Paragraph: 2 
Verse: a    āat̰. mraot̰. ahurō. mazdā̊:
Verse: b    yaoždāϑrəm. srāuuaiiōiš. zaraϑuštra.
Verse: c    yaoždāta. pascaēta. bun.1 nmāna.
Verse: d       yaoždāta.2 ātrəm. yaoždāta. āpəm.
Verse: e       yaoždāta. ząm. yaoždāta. gąm. yaoždāta. uruuarąm.
Verse: f       yaoždāta. narəm. aṣ̌auuanəm.
Verse: g       yaoždāta. nāirikąm. aṣ̌aonīm.
Verse: h       yaoždāta. strə̄š.3 yaoždāta. mā̊ŋhəm.
Verse: i       yaoždāta. huuarə. yaoždāta. anaγra. raocā̊.
Verse: j       yaoždāta. vīspa. vohu.4 mazdaδāta. aṣ̌aciϑra.

Paragraph: 3 
Verse: a    aϑa. imą.1 vacō. drəṇjaiiōiš.
Verse: b       yōi. aŋhən. vārəϑraγniiōtəməmca.2 baēṣ̌aziiōtəməmca.3
Verse: c          paṇca. ahuna. vairiia.4 frasrāuuaiiōiš:


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (panž. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ea    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Eb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ec    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: d    ahunəm. vairīm. tanūm. pāiti:5


{= Vd. 8,19-21}
Verse: Q2a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2c    xšaϑrəmcā. ahurāi.ā.   yim. drigubiiō. dadat̰. vāstārəm.::

{= Y. 46,7}
Verse: Q3a    kə̄m.nā. mazdā.2   mauuaitē. pāiiūm. dadāt̰.
Verse: Q3b    hiiat̰. mā. drəguuā̊.   dīdarəṣ̌atā. aēnaŋhē.
Verse: Q3c    aniiə̄m. ϑβahmāt̰.   āϑrascā. manaŋhascā.
Verse: Q3d    yaiiā̊. š́iiaoϑanāiš.   aṣ̌əm. ϑraoštā. ahurā.
Verse: Q3e    tąm.mōi. dąstuuąm.   daēnaiiāi. frāuuaocā.

{~ Y. 44,16}
Verse: Q4b    kə̄. vərəϑrəm.jā.   ϑβā. pōi. sə̄ṇghā. yōi. həṇtī.
Verse: Q4c    ciϑrā. mōi. dąm.   ahīmbiš. ratūm. cīždī.
Verse: Q4d    at̰. hōi. vohū.   səraoṣ̌ō. jaṇtū. manaŋhā.
Verse: Q4e    mazdā. ahmāi.   yahmāi. vaṣ̌ī. kahmāicīt̰.


{= Vd. 8,21}
Verse: Q5a    pāta. nō. t̰biṣ̌iiaṇtat̰. pairi.
Verse: Q5d       mazdā̊sca. ārmaitišca. spəṇtasca:
Verse: Q5b    nase. daēuuī. druxš.
Verse: Q5c    nase. daēuuō.ciϑre.
Verse: Q5c    nase. daēuuō.frakaršte.
Verse: Q5d    nase. daēuuō.fradāiti.
Verse: Q5e    apa. druxš. nase.
Verse: Q5d    apa. druxš. duuāra.
Verse: Q5d    apa. druxš. vīnase.
Verse: Q5f    apāxəδre. apa.nasiiehe.
Verse: Q5g       māmərəṇcainīš.2 gaēϑā̊. astuuaitīš. aṣ̌ahe.


Paragraph: 4 
Verse: a    imat̰. nmānəm. yaoždaϑāne.1
Verse: b    imą. aδa.2 vacō. framruua:3


{= Y. 49,1a}
Verse: Q1a    at̰. mā. yauuā.   bəṇduuō.4 pafre. mazištō:


Verse: c    imat̰. ātrəm. yaoždaϑāne.1
Verse: d    imą. aδa.5 vacō. framruua:

{= Y. 36,1ab}
Verse: Q2a    ahe.6 ϑβā. āϑrō. vərəzāna.7
Verse: Q2b       paoiriie.8 pairijasāmaide. mazda.9 ahurā.

