TITUS Texts: Avestan Corpus

TITUS
Avestan Corpus
Part No. 112

Previous part

Chapter: 18
Paragraph: 1
Verse: a    parauuō.1 zī. maš́iiāka.
Verse: b       uiti.2 mraot̰. ahurō. mazdā^̊.
Verse: c          āi. aṣ̌āum. zaraϑuštra.
Verse: d    paiti.dānəm. ainīm.3 baraiti.
Verse: e       anaiβiiāstō. daēnąm.
Verse: f    diβžat̰. haca. āϑrauua. saŋhaite:4
Verse: g    mā. dim. mruiiā^̊. āϑrauuanəm.
Verse: h       uiti. mraot̰. ahurō. mazdā^̊.
Verse: i          āi. aṣ̌āum. zaraϑuštra.

Paragraph: 2
Verse: a    xrafstraγnəm. ainīm. baraiti.
Verse: b       anaiβiiāstō. daēnąm.
Verse: c    diβžat̰. haca. āϑrauua. saŋhaite:1
Verse: d    mā. dim. mruiiā^̊. āϑrauuanəm.
Verse: e       uiti. mraot̰. ahurō. mazdā^̊.
Verse: f          āi. aṣ̌āum. zaraϑuštra.

Paragraph: 3
Verse: a    uruuarąm.1 ainīm. baraiti.
Verse: b       anaiβiiāstō. daēnąm.
Verse: c    diβžat̰.2 haca. āϑrauua. saŋhaite:3
Verse: d    mā. dim. mruiiā^̊. āϑrauuanəm.
Verse: e       uiti. mraot̰. ahurō. mazdā^̊.
Verse: f             āi. aṣ̌āum. zaraϑuštra.

Paragraph: 4
Verse: a    aštrąm. mairīm. kāṣ̌aiieiti.1
Verse: b       anaiβiiāstō. daēnąm.
Verse: c    diβžat̰. haca. āϑrauua. saŋhaite:2
Verse: d    mā. dim. mruiiā^̊. āϑrauuanəm.
Verse: e       uiti. mraot̰. ahurō. mazdā^̊.
Verse: f          āi. aṣ̌āum. zaraϑuštra.

Paragraph: 5
Verse: a    yō. saēte.1 hauruuąm. tarasca. xṣ̌apanəm.
Verse: b       aiiazəmnō. asrāuuaiiō.
Verse: c       amarō. əuuərəziiō.2
Verse: d       asixṣ̌ō. asācaiiō.3
Verse: e          jaiiāi. cinuuat̰.4uštānəm.
Verse: f    diβžat̰. haca. āϑrauua. saŋhaite:
Verse: g    mā. dim. mruiiā^̊. āϑrauuanəm.
Verse: h       uiti. mraot̰. ahurō. mazdā^̊.
Verse: i          āi. aṣ̌āum. zaraϑuštra.

Paragraph: 6
Verse: a    1təm. dim. mruiiā^̊. āϑrauuanəm.
Verse: b       uiti. mraot̰. ahurō. mazdā^̊.
Verse: c          āi. aṣ̌āum. zaraϑuštra.1
Verse: d    yō.2 hauruuąm. tarasca. xṣ̌apanəm.
Verse: e       xratūm. pərəsāt̰.3 aṣ̌auuanəm.
Verse: f       ązō.būjim.4 rauuazdąm.
Verse: g       cinuuat̰.pərətūm. hauuaŋhō.dąm.5
Verse: h       ahu.nāsəm. aṣ̌a.nāsəm. vahišta.nāsəm.6
Verse: i          vahištahe. aŋhə̄uš.

Paragraph: 7
Verse: a    paiti. mąm. ərəzuuō. pərəsaŋuha.1
Verse: b       yim. daδuuā^̊ŋhəm.
Verse: c          spə̄ništəmca. vaēδištəmca.2
Verse: d          paiti.vacištəmca.3 parštəm.
Verse: e    auuaϑa. tē. aŋhat̰. vaŋhō.
Verse: f    auuaϑa. aŋhāi.4 spaniiā^̊.5
Verse: g       yezi. mąm. paiti.pərəsā^̊ŋhe.6

Paragraph: 8
Verse: a    pərəsat̰. zaraϑuštrō. ahurəm. mazdā^̊m:
Verse: b    ahura. mazda.
Verse: c       mainiiō. spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e    kā. asti. iϑiiejā^̊.1 marṣ̌aonō.2

Paragraph: 9
Verse: a    āat̰. mraot̰. ahurō. mazdā^̊:
Verse: b    aγa. daēna. disiiāt̰.
Verse: c          spitama. zaraϑuštra.
Verse: d       yō. ϑrizarəmaēm. ratūm. aiβiiā^̊ŋhąm.1 nōit̰. aiβiiāsti.2
Verse: e          nōit̰. gāϑā^̊. srāuuaiieiti.3
Verse: f          nōit̰. āpō.4 vaŋuhīš.5 yazaiti.6

Paragraph: 10
Verse: a    1yasca. mē. aētəm. narəm.
Verse: b       ązō. auui. auua.gərəptəm.
Verse: c          rauuōhu. paiti. uzbāraiiat̰.2
Verse: d    nōit̰. vaŋhō. ahmāt̰. š́iiaoϑnəm. vərəziieiti.
Verse: e       yaϑa. yat̰. hē. pąstō.fraϑaŋhəm.3 kamərəδəm. kərənuiiāt̰.

