TITUS
Avestan Corpus
Part No. 106
Previous part

Chapter: 12 
Paragraph: 1 
Verse: a    [āat̰. yat̰. pitō. para.iriϑiieiti.
Verse: b       māta. vā. para.iriϑiieiti.
Verse: c    cuuat̰. aēṣ̌ąm. upa.mąnaiiən.1
Verse: d          puϑrō. haca. pitarəm.
Verse: e          duγδa. haca. mātarəm.
Verse: f       cuuat̰. dahmanąm.
Verse: g       cuuat̰. tanu.pərəϑanąm:
Verse: h    āat̰. mraot̰. ahurō. mazdā̊:
Verse: i       ϑrisatəm. dahmanąm.
Verse: j       xṣ̌uuaštīm. tanu.pərəϑanąm.

Paragraph: 2 
Verse: a    dātarə. gaēϑanąm. astuuaitinąm. aṣ̌āum.
Verse: b    kuϑa. nmānəm. yaoždaϑāmi.1
Verse: c       kuϑa. bun.2 yaoždāta:
Verse: d    āat̰. mraot̰. ahurō. mazdā̊:
Verse: e       ϑriš.3 frasnāiti. tanunąm.
Verse: f       ϑriš. frasnāiti. vastranąm.
Verse: g       ϑriš. frasrūiti. gāϑanąm.
Verse: h    imā̊. nō. ātrəm. yazaēta.
Verse: i       barəsma. stərənaēta.4
Verse: j       aiβiiō. vaŋuhibiiō. zaoϑrā̊. baraēta:
Verse: k    yaoždāta. pascaēta. bun.2 nmāna.
Verse: l       vasō. upāiti. apąm.
Verse: m       vasō. upāiti. uruuaranąm.
Verse: n       vasō. upāiti. aməṣ̌anąm. spəṇtanąm.
Verse: o          spitama. zaraϑuštra.

Paragraph: 3 
Verse: a    āat̰. yat̰. puϑrō. para.iriϑiieiti.
Verse: b       duγδa. vā. para.iriϑiieiti.
Verse: c    cuuat̰. aēṣ̌ąm. upa.mąnaiiən.1
Verse: d          pita.2 haca. puϑrəm.
Verse: e          māta. haca. duγδarəm.
Verse: f       cuuat̰. dahmanąm.
Verse: g       cuuat̰. tanu.pərəϑanąm:3
Verse: h    āat̰. mraot̰. ahurō. mazdā̊:
Verse: i       ϑrisatəm. dahmanąm.
Verse: j       xṣ̌uuaštīm. tanu.pərəϑanąm:

Paragraph: 4 
Verse: a    dātarə.4 gaēϑanąm. astuuaitinąm. aṣ̌āum.
Verse: b    kuϑa. nmānəm. yaoždaϑāmi.
Verse: c       kuϑa. bun. yaoždāta:
Verse: d    āat̰. mraot̰. ahurō. mazdā̊:
Verse: e       ϑriš. frasnāiti. tanunąm.
Verse: f       ϑriš. frasnāiti. vastranąm.
Verse: g       ϑriš. frasrūiti. gāϑanąm.
Verse: h    imā̊. nō. ātrəm. yazaēta.
Verse: i       barəsma. stərənaēta.
Verse: j       aiβiiō. vaŋuhibiiō. zaoϑrā̊. baraēta:
Verse: k    yaoždāta. pascaēta. bun. nmāna.
Verse: l       vasō. upāiti. apąm.
Verse: m       vasō. upāiti. uruuaranąm.
Verse: n       vasō. upāiti. aməṣ̌anąm. spəṇtanąm.
Verse: o          spitama. zaraϑuštra.