Paragraph: 5 
Verse: a    imat̰. āpəm. yaoždaϑāne.1
Verse: b    imą. aδa.2 vacō. framruua:3

{= Y. 38,3abc}
Verse: Q1a    apō. at̰. yazamaide.
Verse: Q1b       maēkaiṇtīšcā. hə̄buuaṇtīšcā.4
Verse: Q1c          frauuazaŋhō:

Verse: c    imat̰. ząm. yaoždaϑāne.1
Verse: d    imą. aδa.2 vacō. framruua:

{= Y. 38,1ab}
Verse: Q2a    5imąm. āat̰. ząm.
Verse: Q2b       gənābīš. haϑrā. yazamaide.

Paragraph: 6 
Verse: a    imat̰. gąm. yaoždaϑāne.1
Verse: b    imą. aδa. vacō. framruua:

{= Y. 35,4abc}
Verse: Q1a    gauue.2 aδāiš. tāiš. š́iiaoϑnāiš.
Verse: Q1b          yāiš. vahištāiš.
Verse: Q1c       fraēš́iiāmahī:3

Verse: c    imat̰. uruuarąm. yaoždaϑāne.1
Verse: d    imą. aδa. vacō. framruua:


{= Y. 48,6c}
Verse: Q2a    4at̰. ax́iiāi. aṣ̌ā.   mazdā̊. uruuarā̊. vaxṣ̌at̰.


Paragraph: 7 
Verse: a    imat̰. narəm. aṣ̌auuanəm. yaoždaϑāne.1
Verse: b    imat̰. nāirikąm. aṣ̌aonīm. yaoždaϑāne.2
Verse: c    imą. aδa. vacō. framruua:

{= Y. 54,1}
Verse: Q1a     ā. airiiə̄mā. iš́iiō.3 rafəδrāi. jaṇtū.
Verse: Q1b       nərəbiiascā. nāiribiiascā.
Verse: Q1c          zaraϑuštrahe.
Verse: Q1d          vaŋhə̄uš. rafəδrāi. manaŋhō.
Verse: Q1e    yā. daēnā. vairīm. hanāt̰. mīždəm.4
Verse: Q1f       aṣ̌ahiiā. yāsā. aṣ̌īm.5
Verse: Q1g          yąm. iṣ̌iiąm.6 ahurō. masatā. mazdā̊.

Paragraph: 8 
Verse: a    aϑa. imą.1 vacō.2 drəṇjaiiōiš.
Verse: b       yōi. aŋhən. vārəϑraγniiōtəməmca.2 baēṣ̌aziiōtəməmca.3
Verse: c          ašta. ahuna. vairiia. frasrāuuaiiōiš:


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (hašt. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ea    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Eb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ec    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Fa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Fb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Fc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ga    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Gb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Gc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ha    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Hb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Hc    xšaϑrəmcā. ahurāi.ā.   yim. drigubiiō. dadat̰. vāstārəm.::

{= Y. 46,7}
Verse: Q2a    kə̄m.nā. mazdā.2   mauuaitē. pāiiūm. dadāt̰.
Verse: Q2b    hiiat̰. mā. drəguuā̊.   dīdarəṣ̌atā. aēnaŋhē.
Verse: Q2c    aniiə̄m. ϑβahmāt̰.   āϑrascā. manaŋhascā.
Verse: Q2d    yaiiā̊. š́iiaoϑanāiš.   aṣ̌əm. ϑraoštā. ahurā.
Verse: Q2e    tąm.mōi. dąstuuąm.   daēnaiiāi. frāuuaocā.

{~ Y. 44,16}
Verse: Q3b    kə̄. vərəϑrəm.jā.   ϑβā. pōi. sə̄ṇghā. yōi. həṇtī.
Verse: Q3c    ciϑrā. mōi. dąm.   ahīmbiš. ratūm. cīždī.
Verse: Q3d    at̰. hōi. vohū.   səraoṣ̌ō. jaṇtū. manaŋhā.
Verse: Q3e    mazdā. ahmāi.   yahmāi. vaṣ̌ī. kahmāicīt̰.