Paragraph: 11
Verse: a    aēuuahe. zī. aṣ̌aoγahe.1 aγahe. anaṣ̌aonō. zānu.drājā^̊.2 asti. āfritiš.
Verse: b       duuaiiā^̊.3 hizu.drājā^̊.4
Verse: c       ϑraiiąm. naēδa.ciš.5
Verse: d       caϑβārō. x^vatō. zauuaṇte.6

Paragraph: 12
Verse: a    yō. aēuuahe. aṣ̌aoγahe.1 aγahe. anaṣ̌aonō. haomahe. hutahe. daδāiti.
Verse: b       usəfritinąm.2 vā. miiezdinąm.3
Verse: c    nōit̰. vaŋhō. ahmāt̰. š́iiaoϑnəm. vərəziieiti.
Verse: d       yaϑa. yat̰. hazaŋrō.aspąm.4 haēnąm.5 auuazōit̰.6
Verse: e             māzdaiiasnīš.7 auui.8 vīsō.
Verse: f          janiiāt̰. nərə̄š.9
Verse: g          para.9 gąm. azōit̰. varətąm.

Paragraph: 13
Verse: a    paiti. mąm. ərəzuuō. pərəsaŋuha.
Verse: b       yim.1 daδuuā^̊ŋhəm.
Verse: c          spə̄ništəmca. vaēδištəmca.2
Verse: d          paiti.vacištəmca.3 parštəm.
Verse: e    auuaϑa. tē. aŋhat̰. vaŋhō.4
Verse: f    auuaϑa.5 aŋhāi.6 spaniiā^̊.7
Verse: g       yezi. mąm. paiti.pərəsā^̊ŋhe.8

Paragraph: 14
Verse: a    pərəsat̰. zaraϑuštrō. ahurəm. mazdąm:
Verse: b    ahura. mazda.
Verse: c       mainiiō.1 spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e    kō. asti. sraoṣ̌ahe. aṣ̌iiehe.
Verse: f          taxmahe. tanumąϑrahe.
Verse: g          darṣ̌i.draoš. āhūiriiehe.
Verse: h             sraoṣ̌āuuarəzō.2

Paragraph: 15
Verse: a    āat̰. mraot̰. ahurō. mazdā^̊:
Verse: b    mərəγō.1 yō.2 parō.darš. nąma.
Verse: c          spitama. zaraϑuštra.
Verse: d    yim. maš́iiāka. auui. dužuuacaŋhō. kahrkatās. nąma. aojaite.3
Verse: e    āat̰. hō. mərəγō.4 vācim. baraiti.
Verse: f       upa. uṣ̌ā^̊ŋhəm. yąm. sūrąm:5

Paragraph: 16
Verse: a    usəhištata.1 maš́iiāka.
Verse: b    staota.2 aṣ̌əm. yat̰. vahištəm.
Verse: c    nīsta.3 daēuua.4
Verse: d    aēṣ̌a. vō. duuaraiti.5
Verse: e       būš́iiąsta.6 darəγō.gauua.
Verse: f    hā.7 vīspəm. ahūm. astuuaṇtəm.
Verse: g       hakat̰.8 raocaŋhąm.9 fraγrātō. nix^vabdaiieiti:10
Verse: h    x^vafsa.11 darəγō.12 maš́iiāka.
Verse: i       nōit̰. tē. sacaite.13

Paragraph: 17
Verse: a    mā. ϑraiiąm.1 vahištanąm. aiβiϑiiō.2 buiiata.
Verse: b       humataheca. manaŋhō.
Verse: c       hūxtaheca. vacaŋhō.
Verse: d       huuarštaheca. š́iiaoϑnahe.
Verse: e    ϑraiiąm. acištanąm. aiβiϑiiō.2 buiiata.
Verse: f       dušmataheca. manaŋhō.
Verse: g       dužūxtaheca. vacaŋhō.
Verse: h       dužuuarštaheca. š́iiaoϑnahe.