Paragraph: 5 
Verse: a    āat̰. yat̰. brāta. para.iriϑiieiti.
Verse: b       xvaŋha. vā. para.iriϑiieiti.
Verse: c    cuuat̰. aēṣ̌ąm. upa.mąnaiiən.
Verse: d          brāta. haca. xvaŋharəm.
Verse: e          xvaŋha. haca. brātarəm.1
Verse: f       cuuat̰. dahmanąm.
Verse: g       cuuat̰. tanu.pərəϑanąm:
Verse: h    āat̰. mraot̰. ahurō. mazdā̊:
Verse: i       ϑrisatəm. dahmanąm.
Verse: j       xṣ̌uuaštīm. tanu.pərəϑanąm.:

Paragraph: 6 
Verse: a    dātarə. gaēϑanąm. astuuaitinąm. aṣ̌āum.
Verse: b    kuϑa. nmānəm. yaoždaϑāmi.
Verse: c       kuϑa. bun. yaoždāta:
Verse: d    āat̰. mraot̰. ahurō. mazdā̊:
Verse: e       ϑriš. frasnāiti. tanunąm.
Verse: f       ϑriš. frasnāiti. vastranąm.
Verse: g       ϑriš. frasrūiti. gāϑanąm.
Verse: h    imā̊. nō. ātrəm. yazaēta.
Verse: i       barəsma. stərənaēta.
Verse: j       aiβiiō. vaŋuhibiiō. zaoϑrā̊. baraēta:
Verse: k    yaoždāta. pascaēta. bun. nmāna.
Verse: l       vasō. upāiti. apąm.
Verse: m       vasō. upāiti. uruuaranąm.
Verse: n       vasō. upāiti. aməṣ̌anąm. spəṇtanąm.
Verse: o          spitama. zaraϑuštra.

Paragraph: 7 
Verse: a    āat̰. yat̰. nmānō.paitiš. para.iriϑiieiti.
Verse: b       nmānō.paϑni.1 vā. para.iriϑiieiti.
Verse: c    cuuat̰. aēṣ̌ąm. upa.mąnaiiən.
Verse: d       cuuat̰. dahmanąm.
Verse: e       cuuat̰. tanu.pərəϑanąm:
Verse: f    āat̰. mraot̰. ahurō. mazdā̊:
Verse: g       xṣ̌uuaš. mā̊ŋhō. dahmanąm.
Verse: h       duuadasa. tanu.pərəϑanąm.
Verse: i          kainīnō.2 xvatō. puϑrəm.:

Paragraph: 8 
Verse: a    dātarə. gaēϑanąm. astuuaitinąm. aṣ̌āum.
Verse: b    kuϑa. nmānəm. yaoždaϑāmi.
Verse: c       kuϑa. bun. yaoždāta:
Verse: d    āat̰. mraot̰. ahurō. mazdā̊:
Verse: e       ϑriš. frasnāiti. tanunąm.
Verse: f       ϑriš. frasnāiti. vastranąm.
Verse: g       ϑriš. frasrūiti. gāϑanąm.
Verse: h    imā̊. nō. ātrəm. yazaēta.
Verse: i       barəsma. stərənaēta.
Verse: j       aiβiiō. vaŋuhibiiō. zaoϑrā̊. baraēta:
Verse: k    yaoždāta. pascaēta. bun. nmāna.
Verse: l       vasō. upāiti. apąm.
Verse: m       vasō. upāiti. uruuaranąm.
Verse: n       vasō. upāiti. aməṣ̌anąm. spəṇtanąm.
Verse: o          spitama. zaraϑuštra.

Paragraph: 9 
Verse: a    āat̰. yat̰. niiākō. para.iriϑiieiti.
Verse: b       niiāke. vā. para.iriϑiieiti.
Verse: c    cuuat̰. aēṣ̌ąm. upa.mąnaiiən.
Verse: d          napō. haca. niiākō.
Verse: e          napti.1 haca. niiāke.
Verse: f       cuuat̰. dahmanąm.
Verse: g       cuuat̰. tanu.pərəϑanąm:
Verse: h    āat̰. mraot̰. ahurō. mazdā̊:
Verse: i       paṇcāca. vīsatica. dahmanąm.
Verse: j       paṇcāsatəm.2 tanu.pərəϑanąm.:

Paragraph: 10 
Verse: a    dātarə. gaēϑanąm. astuuaitinąm. aṣ̌āum.
Verse: b    kuϑa. nmānəm. yaoždaϑāmi.
Verse: c       kuϑa. bun. yaoždāta:
Verse: d    āat̰. mraot̰. ahurō. mazdā̊:
Verse: e       ϑriš. frasnāiti. tanunąm.
Verse: f       ϑriš. frasnāiti. vastranąm.
Verse: g       ϑriš. frasrūiti. gāϑanąm.
Verse: h    imā̊. nō. ātrəm. yazaēta.
Verse: i       barəsma. stərənaēta.
Verse: j       aiβiiō. vaŋuhibiiō. zaoϑrā̊. baraēta:
Verse: k    yaoždāta. pascaēta. bun. nmāna.
Verse: l       vasō. upāiti. apąm.
Verse: m       vasō. upāiti. uruuaranąm.
Verse: n       vasō. upāiti. aməṣ̌anąm. spəṇtanąm.
Verse: o          spitama. zaraϑuštra.

Paragraph: 11 
Verse: a    āat̰. yat̰. napō. para.iriϑiieiti.
Verse: b       napti. vā. para.iriϑiieiti.
Verse: c    cuuat̰. aēṣ̌ąm. upa.mąnaiiən.
Verse: d          niiākō. haca. naptō.1
Verse: e          niiāke. haca. napti.2
Verse: f       cuuat̰. dahmanąm.
Verse: g       cuuat̰. tanu.pərəϑanąm:
Verse: h    āat̰. mraot̰. ahurō. mazdā̊:
Verse: i       paṇcāca. vīsatica. dahmanąm.
Verse: j       paṇcāsatəm. tanu.pərəϑanąm.:

Paragraph: 12 
Verse: a    dātarə. gaēϑanąm. astuuaitinąm. aṣ̌āum.
Verse: b    kuϑa. nmānəm. yaoždaϑāmi.
Verse: c       kuϑa. bun. yaoždāta:
Verse: d    āat̰. mraot̰. ahurō. mazdā̊:
Verse: e       ϑriš. frasnāiti. tanunąm.
Verse: f       ϑriš. frasnāiti. vastranąm.
Verse: g       ϑriš. frasrūiti. gāϑanąm.
Verse: h    imā̊. nō. ātrəm. yazaēta.
Verse: i       barəsma. stərənaēta.
Verse: j       aiβiiō. vaŋuhibiiō. zaoϑrā̊. baraēta:
Verse: k    yaoždāta. pascaēta. bun. nmāna.
Verse: l       vasō. upāiti. apąm.
Verse: m       vasō. upāiti. uruuaranąm.
Verse: n       vasō. upāiti. aməṣ̌anąm. spəṇtanąm.
Verse: o          spitama. zaraϑuštra.

Paragraph: 13 
Verse: a    āat̰. yat̰. brātruiiō.1 para.iriϑiieiti.
Verse: b       brātruiie.2 vā. para.iriϑiieiti.
Verse: c    cuuat̰. aēṣ̌ąm. upa.mąnaiiən.
Verse: d       cuuat̰. dahmanąm.
Verse: e       cuuat̰. tanu.pərəϑanąm:
Verse: f    āat̰. mraot̰. ahurō. mazdā̊:
Verse: g       vīsaiti.3 dahmanąm.
Verse: h       caϑβarəsatəm. tanu.pərəϑanam.:

Paragraph: 14 
Verse: a    dātarə. gaēϑanąm. astuuaitinąm. aṣ̌āum.
Verse: b    kuϑa. nmānəm. yaoždaϑāmi.
Verse: c       kuϑa. bun. yaoždāta:
Verse: d    āat̰. mraot̰. ahurō. mazdā̊:
Verse: e       ϑriš. frasnāiti. tanunąm.
Verse: f       ϑriš. frasnāiti. vastranąm.
Verse: g       ϑriš. frasrūiti. gāϑanąm.
Verse: h    imā̊. nō. ātrəm. yazaēta.
Verse: i       barəsma. stərənaēta.
Verse: j       aiβiiō. vaŋuhibiiō. zaoϑrā̊. baraēta:
Verse: k    yaoždāta. pascaēta. bun. nmāna.
Verse: l       vasō. upāiti. apąm.
Verse: m       vasō. upāiti. uruuaranąm.
Verse: n       vasō. upāiti. aməṣ̌anąm. spəṇtanąm.
Verse: o          spitama. zaraϑuštra.

Paragraph: 15 
Verse: a    āat̰. yat̰. tūiriiō. para.iriϑiieiti.
Verse: b       tūiriia.1 vā. para.iriϑiieiti.
Verse: c    cuuat̰. aēṣ̌ąm. upa.mąnaiiən.
Verse: d       cuuat̰. dahmanąm.
Verse: e       cuuat̰. tanu.pərəϑanąm:
Verse: f    āat̰. mraot̰. ahurō. mazdā̊:
Verse: g       paṇca.dasa.2 dahmanąm.
Verse: h       ϑrisatəm.2 tanu.pərəϑanąm.:

Paragraph: 16 
Verse: a    dātarə. gaēϑanąm. astuuaitinąm. aṣ̌āum.
Verse: b    kuϑa. nmānəm. yaoždaϑāmi.
Verse: c       kuϑa. bun. yaoždāta:
Verse: d    āat̰. mraot̰. ahurō. mazdā̊:
Verse: e       ϑriš. frasnāiti. tanunąm.
Verse: f       ϑriš. frasnāiti. vastranąm.
Verse: g       ϑriš. frasrūiti. gāϑanąm.
Verse: h    imā̊. nō. ātrəm. yazaēta.
Verse: i       barəsma. stərənaēta.
Verse: j       aiβiiō. vaŋuhibiiō. zaoϑrā̊. baraēta:
Verse: k    yaoždāta. pascaēta. bun. nmāna.
Verse: l       vasō. upāiti. apąm.
Verse: m       vasō. upāiti. uruuaranąm.
Verse: n       vasō. upāiti. aməṣ̌anąm. spəṇtanąm.
Verse: o          spitama. zaraϑuštra.

Paragraph: 17 
Verse: a    āat̰. yat̰. tūiriiō.1 puϑrō. para.iriϑiieiti.
Verse: b       tūiriia. duγδa. vā. para.iriϑiieiti.
Verse: c    cuuat̰. aēṣ̌ąm. upa.mąnaiiən.
Verse: d       cuuat̰. dahmanąm.
Verse: e       cuuat̰. tanu.pərəϑanam:
Verse: f    āat̰. mraot̰. ahurō. mazdā̊:
Verse: g       dasa. dahmanąm.
Verse: h       vīsaiti. tanu.pərəϑanąm.:

Paragraph: 18 
Verse: a    dātarə. gaēϑanąm. astuuaitinąm. aṣ̌āum.
Verse: b    kuϑa. nmānəm. yaoždaϑāmi.
Verse: c       kuϑa. bun. yaoždāta:
Verse: d    āat̰. mraot̰. ahurō. mazdā̊:
Verse: e       ϑriš. frasnāiti. tanunąm.
Verse: f       ϑriš. frasnāiti. vastranąm.
Verse: g       ϑriš. frasrūiti. gāϑanąm.
Verse: h    imā̊. nō. ātrəm. yazaēta.
Verse: i       barəsma. stərənaēta.
Verse: j       aiβiiō. vaŋuhibiiō. zaoϑrā̊. baraēta:
Verse: k    yaoždāta. pascaēta. bun. nmāna.
Verse: l       vasō. upāiti. apąm.
Verse: m       vasō. upāiti. uruuaranąm.
Verse: n       vasō. upāiti. aməṣ̌anąm. spəṇtanąm.
Verse: o          spitama. zaraϑuštra.