{= Vd. 8,21}
Verse: Q4a    pāta. nō. t̰biṣ̌iiaṇtat̰. pairi.
Verse: Q4d       mazdā̊sca. ārmaitišca. spəṇtasca:
Verse: Q4b    nase. daēuuī. druxš.
Verse: Q4c    nase. daēuuō.ciϑre.
Verse: Q4c    nase. daēuuō.frakaršte.
Verse: Q4d    nase. daēuuō.fradāiti.
Verse: Q4e    apa. druxš. nase.
Verse: Q4d    apa. druxš. duuāra.
Verse: Q4d    apa. druxš. vīnase.
Verse: Q4f    apāxəδre. apa.nasiiehe.
Verse: Q4g       māmərəṇcainīš.2 gaēϑā̊. astuuaitīš. aṣ̌ahe.

Paragraph: 9 
Verse: a    pərəne. aēṣ̌məm.   pərəne. nasūm.
Verse: b    pərəne. hąm.raēϑβəm. pərəne. paiti.raēϑβəm.
Verse: c    1pərəne. xrū. pərəne. xruuiγni.2
Verse: d    pərəne. būiδi.3 pərəne. būiδiža.4
Verse: e    pərəne. kuṇdi.5 pərəne. kuṇdiža.6
Verse: f    pərəne. būš́iiąsta.7 yā. zairina.8
Verse: g    pərəne. būš́iiąsta. yā. darəγō.gauua.
Verse: h    9pərəne. mūiδi. pərəne. kapastiš.10
Verse: i    pərəne. pairikąm.
Verse: j       yā. āiti. ātrəm. āpəm. ząm. gąm. uruuarąm.11
Verse: k    pərəne. āhitīm.
Verse: l       yā. āiti. ātrəm. āpəm. ząm. gąm. uruuarā̊.12

Paragraph: 10 
Verse: a    pərəne. ϑβā. dužda. aŋra. mainiiō.1
Verse: b       haca. nmānat̰. haca. āϑrat̰. haca. apat̰.
Verse: c       haca. zəmat̰. haca. gaot̰.2 haca. uruuaraiiāt̰.
Verse: d       haca. narəm. aṣ̌auuanəm.
Verse: e       haca. nāirikąm. aṣ̌aonīm.
Verse: f       haca. strə̄š.3 haca. mā̊ŋhəm.
Verse: g       haca. huuarə. haca. anaγra. raocā̊.
Verse: h       haca. vīspa. vohu. mazdaδāta. aṣ̌aciϑra.

Paragraph: 11 
Verse: a    aϑa. imą. vacō.1 drəṇjaiiōiš.
Verse: b       yōi. aŋhən. vārəϑraγniiōtəməmca.2 baēṣ̌aziiōtəməmca.3
Verse: c          caϑβārō. ahuna. vairiia. frasrāuuaiiōiš:

Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(cihār. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q1Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Cc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q1Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Dc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

{= Y. 46,7}
Verse: Q2a    kə̄m.nā. mazdā.2   mauuaitē. pāiiūm. dadāt̰.
Verse: Q2b    hiiat̰. mā. drəguuā̊.   dīdarəṣ̌atā. aēnaŋhē.
Verse: Q2c    aniiə̄m. ϑβahmāt̰.   āϑrascā. manaŋhascā.
Verse: Q2d    yaiiā̊. š́iiaoϑanāiš.   aṣ̌əm. ϑraoštā. ahurā.
Verse: Q2e    tąm.mōi. dąstuuąm.   daēnaiiāi. frāuuaocā.

{~ Y. 44,16}
Verse: Q3b    kə̄. vərəϑrəm.jā.   ϑβā. pōi. sə̄ṇghā. yōi. həṇtī.
Verse: Q3c    ciϑrā. mōi. dąm.   ahīmbiš. ratūm. cīždī.
Verse: Q3d    at̰. hōi. vohū.   səraoṣ̌ō. jaṇtū. manaŋhā.
Verse: Q3e    mazdā. ahmāi.   yahmāi. vaṣ̌ī. kahmāicīt̰.


{= Vd. 8,21}
Verse: Q4a    pāta. nō. t̰biṣ̌iiaṇtat̰. pairi.
Verse: Q4d       mazdā̊sca. ārmaitišca. spəṇtasca:
Verse: Q4b    nase. daēuuī. druxš.
Verse: Q4c    nase. daēuuō.ciϑre.
Verse: Q4c    nase. daēuuō.frakaršte.
Verse: Q4d    nase. daēuuō.fradāiti.
Verse: Q4e    apa. druxš. nase.
Verse: Q4d    apa. druxš. duuāra.
Verse: Q4d    apa. druxš. vīnase.
Verse: Q4f    apāxəδre. apa.nasiiehe.
Verse: Q4g       māmərəṇcainīš.2 gaēϑā̊. astuuaitīš. aṣ̌ahe.