Paragraph: 18
Verse: a    āat̰. mē. paoiriiāi.1 ϑriṣ̌uuāi.2 xṣ̌afne.
Verse: b       ātarš. ahurahe. mazdā^̊.
Verse: c          nmānahe. nmānō.paitīm. yāsaiti:

Paragraph: 19
Verse: a    auuaiŋ́he.1 nmānahe. nmānō.paite.2 usəhišta.3
Verse: b    aiβi. vastra. yā^̊ŋhaiiaŋuha.4
Verse: c    frā. zasta. snaiiaŋuha.4
Verse: d    ā. aēsmą.5 yāsaŋuha.6
Verse: e    auui. mąm.7 bara.
Verse: f    paiti. mąm.7 raocaiia.
Verse: g       aēsmanąm. yaoždātanąm.
Verse: h       frasnātaēibiia. zastaēibiia.
Verse: i    auua.8 mē. āziš. daēuuō.dātō.
Verse: j       parōit̰. pairiϑnəm. aŋhuuąm.9 auua.dərənąn.10 sadaiieiti.11

Paragraph: 20
Verse: a    āat̰. mē. bitiiāi.1 ϑriṣ̌uuāi. xṣ̌afne.
Verse: b       ātarš. ahurahe. mazdā^̊.
Verse: c          vāstrīm. fṣ̌uiiaṇtəm. yāsaiti:2

Paragraph: 21
Verse: a    auuaiŋ́he.1 fṣ̌uiia. vāstriia. usəhišta.
Verse: b    aiβi. vastra. yā^̊ŋhaiiaŋuha.
Verse: c    2frā. zasta. snaiiaŋuha.
Verse: d    ā. aēsmą.3 yāsaŋuha.2
Verse: e    auui. mąm.4 bara.
Verse: f    paiti. mąm.4 raocaiia.
Verse: g       aēsmanąm. yaoždātanąm.
Verse: h       frasnātaēibiia. zastaēibiia.
Verse: i    auua.5 mē. āziš. daēuuō.dātō.
Verse: j       parōit̰. pairiϑnəm. aŋhuuąm.6 auua.dərənąn.7 sadaiieiti.8

Paragraph: 22
Verse: a    āat̰. mē. ϑritiiāi. ϑriṣ̌uuāi. xṣ̌afne.
Verse: b       ātarš. ahurahe. mazdā^̊.
Verse: c          sraoṣ̌əm. aṣ̌īm. yāsaiti:
Verse: d    auuaiŋ́he.1 āi. sraoṣ̌a. aṣ̌iia.2 huraoδa.
Verse: e    āat̰. mąm.3 kəmcit̰.4 aŋhə̄uš. astuuatō.
Verse: f       aēsmanąm. paiti. baraiti.5 yaoždātanąm.
Verse: g          frasnātaēibiia. zastaēibiia.
Verse: h    auua.6 mē. āziš. daēuuō.dātō. parōit̰.
Verse: i       pairiϑnəm. aŋhuuąm.7 auua.dərənąn.8 sadaiieiti.9

Paragraph: 23
Verse: a    āat̰. hō. sraoṣ̌ō. aṣ̌iiō.
Verse: b       aom. mərəγəm.1 fraγrāraiieiti.2 parō.darš. nąma.
Verse: c          spitama. zaraϑuštra.
Verse: d       yim. maš́iiāka. auui. dužuuacaŋhō. kahrkatās. nąma. aojaite:3
Verse: e    āat̰. hō. mərəγō.4 vācim. baraiti.5
Verse: f       upa. uṣ̌ā^̊ŋhəm. yąm. sūrąm:

Paragraph: 24
Verse: a    usəhištata. maš́iiāka.
Verse: b    staota. aṣ̌əm. yat̰. vahištəm.
Verse: c    nīsta.1 daēuua.2
Verse: d    aēṣ̌a. vō. duuaraiti.3
Verse: e       būš́iiąsta. darəγō.gauua.
Verse: f    hā. vīspəm. ahūm. astuuaṇtəm.
Verse: g       hakat̰. raocaŋhąm.4 fraγrātō. nix^vabdaiieiti:
Verse: h    x^vafsa. darəγō.5 maš́iiāka.
Verse: i       nōit̰. tē. sacaite.6

Paragraph: 25
Verse: a    mā. ϑraiiąm. vahištanąm. aiβiϑiiō. buiiata.
Verse: b       humataheca. manaŋhō.
Verse: c       hūxtaheca. vacaŋhō.
Verse: d       huuarštaheca. š́iiaoϑnahe.
Verse: e    1ϑraiiąm. acištanąm. aiβiϑiiō. buiiata.
Verse: f       dušmataheca. manaŋhō.
Verse: g       dužūxtaheca. vacaŋhō.
Verse: h       dužuuarštaheca. š́iiaoϑnahe.1

Paragraph: 26
Verse: a    āat̰. aoṣ̌ete.1 haxa.2 haša.
Verse: b       ana. barəziš.3 saiiamnanąm:
Verse: c    usəhišta.tū.4
Verse: d    viiāraiieite.5 mąm.
Verse: e    yatārō.6 pauruuō.7 usəhištaiti.8
Verse: f       parāiti.9 vahištahe. aŋhə̄uš.10
Verse: g    yatārō.6 pauruuō.7 āϑre.11 ahurahe. mazdā^̊.
Verse: h       aēsmanąm. paiti.baraiti.12 yaoždātanąm.
Verse: i          frasnātaēibiia. zastaēibiia.
Verse: j    ahmāi.13 ātarš. āfrīnāt̰.
Verse: k       xṣ̌nūtō. aδbištō.14 haγδaŋhum:15

