TITUS
Avestan Corpus
Part No. 111
Previous part

Chapter: 17 
Paragraph: 1 
Verse: a    pərəsat̰. zaraϑuštrō. ahurəm. mazdąm:
Verse: b    ahura. mazda.
Verse: c       mainiiō. spə̄ništa.
Verse: d       dātarə. gaēϑanąm. astuuaitinąm. aṣ̌āum.
Verse: e    kəm. aojišta. mahrka. maš́iiāka.
Verse: f       daēuuō.1 aoṣ̌ō.2 yazāite.3

Paragraph: 2 
Verse: a    āat̰. mraot̰. ahurō. mazdā̊:
Verse: b    hāu.1 bā. aṣ̌āum. zaraϑuštra.
Verse: c       yō. aētahmi. aŋhuuō. yat̰. astuuaiṇti.2
Verse: d          varəsā̊sca. hąm.rāzaiieiti.3
Verse: e          varəsā̊sca. pairi.brīnəṇti.4
Verse: f          sruuaēca. upa.ϑβərəsəṇti.5
Verse: g             aϑa. dim. upa.taoṣ̌aiieiṇti.6
Verse: h                ūnāhuua.7 dim. raēṣ̌aiiaca.8

Paragraph: 3 
Verse: a    āat̰. āhuua. viiarəϑāhuua.1 zəmō.
Verse: b       daēuua. hąm.bauuaiṇti.2
Verse: c    āat̰. āhuua. viiarəϑāhuua.1 zəmō.
Verse: d       xrafstra. hąm.bauuaiṇti.2
Verse: e          yim. maš́iiāka. spiš.3 nąma. aojaite.4
Verse: f          yim. maš́iiāka. yaom. yauuō.huua.5 nižgaŋhəṇti.6
Verse: g             vastra. vastrāhuua.

Paragraph: 4 
Verse: a    āat̰. yat̰. tūm.1 zaraϑuštra.
Verse: b       aētahmi. aŋhuuō. yat̰. astuuaiṇti.2
Verse: c          varəsā̊sca. hąm.rāzaiiaŋuha.3
Verse: d          varəsā̊sca. pairi.brīnaŋuha.4
Verse: e          sruuaēca. upa.ϑβərəsaŋuha:5
Verse: f    āat̰.6 tūm.7 pascaēta. apa.barōiš.
Verse: g       dasa.gāim. haca. nərəbiiō. aṣ̌auuabiiō.
Verse: h       vīsata.gāim. haca. āϑrat̰.
Verse: i       ϑrisata.gāim. haca. apat̰.
Verse: j       paṇcāsata.gāim.8 haca. barəsmən.9 frastairiiāt̰.

Paragraph: 5 
Verse: a    āat̰. aϑra.1 maγəm.2 auua.kanōiš.
Verse: b       dīštīm.3 xrūždisme.4
Verse: c       vītastīm.5 varədusme.6
Verse: d    paiti. dim. ābarōiš.
Verse: e    aϑa. imą.7 vacō. framruiiā̊.8
Verse: f       vārəϑraγnīš.9 zaraϑuštra:


{= Y. 48,6c}
Verse: Q1a    at̰. ax́iiāi. aṣ̌ā.   mazδā̊.10 uruuanā̊. vaxṣ̌at̰.


Paragraph: 6 
Verse: a    xṣ̌aϑrāi. vairiiāi. pairi.karəm.1 pairi.kāraiiōiš.
Verse: b       tiṣ̌rō.2
Verse: c       yat̰. vā. xṣ̌uuaš.
Verse: d       yat̰. vā. nauua.
Verse: e          ahunəmca. vairīm. frasrāuuaiiōiš.
Verse: f             tiṣ̌rō.3
Verse: g             yat̰. vā. xṣ̌uuaš.
Verse: h             yat̰. vā. nauua.

Paragraph: 7 
Verse: a    sruuābiia.1 maγəm. auua.kanōiš.
Verse: b       ništara.naēmāt̰.2 nmānahe.
Verse: c          auuat̰. aipi.
Verse: d             yaϑa. kasištahe. ərəzuuō. fratəməm. t̰biṣ̌iš:
Verse: e    paiti. dim. ābarōiš.
Verse: f    aϑa. imą.3 vacō. framruiiā̊.
Verse: g       vārəϑraγnīš.5 zaraϑuštra:


{= Y. 33,7b}
Verse: Q1a    6aṣ̌ā. vohū. manaŋhā.   yā. sruiiē. parə̄. magaonō.6:


Paragraph: 8 
Verse: a    xṣ̌aϑrāi. vairiiāi. 1pairi.karəm. pairi.kāraiiōiš.1
Verse: b       tiṣ̌rō.2
Verse: c       yat̰. vā. xṣ̌uuaš.
Verse: d       yat̰. vā. nauua.
Verse: e          ahunəmca. vairīm. frasrāuuaiiōiš.
Verse: f             tiṣ̌rō.3
Verse: g             yat̰. vā. xṣ̌uuaš.
Verse: h             yat̰. vā. nauua.

Paragraph: 9 
Verse: a    paiti. tē. mərəγa.1 aṣ̌ō.zušta.
Verse: b       imā̊. sruuā̊.2 vaēδaiiemi.
Verse: c       imā̊. sruuā̊.2 āuuaēδaiiemi.
Verse: d    imā̊sə. tē.3 sruuā̊.4
Verse: e       mərəγa.5 aṣ̌ō.zušta.6 hiiārə.7
Verse: f          arštaiiasca. karətaiiasca.
Verse: g          ϑanuuarəca.8 iṣ̌auuasca.9 ərəzifiiō.parəna.10
Verse: h          asanasca.11 fradaxṣ̌aniia.12
Verse: i             paiti. daēuuō. māzaniiąn.13

Paragraph: 10 
Verse: a    yezi. nōit̰. paiti.vaēδaiieiṇti.1 tā̊. sruuā̊.2
Verse: b       pascaēta. bun.3 māzainiianąm.4 daēuuanąm.
Verse: c          arštaiiasca. karətaiiasca.5
Verse: d          ϑanuuarəca. iṣ̌auuasca.6 ərəzifiiō.parəna.7
Verse: e          asanasca.8 fradaxṣ̌aniia.9
Verse: f             paiti. daēuuō. māzaniiąn.

Paragraph: 11 
Verse: a    1vīspe. druuaṇtō. tanu.drujō.
Verse: b       yō.2 adərətō.t̰kaēṣ̌ō.
Verse: c    vīspe. adərətō.t̰kaēṣ̌ō.
Verse: d       yō. asraoṣ̌ō.
Verse: e    vīspe. asraoṣ̌ō.
Verse: f       yō. anaṣ̌auuanō.
Verse: g    vīspe. anaṣ̌auuanō.3
Verse: h       yō. tanu.pərəϑō.4

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.