Paragraph: 12 
Verse: a    paršta.1 aēṣ̌məm. paršta. nasūm.
Verse: b    2paršta. hąm.raēϑβəm. paršta. paiti.raēϑβəm.2
Verse: c    paršta. xrū.3 paršta. xruuiγni.4
Verse: d    paršta. būiδi. paršta. būiδiža.5
Verse: e    paršta. kuṇdi.6 paršta. kuṇdiža.7
Verse: f    paršta. būš́iiąsta. yā. zairina.8
Verse: g    paršta. būš́iiąsta. yā. darəγō.gauua.
Verse: h    paršta. mūiδi. paršta. kapastiš.9
Verse: i    paršta. pairikąm.
Verse: j       yā. āiti. ātrəm. āpəm. ząm. gąm. uruuarąm.10
Verse: k    paršta. āhitīm.
Verse: l       yā. āiti. ātrəm. āpəm. ząm. gąm. uruuarā̊.11

Paragraph: 13 
Verse: a    paršta. ϑβā. dužda. aŋra. mainiiō.1
Verse: b       haca. nmānat̰. haca. āϑrat̰. haca. apat̰.
Verse: c       haca. zəmat̰. haca. gaot̰.2 haca. uruuaraiiāt̰.
Verse: d       haca. narəm. aṣ̌auuanəm.
Verse: e       haca. nāirikąm. aṣ̌aonīm.
Verse: f       haca. strə̄š.2 haca. mā̊ŋhəm.
Verse: g       haca. huuarə. haca. anaγra. raocā̊.
Verse: h       haca. vīspa. vohu. mazdaδāta. aṣ̌aciϑra.

Paragraph: 14 
Verse: a    aϑa. imą.1 vacō.2 drəṇjaiiōiš.
Verse: b       yōi. aŋhən. vārəϑraγniiōtəməmca.2 baēṣ̌aziiōtəməmca.3
Verse: c          caϑβārō. mazdā. at̰. mōi. frasrāuuaiiōiš:


{= Y. 34,15}
Verse: Q1Aa    1mazdā. at̰. mōi. vahištā.   srauuā̊scā. š́iiaoϑanācā. vaocā.
Verse: Q1Ab    tā. tū. vohū. manaŋhā.   aṣ̌ācā. iṣ̌udəm. stūtō.
Verse: Q1Ac    xṣ̌mākā. xṣ̌aϑrā. ahurā.   fəraṣ̌ə̄m. vasnā. haiϑiiə̄m. dā̊. ahūm.:: (cihār. bār.)

Verse: Q1Ba    mazdā. at̰. mōi. vahištā.   srauuā̊scā. š́iiaoϑanācā. vaocā.
Verse: Q1Bb    tā. tū. vohū. manaŋhā.   aṣ̌ācā. iṣ̌udəm. stūtō.
Verse: Q1Bc    xṣ̌mākā. xṣ̌aϑrā. ahurā.   fəraṣ̌ə̄m. vasnā. haiϑiiə̄m. dā̊. ahūm.::

Verse: Q1Ca    mazdā. at̰. mōi. vahištā.   srauuā̊scā. š́iiaoϑanācā. vaocā.
Verse: Q1Cb    tā. tū. vohū. manaŋhā.   aṣ̌ācā. iṣ̌udəm. stūtō.
Verse: Q1Cc    xṣ̌mākā. xṣ̌aϑrā. ahurā.   fəraṣ̌ə̄m. vasnā. haiϑiiə̄m. dā̊. ahūm.::

Verse: Q1Da    mazdā. at̰. mōi. vahištā.   srauuā̊scā. š́iiaoϑanācā. vaocā.
Verse: Q1Db    tā. tū. vohū. manaŋhā.   aṣ̌ācā. iṣ̌udəm. stūtō.
Verse: Q1Dc    xṣ̌mākā. xṣ̌aϑrā. ahurā.   fəraṣ̌ə̄m. vasnā. haiϑiiə̄m. dā̊. ahūm.::