Paragraph: 27
Verse: a    upa. ϑβā. haxṣ̌ōit̰. gə̄uš. vąϑβa.
Verse: b       upa. vīranąm. pouru.tās.
Verse: c    upa. ϑβā. vərəzuuat̰ca. manō.
Verse: d       vərəzuuatica. haxṣ̌ōit̰.
Verse: e    aŋuha.1 uruuāxš.aŋuha.2 gaiia. jiγaēša.
Verse: f       tā^̊. xṣ̌apanō. yā^̊. juuāhi:
Verse: g    imat̰. āϑrō. āfriuuanəm.3
Verse: h       yō.4 ahmāi. aēsməm. baraiti.
Verse: i          hikūš.5 raocas.pairīštəm.6
Verse: j          aṣ̌ahe. bərəja. yaoždātą.7

Paragraph: 28
Verse: a    yasca. mē.1 aēte. mərəγa.2
Verse: b          spitama. zaraϑuštra.
Verse: c       miϑβana.3 strica. nairiiasca.
Verse: d          naire. aṣ̌aone.
Verse: e             aṣ̌aiia. vaŋhuiia. para.daϑat̰.
Verse: f    nmānəm. hō. maniiaēta.4 para.daϑō.5
Verse: g       satō.stūnəm.6 hazaŋrō.frasciṇbanəm.7
Verse: h       baēuuarə.mištəm.8 baēuuarə.vaēδaiianəm.

Paragraph: 29
Verse: a    yasca. mē. aētahe. mərəγahe. yat̰. parō.darṣ̌ahe.1
Verse: b       tanumazō.2 gə̄uš. daϑat̰.
Verse: c    nōit̰. dim. yauua.
Verse: d       azəm. yō. ahurō. mazdā^̊.
Verse: e          bitīm. vācim. paiti.pərəsəmnō.3 buua.4
Verse: f    fraṣ̌a. fraiiāi.5 vahištəm. ā. ahūm. ā.

Paragraph: 30
Verse: a    sraoṣ̌ō. aṣ̌iiō. drujim.1 apərəsat̰.2
Verse: b       apaiiūxtāt̰.3 paiti. vazrāt̰:
Verse: c    druxš. axvāϑre. əuuərəzike.
Verse: d    tūm.4 zī. aēuua.5 vīspahe. aŋhə̄uš. astuuatō.
Verse: e       anaiβiiāstiš.6 hunahi.7

Paragraph: 31
Verse: a    āat̰. hē. hā. paiti.dauuata.
Verse: b       yā. daēuui.1 druxš:
Verse: c    sraoṣ̌a. aṣ̌iia.2 huraoδa.
Verse: d    nauua. azəm.3 vīspahe. aŋhə̄uš. astuuatō.
Verse: e       anaiβiiāstiš. hunāmi.4
Verse: f    həṇti. bāδa.5 māuuaiiacit̰.6
Verse: g       caϑβārō. arṣ̌āna.

Paragraph: 32
Verse: a    tē. mąm. auuaϑa. vərənəṇte.1
Verse: b       yaϑa. aniiā^̊scit̰. arṣ̌ānō.
Verse: c          auui.2 xṣ̌udrā^̊.3 xṣ̌aϑriṣ̌uua.4 hąm.vərənauuaiṇti.5

Paragraph: 33
Verse: a    sraoṣ̌ō. aṣ̌iiō. drujim. apərəsat̰.
Verse: b       apaiiūxtāt̰. paiti. vazrāt̰:
Verse: c    druxš. ax^vāϑre. əuuərəzike.
Verse: d    kō. tē. aētaēṣ̌ąm. arṣ̌nąm. paoiriiō.

Paragraph: 34
Verse: a    āat̰. hē. hā. paiti.dauuata.
Verse: b       yā. daēuui. druxš:
Verse: c    sraoṣ̌a. aṣ̌iia. huraoδa.
Verse: d    hō. bā. mē. aētaēṣ̌ąm. arṣ̌nąm. paoiriiō.
Verse: e       yat̰. nā. kasuuikąmcina.1 yā^̊ŋhuiianąm.2 auuarətanąm.
Verse: f          naire.3 aṣ̌aone.4 jasta.
Verse: g          aṣ̌aiia.5 vaŋhuiia. nōit̰. daδāiti.6

Paragraph: 35
Verse: a    hō. mąm. auuaϑa. vərənūiti.1
Verse: b       yaϑa. aniiā^̊scit̰. arṣ̌ānō.
Verse: c          auui.2 xṣ̌udrā^̊.3 xṣ̌aϑriṣ̌uua.4 hąm.vərənauuaiṇti.5

Paragraph: 36
Verse: a    sraoṣ̌ō. aṣ̌iiō. drujim. apərəsat̰.
Verse: b       apaiiūxtāt̰. paiti. vazrāt̰:
Verse: c    druxš. ax^vāϑre. əuuərəzike.
Verse: d    1ciš. aiŋ́hā^̊.2 asti. uzuuarəzəm.3