Paragraph: 19 
Verse: a    āat̰. yat̰. tūiriia. puϑrō. vā. puϑrō. para.iriϑiieiti.
Verse: b       tūiriia. duγδairi.1
Verse: c    cuuat̰. aēṣ̌ąm. upa.mąnaiiən.
Verse: d       cuuat̰. dahmanąm.
Verse: e       cuuat̰. tanu.pərəϑanąm:
Verse: f    āat̰. mraot̰. ahurō. mazdā̊:
Verse: g       paṇca. dahmanąm.
Verse: h       dasa. tanu.pərəϑanam.:

Paragraph: 20 
Verse: a    dātarə. gaēϑanąm. astuuaitinąm. aṣ̌āum.
Verse: b    kuϑa. nmānəm. yaoždaϑāmi.
Verse: c       kuϑa. bun. yaoždāta:
Verse: d    āat̰. mraot̰. ahurō. mazdā̊:
Verse: e       ϑriš. frasnāiti. tanunąm.
Verse: f       ϑriš. frasnāiti. vastranąm.
Verse: g       ϑriš. frasrūiti. gāϑanąm.
Verse: h    imā̊. nō. ātrəm. yazaēta.
Verse: i       barəsma. stərənaēta.
Verse: j       aiβiiō. vaŋuhibiiō. zaoϑrā̊. baraēta:
Verse: k    yaoždāta. pascaēta. bun. nmāna.
Verse: l       vasō. upāiti. apąm.
Verse: m       vasō. upāiti. uruuaranąm.
Verse: n       vasō. upāiti. aməṣ̌anąm. spəṇtanąm.
Verse: o          spitama. zaraϑuštra.

Paragraph: 21 
Verse: a    āat̰. yat̰. kąmcit̰. vā. taoxmanąm. para.iriϑiieiti.
Verse: b       yaϑa. ainiiō.varəna.1 ainiiō.t̰kaēṣ̌a.1
Verse: c    cuuat̰. spəṇtahe. mainiiə̄uš. dāmanąm. hąm.raēϑβaiieiti.2
Verse: d       cuuat̰. paiti.raēϑβaiieiti.

Paragraph: 22  {~ Vd. 5,36}
Verse: a    1āat̰. mraot̰. ahurō. mazdā̊:
Verse: b    yaϑa. vazaγacit̰.1 viš.huš́ō.
Verse: c       tarō. yārə. mərətō:
Verse: d    juuō. zī. spitama. zaraϑuštra.
Verse: e       mairiiō. druuā̊. bizaṇgrō.
Verse: f       auuaϑa. aṣ̌əmaoγō. anaṣ̌auua.
Verse: g          spəṇtahe. mainiiə̄uš. dāmanąm. hąm.raēϑβaiieiti.
Verse: h    juuō. paiti.raēϑβaiieiti:

Paragraph: 23  {= Vd. 5,37}
Verse: a    juuō. āpəm. jaiṇti.
Verse: b    juuō. ātrəm. frāuuaiieiti.
Verse: c    juuō. gąm. varatąm. azaite.
Verse: d    juuō. narəm. aṣ̌auuanəm. frazābaoδaŋhəm. snaϑəm. vīkərət̰.uštānəm. jaiṇti.
Verse: e    nōit̰. auuaϑa. mərətō:

Paragraph: 24  {= Vd. 5,38}
Verse: a    juuō. zī. spitama. zaraϑuštra.
Verse: b       mairiiō. druuā̊. bizaṇgrō.
Verse: c       auuaϑa. aṣ̌əmaoγō. anaṣ̌auua.
Verse: d          narəm. aṣ̌auuanəm. haŋhuš.
Verse: e             xvarəϑaheca. vastraheca.
Verse: f             draošca. nimataheca. aiiaŋheca. apa.baraiti.
Verse: g    nōit̰. auuaϑa. mərətō.

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::]


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.