Paragraph: 15 
Verse: a    pərəne. aēṣ̌məm.1 pərəne. nasūm.
Verse: b    pərəne. hąm.raēϑβəm. pərəne. paiti.raēϑβəm.
Verse: c    1pərəne. xrū. pərəne. xruuiγni.
Verse: d    pərəne. būiδi. pərəne. būiδiža.
Verse: e    pərəne. kuṇdi. pərəne. kuṇdiža.
Verse: f    pərəne. būš́iiąsta. yā. zairina.
Verse: g    pərəne. būš́iiąsta. yā. darəγō.gauua.
Verse: h    pərəne. mūiδi. pərəne. kapastiš.
Verse: i    pərəne. pairikąm.
Verse: j       yā. āiti. ātrəm. āpəm. ząm. gąm. uruuarąm.
Verse: k    pərəne. āhitīm.
Verse: l       yā. āiti. ātrəm. āpəm. ząm. gąm. uruuarā̊.

Paragraph: 16 
Verse: a    pərəne. ϑβā. dužda. aŋra. mainiiō.
Verse: b       haca. nmānat̰. haca. āϑrat̰. haca. apat̰.
Verse: c       haca. zəmat̰. haca. gaot̰. haca. uruuaraiiāt̰.
Verse: d       haca. narəm. aṣ̌auuanəm.
Verse: e       haca. nāirikąm. aṣ̌aonīm.
Verse: f       haca. strə̄š. haca. mā̊ŋhəm.
Verse: g       haca. huuarə. haca. anaγra. raocā̊.
Verse: h       haca. vīspa. vohu. mazdaδāta. aṣ̌aciϑra.

Paragraph: 17 
Verse: a    1aϑa. imą.2 vacō.3 drəṇjaiiōiš.
Verse: b       yōi. aŋhən. vārəϑraγniiōtəməmca.2 baēṣ̌aziiōtəməmca.3
Verse: c          paṇca.4 ahuna. vairiia. frasrāuuaiiōiš:

Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (panž. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ea    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Eb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ec    xšaϑrəmcā. ahurāi.ā.   yim. drigubiiō. dadat̰. vāstārəm.::

{= Y. 46,7}
Verse: Q2a    kə̄m.nā. mazdā.5   mauuaitē. pāiiūm. dadāt̰.
Verse: Q2b    hiiat̰. mā. drəguuā̊.   dīdarəṣ̌atā. aēnaŋhē.
Verse: Q2c    aniiə̄m. ϑβahmāt̰.   āϑrascā. manaŋhascā.
Verse: Q2d    yaiiā̊. š́iiaoϑanāiš.   aṣ̌əm. ϑraoštā. ahurā.
Verse: Q2e    tąm.mōi. dąstuuąm.   daēnaiiāi. frāuuaocā.

{~ Y. 44,16}
Verse: Q3b    kə̄. vərəϑrəm.jā.   ϑβā. pōi. sə̄ṇghā. yōi. həṇtī.
Verse: Q3c    ciϑrā. mōi. dąm.   ahīmbiš. ratūm. cīždī.
Verse: Q3d    at̰. hōi. vohū.   səraoṣ̌ō. jaṇtū. manaŋhā.
Verse: Q3e    mazdā. ahmāi.   yahmāi. vaṣ̌ī. kahmāicīt̰.


{= Vd. 8,21}
Verse: Q4a    pāta. nō. t̰biṣ̌iiaṇtat̰. pairi.
Verse: Q4d       mazdā̊sca. ārmaitišca. spəṇtasca:
Verse: Q4b    nase. daēuuī. druxš.
Verse: Q4c    nase. daēuuō.ciϑre.
Verse: Q4c    nase. daēuuō.frakaršte.
Verse: Q4d    nase. daēuuō.fradāiti.
Verse: Q4e    apa. druxš. nase.
Verse: Q4d    apa. druxš. duuāra.
Verse: Q4d    apa. druxš. vīnase.
Verse: Q4f    apāxəδre. apa.nasiiehe.
Verse: Q4g       māmərəṇcainīš. gaēϑā̊. astuuaitīš. aṣ̌ahe.

Verse: Q5a    aṣ̌əm. vohū. vahištəm. astī::
Verse: Q5b    uštā. astī. uštā. ahmāi.
Verse: Q5c    hiiat̰. aṣ̌āi. vahištāi. aṣ̌əm.


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.