Paragraph: 37
Verse: a    āat̰. hē. hā.1 paiti.dauuata.
Verse: b       yā. daēuui. druxš:
Verse: c    sraoṣ̌a. aṣ̌iia. huraoδa.
Verse: d    aom.2 aiŋ́he. asti. uzuuarəzəm.3
Verse: e       yat̰.4 nā. kasuuikąmcit̰.5 yā^̊ŋhuiianąm.6 auuarətanąm.
Verse: f          naire.6 aṣ̌aone. ajasta.
Verse: g          aṣ̌aiia. vaŋhuiia. daδāiti.6

Paragraph: 38
Verse: a    hō. mąm. auuaϑa. vərənąn.1 nijaiṇti.
Verse: b       yaϑa. vəhrkō. caϑβarə.zaṇgrō.2
Verse: c          barəϑriiāt̰.3 haca. puϑrəm. niždarə.dairiiāt̰.

Paragraph: 39
Verse: a    sraoṣ̌ō. aṣ̌iiō. drujim. apərəsat̰.
Verse: b       apaiiūxtāt̰. paiti. vazrāt̰:
Verse: c    druxš. ax^vāϑre. əuuərəzike.
Verse: d    kō. tē. aētaēṣ̌ąm. arṣ̌nąm. bitiiō.

Paragraph: 40
Verse: a    āat̰. hē. hā. paiti.dauuata.
Verse: b       yā. daēuui. druxš:
Verse: c    sraoṣ̌a. aṣ̌iia. huraoδa.
Verse: d    hō. bā. mē. aētaēṣ̌ąm. arṣ̌nąm. bitiiō.
Verse: e    yat̰. nā. pauruua.1 frabda.2 frabdō.drājō. framaēzaiti.3

Paragraph: 41
Verse: a    hō. mąm. auuaϑa. vərənūiti.1
Verse: b       yaϑa. aniiā^̊scit̰. arṣ̌ānō.2
Verse: c          auui. xṣ̌udrā^̊.3 xṣ̌aϑriṣ̌uua.4 hąm.vərənauuaiṇti.5

Paragraph: 42
Verse: a    sraoṣ̌ō. aṣ̌iiō. drujim. apərəsat̰.
Verse: b       apaiiūxtāt̰. paiti. vazrāt̰:
Verse: c    druxš. ax^vāϑre. əuuərəzike.
Verse: d    ciš. aiŋ́he.1 asti. uzuuarəzəm.2

Paragraph: 43
Verse: a    āat̰. hē. hā. paiti.dauuata.
Verse: b       yā. daēuui.1 druxš.
Verse: c    sraoṣ̌a. aṣ̌iia.2 huraoδa.
Verse: d    aom. aiŋ́he.3 asti. uzuuarəzəm.3
Verse: e    yat̰. nā. pasca. yat̰. usəhištāt̰.4 ϑrigāim.5
Verse: f       ϑriš. aṣ̌əm. upa.stuiiāt̰.6
Verse: g       biš. humatanąm.
Verse: h       ϑriš. huxṣ̌aϑrōtəmāi.
Verse: i       caϑβārō. aδāt̰. ahurəm. vairīm. frasrāuuaiiōit̰.
Verse: j          yeŋ́he. hātąm. frāiiazāite.7

Paragraph: 44
Verse: a    hō. mąm. auuaϑa. vərənąn.1 nijaiṇti.
Verse: b       yaϑa. vəhrkō. caϑβarə.zaṇgrō.
Verse: c          barəϑriiāt̰. haca. puϑrəm. niždarə.dairiiāt̰.

Paragraph: 45
Verse: a    sraoṣ̌ō. aṣ̌iiō. drujim. apərəsat̰.
Verse: b       apaiiūxtāt̰. paiti. vazrāt̰:
Verse: c    druxš. ax^vāϑre. əuuərəzike.
Verse: d    kō. tē. aētaēṣ̌ąm.1 arṣ̌nąm. ϑritiiō.

Paragraph: 46
Verse: a    āat̰. hē.1 hā. paiti.dauuata.
Verse: b       yā. daēuui. druxš:
Verse: c    sraoṣ̌a. aṣ̌iia. huraoδa.
Verse: d    hō. bā. mē. aētaēṣ̌ąm. arṣ̌nąm. ϑritiiō.
Verse: e    yat̰. nā. x^vaptō.2 xṣ̌udrā^̊. frāraoδaiieite.3

Paragraph: 47
Verse: a    hō. mąm. auuaϑa. vərənūiti.1
Verse: b       yaϑa. aniiā^̊ascit̰. arṣ̌ānō.
Verse: c          auui. xṣ̌udrā^̊.2 xṣ̌aϑriṣ̌uua. hąm.vərənauuaiṇti.3

Paragraph: 48
Verse: a    sraoṣ̌ō. aṣ̌iiō. drujim. apərəsat̰.
Verse: b       apaiiūxtāt̰. paiti. vazrāt̰:
Verse: c    druxš. ax^vāϑre. əuuərəzike.
Verse: d    ciš.1 aiŋ́he. asti. uzuuarəzəm.

Paragraph: 49
Verse: a    āat̰. hē. hā. paiti.dauuata.
Verse: b       yā. daēuui. druxš:
Verse: c    sraoṣ̌a. aṣ̌iia. huraoδa.
Verse: d    aom. aiŋ́he.1 asti. uzuuarəzəm.
Verse: e    yat̰. nā.
Verse: f       pasca. yat̰.2 x^vafnāδa.3 frabūiδiiamnō.4
Verse: g          ϑriš. aṣ̌əm. upa.stuiiāt̰.
Verse: h          biš. humatanąm.
Verse: i          ϑriš. huxṣ̌aϑrōtəmāi.
Verse: j          caϑβārō. aδāt̰. ahunəm. vairīm. frasrāuuaiiōit̰.5
Verse: k             yeŋ́he. hātąm. frāiiazāite.6

Paragraph: 50
Verse: a    hō. mąm. auuaϑa. vərənąn.1 nijaiṇti.
Verse: b       yaϑa. vəhrkō. caϑβarə.zaṇgrō.
Verse: c          barəϑriiāt̰. haca. puϑrəm. niždarə.dairiiāt̰.

Paragraph: 51
Verse: a    āat̰. aoṣ̌ete.1 spəṇtaiiāi. ārmatə̄e:
Verse: b    spəṇta. ārmaite.2
Verse: c    iməm. tē. narəm. nisrinaomi.3
Verse: d    iməm. mē. narəm. nisrāraiiā^̊.4
Verse: e       5upa. sūrąm. fraṣ̌ō.kərətīm.5
Verse: f          vīduš.gāϑəm. vīduš.yasnəm.
Verse: g          paiti.parštō.srauuaŋhəm.6 mązdrəm.
Verse: h          haδa.hunarəm.7 tanu.mąϑrəm.8

Paragraph: 52
Verse: a    1āat̰. hē. nąma. fradaiϑiiā^̊.2
Verse: b       ātrə.dātəm.3 vā. ātrə.ciϑrəm.4 vā.
Verse: c       ātrə.zaṇtūm. vā. ātrə.dax́iiūm. vā.
Verse: d       kąmcit̰. vā. ātrə.dātahe.4 nąma.

Paragraph: 53
Verse: a    sraoṣ̌ō. aṣ̌iiō. drujim. apərəsat̰.
Verse: b       apaiiūxtāt̰. paiti. vazrāt̰:
Verse: c    druxš. ax^vāϑre. əuuərəzike.
Verse: d    kō. tē. aētaēṣ̌ąm. arṣ̌nąm.1 tūiriiō.

Paragraph: 54
Verse: a    āat̰. hē. hā. paiti.dauuata.
Verse: b       yā. daēuui. druxš:
Verse: c    sraoṣ̌a. aṣ̌iia. huraoδa.
Verse: d    hō. bā. mē. aētaēṣ̌ąm. arṣ̌nąm. tūiriiō.
Verse: e    yat̰. nā. jahika.
Verse: f       pasca. paṇcadasīm. sarəδəm. frapataiti.1
Verse: g          anaiβiiāsta. vā. anabdātō.2 vā.

Paragraph: 55
Verse: a    pasca. tūirīm. gāmō.bərətīm.1
Verse: b       iṣ̌arə. pascaēta. vaēm. yōi.2 daēuua.
Verse: c          hakat̰. vaēm. auua.miuuāmahi.3
Verse: d             hizuuasca. piuuasca:4

Verse: e    [5xṣ̌aiiamna. pascaēta. mərəγəṇte.6
Verse: f       gaēϑā^̊. astuuaitīš.7 aṣ̌ahe.
Verse: g    yaϑa. zaṇda.8 yātuməṇta.9
Verse: h        mərəṇcīta.10 gaēϑā^̊.11 aṣ̌ahe.12]

Paragraph: 56
Verse: a    sraoṣ̌ō. aṣ̌iiō. drujim. apərəsat̰.
Verse: b       apaiiūxtāt̰. paiti. vazrāt̰:
Verse: c    druxš. ax^vāϑre. əuuərəzike.
Verse: d    ciš. aiŋ́he. asti. uzuuarəzəm.

Paragraph: 57
Verse: a    āat̰. hē. hā. paiti.dauuata.
Verse: b       yā. daēuui. druxš:
Verse: c    sraoṣ̌a. aṣ̌iia. huraoδa.
Verse: d    naēciš. aiŋ́he. asti. uzuuarəzəm.

Paragraph: 58
Verse: a    yat̰. nā. jahika.
Verse: b       pasca. paṇcadasīm. sarəδəm. frapataiti.1
Verse: c          anaiβiiāsta. vā. anabdātō.2 vā.

Paragraph: 59
Verse: a    pasca. tūirīm. gāmō.bərətīm.1
Verse: b       iṣ̌arə. pascaēta. vaēm. yōi.2 daēuua.
Verse: c          hakat̰. vaēm. auua.miuuāmahi.3
Verse: d             hizuuasca. piuuasca:4

Verse: e    [5xṣ̌aiiamna. pascaēta. mərəγəṇte.6
Verse: f       gaēϑā^̊. astuuaitīš.7 aṣ̌ahe.
Verse: g    yaϑa. zaṇda.8 yātuməṇta.9
Verse: h       mərəṇcīta.10 gaēϑā^̊.11 aṣ̌ahe.12]

Paragraph: 60
Verse: a    paiti. mąm. ərəzuuō. pərəsaŋuha.
Verse: b       yim. daδuuā^̊ŋhəm.
Verse: c          spə̄ništəmca. vaēδištəmca.
Verse: d          paiti.vacištəmca.1 parštəm.
Verse: e    auuaϑa. tē. aŋhat̰. vaŋhō.2
Verse: f    auuaϑa.3 aŋhāi.4 spaniiā^̊.5
Verse: g       yezi. mąm. paiti.pərəsā^̊ŋhe.6

Paragraph: 61
Verse: a    pərəsat̰. zaraϑuštrō. ahurəm. mazdąm:
Verse: b    ahura. mazda.
Verse: c       mainiiō. spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e    kō. ϑβąm. yim. ahurəm. mazdąm. mazištaiianti.1 inaoiti.2
Verse: f    kō. mazišta. t̰baēṣ̌aŋha.3 t̰baēṣ̌aiieiti.4

Paragraph: 62
Verse: a    āat̰. mraot̰. ahurō. mazdā^̊:
Verse: b    jahi.1 bā. aṣ̌āum. zaraϑuštra.
Verse: c       yō. xṣ̌udrā^̊. hąm.raēϑβaiieiti.2
Verse: d          dahmanąm.3 adahmanąmca.
Verse: e          daēuuaiiasnanąm.3 adaēuuaiiasnanąmca.
Verse: f          tanu.pərəϑanąm.3 atanu.pərəϑanąmca.

Paragraph: 63
Verse: a    ϑriṣ̌um.1 apąm. ϑraotō.stācąm.2 taxmanąm.
Verse: b       pairištaiieiti.3 paiti.dīti.4
Verse: c          zaraϑuštra.
Verse: d    ϑriṣ̌um.1 uruuaranąm. uzuxṣ̌iieṇtinąm.5 srīranąm. zairi.gaonanąm. vaxṣ̌ā^̊.
Verse: e       apaiiasaite.6 paiti.dīti.4
Verse: f          zaraϑuštra.

Paragraph: 64
Verse: a    ϑriṣ̌um.1 spəṇtaiiā^̊. ārmatōiš. varənā^̊.
Verse: b       apaiiasaite.2 paiti.dīti.3
Verse: c          zaraϑuštra.
Verse: d    ϑriṣ̌um.1 narš. aṣ̌aonō.
Verse: e       frāiiō.humatahe. frāiiō.hūxtahe. frāiiō.huuarštahe.
Verse: f          amaheca. vərəϑraγnaheca.4 aṣ̌auuastaheca.
Verse: g             apaiiasaite.5 paiti.pasti.6 zaraϑuštra.

Paragraph: 65
Verse: a    tā^̊sca. tē. mraomi.1
Verse: b          spitama. zaraϑuštra.2
Verse: c       jąϑβō.tara.3
Verse: d          yaϑa. ažaiiō.4 xṣ̌uuaēβā^̊ŋhō.5
Verse: e          yaϑa. vā. vəhrkā^̊ŋhō. srauuaŋhauuō.6
Verse: f          yaϑa. vā.7 vəhrkąm. azrō.daiδīm.8
Verse: g             gaēϑąm.9 auui.10 frapataiti.11
Verse: h          yaϑa. vā.12 vazaγąm. hazaŋrō.hunąm.13
Verse: i             āpəm. auui.10 frapataiti.11

Paragraph: 66
Verse: a    paiti. mąm. ərəzuuō. pərəsaŋuha.
Verse: b       yim. daδuuā^̊ŋhəm.
Verse: c          spə̄ništəmca. vaēδištəmca.
Verse: d          paiti.vacištəmca. parštəm.
Verse: e    auuaϑa. tē. aŋhat̰. vaŋhō.1
Verse: f    auuaϑa. aŋhāi.2 spaniiā^̊.3
Verse: g       yezi. mąm. paiti.pərəsā^̊ŋhe.4

Paragraph: 67
Verse: a    pərəsat̰. zaraϑuštrō. ahurəm. mazdąm:
Verse: b    ahura. mazda.
Verse: c       mainiiō. spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e    yō. nāirikąm.
Verse: f       ciϑrauuaitīm. daxštauuaitīm. vohunauuaitīm.
Verse: g          baoδō. vīδuuā^̊.1 cikiϑβā^̊.2
Verse: h       baoδaŋuhaitīm.3 vīϑuṣ̌īm.4 auui.ciciϑuṣ̌īm.5
Verse: i             xṣ̌udrā^̊. auui. fraŋharəzaiti.6

Paragraph: 68
Verse: a    kat̰. aiŋ́he.1 asti. paititiš.2
Verse: b    kat̰. aiŋ́he.1 asti. āpərətiš.3
Verse: c    kat̰. aētahe. paiti. varšta. š́iiaoϑna. ciciϑβā^̊. azaēta.4

Paragraph: 69
Verse: a    āat̰. mraot̰. ahurō. mazdā^̊:
Verse: b    yō. nāirikąm.
Verse: c       ciϑrauuaitīm. daxštauuaitīm. vohunauuaitīm.
Verse: d          baoδō.1 vīδuuā^̊. cikiϑβā^̊.2
Verse: e       baoδaŋuhaitīm.2 vīϑuṣ̌īm. auui.ciciϑuṣ̌īm.2
Verse: f             xṣ̌udrā^̊. auui. fraŋharəzaiti.

Paragraph: 70
Verse: a    hazaŋrəm. anumaiianąm. frāuuinuiiāt̰.1
Verse: b       vīspanąmca.2 aētaēṣ̌ąm. pasuuąm.
Verse: c          asmaniuuā^̊.3 zaoϑra.4 āϑre. aṣ̌aiia. vaŋhuiia. frabarōit̰.
Verse: d             bāzuua.5 aiβiiō. vaŋuhibiiō. frabarōit̰.

Paragraph: 71
Verse: a    hazaŋrəm. vaziianąm. aēsmanąm. xraožduuanąm.
Verse: b       huṣ̌atąm.1 pairīštanąm.2
Verse: c          āϑre. aṣ̌aiia. vaŋhuiia. frabarōit̰.
Verse: d    hazaŋrəm. vaziianąm. aēsmanąm. varəduuanąm.
Verse: e       uruuāsnaiiā^̊. vā. vohu.gaonahe.3 vā.
Verse: f       vohu.kərətōiš.3 vā. haδānaēpataiiā^̊. vā.
Verse: g       kąmcit̰. vā. hubaoiδitəmanąm. uruuaranąm.
Verse: h          āϑre. aṣ̌aiia. vaŋhuiia. frabarōit̰:

Paragraph: 72
Verse: a    hazaŋrəm. frastərətanąm.1 barəsmaine. frastairiiāt̰.
Verse: b    hazaŋrəm. zaoϑranąm.
Verse: c       haomauuaitinąm. gaomauuaitinąm.
Verse: d       yaoždātanąm.2 pairiaŋharštanąm.3
Verse: e       4dahmō.yaoždātanąm. dahmō.pairiaŋharštanąm.5
Verse: f          hąm.irista. aētaiiā^̊. uruuaraiiā^̊.
Verse: g                yā. vaoce.6 haδānaēpāta.7
Verse: h             aiβiiō. vaŋuhibiiō. aṣ̌aiia. vaŋhuiia. frabarōit̰:

Paragraph: 73
Verse: a    hazaŋrəm. ažinąm.1 udarō.ϑrąsanąm.2 auua.janiiāt̰.
Verse: b       duiie. hazaŋre.3 aniiaēṣ̌ąmcit̰.
Verse: c    hazaŋrəm. vazaγanąm. dāδmainiianąm.4 auua.janiiāt̰.
Verse: d       duiie. hazaŋre.3 upāpanąm.5
Verse: e    hazaŋrəm. maoirinąm. dānō.karṣ̌anąm.6 auua.janiiāt̰.
Verse: f       duiie. hazaŋre.3 aniiaēṣ̌ąmcit̰:

Paragraph: 74
Verse: a    ϑrisatəm. frascimbananąm.1 frasciṇbaiiōit̰.2
Verse: b       tarasca. āpō. nāuuaiiā^̊.
Verse: c    hazaŋrəm. upāzananąm. upāzōit̰. aspahe. aštraiia.
Verse: d       duiie. hazaŋre.3 sraoṣ̌ō.caranaiia.

Paragraph: 75
Verse: a    tat̰. aiŋ́he.1 asti. paititiš.2
Verse: b    tat̰. aiŋ́he.1 asti. āpərətiš.
Verse: c    tat̰. aētahe. paiti.3 varšta. š́iiaoϑna. ciciϑβā^̊. azaēta.4

Paragraph: 76
Verse: a    yezi. azāite.1
Verse: b       təm. ahūm. paiϑiiāite.2
Verse: c          yim. aṣ̌aonąm.3
Verse: d    yezi. nōit̰. azāite.4
Verse: e       təm. ahūm. paiϑiiāite.5
Verse: f          yim. druuatąm.6 təmaŋhaēnąm.
Verse: g          təmasciϑrəm. təmaŋhəm.

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Next part

This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.